Лиддская икона Божией Матери

Лиддская икона Божией Матери
Лиддская икона Божией Матери
Лиддская икона Божией Матери
Лиддская икона Божией Матери  (современный  список )

Лиддская  икона  Божией  Матери — нерукотворный  образ  Пресвятой  Богородицы,  появившийся,  согласно  преданию,  чудесным  образом  на  столпе  храма  еще  при  жизни  Девы  Марии.  А  случилось  это  так.  Апостолы  Петр  и  Иоанн  по  Вознесении  Господнем  ходили  по  Палестине,  проповедуя  Слово  Божие.

Посетили  они  и  городок  Лидду  в  окрестностях  Иерусалима,  где  многих  обратили  в  христианство,  основали  даже  христианскую  общину,  для  которой  был  построен  храм  в  честь  Матери  Божией.  Апостолы  пошли  к  Пресвятой  Богородице  с  просьбой  благословить  храм  Своим  посещением,  на  что  Она  ответила:  «Идите  с  радостью.  Я  буду  там  с  вами.»

И  вот  во  время  молитвы  в  храме  на  столпе  вдруг  появился  образ  Божией  Матери  дивной  красоты  с  Младенцем  на  левой  руке,  прозванный  позднее  «Лиддская  икона  Божией  Матери».  Легендарное  чудесное  происхождение  образа  привлекло  в  Лидду  толпы  паломников,  и  это  паломничество  не  прекращается  до  сих  пор.

Иконография:  Иконографический  тип  —  Одигитрия,  если  позволительно  говорить  об  иконографии  нерукотворного  образа.  Отличительной  особенностью  этой  чудотворной иконы  является  то,  что  десницы  Богородицы  и  Богомладенца  соприкасаются  так,  что  Богоматерь  кистью  Своей  руки  словно  прикрывает  руку  Сына.

Лиддская икона Божией Матери

История  иконы:  Спустя  300  лет,  во  время  правления  Юлиана  Отступника  ( 361 — 363 ),  который  отмечен  в  истории  как  ярый  иконоборец,  явилось  новое  чудо  в  Лиддском  храме.  Юлиан  отправил  каменотесов  в  Лидду,  чтобы  уничтожить  Лиддскую  икону  Божией  Матери.

Но,  как  они  не  старались  угодить  императору,  никакие  орудия  не  могли  стесать  изображение.  Краски  по-прежнему  оставались  необычайно  яркими  и  только  глубже  уходили  в  камень.  После  долгих  стараний  каменотесы  покинули  храм,  так  и  не  выполнив  приказания  императора.

Слава  об  этом  чуде  разнеслась  повсюду.  В  Лиддский  храм  стали  стекаться  толпы  паломников,  чтобы  поклониться  нерукотворному  образу  Божией  Матери.  Появились  новые  чудеса  и  исцеления.

Прошло  еще  четыре  столетия.  В  VIII  веке  Константинопольский  патриарх  Герман,  поклонявшийся  палестинским  святыням,  посетив  Лидду,  приказал  сделать  список  чудотворной  иконы и  увез  его  в  Царьград.  Он  еженощно  благоговейно  молился  перед  Лиддской  иконой  Божией  Матери.

За  свое  почитание  православных  икон  он  вскоре  был  изгнан  с  патриаршей  кафедры  еретиками-иконоборцами  во  главе  с  императором  Львом  Исаврянином.  Предчувствуя  скорую  кончину  и  более  всего  стараясь  спасти  святую  икону,  он  доверил  ее  на  волю  Божию,  предав  морским  волнам.

Уже  на  следующий  день  море  вынесло  образ  к  побережью  Италии.  Благочестивый  папа  Григорий II,  прослышав  о  чудесной  находке,  прибыл  немедленно  на  берег  моря  к  устью  реки  Тибр  со  духовенством.  Икона  сама,  поднятая  невидимой  силой,  опустилась  на  простертые  руки  папы.

Римский  епископ  поместил    икону  Божией  Матери,  обретенную  таким  чудесным  образом,  в  алтарь  собора  Святого  Петра.  Через  некоторое  время  папа  Григорий  II  получил  известие  от  патриарха  Германа,  какую  святыню  принесли  волны.  Последовали  новые  чудесные  исцеления,  привлекавшие  тысячи  паломников.

Легендарная  история  спасения  в  период  иконоборчества  Лиддской  иконы  Божией  Матери,  принадлежавшей  патриарху  Герману,    основана  на  историческом  факте  отправки  им  в  Рим  папе  Григорию  II  ряда  константинопольских  святынь,  которые  в  настоящее  время  хранятся  в  личной  папской  капелле  Сан-Лоренцо  рядом  с  базиликой  Сан-Джованни  ин  Латерано.

Еще  через  столетие,  когда  иконоборчество  было  окончательно  побеждено,  в  соборе  Святого  Петра  стали  замечать  необычные  явления.  Временами  чудотворная  икона  начинала  странно  колебаться.  Однажды  на  виду  у  всех  молящихся  она  поднялась  со  своего  места,  проплыла  над  головами  верующих  и  опустилась  в  воды  Тибра.

Народ  во  главе  с  папой  возопил,  взывая  в  слезах  к  Пресвятой  Богородице  не  покидать  Рим.  Но  Царица  Небесная  Сама  определила  место  пребывания  Своего  образа.  Икону  вынесло  в  море  и  вскоре  ее  увидели  на  волнах  прямо  у  константинопольской  пристани.

Византийская  царица  Феодора  приняла  образ.  Константинопольский  патриарх,  уже  получивший  известие  из  Рима,  торжественно  водрузил  образ  в  храм  Богородицы  на  площади  Халкопратия.  Именно  тогда  он  получил  наименование  Римского  с  установлением  ему особого  празднования  26  июня  /  9  июля.

Существовал  еще  другой  нерукотворный  образ  Пресвятой  Богородицы,  также  именуемый  Лиддская  икона  Божией  Матери,  и  который  также  находился  в  храме  города  Лидда. Построен  этот  храм  был  Энеем,  которого  исцелил  апостол  Петр  (Деян. 9,  32-35).

Когда  этот  храм  хотели  отнять  у  христиан  иудеи  и  язычники,  он  был  заперт  на  три  дня,  по  решению  правителя,  в  ожидании  знамения  для  справедливого  разрешения  спора.  Знамение  не  заставило  себя  ждать.  Когда  через  три  дня  храм  открыли,  то  увидели  в  нем  нерукотворное  изображение  Божией  Матери.

Сохранились  письменные  свидетельства  об  обеих  нерукотворных  иконах  Божией  Матери,  именуемых  Лиддская  икона  Божией  Матери.  О  них  писали  в  послании  к  императору-иконоборцу  Феофилу  (829-842  гг)  три  восточных  Патриарха:  Иерусалимский,  Антиохийский  и  Александрийский.  Об  этом  послании  говорил  император  Константин  Багрянородный  (912-959  гг)  в  историческом  слове  о  нерукотворном  образе  Спасителя  в  Едессе.

Прослеживается  также  связь  Лиддской  иконы  Божией  Матери  с  историей  появления  на  Руси  Владимирской  и  Тихвинской  икон  Богородицы.  Так  в  «Повести  о  Сретении  Владимирской  иконы  Богородицы»  мысль  о  Руси  как  уделе  Божией  Матери  подтверждается  словами:    «Ты, о вла­ды­чи­це Бо­го­ро­ди­це, свой чю­до­творь­ний об­раз, его же мно­зи гла­го­лют втор­ни­ч­ная ико­на, име­но­ва­ше­ся древ­ле же Рим­ля­ны­ни, по­на­ча­лу же Лид­ская зо­во­ма, юже… Гер­ман с са­мо­во­об­ра­жен­на­го об­ра­за пре­пи­са­ти по­ве­ле в Ли­де, ико­но­бор­ства же ра­ди Льва Сав­ря­ни­на в Рим от­пу­сти ю, на мо­ре по­ста­вив. И та­ко са­ма свя­тая ико­на при­и­де в Рим еди­ным но­ще­ден­ством, по ле­тех же 130 па­ки са­ма ико­на изы­де из Рим­ския Церк­ви на мо­ре и при­и­де в цар­ству­ю­щий град… в ле­та… Рю­ри­ка, по­том же в на­шей Ро­сий­ской зе­мь­ле на ре­це на Тих­вине на воз­ду­се яви­ся, свя­ты­ми анг­ге­лы неви­ди­мы­ми но­си­ма, иде же и до­ныне пре­бы­вая, бес­чис­ле­на чю­де­са со­де­вая и ис­це­ле­ние по­да­вая неоскуд­но всем, с ве­рою при­хо­дя­щим…» »

Молитвенная  традиция:  Перед  иконой  молятся  об  избавлении  от  телесных  и  душевных  страданий,  в  скорби,  унынии,  в  отчаянии,  в  поисках  утешения  и  защиты.

Празднование:  Главное  празднование  нерукотворной  Лиддской  иконы  Божией  Матери  12  /  25  марта  и  26  июня  /  9  июля.

Акафист  «Радуйся,  Невесто  неневестная»,  первый  по  времени  написания  и  наиболее  известный  из  акафистов,  посвященных  Пресвятой  Богородице  и  используемых  в  богослужении  Православной  Церкви.

Кондак

О Всепетая Мати, рождшая всех святых Святейшее Слово! Нынешнее приемши приношение, от всякия избави напасти всех и будущия изми муки о Тебе вопиющих: Аллилуиа.

Конда́к 1.

Взбра́нной Воево́де победи́тельная, я́ко изба́вльшеся от злы́х, благода́рственная воспису́ем Ти́ раби́ Твои́, Богоро́дице; но я́ко иму́щая держа́ву непобеди́мую, от вся́ких на́с бе́д свободи́, да зове́м Ти́:

Ра́дуйся, Неве́сто Неневе́стная.

И́кос 1.

А́нгел предста́тель с Небесе́ по́слан бы́сть рещи́ Богоро́дице: ра́дуйся, и со безпло́тным гла́сом воплоща́ема Тя́ зря́, Го́споди, ужаса́шеся и стоя́ше, зовы́й к Не́й такова́я:

Ра́дуйся, Е́юже ра́дость возсия́ет; ра́дуйся, Е́юже кля́тва исче́знет.

Ра́дуйся, па́дшаго Ада́ма воззва́ние; ра́дуйся, сле́з Е́виных избавле́ние.

Ра́дуйся, высото́ неудобовосходи́мая челове́ческими по́мыслы; ра́дуйся, глубино́ неудобозри́мая и а́нгельскима очи́ма.

Ра́дуйся, я́ко еси́ Царе́во седа́лище; ра́дуйся, я́ко но́сиши Нося́щаго вся́.

Ра́дуйся, Звездо́, явля́ющая Со́лнце; ра́дуйся, утро́бо Боже́ственнаго воплоще́ния.

Ра́дуйся, Е́юже обновля́ется тва́рь; ра́дуйся, Е́юже покланя́емся Творцу́.

Ра́дуйся, Неве́сто Неневе́стная.

Конда́к 2.

Ви́дящи Свята́я Себе́ в чистоте́, глаго́лет Гаврии́лу де́рзостно: пресла́вное твоего́ гла́са неудобоприя́тельно души́ Мое́й явля́ется: безсе́меннаго бо зача́тия рождество́ ка́ко глаго́леши, зовы́й: Аллилу́иа.

И́кос 2.

Ра́зум недоразумева́емый разуме́ти Де́ва и́щущи, возопи́ к служа́щему: из боку́ чи́сту, Сы́ну ка́ко е́сть роди́тися мо́щно, рцы́ Ми́? К Не́йже о́н рече́ со стра́хом, оба́че зовы́й си́це:

Ра́дуйся, сове́та неизрече́ннаго Таи́ннице; ра́дуйся, молча́ния прося́щих ве́ро.

Ра́дуйся, чуде́с Христо́вых нача́ло; ра́дуйся, веле́ний Его́ глави́зно.

Ра́дуйся, ле́ствице небе́сная, Е́юже сни́де Бо́г; ра́дуйся, мо́сте, преводя́й су́щих от земли́ на не́бо.

Ра́дуйся, А́нгелов многослову́щее чу́до; ра́дуйся, бесо́в многоплаче́вное пораже́ние.

Ра́дуйся, Све́т неизрече́нно роди́вшая; ра́дуйся, е́же ка́ко, ни еди́наго же научи́вшая.

Ра́дуйся, прему́дрых превосходя́щая ра́зум; ра́дуйся, ве́рных озаря́ющая смы́слы.

Ра́дуйся, Неве́сто Неневе́стная.

Конда́к 3.

Си́ла Вы́шняго осени́ тогда́ к зача́тию Браконеиску́сную, и благопло́дная Тоя́ ложесна́, я́ко село́ показа́ сла́дкое, все́м хотя́щим жа́ти спасе́ние, внегда́ пе́ти си́це: Аллилу́иа.

И́кос 3.

Иму́щи Богоприя́тную Де́ва утро́бу, востече́ ко Елисаве́ти: младе́нец же о́ноя а́бие позна́в Сея́ целова́ние, ра́довашеся, и игра́ньми я́ко пе́сньми вопия́ше к Богоро́дице:

Ра́дуйся, о́трасли неувяда́емыя розго́; ра́дуйся, Плода́ безсме́ртнаго стяжа́ние.

Ра́дуйся, Де́лателя де́лающая Человеколю́бца; ра́дуйся, Сади́теля жи́зни на́шея ро́ждшая.

Ра́дуйся, ни́во, растя́щая гобзова́ние щедро́т; ра́дуйся, трапе́зо, нося́щая оби́лие очище́ния.

Ра́дуйся, я́ко ра́й пи́щный процвета́еши; ра́дуйся, я́ко приста́нище душа́м гото́виши.

Ра́дуйся, прия́тное моли́твы кади́ло; ра́дуйся, всего́ ми́ра очище́ние.

Ра́дуйся, Бо́жие к сме́ртным благоволе́ние; ра́дуйся, сме́ртных к Бо́гу дерзнове́ние.

Ра́дуйся, Неве́сто Неневе́стная.

Конда́к 4.

Бу́рю вну́трь име́я помышле́ний сумни́тельных, целому́дренный Ио́сиф смяте́ся, к Тебе́ зря́ небра́чней, и бракоокра́дованную помышля́я, Непоро́чная; уве́дев же Твое́ зача́тие от Ду́ха Свя́та, рече́: Аллилу́иа.

И́кос 4.

Слы́шаша па́стырие А́нгелов пою́щих плотско́е Христо́во прише́ствие, и те́кше я́ко к Па́стырю ви́дят Сего́ я́ко а́гнца непоро́чна, во чре́ве Мари́ине упа́сшася, Ю́же пою́ще ре́ша:

Ра́дуйся, А́гнца и Па́стыря Ма́ти; ра́дуйся, дво́ре слове́сных ове́ц.

Ра́дуйся, неви́димых враго́в муче́ние; ра́дуйся, ра́йских две́рей отверзе́ние.

Ра́дуйся, я́ко небе́сная сра́дуются земны́м; ра́дуйся, я́ко земна́я сликовству́ют небе́сным.

Ра́дуйся, апо́столов немо́лчная уста́; ра́дуйся, страстоте́рпцев непобеди́мая де́рзосте.

Ра́дуйся, тве́рдое ве́ры утвержде́ние; ра́дуйся, све́тлое благода́ти позна́ние.

Ра́дуйся, Е́юже обнажи́ся а́д; ра́дуйся, Е́юже облеко́хомся сла́вою.

Ра́дуйся, Неве́сто Неневе́стная.

Конда́к 5.

Боготе́чную звезду́ узре́вше волсви́, тоя́ после́доваша зари́, и я́ко свети́льник держа́ще ю́, то́ю испыта́ху кре́пкаго Царя́, и дости́гше Непостижи́маго, возра́довашася, Ему́ вопию́ще: Аллилу́иа.

И́кос 5.

Ви́деша о́троцы халде́йстии на руку́ Деви́чу Созда́вшаго рука́ми челове́ки, и Влады́ку разумева́юще Его́, а́ще и ра́бий прия́т зра́к, потща́шася дарми́ послужи́ти Ему́, и возопи́ти Благослове́нней:

Ра́дуйся, Звезды́ незаходи́мыя Ма́ти; ра́дуйся, заре́ та́инственнаго дне́.

Ра́дуйся, пре́лести пе́щь угаси́вшая; ра́дуйся, Тро́ицы таи́нники просвеща́ющая.

Ра́дуйся, мучи́теля безчелове́чнаго измета́ющая от нача́льства; ра́дуйся, Го́спода Человеколю́бца показа́вшая Христа́.

Ра́дуйся, ва́рварскаго избавля́ющая служе́ния; ра́дуйся, тиме́ния изыма́ющая де́л.

Ра́дуйся, огня́ поклоне́ние угаси́вшая; ра́дуйся, пла́мене страсте́й изменя́ющая.

Ра́дуйся, ве́рных наста́внице целому́дрия; ра́дуйся, все́х родо́в весе́лие.

Ра́дуйся, Неве́сто Неневе́стная.

Конда́к 6.

Пропове́дницы богоно́снии, бы́вше волсви́, возврати́шася в Вавило́н, сконча́вше Твое́ проро́чество, и пропове́давше Тя́ Христа́ все́м, оста́виша И́рода я́ко буесло́вна, не ве́дуща пе́ти: Аллилу́иа.

И́кос 6.

Возсия́вый во Еги́пте просвеще́ние и́стины, отгна́л еси́ лжи́ тьму́: и́доли бо его́, Спа́се, не терпя́ще Твоея́ кре́пости, падо́ша, си́х же изба́вльшиися вопия́ху к Богоро́дице:

Ра́дуйся, исправле́ние челове́ков; ра́дуйся, низпаде́ние бесо́в.

Ра́дуйся, пре́лести держа́ву попра́вшая; ра́дуйся, и́дольскую ле́сть обличи́вшая.

Ра́дуйся, мо́ре, потопи́вшее фарао́на мы́сленнаго; ра́дуйся, ка́меню, напои́вший жа́ждущия жи́зни.

Ра́дуйся, о́гненный сто́лпе, наставля́яй су́щия во тьме́; ра́дуйся, покро́ве ми́ру, ши́рший о́блака.

Ра́дуйся, пи́ще, ма́нны прие́мнице; ра́дуйся, сла́дости святы́я служи́тельнице.

Ра́дуйся, земле́ обетова́ния; ра́дуйся, из нея́же тече́т ме́д и млеко́.

Ра́дуйся, Неве́сто Неневе́стная.

Конда́к 7.

Хотя́щу Симео́ну от ны́нешняго ве́ка преста́витися преле́стнаго, вда́лся еси́ я́ко младе́нец тому́, но позна́лся еси́ ему́ и Бо́г соверше́нный. Те́мже удиви́ся Твое́й неизрече́нней прему́дрости, зовы́й: Аллилу́иа.

И́кос 7.

Но́вую показа́ тва́рь, я́влься Зижди́тель на́м от Него́ бы́вшим, из безсе́менныя прозя́б утро́бы, и сохрани́в Ю́, я́коже бе́, нетле́нну, да чу́до ви́дяще, воспои́м Ю́, вопию́ще:

Ра́дуйся, цве́те нетле́ния; ра́дуйся, ве́нче воздержа́ния.

Ра́дуйся, воскресе́ния о́браз облиста́ющая; ра́дуйся, а́нгельское житие́ явля́ющая.

Ра́дуйся, дре́во светлоплодови́тое, от него́же пита́ются ве́рнии; ра́дуйся, дре́во благосенноли́ственное, и́мже покрыва́ются мно́зи.

Ра́дуйся, во чре́ве нося́щая Изба́вителя плене́нным; ра́дуйся, ро́ждшая Наста́вника заблу́ждшим.

Ра́дуйся, Судии́ пра́веднаго умоле́ние; ра́дуйся, мно́гих согреше́ний проще́ние.

Ра́дуйся, оде́ждо наги́х дерзнове́ния; ра́дуйся, любы́, вся́кое жела́ние побежда́ющая.

Ра́дуйся, Неве́сто Неневе́стная.

Конда́к 8.

Стра́нное рождество́ ви́девше, устрани́мся ми́ра, у́м на небеса́ прело́жше: сего́ бо ра́ди высо́кий Бо́г на земли́ яви́ся смире́нный челове́к, хотя́й привлещи́ к высоте́ Тому́ вопию́щия: Аллилу́иа.

И́кос 8.

Ве́сь бе́ в ни́жних и вы́шних ника́коже отступи́ неопи́санное Сло́во: снизхожде́ние бо Боже́ственное, не прехожде́ние же ме́стное бы́сть, и рождество́ от Де́вы Богоприя́тныя, слы́шащия сия́:

Ра́дуйся, Бо́га невмести́маго вмести́лище; ра́дуйся, честна́го та́инства две́ри.

Ра́дуйся, неве́рных сумни́тельное слы́шание; ра́дуйся, ве́рных изве́стная похвало́.

Ра́дуйся, колесни́це пресвята́я Су́щаго на Херуви́мех; ра́дуйся, селе́ние пресла́вное Су́щаго на Серафи́мех.

Ра́дуйся, проти́вная в то́жде собра́вшая; ра́дуйся, де́вство и рождество́ сочета́вшая.

Ра́дуйся, Е́юже разреши́ся преступле́ние; ра́дуйся, Е́юже отве́рзеся ра́й.

Ра́дуйся, ключу́ Ца́рствия Христо́ва; ра́дуйся, наде́ждо бла́г ве́чных.

Ра́дуйся, Неве́сто Неневе́стная.

Конда́к 9.

Вся́кое естество́ а́нгельское удиви́ся вели́кому Твоего́ вочелове́чения де́лу; непристу́пнаго бо я́ко Бо́га, зря́ше все́м присту́пнаго Челове́ка, на́м у́бо спребыва́юща, слы́шаща же от все́х: Аллилу́иа.

И́кос 9.

Вети́я многовеща́нныя, я́ко ры́бы безгла́сныя ви́дим о Тебе́, Богоро́дице, недоумева́ют бо глаго́лати, е́же ка́ко и Де́ва пребыва́еши, и роди́ти возмогла́ еси́. Мы́ же, та́инству дивя́щеся, ве́рно вопие́м:

Ра́дуйся, прему́дрости Бо́жия прия́телище, ра́дуйся, промышле́ния Его́ сокро́вище.

Ра́дуйся, любому́дрыя нему́дрыя явля́ющая; ра́дуйся, хитрослове́сныя безслове́сныя облича́ющая.

Ра́дуйся, я́ко обуя́ша лю́тии взыска́теле; ра́дуйся, я́ко увядо́ша баснотво́рцы.

Ра́дуйся, афине́йская плете́ния растерза́ющая; ра́дуйся, ры́барския мре́жи исполня́ющая.

Ра́дуйся, из глубины́ неве́дения извлача́ющая; ра́дуйся, мно́ги в ра́зуме просвеща́ющая.

Ра́дуйся, кораблю́ хотя́щих спасти́ся; ра́дуйся, приста́нище жите́йских пла́ваний.

Ра́дуйся, Неве́сто Неневе́стная.

Конда́к 10.

Спасти́ хотя́ ми́р, И́же все́х Украси́тель, к сему́ самообетова́н прии́де, и Па́стырь сы́й, я́ко Бо́г, на́с ра́ди яви́ся по на́м челове́к: подо́бным бо подо́бное призва́в, я́ко Бо́г слы́шит: Аллилу́иа.

И́кос 10.

Стена́ еси́ де́вам, Богоро́дице Де́во, и все́м к Тебе́ прибега́ющим: и́бо небесе́ и земли́ Творе́ц устро́и Тя́, Пречи́стая, все́лься во утро́бе Твое́й, и вся́ приглаша́ти Тебе́ научи́в:

Ра́дуйся, сто́лпе де́вства; ра́дуйся, две́рь спасе́ния.

Ра́дуйся, нача́льнице мы́сленнаго назда́ния; ра́дуйся, пода́тельнице Боже́ственныя бла́гости.

Ра́дуйся, Ты́ бо обнови́ла еси́ зача́тыя сту́дно; ра́дуйся, Ты́ бо наказа́ла еси́ окра́денныя умо́м.

Ра́дуйся, тли́теля смы́слов упражня́ющая; ра́дуйся, Се́ятеля чистоты́ ро́ждшая.

Ра́дуйся, черто́же безсе́меннаго уневе́щения; ра́дуйся, ве́рных Го́сподеви сочета́вшая.

Ра́дуйся, до́брая младопита́тельнице де́вам; ра́дуйся, невестокраси́тельнице ду́ш святы́х.

Ра́дуйся, Неве́сто Неневе́стная.

Конда́к 11.

Пе́ние вся́кое побежда́ется, спростре́тися тща́щееся ко мно́жеству мно́гих щедро́т Твои́х: равночи́сленныя бо песка́ пе́сни а́ще прино́сим Ти́, Царю́ Святы́й, ничто́же соверша́ем досто́йно, я́же да́л еси́ на́м, Тебе́ вопию́щим: Аллилу́иа.

И́кос 11.

Светоприе́мную свещу́, су́щим во тьме́ я́вльшуюся, зри́м Святу́ю Де́ву, невеще́ственный бо вжига́ющи о́гнь, наставля́ет к ра́зуму Боже́ственному вся́, заре́ю у́м просвеща́ющая, зва́нием же почита́емая, си́ми:

Ра́дуйся, луче́ у́мнаго Со́лнца; ра́дуйся, свети́ло незаходи́маго Све́та.

Ра́дуйся, мо́лние, ду́ши просвеща́ющая; ра́дуйся, я́ко гро́м враги́ устраша́ющая.

Ра́дуйся, я́ко многосве́тлое возсиява́еши просвеще́ние; ра́дуйся, я́ко многотеку́щую источа́еши реку́.

Ра́дуйся, купе́ли живопису́ющая о́браз; ра́дуйся, грехо́вную отъе́млющая скве́рну.

Ра́дуйся, ба́не, омыва́ющая со́весть; ра́дуйся, ча́ше, че́рплющая ра́дость.

Ра́дуйся, обоня́ние Христо́ва благоуха́ния; ра́дуйся, животе́ та́йнаго весе́лия.

Ра́дуйся, Неве́сто Неневе́стная.

Конда́к 12.

Благода́ть да́ти восхоте́в, долго́в дре́вних, все́х долго́в Реши́тель челове́ком, прии́де Собо́ю ко отше́дшим Того́ благода́ти, и раздра́в рукописа́ние, слы́шит от все́х си́це: Аллилу́иа.

И́кос 12.

Пою́ще Твое́ Рождество́, хва́лим Тя́ вси́, я́ко одушевле́нный хра́м, Богоро́дице: во Твое́й бо всели́вся утро́бе содержа́й вся́ руко́ю Госпо́дь, освяти́, просла́ви и научи́ вопи́ти Тебе́ все́х:

Ра́дуйся, селе́ние Бо́га и Сло́ва; ра́дуйся, свята́я святы́х бо́льшая.

Ра́дуйся, ковче́же, позлаще́нный Ду́хом; ра́дуйся, сокро́вище живота́ неистощи́мое.

Ра́дуйся, честны́й ве́нче люде́й благочести́вых; ра́дуйся, честна́я похвало́ иере́ев благогове́йных.

Ра́дуйся, це́ркве непоколеби́мый сто́лпе; ра́дуйся, Ца́рствия неруши́мая стено́.

Ра́дуйся, Е́юже воздви́жутся побе́ды; ра́дуйся, Е́юже низпа́дают врази́.

Ра́дуйся, те́ла моего́ врачева́ние; ра́дуйся, души́ моея́ спасе́ние.

Ра́дуйся, Неве́сто Неневе́стная.

Конда́к 13.

О,Всепе́тая Ма́ти, ро́ждшая все́х святы́х Святе́йшее Сло́во! Ны́нешнее прие́мши приноше́ние, от вся́кия изба́ви напа́сти все́х, и бу́дущия изми́ му́ки, о Тебе́ вопию́щих: Аллилу́иа, аллилу́иа, аллилу́иа.

Этот, конда́к чита́ется три́жды, зате́м и́кос 1-й и конда́к 1-й.

И́кос 1.

А́нгел предста́тель с Небесе́ по́слан бы́сть рещи́ Богоро́дице: ра́дуйся, и со безпло́тным гла́сом воплоща́ема Тя́ зря́, Го́споди, ужаса́шеся и стоя́ше, зовы́й к Не́й такова́я:

Ра́дуйся, Е́юже ра́дость возсия́ет; ра́дуйся, Е́юже кля́тва исче́знет.

Ра́дуйся, па́дшаго Ада́ма воззва́ние; ра́дуйся, сле́з Е́виных избавле́ние.

Ра́дуйся, высото́ неудобовосходи́мая челове́ческими по́мыслы; ра́дуйся, глубино́ неудобозри́мая и а́нгельскима очи́ма.

Ра́дуйся, я́ко еси́ Царе́во седа́лище; ра́дуйся, я́ко но́сиши Нося́щаго вся́.

Ра́дуйся, Звездо́, явля́ющая Со́лнце; ра́дуйся, утро́бо Боже́ственнаго воплоще́ния.

Ра́дуйся, Е́юже обновля́ется тва́рь; ра́дуйся, Е́юже покланя́емся Творцу́.

Ра́дуйся, Неве́сто Неневе́стная.

Конда́к 1.

Взбра́нной Воево́де победи́тельная, я́ко изба́вльшеся от злы́х, благода́рственная воспису́ем Ти́ раби́ Твои́, Богоро́дице; но я́ко иму́щая держа́ву непобеди́мую, от вся́ких на́с бе́д свободи́, да зове́м Ти́:

Ра́дуйся, Неве́сто Неневе́стная.

Моли́тва.

Пресвята́я Влады́чице моя́ Богоро́дице, святы́ми Твои́ми и всеси́льными мольба́ми, отжени́ от мене́, смире́ннаго и окая́ннаго раба́ твоего́, уны́ние, забве́ние, неразу́мие, нераде́ние, и вся́ скве́рная, лука́вая и ху́льная помышле́ния от окая́ннаго моего́ се́рдца и́ от помраче́ннаго ума́ моего́, и погаси́ пла́мень страсте́й мои́х, я́ко ни́щь е́смь и окая́нен: и изба́ви мя́ от мно́гих и́ лю́тых воспомина́ний и предприя́тий, и от все́х де́йств злы́х свободи́ мя: я́ко благослове́нна еси́ от все́х родо́в, и сла́вится Пречестно́е и́мя Твое́ во ве́ки веко́в. Ами́нь.

Добавить комментарий

Ваш e-mail не будет опубликован. Обязательные поля помечены *