Икона Божией Матери «Умиление»

Икона Божией Матери "Умиление"

Икона  Божией  Матери  «Умиление»  любима  и  почитаема  в  народе.  И  этому  есть  несколько  причин.  Иконы  этого  типа  проникнуты  такой  любовью  и  нежностью,  что  щемит  сердце.  Пресвятая  Богородица    всем  Своим  видом  выражает  чувство  смирения,  сокрушения,  душевного  участия,  и  это  находит  отклик  в  душе  каждого  верущего,  стоящего  пред  святым  образом.

Иконография:  Умиление — это  тип,  жанр  иконописи.  Это  образ  Пресвятой  Богородицы,  написанный  по  иконографическому  типу  Елеуса.  Этот  иконографический  тип  изображает  Богородицу,  склонившую  взгляд  к  Богомладенцу  с  любовью  и  умилением.  Наиболее  известные  иконы  этого  типа  Серафимо — Дивеевская  и  Псково — Печерская.

Серафимо-Дивеевская  икона  Божией  Матери  «Умиление»  написана  маслом  на  холсте,  закрепленном  на  кипарисовой  доске  размером  67 х 48  сантиметров.  Пресвятая  Богородица  изображена  в  полурост,  с  крестообразно  сложенными  на  груди  руками,  без  Богомладенца,  в  момент  произнесения  Ею  слов  Архангелу  Гавриилу  при  Благовещении:    «Се раба Господня, буди Ми по глаголу твоему».

На  икону  была  сделана  позолоченная  риза;  еще  одна  драгоценная  риза  была  подарена    в  начале  ХХ  века  государем  Николаем II  при  прославлении  преподобного  Серафима.  Нимб  на  этой  ризе  был  выполнен  в  виде  расходящихся  лучей,  состоящих  из  драгоценных  камней  и  жемчуга.

Икона "Умиление" Серафимо-Дивеевская
Икона Божией Матери «Умиление» Серафимо-Дивеевская

Согласно  преданию,  чудотворная  икона  Божией  Матери  «Умиление»  Серафимо — Дивеевская  была  обретена  в  лесных  чащобах  вблизи  современного  Саратова.    Она  была  главным  келейным  образом  великого  русского  святого  Серафима  Саровского, который  не  расставался  с  ней  на  протяжении  всей  своей  жизни.

У  этой  иконы  старец  исповедовал,  маслом  от  лампадки  помазывал  больных  людей.  Множество  чудес  по  его  молитвам  совершалось  перед  этой  иконой.  Перед  ней  он  молился,  перед  ней  он  окончил  свой  земной  путь.

Святого  старца  нашли  коленопреклоненным  у  аналоя  в  своей  келье  в  обычном  белом  балахончике  с  крестообразно  сложенными  руками.  Перед  любимой  иконой  горела  лампадка.  Казалось,  что  старец  просто  уснул  во  время  молитвы.  Но  он  уже  отправился  в  Небесные  обители.

После  кончины  святого  икону  передали  сестрам  Дивеевской  обители,  где  она  хранилась  в  церкви  Казанской  иконы  Божией  Матери.  Образ,  который  сам  старец  называл  «Всех  радостей  Радость»,  вскоре  стал  одним  из  самых  почитаемых  среди  сестер.  «Радуйся, Владычице,  Радосте  всех  радостей,  умиление  и  спасение  душ  наших», — поется  в  акафисте,  посвященном  чудотворной  иконе  Божией  Матери  «Умиление».

28  июля  (ст. стиль)  1885  года  икона  была  помещена  в  храме  во  имя  Живоначальной  Троицы  Свято-Троицкого  Серафимо-Дивеевского  монастыря.  Этот  день  стал  в  церковном  календаре  днем  чествования  чудотворной  иконы,  а  списки  с  иконы  стали  появляться  далеко  за  пределами  Дивеево.

В  1927 г. ,  после  закрытия  монастыря,  игумения  Александра  была  арестована.  После  освобождения  она  уехала  в  Муром,  сумев  сберечь  и  увезти  с  собой  чудотворный  образ  вместе  с  остальными  вещами  батюшки  Серафима.  Икону  удалось  спасти:   ее  тайно  вывезли  в  город  Муром.  После  смерти  матушки  Александры  в  1941  году,  икону  хранила  монахиня  Мария  (Баринова).

В  конце  жизни  она  решила  передать  святыню  Святейшему  Патриарху  Пимену,  который  благословил  отдать  ее  на  хранение  протоиерею  Виктору  Шаповальникову,  жившему  в  подмосковном  поселке  Кратово.  19  лет   благочестивые  люди,  отец  Виктор  и  его  матушка,  хранили  святую  икону  «Умиление»  и  вещи  преподобного  Серафима.

Принимая  приходящих  к  святыням,  они  много  раз  были  свидетелями  чудес  и  исцелений.  В  июне  1991  года  чудотворная  икона  Божией  Матери  «Умиление»,  оклад  и  вещи  старца  Серафима  были  переданы  Патриарху  Алексию  II.  Сейчас  чудотворный  образ  находится  в  Патриаршей  резиденции  в  Москве .

Икона Умиление" в Патриаршей резиденции

Один  раз  в  год  — в  праздник  Похвалы  Пресвятой  Богородицы  — Серафимо — Дивеевская  икона  Божией  Матери  «Умиление» выносится  в  Патриарший  Богоявленский  собор  на  всеобщее  поклонение.  В  Троицком  соборе  Дивеевского  монастыря  находится  чудотворный  список  с  иконы,  выполненный  в  начале  ХХ  века.

Празднование:  1  августа,  10  августа

В Патриаршей резиденции

Чудотворная  икона  Божией  Матери  «Умиление»  Псково — Печерская

Написана  Псково-Печерская  икона  Божией  Матери  «Умиление»  благочестивым  монахом  Арсением  ( Хитрошем ).  Икона  Божией  Матери  «Умиление»  Псково — Печерская  была  принесена  в  Псково — Печерскую  обитель  около  1521  года  псковскими  купцами  Василием  и  Феодором  во  время  игуменства  преподобного  Корнилия.

Псково-Печерская икона "Умиление"

Иконография:  Согласно  преданию,  она  является  списком  Владимирской  иконы  Божией  Матери.  Иконографический  тип — Елеуса.  В  переводе  с  греческого  языка  это  слово  означает  «Милостивая».  Елеуса — самый  популярный  тип  иконописи  в  русской  традиции.  Пресвятая  Богородица  держит  Предвечного  Младенца  на  правой  руке,  левой  указывая  на  Него,  как  на  путь  спасения.

Богомладенец  прижимается  с  умилением  и  любовью  к  Богоматери  ланитой,  обнимая  Ее  за  шею,  с  поднятой  в  благословляющем  жесте  правой  рукой.  Между  Матерью  и  Младенцем  нет  никакой  дистанции.  Они  сливаются  в  единое  целое,  являя  безграничную  Любовь.  Это  близкое  соприкосновение  означает  тесную  связь  между  Богом  и  людьми.

Прославление  чудотворной  иконы  началось  в  1524  году.  От  образа  получили  исцеление  многие  жители  Пскова,  прозревали  слепцы,  получали  помощь  при  увечьях.  Не  раз  являла  чудотворная  Псково-Печерская  икона  Божией  Матери  «Умиление»  свою  милость  и  чудодейственную  помощь  православному  русскому  народу.

А  во  время  осады  Пскова  польским  королем  Стефаном  Баторием  прославились  чудом  спасения  Пскова  от  польских  полчищ  две  иконы  «Успение»  Псково — Печерская  и  «Умиление».  В  1581  году  польский  король  обстрелял  город  Псков  калеными  ядрами  с  колокольни  Мирожского  монастыря.

Одно  из  них  попало  в  икону  Божией  Матери,  поставленную  на  забрале  стены,  и…  «тихо паде пред иконою»,  не  повредив  не  только  ее,  но  и  окружавших  ее  защитников  города. Поражение  под  Псковом  вынудило  Речь  Посполитую  заключить  с  Россией  перемирие.  В  память  чудесного  избавления  Пскова  от  осады  икона  при  царе  Феодоре  Иоанновиче  была  украшена  жемчугом  и  каменьями — алмазами,  изумрудами,  яхонтами,  аметистами.

Празднество  иконе  установлено  7  мая,  21  мая,  23  июня,  26  августа, а  также  еще  7  октября  в  память  избавления  Пскова  от  нашествия  Наполеона,  когда  французские  войска  заняли  Полоцк,  эта  беда  грозила  и  Пскову.  В  Пскове  был  совершен  крестный  ход  с  иконой  «Умиление»,  и  город  был  спасен.

Чудотворная  икона  Божией  Матери  «Умиление»  Псково — Печерская  находится  в  настоящее  время  в  главном  приделе  Успенского  собора  Псково — Печерского  монастыря,  а  в  Михайловском  храме,  который  был  построен  в  честь  архистратига  Михаила  после  спасения  Пскова  от  нападения  наполеоновских  войск,  хранится  более  поздний  список.

Молитвенная  традиция:  Перед  иконой  молятся  об  исцелении  телесных  немощей,  о  возвращении  зрения,  о  помощи  в  любых  делах,  о  защите  от  недругов  и  недоброжелателей.

"Умиление" 16 век
Икона Божией Матери «Умиление», XVI век

Молитва  пред  иконой  Божией  Матери  Псково-Печерская  «Умиление»

О Преблагословенная Дево Богородице Владычице! Мати всех страждущих и болезнующих сердцем! Страны нашея и града Защитнице! Обители Псково-Печерския красото и славо! Призри на нас смиренных, обремененных грехи многими, отягченных скорбьми и печалями, и с сокрушением и слезами взирающих на пречистый лик Твой, в чудотворней иконе явленный. Сохрани от всякаго зла святую обитель сию, юже преподобный Корнилий со старцы Марком и Ионою Тебе вручи и всех в вере и надежде подвизающихся в ней. Спаси и град сей, и вся люди, правоверно живущия и к Тебе прибегающия, от нашествия иноплеменных, от всякаго страха и труса, от мора и глада, от злых человек и всяческой скорби. Приникни к нам милосердием Твоим, яко ликом Твоим Божественным любезно приникла еси к ланите Богомладенца. Согрей нас дыханием Твоея любве и никогда же отступай от нас, ни в сей жизни, ни в будущей да чающе Твою всесильную Материнскую помощь, сподобимся безбедно дойти вечныя жизни и прославлять Небеснаго Отца и Сына и Святаго Духа, в Троице славимаго Бога, во веки веков. Аминь.

Тропарь, глас 4:
К Богородице с умилением припадем вси, грехми обремененнии, чудотворную Ея икону Умиления облобызающе и вопиюще со слезами: Владычице, приими моление недостойных раб Твоих и подаждь нам, просящим велию Твою милость.

Кондак, глас 6:
Не имамы иныя помощи, не имамы иныя надежды, разве Тебе, Пречистая Дево. Ты нам помози, на Тебе надеемся и Тобою хвалимся, Твои бо есмы раби, да не постыдимся.

Празднование:  28  июля  /  10  августа .

Акафист  Пресвятой  Богородице  пред  иконой  «Умиление»  Серафимо-Дивеевская

Не утвержден для общецерковного  использования

Кондак 1

Избранней от всех родов Божией Матери и Царице, умиленно молящейся за ны ко Господу и образ Умиления Своего нам даровавшей милостиво, похвальное пение и моление приносим Ти, Богородице; Ты же, яко всемилостивая наша заступница и всеблагая помощница, от всяких бед нас избави, да зовем Ти:

Радуйся, Владычице, Радосте всех радостей, Умиление и спасение душ наших.

Икос 1

Ангел земный и человек небесный, праведный старец Серафим икону Твою святую, Богородице Дево, яко драгоценное сокровище стяжа в своей келии, пред нею усердныя молитвы Тебе принося, Всепетая, во вся дни подвижническаго жития своего, благоумиленно «Радость всех радостей» Тя именуя и сице Тебе взывая:

Радуйся, обрадовавшая падшее человечество всесвятым Твоим рождеством; радуйся, Спасителя миру нетленно рождшая и девство сохраншая предивно.

Радуйся, Мати Дево преблагословенная; радуйся, Богородице препрославленная.

Радуйся, палато Бога Слова прекрасная; радуйся, светоносная ложнице Царя царей.

Радуйся, пророческих глаголов сбытие принесшая; радуйся, апостольския проповеди основание непоколебимое.

Радуйся, преподобных похвало и дев величание; радуйся, человеческаго рода возвышение.

Радуйся, утешение скорбящим; радуйся, исцеление болящим.

Радуйся, Владычице, Радосте всех радостей, Умиление и спасение душ наших.

Кондак 2

Видев себе болезнию зельною одержима блаженный Серафим, усердно моляше Тя, Богородице Дево, о помощи и исцелении, и се абие предстала еси ему во свете небеснем со апостолы Петром и Иоанном Богословом и, рекши: «Сей от рода нашего есть», исцеление скоро ему даровала еси.

Икос 2

Разумев свое исцеление, Твоим посещением благодатным совершившееся, блаженный Серафим немолчно проповедаше, Богородице, Твою великую к нему милость, икону же Твою святую неземными руками изображенную и дивно свыше ему дарованную, благоговейно почиташе и сию благодати причастною именоваше, ейже и мы ныне поклоняющеся, сице Тебе зовем:

Радуйся, обрадовавшая избранника Божия Твоим посещением; радуйся, в недузе ему исцеление подавшая скоропредстательно.

Радуйся, присным Своего рода милостивно его нарекшая; радуйся, откровении божественными его просветившая.

Радуйся, в течение жизни его святыя многократно ему являвшаяся; радуйся, на подвиги поста и молитвы невидимо его укрепившая.

Радуйся, в пустынножитии и затворе сладкая его собеседнице; радуйся, от враг видимых и невидимых державная его заступнице.

Радуйся, и нам грешным являющая от иконы Твоея многия милости и щедроты; радуйся, и нас недостойных не лишающая Твоих благодеяний благодатных.

Радуйся, яко недуги наша врачуеши безмездно; радуйся, яко печали наша утоляеши радостотворно.

Радуйся, Владычице, Радосте всех радостей, Умиление и спасение душ наших.

Кондак 3

Сила Божия действоваше чрез святую икону Твою, Умиление именуемую, Богородице пречистая, егда сия в келии преподобнаго Серафима исцеления верным источаше, иже прихождаху отвсюду к праведнику Божию и по вере своей, его святыми молитвами, получаху от Тебе многия дары благодатныя, благодарно поюще Богу: Аллилуиа.

Икос 3

Имуще веру и любовь к Тебе, Богородице, преподобный Серафим по Бозе всю надежду на Тя полагаше, икону же Твою святую благоговейно почиташе, свещи и елей пред нею возжигая и тепле моляся Тебе, да будеши ему помощница во спасение. О сем и мы Тя молим, Преблагая, и со усердием поем:

Радуйся, свеще всемирная, мрак языческий просветившая светом Христовым; радуйся, стамно всезлатая, в нейже уготовася Хлеб небесный, от Негоже вкушающии ктому не умирают.

Радуйся, деннице Солнца правды; радуйся, заре невечерняя безсмертныя Жизни.

Радуйся, падшаго человеческаго естества обновление; радуйся, древния вражды разрушение.

Радуйся, радосте, святых созерцание; радуйся, сладосте, усладившая сладость духовную.

Радуйся, облаче, росу спасительную источивый; радуйся, алавастре, мира божественнаго полный.

Радуйся, окаменелых сердец умягчение; радуйся, веры и благочестия возращение.

Радуйся, Владычице, радосте всех радостей, умиление и спасение душ наших.

Кондак 4

Бури греховныя избежати и в тихое пристанище покаяния приити помози нам, пречистая Дево, Искупителя и Спасителя душ наших рождшая и Матернее дерзновение к Нему имущая, простри к Нему богоноснеи Твои руце и умоли Его благость вся ны помиловати и спасти, да благодарне поем Ему о Тебе славословия песнь: Аллилуиа.

Икос 4

Слышавше о премногих чудесех Твоих, Богородице Дево, от иконы Твоея святыя являемых верным, радуемся и мы, грешнии, яко даровала еси нам таковый благодатный залог Твоего к нам благоволения, Всеблагая, и от радостных и благодарных устен сицевое приносим Ти пение:

Радуйся, обитель дев в Матерний Твой покров милостиво приемшая; радуйся, обитель малую и убогую распространившая и духовно обогатившая.

Радуйся, обетование Твое, преподобному Серафиму о ней изреченное, верно исполнившая; радуйся, иконою Твоею в ней пребывати изволившая.

Радуйся, надеждо наша пресвятая; радуйся, Мати наша преблагая.

Радуйся, добрая младопитательнице девам; радуйся, вдов и сирот попечительнице благомилостивая.

Радуйся, заступление наше от врагов невидимых; радуйся, помощнице наша в нечаянных бедах.

Радуйся, стено, ограждающая нас от греховных соблазнов мира; радуйся, покрове, не крыющийся от нашего притекания.

Радуйся, Владычице, радосте всех радостей, умиление и спасение душ наших.

Кондак 5

Боготечная звезда, святая икона Твоя, Богородице Дево, лучи Божия благодати невидимо испущает и души верных озаряет; сию и мы с верою и благоговением лобызающе, в скорбех утешение, в болезнех врачевство безмездное от Тебе, Владычице, приемлем и, славословяще многопетое и преблагословенное имя Твое, радостно поем Богу: Аллилуиа.

Икос 5

Видев праведный старец Серафим в преславный день Благовещения Твоего, Богородице, Тя пришедшую к нему в смиренную его келию со ангелы, Предтечею, Богословом и ликом святых дев, радости премирныя исполнися, и сияше лице его старческою красотою небесною, Ты же, славою Твоею божественною его озаряющи, милостиво беседовала еси с ним, яко с другом присным, обетовании благими обвеселяющи душу его и сими подвизающи нас вопити Тебе:

Радуйся, обрадованная Приснодево; радуйся, Невесто Неневестная.

Радуйся, Царице горних и дольних; радуйся, предводительнице девственных ликостояний.

Радуйся, от небесных высот посещающая земнородных; радуйся, являющая лице Твое пречистое избранником Божиим.

Радуйся, лики святых спутешествующия Тебе имевшая; радуйся, собор святых дев с Собою приведшая.

Радуйся, деве смиренней и трепещущей явления Твоего славу Твою показавшая; радуйся, беседы божественныя ея удостоившая.

Радуйся, преподобнаго Серафима посещением Твоим облагодатствовавшая; радуйся, с ним и вся ны духовно обвеселившая.

Радуйся, Владычице, радосте всех радостей, умиление и спасение душ наших.

Кондак 6

Проповедуемо и везде похваляемо есть от верных посещение Твое, Мати Божия, егоже сподобила еси преподобнаго Серафима в день преславнаго Твоего Благовещения; сие посещение Твое всеблагое и мы днесь благоговейно воспоминающе, благодарственныя песни Тебе приносим, Пречистая, и хвалебно восклицаем Сыну и Богу Твоему: Аллилуиа.

Икос 6

Возсия сияние славы небесныя в смиренней келии праведнаго старца, егда от горних высот пришла еси, Богородице, с ликом святых его посетити, егоже не терпящи зрети дева, сотаинница божественнаго видения, ниц паде на землю, но милостивно ту воздвигла еси, Владычице, и премилостивыя глаголы Твоя ей прорекла еси. Таковому благоснисхождению Твоему дивящеся, с любовию и благоговением Тебе вопием:

Радуйся, Дево всеблагая, девство похвалившая деве земной; радуйся, венец Царствия Небеснаго ей и девам обещавшая за верность Жениху Христу.

Радуйся, Ангелы чтимая и певаемая от Херувим; радуйся, Архангелы окружаемая и прославляемая от Серафим.

Радуйся, Предтечу, Богослова и лик святых дев с Тобою в явлении чудесно ему показавшая; радуйся, сие явление Твое обетовании благими избраннику Божию заключившая.

Радуйся, сбытием обетований Твоих истину явления Твоего засвидетельствовавшая; радуйся, наша похвало и утверждение.

Радуйся, обителей иноческих милостивое попечение и призрение; радуйся, Церкве Христовой божественная лепота.

Радуйся, постников и преподобных тайное утешение; радуйся, христианскаго рода непостыдное упование.

Радуйся, Владычице, радосте всех радостей, умиление и спасение душ наших.

Кондак 7

Хотящим нам, Владычице, лобызати святую всечестную чудотворную икону Твою, не возбрани нам сие грехов ради наших, но, яко многоблагоутробная Мати милостиваго Бога, не возгнушайся наших нечистых устен, но приими нас милостиво, припадающих к Тебе с любовию, дары благодатныя щедро нам подавающи от многочудеснаго Твоего образа, да зовем со умилением Триединому Богу: Аллилуиа.

Икос 7

Дивно и свято скончатися благоволила еси, Владычице, избраннику Твоему, блаженному Серафиму; той бо коленопреклоненный на молитве пред иконою Твоею святою предаде праведную душу свою в руце Божии и отъиде от земли на горняя созерцати славу Твою небесную и выну зрети Тя, Царице ангелов, Юже и мы земнии немолчно ублажаем и поем Ти радостно:

Радуйся, мира горняго первейшее украшение; радуйся, мира дольняго всекрепкое ограждение.

Радуйся, от небеснаго всесветлаго Твоего жилища приникающая к земнородным; радуйся, от обителей горних снисходящая во юдоль нашу многоскорбную и многогреховную.

Радуйся, отирающая слезы от очес плачущих и печальных; радуйся, вливающая отраду и утешение в сердца огорченная.

Радуйся, вдовиц неимущих некрадомое богатство; радуйся, безматерних сирот призрение и покрове.

Радуйся, иноков помощнице всеизрядная; радуйся, инокинь предстательнице всесвятая.

Радуйся, целомудрия христианскаго начало и основание; радуйся, девства пречудная красото.

Радуйся, Владычице, радосте всех радостей, умиление и спасение душ наших.

Кондак 8

Странно есть видети икону святую, Богородице Дево, на плате написанную руками неземными, силою бо Божиею благодати преисполняется и дивная чудеса совершает благоволением Твоим, Всеблагая; сию и мы стяжавше во утешение и цельбу, благодарственно Тя славим, Владычице пречистая, и поем рождшемуся от Тебе Богу Слову ангельскую песнь: Аллилуиа.

Икос 8

Вся добрая и полезная даруеши нам, Богородице, от всечестнаго и многочудеснаго Твоего образа, умиляеши души наша и врачуеши болезни наша, яко воистину многоблагоутробная Мати чад Твоих о Христе Бозе, темже по долгу блажима еси от нас благохвалении таковыми:

Радуйся, от востока и запада славимая и превозносимая; радуйся, от всех христианских родов певаемая и блажимая.

Радуйся, душеполезных даров подательнице независтная; радуйся, душевных и телесных недугов целительнице благодатная.

Радуйся, безнадежных надеждо; радуйся, огорченных отрадо.

Радуйся, гонимых прибежище; радуйся, верных крепкое заступление.

Радуйся, неверных обращение; радуйся, чудесы Твоими всех удивляющая.

Радуйся, верных и неверных посещающая; радуйся, преискренне спасения всем хотящая.

Радуйся, Владычице, радосте всех радостей, умиление и спасение душ наших.

Кондак 9

Вси роди христианстии именуют Тя, Владычице, помощницу изрядную: якоже обетовала еси при всечестнем Твоем успении не оставити нас сирых и безпомощных, тако и доднесь сие обетование всеблагое исполняеши в Церкви Христовой на земли, Богородице Дево, ущедряющи и спасающи люди, верно Тя славящия и православно поющия: Аллилуиа.

Икос 9

Витийство человеческое изнемогает изрещи обилие щедрот и милостей Твоих, Мати Божия, славити же Тя по достоянию изумевают сами уми безплотнии, обаче, Благая сущи, не возгнушайся и наших недовлеющих похвал, имиже, любовию к Тебе подвизаемии, дерзаем воспевати Тя сице:

Радуйся, луно полная, нощь грехов наших просвещающая; радуйся, кротким сиянием Твоим мглу страстей наших разгоняющая.

Радуйся, путеводительнице заблуждших; радуйся, вразумительнице буиих.

Радуйся, юных наставнице целомудрия; радуйся, покрове и ограждение девства.

Радуйся, обитель дев устроившая пречудно; радуйся, явльшая ей благоволение образом Твоим всечестным.

Радуйся, уповающим на Тя благий конец дарующая; радуйся, любящия и чтущия Тя не посрамляющая.

Радуйся, едина добрая и благословенная в женах; радуйся, едина чистая и непорочная Приснодево.

Радуйся, Владычице, радосте всех радостей, умиление и спасение душ наших.

Кондак 10

Спасителю Богу плоть взаимодавшая, истинная и Пречистая Мати Божия, очисти нас, оскверненных грехи многими, иссопом молитв Твоих святых, в чистоте и целомудрии утверди и сподоби благоугодно и праведно препроводити житие сие земное, да, благоугодивше Христу Богу, унаследуем Царствие Его Небесное и со святыми воспоем Ему победную песнь: Аллилуиа.

Икос 10

Стена еси девам, Богородице Дево, и всем душам христианским, уневестившимся Христу Богу, яже в треволнении страстей обретают всегда крепкую Твою помощь. Молим Тя, Всеблагая, не попусти и нам грешным погибнути во блате страстей, но простри нам державную десницу Твою и возстави нас на покаяние и целомудренное житие, да благодарственно зовем:

Радуйся, пристанище тихое пловцем житейскаго моря; радуйся, прибежище благоотишное утомленных бурею страстей.

Радуйся, споручнице покаяния грешным; радуйся, кающихся с Богом примирение.

Радуйся, Судии Праведнаго умоление; радуйся, всежелательное и всесладкое святым утешение.

Радуйся, горних воинств ангельских удивление; радуйся, мученических светлых полков непрестающее величание.

Радуйся, праведных жен всевеселящее радование; радуйся, дев святых венче.

Радуйся, преподобных многопетая славо; радуйся, верных известное упование.

Радуйся, Владычице, радосте всех радостей, умиление и спасение душ наших.

Кондак 11

Пение хвалебное приносят Ти, Богородице, дев лицы, осеняемии святою и многочудесною иконою Твоею, яко невидимыми руками в трапезу к ним дивно принесеся по обетованию и молитвам преподобнаго старца Серафима, скончавшагося пред сею иконою Твоею, Пречистая, и вручившаго сию обитель державному Твоему заступлению, о немже радующеся, поют Богу: Аллилуиа.

Икос  11

Светлыми лучами чудес Твоих, Богомати Владычице, озаряеши мрачныя наша души посреде суеверия и неверия наших дней и вся ны приводиши исповедати Твое всемогущество и силу, зрим бо икону Твою, Всеблагая, источающую нам милости Твоя и щедроты, и, припадающе к ней, сице Тебе вопием:

Радуйся, Православия утверждение; радуйся, веры Христовы распространение.

Радуйся, ересей и расколов посрамление; радуйся, неверия искоренение.

Радуйся, чудесы Твоими верныя утешающая; радуйся, милосердием Твоим и грешныя не оставляющая.

Радуйся, в час кончины уповающим на Тя помогающая; радуйся любящим Тя любовию святою воздающая.

Радуйся, в скорбех и бедах на помощь ускоряющая; радуйся, болезни неисцельныя врачующая.

Радуйся, скоропослушливая к молитвам смиренным; радуйся, прошения благая предваряющая исполнением.

Радуйся, Владычице, радосте всех радостей, умиление и спасение душ наших.

Кондак 12

Благодати Божия сокровище духовное икона Твоя, Богородице Дево, облагодати обитель дев, избранником Твоим преподобным Серафимом собранную и окормленную добре; сию икону Твою, яко залог благоволения Твоего, дивно стяжавше, славим и величаем Тя, Владычице всемилостивая, и рабски вопием всех Творцу: Аллилуиа.

Икос 12

Поюще милосердие Твое неисчетное и многая Твоя чудеса, Дево всепетая, радуемся мы грешнии, зряще на иконе лик Твой святый, умиления преисполненный, иже и в наши души умиление вливает и к молитвам усердным привлекает, да сице Тебе взываем:

Радуйся, Ниво неоранная, Клас спасительный человеком израстившая; радуйся, лествице небесная, Еюже сниде Бог.

Радуйся, горо несекомая, усыренная Духом Святым; радуйся, скиние, селение Всевышняго.

Радуйся святая святых большая; радуйся, пеще таинственная, Угль Божества неопально приемшая.

Радуйся, хладная сердца наша любовию ко Господу воспламеняющая; радуйся, нечистоту душ наших очищающая.

Радуйся, на подвиги духовныя невидимо нас укрепляющая; радуйся, леность и уныние от нас прогоняющая.

Радуйся, исполнити веления Христова нам помогающая; радуйся, душевредныя навыки в нас искореняющая.

Радуйся, Владычице, радосте всех радостей, умиление и спасение душ наших.

Кондак 13

О всепетая Мати! О Царице всемилостивая, Богородице преблагая, умоли Сына Твоего, Христа Бога нашего, избавити нас геенны огненныя и сподобити спасаемых части, да со избранными воспоем Ему во веки: Аллилуиа.

Этот кондак читается трижды, затем 1-й икос «Ангел земный…» и 1-й кондак «Избранней от всех родов».

Молитва

О Пресвятая Дево Богородице, Христа Царя и Бога нашего Мати, умиления сокровище и милости источниче, душеспасительных даров подательнице и скорбящих душ благодатная утешительнице! К Тебе с любовию припадаем и пред святою иконою Твоею молимся: умоли, Владычице, возлюбленнаго Сына Твоего Христа Бога нашего помиловати и спасти нас, погибающих во гресех, вдохни в души наша покаяние искреннее и умиление богоугодное. Слезами очистительными омый нас от скверны греховныя и яви чисты и непорочны рабы Христовы. Вся благопотребная житию временному и вечному спасению нашему милостивно, Госпоже, нам даруй. Мир умири, святую обитель сию добре сохрани, безмятежие и изобилие плодов земных нам низпосли и на кончине живота нашего не лиши нас Матерняго Твоего заступления и помощи, да предстательством Твоим безбедно прейдем мытарства воздушная и сподобимся унаследовати Царство Небесное. Ей, Царице всеблагая, всех радостей Радосте и всего мира христианскаго утешение, помози нам ныне и тогда, егда наипаче помощи Твоея святыя востребуем, и спаси нас Матерними Твоими молитвами ко Христу Богу, Емуже со Отцем и Святым Духом подобает всякая слава, честь и поклонение ныне и присно и во веки веков. Аминь.

Тропарь, глас 4

К Богородице с умилением припадем вси, грехми обремененнии, чудотворную Ея икону Умиления облобызающе и вопиюще со слезами: Владычице, приими моление недостойных раб Твоих и подаждь нам, просящим велию Твою милость.

Кондак, глас 3

Юже подражая неплодную смоковницу, аз, окаянный, умиления плода отнюд не приношу и посечения страшуся, но, взирая к чудотворней иконе Твоей Умиления, Владычице, стеню от сердца и вопию: умилися, Благодатная, и мне, окамененному сердцем, благоволи подати душевное и сердечное умиление.

Величание

Величаем Тя, Пресвятая Дево, богоизбранная Отроковице, и чтим образ Твой святый, имже точиши исцеления всем с верою притекающим.

Добавить комментарий

Ваш e-mail не будет опубликован. Обязательные поля помечены *