Киево Братская икона Божией Матери

Киево Братская икона БОжией Матери

Киево — Братская  икона  Божией  Матери  прославилась  многими  чудесами.  История  ее  восходит  к  XVII  веку,  когда  Русь  подвергалась  нападениям  польско — литовских  и  крымско — татарских  завоевателей.  И,  как  обычно,  в  годину  бед  и  испытаний,  Царица  Небесная  являла  чрез  Свои  иконы  помощь  и  поддержку.

История  образа:  Существовала  «Песнь  о  чудотворной  Киево — Братской  иконе  Божией  Матери»,  составленная  вскоре  после  1692  года.

Киево  Братская  икона  Божией  Матери  была  раньше  местночтимой  иконой  в  Вышгороде,  древней  вотчине  святой  равноапостольной  княгини  Ольги,  устройству  этого  города  она  много  посвящала  забот.  Согласно  преданию  явление  образа  произошло  в  1654  году.  Литовское  войско  под  предводительством  князя  Радзивилла,  готовясь  напасть  на  Киев,  остановилось  в  городе  Вышгороде.

Начался  грабеж  и  разбой,  не  щадились  и  святыни.  Соборный  храм  в  честь  святых  князей  Бориса  и  Глеба,  в  котором  находилась  чудотворная икона Божией Матери  также  подвергся  поруганию.  Один  из  воинов  ударил  по  лику  Богородицы  ружьем,  и  по  лику  потекла  кровь,  как  из  раны.

В  ту  же  ночь  Божия  Матерь  явилась  во  сне  Радзивиллу  и  пригрозила,  что,  если  он  не  накажет  Ее  обидчика,  то  не  выйдет  живым  из  города.  Наутро  провинившийся  воин  был  повешен,  а  литовское  войско  спешно  покинуло  город,  не  причинив  больше  ему  вреда.

Чудотворения:    Икона,  прославляемая  благодарными  вышгородцами,  стала  одной  из  самых  почитаемых  святынь  города.

В  1662  году,  во  время  войны  с  Польшей  (1659-1667  годы),  над  городом  вновь  разразилась  беда.  Татары,  бывшие  в  союзе  с  поляками,  нанесли  городу  огромный  ущерб.  Они  разоряли  и  грабили  дома  горожан,  церкви,  в  которых  было  немало  ценностей.  Что  не  могли  унести,  поджигали.

Оставляя  Вышгород,  татары  стали  переправляться  через  Днепр.  Для  переправы  они  использовали  все,  что  попадалось  под  руку,  отовсюду  забирали  доски.  Не щадили  они  и  церкви,  забирая  оттуда  не  только  доски,  но  даже  иконы.  Однако  начавшаяся  буря  потопила  большинство  вероломных  грабителей.  Так  свершилось  наказание  Божией.

Христиане  с  риском  для  жизни  спасли  от  нечистых  рук  образ  Пресвятой  Богородицы,  и,   чтобы  уберечь  его,  пустили  икону  на  волю  Божию  по  Днепру.  Один  татарин,  увидев  плывущую  икону,  решил  воспользоваться  случаем  и  переплыть  с  ее  помощью  Днепр.  Но,  едва  он  ухватился  за  нее,  как  икона  поплыла  сама  и  остановилась  неподвижно  посреди  реки  напротив  Братского  монастыря.

На  крик  татарина  приплыли  на  лодке  монахи,  благоговейно  приняли  икону,  а  с  нею  и  татарина,  и  привезли  на  берег.  Татарин,  испытавший  на  себе  действие  Промысла  Божиего,  после  этого  случая  принял  крещение  и  постригся  в  монахи.  Обретенную  чудесным  образом  икону  поместили  в  Братский  монастырь.  С  той  поры  стала  она  прозываться  «Киево  Братская  икона  Божией  Матери».

На  гравированном  изображении  известным  киевским  гравером  была  описана  история  явления  святой  иконы.  Почитание  Киево — Братской  иконы  было  велико.  Ни  одного  важного  дела  не  начинали  без  молитвы  перед  этой  святыней:  брачные  контракты,  торговые  сделки,  тяжбы,  решение  спорных  вопросов.  По  субботам  перед  Братским  образом  служились  акафисты  Пресвятой  Богородице.

В  1655  году  в  Братский  монастырь  была  привезена  из  захваченного  униатами  Купятицкого  монастыря  близ  Пинска  также  Купятицкая  икона  Божией  Матери,  перенесенная  позже  в  Софийский  собор  Киева.  Обе  эти  иконы  часто  упоминались  в  различных  исторических  документах.  В  1864  году  в  Богоявленском  соборе  Братского  монастыря  случился  сильный  пожар.

Алтарь  и  многие  ценности  удалось  спасти  только  благодаря  тому,  что  Киево  Братская  икона  Божией  Матери  была  обнесена  вокруг  горящего  храма  с  молебном.  Каждую  субботу  до  литургии  перед  иконой  читался  акафист. Ежегодно  1  августа  и  в  праздник  Богоявления  с  иконой  в  сопровождении  всего  городского  духовенства  совершался  крестный  ход  к  Днепру.

В  начале  ХХ  века  на  долю  Киево — Братской  иконы,  как  и  на  долю  всего  православного  народа  выпали  тяжкие  испытания.  В  1919  году  Киево — Братский  монастырь  и  Киевская  Духовная  Академия  были  официально  закрыты  советской  властью.  Святая  чудотворная  икона  Божией  Матери,  хранившаяся  в  монастыре  более  двух  столетий,  бесследно  исчезла.  (1935  год)

Ее  точная  копия  хранится  в  Киевском  монастыре  Покрова  Пресвятой  Богородицы.  Сохранилось  много  списков  образа  по  монастырям  и  храмам.  Один  из  списков  пребывает  в  Успенском  соборе  города  Звенигорода.  Ему  местные  жители  приписывают  чудотворные  свойства:  исцеления,  исполнение  молитвенных  прошений.  Киево  Братская  икона  Божией  Матери,  согласно  местого  предания,  спасла  город  во  время  Великой  Отечественной  войны.

Киево Братская икона Божией Матери
Киево — Братская икона Божией Матери, первообраз

Долгое  время  о  святынях  закрытого  в  20-х  годах  ХХ  века  и  разоренного  Братского  монастыря  не  было  никаких  сведений,  что  воспринималось  как  подтверждение  гибели  Киево  Братской  иконы.  Однако  исследования  последних  лет  показали,  что  Киево  Братская  икона  Божией  Матери  вошла  в  число  пяти  наиболее  ценных  икон  монастыря,  переданных  в  1926  году  в  учрежденный  при  Киево-Печеской  Лавре  Всеукраинский  музейный  городок.

Так   в  2000  году  произошло  повторное  обретение  чудотворной  иконы,  что  в  очередной  раз  подтвердило  ее  чудотворность.  В  настоящее  время  Киево  Братская  икона  Божией  Матери,  по-прежнему,  сияет  серебряной  чеканной  позолоченной  ризой  с  драгоценными  камнями,  запечатленной  на  фотографии  Мухина  1893  года  и  размещенной  в  его  книге.  При  этом  изображение  близко  к  гравюре  1713  года.

Иконография:  Киево  Братская  икона  Божией  Матери  была  украшена  позолоченной  ризой  с  большим  количеством  драгоценных  камней  (алмазы,  изумруды,  жемчуг,  цитрон).  Иконография  иконы  восходит  по  своей  композиции  к  древней  Византийской  иконе  «Богоматерь  Елеуса»,  что  в  переводе  с  греческого  означает  «Милостивая»  или  «Умиление» .

Главный  смысл  таких  икон — взаимная  любовь  и  нежность  Матери  и  Сына.  На  этих  образах  Их  внимание  обращено  друг  на  друга:  Мария  ласково  прижимает  к  Себе  Младенца,  а  Он  обнимает  Ее  за  шею  или  нежно  касается  рукой  щеки. В  этой  трогательной  нежности  есть  и  особый,  трагический  оттенок,  ведь  Мария  ласкает  не  простое  дитя,  а  Спасителя,  Которому  предстоит  принять  Крестную  муку  за  грехи  всего  рода  человеческого.

Некоторые  исследователи  относят  Киево  Братскую  икону  к  Креховско-Верхратскому  типу,  отличительным  признаком  которого  является  ручка  Богомладенца,  находящаяся  в  руке  Богоматери.  Этот  тип  «римской»  иконографии  созвучен  с  итало-критской  иконописью.  Образцом  этого  типа  является  чудотворная  Верхратская  икона  из  Креховского  монастыря.

По  размерам  икона  небольшая  133  х  96 см . Икона  написана  на  дереве  в  технике  масляной  живописи  с  использованием  темперы.

Киево - Братская икона Божией Матери
Киево — Братская икона Божией Матери, современный список

Празднование:  переходящее — в  субботу  Похвалы  Пресвятой  Богородицы  в  Великом посту ,  10  /  23  мая ,  2  /  15  июня,   6  /  19  сентября.

Православная  энциклопедия  http://www.pravenc.ru/text/1684331.html

Молитва Пресвятой Богородице пред иконой Ея «Киево-Братской»

О, Пресвята́я Госпоже́, Пречи́стая Влады́чице Богоро́дице. При́зри Всеми́лостивым Твои́м о́ком на на́с, предстоя́щих пред пречи́стым Твои́м о́бразом, Ки́ево-Бра́тским нарица́ющимся, и моля́щихся Ти́ пред ни́м.
Да возсия́ет неизрече́нный све́т Возлю́бленнаго Сы́на Твоего́, Го́спода на́шего Иису́са Христа́ в сердца́х на́ших. Да бу́дет во́ля Его́ чрез все́ житие́ на́ше. Да да́рует на́м проще́ние и очище́ние все́х грехо́в и прегреше́ний на́ших.
Не и́мамы ины́я по́мощи, ни ины́я наде́жды, то́кмо Тебе́, Пречи́стая.
Я́коже в дре́вния времена́ гра́д Вы́шгород и зе́млю Ки́евскую просла́вила еси́ зна́мениями и чудесы́ от ико́ны Твоея́ чу́дныя, егда́ инове́рнаго ага́рянина чу́дным о́бразом от во́днаго потопле́ния в реце́ Днепре́ спасла́ еси́, и до оби́тели Ки́ево-Бра́тския неврежде́нна доста́вила еси́, и та́мо и́стинное покая́ние его́ прия́ла еси́, и све́том свята́го креще́ния просвети́в, во А́нгельский чи́н в се́й оби́тели облекла́ еси́, и те́м ко спасе́нию и и́стинныя ве́ры правосла́вныя утвержде́нию путеводи́ла еси́.
Сего́ ра́ди и мы́, гре́шнии и недосто́йнии, дерза́юще про́сим и мо́лим: не отри́ни на́с, моля́щихся Ти́, пред се́ю ди́вною и чудотво́рною ико́ною Твое́ю. Укрепи́ ве́ру в на́с пра́вую, да́руй любо́вь дру́г ко дру́гу нелицеме́рную. Бу́ди Взбра́нной Воеводой на вся́ ви́димая и неви́димая враги́ на́ша: неве́рных к правове́рию обрати́, ве́рных же на пу́ть покая́ния и спасе́ния наста́ви.
Помози́, Госпоже́ Влады́чице, воздви́гнути хра́м и оби́тель ди́вному и сла́вному, достопоклоняемому А́нгелы и челове́ки, и́мене Твоему́, в че́сть и па́мять чудотво́рнаго о́браза Твоего́ Ки́ево-Бра́тскаго.
Да и в хра́ме се́м и оби́тели се́й, па́че же в душа́х и сердца́х на́ших, просла́вим Тя́, Хода́таицу и Моли́твенницу за ро́д на́ш, и Тобо́ю сла́ву возсле́м Отцу́, и Сы́ну, и Свято́му Ду́ху, ны́не, и при́сно, и во ве́ки веко́в. Ами́нь.

АКАФИСТ   ВСЕМ   ИКОНАМ   БОЖИЕЙ   МАТЕРИ

Не утвержден для общецерковного использования

Кондак 1

Избранной от всех родов Пречистей Деве Владычице, источающей неоскудныя милости всему миру и сугубо стране нашей Российстей; похвальная восписуем о Ея чудесах, явлениях и чудотворных иконах. Ты же, Обрадованная, не отрини наших песнопений, но приими их и подаждь радость нам, зовущим Ти: Радуйся, Пречистая Дево, всемирная Славо и Радосте!

Икос 1

Архистратиг Михаил и вся небесныя силы песнословят Тя, Владычице, Честнейшую Херувим и Славнейшую без сравнения Серафим, сущую Богородицу; и мы грешнии на земли, подобяся сим безплотным силам, и радуяся первым глаголам радости, принесенным Тебе Архангелом Гавриилом и праведною Елисаветою, купно с ними из глубины сердца нашего вопием Ти:

Радуйся, благодатная. Радуйся, яко Господь с Тобою.

Радуйся, Благословенная в женах. Радуйся, обретшая благодать у Бога.

Радуйся, яко Дух Святый найде на Тя, и сила Вышняго осени Тя. Радуйся, заченшая во чреве, рождшая Сына и нарекшая имя Ему Иисус.

Радуйся, яко рожденное Тобою Свято есть и наречеся Сын Божий. Радуйся, яко благословен Плод чрева Твоего.

Радуйся, Мати Господа нашего. Радуйся веровавшая, еже совершитися глаголенным ти от Господа.

Радуйся, яко возрадовася при сих приветствиях дух Твой о Бозе Спасе Твоем. Радуйся, Пречистая Дево, всемирная Славо и Радосте!

Кондак 2

Разум человеческий не может постигнути, како Сам Господь вселися в девственную утробу Твою и како Ты пребыла еси Девою и по рождестве Сына Твоего, преклоняяся пред велиею тайною воплощения Бога Слова, радостно вопием Тебе, заимодавшей Ему плоть Твою, питавшей Его млеком и носившей Его руками Своими, Ангельскую песнь: Аллилуиа.

Икос 2

Во вся дни жития Твоего на земли от сретения Тобою во храме праведного Симеона, прорекшаго Ти, яко оружие пройдет душу Твою. Всякая в мире сама радость вся печали бысть причастна, до утра перваго дне по субботе, егда, Ты паки услышала глас Ангела, рекшаго Тебе: «Радуйся, Благодатная, Твой Сын воскресе тридневен от гроба.» И мы с сим радостным гласом приносим Ти хваления наша:

Радуйся, Прородительнице вечнаго Царя. Радуйся, израстившая нам плод живота. Радуйся, верная раба Господня.

Радуйся, яко блажат Тя вси роди. Радуйся, всех нас при кресте Сына Твоего усыновившая.

Радуйся, всегда матернюю любовь к нам являющая. Радуйся, веры христиан вожделенная Помощнице.

Радуйся, яко за всех молиши Сына Твоего Христа Бога нашего. Радуйся, Присноблаженная и Пренепорочная.

Радуйся, во славе небесной одесную Бога пребывающая. Радуйся, чистотою сияющая паче солнца.

Радуйся, Пречистая Дево, всемирная Славо и Радосте.

Кондак 3

Како многообразно Ти, Пречистая Владычице, укрепляла еси род человеческий в вере в Бога и Сына Твоего? Колико даровала еси Ты нам чудотворящих икон Твоих? Коль множицею Ты являлась и вьявь и в сонниих подвижником благочестия? Кто может исчислити вся чудеса Твоя? Кий глагол может вознести Тебе достойную похвалу? Кто не ублажит Тебя, Пресвятая Дево? Кии уста умолчат, егда о Тебе радуется, Благодатная, всякая тварь, Ангельский собор и человеческий род! Не умолчим и мы никогда, Богородице, силы Твоя глаголати недостойнии, и вопием о Тебе Богу: Аллилуиа.

Икос З

Святии Игнатий Богоносец и Дионисий Ареопагит, взирающе на Тя, Пречистая Владычице, не обретоша словес описати Твой сияющий лик, и Твою божественную благодать и силу, и паства не сокрушашеся, яко не вси возмогоша зрети тя, Небесная Дево. Ты же от любви к верующим в Сына Твоего повелела еси Святому Апостолу и евангелисту Луце изображити образ Твой честный с Богомладенцем и Сыном Твоим, да вси языцы и колена земная, взирая нань, имут во вся веки возноситеся мыслию к Самой Тебе, Преблагословенная Владычице: и мы грешнии, преклоняюще колена пред сим образом, взываем Ти, Всепетая:

Радуйся, рекшая к сему первописанному образу: «С ним благодать Моя и сила пребудет.» Радуйся, даровавшая его стране нашей Российстей во град святый Владимир.

Радуйся, яко днесь сим образом светло красуется славнейший град Москва. Радуйся, сию иконою благодать и милость нам сугубо дарующая.

Радуйся, чудотворно изобразившая Лик Свой во храме Твоем во граде Лидде. Радуйся, Апостолов и всех верных сим чудом обрадовавшая.

Радуйся, поклоняющимся Тебе пред сим образом чудеса источившая. Радуйся, научившая Алостолов взывати к Тебе: «Пресвятая Богородице, помогай нам!»

Радуйся, посетившая при жизни Твоей на земле Святую гору Афонскую и избравшая сие место в удел Свой. Радуйся, пославшая равноапостольную Нину просветити жребий Твой земной, страну Иверскую.

Радуйся, светлое пророческое сбытие и Апостолов похвало.

Радуйся, Пречистая Дево, всемирная Славо и Радосте!

Кондак 4

Егда враг рода человеческаго возведе на христиан гонения и предаде телеса верующих на мучения и смерть, коль краты являлася еси Ты укрепительнице их в сем подвиге, наставницею в вере Христовой, подательницею им силы и премудрости. И ныне сии Святии мученицы, претерпевшия велия мучения, Христовы невесты: Екатерины, Варваро и иныя, сопутствуют Тебе в Твоих посещениих избранников Божиих на земли, и вопиют о Тебе Богу песнь: Аллилуиа.

Икос 4

Благоверный и равноапостольный князь Владимир, приведый ко Христу людей земли Российской, по крещении Своем сооруди первый храм во граде Киеве в честь Пречистаго Рождества Твоего, Владычице мира, и даяще десятину стяжаний Своих на украшение Его. И от тех дней до ныне Ты, Преблагословенная, изливаеши неустанно сугубую благодать над страною нашею и даруеши ей велия милости Твоя. И яко особый дар Твоего благоволения и Твоего избрания града Киева в удел Себе, чудесно даровала еси ему чудотворный образ «Успения» Твоего и повелела еси соорудити Тебе храм во обители Святых Антония и Феодосия. Кто изочтет множество людей, кои преклоняху со слезами колена своя пред Пречистым образом сим? Кий град и кая весь не ведят о сих многочудесных образех и обители? Кто повесть вся чудеса, у сего образа явленныя? Не таим Твоих благодеяний, Пречистая, и мы, со умилением взываем Ти:

Радуйся, Обрадованная, во успении Твоем нас не оставляющая. Радуйся, восприемлемая от земли дланьми Сына Твоего.

Радуйся, ко превышним возшедшая, наслаждаешися славы Его. Радуйся, уверившая чрез Апостола Фому о Твоем с плотию на небеса восхождении.

Радуйся, престоле Господень огнезрачный, вознесенный от земли в Царствие Небесное. Радуйся, в видении показавшая образ великий Церкви КиевоПечерския. Радуйся, Сама давшая мощи Святых мучеников и злато для созидания ея.

Радуйся, вручившая и Святую икону «Успения» Твоего Своими руками Святым здателям. Радуйся, чудеса показавшая на место храма Твоего с огнем небесным очистившая место сие.

Радуйся, Ангелоподобное пение иноков похвалы пред Твоею чудотворною иконою «Успения» приемлющая. Радуйся, скорбь всех притекающих к Тебе в радость претворяющая.

Радуйся, пречистая Дево, всемирная Славо и Радосте!

Кондак 5

Видяще, Всенепорочная, с высоты небеснаго жилища Своего, идеже с Сыном Твоим во славе пребываеши, скорбь рабов Твоих во граде Казани, яко гневнаго ради Божия посещения вера Христова поругана бысть агарянским зловерием, — благоволила еси явити икону Свою чудесы ю прославляющи, да утверждаемы знаменьми Твоя благодати христолюбивые люди верно вопиют Тебе: Радуйся, Заступнице усердная рода христианского, и Творцу всех Богу: Аллилуиа.

Икос 5

Хотящи явити токи чудес всем скорбящим, печальным, обидимым и заблудшим, даровала еси, Всемилостивая Владычице, сугубую благодать Твоим чудотворным иконам, именуемые: «Всех скорбящих Радосте,» «Утоли моя печали» и «Взыскание погибших.» Все море слез пред ними пролито в скорбех и печалех сущими? Кая душа не притекала к Тебе в житии своем, припадающе к сим иконам Твоим? Чьи скорби ты не претворила еси на радость? Кому из погибающих, но молящихся Тебе, Ты не простерла еси руку помощи? Благодарим Ты, Всепетая, за вся милости, грешному роду человеческому дарованные, и всею душею вопием Ти умильно:

Радуйся, благодатная Богородице Дево, всех скорбящих радосте! Радуйся, Мати милосердия!

Радуйся, скорая Помощнице сущим в бедах и напастех. Радуйся, Радосте наша, избави нас от всякаго зла и утоляющая наша печали!

Радуйся, Твоим предстательством временная наша скорби разрушающая. Радуйся, явлением икон сих знамения благодати в Церкви являющая.

Радуйся, сими яко столпом огненным, мрак греха отгоняющая. Радуйся, прославившая икону Твою, именуемую «В скорбех и печалях утешение.»

Радуйся, восхваляемая в обителей на Афоне и в земли нашей пред образом Твоим «Отрадо и Утешение»!

Радуйся, Пречистая Дево, всемирная Славо и Радосте!

Кондак 6

Всем верным утешительно есть взирати на икону Твою, изреченную Тобою «Скоропослушнице,» поклонятися Тебе пред Нею, не токмо во обители Дохиарстей, но и во многих градех и весех страны нашея, взывая Ти: Радуйся, Всеблагая Скоропослушнице, прошения наша во благо исполняющая, и поя со умилением сердечным Сыну Твоему, Христу Богу нашему: Аллилуиа.

Икос 6

Сила Вышняго осеняет с верою и благоговением прибегающих к Твоему Всечестному Покрову, Пречистая Владычице, и от лет древних до ныне Ты покрываеши Своим омофором весь род христианский, и наипаче страну нашу Российскую, и многия обители в ней созданныя. И люди православныя, взирающе на Твою икону, на Ней же Ты со Архангелы, Ангелы, Предтечею, Богословом и всех Святых ликом ходатайствуеши о нас пред Господом, преклонше колена и главу Своя, взывают Ти умильно:

Радуйся, Радосте наша, покрывающая нас от всякаго зла честным Твоим омофором. Радуйся, святых обителей Христовых Покров и спасение.

Радуйся, Святых храмов и алтарей первейшее украшение. Радуйся, благословение домов и семейств благочестивых.

Радуйся, верных пастырей Церкви бодрость и вразумление. Радуйся, богобоязненных иноков и инокинь наставнице.

Радуйся, явных подвижников благочестия явное укрепление. Радуйся, тайных среди мира рабов Божиих тайное вразумление.

Радуйся, и нас обнаженных добрых дел не оставляющая Своим Покровом и благодатию. Радуйся, крепкая Заступнице сущих в плену и изгнании.

Радуйся, неусыпающая попечительнице во узах и темницех седящих.

Радуйся, Пречистая Дево, всемирная Славо и Радосте!

Кондак 7

Видяще рыбарие над пучиною вод носимую невидимою силою и светом подобно солнцу сияющую Твою, Богомати, Тихвинскую икону, возопиша ко Господу: «Яви нам сей Божественный дар; не скрый сокровища, имже надеяхомся душевную нищету нашу обогатити: отри слезы и рыдания наша.».. и получив желаемое, вси возопиша Тебе, Пречистая: «Радуйся, Владычице, милостивая о нас пред Богом Заступнице,» Сыну же Твоему и Богу поя песнь Ангельскую: Аллилуиа.

Икос 7

Кий верный, посетив град Москву, не поклонится, Госпоже Богородице, пред Пречистыми иконами Твоими «Иверския» и «Боголюбивыя»? Кто не умилится, видя в полунощи множество людей, коленопреклоненно сретающих Твою «Иверскую» икону? Кто изочтет день и ночь лобызающих во дни празднества Твой «Боголюбивый» образ? Не отступи от нас во вся дни нашея жизни, Мати Всемилостивая, и услыши наше пение Тебе приносимое:

Радуйся, Благая Заступнице, двери райския нам отверзающая. Радуйся, яко вси благоговейныя люди Московстии пред Пречистым Твоим «Иверским» образом.

Радуйся, яко день и ночь Твоя икона сия приносится в дома скорбящих и болящих. Радуйся, яко чудодействовавшая сим образом еще на пути Его с Афонския горы в землю Российскую.

Радуйся, повелевшая благочестивому Мануилу дати выкуп неверным, возбранявшим шествие Святыя иконы в страну Русскую. Радуйся, яко после же сугубо ему сей выкуп отдавшая.

Радуйся, яко и многия списки и с иконы сея прославившая великими чудесы. Радуйся, Боголюбивая Царице Богородице, надеждо и прибежище наше!

Радуйся, явившаяся князю Андрею, рекшия волю Твою и на месте явления Твоего повелевшая соорудити обитель иноческую во имя Рождества Твоего. Радуйся, изображенная на иконе Твоей, еже во граде Москве, с первосвятители Московскими, блаженными, преподобными и мученицами.

Радуйся, прославившая чудесы Своими «Боголюбивыя» иконы во градех Угличе, Туле и иных.

Радуйся, Пречистая Дево, всемирная Славо и Радосте!

Кондак 8

Возсия нам, яко пресветлая заря, чудотворная икона Твоя «Нечаянныя Радости,» пред Нею же людие во гресех, бедах, скорбех и озлоблениих суще, многажды с верою в молитве колена преклоняют, взывая: Радуйся, нечаянную радость верным дарующая, и получившая милость Твоя, вопиют о Тебе Богу: Аллилуиа.

Икос 8

Благовестник Твой Архангел Гавриил по Божию повелению дивным явлением научи нас на земли восхваляти Тя такожде, яко же Ангели воспевают Тя на небеси, даровав песнь сию: Достойно есть яко воистину блажити Тя Богородицу, Присноблаженную и Пренепорочную, и Матерь Бога нашего. И мы от дней тех, взывая Тебе выну, Всепетая, сию, Ангелом принесенную, песнь, взываем Ти такожде:

Радуйся, христианом помощнице и милосердая о грешных предстательнице. Радуйся, превысшая всех сил Небесных…

Радуйся, даровавшая Святей горе Афонстей, чрез многия иконы Твоя, чудотворения, благословения и вразумления. Радуйся, пророчество святаго Саввы освященнаго чрез икону Твою «Млекопитательница» исполнившая.

Радуйся, моления иноков Афонских пред образом Твоим «Предвозвестительница» и изобилие елея для храма Своего давшая. Радуйся, игуменство в Хилендарском монастыре иконою Твоею «Троеручица» приявшая.

Радуйся, восхваляемая пред образами Твоими «Вразумившая экклесиарха» и «Герондиса,» еже есть старица. Радуйся, именуемая «Акафистная,» рекшая от иконы Твоея старцу, чтущему Ти акафист: «Радуйся и Ты, старче Божий.»

Радуйся, икону Свою «Одигитрия» чудесно преносившая двакраты из обители Ватопедской во обитель Ксенофскую. Радуйся, дивная чудеса явившая на Афоне от иконы «Закланная» и «Ктиторская.»

Радуйся, дщерь царя Плакидию воспитавшая, яко жену, от посещения обителей Афонских и милостиво ей сей грех оставльшая.

Радуйся, Пречистая Дево, всемирная Славо и Радосте!

Кондак 9

Во дни Светлыя Пасхи, егда Церковь радостно поет о Воскресении Христовом, воспоминаем мы, Пречистая, и о Твоих чудесех, ихже ради написашася иконы Твоя «Живоносный Источник» и «Прозрение очес» и чудесно сохранися от рук иконоборца Твой образ «Сладкое лобзание,» и благодаряще Воскресителя душ и телес наших, поем Ему радостно песнь: Аллилуиа.

Икос 9

Витии многовещаннии не возмогут при всей любви к Тебе, Владычице, достойно наименовать Ти, Пречистая, и от избытка сердца именуют иконы Твоя многими радостными имены, каковыя приими и от нас ныне:

Радуйся, «Цвете Неувядаемый,» и «Благодатное Небо.» Радуйся, «Блаженное чрево» и «Звездо Пресветлая.»

Радуйся, «Радосте ангелов» и «Три радосте.» Радуйся, милостивая и «Милующая.»

Радуйся, «Недремлющее око» и «Подательнице ума.» Радуйся, «Призри на смирение» и «Ключу разумения.»

Радуйся, «Умягчение злых сердец» и «Спасительница утопающих.» Радуйся, «Непорочная Дево» и «Помоще в родах.»

Радуйся, «Споручнице грешных» и «Целительнице.» Радуйся, «Слово плоть бысть» и «Прежде рождества и по рождестве Дево.»

Радуйся, «Всеблаженны» и «Седмистрельная.»

Радуйся, Пречистая Дево, всемирная Славо и Радосте!

Кондак 10

Проповедит Новград преславное заступление Твое, Пречистая Владычице, како во дни нашествия врагов сильных и вооруженных, от Твоея святыя иконы «Знамения,» помощь Твою благодатную людем Твоим явила еси, враждебные полки со страхом вспять обративши, град же Твой цел и невредим от них сохраньше; да вси вопиют благодаряще Тебе: Радуйся, Владычице, знамение милости Твоея нам являющая, и Спасителю Богу поя: Аллилуиа.

Икос 10

Силою Всевышняго действующи, Владычице Преблагая, силу естества огненнаго укрощаеши Святою иконою Твоею «Неопалимая купина» и многия чудеса содеваеши Ю во Вселенней. Такожде исчести не может разум человеческий всех благодеяний Твоих источаемых от чудотворных икон Твоих, иже пребывают на Почаевской горе, в Ченстохове, в веси Ахтырки, от именуемых «Феодоровская,» «Толгская» и иных, ихже не леть есть воспомянути. Не таим Твоих благодеяний, Всеблагословенны, и в радости сердечной вопием Тебе сицевыя хвалы:

Радуйся, Благодатная Купино неопалимая, огненнаго запаления нас избавляющая. Радуйся, Похвало Почаевская, надеждо наша и утешение.

Радуйся, Мати Божия, Предстательнице и Заступнице наша усердная, даровавшая нам икону «Обнорскую.» Радуйся, Софие, еже есть Премудрость Божия, создавшая Себе храмы во градех: Киеве, Новеграде и иных.

Радуйся, чудотворно окончившая писание иконы Твоея «Знамение» в Серафимо-Понетаевской обители. Радуйся, во Святую Киево-Братскую обитель в чудотворней иконе Своей «Киево-Братской» пришедшая и до сих пор в ней пребывающая.

Радуйся, обитель инокинь собравшая окрест Твоея чудотворныя иконы, яже в «Козельщанах.» Радуйся, даровавшая утешение градем Одессе и Херсону, икону Твою «Касперовскую.»

Радуйся, освятившая град Вильну образом Твоим «Острабрамская.» Пред ним же всяк благочестивый преклоняет колена своя. Радуйся, «Нерушимая стено» и «Спорительнице хлебов.»

Радуйся, «Взыграние» и «Плачущая.»

Радуйся, Пречистая Дево, всемирная Слава и Радосте!

Кондак 11

Благочестивые пастырие и людие всякую седьмицу восхваляют Тя, Пречистая, яко «Одигитрию» — Путеводительницу; и несть кому исчислити Твоя иконы сии по всем странам христианским Тебе, Пречистая, сооруженныя. Наипаче других восхваляет Ти благодарный град Смоленск, его же спасла еси от ига татарскаго, давши дивное повеление гласом Твоим воину Меркурию сразиться со врагом; да всяк язык взывает Тебе: Радуйся, Всеблагая Одигитрие, всемирное чудо и слышание, и поет Сыну Твоему хвалебную песнь: Аллилуиа.

Икос 11

Кий глас изобразит радость избранников Божиих, егда Ты по любве Своей к ним являлася еси им на земли, укрепляя, утешая и наставляя. В ти часы небо соединяшеся с землею, и свет, паче солнечнаго, осияваше убогия келлии преподобных. И мы грешнии, воспоминая сие и причащаяся духовной сей небесной радости угодников Божиих, во смирении вопием Ти:

Радуйся, повелевшая Богослову преподати учение о Святей Троице Святителю Григорию Неокессарийскому. Радуйся, наставившая в Гефсимании преподобнаго Досифея на пост и молитву, и призвавшая его во иночество.

Радуйся, спасшая ученика преподобнаго Павла Препростаго от адских мучений, двакраты явившися преподобному и научивши Его молитве об усопших. Радуйся, обрадовавшая Косму Маюмскаго, рекши ему, коль приятна Тебе составленная им песнь: Честнейшую Херувим и Славнейшую без сравнения Серафим.

Радуйся, со апостолы Петром и Иоанном яве посетившая преподобнаго Сергия Радонежскаго и ученика Его Михея. Радуйся, многажды являвшаяся преподобному и Богоносному Серафиму Саровскому и давшая ему повеление об устройстве Твоего последняго жребия на земли — Серафимо-Дивеевской обители.

Радуйся, в день Благовещения посетившая его со Апостолом Иоанном и Предтечею, и двенадесятью девами мученицами, и возвестившая ему о скором преселении его в небесныя обители. Радуйся, благословившая при сем и смиренную монахиню Дивеевскую Евпраксию.

Радуйся, в дивных сониях являвшаяся святителю Кириллу Александрийскому, Петру Афонскому, Роману Сладкопевцу и многим иным святителем и преподобным. Радуйся, сладким Твоим гласом, исходящим от Святыя иконы Твоея Едесския, введшая во храм Алексия человека Божия.

Радуйся, таковым гласом наставившая на путь покаяния преподобную Марию Египетскую.

Радуйся, Пречистая Дево, всемирная Славо и Радосте!

Кондак 12

Благодать сугубую источаеши Ти, Пречистая, от иконы Твоея «Умиление,» во обители Серафимо-Дивеевской пребывающей; пред Нею же избранник Божий и Твой, предстатель Божий и Твой предстатель за землю Русскую, преподобный Серафим денно и нощно моляшеся Тебе, именуя Тя «Радостию всех радостей» и поя Тебе в пустыннем затворе Своем песнь: «Всемирную славу от человек прозябшую.» С ним же купно и мы восхваляем Тя, Пречистая Владычице, сими же словами, и приносим Богу Ангельское пение: Аллилуиа.

Икос 12

Поюще Твоя неисчетныя милости, чудеса и явления, всему миру дарованныя Тобою, припадающе к Тебе во умилении сердца нашего, благодарим Тя, Пречистая Владычице, хвалим Тя, поем и превозносим имя Твое, и молим Тя, не отвержи и впредь от нас лица Твоего, заступи, защити и спаси всех нас во гресех погибающих: умири нашу жизнь, настави заблуждающихся на путь правый, воспитай в духе благочестия чад наших, укрепи наших пастырей, соблюди нас в чистой вере, да уста наша выну восхваляют Тя, Высшую небес и чистшую светлостей солнечных, таковыми гласы:

Радуйся, Невесто неневестная и Царица Цариц. Радуйся, Небесный Кивоте и носило Слова Божия.

Радуйся, горлице Богогласная и голубице кроткая и тихая. Радуйся, неизмеримое глубино и неизреченная тайна.

Радуйся, несведомое чудо и источниче святыни. Радуйся, девствующих чистото и матерей тихое веселие.

Радуйся, младенцев охранительнице и вдов защито. Радуйся, болящих здравие и пленных избавление.

Радуйся, труждающихся благое покоище и ненадеющихся надеяние. Радуйся, Едина наша надежда в жизни и по отшествии нашем от земли.

Радуйся, на мытарствах нас защищающая и на страшном суде Христовом наша Заступнице.

Радуйся, Пречистая Дево, всемирная Славо и Радосте!

Кондак 13

О, Пречистая Дево, Владычице небеси и земли! Приими от всея души нашея возносимое Тебе сие хвалебное пение и сподоби нас грешных в вечных селениих зрети Тя, нашу всемирную Славу и Радость всех радостей, поя Тебе и о Тебе Богу песнь великую, в Вышних трегубо песнословимую: Аллилуиа.

(Этот кондак читается трижды, затем икос 1 и кондак 1).

Молитва Божией Матери

О Пресвятая Дево, Матерь Господа Вышняго, Заступнице и покрове всех к Тебе прибегающих! Призри с высоты святыя Твоея на мя грешнаго, припадающего ко пречистому образу Твоему; услыши мою теплую молитву и принеси ю пред возлюбленнаго Сына Твоего, Господа нашего Иисуса Христа; умоли Его, да озарит мрачную душу мою светом Божественныя благодати Своея, да избавит мя от всякия нужды, скорби и болезни, да низпослет мне тихое и мирное житие, здравие телесное и душевное, да умирит страждущее сердце мое и исцелит раны его, да наставит мя на добрая дела, ум мой убо от помышлений суетных да очистит, исполнению же заповедей Своих мя научив, от вечныя муки да избавит и Своего Небеснаго Царствия да не лишит мя. О Пресвятая Богородице! Ты, Всех скорбящих Радосте, услыши и мя скорбнаго; Ты, именуемая Утоление печали, утоли и мою печаль; Ты, Купино Неопалимая, сохрани мир и всех нас от вредоносных огненных стрел врага; Ты, Взыскание погибших, не попусти и мне погибнути в бездне грехов моих. На Тя бо по Бозе вся моя надежда и упование. Буди мне в жизни временней Заступнице и о жизни вечней пред возлюбленным Сыном Твоим, Господем нашим Иисусом Христом, Ходатаица. Тебе же, Пресвятая Мати Божия, Преблагословенная Марие, благоговейно чтити до скончания дней моих. Аминь.

Сайт  https://akafistnik.ru/akafisty-ko-presvyatoj-bogoroditse/akafist-vsem-ikonam-presvyatoj-bogoroditsy/

Добавить комментарий

Ваш e-mail не будет опубликован. Обязательные поля помечены *