Любечская икона Божией Матери

Любечская икона Божией Матери

Любечская  икона  Божией  Матери  получила  свое  название  от  местечка  Любеч  Черниговской  губернии,  где  она  и  пребывает.  По  преданию,  явление  ее  относится  к  XI  веку,  ко  времени  становления  христианства  на  Руси.  Икона  прославилась  чудесами,  которые  описал  святитель  Димитрий  Ростовский .

История  образа:  Сохранилось  такое  предание  о  сей  чудотворной иконе .  В  Любече  жил  мясник  с  женой  и  двумя  сыновьями.  Старший  мальчик,  играя  ножом,  нанес  рану  младшему  и  от  страха  перед  наказанием  спрятался  в  печку.

Мать,  не  зная  этого,  затопила  печь,  и  отрок  стал  гореть.  Вернувшийся  хозяин,  обнаружив  происшедшее,  в  ярости  набросился  на  жену  и  нанес  ей  смертельный  удар.  В  глубоком  горе  и  отчаянии  он  ушел  на  берег  Днепра,  сел  в  лодку  и  поплыл  по  течению,  не  замечая  ничего  вокруг.

Очнувшись,  он  увидел,  что  лодка  привезла  его  снова  в  Любеч.  На  берегу  стоял  образ  Божией  Матери.  Исполненный  глубокой  веры,  что  ему  подана  помощь,  помолившись,  мясник  взял  чудесно  явленную  икону   и  пошел  с  ней  домой.  Какова  же  была  его  радость,  когда  там  он  увидел  всех  своих  домочадцев  живыми  и  здоровыми.

В  1653  году  ожидалось  нападение  поляков  на  Любеч,  поэтому  Любечскую  икону,  по  распоряжению  митрополита  Сильвестра  Коссова,  перевезли  в  Киев  в  Софийский  собор.  Вместе  с  иконой  Пресвятой  Богородицы  из  Любечского  храма  в  Киев  была  перевезена  и  икона  Спасителя,  подобная  «мерою  и  живописью»  Богородичному  образу.

Любечская  икона  Божией  Матери  входила  в  число  трех  самых  почитаемых  икон  Киевского  Софийского  собора,  наряду  с  Купятицкой  иконой  и  образом  святителя  Николая  Чудотворца  (Мокрого).  В  Софийском  соборе  Любечская  икона  Божией  Матери  и  парная  к  ней  икона  Спасителя  находились  «при  стене  алтарной».

Там  Любечская  икона  Божией  Матери  была  обновлена.  Тогда  же  была  сделана  копия  чудотворного  образа,  а  первообраз  возвращен  в  1701  году  в  Любеч.  В  Софийском  соборе  хранился  точный  список  Любечской  иконы.  Упоминания  о  Любечском  образе  присутствуют  во  всех  описаниях  собора  до  начала  ХХ  века.

Киот  на  Киевский  список  был  изготовлен  по  заказу  генерал — майора  П. С. Милорадовича,  мужа  Софии  Семеновны,  урожденной  Полуботок.  На  иконе  серебряная  риза,  художественно  сделанная  в  1874  году,  весом  20  фунтов.

В  годы  революционного  лихолетья  первообраз  был  утрачен,  храм  также  претерпел  многие  невзгоды.  Долгие  годы  он  был  закрыт,  находился  в  полуразрушенном  состоянии,  но  в  1989  году  храм  Преображения  Господнего ,  построенный  в  1817  году  в  стиле  классицизма,   начали  восстанавливать.

Реставрация  завершилась  в  1992  году.  При  открытии  в  городе  Любече   Спасо — Преображенской  церкви,  являющейся  единственной  православной  действующей  церковью  в  городе,  список  чудотворной  иконы  был  передан  туда  прихожанами,  где  находится  и  поныне.

Во  время  престольных  праздников  Любечских  церквей  Любечская  икона  Божией  Матери  из  Воскресенской  церкви,  в  которой  она  находилась,  торжественно  переносилась  в  эти  храмы.  Во  время  крестного  хода  икону  заносили  во  дворы  местных  жителей  для  поклонения.  Эта  традиция  сохранялась  вплоть  до  закрытия  церквей.

Любечская икона Божией матери
Любечская икона Божией Матери. Современный список

Чудотворения:   В  годы  с  1999  по  2001  икона  несколько  раз  мироточила,  что  подтверждается  свидетельствами  местных  жителей,  получивших  исцеления  после  помазывания  миром.  С  этим  образом  прихожане  связывали  заступничество  Пресвятой  Богородицы  во  время  эпидемий  холеры  в  1848,  1852  годах,  свирепствовавших  в  окрестностях  Любеча,  но  в  самом  городе  холеры  не  было.

Иконография:  Иконографический  тип  —  Умиление.  Любечская  икона  Божией  Матери  довольно  большого  размера — 142  на  107  см.  К  ней  существовала  парная  икона  Спасителя,  написанная  размером  и  живописью  подобно  Богородичному  образу.

В  XVII  веке  с  польским  владычеством  на  территории  Малороссии  связано  активное  распространение  многочисленных  местночтимых  списков  Ченстоховской  иконы  Божией  Матери  по  всему  юго-западу  России.  Списки  иконы  прославились  в  городах  и  селах  Малороссиии  и  получили  свои  названия  по  месту  прославления,  становясь  в  свою  очередь  протографами  для  новых  списков.

Наибольшую  известность  получили  Новодворская  икона  Божией  Матери,  Суражская,  Руденская,  МохнатинскаяДубовичская.  В  число  таких  икон  входит  и  Любечская  икона  Божией  Матери,  первоначально  пребывавшая  в  храме  «времен  польской  власти».  Все  списки  Ченстоховской  иконы  Пресвятой  Богородицы,  распространившиеся  в  XVII —  XIX  веках  в  Малороссии,  имеют  общие  иконографические  признаки.

На  Любечской  иконе  Богоматерь  изображена  фронтально,  по  пояс,  с  сидящим  на  Ее  левой  руке  Богомладенцем.  Голова  Божией  Матери  незначительно  повернута  вправо,  правая  рука  поднята  до  уровня  груди  в  молитвенном  жесте.  Мафорий  с  широкой  каймой  прописан  вдоль  лика  тяжелыми  крупными  складками.

Богомладенец  сидит  прямо.  Его  поза  выглядит  несколько  скованной.  Правая  ручка  поднята  в  двуперстном  благословении,  в  левой — книга,  которая  лежит  на  корешке.  Из-под  ризы  видны  пальчики  ног  Младенца.  На  головах  Богоматери  и  Младенца  Христа  пышные  короны  закрытого  типа.

На  груди  Пресвятой  Богородицы  широкое  ожерелье  из  нескольких  рядов  цепей  посередине,  обрамленных  с  двух  сторон  жемчугом  (характерная  особенность  Ченстоховской  иконы).  На  списках,  копировавших  чудотворную  икону,  центральное  место  в  композиции  занимало  изображение  Богоматери  с  Богомладенцем.

Списки  чудотворной  иконы  есть  в  селе  Озеряны  Нежинской  епархии  и  в  Уманском  Свято-Николаевском  соборе.  Любечская  икона  Божией  Матери,  подаренная  Уманской  общине  при  возвращении  храма  верующим  в  1989  году,  написана  на  дереве. В  1999-2001  годах  она  время  от  времени  источала  миро.

Многие  прихожане  собора  свидетельствуют  о  полученных  исцелениях  после  молитвы  пред  образом.  По  решению  общины  каждую  субботу  перед  всенощным  бдением  у  иконы  служится  молебен  с  акафистом  Божией  Матери  перед  Ее  Любечской  иконой.

Молитвенная  традиция:  Пред  иконой  молятся  об  избавлении  от  недугов  телесных  и  душевных.

Празднование:    7  /  20  мая  в  день  преставления  преподобного  Антония  Печерского.

Именно  в  Любече,  в  этом  местечке  над  Днепром  прошло  детство  и  часть  юношеских  лет  преподобного  Антония,  который  начинал  свои  подвиги  в  вырытой  поблизости  пещере,  в  ней  он  молился,  здесь  он  духовно  возрастал.

АКАФИСТ   ПРЕСВЯТОЙ   БОГОРОДИЦЕ   ПРЕД   ИКОНОЙ   ЕЯ    «ЛЮБЕЧСКАЯ»

Не утвержден для общецерковного использования.

Кондак 1

Взбранной Воеводе и усердней Заступнице рода христианского, Пресвятей Деве Богородице, град Любеч явлением святыя иконы Ея прославльшей и чудесы, от нея бываемыми, духовно ны утешившей, благодарственное приносим пение; Ты же, Всемилостивая Царице, яко имущая державу непобедимую и милосердие неисчетное, от всяких нас бед и скорбей присно свобождай, да зовем Ти: Радуйся, Мати Божия, и спаси на Тя уповающия.

Икос 1

Ангелов Царице и всея твари Владычице, от Ангелов горе приемлющая достойныя Тебе хвалы, приими и от нас земных и перстных усердныя благохваления, их же пред святою и чудотворною иконою Твоею возносити Тебе дерзаем и, уповая на Твое матернее благосердие, сице от любве сердечныя Тебе вопием: Радуйся, радость нам вечную, Христа Спасителя, рождшая; Радуйся, в рождестве и по рождестве Девою пребывшая. Радуйся, в девстве и целомудрии верныя утверждающая; Радуйся, райския двери благочестивым отверзающая. Радуйся, иконою Твоею нас присно утешающая; Радуйся, чудесы, от нея бываемыми, духовно нас веселящая. Радуйся, Мати Божия, и спаси на Тя уповающия.

Кондак 2

Видяще святую икону Твою, Богородице Дево, в Любечи от лет древних чудесы Божественными прославленную, яже миро есть излиянное для верных и боголюбивых душ, со благоговением ей поклоняемся и славословим преблагословенное имя Твое: облагоухай, Владычице, и наша сердца Божиею благодатию, да радостно зовем Богу: Аллилуиа.

Икос 2

Разумеем, Пречистая, Твое благоволение к стране нашей православней, яже чудотворными иконами Твоими преукрашена есть, в них же явила еси нам источники милостей Твоих пребогатых; се, и в Любечи икона Твоя чудотворная прославлена бысть от лет древних, от нея же помощь Твою всем даруеши, иже верно к Тебе взывают: Радуйся, Любечская похвало и Помощнице наша всеблагая; Радуйся, всех верных утешение и заступление непостыдное. Радуйся, о Ней же радуются Ангелы; Радуйся, о Ней же Бога славят человецы. Радуйся, горняго мира доблее украшение; Радуйся, дольнаго мира благодатное ограждение. Радуйся, Мати Божия, и спаси на Тя уповающия.

Кондак 3

Силою Божиею укреплен святый равноапостольный Великий Князь Владимир, его же матере Любеч отечество бысть, идолы попра и всю землю Российскую верою Христовою просвети, его же подвиг блажаще, на помощь молитвы его небесныя призываем и, прославляя в Любечи икону Твою святую, Владычице, молим Ти ся: молися с ним за нас ко Христу Богу, Ему же присно поем: Аллилуиа.

Икос 3

Имеет град Любеч в себе сокровище пребогатое Божественных даров, икону Твою чудотворную, Богородице Дево, и молитвами преподобнаго и богоноснаго отца нашего Антония Печерскаго чудотворца, иже в Любечи родися и воспитася, многия милости и щедроты Твоя от образа Твоего благодатнаго получает, о них же Тя благодаряще, сице Тебе зовет: Радуйся, преподобнаго Антония благоволением Твоим осенившая; Радуйся, отечество его земное иконою Твоею чудотворною прославльшая. Радуйся, с ним вкупе присно молящаяся за нас Сыну Твоему и Богу; Радуйся, от горних высот к нам матернею Твоею любовию приникающая. Радуйся, преподобных трудолюбцев изрядное венчание; Радуйся, иноков благоскорбящих всевеселящее радование. Радуйся, Мати Божия, и спаси на Тя уповающия.

Кондак 4

Бурею скорби велией одержим бысть муж, внезапно лишившийся жены и двух чад своих, и не ведая что творити, на ладьи устремися долу по реце Днепру, но силою Божиею принесеся на ладьи своей к Любечу и зде на брезе обрете икону Твою святую, Богородице Дево, юже взем, принесе в дом свой и узре тамо жену и чад своих живы и здравы сущи. Темже велегласно прослави Твое всемогущество и благость и возопи Богу: Аллилуиа.

Икос 4

Слышавше чудо преславное, в явлении иконы Твоея святыя бывшее, людие Любечстии стекошася видети спасенных Тобою и новоявленную икону Твою, Владычице Преблагая; им же поведаше обретший ю муж, како умерших жену и чад своих, принесши благодатную икону Твою в дом свой, обрете живых и здравых. Темже вси вернии радостно и хвалебно восклицаху к Тебе: Радуйся, скорбящих милостивая Утешительнице; Радуйся, мертвых благодатная Воскресительнице. Радуйся, в явлении иконы Твоея безвременно погибшим смертию напрасною живот возвратившая; Радуйся, яко вся возможна Тебе, сим показавшая. Радуйся, в Любечи возсиявшая преславными чудесы; Радуйся, всем чтущим образ Твой святый дарующая от него милости Твоя богатыя. Радуйся, Мати Божия, и спаси на Тя уповающия.

Кондак 5

Боготечная звезда, икона Твоя святая, Богородице Дево, от Любеча в Киев пренесена бысть Твоим благоволением, Преблагая, и в соборнем храме Софии Премудрости Божией поставленная в нем пребывает, и милости Твоя благодатныя всем с верою молящимся пред нею обильно источает, да вси зовут рождшемуся от Тебе и прославльшему Тя Богу Слову: Аллилуиа.

Икос 5

Видевше людие Любечстии лишение свое, яко чудотворная икона Твоя, Владычице, от них в Киев пренесена бысть, просиша Первосвятителя Киевскаго о ея к ним возвращении, но сей, список с чудотворныя иконы написав и освятив, в Любеч его посла, идеже чудес благодатию сей прославися, и тако скорбь людей Любечских утолися и в радость преложися Твоим благопромышлением о них, Госпоже Всеблагая. Сего ради вопием Ти: Радуйся, во благих желания наша дивно исполняющая; Радуйся, любящим и чтущим Тя любовию Твоею Божественною сугубо воздающая. Радуйся, скорбь людей Любечских о лишении образа Твоего честнаго в радость претворившая; Радуйся, список с иконы Твоея чудотворныя многими чудесы прославльшая. Радуйся, яко с верою и благоговением поклоняемся пречистаго лика Твоего изображению; Радуйся, яко от него приемлем благодатныя дары Твоя на пользу душ и телес наших. Радуйся, Мати Божия, и спаси на Тя уповающия.

Кондак 6

Проповедует град Любеч милости Твоя и чудеса, Владычице Всемилостивая, и светло красуется. имея в себе залог Твоего благоволения, икону Твою благодатную, Госпоже Всеблагая, к ней же усердно притекающе, в недузех исцеление, в скорбех утешение, в бедах избавление от нея приемлем и зовем Тобою благодеющему нам Христу, Царю и Богу: Аллилуиа.

Икос 6

Возсияла еси, яко луна полная, на тверди Христовы Церкве, Богородице Дево, лучами чудес предивных озаряя верных и всех путеводствуя к пресветлому Солнцу Правды, Сыну Твоему и Богу. Озари Владычице, и наша мрачныя души, да во свете добрых дел неосужденно возможем приносити Тебе пения сицевыя: Радуйся, радость и умирение миру рождеством Твоим принесшая; Радуйся, во благих обеты наша милостиво приемлющая. Радуйся, ветхим деньми силы обновляющая; Радуйся, юношей и дев к целомудрию невидимо руководящая. Радуйся, иноков и инокинь Боголюбивых тайное утешение; Радуйся, в сомнении сущих и неверных благодатное вразумление. Радуйся, Мати Божия, и спаси на Тя уповающия.

Кондак 7

Хотящим всем с верою приходити на поклонение чудотворней иконе Твоей, Владычице, дары благодатная от нея подаеши и вся спасаеши, иже по Бозе упование свое на Тя возложиша, Тебе бо дадеся от Господа велия благодать матерняго заступления. Темже с любовию припадающе к многоцелебному Твоему образу, взываем Сыну Твоему и Богу: Аллилуиа.

Икос 7

Новое знамение Твоего милосердия явила еси, Владычице, в Любечи, егда среди агарянских и латинских гонений веру православную целу и невредиму тамо сохранила еси, чудесы, от иконы Твоея святыя бываемыми, утверждая верных в православии святоотечестем и внушая им вопити к Тебе: Радуйся, щите святыя православныя веры; Радуйся, молние, ереси пожигающая. Радуйся, Наставнице богомудрия душеспасительнаго; Радуйся, Мздовоздательнице верных подвижников православия. Радуйся, многопетая славо пастырей святыя Церкве Христовы; Радуйся, ограждение крепкое истиннаго и праваго учения. Радуйся, Мати Божия, и спаси на Тя уповающия.

Кондак 8

Странно есть видети святую икону Твою, Богородице Дево, на доске написанную и духов тьмы присутствием своим прогоняющую силою Твоею Божественною, яко ада Победителя — Христа Бога родила еси, Иже и Тебе подаде власть на диавола, от его же насилия и нас грешных свободи, Всеблагая, да благодарственно зовем воплощшемуся от Тебе Царю славы Христу: Аллилуиа.

Икос 8

Вся благая, временная и вечная исходатайствуй нам, Владычице, матерним предстательством Твоим ко Христу Богу и умоли Его благость даровати нам прощение согрешений наших, вольных и невольных, и не лишити нас наследия Царствия Небеснаго, да радостно Ти взываем: Радуйся, обрадованная Приснодево, Богородице Марие; Радуйся, едина избранная и добрая в женах. Радуйся, дев похвало и матерей веселие; Радуйся, земных и небесных Божественное радование. Радуйся, от Сиона горняго благосердием Твоим посещающая земнородных; Радуйся, избавляющая от всяких бед веру и любовь к Тебе имущия. Радуйся, Мати Божия, и спаси на Тя уповающия.

Кондак 9

Вси Ангели на небеси немолчныя хвалы воспевают Ти, Богородице, мы же на земли, подражати им дерзающе, велие желание имамы пети Тя и хвалити, честнейшую Херувим и славнейшую без сравнения Серафим, Матерь Господа нашего; Ты же, Всеблагая, Сама научи нас достойно славити Тя и воспевати рождшемуся от Тебе Спасу душ наших: Аллилуиа.

Икос 9

Ветии суемудреннии не могут достойно восхвалити Тя, Пречистая Дево, мы же, смиреннии, от любве сердечныя сии малыя похвалы приносим Ти и молимся: не возгнушайся ими, Всеблагая, ради греховнаго недостоинства нашего, но приемлющи ны благоутробно, воздаждь нам предстательством Твоим к триединому Богу, да зовем Ти радостно: Радуйся, покрове миру, ширший облака; Радуйся, града прибежище, в нем же странники земныя отдохновение обретают. Радуйся, чертоже Божественнаго уневещения; Радуйся, Виновнице грешных с Богом примирения. Радуйся, величием многих чудес прославленная во вселенней; Радуйся, иконою Твоею святою являющая помощь и милость земнородным. Радуйся, Мати Божия, и спаси на Тя уповающия.

Кондак 10

Спасителя душ наших Господа Иисуса Христа, яко младенца, видим на руку Твоею, Богомати Владычице, носимаго и вся ны благословящаго, Его же созерцая на иконе Твоей святей, радуемся, грешнии, и со страхом и любовию сию целуем, яко залог Божия и Твоего к нам благоволения, зовуще благих подателю Богу: Аллилуиа.

Икос 10

Стена необоримая и крепкое защищение даровася граду Любечу иконою Твоею чудотворною, Богородице Дево, сияет бо сия многими преславными чудесы, сего ради мы грешнии, поклоняющеся Твоему пречистому образу, Владычице, благоумиленно пред ним Тебе вопием: Радуйся, заре немерцающая, всякий мрак греховный прогоняющая: Радуйся, просвещение неверующих и в сомнении сущих сердец. Радуйся, боголепная красото святыя Христовы Церкве; Радуйся, ризою Твоею честною всех нас защищающая. Радуйся, матернею любовию Твоею весь мир христианский объемлющая; Радуйся, щедроты Твоя богатыя верным нескудно подавающая. Радуйся, Мати Божия, и спаси на Тя уповающия.

Кондак 11

Пение хвалебное приносим Ти с любовию, Богородительнице Пречистая, не таим чудес Твоих, исповедуем милости Твоя, на нас и отцех наших от иконы Твоея святыя явленныя, и припадая к ней со усердием многим, молим Тя, Покровительнице наша: покрый нас покровом Твоим святым от всякаго зла и научи достойно воспевати Пресвятей Троице Ангельскую песнь: Аллилуиа.

Икос 11

Светоподательная икона Твоя, Богородице Марие, в Любечи от лет древних лучами Божественных чудес сияет, души и сердца верных благодатно просвещает и вся привлекает на поклонение Тебе Пречистой и Преблагословенней Заступнице рода нашего. Темже ущедреннии милостями Твоими, согласно взываем к Тебе: Радуйся, стено богозданная, ограждающая нас от искушений врага — диавола; Радуйся, реко приснотекущая чудес Божественных, еюже благодатно напаяются души наша. Радуйся, в Киеве честною иконою Твоею пребывающая и Любеча таковою же святынею неоставляющая; Радуйся, всю Российскую землю благоволения Твоего сподобляющая. Радуйся, яко Тобою радость подается скорбящим и печальным; Радуйся, яко Тобою помощь ниспосылается в беде и отчаянии сущим. Радуйся, Мати Божия, и спаси на Тя уповающия.

Кондак 12

Благодать Божественная осеняет святую икону Твою, Богородице Дево, и действует чрез нее ко благо душ и телес наших. Сего ради почитаем радостное ея явление в Любечи и со страхом Тебе вопием: Царице и Владычице наша Преблагая, не остави нас помощию Твоею державною в жизни нашей, в смерти и по смерти, и сподоби нас во стране живых воспевати Творцу и Искупителю нашему: Аллилуиа.

Икос 12

Поем Твоя чудеса, Владычице, в Любечи от иконы Твоея святыя бывшия, благодарим Тя, взыскавшую нас смиренных щедротами Твоими, прославляем милости Твоя богатыя, на нас и отцех наших явленныя Тобою от пречистаго образа Твоего, егоже явление торжественно празднующе, с веселием взываем к Тебе: Радуйся, весну спасения нам возсиявшая; Радуйся, теплотою благодати хладныя сердца наша согревающая. Радуйся, присно царствующая с Сыном Твоим и Богом; Радуйся, Царский венец улучившая от Царя царей. Радуйся, на руку Твоею держащая Вседержителя; Радуйся, к Нему за ны руце Твои молебно простирающая. Радуйся, Мати Божия, и спаси на Тя уповающия.

Кондак 13

О всепетая Мати, Любечская похвало и наше заступление, приими милостиво сие малое моление наше, пред пречистым образом Твоим приносимое, и умоли Сына Твоего и Бога нашего избавити нас муки вечныя и сподобити радости святых, выну поющих Ему: Аллилуиа.

(Этот кондак читается трижды, затем икос 1 и кондак 1)

Сайт  https://akafistnik.ru/akafisty-ko-presvyatoj-bogoroditse/akafist-presvyatoj-bogoroditse-pred-ikonoj-lyubechskaya/

Молитва к Пресвятой Богородице пред иконой Ея, именуемой «Любечская»

О пресвятая и преблагословенная Мати Господа и Спаса нашего Иисуса Христа, Пречис­тая Приснодево, Богородице Ма­рия!

Припадаем и поклоняемся Тебе пред святою и чудотворною иконою Твоею, юже от лет древ­них зде чудеси многими и исцеленми неисчетными прославити благоволила еси. Смиренно молимся Тебе, благой и мило­сердной Заступнице нашей, предстательством угодника Твое­го преподобнаго Антония Печерскаго, вонми гласу грешных молений наших, не презри возды­ханий от души, виждь скорби и беды, нас обышедшия, и яко любвеобильная воистину Мати, потщися на помощь нам безпомощным, унылым, во многие и тяжкие грехи впадшим и присно прогневляющим Господа и Создателя нашего, Его же умоли, Предстательнице наша, да не по­губит нас со беззаконии нашими, но явит нам человеколюбную Свою милость. Испроси нам, Владычице, у благости Его телес­ное здравие и душевное спасе­ние, благочестное и мирное жи­тие, земли плодоносие, воздуха благорастворение, дожди благовременны, и благословение свы­ше на вся благая дела и начина­ния наша. Исходатайствуй, Гос­поже, у Царя царствующих и Господа господствующих всем православным милость Божию, благоустроение и во всех благих изобилие.

О  Царице  всепетая, Мати Божия Всеблагая, простри благоноснии руце Твои к возлюбленному Сыну Твоему и Богу нашему, умоли Его вся ны спа­сти и избавити погибели вечныя. Яко же древле на месте сем отцем нашим милость Твою яв­ляла еси, Владычице, сице и нам ныне яви, Богородице, Твоя щедроты: болящия исцели, скорбящия утеши, бедствующим помози; споспеши всем нам носити иго Христово в терпении и сми­рении и сподоби нас благочестно житие сие земное скончати, христианскую непостыдную кон­чину получити и Небесное Цар­ствие унаследити матерним хода­тайством Твоим к рождшемуся от Тебе Господу и Богу нашему Иисусу Христу, Ему же со Без­начальным Его Отцем и Пресвя­тым Духом подобает всякая сла­ва, честь и поклонение, ныне и присно и во веки веков. Аминь.

Тропарь Пресвятой Богородице перед Ея иконой, именуемой  «Любечская»

Тропарь, глас 4

Преблагословенная Царице, Пре­чистая Дево Богородице,  прославльшая град Любеч угодника Твоего преподобнаго Антония Печерскаго рождением и чудотворныя иконы Твоея явлением, мо­лим Тя, Всеблагая: моли за ны рождшагося от Тебе Царя, Христа Бога наше­го,  и Матерним Твоим к Нему предстательством избави нас от всякаго зла,  недуги наша исцели, печали наша утоли и наследники яви нас Царствия Небеснаго, яко Милосердна.

Добавить комментарий

Ваш e-mail не будет опубликован. Обязательные поля помечены *