Леньковская Новгород-Северская икона Божией Матери

Леньковская Новгород-Северская икона Божией Матери
Леньковская Новгород-Северская икона Божией Матери

Леньковская  Новгород-Северская  икона  Божией  Матери,  именуемая  «Спасительница  утопающих»,  явлена  была  чудным  образом  в  1751  году  на  реке  Десна.  Небольшой  городок  на  Украине,  Новгород-Северский,  в  котором  проживают  14,5  тысяч  человек  прославился  двумя  чудотворными  иконами  Божией  Матери.  Это  Леньковская  Новгород-Северская  икона  Божией  Матери  и  Новодворская  икона.

Этот  древний  городок,  основанный  в  989  году,  находится  по  автодорогам  от  Чернигова  в  165  километрах,  от  Киева — в 305  км,  а  от  Российской  границы  всего  в  45  километрах.  Река  Десна  очень  красивая,  она  протекает  через  Чернигов  и  город  Новгород-Северский,  расположенный  на  ее  крутом  берегу.

История  образа:  Близ  села  Леньково,  что  находится  в  восьми  верстах  от  города  Новгород-Северска  Черниговской  губернии,  напротив  высокой  горы  имелся  очень  опасный  водоворот,  где  часто  гибли  груженые  суда.

Тот,  кому  хоть  однажды  доводилось  бывать  в  этих  краях,  знает,  какое  у  реки  коварное  русло.  Тихое  и  спокойное  течение  этой  притоки  Днепра  местами  вдруг  неожиданно  нарушается  стремительными  водоворотами,  которые,  как  в  пропасть,  затягивают  в  себя  все  живое.  Даже  опытные  пловцы  не  могли  справиться  со  стихией.

Вот  в  этом  месте  и  явилась  икона  Божией  Матери,  названная  впоследствии  Леньковская  Новгород-Северская  икона  Божией  Матери  «Спасительница  утопающих».  Святой  образ  просто  приплыл  однажды  к  берегу  реки  чудным  образом,  даруя  спасение  и  помощь  всем,  с  верой  к  нему  притекающим.  Жители  села  с  благоговением  приняли  чудный  образ  и  установили  его  на  горе,  напротив  гибельного  места.

Вскоре  здесь  был  выстроен  храм  во  имя  собора  Пресвятой  Богородицы.  Место  и  доныне  называют  Богородичным.  Корабельщики  приставали  к  берегу  у  храма,  чтобы  вознести  молитвы   Богородице.  Помолившись,  они  бросали  жребий,  кому  оставаться  на  барже  и  плыть  с  нею  через  опасный  водоворот.  Остальные  же  шли  пешком  вдоль  берега  до  конца  страшного  места.

Замечено  было,  что  со  времени  явления  Леньковской  иконы  несчастья  с  пловцами  стали  случаться  редко,  а  вскоре  и  совсем  прекратились.  Народная  молва  приписала  это  заступничеству  Пресвятой  Богородицы,  и  Леньковская  Новгород-Северская  икона  Божией  Матери,  прозванная  «Спасительницей  утопающих»  стала  почитаться  чудотворной.

Считается,  что  Леньковская  Новгород-Северская   икона  Божией  Матери,  древний  образ,  был  утрачен  в  годы  революционной  смуты.  Чтимый  ее  список  находится  в  Спасо — Преображенском  Новгород — Северском  монастыре.

Село  Леньково  в  глубокой  древности  было  ближе  к  городу  Новгород — Северску.  Во  время  польского  нашествия  оно  было  опустошено,  храм  разграблен  и  разрушен.  Во  второй  половине  XVII века  село  восстановили,  построили  храм  во  имя  архистратига  Михаила,  в  котором  находится  также  чудотворная  Леньковская  Новгород-Северская  икона  Божией  Матери  «Спасительница  утопающих».

Леньковская  Новгород-Северская  икона  Божией  Матери   имеет  небольшие  размеры,  десять  вершков  в  вышину  и  шесть  вершков  в  ширину.  Икона  весьма  ветхая.  Лик  Предвечного  Младенца  даже  трудно  различить.  Благодаря  усердию  верующих  образ  был  украшен  серебряным  окладом.

Леньковская  Новгород-Северская  икона  Божией  Матери

Иконография:  Иконографически  образ  схож  c  Корсунской  иконой  Божией  Матери.  Лик  Пресвятой  Богородицы  скорбен  и  задумчив.  Она  прижимает  к  Себе  Богомладенца,  как  бы  пытаясь  Его  защитить,  от  чего-то  уберечь.  И  Он  щечкой  прильнул  к  Матери,  доверчиво  и  кротко.

Местные  жители  очень  почитают  Леньковскую  (Новгород-Северскую)  икону  Божией  Матери,  «Спасительницу  утопающих».  Особенно  к  ее  помощи  прибегают  те,  кому  часто  приходится  вручать  себя  во  власть  водной  стихии.

Молитвенная  традиция:    Молятся  пред  иконой  о  сохранении  жизни  в  опасных  обстоятельствах,  о  сохранении  на  водах,  о  помощи  всем  морякам.

На  поклонение  Пречистой  Деве  стекается  много  паломников  со  всех  концов  страны.  Известно  много  случаев  помощи  Божией  Матери.

Источник:  Книга  Е.  Поселянина  «Богоматерь.  Описание  ее  земной  жизни  и  чудотворных  икон».

Празднование  иконы    20  декабря  /  2  января.

А К А Ф И С Т    Леньковской   ( СПАСИТЕЛЬНИЦА   УТОПАЮЩИХ )  иконе  Божией  Матери

Тропарь, глас 4

К Богородице прилежно ныне притецем, грешнии и смиреннии, и припадем, в покаянии зовуще из глубины души: Владычице, помози, на ны милосердовавши, потщися, погибаем от множества прегрешений, не отврати Твоя рабы тщи, Тя бо и едину надежду имамы.

Кондак, глас 6

Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти: ускори на молитву и потщися на умоление, предстательствующи присно, Богородице, чтущих Тя.

Кондак 1

Взбранной Воеводе, Владычице нашей Богородице, дивным на реце Десне чудотворнаго образа Ея явлением от вечныя смерти и злых обстояний избавляющей, благодарственное приносим пение. Ты же, о Богомати, яко имущая милосердие неизреченное, от всяких нас бед и зол свободи, да зовем Ти: Радуйся, Мати Божия, Спасительница утопающих и во гресех погибающих.

Икос 1

Архангел Гавриил с Небесе послан бысть к Тебе, Богородице, возвестити радость велию о рождении от Тебе Спасителя рода человеческаго. Подражая его приветствию, и мы, грешнии, глаголати дерзаем:

Радуйся, Еюже радость миру даровася.

Радуйся, Еюже Небо и земля соединися.

Радуйся, Небесных чинов радование.

Радуйся, богобоящихся человеков увеселение.

Радуйся, демонов прогнание.

Радуйся, всех святых ликование.

Радуйся, неверующих вразумление.

Радуйся, унывающих ободрение.

Радуйся, болящих исцеление.

Радуйся, обидимых заступление.

Радуйся, бедствующим внезапное вспоможение.

Радуйся, православных христиан покров и ограждение.

Радуйся, Мати Божия, Спасительнице утопающих и во гресех погибающих.

Кондак 2

Видящи благочестивии людие икону Твою, водами речными носимую, умилишася сердцем и, вземши ю со благоговением, покланяхуся Тебе и Божественному Младенцу Христу, на руку Твоею держиму, поя со умилением: Аллилуиа.

Икос 2

Разумея тайну Твоего, Богородице, заступления людей, в водах Десны утопающих и Тя в помощь призывающих, в явлении чудотворныя иконы Твоея в веси Леньковской, «Спасительница утопающих» именуемыя, славим Твое дивное о нас попечение, Владычице, и взирая на образ Твой и молящеся Ти, глаголем:

Радуйся, Мати Милосердная.

Радуйся, Царице Неба и земли, мир от бед спасающая.

Радуйся, Премудрая Руководительнице наша, житие наше добре устрояющая.

Радуйся, от потопления на водах спасающая.

Радуйся, во грехах погибающих от вечныя гибели избавляющая.

Радуйся, во все времена верным помогающая.

Радуйся, уныние и печаль от сердец наших отводящая.

Радуйся, жезле и опора старости.

Радуйся, постников укрепление.

Радуйся, падших востание.

Радуйся, умов просвещение.

Радуйся, честных иноков покров и заступление.

Радуйся, Мати Божия, Спасительница утопающих и во гресех погибающих.

Кондак 3

Силою Вышняго действуя, Владычице Преблагая, силу естества воднаго укрощаеши святою иконою Твоею и многая чудеса ею содеваеши. Сего ради, припадая пред образом Твоим, вопием прославльшему Тя Царю Славы: Аллилуиа.

Икос 3

Имущи попечение о страждущих людех, выну являла еси, Царице Небесная, чудеса и знамения, спасающи грады и веси от нападений вражиих и разорения. Не престай и ныне промышляти и спасати нас от бед и напастей, вопиющих Ти сице:

Радуйся, Заступнице усердная рода христианскаго.

Радуйся, Молитвенице неусыпная.

Радуйся, ограждение градов наших и весей от разорения и потопления.

Радуйся, прибежище наше во дни скорби и нестроения.

Радуйся, помощи у Тебе просящих не отвергающая.

Радуйся, болезнующих сердцем утешающая.

Радуйся, ересей и расколов Искоренительнице.

Радуйся, благочестия Насадительнице.

Радуйся, враждующих примирение.

Радуйся, погибших взыскание.

Радуйся, отчаянных грешников спасение.

Радуйся, скорбящих отрадо и увеселение.

Радуйся, Мати Божия, Спасительница утопающих и во гресех погибающих.

Кондак 4

Бури бед и напастей отжени от нас, Пресвятая Дево, и моления наша, пред честным образом Твоим возносимыя, скоро услыши, да выну вопием Тобою спасающему нас Богу: Аллилуиа.

Икос 4

Слышавше ближнии и дальнии о чудесах от иконы Твоея, Владычице, «Спасительница утопающих» бываемых, радовахуся о милости Твоей к роду нашему, воздающему Тебе достойную честь сицевую:

Радуйся, Промышления Сына Твоего о роде христианстем Святая Служительнице.

Радуйся, о всем мире усердная Предстательнице.

Радуйся, Цвете Неувядаемый.

Радуйся, скорбящих Радосте.

Радуйся, Милостивая, грешников милующая.

Радуйся, нечаянную радость нам подающая.

Радуйся, во Успении Твоем нас не оставляющая.

Радуйся, двери Царствия Христова верным отверзающая.

Радуйся, кладезю воды живительныя.

Радуйся, источниче милостей неисчерпаемый.

Радуйся, к жизни вечней наша Путеводительнице.

Радуйся, в земнем житии нашем незримая Охранительнице.

Радуйся, Мати Божия, Спасительнице утопающих и во гресех погибающих.

Кондак 5

Боготечная звезда, икона Твоя, Мати Божия, явися страждущим людем не токмо града Новгород-Северска и веси Леньковския, но и всей стране нашей, лучами чудес Твоих осиявающая всех блуждающих по морю страстнаго жития, и наставляющая на путь спасения с верою к Тебе притекающих и вопиющих Богу: Аллилуиа.

Икос 5

Видевше многая и преславная чудеса избавления от потопления в водах на реце Десне, радуемся вси, яко Божия Матерь выну являет милость Свою и, благодарнии суще, покланяемся и величаем Ю сице:

Радуйся, всегда матернюю любовь к нам являющая.

Радуйся, с небожители о людех присно молящаяся.

Радуйся, незримая Управительнице на водах.

Радуйся, на суше путешествующих Благая Одигитрие.

Радуйся, земнородных у Престола Сына Твоего поминающая.

Радуйся, прославляющих Тя прославляющая.

Радуйся, в чистоте и целомудрии жити нас научающая.

Радуйся, подвижников благочестия прославляющая.

Радуйся, честных супружеств благословение.

Радуйся, девственников присное радование.

Радуйся, хвалу и славу от Небес слышащая.

Радуйся, благодарение от земли приемлющая.

Радуйся, Мати Божия, Спасительнице утопающих и во гресех погибающих.

Кондак 6

Проповедуют спасеннии Тобою, Дево Чистая, милости и чудеса, от иконы Твоея святыя бываемыя; сего ради со благоговением почитаем образ Твой святый и покланяемся ему, яко залогу Твоего к нам благоволения, вопиюще Богу: Аллилуиа.

Икос 6

Возсия благодать людем Твоим от явленныя иконы Твоея, Богомати, всем притекающим в храм Твой и покланяющимся чудотворному образу Твоему. Не отрини убо молений наших, но всех нас защити, вопиющих со умилением сице:

Радуйся, непостыдное наше упование.

Радуйся, душ наших спасение.

Радуйся, от бед и печалей избавление.

Радуйся, греховных язв наших врачевание.

Радуйся, слепым зрение подающая.

Радуйся, глухим и немым слух и язык отверзающая.

Радуйся, хромых хождение и на путь истинный Наставнице.

Радуйся, тьму лютых обстояний от нас отгоняющая.

Радуйся, обидимых заступающая.

Радуйся, обидящих грозно наказующая.

Радуйся, веры утверждение.

Радуйся, благодати познание.

Радуйся, Мати Божия, Спасительнице утопающих и во гресех погибающих.

Кондак 7

Хотя Человеколюбец Господь спасти человеки от вечныя смерти и непрестающия скорби, даде нам в помощь и заступление Матерь Свою, да никтоже отыдет от Нея тощ и неуслышан. Мы же, Преблагословенная, со умилением благодарно покланяемся чудотворному образу Твоему, радостно поюще: Аллилуиа.

Икос 7

Дивно прославилася еси, Богомати, в защищении людей православных. Сего ради от лет древних притекают ко образу Твоему вернии людие, помощи и заступления у Тебе просяще и со умилением взывающе:

Радуйся, Спасительнице на водах утопающих.

Радуйся, Избавительнице во гресех погибающих.

Радуйся, алчущих Питательнице.

Радуйся, духовных сокровищ Подательнице.

Радуйся, горних умов непрестающее удивление.

Радуйся, человеческаго рода возвышение.

Радуйся, грешников с Богом примирение.

Радуйся, врагов невидимых мучение.

Радуйся, в недоумении сущим советы добрыя подающая.

Радуйся, житие наше добре устрояющая.

Радуйся, к подвигу целомудрия души возводящая.

Радуйся, обидимих прощати научающая.

Радуйся, Мати Божия, Спасительница утопающих и во гресех погибающих.

Кондак 8

Странники и пришельцы есмы на земли и, по глаголу Апостола, не имамы зде пребывающаго града. Но к кому прибегнем, Владычице, в скорбех жития нашего, аще не к Тебе, Небесная Царице? Укажи нам путь ко спасению, Путеводительнице наша, да выну зовем Богу: Аллилуиа.

Икос 8

Всем верным утешительно есть взирати на святую икону Твою, Владычице, яко Ты еси обидимым покров и защищение, алчущих Кормительница, нагих одеяние, болящих исцеление и всем вся благая и полезная даруеши. Сего ради вопием Ти:

Радуйся, неизглаголанная красото.

Радуйся, всехвальная доброто.

Радуйся, младенцев Питательнице.

Радуйся, скорая Помощнице.

Радуйся, Мати сиротствующих.

Радуйся, надеждо ненадежных.

Радуйся, благосердая Услышательнице.

Радуйся, всемощная Покровительнице.

Радуйся, любви Божия исполнение.

Радуйся, враждующих примирение.

Радуйся, упование всем верным.

Радуйся, Заре, сияющая во тьме блуждающим.

Радуйся, Мати Божия, Спасительнице утопающих и во гресех погибающих.

Кондак 9

Всяк земнородный да взыграется, духом просвещаемь, и да торжествует, славяще Твою милость, Богомати Пречистая, и да вопиет архангельский глас: «Радуйся, Благодатная, Господь с Тобою!», и Тобою с нами, вопиющими Ему песнь: Аллилуиа.

Икос 9

Витийствующий язык не возможет достойно восхвалити Тя, Богородице, за великия благодеяния, яже изливаеши на нас, грешных и недостойных. Обаче, да не явимся лениви и неблагодарни, приими от нас усердныя похвалы сия:

Радуйся, Блаженное Чрево, Невместимаго вместившее.

Радуйся, Купино Неопалимая.

Радуйся, Нерушимая Стено.

Радуйся, Вратарнице, двери райския верным отверзающая.

Радуйся, Живоносный Источниче.

Радуйся, Скоропослушнице, прошения наша во благо исполняющая.

Радуйся, гнев Божий от нас отводящая.

Радуйся, теплото, весь мир любовию согревающая.

Радуйся, земледельцев плодами обильными награждающая.

Радуйся, верным во всех нуждах пособляющая.

Радуйся, хотящим жити по заповедем Божиим помогающая.

Радуйся, разуму и мудрости нас научающая.

Радуйся, Мати Божия, Спасительнице утопающих и во гресех погибающих.

Кондак 10

Спаси нас, Владычице, от погибели вечныя, матерним предстательством Твоим ко Христу Спасителю нашему, и сподоби нас, помощию Твоею, достигнути Царства Небеснаго и в радости вечней воспевати со всеми святыми Человеколюбцу Богу: Аллилуиа.

Икос 10

Стена и покров граду Новгород-Северску и всей стране нашей святая икона Твоя, Владычице, явися; темже убо молим Тя, Пречистая: не остави нас, сирых и беспомощных, но посли благодать Твою свыше на предстоящия люди Твоя и от души вопиющия:

Радуйся, Мати неискусобрачная.

Радуйся, Невесто Неневестная.

Радуйся, честнейшая Херувим.

Радуйся, славнейшая Серафим.

Радуйся, паче всех земных возвеличенная.

Радуйся, от Ангельских чинов ублажаемая.

Радуйся, во обители райския путь указующая.

Радуйся, всеми оставленных не оставляющая.

Радуйся, сиротствующих незримая Воспитательнице.

Радуйся, скорбных матерей утешение.

Радуйся, духовныя слепоты исцеление.

Радуйся, странствующих христиан покров и ограждение.

Радуйся, Мати Божия, Спасительнице утопающих и во гресех погибающих.

Кондак 11

Пения и моления нашего не отвергни, Благая, но просвети ум наш и очи сердечныя и научи Творцу и Богу пети со благоговением песнь: Аллилуиа.

Икос 11

Светлыми лучами чудес просвещаеши весь мир христианский, Благодатная, и заступаеши люди православныя; темже припадающе ко образу Твоему взываем Ти:

Радуйся, Ангелов Царице.

Радуйся, всея твари Владычице.

Радуйся, мрачныя души просвещающая.

Радуйся, еретиков и раскольников обличающая.

Радуйся, молние, души светом веры озаряющая.

Радуйся, громе, враги устрашающий.

Радуйся, столпе, благочестие утверждающий.

Радуйся, светило, всю землю освещающее.

Радуйся, уповающих на Тя заступающая.

Радуйся, всех к Тебе прибегающих спасающая.

Радуйся, прославляющих Тя прославляющая.

Радуйся, не чтущих Тя посрамляющая.

Радуйся, Мати Божия, Спасительнице утопающих и во гресех погибающих.

Кондак 12

Благодать Твою не отыми от нас, милости Источниче, да избавлении Тобою от бед, скорбей и напастей, в мире и благочестии поживем, воспевая немолчно: Аллилуиа.

Икос 12

Поюще чудеса Твоя и милости, Дево Всепетая, хвалим Тя вси, яко воистину еси наша Помощница, Заступница, Питательница и Домостроительница. Темже, благодаряще Тя за вся явная и тайная благодеяния Твоя, вопием:

Радуйся, Молитвенице наша неусыпная.

Радуйся, чаше, черплющая нам радость.

Радуйся, утоление всякия печали.

Радуйся, недугующих скорая Целительнице.

Радуйся, духов лукавых Прогонительнице.

Радуйся, о спасении нашем Ходатаице.

Радуйся, нищих Защитнице.

Радуйся, труждающихся Помощнице.

Радуйся, невоздержных воздержанию научающая.

Радуйся, воюющим на плоть помогающая.

Радуйся, утверждение наше незыблемое.

Радуйся, надеждо наша непостыдная.

Радуйся, Мати Божия, Спасительнице утопающих и во гресех погибающих.

Кондак 13

О Всепетая Мати, Спасительнице утопающих, приими моление сие наше и избави нас от всяких зол, болезней, бед и напастей, нашествия иноплеменников, междоусобныя брани, и будущия изми муки о Тебе вопиющих: Аллилуиа.

(Этот кондак читается трижды, затем икос 1 и кондак 1)

Молитва

Заступница усердная, Мати Господа Вышняго! Ты еси всем христианом помощь и заступление, паче же в бедах сущим. Призри ныне с высоты святыя Твоея и на ны, с верою поклоняющияся пречистому образу Твоему, и яви, молим Тя, скорую помощь Твою по морю плавающим и от ветров бурных тяжкия скорби терпящим. Подвигни и вся православныя христианы на спасение в водах утопающих, и воздаждь подвизающимся о сем богатыя милости и щедроты Твоя. Се бо, на образ Твой взирающе, Тебе, яко милостивно сущей с нами, приносим смиренная моления наша. Не имамы бо ни иныя помощи, ни инаго предстательства, ни утешения, токмо Тебе, о Мати всех скорбящих и напаствуемых. Ты по Бозе наша надежда и Заступница, и на Тя уповающе, сами себе, и друг друга, и весь живот наш Тебе предаем во веки веков. Аминь.

Добавить комментарий

Ваш e-mail не будет опубликован. Обязательные поля помечены *