Леснинская икона Божией Матери

Леснинская икона Божией Матери

Леснинская  икона   Божией  Матери  (Леснянская)   явилась  в  1683  году пастухам  села  Лесна.  Село   расположено  за  рекой  Буг  (современная  Польша ).  Произошло это  событие   в  праздник  Воздвижения  Честного  и  Животворящего    Креста  Господня.  О  нем  повествуется  в  исторических  документах  и  хрониках  того  времени.

История  образа:  Некий  Александр  Стельмашук  отыскивал  заблудившихся  коров  в  чаще  леса  и  увидел  в  ветвях  грушевого  дерева  образ  Божией  Матери,  излучавший  яркий  свет.  Тема  обретения  чудотворной  иконы  на  грушевом  дереве  на  территории  современной  Белорусии  встречается  неоднократно.

Подобная  история  произошла  в  конце  XV  века  с  Жировицкой  иконой  Божией  Матери,  потом  в  середине  XVIII  века  с  Васьковской  иконой.  Причем  сходство  обстоятельств  обретения  образа  усиливается  тем,  что  обе  эти  иконы,  Жировицкая  и  Леснинская  икона  Божией  Матери,  вырезаны  на  камне,  а  это  достаточно  редкое  изображение  Пресвятой  Богородицы.

Леснинская  икона Божией  Матери, прозванная  так  по  месту  явления, была  перенесена  в  ближайшую  православную  церковь  деревни  Буковичей,  недалеко  от  села  Лесны.  Слава  о  чудесно  обретенной  иконе  разнеслась  по  всей  окрестности.

Католическое  духовенство  отобрало  икону   у  жителей  Буковичей.  Леснинская  икона Божией  Матери  была  выставлена  в  костеле  монастыря,  основанного  в  начале  XVIII  века  монахами  католического  ордена.

В  1863  году  монахи  ордена  приняли  участие  в  польском  восстании.  Монастырь  был  закрыт  и  обращен  в  православный  приход.  В  1886  году  здесь  была  учреждена  женская  монашеская  община.  Чудотворная  Леснинская  икона  Божией  Матери  была  помещена  в  алтарь  на  Горнее  место.

Леснинская икона

От  Леснинского  образа  совершалось  много  чудотворений.  Каждый  год  14  сентября,  в  день  празднования  Воздвижения Честнаго и Животворящего Креста Господнего,  а  также  в  день  обретения  самого  образа,  святая  Леснинская  икона  Божией  Матери  выносилась  из  алтаря  для  всеобщего  поклонения.

Леснинская  женская  обитель  была  довольно  известной  в  России.  Ее  дважды  посещали  Государь  Император  Николай II  и  Императрица  Александра  Федоровна.  Благотворителем  и  покровителем  монастыря  был  и  святой  праведный  Иоанн  Кронштадский.

Во  время  Первой  мировой  войны  в  1915  году  обитель  вместе  с  чудотворным  образом  была  эвакуирована  в  Петербург  на  Леснинское  подворье.  Лихолетье  1917  года  заставило  сестер  перебраться  в  Кишиневскую  епархию.   Спустя  несколько  лет они перебрались в  монастырь  Хопово  в  Югославии.  Здесь  чудотворная  икона  пребывала  более  20  лет.

Но  на  этом  вынужденное  странствие  святого  образа  не  закончилось.  В  1943  году,  после  оккупации  Югославии  фашистскими  войсками,  сестры  монастыря  были  изгнаны  в  Сербию,  а  в  1950  году  оказались  во  Франции.

С  1967  года  обитель  обосновалась  в  живописном  местечке  Провемон,  что  находится  в  100  километрах  от  Парижа,  в  Нормандии.  Чудотворная  Леснинская  икона  Божией  Матери  находится  в  бывшем  костеле.  Местные  власти  не  позволили  установить на  нем  крест.  И  каждый  вечер  святую  икону   переносят  в  домашнюю  церковь,  находящуюся  в  главном  здании  обители.

Сведения  о  Леснинской  иконе  вошли  в  общецерковный  оборот  только  в  конце  XIX  века.  Образ  переходил  то  католикам,  то  униатам,  практика  почитания  иконы  была  пресечена  и  возобновилась  только  после  возврата  чудотворной  святыни  в  1875  году  и  учреждения  в  Лесне  православного  монастыря.

С  этого  времени  информация  о  Леснинской  иконе  появилась  в  отдельных  изданиях,  посвященных  монастырю  и  в  сводах  икон.  Акафист  Леснинской  иконе  составила  в  годы  после  революции  2017  года  насельница  монастыря  монахиня  Анастасия.  Насельницы  монастыря  продолжают  записывать  чудеса,  происходящие  от  святой  иконы.

Иконография:  Леснинская  икона  Божией  Матери  вырезана  на  темно — красном  овальном  камне,  на  котором  в  невысоком  рельефе  вырезан  образ  Божией  Матери  с  Богомладенцем  на  правой  руке.  Иконографический  тип — Одигитрия.  Фон  средника  неровный,  края  овального  поля  гладкие.

В  левой  руке  Пресвятая  Богородица  держит  книгу  на  уровне  груди.  Над  раскрытой  книгой  летает  белоснежный  голубь.  Богомладенец  благословляет  левой  рукой,  сложив  пальцы  в  двуперстии.  В  правой  руке  Богомладенца — книга.  Головы  Иисуса  Христа  и  Богородицы  венчают  короны — знаки  царства.  Божественные  лики  окаймляет  круг,  от  которого  исходят  широкие  золотистые  лучи.

По  типологии  Леснинская  икона  Божией  Матери  восходит  к  произведениям  белорусской  мелкой  пластики  XV  века,  одним  из  самых  известных  примеров  является  Жировицкая  икона.  Однако  в  отличие  от  других  таких  икон,  подобных  камеям  или  нагрудным  образкам,  Леснинская  икона  Божией  Матери  имеет  значительно  большие  размеры — около  40  сантиметров  в  высоту.

Лики  хорошо  сохранились,  они  проработаны  четкими  уверенными  линиями  и  не  утратили  пластичность  при  попытке  передать  в  плоском  рельефе  объем  с  помощью  легкой  ассиметрии.  Характерными  чертами,  главным  образом  в  лике  Богоматери,  является  укороченный  нос,  припухшие  веки,  рисунок  губ.

Леснинская  икона  Божией  Матери  близка  к  произведениям  белорусской  иконописи  XVI  века,  которая  еще  сохраняла  узнаваемость  византийских  образцов,  но  осваивала  и  средства  западноевропейской  живописи.  На  иконе  сохранился  убор  конца  XIX  века.

Серебряный  с  позолотой  и  украшенный  камнями  чеканный  оклад  закрывает  фигуры  Богородицы  и  Богомладенца  по  контуру,  оставляя  открытыми  лики.  Из  того  же  материала  выполнены  венцы  на  головах  и  рама,  обрамляющая  икону  по  краю.  Икона  вложена  в  раму-киот  с  широкими  исходящими  лучами  и  венцом  в  верхней  части.

Леснинская икона Божией Матери

Празднование:  8  /  21  и  14  /  27  сентября  и в  день  Святой  Троицы.

Акафист  Пресвятой  Богородице  пред  Ея  иконой  «Леснинская»

Не утвержден для общецерковного  использования.

КОНДАК  1

Избранней Предвечным Царем Преславней Владычице нашей Богородице, явлением иконы Своея Червонную Русь просветившей, похвальная возсылаем пения. Ты же, яко имущая державу непобедимую и милость неизреченную, от всяких нас бед избави и спаси, да зовем Ти:

Радуйся, премилосердая Мати, всех нас любовию Своею покрывающая.

ИКОС  1

Архангел и ангел множество со страхом предстоят Тебе, Деве чистей, и непостижимому воплощению от Тебе Бога Слова удивляющеся, немолчными гласы вопиют: «Радуйся, Благодатная, Господь с Тобою!» Мы же, грешнии, прославляем Твое безмерное милосердие к рабом Твоим, во тьме лжемудрия униатскаго седящим, явлением иконы Твоея дарованное, и на Пречистый Лик Твой взирати не дерзаем, обаче смиренно из глубины души глаголем сице:

Радуйся, Мати Царя Небеснаго, и единаго от земнородных не забывающая; радуйся, погибели созданий Сына Твоего зрети не терпящая.

Радуйся, заблуждшия овцы стада Христова взыскующая; радуйся, Пастыря Добраго, Сына Твоего, подражающая и на раме тыя восприемлющая.

Радуйся, ко Отцу Небесному тех приводящая; радуйся, и вся ны на путь спасения наставляющая.

Радуйся, в скорби молитвы и воззвания к Богу в сердца наша влагающая; радуйся, яже во благих прошения наша ко Господу возносящая.

Радуйся, по исполнении тех хвалою и благодарением уста наша исполняющая; радуйся, не точию усты, но и делы хвалити Господа научающая.

Радуйся, премилосердая Мати, всех нас любовию Своею покрывающая.

КОНДАК  2

Видяще пастырие пречудную икону Твою, аки солнце на древе сияющую, потщашася о явлении ея всем православным людем возвестити. Тии же во множестве притекаху на место явления пречуднаго образа Твоего, Владычице, и видяще токи чудес, от иконы Твоея источаемыя, со слезами благодарения взываху о Тебе Богу: Аллилуиа.

ИКОС  2

Разумети ищуще предивное чудо о явлении иконы Твоея, Пресвятая Дево, суемудреннии людие испытоваху чудеса, бываемыя от нея, мы же, не дерзостию, но страхом точию и верою взываем Тебе сице:

Радуйся, исцелений чудесный и живоносный Источниче; радуйся, благодати Божия неоскудевающая Сокровищнице, немощныя врачующая.

Радуйся, Мати Слова Божия, немым и косноязычным уста разверзающая; радуйся, Мати Света Истиннаго, очи слепых просвещающая.

Радуйся, Мати Господа Сил, силы разслабленных возставляющая; радуйся, Мати Творца слух даровавшаго, глухим ушеса отверзающая.

Радуйся, Мати Егоже трепещут демони, злыя духи изгоняющая; радуйся, Мати Разум совершен Имущаго, разум лишенным ума возвращающая.

Радуйся, Мати Врача душ и телес наших, врачами земными оставленных от одра болезни воздвизающая; радуйся, Мати Живота вечнаго, мертвыя воскрешающая.

Радуйся, премилосердая Мати, всех нас любовию Своею покрывающая.

КОНДАК  3

Силу чудес от святыя Твоея иконы изливаемую видяще, лукавии латиняне похитиша чудный образ Твой, Владычице, православным людем ко утешению Тобою низпосланный, и в Леснинстем костеле поставиша и. Ты же не благоволила еси, да сокровище сие у инославных пребудет, но паки возвратила еси святую икону Твою верным рабом Твоим, иже с радостию и любовию прияша ю и благодарными усты воспеша Богу: Аллилуиа.

ИКОС  3

Имея велию ревность о пастве своей, еже укрепитися ей в вере православней, святитель Варшавский Леонтий умоли Тя, Пречистая, да на месте явления иконы Твоея обитель иноческая будет. Ты же, Всеблагая, молитве сего добраго пастыря вняла еси и под кров Твой святый многочисленный лик инокинь собрала еси, да, во славу Божию труждающеся, Тебе вопиют:

Радуйся, Холмскыя Руси Солнце пресветлое; радуйся, Церкве Православныя Хранительнице, лукавством и насилием отторженных чад ея любовию возсоединяющая.

Радуйся, обители Леснинстей Радосте и Покрове; радуйся, дев соборы ко служению младенствующим в Православии собравшая.

Радуйся, инокиням в служении сем путь спасения указавшая; радуйся, безматерных сирот незримая Воспитательнице.

Радуйся, болящим скорое исцеление низпосылающая; радуйся, крова лишенным Странноприимнице и помощи Подательнице.

Радуйся, всем с верою в обитель Твою притекающим Покров и Снабдение; радуйся, Святую обитель Твою многоразличными чудесы исполнившая.

Радуйся, премилосердая Мати, всех нас любовию Своею покрывающая.

КОНДАК  4

Бурями многомятежнаго мира сего влаеми и волнами бед и скорбей потопляеми, вси со слезами и молитвою притекающии к Тебе, Заступнице, тихое пристанище в Тебе обретают и с радостию и благодарением вопиют о Тебе Спасу Христу: Аллилуиа.

ИКОС  4

Слышаша ближняя и дальняя, яко Господь и Владыка всяческих дарова Тя нам в иконе Твоей, Богородице, яко благую Утешительницу всем нашим скорбем и немощем спострадати могущую: Ты бо Сама, Пречистая, во дни земнаго жития Твоего нужды и скорби терпела еси. Сего ради всяк возраст, чин и сословие к чудотворней иконе Твоей непрестанно припадают и, тепле Тобою приемлеми, умильно зовут Ти:

Радуйся, пастырем стада Христова Премудрая Наставнице; радуйся, чада их духовная смирению и послушанию научающая.

Радуйся, младенцем Питательнице, матернее попечение о них являющая; радуйся, отроком к восприятию полезнаго учения разум и сердце отверзающая.

Радуйся, юныя в чистоте соблюдающая и от душепагубных действ ограждающая; радуйся, родителем и наставником в детоводительстве и в скорбех о чадех помогающая.

Радуйся, девы христолюбивыя плодами духа и веры украшающая; радуйся, старцев и стариц крепкий Жезле.

Радуйся, гонимым Предстательнице и обидимым Заступнице; радуйся, в великих бедах и напастех дивная Помощнице, и в малых житейских нуждах нас не оставляющая.

Радуйся, премилосердая Мати, всех нас любовию Своею покрывающая.

КОНДАК  5

Боготечную звезду узревши чудотворную икону Твою, Мати Божия, вся Русь Червонная тоя зари последова и, яко светильник держащи ю, истину Православия тою постиже и в ней утвердившися, возрадовася духом, вопиющи о Тебе Господу Сил: Аллилуиа.

ИКОС  5

Видевши Тя древле, Пресвятая Дево, аки звезду путеводную, возсиявшую во иконе Твоей чадом земли Холмския, под игом иноверных во мраце неведения погибающим, и ныне вся страна наша православная многою скорбию возгараема о кознех вражиих, на веру ея святую возстающих, со слезами припадает к святым стопам Твоим, Владычице, яко благой Одигитрии, молящи извести ю из мрака неверия, ересей и расколов, многая возстания врага на ню утолити и очи всех заблуждшихся светом истины просветити, да и тии с нами славят Всечестное и Великолепое Имя Святыя Троицы и Тебе радостно взывают сице:

Радуйся, Церкве Христовы непозыблемый Покрове; радуйся, Отечества нашего Свете Невечерний.

Радуйся, апостольская преславная Похвало; радуйся, святителей изрядное Украшение.

Радуйся, мучеников крепкое утверждение; радуйся, иноков и инокинь спасительное наставление.

Радуйся, сущих в темницах, заточениих и гонениих веры ради и правды святыя, посещение и избавление; радуйся, врагов веры истинныя посрамление.

Радуйся, ересей и тлетворных учений истребление; радуйся, всех козней вражиих противу истинных рабов Божиих разрушение.

Радуйся, премилосердая Мати, всех нас любовию Своею покрывающая.

КОНДАК  6

Проповедует святая икона Твоя, Пречистая Дево, неизглаголанную бездну милосердия Божия к роду нашему чудесы, от нея бываемыми, сердца верных озаряющи радостию и веселием и к пению наставляющи, неверныя же посрамляющи, неведущия пети: Аллилуиа.

ИКОС  6

Возсияла еси яко солнце истинное во иконе Твоей, Богоизбранная Отроковице Марие, лучами матерныя любве Своея нас согревающи; сего ради со смирением молим Тя: умилосердися, Госпоже Пресвятая, на бедствующия рабы Твоя, избави нас от всех напастей, бед и скорбей, находящих на ны за грехи наша, да Тобою радости причастницы бывше, зовем Ти:

Радуйся, мир на землю принесшая; радуйся, ко спасению нас наставляющая.

Радуйся, вечныя радости нас сподобляющая; радуйся, и временную жизнь нашу добре устрояющая.

Радуйся, в годину браней Державная Предводительнице; радуйся, во дни мира от сна греховнаго возбуждение.

Радуйся, пленных чудесное избавление; радуйся, внутренних нестроений миротворительнице.

Радуйся, от глада, огня, и воднаго потопления защищающая; радуйся, жаждующую землю дождями благодатными напояющая.

Радуйся, премилосердая Мати, всех нас любовию Своею покрывающая.

КОНДАК  7

Хотяй Человеколюбец Господь вверити и нас, якоже возлюбленнаго ученика Своего, Твоему Матернему заступлению, Владычице, благоволи явити нам пречудную икону Твою в великий праздник Воздвижения Честнаго и Животворящаго Креста Своего, да научимся купно с Тобою сраспинатися Ему душею и сердцем и в самых страданиих своих, взирающе на пречистый Лик Твой, взывати Ему: Аллилуиа.

ИКОС  7

Новое чудо и боголепное содела Господь явлением иконы Твоея, Пречистая, в день поклонения Честному Кресту и Божественным Страстем Его, яко да и мы, воспоминающе скорби Твоя, егда предстояше Кресту Сына Твоего и оружие пройде святую душу Твою, возмем Крест Его и Тебе возопиим сице:

Радуйся, смотревшая Сына Своего распятие и утробою терзавшаяся, но абие силу Креста Его прославившая; радуйся, скипетром Рождества Твоего хулящия Силу Крестную поражающая.

Радуйся, Церковь Христову во дни гонений и крестных страданий ея омофором Своим покрывающая; радуйся, Истину, непрестанно распинаемую, защищающая.

Радуйся, руце Свои к Распростершему длани на Животворящем Древе за всех нас простирающая; радуйся, изнемогающия под тяжестию креста укрепляющая.

Радуйся, в самых лютых скорбех милосердное промышление Сына Твоего во спасение душ наших разумети научающая; радуйся, Воскресением Сына Твоего возвеличенная, и нас, верою и любовию Тя величающих, на высоту славы небесныя возносящая.

Радуйся, премилосердая Мати, всех нас любовию Своею покрывающая.

КОНДАК  8

Страннолепная чудеса, от иконы Леснинския бываемыя, видевше, устранимся суеты мира сего и, вся наша помышления на божественная преложше, воззовем к ней во умилении: помяни нас, Владычице, странствующих во юдоли сей плачевней и многомятежней, управи путь наш в горняя и введи в чертог Небесный с мудрыми девами, да купно с ними воспоем богокрасную песнь Жениху Христу: Аллилуиа.

ИКОС  8

Вся еси любовь и милосердие, вся еси надежда наша и радость неизглаголанная, Мати Господа Вышняго: видим бо Тя умными очесы нашими стоящую пред престолом Владыки живота и смерти, тепле Его умоляющую, да отверзет двери благоутробия Своего всем рабом Своим, в мире сущим и от жития сего преставльшимся. Сия благосердная молитва Твоя подвизает нас радостно взывати Тебе:

Радуйся, миру Покрове и Заступление; радуйся, Стено нерушимая, от всяких нас бед ограждающая.

Радуйся, от напрасныя смерти и неправеднаго убиения спасающая; радуйся, христианския кончины нас сподобляющая.

Радуйся, в страшный час смерти нам помогающая; радуйся, и по исходе из тела души верных раб Своих от горьких мытарств и темных духов защищающая.

Радуйся, кающимся грешником на суде Божии крепкое Заступление; радуйся, вечных мучений избавление.

Радуйся, райския двери нам отверзающая; радуйся, в Царство славы Христовы на безконечныя веки нас водворяющая.

Радуйся, премилосердая Мати, всех нас любовию Своею покрывающая.

КОНДАК  9

Всякая похвала не довлеет, Пречистая Дево, ко прославлению милостей и щедрот Твоих от иконы Леснинския изливаемыя на приходящия, покланяющияся и с любовию лобызающия ю. Обаче, Благая сущи, веру приими и усердие наше, и Сама исполни Твоего хваления недостойная уста наша, яко да поем о Тебе Богу: Аллилуиа.

ИКОС  9

Витийствующий не может язык поведати, Богородице, како явилася еси истинная Мати Предвечнаго Бога, о нас милосердовавшаго и, девства Твоего печати не разрушив, плоть от Тебе восприимшаго. Мы же, о неизглаголаннем таинстве Боговочеловечения и о множестве благодеяний Твоих с верою и трепетом помышляюще и колена сердец наших преклоняюще, ублажаем Тя сице:

Радуйся, Слову Божию плоть взаимодавшая; радуйся, Древо Живота, от Негоже человеком Плод спасения прозябе.

Радуйся, всемирная Радосте, Еюже нам живот вечный возсия; радуйся, страну Холмскую светом Своим озарившая и лучи света на всех нас разпростревшая.

Радуйся, Заступнице православным людем; радуйся, многажды в напастех, бедах и болезнех скорую помощь тем являющая.

Радуйся, от смертоносных ран и язв всегубительных чудесное избавление; радуйся, во узах и пленении сущим милостивая Печальнице.

Радуйся, всем страдальцем благодатное утешение низпосылающая; радуйся, всем по коегождо потребе скорую помощь подающая.

Радуйся, премилосердая Мати, всех нас любовию Своею покрывающая.

КОНДАК  10

Спасти хотяй холмския люди, в сети лукавства латинскаго уловленныя, Человеколюбец Господь дарова тем, Владычице, чудотворную икону Твою, яже, аки лампада неугасающая, Божественным светом сияет всем, огнем же любве Твоея ко святей Церкви Православней вся привлекает, да согласно поют Творцу: Аллилуиа.

ИКОС  10

Стена и прибежище православным людем явися икона Твоя, Небесе и земли Царице: ибо не токмо просвещения ради рабов Своих, прелестию ложнаго единения с еретики ослепленных, но и во утешение страждущих за истинную веру, благоизволила еси создати обитель Свою посреде блат и дебрей, да свет Твой во тме светится. Сего бо ради мнози, гладом духовным истаевающии и истины жаждущии, к Тебе, яко к щедрей Питательнице, Хлебом жизни снабдевающей, прибегают и, к Живоносному воистину Источнику, чудотворней иконе Твоей припадающе, насыщени и напоени, с веселием взывают Ти сице:

Радуйся, Веры Православныя непоколебимый Столпе; радуйся, лжеучителей еретических Прогонительнице.

Радуйся, за святую веру подвизающихся Утверждение; радуйся, ревнующих о благочестии благословение.

Радуйся, девствующих чистото и славо; радуйся, обителей иноческих дивная Печальнице и Наставнице.

Радуйся, молящихся Тебе Радосте; радуйся, постников Наслаждение.

Радуйся, всех благих прошений скорое исполнение; радуйся, Всеблагая Утешительнице, слезы плачущих отирающая и печаль их на радость прелагающая.

Радуйся, премилосердая Мати, всех нас любовию Своею покрывающая.

КОНДАК  11

Пение хвалебное, Пресвятая Владычице, подаждь силу приносити Тебе, елико есть произволение душ наших: ибо, аще и удобее молчание хранити пред множеством щедрот и чудес Твоих, но любовию и радостию движими, немолчно Богу вопиют о Тебе уста наша: Аллилуиа.

ИКОС  11

Светоприемную свещу, сущим во тме явльшуюся, зрим святую икону Твою, о Богомати: сия бо в наших студених сердцах пламень молитвы и любве к ближнему возжигает и к разуму Божественному наставляет воспевающия Тебе сице:

Радуйся, светом благодати Божия души верных озаряющая; радуйся, и омраченная сердца неверующих просвещающая.

Радуйся, сомнения наша о истине Божией яко прах возметающая; радуйся, струпы наша греховныя врачующая.

Радуйся, светильники душ наших елеем милости исполняющая; радуйся, кроткия и смиренныя возносящая.

Радуйся, гордыя и сильныя низлагающая; радуйся, враждующих примирение.

Радуйся, обидимым Заступнице и обидящим Вразумление; радуйся смятенным душам мир дарующая.

Радуйся, премилосердая Мати, всех нас любовию Своею покрывающая.

КОНДАК  12

Благодати неистощимыя знамения дарова нам, Владычице, в чудотворней иконе Твоей всех долгов Решитель, пришедый Тобою ко отшедшим Того благодати; темже молим Тя, Пренепорочная Дево: молися Сыну Твоему Христу Богу нашему, яко да, раздрав рукописание грехов наших, помилует нас в жизни сей временней и в вечней да приимет от всех нас хвалебную песнь: Аллилуиа.

ИКОС  12

Со страхом поюще, вопиюще, взывающе и глаголюще: «Свят, Свят, Свят Господь Бог Саваоф», поем, благословим, благодарим и Тебе, Владычице, о преславнем явлении иконы Твоея и о всех благодеяниих, яже обильно на ны изливаеши; Ты же покрый нас, Владычице, пречудным омофором Твоим, освяти нас, удобри, вразуми и молися о нас ко Господу, да милостив будет к нам, всякия неправды исполненным, и да пробавит благодать Свою чтущим Тя во святей иконе Твоей и приносящим Ти похвалы таковыя:

Радуйся, всемирная Радосте; радуйся, Источниче присноживыя воды.

Радуйся, сиянием из Тебе возсиявшаго Света озаренная; радуйся, вся Небесныя Силы чистотою превозшедшая.

Радуйся, Честнейшая Херувим и Славнейшая Серафим; радуйся, одушевленный храме Духа Всесвятаго.

Радуйся, примирение Бога и человеков; радуйся, необуреваемое Пристанище всех к Тебе притекающих.

Радуйся, премилосердая Мати, всех нас любовию Своею покрывающая.

КОНДАК  13

О, Всепетая Мати, невместимаго Бога вместившая и радость миру родившая! Приими сие малое хвалебное приношение наше, и умоли Сына Твоего и Бога нашего, да избавит Церковь Свою и отечество наше от враг видимых и невидимых и всех верных рабов Своих да сподобит в селениих райских водворитися, во еже звати Ему о Тебе во вся веки: Аллилуиа.

Этот кондак читается трижды, затем 1-й икос: «Архангел и ангел…» и 1-й кондак: «Избранней Предвечным Царем…».

Добавить комментарий

Ваш e-mail не будет опубликован. Обязательные поля помечены *