Новодворская икона Божией Матери


Новодворская икона Божией Матери
Новодворская икона Божией Матери

Новодворская  икона  Божией  Матери,  как  гласит  предание,  была  написана  святителем  Петром  ( день  памяти  21 декабря / 3  января ),  будущим  митрополитом  Московским,  предположительно,  в  1320  году.

История  образа:  Будучи  иеромонахом  монастыря  на  Волыни,  святитель  Петр  жаждал  уединения.  Испросив  благословение  игумена  обители,  Петр  отправился  искать  такое  место.

На  реке  Рати,  близ  урочища,  которое  называлось  Новый  дворец,  он  поставил  келию  и  стал  подвизаться  в  безмолвии,  имея  при  себе  икону  Божией  Матери,  получившую  позднее  название — Новодворская  икона  Божией  Матери.

Икона  сия  ознаменовала  себя  множеством  чудотворений.  На  месте  подвигов  святителя  впоследствии  был  устроен  монастырь,  названный  Новодворским.  Монастырь  был  разграблен  униатами.

После  подписания  Брестской  унии,  во  время  гонения  униатов,  Новодворская  икона  Божией  Матери  была  перенесена  монахом  Иаковом  в  Черниговский  Елецкий  Свято — Успенский  монастырь.

Преосвященный  Антоний  благословил  Новодворской  иконой  Божией  Матери  Симеона,  строителя  Сурожской  обители.  Во  время  перенесения  крестным  ходом  святого  образа  из  старой  церкви  в  новую  14  августа  1677  года  были  явлены  чудесные  знамения.

16  августа  после  литургии  епископ  Целерский  Никодим  огласил  чудеса, совершившиеся  во  время  крестного  хода  от Новодворской иконы  Божией  Матери,  а  святитель  Димитрий  Ростовский,  прибывший  на  поклонение  чудотворной иконе  и  присутствовавший  при  этом,  описал  их.

Новодворская икона Божией Матери

Иконография:  Иконографический  тип — Одигитрия.  На  Новодворской  иконе  Божией  Матери  поясное  изображение  Богоматери  с  Божественным  Младенцем  на  левой  руке.  Главы  Пресвятой  Богородицы  и  Богомладенца  украшены  венцами.

Новодворская  икона  Божией  Матери  впоследствии  пребывала  в  Новгород — Северском  Спасо — Преображенском  монастыре,  где  была  чтима  наряду  с  другой  чудотворной  иконой  Леньковской (Новгород — Северской) иконой Божией Матери, именуемой «Спасение утопающих».

В  конце  50 -х  годов  XX века  Новгород — Северский  монастырь  был  закрыт.  Первообраз  был  утерян.  Но  сохранился  список  иконы,  который  был  перенесен  одним  из  иноков  упраздненной  обители  в  город  Нежин.

Затем  Новодворская  икона  Божией  Матери  была  передана  в  1997  году  в  местную  Крестовоздвиженскую  церковь.  Причем  произошло  это  при  чудесных  обстоятельствах.

По  словам  человека,  принесшего  Новодворскую  икону  Божией  Матери  в  церковь,  он  несколько  раз  видел  во  сне  принадлежащий  ему  святой  образ  в  сиянии.

От  иконы  раздавался  голос,  который  просил  отнести  икону  в  храм.  В  2000  году  Новодворская  икона  Божией  Матери  была  помещена  в  киот.

Новгород — Северский  Спасо — Преображенский  монастырь  возродился  для  монашеской  молитвы  в  2004  году.

На  освящении  монастыря  присутствовали  президенты  России,  Белоруссии  и  Украины.  Новодворская  икона  Божией  Матери,  список  XVIII  века,  был  передан  в  дар  обители.

Чудотворные  списки  иконы:  Особо  чтимый  список  чудотворной  иконы  находится  в  Каменском  Успенском  женском  монастыре  Новозыбковского  уезда  Черниговской  губернии.

Обитель  была  основана  в  1687  году  иеромонахом  Ионой  Волховским.  Черниговский  архиепископ  Лазарь  (Баранович )  дал  в  благословение  новообразованному  монастырю  свою  келейную  Новодворскую  икону  Божией  Матери.

Образ,  по  желанию  святителя,  был  списан  с  иконы  митрополита  Петра.  Новодворская  икона  Божией  Матери  является  главной  святыней  Каменской  обители,  привлекающей  бесчисленное  количество  богомольцев.

Новодворская икона Божией Матери

Чудотворения:  Чудо,  произошедшее  здесь,  описано  в  книге  Е. Поселянина  «Богоматерь.  Описание  Ее  земной  жизни  и  чудотворных  икон».  26  июня  1889  года  над  Каменским  монастырем  разразилась  сильная  гроза.

Грохотал  гром,  сверкала  молния.  Удар  молнии  разразился  с  особенной  силой  над  куполом  Успенской  церкви  обители,  где  в  это  время  совершался  акафист  перед  Новодворской  иконой  Божией  Матери.

Купол  храма  мгновенно  был  объят  пламенем,  которое  стало  спускаться  по  цепи  паникадила  к  иконе  Успения,  висевшей  над  Царскими  вратами,  моментально  превращенной  в  щепы,  и  направилось  к  Новодворской  иконе  Божией  Матери.

Но  Божественное  благоволение  и  небесный  покров  Владычицы  спасли  обитель  от  бедствия.  Удар  молнии,  как  бы  оттолкнутый  невидимой  силой  от  образа,  направился  в  массивную  толстую  стену  храма  и  устремился  из  храма  с  такой  силой,  что  в  стене  осталась  громадная  пробоина.

Ветер  стих,  огонь  постепенно  стал  уменьшаться,  пока  полностью  не  угас.  Наступила  тишина.  Изумленные  зрители  этого  чуда  увидели,  что  святой  образ  нисколько  не  был  поврежден.

В  ознаменование  этого  события  в  Каменском  Успенском женском монастыре  ежегодно  26  июня  совершался  крестный ход  с  Новодворской  иконой  Божией  Матери.

Ныне  от  некогда  богатого  монастыря  почти  ничего  не  осталось,  видны  только  несколько  полуразрушенных  зданий.  Но  чудеса  продолжают  происходить.

В  2003  году  на  стене  бывшей  часовни  монастыря  появился  лик  Божией  Матери.  Несколько  лет  спустя  на  колокольне  проявилась  большая  фреска,  представляющая  собой  копию  Новодворской  иконы  Божией  Матери,  причем  исторические  сведения  о  монастыре  не  содержат  упоминание  о  наличии  когда-то  в  монастыре  подобной  фрески.

В  этом  месте,  где  появилась  фреска,  раньше  был  основной  вход  в  монастырь.  Причем  со  временем  изображение  не  исчезает,  а  напротив  проступает  все  четче  и  привлекает  к  себе  взор  ярко-голубым  фоном.

Другой  список  чудотворной  иконы  почитается  в  Свято — Троицком  женском  монастыре  города  Курска.  Есть  также  в  Киевском  Златоверхом  Михайловском  монастыре,  в  церкви  мучеников  Андриана  и  Наталии  в  Москве.

Молитвенная  традиция:  Перед  чудотворной  Новодворской  иконой  Божией  Матери  молятся  об  избавлении  от  душевных  и  телесных  страданий.

Молитва  перед  Новодворской  иконой  Божией  Матери  помогает  сохранить  семью,  исцеляет  заболевших  детей,  благоприятствует  родственникам-военнослужащим.

Празднование  иконе  совершается  20  декабря  /  2  января.

Молитва Новодворской иконе Божией   Матери

О Всемилостивая Госпоже, Дево Богородице! Вонми смиренному молению нашему, и сокрушенно ныне предстоящих образу Твоему услыши глас. Вемы бо, о Содетеля нашего Мати, яко Ты еси предстательство христиан непостыдное и ходатайство ко Творцу непреложное: вемы и сие, яко беззакония наша превзыдоша главы наша и яко бремя тяжкое отяготеша на нас, и уже несмы достойни видети высоту небесную, ниже воззрети ко Престолу славы Сына Твоего и Бога нашего, но достойни явихомся мук и вечнаго осуждения. Сего ради к Тебе припадаем, Тя просим умиленно, к Тебе со слезами взываем: вознеси к Нему Матернее Твое моление, да не отвержет нас грешных от лица Своего, но яко милостив, да простит нам согрешения наша вольная и невольная, на путь спасения нас наставляя и свыше силою ко творению заповедей Своих укрепляя: да сохранит нас от соблазнов мира, от вожделений греховных, от козней диавольских и от нападений видимых враг: да благословит дела рук наших, подавая граду сему или веси сей, или святей обители сей и всякому граду и стране обилие благ земных, да сотворит всем нам дни благи и безмятежны: да оградит миром Церковь Свою святую, и разстоящаяся да соединит той, яко благ Господь, долготерпелив и многомилостив, от всея твари со Отцем и Святым Духом славимый во веки веков. Аминь.

Тропарь Пресвятой Богородице пред иконой Ея «Новодворской»

глас 4

Дне́сь благове́рнии лю́дие све́тло пра́зднуем,/ почита́ющи святу́ю ико́ну Твою́/ и припа́дающе к не́й уми́льно глаго́лем:/ Небе́сная на́ша Засту́пнице и Покрови́тельнице,/ изба́ви на́с от все́х бе́д и скорбе́й/ и умоли́ Сы́на Твоего́ Христа́ Бо́га на́шего,// спасти́ ду́ши на́ша.

Перевод: Сегодня православные люди светло празднуем, почитая святую икону Твою и коленопреклоненно перед ней со смирением взываем: «Небесная наша Защитница и Покровительница, избавь нас от всех бед и скорбей, и умоли Сына Твоего Христа Бога нашего спасти души наши».

Кондак Пресвятой Богородице пред иконой Ея «Новодворской»

глас 1

Исто́чник исцеле́ний и ве́ры Правосла́вныя утвержде́ние/ Новодворская Твоя́ ико́на, Богоро́дице, яви́ся,/ те́мже и на́с, к не́й притека́ющих,/ от бе́д и искуше́ний свободи́,/ оби́тели и́ноческия сохрани́/ и Правосла́вие в земле́ на́шей утверди́,/ и грехи́ разреши́ моли́твенник Твои́х:/ ели́ка бо хо́щеши, мо́жеши.

Перевод: Источником исцелений и веры Православной утверждением стала Новодворская Твоя икона, Богородица, потому и нас, к ней приходящих, от бед и искушений освободи, обители монашеские сохрани и Православие в земле нашей утверди, и грехи прости молящимся Тебе, ибо все, что хочешь, можешь.

АКАФИСТ ПРЕСВЯТОЙ БОГОРОДИЦЕ ПРЕД ИКОНОЙ «НОВОДВОРСКАЯ»

По благословению Преосвященнейшаго Амвросия, епископа Черниговскаго и Новгород-Северскаго

Кондак 1

Избранной от всех родов Божией Матери, к Твоему Пречистому образу, яко теплой Заступнице и Ходатаице припадающе, умильно глаголем: буди нам Предстательницей и Молитвенницей пред престолом Сына Твоего и Бога нашего, да Твоими молитвами избавит нас от всяких бед и скорбей, и да благодарне вопием Ти:

Радуйся, Помощнице наша, иконою Твоею Новодворскою в напастех нам помогающая.

Икос 1

Ангел земный и человек небесный, для великаго первосвятительскаго служения от чрева матере своея Господом предизбранный митрополит Петр, иже основа Новодворский монастырь Спаса на реце Рати и написа тамо предивный лик Твой, Богомати. Мы же, дивяшеся сему чудеси, взываем Ти сице:

Радуйся, венценосная Царице и Владычице;

Радуйся, Спасителя миру рождшая;

Радуйся, Царице Небесе и земли;

Радуйся, Мати Господа Вышняго;

Радуйся, адовы силы Рождеством Твоим поправшая;

Радуйся, прародительское преступление изгладившая;

Радуйся, Серафими воспеваемая и славимая на земли;

Радуйся, предизбранных Сыном Твоим от бед и напастей покрывающая;

Радуйся, от проклятия и смерти нас избавляющая;

Радуйся, воистину Присноблаженная и Пренепорочная;

Радуйся, пророческих глаголов исполнение принесшая;

Радуйся, благодать Твою иконе Твоей сей даровавшая;

Радуйся, Помощнице наша, иконою Твоею Новодворскою в напастех нам помогающая.

Кондак 2

Видяще Тя, Богородице, на шуйце Младенца Христа держащую и главы Ваши венцами украшенными, разумеем Божественность Твою и непрестанное ходатайство о людех, яже в скорби суть, благоговейно припадаем к Тебе, Владычице, и благодарим Тя, воспевая Богу: Аллилуиа.

Икос 2

Разум человеческий не возможет постигнути силу благодатных исцелений иконою Твоею, о Богомати, чудесно являемых людем, ихже чрез возлюбленнаго ученика Своего даде Тебе под покров и заступление Сын Твой и Бог наш в час страдания и искупления за грехи мира. Мы же сердцем сболезнующе, глаголем Ти таковая:

Радуйся, скорбное проречение Симеона Богоприимца в сердце Твоем слагавшая;

Радуйся, гробу Сына Твоего благосердый плач принесшая;

Радуйся, поношения Сына Твоего и Бога нашего сострадавшая;

Радуйся, крестный путь Его слезами оросившая;

Радуйся, и нас состраданию научившая;

Радуйся, волю Отца Небеснаго смиренно исполнившая;

Радуйся, под Покров Свой по воле Сына Твоего нас приявшая;

Радуйся, Кресту предстоянием послушание воле Отца явившая;

Радуйся, крестные муки Сына Твоего сердцем разделившая;

Радуйся, земным житием Своим нас недостойных ко спасению направляеши;

Радуйся, недуги и болезни наша, с верою прибегающим к Тебе, исцеляеши;

Радуйся, иноческие обеты с радостию исполняти помогаеши;

Радуйся, Помощнице наша, иконою Твоею Новодворскою в напастех нам помогающая.

Кондак 3

Сила Вышняго осени Тя, Преблагословенная, и всех с верою и благоговением притекающих к иконе Твоей, Пречистая Госпоже Богородице. Источник неоскудевающ утешений людем Твоим являеши, о Мати наша и заступление в бедах сущим, можеши и искушаемым помощи от еретических мудрований, иже принесоша в землю нашу. Мы же, уповающе на милость Твою, поем Богу: Аллилуиа.

Икос 3

Боготечною звездою была еси будущему святителю Церкви Христовой, яже прославляя Тебя с радостию велией писал лики Твоя и щедро раздавая их, славил Пресвятое имя Твое по всей земли нашей. Ты же не оставила еси его без великой милости и благословения Своего за усердие и труди в проповедании Евангелия Сына Твоего, иже и ста вскоре первосвятителем всей земли Русской. Мы же дивяшеся сему чудеси со умилением зовем Ти:

Радуйся, Небо и землю соединившая;

Радуйся, Матернею любовию весь мир объемлющая;

Радуйся, Церквою Небесною и земною прославляемая;

Радуйся, Честнейшая Херувим;

Радуйся, Славнейшая без сравнения Серафим;

Радуйся, Покрове наш и Утешение;

Радуйся, крепкое к Богу благоволение;

Радуйся, Боголюбивых иноков утешение;

Радуйся, проповедников Евангельскаго учения покровительнице;

Радуйся, ревнующим о целомудрии и чистоте изрядная пособнице;

Радуйся, благочестивых христиан защита и похвало;

Радуйся, Отрадо наша и дивное о нас попечение;

Радуйся, Помощнице наша, иконою Твоею Новодворскою в напастех нам помогающая.

Кондак 4

Недоумевает ум наш, како возможем достойно воспети славу Твою, Пречистая Дево, усты недостойными, юже явила еси нам иконою Твоею и даровала нам помощь и заступление от козней враг видимых и невидимых. Темже величая неисчетные милости Твоя к нам, исповедуем чудеса Твоя и смиренномудренно поем Богу: Алиллуиа.

Икос 4

Слыша Господь моления Твоя, Богоизбранная Царице Небесная, обещая выну исполняти, яко преблагия Матере, прошения Твоя: Ты бо, Пречистая, нам земных не оставила еси, и о иконе Твоей некогда изрекла еси: «С сим образом благодать Моя и сила да пребудут». Темже вернии рабы Твои ко образу Твоему цельбоносному притекаем и яко же Самей сущей, вопием:

Радуйся, яко и многия списки с иконы сея прославившая;

Радуйся, язвы неисцельныя исцеляющая;

Радуйся, наша вечная Ходатаице и Утешительнице;

Радуйся, Заступнице рода человеческаго;

Радуйся, Защитнице народа православнаго;

Радуйся, ожесточенных сердец умягчение;

Радуйся, в скорбех сущим утешение;

Радуйся, душевредныя научения обличающая;

Радуйся, цельбоносный источниче приснотекущий;

Радуйся, Покровительнице в мире и согласии живущих;

Радуйся, к Царствию Небесному путь невозбранный нам указующая;

Радуйся, велиею милостию Твоею всех нас милующая;

Радуйся, Помощнице наша, иконою Твоею Новодворскою в напастех нам помогающая.

Кондак 5

Подобно лучезарной заре была еси икона Твоя, Богомати Пречистая, для Елецкой Свято-Успенской обители, принесенная иеромонахом Иаковом, егда буря лихолетия постиже обитель Новодворскую. О, Царице и Владычице! Услыши наше всеумиленное моление, освети и нас недостойных светом Твоим Небесным, покрый Покровом Твоея благости, воспевающих Сыну Твоему: Аллилуиа.

Икос 5

Видевше чудеса, от иконы Твоея творимые, преосвященный Антоний, епископ Черниговский, благослови ею строителя Суражского монастыря Симеона. Ты же, Пресвятая Дево, благодатною силою Своею спомоществовала обустройству и украшению обители, подавая исцеления и врачевания всем с верою припадающих к иконе Твоей. Мы же дивяшеся сему со умилением зовем Ти сицевая:

Радуйся, Милостивая, яко устроила еси тихое пристанище ищущим спасения;

Радуйся, исцелений богатство изливающая;

Радуйся, хотящим жити в преподобии, путь правый показующая;

Радуйся, теплая Ходатаице о живущих в обителех Твоих;

Радуйся, яко в келиях монашеских на молитву наставляеши;

Радуйся, яко иконою Твоею от всяких бед нас ограждаеши;

Радуйся, к трудолюбию и послушанию наставляющая;

Радуйся, маловерныя и заблуждшия вразумлящая;

Радуйся, горе к Небесным сокровищем ум наш возводящая;

Радуйся, яко к добродетельному житию ревностно возбуждаеши;

Радуйся, яко любовь к Богу в сердцах наших насаждаеши;

Радуйся, яко без Своего попечения нас не оставляеши;

Радуйся, Помощнице наша, иконою Твоею Новодворскою в напастех нам помогающая.

Кондак 6

Проповедник неизреченных чудес Твоих, Владычице, явися новый соборный храм обители Суражской, иже пренесе Тя крестным ходом епископ Феодосий. Мы же, радующеся Твоей неизреченной милости и заступлению, со умилением зовем Богу: Аллилуиа.

Икос 6

Возсия благодатный свет от цельбоносной иконы Твоея, Пресвятая Мати Дево. Мы же, слыша и видеша величие чудес, со умилением взираем на сию предивную икону, яко на Пресветлое лице Самой Пречистой Девы, и воспеваем таковая:

Радуйся, наша неизменная Заступнице;

Радуйся, наша Надеждо и Покровительнице;

Радуйся, чудным взором Твоим нас ко спасению призывающая;

Радуйся, яко сердца наша радостию исполняющая;

Радуйся, ликом Твоим тьму земную разгоняющая;

Радуйся, таинственная Лествица нас к Горним поднимающая;

Радуйся, жаждущих истины напояющая;

Радуйся, сердце всеобъемлющее и всепрощающее;

Радуйся, заключенные двери райские нам отверзающая;

Радуйся, Покрове, от треволнений житейских нас покрывающая;

Радуйся, Сыну Твоему молитвы и прошения наша возносящая;

Радуйся, с верою припадающих к иконе Твоей просимое подающая;

Радуйся, Помощнице наша, иконою Твоею Новодворскою в напастех нам помогающая.

Кондак 7

Хотя соделати землю Русскую причастной благодати великих чудес, иконою Твоею Новодворскою изливаемых и бываемых, Пречистая Владычице, благослови ею архиепископ Черниговский Лазарь обитель Каменскую Успенскую. Мы же, дивяшеся особому заступлению Твоему, Владычице, со слезами благодаря Бога, взываем: Аллилуиа.

Икос 7

Дивны дела твои, Владычице! Новое знамение сотворила еси молящимся пред иконою Твоею, Преблагая Мати, егда угасила еси огненное пламя в Успенском храме обители Каменския и спасла ея от великаго бедствия. Мы же, подобно инокиням спасенной обители, воспеваем Ти таковая:

Радуйся, покланяющимся Тебе пред сим образом чудеса источившая;

Радуйся, Надеждо всех лишенных надежды;

Радуйся, пришествием иконы Твоея обитель возвеселившая;

Радуйся, о скорбящих попечение и бедствующих помоще;

Радуйся, Пристанище и Предстательство к Тебе прибегающих;

Радуйся, яко налоги бесов отгоняеши;

Радуйся, яко неможение душ и телес наших исцеляеши;

Радуйся, многих мест и обителей сокровище исцелений неоскудное;

Радуйся, источник милосердия неиссякаемый;

Радуйся, кладезю милости неисчерпаемый;

Радуйся, розго винограда прозябшая спасение;

Радуйся, многих согрешений прощение;

Радуйся, Помощнице наша, иконою Твоею Новодворскою в напастех нам помогающая.

Кондак 8

Новое чудо явила еси, о Пресвятая Дево, егда икона Твоя исчезнувшая в новолетние богоборческие времена вновь возвратися во обитель Спасо-Преображенскую Новгород-Северскую. Мы же, радующееся сему чудеси, со умилением воспеваем Богу: Аллилуиа.

Икос 8

Сугубую благодать даровала еси горам Киевским, Пресвятая Дево, икона Твоя, юже иноки обители Свято-Михайловской Златоверхой на особом месте поставиша, дабы приходящии к ней и молящиися получали утешение и подкрепление. Мы же, дивяшеся Твоему непрестанному заступлению и помощи воспеваем Ти таковая:

Радуйся, наша Надежда и Упование;

Радуйся, душ и телес наших врачевание;

Радуйся, кораблю нашего спасения;

Радуйся, иконою Твоею козни диавола разрушающая;

Радуйся, к целомудрию нас наставляющая;

Радуйся, от наглыя смерти наше спасение;

Радуйся, молитвенное наше к Богу возвышение;

Радуйся, сострадательнейшая к болезнем нашим, скорую помощь нам подающая;

Радуйся, почитающим святую икону Твою сугубую радость даруеши;

Радуйся, благ вечных Подательнице;

Радуйся, душ наших Кормительнице;

Радуйся, яко поклоняющимся Тебе в бедах не оставлявши;

Радуйся, Помощнице наша, иконою Твоею Новодворскою в напастех нам помогающая.

Кондак 9

Всяко естество ангельское славит Тя, Ты бо Пречистая, у престола Сына Твоего и Бога нашего предстоиши и молиши Его: Царю Небесный, приими всякаго человека. Мы же, радующееся молитве сей и заступлению, со умилением воспеваем Богу: Аллилуиа.

Икос 9

Ветии земнии не возмогут по достоянию благохвалити Тя, Пресвятая Дево, и чудеса иконы Твоея исчислити, имиже грады, веси и обители наши утверждаются и прославляются. И мы, недостойнии, познавше сладость утешения и благословения Твоего пред образом Твоим, глаголем Ти сицевая:

Радуйся, обителей иноческих укрепление;

Радуйся, добрых дел благословение;

Радуйся, верных пастырей Церкви бодрость и вразумление;

Радуйся, Светом невечерним нас просвещающая;

Радуйся, иконою Твоею нас вразумляющая;

Радуйся, Похвало наша, чудесы нас удивляющая;

Радуйся, наше всепрощение и поможение;

Радуйся, веры праотеческия надежное укрепление;

Радуйся, кадило молитв благовонное;

Радуйся, лампадо неугасающая;

Радуйся, мрежи греховныя растерзающая;

Радуйся, молитве усердной нас призывающая;

Радуйся, Помощнице наша, иконою Твоею Новодворскою в напастех нам помогающая.

Кондак 10

Спасения ищуще к Тебе прибегаем, Премилосердая Мати, и обстояще ныне чудотворную икону Твою молимся: да не тщетна будет наша надежда на помощь Твою; умилосердися и спаси нас, вопиющих Богу: Аллилуиа.

Икос 10

Стена еси и ограждение обителем иноческим и всем со умиленною молитвою припадающим к святей иконе Твоей, ибо явила в ней Свое милосердие к роду христианскому, врачуя недуги душевныя и телесныя, и сего ради воспеваем Тебе:

Радуйся, наша предивная Помощнице и Покровительнице;

Радуйся, иноческаго жития Наставнице и Путеводительнице;

Радуйся, к целомудрию нас наставляющая;

Радуйся, подвижников благочестия явное укрепление;

Радуйся, от смертоносныя язвы и пагубы избавляющая;

Радуйся, грехи и пороки наша обличающая;

Радуйся, кораблю преплавающий ко спасению;

Радуйся, приводящая сердца наша к очищению;

Радуйся, потопающих в море житейском спасающая;

Радуйся, непокоривых чад исправление;

Радуйся, родителей благодатное утешение;

Радуйся, благословение домов и семейств благочестивых;

Радуйся, Помощнице наша, иконою Твоею Новодворскою в напастех нам помогающая.

Кондак 11

Веселяшеся духом старец Лаврентий, егда создася храм во славу честной и цельбоносной иконы Твоея Новодворския, юже чудесно даровала еси обители его. Мы же купно радующеся сему со умилением воспеваем Богу: Аллилуиа.

Икос 11

Свет радости возсия в сердцах чтущих Тя, Небесная наша Владычице и Покровительнице, егда икона Твоя прииде в Крестовоздвиженскую церковь древняго Нежина. Ты бо во сне повелела еси некоему верному рабу Твоему (Геннадию) вдати образ Твой храму и водрузити его на особом месте. Мы же, воспевающе чудеса иконы Твоея, едиными усты и единым сердцем взываем Ти таковая:

Радуйся, радость неизреченную иконою Твоею нам дарующая;

Радуйся, Милостивая, милость Свою нам являющая;

Радуйся, Милосердная, особое заступление нам посылающая;

Радуйся, Мати Света, благочестивых души просвещающая;

Радуйся, Кивоте нашего спасения;

Радуйся, любовию к Богу и ближним нас воодушевляющая;

Радуйся, Церкви Небесной и земной прославление;

Радуйся, Церкви православныя оплот и ограждение;

Радуйся, зрением иконы Твоея нас услаждающая;

Радуйся, духов злобы от нас отгоняющая;

Радуйся, яко гром, враги устрашающая;

Радуйся, от треволнений мира сего нас покрывающая;

Радуйся, Помощнице наша, иконою Твоею Новодворскою в напастех нам помогающая.

Кондак 12

Благодатию Божественною осеняема, благословила еси старца Лаврентия на подвиг иноческаго жития, иже дивным пением прослави Сына Твоя и Тя, Царицу Неба и земли. Помози и нам немощным имети веру непоколебиму и сподобитися достойно воспети Богу нашему: Аллилуиа.

Икос 12

Поюще Твоя неисчетныя милости, знамения, чудеса и явления, со умилением припадаем к Пречистому образу Твоему, Пренепорочная Владычице, лобызающе его со страхом и трепетом, хвалим Тя, поем и превозносим имя Твое, и молим Тя: буди Ходатаица о нас, моли Сына Твоего и Бога нашего, да не осудит нас по делом нашим, но по милосердию Своему. Мы же благодарни суще восхваляем Тя таковыми гласы:

Радуйся, Небесный Кивоте и вместилище Слова Божия;

Радуйся, одесную Бога предстоящая;

Радуйся, благая Вратарнице, двери райския нам отверзающая;

Радуйся, Пренепорочная Дево, всецело чистоту и непорочность стяжавшая;

Радуйся, Всемилостивая Мати, милость Свою на нас грешных простирающая;

Радуйся, пришествием иконы Твоея обители и грады освятившая;

Радуйся, глубино неизмеримая и тайна неизреченная;

Радуйся, ненадеющихся надеяние и защищение;

Радуйся, о нас грешных попечение;

Радуйся, в иноческих подвигах благое подкрепление;

Радуйся, гонимых надежное прибежище;

Радуйся, Святыни источниче неизреченное;

Радуйся, Помощнице наша, иконою Твоею Новодворскою в напастех нам помогающая.

Кондак 13

О, Всепетая Мати Христа Бога нашего! Вонми гласу моления нашего, Тебе пред святою иконою Твоею нами смиренно возносимому, призри на ны милостивным Твоим оком, веру православную укрепи и все злокозненныя действия и наветы разори. В любви и согласии всех нас соблюди, да сподобимся пети дивному во святых Своих Богу: Аллилуиа.

(сей кондак глаголи трижды, и паки чтется: 1-й икос и за сим кондак 1-й)

Молитва ко Пресвятей Богородице

О, Всемилостивая Госпоже Богородице, Небесная Царице, Всемощная Заступнице, непостыдное наше Упование! Воспеваем Ти вси благодарственная за чудная дела Твоя. Песнословим от лет древних заступление Твое земле нашей и благодаряще за вся благодеяния, от иконы Твоея бывшия, молим Тя: сохрани град сей (или: весь сию, или: святую обитель сию) и предстоящия рабы Твоя и всю страну нашу от глада, губительства, труса, потопа, огня, меча, нашествия иноплеменных и междоусобныя брани. Спаси и сохрани всякое епископство православное и весь священнический и монашеский чин, согрей сердца их ревностию о Бозе и достойно звания своего ходити коегождо укрепи. Огради Церковь Православную от ересей и расколов и помози нам святоотеческую православную веру до конца дней наших сохранити, во всех заповедех Господних неуклонно ходити. Вложи в сердца наша дух страха Божия, дух благочестия, дух смирения, в напастех терпение нам подаждь, во благоденствии – воздержание, к ближним любовь, ко врагом всепрощение, в добрых делех преуспевание. О, Всеблагая! Услыши нас и не лиши нас помощи Твоея, да Тобою спасение получивше, воспоем и прославим Тя на земли живых и рождшегося от Тебе Искупителя нашего Господа Иисуса Христа, Емуже подобает слава и держава, честь и поклонение, купно со Отцем и Святым Духом всегда, ныне и присно, и во веки веков. Аминь.

Добавить комментарий

Ваш e-mail не будет опубликован. Обязательные поля помечены *