Табынская икона Божией Матери

Табынская икона Божией Матери

Табынская  икона  Божией  Матери — одна  из  величайших  святынь  Южного  Урала,  казачьего  края.  Это  одна  из  36  икон  Пресвятой  Богородицы,  явленных  в  России  за  1000  лет.  Она  четырежды  являлась  в  одном  и  том  же  месте  чудесным  образом.  Многие  источники  называют  эту  чудную  икону  сверх  чудотворной,  одной  из  самых  загадочных  икон  Пресвятой  Богородицы.

Явления  Табынской  иконы  сопровождались  необычайными  событиями,  которые  можно  назвать  только  одним  словом  «чудо».  Неоднократно  спасала  святая  икона  от  вымирания  целые  города,  по  молитвам  перед  ней  прекращались  засухи,  эпидемии,  пожары.  Табынская  икона  Божией  Матери  прославилась  во  многих  местах,  причем  не  только  на  Руси,  но  и  зарубежом.

Об  иконе  сохранилось  огромное  количество  свидетельств  ее  благодатной  помощи,  сложено  множество  легенд.  Например  в  Китае,  куда Табынская  икона  Божией  Матери  попала  в  революционное  лихолетье  из  России,  существует  предание  об  истории  написания  иконы.  В  Китае,  кстати,  ее  очень  почитали  китайцы  и  говорили:  «Поставишь  свечку  иконе — все  будет  хорошо.»

Согласно  этого  предания,  чудотворный  образ  явился  во  сне  одному  старцу-монаху,  путешествующему  по  Семиречью  (восток  Казахстана),  когда  он  ночевал  в  стогу  сена  близ  станицы  Табынской  (ныне  территория  Башкирии).  О  своем  видении  он  рассказал  знакомому  монаху-иконописцу,  который  и  написал  с  его  слов  икону.  Она  была  помещена  в  церкви  станицы,  по  которой  и  получила  свое  название  «Табынская  икона  Божией  Матери».  Но  обо  всем  по  порядку.

Иконография:  Иконографический  тип — Одигитрия.  Иконография  образа  схожа  с  Казанской  иконой  Божией  Матери.  Есть  небольшие  отличия  в  деталях  апостольника,  в  наклоне  головы  Пресвятой  Богородицы.  Икона  греческого  письма.

Табынская  икона  Божией  Матери  значительно  большего  размера  (высота — 106  см,  ширина — 74  см,  толщина — 4,4  см ),  чем  Казанская  икона,  лики  намного  темнее.  По  типу  отделки  доски,  краскам  и  рисунку  написание  иконы  может  датироваться  X — XII  веками.

Табынская икона Божией Матери
Табынская икона Божией Матери, древний список

История  явления:   Достоверной  даты  первого  явления  Табынской  иконы  Божией  Матери  нет.  Предположительно  это  произошло  между  1594  и  1597  годами.  В  12  километрах  от  села  Табынского  ( Южный  Урал )  располагалась  Пречистинская  пустынь.

В  этой  пустыне  на  тот  момент  проживало  30  насельников.  Они  вываривали  соль  и  занимались  полевыми  работами.  Иеродиакон  Амвросий,  один  из  насельников  пустыни,  возвращаясь  вечером  с  сенокоса,  вдруг  услышал  голос:  «Возьми  мою  икону».

Решив,  что  это  «прелесть»,  он  продолжил  свой  путь.  На  следующий  день  на  том  же  месте  все  повторилось  снова.  Услышав  призыв  забрать  икону  в  третий  раз,  он  решил  все-таки  посмотреть,  что  же  там  такое.

Увиденное  поразило  его  до  такой  степени,  что  он  некоторое  время  не  мог  прийти  в  себя.  На  огромном  валуне,  нависшем  над  двумя  источниками,  один  из  которых  был  с  соленой  водой,  а  другой — с  пресной,  стояла  икона  Божией  Матери.

Иеродиакон  упал  ниц  пред  образом  и  вознес  молитву  Пресвятой  Богородице.  Долго  молился  он  перед  иконой,  а  потом  пошел  в  обитель  за  монахами.  Крестным  ходом  приняли  они  чудотворную  икону,  поместили  ее  в  храме,  отслужили  молебен.

На  утро  иконы  в  храме  не  оказалось.  Нашли  ее  на  вратах  обители.  Снова  вернули  ее  в  храм.  На  утро  история  повторилась,  как  некогда  происходило  это  на  Афоне  с  чудотворной  Иверской  иконой  Божией  Матери,  которая  получила  даже  название  «Вратарница».

Долго  искала  Пресвятая  Богородица  место  для  Своей  Тихвинской  иконы,  являясь  то  в  одном  месте,  то  другом,  везде  принося  радость  и  чудотворения.  Такие  явления  происходили  и  с  некоторыми  другими  чудотворными  иконами  Божией  Матери.

Монахи  поняли  вразумление  Царицы  Небесной.  Они  построили  на  выбранном  Ею  месте  у  ворот  часовню,  поместили  туда  икону  и  стали  перед  ней  молиться.  От  иконы  начали  истекать  многочисленные  чудеса  и  исцеления.  Чудотворную  икону  даже  возили  в  Уфу  и  Казань  для  удостоверения  ее  чудотворных  свойств.  Из  Уфы  святая  икона  опять  исчезла,  явившись  на  том  же  месте,  где  и  изначально.  Произошло  это  в  1593-1597  годах.

Начала  возрождаться  Вознесенская  пустынь.  Царь  Феодор  Иоаннович,  узнав  об  этих  чудесах,  повелел  заложить  на  месте  явления  образа  монастырь  в  честь  «Пречистой  Богородицы  явления  иконы  Ея  Казанская»,  называемый  в  народе  Пречистинским.  Располагался  он  в  ближайшей  крепости  солеварного  городка.

Так  образовался  Пречистинский  монастырь.  Но  в  1660  году,  в  период  башкирского  восстания,  обитель  была  разрушена,  а  чудотворная Табынская  икона  Божией  Матери  пропала,  место  ее  пребывания  долгое  время  было  неизвестно.  Третье  явление  иконы  произошло  в  1692  году.  Это  был  период  возрождения  церковной  жизни  в  этом  краю.

Строились  планы  возрождения  и  Пречистинского  монастыря,  но  в  1708  году  солеварный  городок  на  реке  Усолке  у  соленых  ключей  пришел  окончательно  в  упадок.  И  Табынская  икона  Божией  Матери  исчезла  вновь.

Табынская икона Божией Матери

Четвертое  явление  Табынской  иконы  Божией  Матери  произошло  в  1740 — 1741  годах  на  том  же  месте  у  села  Табынского,  после  чего  ее  стали  именовать  Табынской  иконой.  Явилась  она  на  прежнем  валуне,  что  и  в  первый  раз,  у  двух  источников.

Трое  пастухов — башкир  пасли  скотину  и  увидели  на  камне  стоявшую  саму  собой  икону.  Со  словами:  «Русский  Бог!»  они  принялись  ее  топтать,  рубить,  колоть.  Икона  долгое  время  не  поддавалась,  вызвав  тем  самым  еще  большую  ярость  безбожников.  Наконец  из  иконы  истекла  кровь  и,  согласно  преданию,  она  раскололась  на  две  части.  Святотатцы  тут  же  ослепли.

Самый  молодой  из  них,  пятнадцатилетний  подросток,  принялся  умолять  Богородицу  простить  его  и  вернуть  ему  зрение.  При  этом  башкиры  умывались  водой  из  источников,  что  истекали  у  подножия  валуна.  Зрение  к  ним  вернулось,  но  вразумление  они  получили  на  всю  жизнь.  Молодой  пастух  впоследствии  принял  крещение,  уверовал,  вел  подвижническую  жизнь  и  неотлучно  сопровождал  святую  икону,  прожив  при  этом  130  лет.

Из  поселка  уже  отправились  на  поиски  пропавших  пастухов  и  скотины,  нашли  икону  и  перенесли  ее  в  Покровский  храм  Богоявленского  завода  ( поселок  Красноусольск ).  С  той  поры  она  пользовалась  большим   почитанием  среди  местного  населения.

Чудотворения:  Чудеса  и  исцеления  от  образа  следовали  одно  за  другим.  Источники  на  месте  явления  иконы  тоже  прославились  целебными  свойствами.

Начавшаяся  в  1848  году  эпидемия  холеры  скосила  половину  населения  Оренбурга.  Вспомнили  о  чудотворной  иконе  Пресвятой  Богородицы.  Табынская  икона  Божией  Матери  была  принесена  крестным  ходом  в  Оренбург.  После  совершенных  перед  ней  молебнов  холера  прекратилась.

Страшная  засуха   поразила  в  1861  году  Уфимскую  губернию,  когда  все  посадки  и  травы  буквально  горели,  оставалась  одна  выжженная  земля,  скот  кормить  было  нечем.  Проводившийся  в  это  время  крестный  ход  с  чудотворной  иконой  по  этим  местам  приносил  дождь  и  жизнь.

Список Табынской иконы

Крестный  ход  с  Табынской  иконой.  По  Указу  Императора  и  Постановлению  Священного  синода  с  1848  года  начал  проводиться  самый  большой  в  России  ( да  и  во  всем  мире )  крестный  ход  с  Табынской  иконой  Божией  Матери.  Он  имел  государственный  статус.

Порядок  прохождения  крестного  хода  и  проведение  богослужений  регламентировались  императорскими  указами  и  постановлениями  Синода.    Крестный  ход  с  иконой  Божией  Матери  Табынской   проводился  до  1919  года  почти  70  лет  без  перерыва.

Последний  крестный  ход  оборвался  нападением  на  него  красных  войск.  Брошенную  и  затоптанную  икону  подобрал  атаман  Дутов,  с  ним  и  его  войском  икона  пересекла  границу  и  оказалась  в  Китае,  где  тоже  прославилась  чудесами,  но  следы  ее  там  затерялись.

Остается  уповать  на  то,  что  Пресвятая  Богородица  внемлет  мольбам  и  явит  Свою  икону,  Покровительницу  всего  Уральского  края,  Башкирии,  Оренбуржья,  Поволжья,  Сибири,  Казахстана.    Сама.  Как  являла  уже  не  раз.  И  именно  тогда,  когда  было  нужно.

По  инициативе  казаков  Оренбургского  казачьего  войска,  по  благословению  святейшего  Патриарха  Московского  и  Всея  Руси  Кирилла  и  кураторстве  Председателя  Синодального  комитета  по  работе  с  казачеством,  крестный  ход  с  Табынской  иконой  Божией  Матери  был  восстановлен.

3  июня  (в  день  явления  Табынской  иконы)  2010  года  первый,  после  длительного  перерыва,  крестный  ход  вышел  с  места  ее  обретения  в  селе  Табынском  в  Башкорстане.  В  ходе  участвовал  полноразмерный  список  иконы  (походная  икона  Оренбургских  казаков ).

Крестный ход сТабынской иконой Божией Матери

Крестный  ход

Списки  иконы:  По  России  распространилось  множество  списков  Табынской  иконы,  многие  из  которых  сами  прославились  чудотворениями.  Из  наиболее  известных  списков  следует  назвать  Синьцзянскую  икону,  Оренбургскую,  Уфимскую,  Ключевую,  в  храме  Покрова  Пресвятой  Богородицы  села  Каменное.

Молитвенная  традиция:   Перед  иконой  молятся  об  исцелении  тяжких  недугов,  о  защите  от  беды,  об  избавлении  от  пагубных  привычек,  о  даровании  покаяния;  о  мире  в  семье,  доме,  Отчизне;  при  муках  душевных.

Празднование:     9-ая  пятница  по  Пасхе (  переходящее  празднование )

В  книге  «История  Табынской  иконы  Божией  Матери»  издательства  Колокол,  2004  год,  протоиерей  Владимир  (Сергеев )  рассказывает  подробно  об  этой  одной  из  самых  загадочных  святынь  России.

Тропарь  Пресвятой  Богородице  пред  иконой  Ея  «Табынской»

глас 4

Наста́ днесь пресве́тлый пра́здник, Пречи́стая Де́во,/ честны́я Твоея́ Табы́нския ико́ны, Влады́чице,/ я́же па́че луче́й со́лнечных возсия́,/ от Исто́чника приснотеку́щаго, Христа́ Бо́га на́шего,/ источа́еши целе́бныя да́ры/ с ве́рою к Тебе́ притека́ющим,/ Тя бо Христо́с Помо́щницу лю́дем Свои́м дарова́,/ покрыва́ти и спаса́ти от вся́кия беды́ рабы́ Своя́, // еди́ну Благослове́нную.

Перевод: Настал сегодня пресветлый праздник, Пречистая Дева, почитаемой Твоей Табынской иконы, Владычица, которая ярче солнечных лучей воссияла, от Источника всегда текущего, Христа Бога нашего, источаешь целебные дары с верой к Тебе приходящим, ибо Тебя Христос даровал Своим людям как Помощницу, укрывать и спасать от всяких бед рабов Своих, единственную Благословенную.

Молитва  Пресвятой  Богородице  пред  иконой  Ея  «Табынской»

О Пресвятая Владычице Богородице, Мати Господа нашего Иисуса Христа непрестанная о нас пред Богом молитвенница и ходатаица. О, Мати наша Преблагая, всех нас при кресте Сына Твоего усыновившая. Благодарим Тя, безчисленныя блага молитвою Своею нам испросившая. Благодарим Тя, множество икон Твоих чудотворных стране нашей даровавшая. Благодарим Тя, дивную икону Табынскую в годину скорбей краю Уральскому пославшая, на камени велием икону Свою нам явившая. Молим Тя, окамененныя сердца наши росою молитв Твоих умягчи. Милость Свою нам показавшая у источника воднаго, идеже болезни наша телесныя исцеляются, даруй нам потоки скорбных слез и очисти ими тину грехов наших. У источника воднаго святою иконою Твоею благословение месту сему показавшая, помози нам Слово Господа Сына Твоего исполнити и солию земли быти. Лик Свой темный нам, грешным, омраченным грехом явившая, просвети тьму грехов наших и приведи нас к тихому пристанищу в вечныя обители, уготованные Господом любящим Его. Аминь.

Канон   Богородицы,  глас 4

Песнь 1

Ирмо́с: Отве́рзу уста́ моя́,/ и напо́лнятся Ду́ха,/ и сло́во отры́гну Цари́це Ма́тери,/ и явлю́ся, све́тло торжеству́я,/ и воспою́, ра́дуяся, Тоя́ чудеса́.

Ра́дости испо́лнишася вси концы́ Ура́льския земли́, Пресвята́я Де́во,/ во спасе́ние бо на́ше ико́ну Твою́ яви́ла еси́ и рекла́ еси́:/ да потщи́тся бра́тия богоспаса́емыя оби́тели сея́ прия́ти Мя во храм Го́спода Моего́./ Нас же не оста́ви убо́гих,/ и да прии́мем о́браз Твой святы́й в хра́мы серде́ц на́ших, вопию́ще:/ ра́дуйся, Благода́тная.

Во он день и́нок Амвро́сий, мимоходя́ исто́чника,/ услы́ша под се́нию древе́с глаго́лы Твоя́, Богоро́дице,/ и а́бие обре́т на ве́лием ка́мени ико́ну Твою́./ Нас же сподо́би сея́ ра́дости прича́стники бы́ти,/ иму́щих Тя пред Бо́гом Хода́таицу.

Удиви́шася бра́тия Вознесе́нския оби́тели явле́нию Твоему́, Пресвята́я Де́во,/ и, со тща́нием вку́пе собра́вшеся,/ после́доваху Амвро́сию,/ и, узре́вше дре́вле пи́санную ико́ну Твою́, Богоро́дице,/ с ра́достию воспе́ша ко Го́споду, ублажа́юще Тя, я́ко Ма́терь Бо́жию./ Мы же, то́жде творя́ще во бде́нии сем,/ да улучи́м от Бо́га ми́лость и по́мощь Твою́, Влады́чице.

Ве́лие чу́до бысть во оби́тели,/ егда́ зау́тра ико́на обре́теся во врате́х./ И́ноцы же позна́вше о сем во́лю Твою́, Пречи́стая,/ я́ко Врата́рницу просла́виша Тя и храм зде созда́ша./ Нас же, я́ко юро́дивых дев, не отри́ни,/ да обря́щемся во врате́х рая́ вожделе́ннаго,/ вы́ну пою́ще Го́сподеви: Аллилу́ия.

Сла́ва: Вку́пе собра́шася бра́тия, песнь Ти воспе́ша/ и пове́даша вся бы́вшая воево́де Уфи́мскому и архиере́ю гра́да Каза́ни./ Той же, позна́в чудеса́ Твоя́, Влады́чице, повеле́ чти́ти Тя собо́рне./ Та́ко и мы ны́не весели́мся боже́ственне и в ра́дости воспева́ем Тя.

И ны́не: Па́че зла́та вся́каго блиста́ющая/ и у́тра со́лнечнаго светле́йшая,/ ра́дуйся, Врата́рнице, Жили́ще Христо́во,/ ра́дуйся, Одиги́трие, ра́дуйся, Де́во,/ ра́дуйся, Неве́сто Неневе́стная.

Песнь 3

Ирмо́с: Твоя́ песносло́вцы, Богоро́дице,/ Живы́й и Незави́стный Исто́чниче,/ лик себе́ совоку́пльшия, духо́вно утверди́,/ в Боже́ственней Твое́й сла́ве/ венце́в сла́вы сподо́би.

Бу́ря крамо́лы разори́ пу́стынь Твою́, Богороди́тельнице,/ но Ты, Чи́стая, сподви́гла еси́ честна́го игу́мена Евфи́мия,/ да укрепи́т бра́тию на му́ки сме́ртныя./ Нам же стоя́ние пу́стыни сея́ о́браз бысть ду́ха кре́пости и терпе́ния,/ да воздви́гнем гла́сы своя́,/ пою́ще чи́стую ве́ру Правосла́вную.

Егда́ ста́рец Ио́на возжела́ па́ки созда́ти оби́тель Твою́, Богоро́дице,/ испроси́ у царя́ Моско́вскаго повеле́ние на сие́/ и, к трудо́м труды́ приложи́в,/ воздви́же Тебе́, Пречи́стая, пу́стынь,/ да во ве́ки просла́вится и́мя Твое́ в заблу́ждших язы́цех/ и да почту́т Бо́га и́стиннаго./ Нас же в любви́ Твое́й утверди́, Ма́ти И́стины.

Гора́ разве́рзе утро́бу свою́ моли́твами Твои́ми, Чи́стая,/ и а́бие струи́ исто́чник сла́ных вод лю́дем Твои́м источи́,/ а́ки ма́нну дре́вле в пусты́ни Сина́йстей./ Нам же, Пречи́стая, низпосли́ ма́нну чуде́с Твои́х,/ да не вза́лчем во ве́ки.

Лю́дие остро́га солова́рнаго зря́ще такову́ю ми́лость Твою́,/ воздвиго́ша ико́не Твое́й це́рковь Бо́жию,/ да святы́х чи́ни че́стно Ти послу́жат/ и мирсти́и концы́ покло́нятся./ Нас же сподо́би досто́йно ублажи́ти Тя, я́ко Небе́сную Хода́таицу/ и воспева́ти песнь Твоея́ святы́ни явле́нию.

Сла́ва: Ве́дущи, Блага́я Ма́ти,/ я́ко оби́тель разоре́на и́мать бы́ти вконе́ц,/ извести́ бра́тии о се́м,/ ти́и же, любо́вию Бо́жиею окриля́еми,/ восхоте́ша венцы́ му́ченическия прия́ти./ И нас сподо́би, Пречи́стая, венцы́ небе́сныя улучи́ти.

И ны́не: Днесь торжеству́ет Небе́сное во́инство и́ноков пу́стыни/ и похваля́ет злату́ю Тя Ста́мну, и Жезл, и Трапе́зу, Пречи́стая Де́во./ Да глас их, Одиги́трие, е́же ра́дуйся,/ Тебе́ со а́нгелы вку́пе вопие́т.

Седа́лен, глас 8:

Иде́же прославля́ется свято́е и́мя Обра́дованныя Богоро́дицы,/ та́мо вся́ческих благи́х исто́чницы пролива́ются./ Почти́м же, лю́дие, в чистоте́ ико́ну Де́вы Богоро́дицы/ и Тоя́ Боже́ственнаго Сы́на, Христа́ Бо́га на́шего,/ и лобыза́им и прославля́ем Ю́ со стра́хом и тре́петом, зову́ще:/ ра́дуйся, ми́лости Сокро́вище многоце́нное.

Сла́ва, и ны́не:

Ты еси́ Похвала́ страстоте́рпцев,/ Ты еси́ Наде́жда преподо́бных,/ Ты еси́ Утеше́ние всего́ ми́ра,/ и на Тя спасе́ние на́ше возложи́хом вси./ Одожди́ гре́шным рабо́м Твои́м душеспаси́тельныя Твоя́ ми́лости.

Песнь 4

Ирмо́с: Седя́й в сла́ве, на Престо́ле Бо́жества,/ во о́блаце ле́гце,/ прии́де Иису́с Пребоже́ственный/ Нетле́нною Дла́нию и спасе́ зову́щия:/ сла́ва, Христе́, си́ле Твое́й.

По вре́мени о́браз Твой Табы́нский па́ки во тьме возсия́,/ ве́чер во у́тро восхо́да зари́ претвори́./ Ны́не же на́ша моли́твы приими́, Честне́йшая,/ и святу́ю ико́ну Твою́ нам па́ки яви́, Присноблаже́нная.

Си́лою вра́жиею ожесточе́ни ага́ряне бы́вше,/ воста́ша на сла́ву Госпо́дню и Де́вы боже́ственный лик уязви́ша./ Ты же, Влады́чице, о́чный мрак наложи́вши,/ сим просвети́ла еси́ нечести́вых люде́й./ Те́мже, грехо́вную мглу потребля́ющи,/ сподо́би и нас пе́ти сла́ву Пречи́стаго о́браза Твоего́ второ́му явле́нию.

Хва́лим, благослови́м ми́лости Твоя́, Богоро́дице,/ я́ко прозре́ние да́руеши нечести́вому о́троку./ Сей, покая́нием и́стовым я́ко Савл прозре́в,/ и́де во след ико́ны Твоея́./ Нас же, гре́шных, во сре́тение Твое́ приими́/ и к Бо́гу благоутро́бному моле́ния принеси́,/ пою́щих Тя во вся ве́ки.

Вои́стину испове́дуем,/ я́ко Ты, ели́ка хо́щеши, вся у Сы́на Своего́ испроси́ти мо́жеши,/ Ма́ти бо еси́ Его́,/ те́мже моли́твами Твои́ми и проще́ние ага́ряном у Бо́га испроси́ла еси́./ Нас же, в горды́ни и за́висти су́щих, в покая́нии приими́/ и в ра́зум и́стины призови́.

Сла́ва: Лю́дие Бо́жии вельми́ чудя́хуся явле́нней ико́не Твое́й, Влады́чице,/ и, я́ко богооте́ц Дави́д, скака́ше игра́я,/ та́кожде и ти́и, в ра́дости лику́юще,/ о́браз Засту́пницы с че́стию и пе́нием в весь Богоявле́нскую принесо́ша./ Нас же, собра́вшихся в пра́здник сей, Де́во Пречи́стая, благослови́.

И ны́не: Недове́домая Глубино́, Высото́ Неизсле́димая,/ Реко́ Неисчерпа́емая, целе́бную во́ду точа́щая,/ слепы́м бо зре́ние дае́ши, глухи́м слы́шание,/ хромы́м и рассла́бленным хожде́ние/ и всем, су́щим в неду́зех, безме́рное исцеле́ние.

Песнь 5

Ирмо́с: Ужасо́шася вся́ческая/ о Боже́ственней сла́ве Твое́й:/ Ты бо, Неискусобра́чная Де́во,/ име́ла еси́ во утро́бе над все́ми Бо́га/ и родила́ еси́ Безле́тнаго Сы́на,/ всем воспева́ющим Тя/ мир подава́ющая.

Весь Табы́нская ве́лиим ликова́нием испо́лнися, егда́ ико́ну Обра́дованныя обре́те/ и напо́лнися храм Госпо́день сла́вы Ея́,/ прише́дшии же язы́цы возда́ша хвалу́ Го́споду и Пречи́стей Роди́тельнице./ Нас же обра́дуй, Блага́я, благоче́стно воспева́ющих Тя.

Ага́ряне восклица́ху и вельми́ поя́ху:/ вели́к Бог христиа́нский,/ и и́стины позна́ние сни́де на еди́наго от них,/ и́же, прие́м ве́ру Правосла́вную,/ мно́жицею потруди́ся во спасе́ние свое́./ Нас же сподо́би по́двигом до́брым тече́ние соверши́ти/ и ве́чнаго живота́ дости́гнути.

Басурма́н вели́кое мно́жество ополчи́шася на Табы́нскую весь./ Лю́дие же Бо́жии, наде́жду на по́мощь Твою́ возложи́вше,/ проти́ву супоста́тов идо́ша/ и на ме́сте явле́ния о́браза Твоего́ си́лу вра́жию одоле́ша,/ те́мже и в па́мять заступле́ния Твоего́, Богоро́дице,/ сотвори́ша крестохожде́ние и ико́ны чудотво́рныя водруже́ние.

Егда́ Усо́льстии лю́дие ико́ну Твою́ в храм свой принесо́ша,/ Ты, Пречи́стая Ма́ти, хоте́нию их воспрети́ла еси́/ и па́ки в Табы́нстем хра́ме обрела́ся еси́./ Возврати́ и нас, вла́ющихся по распу́тием ми́ра сего́, на путь и́стины, Свята́я Одиги́трие,/ и Ца́рствия Небе́снаго дости́гнути сподо́би.

Сла́ва: Сия́ние благода́ти чу́дное бысть по всей Табы́нстей земли́,/ я́ко созда́ша христолюби́вии лю́дие из ка́мене це́рковь Твою́/ и воззва́ша вся окре́стныя ве́си на восхвале́ние чуде́с Твои́х./ Нас же, прише́дших на торжество́ сие́, приими́/ и пра́здника ра́ди ду́ши возвесели́.

И ны́не: Ка́я Ти есть досто́йная похвала́,/ сию́ ли на́ше принесе́т коне́чное неможе́ние?/ Я́ко явле́нием Пречи́стыя Твоея́ ико́ны, светоза́рное нам возсия́ со́лнце,/ пресла́вных чуде́с лучи́ испуска́я и тьмы лю́тых обстояний отгоня́я/ свяще́нными Твои́ми, Влады́чице, предста́тельствы.

Песнь 6

Ирмо́с: Боже́ственное сие́ и всечестно́е/ соверша́юще пра́зднество,/ богому́дрии, Богома́тере,/ прииди́те, рука́ми воспле́щим,/ от Нея́ ро́ждшагося Бо́га сла́вим.

Зной и бездо́ждие бысть Уфи́мстей земли́,/ но тще́тно моля́хуся ве́рнии,/ излия́ся бо гнев Госпо́день за беззако́ния,/ оба́че ико́на Твоя́, Преблага́я, принесе́ одожде́ние ги́бнущим зла́ком./ На́ша же изсо́хшия ду́ши одожди́ росо́ю благода́ти Твоея́,/ да произрасти́м кла́сы доброде́телей и спасе́ние у́зрим.

Егда́ бысть мор сме́ртный во всех уде́лех на́ших,/ лю́дие гра́да Стерлитама́ка наде́жду на Тя, Влады́чице, возложи́ша/ и, по́мощь от Тебе́ улучи́вше,/ в па́мять о сем на вся́ко ле́то хожде́ние с ико́ною Твое́ю устро́иша,/ восхваля́юще Тя, Преблагослове́нная.

Та́же Оренбу́рг град одержи́мь бе лю́таго мо́ра наше́ствием/ и ве́лия скорбь обы́де та́мо живу́щих./ Ты же, Пречи́стая, повеле́ла еси́ святи́телю Анто́нию прия́ти ико́ну Твою́,/ и, егда́ сие́ сотвори́, боле́зни сме́ртныя отступи́ша./ Мы же, чудя́щеся чудеси́ сему́, вопие́м Ти:/ покры́й и нас честны́м Твои́м омофо́ром.

Егда́ сла́ва Пречи́стыя умно́жися,/ бысть повеле́ние царе́во, во е́же почти́ти Богома́терь ле́тным крестохожде́нием/ во вся концы́ Ура́льския земли́./ Та́ко и мы творя́ще, при́сно помина́ем Твоя́ чудеса́, Всеблага́я.

Сла́ва: Ми́ра Засту́пнице, Ма́ти Всепе́тая, ве́рных Твои́х похвало́!/ Не оста́ви нас си́рых и убо́гих рабо́в Твои́х,/ но присно пребу́ди с на́ми.

И ны́не: Ра́дуйся, Цари́це,/ люде́й правосла́вных и во́инств христолюби́вых Сла́во, Покро́ве и Прибе́жище./ Ра́дуйся, Чу́до чуде́с, Одиги́трие на́ша,/ ве́сей и градо́в Утвержде́ние.

Конда́к, глас 8:

Взбра́нной Воево́де ро́да христиа́нскаго/ и страны́ на́шея изве́стней Изба́вительнице,/ хвале́бныя пе́сни принесе́м, ве́рнии, Де́ве, Влады́чице Богоро́дице./ Ты же, я́ко иму́щая милосе́рдие неизрече́нное,/ от вся́ких нас ско́рбных обстоя́ний свободи́, да с любо́вию зове́м Ти:/ ра́дуйся, всего́ ми́ра Наде́ждо и Утеше́ние, Похвало́ Табы́нская.

И́кос:

Смысл очи́стивше и ум, притеце́м к Богоро́дице,/ све́тло пе́сньми ублажа́юще Ю́,/ и пречестну́ю ико́ну Ея́ Табы́нскую просла́вим и почти́м,/ припа́дающе, поклони́мся Ей,/ посрамля́ет бо не чту́щия Ю́,/ избавля́ет же от вели́ких бед и зол благонра́вныя и богобоя́щияся рабы́ Своя́, зову́щия:/ ра́дуйся, Похвало́ Табы́нская.

Песнь 7

Ирмо́с: Не послужи́ша тва́ри богому́дрии/ па́че Созда́вшаго,/ но, о́гненное преще́ние му́жески попра́вше,/ ра́довахуся, поюще:/ препе́тый отце́в Госпо́дь и Бог, благослове́н еси́.

Сла́ва Табы́нския ико́ны Твоея́, Пречи́стая, возсия́ в Верхнеура́льстем гра́де,/ те́мже мно́жество люди́й, срета́юще ико́ну Твою́,/ преложи́ша неве́рие в позна́ние и́стиннаго Бо́га/ и в па́мять о сем утверди́ша ка́мень ве́лий на высо́цей горе́./ Научи́ и нас, Богоневе́сто, па́мятовати чудеса́ Твоя́/ и воспева́ти препе́таго отце́в Го́спода и Бо́га.

Ны́не ра́дуется Сиби́рская земля́,/ достиго́ша бо ю́ вели́чия Твоя́, Богома́ти,/ лику́ет Челя́бинск град, с ни́мже гра́ды Тюме́нь и Кустана́й,/ прие́млюще Табы́нскую ико́ну Твою́, Пречи́стая,/ неоску́дно бо де́йство благода́ти Твоея́,/ е́юже соверша́еши вели́кая и пресла́вная чудеса́/ во спасе́ние всех и просвеще́ние.

Град Ура́льск ерети́ческим злове́рием одержи́мь бе,/ егда́ же сре́те о́браз Твой, Пречи́стая,/ ко́зни вра́жия а́бие разруши́шася,/ лю́дие же, ви́девше ми́лости быва́емыя, во след Тебе́ теча́ху/ и ве́ру Правосла́вную, ра́дующеся, прославля́ху.

Егда́ христолюби́вии во́ини земли́ Оренбу́ргския имя́ху ико́ну Твою́ в полце́ свое́м,/ тогда́ ве́лию кре́пость и си́лу обрета́ху на враги́ своя́,/ орды́ бо неве́рныя покори́ша/ и де́рзости их низложи́ша.

Сла́ва: Пово́лжстей земли́ то́чиши благода́ть незави́стную, Влады́чице,/ прише́ствием Твои́м в Сара́тов град,/ ико́на бо Твоя́ Табы́нская де́монов по́лчища отгоня́ет/ и ду́ши заблу́ждших просвеща́ет./ Мы же любе́зно покланя́емся и лобыза́ем ю́/ и Тя, Богоро́дице, велича́ем.

И ны́не: Всяк, прибега́яй к покро́ву Твоему́, Чи́стая,/ не отхо́дит тощь и не услы́шан,/ Ты бо, я́ко Ма́ти и́стиннаго Живота́,/ отча́янных ве́лие Прибе́жище и обурева́емых ти́хое Приста́нище./ Приими́ и нас, призыва́ющих Тя на по́мощь, Всепе́тая Влады́чице.

Песнь 8

Ирмо́с: О́троки благочести́выя в пещи́/ Рождество́ Богоро́дичо спасло́ есть,/ то́гда у́бо образу́емое,/ ны́не же де́йствуемое,/ вселе́нную всю воздвиза́ет пе́ти Тебе́:/ Го́спода по́йте, дела́,/ и превозноси́те Его́ во вся́ ве́ки.

Егда́ лю́тая годи́на пости́же зе́млю Ру́сскую и яви́шася безбо́жнии лю́дие,/ тогда́ бысть всему́ Ура́льскому кра́ю ве́лие возмуще́ние:/ Бо́жия бо хра́мы разори́ша,/ святы́ни оскверни́ша и крестохожде́ния с ико́ною упраздни́ша./ Мы же мо́лим Тя, Влады́чице:/ испроси́ у Сы́на Твоего́ грехо́в оте́ц на́ших оставле́ние.

Печа́лующися о стране́ на́шей Ру́сстей, Влады́чице,/ и не хотя́щи ико́ною Твое́ю оста́вити ну́ждею преде́лы земли́ ея́,/ ста́ла еси́ недви́жно у Аму́ра реки́, несо́мая гони́мыми христолюби́выми во́ины./ Ве́рнии же лю́дие со святи́тели Мефо́дием и Не́стором сле́зно моля́хуся,/ да не оста́виши их си́рых во стране́ Кита́йстей,/ но да и́деши с ни́ми, по́мощь Свою́ подаю́щи.

Удиви́шася кита́йстии наро́ди, зря́ще чудеса́ от ико́ны Твоея́ быва́емая,/ те́мже, во храм Твой притека́юще, креще́ние приима́ху./ Мы же, ве́дуще сие́, прославля́ем Тя и Сы́на Твоего́, зову́ще:/ Го́спода по́йте, дела́,/ и превозноси́те Его́ во вся ве́ки.

Австрали́йская земля́ велича́ет Тя, Пречи́стая,/ слы́шащи о ди́вных чудесе́х Твои́х,/ Ты бо, любо́вию Свое́ю всех объе́млющи и благода́тию исполня́ющи, науча́еши пе́ти:/ Го́спода по́йте, дела́,/ и превозноси́те Его́ во вся ве́ки.

Сла́ва: Всяк язы́к, творя́й беззако́ние, лиша́емь святы́нь свои́х быва́ет,/ та́ко сокры́та есть от нас и Табы́нская ико́на Твоя́, Богома́ти, тайноде́йствием Бо́жиим,/ мы же, гре́шнии, в покая́нии те́пле мо́лим Тя:/ прииди́ к нам си́рым и уте́ши ны.

И ны́не: Ум а́нгельский и челове́ческий ужаса́ется, Влады́чице,/ ка́ко Младе́нца Безле́тна ражда́еши,/ ка́ко Сы́на Бо́жия на руку́ Твое́ю но́сиши,/ Его́же трепе́щут Го́рния си́лы, вопию́ще:/ Свят, Свят, Свят еси́, Бо́же,/ Богоро́дицею поми́луй нас.

Песнь 9

Ирмо́с: Всяк земноро́дный/ да взыгра́ется, Ду́хом просвеща́емь,/ да торжеству́ет же безпло́тных умо́в естество́,/ почита́ющее свяще́нное торжество́ Богома́тере,/ и да вопие́т:/ ра́дуйся, Всеблаже́нная, Богоро́дице,/ Чи́стая Присноде́во.

Ме́рзость запусте́ния на ме́сте святе́м быва́ше,/ егда́ исто́чницы сла́нии во враче́бницу преложе́ни бы́ша,/ оба́че Ты, Богоро́дице, неве́рствующих чуде́сным Твои́м страхова́нием изгнала́ еси́,/ да позна́ют вели́чия Твоя́, Богоневе́сто.

Возскорбе́ша христолюби́вии лю́дие,/ егда́ беззако́нницы храм, стоя́й на исто́чницех сла́ных, разори́ша/ и ме́сто свято́е в запусте́ние приведо́ша,/ оба́че до конца́ ми́лость от рабо́в Твою́ не отврати́ла еси́, Влады́чице, / и еди́ножды в ле́то струи́ водны́я в пеще́ре подае́ши, а́ки сле́зы точа́щи.

Се вре́мя благоприя́тное, се ны́не день спасе́ния наста́ в Ру́сстей земли́!/ Хра́мы Бо́жии открыва́хуся, оби́тели святы́я возражда́хуся/ и на горе́ Табы́нстей храм чу́дный Пречи́стей Богоро́дице воздви́гнут бысть,/ и́ноцы же, зде собра́вшеся, моли́тву о ми́ре возсыла́ют/ и сла́ву Бо́гу воспева́ют, та́ко изво́лившему.

Па́ки Благослове́нная Влады́чица излива́ет чудеса́ на рабы́ Своя́, я́коже пре́жде,/ та́ко и ны́не ми́лостию исполня́ет,/ мироточе́ние творя́щи от о́браза Своего́,/ к нему́же притека́ют вси, чту́щии Ю́,/ улуча́юще поле́зная ко спасе́нию.

Сла́ва: Ве́лия сла́ва Твоя́, Богома́ти, на исто́чницех сла́ных яви́ся,/ егда́ стека́хуся лю́дие возда́ти благодаре́ние Ти:/ тя́жко неду́гующих бо исцеля́еши,/ ма́терем детородя́щим ско́рое разреше́ние да́руеши,/ ожесточе́нно вражду́ющим неча́янное примире́ние подае́ши,/ сопру́жных в единомы́слии и любви́ сохраня́еши,/ Ра́дость бо Ты еси́ и́стинная.

И ны́не: Прииди́те, ве́рнии,/ чи́стым се́рдцем возвели́чим Пречи́стыя Ма́тере Бо́га на́шего чу́дную ико́ну Табы́нскую/ и Боже́ственнаго Младе́нца, Спа́са Христа́,/ Его́же, яко Ро́ждшая, на руку́ носи́вши/ и ма́тернее дерзнове́ние к Нему́ иму́щи,/ непреста́нно мо́лит за ны/ и подае́т рабо́м Свои́м бога́тыя ми́лости.

Свети́лен:

Да почти́тся Всепе́тая Ма́терь Бо́жия,/ ра́йских двере́й Отверзе́ние,/ всего́ ми́ра Очище́ние/ и к жи́зни нетле́нней Возведе́ние,/ я́ко Жизнь Су́щую ро́ждшая, Христа́ Бо́га на́шего,/ Сей бо есть проро́ком глаго́лавый, Тому́ поклони́мся,/ я́ко Бо́гу и Спа́су душ на́ших.

Сла́ва, и ны́не, то́йже.

На хвали́тех стихи́ры, глас 4:

Целому́дрия су́щи Хода́таица,/ призыва́ющим Тя ны́не яви́ся/ и от вся́ких изба́ви напа́стей и бед,/ Богоневе́сто Пречи́стая.

Неискусому́жно ро́ждши Го́спода,/ яви́ся по Рождестве́ па́ки де́вствующи:/ о, пресла́внаго чудесе́,/ в Тебе́ соде́ланнаго, Богоневе́сто!

Приими́, Отрокови́це Пречи́стая, Боже́ственную песнь,/ даю́щая благода́ть на Тя наде́ющимся,/ и мир испроси́ земли́ Ру́сстей при́сно посла́ти,/ да христиа́нский всяк язы́к Тя велича́ет.

Мно́гая Твоя́ щедро́ты ми́лостивно нас спаса́ют,/ еди́на Богома́ти,/ от грехо́внаго суда́ и разли́чных напа́стей,/ Ты бо, ро́ждши Бо́га, ми́луеши мир Его́.

Сла́ва, и ны́не, глас 2:

Ти́хое приста́нище/ оби́тель Твоя́ Табы́нская, Богоневе́сто,/ яви́ся всем притека́ющим,/ иму́щи в себе́ пречестну́ю Твою́ ико́ну,/ всем неоску́дно благода́ть подаю́щую.

Славосло́вие вели́кое. И отпу́ст.

Акафист  Пресвятой  Богородице  пред  иконой  Ея  «Табынская»

Кондак 1

Взбранной Воеводе рода христианскаго и страны нашея известной Избавительнице, хвалебныя песни принесем вернии Деве владычице Богородице. Ты же яко имущая милосердие неизреченное, от всяких нас скорбных обстояний свободи, да с любовию зовем Ти: Радуйся, Похвало Табынская и всего мира Надеждо и Утешение.

Икос 1

Архангели и Ангели дивятся Твоему неизреченному милосердию к роду человеческому, Дево Богородице, яко благоволила явити святую икону Свою близ града Казани, егда нечестивии агаряне воздвигоша брань на мирныя люди, разоряя грады и веси их. Ты же, Благая, хотя утешити рабов Твоих пришествием Своим, скорбь их на радость преложила еси, сего ради вопием Ти таковая: Радуйся, Благословенная в женах, радуйся, обретшая Благодать у Бога. Радуйся, десницею Создателя Благословенная; радуйся, Духом Святым освященная. Радуйся, Мати Христа Бога нашего; радуйся, в Рождестве и по Рождестве Дево. Радуйся Ангельских чинов удивление; радуйся, святых немолчное прославление. Радуйся, Похвало Табынская и всего мира Надеждо и Утешение.

Кондак 2

Провидя, Мати и Дево, беды и смятения окрест града Казани, явила еси святую икону Свою, наипаче же милость Свою, Владычице, людям, да не оскудеет вера, да не угаснет надежда, но да прославляется Имя святое Отца и Сына и Святаго Духа вопиющими: Аллилуиа.

Икос 2

По времени образ Твой честный Казанский во мнозе градах и весях страны нашея на досках изображенный, прояви силу благодатную истекающими чудотворениями, тако и окрест веси Табынския близ Вознесенския обители святыя явися новый образ Твой. Некогда диакон чернец, грядущий с села в святую обитель, услыша Твой глас: да потщится правоверующая братия богоспасаемыя обители прияти Мя в Храм Господа Моего. Убояся прельщения, не внях неземному гласу сему, паки же возвращахуся ему путем тем, слыша глас Твой: Да прииди и виждь. Уразумех, яко глаголы сии свыше суть, прииде на место, откуда слышен бысть глас сей и узрех святую икону Мати Божия, на камени велием близ горы Табынския, у источника воднаго, возрадовахся духом. Мы же дивяся сему вопием Ти сице: Радуйся, явлением святыя иконы Твоея милость Божию нам возвестившая; радуйся, чистым сердцем глас Твой святый явившая. Радуйся, Мати щедрот и милосердия; радуйся, милости сокровище многоценное. Радуйся, с небесных высот на рабы Твоя призирающая; радуйся, покровом Твоим нас осеняющая. Радуйся, яко милость Твоя посещает христианские веси и грады; радуйся, яко милосердие Твое сердец наших отрада. Радуйся, Похвало Табынская и всего мира Надеждо и Утешение.

Кондак 3

Сила благодати Твоея осени сердце диакона благочестиваго, узревшу ему святую икону Твою, Владычице, и объят бых страхом величия Твоего, возрадовахся зело, со тщанием возтече во обитель и возвести братии о дивном обретении своем, радостно вопия Богу: Аллилуиа.

Икос 3

Имущи, Пресвятая дево, икона Твоея силу благодатную, явися инокам радостию велию, егда познаша милости Твоея чрез икону Твою Табынскую людем являемыя, со страхом несоша святыню сию во и поведоша о сем воеводе Уфимскому и Архиерею града Казани. Мы же благодарнии вопием Пресвятей Деве таковая: Радуйся, помощь Свою всем притекающим к Тебе подающая; радуйся, слез наших не отвергающая. Радуйся, к сыну Твоему моление о верных выну приносящая; радуйся, прошения наша во благо исполняющая. Радуйся, монашествующих покрове; радуйся, девствующих ограждение. Радуйся, к Богу умов и сердец направление; радуйся, душ наших спасение. Радуйся, Похвало Табынская и всего мира Надеждо и Утешение.

Кондак 4

Буря крамолы, воздвигнутыя от мятежник навыжденных Айдаром и Кусюмою, разори обитель Вознесенскую, братию же избиши, разсеятися понуди. Ты же, Всеблагая, хотя по времени явитися во славе велией, сокры икону Свою чудотворную Табынскую. Мы же, дивяся таковому промышлению Твоему, Владычице, вопием к Богу: Аллилуиа.

Икос 4

Слыша Богомати стенания рабов Твоих веси Табынския и видяше скорбь их, зане вера Христова поругаема бываше от неверных, в познание истины Христовой и изобличение неверных благоволила паки второе явити на камени тем же Образ Твой честный светом Божественным озаренный. Мы же, дивящеся таковому Твоему попечению о нас, вопием Ти таковая: Радуйся, явление иконы Твоя Табынския свет истинныя веры земле Уфимской даровавшая; радуйся, суевериям и зловериям омраченных просветившая. Радуйся, грешных исправление; радуйся, кающихся с Богом примирение. Радуйся, милость согрешившим являющая; радуйся, раны греховныя истребляющая. Радуйся, скорбные сердца надеждою возрождающая; радуйся, лювовию их согревающая. Радуйся, Похвало Табынская и всего мира Надеждо и Утешение.

Кондак 5

Боготечную звезду святую икону Твою увидеша нечестивии агаряне светящую на камени, но не уразумеша Твоего, Владычице, пришествия, косни бо сердцем быша, ненавистию ко христианам распалишася, надругашися над святынею. За такое хуление святыни Твоея слепотою наказани быша, блуждаху по лесу неведуща пети: Аллилуиа.

Икос 5

Видеша хулители святыни, яко зело наказаны быша от Бога, не хотяху раскаятися, зане ожесточени сердцем быша, токмо един от них, лучем благодати Божией просвещенный, раскаяся и абие прозрев, возратися со единоплеменники своими ко святей иконе и слезно молишася пред нею. По молитве его Мати Божия всех исцели. Сего ради вопием Пречистей: Радуйся, торжество веры в стране нашея являющая; радуйся, святой иконою Твоею окамененыя сердца смягчающая. Радуйся, зловерия явное обличение; радуйся, истинныя веры утверждение. Радуйся, рода христианскаго возвышение; радуйся, святыни присное ограждение. Радуйся, яко Тобою беззаконие наказуется; радуйся, яко Тобою хула на Бога истребляется. Радуйся, Похвало Табынская и всего мира Надеждо и утешение.

Кондак 6

Проповедницы Твоея благодати явишася прозревшии магометане, возвестиша христианом веси Табынския о Твоем, Богомати, явлении, но не прияша крещения, токмо первый прозревший, иже прияв веру православную, возрадовася зело и рече всем притекающим ко источнику целебному: се, ны познах, яко велий есть Бог земли Российстей, со умилением вопия Ему: Аллилуиа.

Икос 6

Возсия свет Божественный, Владычице, егда святая икона Твоя с честию велиею перенесена бысть от места явления Своего в весь Табынскую, изливая верным дары целебныя и всем подавая помощь и утешение с верою к Тебе и во всякой скорби притекающим и вопиющим таковая: Радуйся, отчаявшихся прибежище; радуйся скорбящих слышание. Радуйся, печальных утешение; радуйся, христианом отрада и ограждение. Радуйся, в бедах и печалех теплое заступление; радуйся, яко немощным даруеши укрепление. Радуйся, скорбь нашу на радость претворяющая; радуйся, наветы вражия от нас отгоняющая. Радуйся, Похвало Табынская и всего мира Надеждо и Утешение.

Кондак 7

Хотяще вернии веси Табынския выну памятовати о чудеснем явлении иконы Твоея, Владычице, сотвориша в честь дивныя Твоея иконы Табынския празднование в пяток девятый Пасце, в день второго явления ея, благодаряще Заступницу усердную, Богу же воспевая: Аллилуиа.

Икос 7

Новое чудо явила еси Богородице, егда за беззакония людей праведный гнев Божий постиже град Стерлитамак, поразих их болезнию холерною, вернии с благословения Архиерея Иоанникия, вземши святую икону Твою, Богомати, Табынскую, принесоша ю во свой град и слезно пред нею моляшася. Егда совершено бысть молебное пение — болезнь смертная остави град. Видяши же людие милость Твою, Богородице, возопиша Тебе таковая: Радуйся, яко за люди согрешившия присно пред Сыном Твоим и Богом ходатайствующая; радуйся, праведный гнев Божий, на них движимый, на милость преклоняющая. Радуйся, прекращением холеры благодатную силу иконе Твоей нам возвестившая; радуйся, милость Божию и согрешившим явившая. Радуйся, Надеждо ненадежных; радуйся, опора немощных. Радуйся, заблуждших на путь покаяния наставляющая; радуйся, веру в жизнь будущаго века в них пробуждающая. Радуйся, Похвало Табынская и всего мира Надеждо и Утешение.

Кондак 8

Странное чудо зрим о Тебе, Богомати, егда икона Твоя Табынская принесена бысть во град Оренбург во время мора смертнаго и токмо явися во граде сем святая икона Твоя — абие мор преста, сего ради вернии града сего на коегождо лето ко дню Рождества Пресвятыя Богородицы с радостию велию сретиша святую икону Твою Табынскую со умилением вопия: Аллилуиа.

Икос 8

Весь аз недостойный грехми исполнихся, мирскому разсеянию вдахся и о душе своей вознерадев, обаче на святую икону Твою, Владычице, взирая и просвещение от нея безчисленным людем зде приходящим видя, паки на путь спасения устремляются, и в радости сердца воспевают Ти сице: Радуйся, шествовати путем Господним нас научающая; радуйся, на пути ко Господу нас укрепляющая. Радуйся, жестокосердия искоренение; радуйся, милосердия в сердцах насаждение. Радуйся, к подвигу целомудрия нас призывающая; радуйся, непорочных венчающая. Радуйся, от земнаго богатства души верных отвращающая; радуйся, духовными дарованьми молящихся обогащающая. Радуйся, Похвало Табынская и всего мира Надеждо и Утешение.

Кондак 9

Вси людие земли Уфимския, егда праведний гнев Божий наказаша их бездождием, со слезами молиша Заступницу христианскую просити у Сына Своего и Бога, да оросит землю их дождем, и егда вернии веси Архангельския, вземши святую икону Табынскую, несоша ю на село свое, бысть дождь велий, на радость скорбящим и во утешение плачущим, да воспоют Господу благодарным сердцем: Аллилуиа.

Икос 9

Витий глаголы и любомудров смыслы не довлеют ко изглаголанию чудес Твоих, Владычице Неба, яко во утешение жителям Стерлитамака, низпослав свыше дождь велий на землю, сим избавила град их от глада и запаления огненнаго, яко да истребится от лица скорбящих всяка печаль и всяка болезнь, сего ради вопием Ти: Радуйся, обуреваемых тихое пристанище; радуйся, источниче милостей Господних. Радуйся, унылых ободряющая; радуйся, моление скорбящих ко Господу возносящая. Радуйся, ходатайством Твоим от зноя и жажды нас спасающая; радуйся, молитвами от запаления огненного избавляющая. Радуйся, яко алчущих питаеши; радуйся, яко во мразех сущих согреваеши. Радуйся, Похвало Табынская и всего мира Надеждо и Утешение.

Кондак 10

Спасти хотящи, Пресвятая Богородице, страждущего трясовицею Василия воина от града Оренбурга, исцеление подаде ему чрез икону Свою Табынскую. Сей воин во сне двукраты в весь Табынскую идяше и тамо Матерь Божию об исцелении умоляше, уразумев в сониях волю Владычицы, пойде немощный двести тридесят поприщ, труждаяся и множицею на землю падоша, пришедше же ему в весь Табынскую, егда погрузися во источник святый, идеже икона Твоя явися, абие исцелен бысть и радуяся, благодаряще Матерь Божию, возопиши Господу: Аллилуиа.

Икос 10

Стена нерушимая веры явилася еси, Богородице, боголюбивому отроку, зане сей имевший части некия от камени, на нем же явися икона Твоя, Владычице, многим болящим помощь подаше еси, егда бо сии, омывши частицы камени водою, пияхом ю и омывахом ею раны своя, абие исцеление приимаша. Мы же благодать Твою видевше, зане и камени силу чудотворити даровала еси, вопием Ти сице: Радуйся, святые ключи целебною водою прославившая; радуйся, даже каменю, на нем же явися святая икона Твоя Табынская, благодатную силу даровавшая. Радуйся, всем с верою притекающим к целебней иконе Твоей исцеление подающая; радуйся, благодарение их ко Господу возносящая. Радуйся, яко к помощи Твоея и маловернии притекают; радуйся, яко по повелению Твоему и разслабленнии со одра болезни возстают. Радуйся, бесов изгнание; радуйся, помраченных умов просветление. Радуйся, Похвало Табынская и всего мира Надеждо и Утешение.

Кондак 11

Пение хвалебное возсылаху тебе, Матери Божией, вси людие, стоящии во храме Твоем, видиша покаяние согрешившего и милосердие Твое к нему некий воин Гавриил, за нарушение обета, данного Тебе, в разслаблении сущий — исцелен бысть, егда святого таинства елеосвящения сподобльшася к чудотворному образу Твоему припаде. Мы же, грешнии, многажды Господа грехми своими прогневляющии, молим Тя, и нам прощение грехов испроси со упованием поющим: Аллилуиа.

Икос 11

Свет зрению даровала еси, Владычице, старице некоей, осемь лет во граде Оренбурге слепотою страдавшей; егда бо в сретении Твоея иде, сродницею своею оставлена бысть, стеснения ради народа, внезапу прозре и видяще икону Твою святую возрадовася зело, мы же со трепетом вопием Ти сице: радуйся благодатная, врачевания обильно источающая; радуйся, исцелением недугов притекающих к Тебе веселящая. Радуйся, слепых прозрение; радуйся, глухих слышание, немых глаголание. Радуйся, хромых хождение; радуйся, вдов и сирот заступление. Радуйся, душ наших освящение; радуйся, земнородных упование. Радуйся, Похвало Табынская и всего мира Надеждо и Утешение.

Кондак 12

Благодать Твою яви нам, Пресвятая Дево, молящимся Тебе пред честней иконою Твоею Табынскою, излей щедроты Твоя на грады и веси не токмо края Приуральскаго, но во всем мире честный образ Твой почитающим и поющим Богу: Аллилуиа.

Икос 12

Поюще Твоя чудеса от иконы Твоея Табынския явленыя, молим Тя, Владычице, Лика Твоего от страны нашей не отврати и всем приводящим к чудотворному образу Твоему и милости от Тебя ожидающим во благая вся прошения исполни, да вси воспоем Ти сице: Радуйся, иконою Твоею Благословение Божие краю нашему приносящая; радуйся, источник Твой яко проповедник спасения веси Табынския оставившая. Радуйся, смиренных сердцем Боговедением просвещающая; радуйся, яко славу Божию воспевати нас научающая. Радуйся, к Тебе же падшие в покаянии притекают; радуйся, яко призывающие имя Твое святое от падения греховнаго возстают. Радуйся, в час смертный чтущих Тя не оставляющая; радуйся, и по смерти во обители небесныя души их сопровождающая. Радуйся, Похвало Табынская и всего мира Надеждо и Утешение.

Кондак 13

О Всепетая Мати Христа Бога нашего, приими молитвы раб Твоих и мир испроси всем, с верою и любовию притекающим к иконе Твоей Табынской, и живот вечный даруй им со умилением поющим: Аллилуиа, Аллилуиа, Аллилуиа.

(Этот кондак читается трижды, затем икос 1 и кондак 1)

Молитва Пресвятой Богородице перед Ея иконой, именуемой “Табынская”

О Пресвятая Владычице Богородице, Мати Господа нашего Иисуса Христа непрестанная о нас пред Богом молитвенница и ходатаица. О, Мати наша Преблагая, всех нас при кресте Сына Твоего усыновившая. Благодарим Тя, безчисленныя блага молитвою Своею нам испросившая. Благодарим Тя, множество икон Твоих чудотворных стране нашей даровавшая. Благодарим Тя, дивную икону Табынскую в годину скорбей краю Уральскому пославшая, на камени велием икону Свою нам явившая. Молим Тя, окамененныя сердца наши росою молитв Твоих умягчи. Милость Свою нам показавшая у источника воднаго, идеже болезни наша телесныя исцеляются, даруй нам потоки скорбных слез и очисти ими тину грехов наших. У источника воднаго святою иконою Твоею благословение месту сему показавшая, помози нам Слово Господа Сына Твоего исполнити и солию земли быти. Лик Свой темный нам, грешным, омраченным грехом явившая, просвети тьму грехов наших и приведи нас к тихому пристанищу в вечныя обители, уготованные Господом любящим Его. Аминь.

Сайт  https://azbyka.ru/days/ikona-tabynskaja

Добавить комментарий

Ваш e-mail не будет опубликован. Обязательные поля помечены *