Икона «Споручница грешных» Корецкая находится в Корецком Свято — Троицком ставропигиальном женском монастыре Ровенской области Украины и является родовой святыней князей Корецких, передавших ее в обитель в 1622 году.
История образа: Чудотворная икона «Споручница грешных» Корецкая имеет древнее происхождение. Находилась она в замке корецких князей, по фамилии которых и стала именоваться. В княжеской семье икону называли «благодатной», за помощь и благодеяния, которые от нее исходили.
После того, как погиб последний из православных князей этого рода Самуил, взятый в плен турками и убитый в Стамбуле, брат его Иоанн предложил своей сестре забрать святую икону. Сестра эта, игумения Серафима в Свято — Воскресенском Корецком девичьем монастыре, перенесла чудотворную икону из княжеской молельни в обитель.
Святой образ был перенесен торжественно в 1622 году в четверг по Святой Пятидесятнице. Вместе с ним была перенесена и другая родовая святыня князей Корецких — плащаница Божией Матери. С той поры в этот день совершается празднование иконы Божией Матери «Споручница грешных» Корецкой.
С 1752 года по 1795 судьба Корецкой иконы была тесно связана с историей Корецкого монастыря, который оказался под властью униатов. По некоторым сведениям образ в этот период несколько раз перевозили, пока икона «Споручница грешных» Корецкая не оказалась у католиков, которые также почитали ее чудотворной.
В 1795 году, по указу императрицы Екатерины II, часть монастыря была передана православным монахиням. Икона «Споручница грешных» Корецкая была возвращена православному монастырю. 19 августа 1797 года в обители случился пожар, часть построек было уничтожено, но чудотворную икону удалось спасти.
После восстановления обители икона «Споручница грешных» Корецкая была помещена на горнем месте в новой Успенской церкви, перестроенной из бывшей трапезной. Предположительно в это время для иконы был изготовлен серебряный золоченый оклад с эмалями.
После перестройки и ремонта в 1880 году состоялось освящение обители в честь Святой Троицы. Сюда переселились монахини Воскресенского монастыря, образовался Корецкий Свято — Троицкий ставропигиальный женский монастырь, главной святыней которого является чудотворная икона «Споручница грешных» Корецкая.
12 августа 1880 года чудотворная икона «Споручница грешных» Корецкая была перенесена в монастырский Троицкий собор и помещена в деревянный резной киот у левой передней колонны.
17 августа 1998 года настоятельница Корецкого Свято-Троицкого монастыря игумения Наталия (Ильчук) подала прошение Патриарху Московскому и Всея Руси Алексию II о внесении Корецкой иконы Божией Матери в список чудотворных Богородичных икон Патриаршего церковного календаря.
По благословению Патриарха празднование Корецкой иконы было утверждено. В ноябре 2001 года икону пытались похитить, но злоумышленникам удалось вынести лишь ее драгоценный оклад. На народные пожертвования была изготовлена новая риза, представляющая собой копию утраченной.
Чудотворения: Много исцелений было получено верующими по молитвам перед чудотворным образом. В 1923 году получил исцеление мужчина, одержимый нечистым духом. Произошло это в праздник Святой Троицы.
Молодого мужчину привезли в припадке беснования, он бился, выкрикивал ругательства. Священник Варсонофий отслужил над болящим молитвенное служение от беснования у чудотворной иконы «Споручница грешных».
Мужчина потерял сознание и упал без чувств. Тут же буквально среди ясного неба раздался оглушительный раскат грома. Происходило это в присутствии большого количества людей в храме. Мужчина очнулся совершенно здоровым.
В 1924 году на Волыни случились непрестанные ливни с праздника Вознесения Господнего до четверга по Пятидесятнице. У чудотворного образа был совершен молебен, а затем крестным ходом образ обнесли три раза вокруг храма, дождь почти сразу же прекратился.
Иконография: Иконография иконы Божией Матери «Споручница грешных» — Одигитрия. Это поясное изображение Пресвятой Богородицы с Богомладенцем на левой руке, который обеими руками держит Ее правую руку.
Споручница — значит Поручительница за нас перед Богом. Пресвятая Богородица молится за нас всех, хороших и плохих, добрых и злых, грешников и праведников, всех прощая, всех принимая с одинаковой любовью.
Надпись на иконе «Аз сопоручница грешных к Моему Сыну: Сей дал Мне за них руце слышати Мя выну; да тии, иже радость выну Мне приносят, радоватися вечне через Меня испросят» и послужила названием самого образа.
Икона «Споручница грешных» Корецкая написана на деревянной доске размером 102 х 76 сантиметров. В отличие от иконы Божией Матери «Споручница грешных» из Одрина Никольского монастыря на Корецкой иконе Богоматерь и Богомладенец склонились друг к другу, прильнув щеками.
Молитвенная традиция: Перед иконой молятся во всех тяжких обстояниях, болезнях, при греховных помыслах, об исцелении от беснования, когда очень тяжело на душе, о даровании покаяния, в унынии, отчаянии и душевной скорби.
Празднование: 7 / 20 марта , 29 мая / 11 июня и в четверг по Троице.
АКАФИСТ ПРЕСВЯТОЙ БОГОРОДИЦЕ ПРЕД ИКОНОЙ ЕЯ «СПОРУЧНИЦА ГРЕШНЫХ»
Умолкает ныне всякое уныние и страх отчаяния исчезает, грешницы в скорби сердца обретают утешение, и небесною любовию озаряются светло: днесь бо Матерь Божия простирает нам спасающую руку и от пречистаго образа Своего вещает, глаголя: Аз Споручница грешных к Моему Сыну, Сей дал Мне за них руце слышати Мя выну. Темже, людие, обремененнии грехи многими, припадите подножию Ея иконы, со слезами вопиюще: Заступнице мира, грешным Споручнице, умоли матерними молитвами Избавителя всех, да Божественным всепрощением покрыет грехи наша и светлыя двери райския отверзет нам, Ты бо еси предстательство и спасение рода христианскаго.
Кондак, глас 1
Честное жилище бывшее неизреченнаго естества Божественнаго выше слова и паче ума и грешным еси Споручница, подаваеши благодать и исцеление, яко Мати всех Царствующаго; моли Сына Твоего получити нам милость в День судный.
Кондак 1
Избранней от Всевышняго, грешных Споручнице, преклоняющей на милосердие Сына Своего, да спасет иже созда рукою Своею, благодарственное пение приносим Ти, Мати Дево и Владычице, о явлении дивныя Твоея и чудотворныя иконы. Ты же, яко предстательство ко Господу имущи, потщися от обстояний многообразных избавити ны и вечное спасение нам соделати, да, воспевающе, вопием Ти: Радуйся, грешным Споручнице, всегда о нас руце Свои в поручение Богу приносящая.
Икос 1
Ангелов лики благоговейно Тебе служат и святии вси немолчными гласы Тя ублажают, Богородице Дево, яко рождшую Ангелов Царя, Христа Бога нашего. Мы же, грешнии, подражати им дерзающе и благохвалити Тя недоумеюще, смиренномудренно архангельский глас вопием Ти, Чистая:
Радуйся, Благодатная, Господь с Тобою.
Радуйся, Преблагословенная в женах, Дево Всенепорочная.
Радуйся, Дщи Отца Небеснаго.
Радуйся, Мати Сына Превечнаго.
Радуйся, Духа Святаго селение.
Радуйся, Ангелов и человек непрестанное удивление.
Радуйся, честнейшая Херувим.
Радуйся, славнейшая без сравнения Серафим.
Радуйся, грешным Споручнице, всегда о нас руце Свои в поручение Богу приносящая.
Кондак 2
Видящи Премилосердная Матерь Божия земное скорбное житие наше, немощи и болезни, благоизволи дати нам в благословение и утешение, в радость и спасение и от всяких бед и напастей ограждение икону Свою святую, Споручницею грешным в ней нарекшися, да радостная пред сею иконою Ей приносяще, радостно всегда поют Богу: Аллилуиа.
Икос 2
Разум небесный открывающи, Богородице Дево, благоизволила еси многими чудесы прославити икону Твою святую, «Споручница грешных» именуемую, да вси, ведуще таковое Твое о ней благоволение, песненно Тебе зовут:
Радуйся, Милосердная всех нас о Христе Мати.
Радуйся, неистощимая сокровищнице Божественныя благодати.
Радуйся, Тобою бо нисходит к нам Божие благоволение.
Радуйся, Тобою бо имамы вящее к Богу дерзновение.
Радуйся, молитвы всех христиан приемлющая.
Радуйся, и самых отчаянных грешников моления не отвергающая.
Радуйся, яко предстательством Твоим спастися уповаем.
Радуйся, яко молитвами Твоими Царство Небесное получити чаем.
Радуйся, грешным Споручнице, всегда о нас руце Свои в поручение Богу приносящая.
Кондак 3
Сила благодатная осеняет всех, Преблагословенная Матерь Божия, с верою к Тебе, яко Споручнице грешных, притекающих и святей иконе Твоей покланяюшихся: единей бо токмо Тебе дадеся дар всякое благое прошение скоро исполняти и грешных миловати и спасати, и едина токмо Ты можеши воистину всем помощи, елика хощеши, Богу поющим: Аллилуиа.
Икос 3
Имея матернее о всех всеблагое промышление, Ты, Всеблагая Мати Божия, и самых отчаянных грешников ко спасению призываеши, глаголющи: «Аз есмь Споручница грешных к Сыну Моему и Богу, Иже и обеща Мне слышати Мя всегда, да радостная Мне приносящии вечно радоватися будут чрез Мене». Сего ради мы, грешнии, Тебе, яко Споручнице нашей, радостно зовем:
Радуйся, Заступнице усердная, от Бога нам дарованная.
Радуйся, к Небесному отечеству Путеводительнице наша Благодатная.
Радуйся, от рова погибели исхищающая.
Радуйся, безпомощных на Свои всемощныя руце приемлющая.
Радуйся, непрестанное уныние отгоняющая.
Радуйся, падших ко благодати возставляющая.
Радуйся, слово премудрости просящим дарующая.
Радуйся, и неразумных разумными соделывающая.
Радуйся, грешным Споручнице, всегда о нас руце Свои в поручение Богу приносящая.
Кондак 4
Бурею сомнений искушаемая некая жена не хотяше веровати чудесем, от иконы Твоея Споручницы бываемым, но, внезапну язвою смертоносною пораженная, позна силу Твою всемощную, Владычице, и чудотворныя иконы Твоея благодать, и, раскаявшися, слезно моляше Тя о прощении неверствия ея, милосердием же Твоим исцеленная, благодарственно Богу о Тебе всегда вопияше: Аллилуиа.
Икос 4
Слышит Господь Твоя о нас на небеси ходатайства, Царице Небесная, и исполняет Твоя прошения; мы же, грешнии, яко Всеблагую Скоропослушницу и Споручницу нашу, просим и молим Тя: Владычице, скоро услыши моления наша, и вся наша печали на радость преложи, и прошения всех зде молящихся скоро исполни, да радостно всегда поем Ти:
Радуйся, приносящая к Сыну Твоему и Богу моления верных.
Радуйся, и Сама у Престола Сына Твоего всегда о нас молящаяся.
Радуйся, Споручнице грешных.
Радуйся, Взыскание погибших.
Радуйся, нечаянную радость верным дарующая.
Радуйся, и наша прошения скоро исполняющая.
Радуйся, Милостивая, всегда нас милующая.
Радуйся, житие наше доброе устрояющая.
Радуйся, грешным Споручнице, всегда о нас руце Свои в поручение Богу приносящая.
Кондак 5
Яко лучезарную звезду, весь мир озаряющую, подавала еси нам, Владычице Мира, честную Твою икону, «Споручницею грешных» именуемую, на нюже взирающе, Самой Тебе, истинней Божией Матери и Деве, покланяемся, глаголюще: Владычице, приими молитвы раб Твоих и избави ны от всякия нужды и печали, восхваляющих Тя и Богу воспевающих: Аллилуиа.
Икос 5
Некий благоговейный муж страхом велиим преисполнися, егда в нощь Светлаго Христова Воскресения виде икону Твою, Споручнице Всеблагая, светом Небесным блистающуюся, и, яко дождевныя капли, миро источающую, и молниевидныя искры испущающую, и, познав в сем знамении милости Твоея к людем, со слезами умиления и благодарения радостно воспе Тебе, Преблагословенней Матери Божией:
Радуйся, огнь Божественный неопально державшая, имже грехи наша попаляются.
Радуйся, Свет неприкосновенный носившая, имже души наша просвещаются.
Радуйся, руце Свои в поручение о нас Богу приносящая.
Радуйся, вход в Царство Небесное и нам, грешным, отверзающая.
Радуйся, яко молния тьму грехов наших разсекающая.
Радуйся, яко миро благовонное сердца наша умягчающая.
Радуйся, источники чудес всюду источающая.
Радуйся, иконою Твоею вся люди возвеселяющая.
Радуйся, грешным Споручнице, всегда о нас руце Свои в поручение Богу приносящая.
Кондак 6
Весь мир христианский проповедует милости и чудеса Твоя, Препрославленная Мати Господа, и светло красуется многими чудотворными Твоими иконами, среди коих икона Твоя, «Споручница грешных» именуемая, яко луна полная, лучами милости Твоея и чудес немерцаемо сияет, просвещающи и освещающи души наша светом Божия благодати, подвизающи нас хвалебно Богу взывати: Аллилуиа.
Икос 6
Возсия в одну из нощей свет небесный в храме Николо-Хамовническом, егда прият образ Твой чудотворный, Споручнице грешным, светильники тогда и лампады невидимою силою в храме сем возжигахуся, свеща горящая, аки в служении, незримо кем окрест престола ношашеся. Людие же, вне храма стоявшии и сия вся видевше, дивляхуся, славяще Тя, Мати Божия, и Сына Твоего; мы же, воспоминающе дивное сие видение, с умилением Тебе глаголем:
Радуйся, скорби наша в радость претворяющая.
Радуйся, ненадеющихся несомненною надеждою возвеселяющая.
Радуйся, свеще, у Престола Божия присногорящая.
Радуйся, лампадо, елеем Божественным светящая.
Радуйся, свете лучезарный, пути жизни нам показующий.
Радуйся, храме одушевленный, всех нас освящающий.
Радуйся, уповающим на Тя непостыдную жизнь дарующая.
Радуйся, и по смерти неотступно о них пред Богом ходатайствующая.
Радуйся, грешным Споручнице, всегда о нас руце Свои в поручение Богу приносящая.
Кондак 7
Хотя Долготерпеливый Господь явити бездну Своего человеколюбия и щедрот, избра Тебе, Пресвятая Дево, в Матерь Себе и яви Тя неисчерпаемым источником милостей Своих, да аще кто праведным судом Божиим осуждения достоин, Твоим ходатайством, яко грешным Споручницы, сохранен будет, велегласно зовый: Аллилуиа.
Икос 7
Дивная дела Твоя показал еси нам, Господи, в Пречистей Твоей Матери и дивну даровал еси нам Ея икону, паче лучей солнечных просвещающую люди, яко Самую зрящих Богородицу и верою сердечною, от души любовию, яко Божией Матери и Деве, Ей вопиющих:
Радуйся, купель, в нейже вся скорби наша погружаются.
Радуйся, чаше, еюже радость и спасение вси восприемлем.
Радуйся, Живоносный Источниче, всех нас оживотворяющий.
Радуйся, Цвете Неувядаемый, всех нас облагоухающий.
Радуйся, скорбей наших услаждение.
Радуйся, печалей наших утоление.
Радуйся, болезней наших врачевание.
Радуйся, от бед скорое наше избавление.
Радуйся, грешным Споручнице, всегда о нас руце Свои в поручение Богу приносящая.
Кондак 8
Странники и пришельцы есмы на земли и, по глаголу Апостола, не имамы зде пребывающаго града. Но к кому прибегнем, Владычице, в скорбех жития нашего, аще не к Тебе, Всеблагая Споручнице о нас грешных! Не отвержи нас, Мати Божия, и не рцы нам: «Не вем вас грехов ради ваших», но помилуй нас, сирых и безпомощных, и приими нас в вечныя кровы, Покровительнице наша, да радостно вопием во славе небесней Царю славы Христу: Аллилуиа.
Икос 8
Всем верным утешительно есть взирати на святую икону Твою, Владычице, Споручнице грешным, на нейже зрим Тя, на руку Твоею держащую Превечнаго Младенца, Господа нашего Иисуса Христа, Емуже покланяющеся боголепно, яко Творцу и Богу нашему, Тебе, истинней Богородице, умильно глаголем: Владычице, помози, на ны милосердовавши, потщися, погибаем от множества прегрешений, не отврати Твоя рабы тщи, Тебе вопиющия:
Радуйся, Целительнице наша в болезнех телесных.
Радуйся, Утешительнице в печалех наших душевных.
Радуйся, алчущих Питательнице.
Радуйся, нагих одеяние.
Радуйся, вдов Защитительнице.
Радуйся, сирот Покровительнице.
Радуйся, гонимых и обидимых Заступнице.
Радуйся, страждущих и плененных скорая Освободительнице.
Радуйся, грешным Споручнице, всегда о нас руце Свои в поручение Богу приносящая.
Кондак 9
Все естество ангельское похвальныя песнопения приносит Тебе, Божией Матери и Споручнице всех припадающих Тебе и просящих Твоея помощи и Твоего утешения, яко твердым и крепким Твоим предстательством праведных веселиши, грешных заступаеши и от бед избавляеши, и печали утоляеши, и молишися о всех верою зовущих о Тебе Богу: Аллилуиа.
Икос 9
Витийствующий всяк язык недоумеет благохвалити Тя по достоянию, изумевает же ум и премирный пети Тя, Богородице; обаче, Благая сущи, веру приими, ибо любовь веси Божественную нашу: Ты бо христиан еси Предстательница, Тебе зовущих:
Радуйся, сиянием Пречистыя души Твоея всю землю просветившая.
Радуйся, чистотою телесе Твоего вся небеса возвеселившая.
Радуйся, всех нас при Кресте Сына Твоего усыновившая.
Радуйся, всегда матернюю любовь Твою к нам являющая.
Радуйся, всех даров духовных и телесных всемощная Подательнице.
Радуйся, благ временных и вечных усердная нам Ходатаице.
Радуйся, двери Царствия Христова верным отверзающая.
Радуйся, и на земли радостию и веселием сердца наша исполняющая.
Радуйся, грешным Споручнице, всегда о нас руце Свои в поручение Богу приносящая.
Кондак 10
Спасти хотя род человеческий от вечныя муки и непрестающия скорби, Человеколюбец Господь Тебе, Матерь Свою, дарова земным на помощь, глаголя: «Сынове человечестии, се Мати Моя покровом и прибежищем вам да будет: печальным — утешением, скорбящим — радованием, обидимым — Заступницею, бедствующим — помощию, больным — Целительницею, грешным — Споручницею, да всех из глубины греховныя воздвигнет, вопиющих: Аллилуиа.
Икос 10
«Царю Небесный, Сыне и Боже Мой, — тако молит за нас всегда Небесная Царица, — приими всякаго человека, славящего Тя и призывающаго имя Твое Святое, и прославляющих Мя имени Твоего ради, и не отрини их от лица Твоего, но благоволи в них и приими от них всякое благое моление и всех от бед избави». Мы же, грешнии, надеющиися на Твоя матерния молитвы, зовем Ти:
Радуйся, яко Ты еси Молитвенница наша к Богу теплая.
Радуйся, яко Твоя молитва всегда пред Богом многомощна.
Радуйся, Твоими молитвами и наша убогия моления богоприятными соделывающая.
Радуйся, и наше недостоинство Твоим предстательством восполняющая.
Радуйся, кающихся грешников непостыдная Споручнице.
Радуйся, всех христиан православных Заступнице.
Радуйся, вся наша болезни исцеляющая.
Радуйся, облак страстей и искушений разгоняющая.
Радуйся, грешным Споручнице, всегда о нас руце Свои в поручение Богу приносящая.
Кондак 11
Пение всеумиленное приими от нас, Небесная Споручнице наша, и молитву, приносимую Тебе, Дево Богородице, скоро услыши: к Тебе бо в напастех, скорбех и печалех прибегаем и пред Тобою в бедах наших слезы проливаем и молим: Владычице, утоли печали и приими молитвы раб Твоих, о Тебе поющих: Аллилуиа.
Икос 11
Светлыми лучами знамений и чудес немерцаемо сияет святая икона Твоя, Богородице Дево, и всех благодатно озаряет с верою пред нею Тебе молящихся, прогоняющи всякое вражие действо силою Божиею, от нея исходящею. Темже радуемся мы, грешнии, имуще таковую чудную икону Твою (в храме своем), яко залог Твоего к нам (и храму нашему) благоволения, и Тебе, Споручнице нашей и Скоропослушнице молений наших, благодарственно взываем:
Радуйся, радость благодатную нам изливающая.
Радуйся, утешение духовное скоро нам подающая.
Радуйся, желания богоугодныя исполняющая.
Радуйся, во всяких скорбных обстояниях на помощь нам поспешающая.
Радуйся, в вере и благочестии живущих зело любящая.
Радуйся, сердца их любовию к Богу и людям воспламеняющая.
Радуйся, в час недоумения мысль благу на сердце полагающая.
Радуйся, во всем упование на Бога имети нас научающая.
Радуйся, грешным Споручнице, всегда о нас руце Свои в поручение Богу приносящая.
Кондак 12
Благодать Божия, присущая святей Твоей иконе, «Споручницею грешных» именуемой, Богомати Владычице, влечет к ней всех скорбящих и грехми многими и напастьми обремененных, и не тщи отходят они от сего источника многообразных Твоих милостей и щедрот, но в скорбех — отраду, в напастех — защиту, в болезнях — цельбу и вся для души и телес благопотребная неоскудно получают от чудотворнаго образа Твоего, Всеблагая, аще по Бозе все упование на Тя возлагают, поюще: Аллилуиа.
Икос 12
Поюще неизреченное Твое матернее, к нам грешным, милосердие, хвалим Тя, яко всемощную Споручницу нашу, благословим Тя, яко Всеблагую Скоропослушницу молений наших, и со умилением покланяемся Тебе в честней Твоей иконе, веруем бо и уповаем, яко и ныне испросиши нам у Сына Твоего и Бога, да в жизни сей и по смерти нашей милосердие Его неотступно будет о всех с любовию поющих Ти:
Радуйся, Твоими молитвами весь мир спасающая.
Радуйся, Твоими ходатайствы всю вселенную заступающая.
Радуйся, яко всем с верою притекающим скоро помогающая.
Радуйся, и Небеснаго Царствия им испрошающая.
Радуйся, яко на икону Твою взирающе, Самой Тебе, истинней Богородице, покланяемся.
Радуйся, Твоим предстательством вся благая желания наша скоро исполняющая.
Радуйся, и в час смертный верных Своих не оставляющая.
Радуйся, и по смерти о вечно блаженнем их упокоении ходатайствующая.
Радуйся, грешным Споручнице, всегда о нас руце Свои в поручение Богу приносящая.
Кондак 13
О Всепетая Мати, Всеблагая Споручнице спасения грешных, Богородице Дево! Приими милостиво и нынешнее наше моление, еже от усердия нашего во благодарение Ти принесохом, и испроси нам у Всещедраго Бога в вере православней непоколебимость, в любви христианской преуспеяние и грехов наших прощение, да предстательством Твоим унаследим Царствие Небесное и сподобимся со всеми святыми пети Богу: Аллилуиа.
(Этот кондак читается трижды, затем икос 1 и кондак 1)
Молитва
Царице моя Преблагая, Надеждо моя Пресвятая, Споручнице грешных! Се, бедный грешник предстоит Тебе! Не остави мене, всеми оставленнаго, не забуди мене, всеми забытаго, даждь ми радость, неведущему радования. О, тяжки мои беды и скорби! О, безмерны мои грехопадения! Яко тьма нощная житие мое. И несть в сынех человеческих ни единаго сильнаго ми помощи. Ты единая моя Надежда. Ты единый мой покров, прибежище и утверждение. Дерзновенно простираю к Тебе немощныя мои руце и молю: умилосердися о мне, Всеблагая, пощади, пощади искупленнаго Кровию Сына Твоего, утоли болезни многовоздыхающия души моея, укроти ярость ненавидящих и обидящих мя, возстави силы моя увядающия, обнови, яко у орляте, юность мою, не попусти ослабнути в делании заповедей Божиих. Огнем небесным коснися смущенныя души моея и исполни ю веры непостыдныя, любве нелицемерныя и надежды известныя. Да всегда пою и славлю Тебе, Преблагословенную мира Заступницу, Покров наш и Споручницу всех нас, грешных, и покланяюся Сыну Твоему и Спасу нашему, Господу Иисусу Христу, со Безначальным Его Отцем и Жизнеподательным Духом Святым во веки веков. Аминь.
