Икона «Призри на смирение»

Икона "Призри на смирение"

Икона  «Призри  на  смирение»  прославилась  чудотворениями  сразу  после  своего  явления,  поэтому  широко  распространилась  в  России  по  храмам  и  монастырям.   Название  иконы  происходит  от  стихов  песни  Пресвятой  Богородицы,  которая  поется  на  Всенощном  Бдении  перед  девятой  песнью  канона:  «Призри  на  смирение  рабы  Своея…»  ( Еванг. от  Луки,  гл. 1,  ст. 48 )

История  явления  образа:  Икона  Божией  Матери  «Призри  на  смирение»  явилась  в  1420  году  в  Псковской  области,  в  Бежаницком  крае,  на  озере  Каменном.  Обстоятельства  явления  образа  неизвестны.  Согласно  легенде,  произошло  это  в  период  эпидемии  и  голода.  Из  глаз  Пресвятой  Богородицы  сочилась  кровь.  Царица  Небесная  как  бы  предупреждала  и  сопереживала,  горевала  о  грешном  роде  человеческом.

16  сентября,  в  день  памяти  святой  великомученицы  Евфимии,   икона  была  перенесена  в  город  Псков  и  поставлена  в  Соборной  церкви  Живоначальной  Троицы.  С  чудотворной  иконой  совершались  крестные  ходы  с  молебнами  о  прекращении  эпидемии  и  голода.  В  память  этого  перенесения  иконы  установлено  празднование.

В  Троицком  соборе  города  Пскова,  очень  почитаемом  местными  жителями,  пребывало  много  святынь,  например  Чирская  икона  Божией  Матери Тихвинская  икона,  много  ценной  церковной  утвари,  княжеских  грамот,  других  исторических  и  культурных  памятников.  Но  город  часто  подвергался  опустошительным  набегам,  от  которых  более  всего  страдали  храмы  и  монастыри.

В  описи  ризницы  Троицкого  собора,  составленной  в  XIX  веке,  уже  нет  упоминания  о  чудотворной  иконе  «Призри  на  смирение».  Часты  бывали  в  те  времена  и  пожары,  уничтожавшие  не  только  постройки,  но  и  находившиеся  в  них  ценности.  Поэтому  можно  предположить,  что  чудотворная  икона  погибла  в  одном  из  таких  бедствий.

Не  смотря  на  широкое  распространение  образа,  известных  списков  иконы  «Призри  на  смирение»  довольно  мало.  Из  наиболее  известных  списков  один  список  XVII  века  находится  в  женском  Фроловском  Вознесенском  монастыре  в  Киеве,  а  другой —  икона  Божией  Матери  «Призри  на  смирение» — украшает  главный  храм  в  Киевском  Свято-Введенском  мужском  монастыре.

Икона "Призри на смирение"

В  Сретенском  храме  Свято-Успенского  Псково-Печерского  монастыря  находится  икона  «Призри  на  смирение»,  которая  являлась  келейной  иконой  старца  архимандрита  Иоанна  (Крестьянкина).  После  его  преставления  образ  был  перенесен  из  кельи  старца  в  Сретенский  храм.

В  настоящее  время  список  иконы  Божией  Матери  «Призри  на  смирение»  находится  справа  от  алтаря  в  Троицком  кафедральном  соборе  Псковского  Кремля.

Чудотворная  икона  «Призри  на  смирение»  в  Свято  —  Введенском  мужском  монастыре  города  Киева  —  это  список  иконы,  сделанный  в  XIX  веке  с  первообраза.  Образ  был  написан  некоей  княгиней,  принявшей  схиму  с  именем  Мария.  Она  не  только  имела  талант  живописицы,  но  и  несла  невидимые  миру  аскетические  подвиги,  за  которые  была  удостоена  Господом  чести  написать  образ  Пресвятой  Богородицы.

Женщинам  не  позволяется  касаться  святых  мощей,  но  этой  иконописице,  по  особому  разрешению  высочайших  духовных  лиц,  было  такое  право  даровано.  Она  писала  икону  косточкой  от  святых  мощей,  обмакивая  ее  в  краски,  замешанные  на  святой  воде,  и  творя  Иисусову  молитву.

После  переворота  1917  года  икона  «Призри  на  смирение»  хранилась  у  протоиерея  Бориса  Квасницкого,  который  перед  своим  арестом  успел  передать  святой  образ  духовной  дочери,  монахине  Феофании  (в  схиме  Феодоре).  Схимонахиня  Феодора  хранила  святую  икону  сию  размером  110 х 72  сантиметра  55  лет  и  передала  ее  в  1992  году  в  монастырь.

В  августе  1993  года  настоятель  Введенской  общины  обратил  внимание  на  потемневшие  краски  иконы  «Призри  на  смирение».  Было  решено  пригласить  реставраторов  для  поновления  иконы.  Когда  была  снята  рама  и  стекло,  прикрывавшее  икону,  но  не  касавшееся  к  ней,  все  увидели  серебристый  налет  на  стекле,  который  как  негатив  повторял  образ  «Призри  на  смирение».

Киевские  ученые,  проведя  исследования,  пришли  к  выводу,  что  изображение  является  нерукотворным.  При  этом  они  не  смогли  дать  научного  объяснения  этому  феномену,  который  можно  было  назвать  только  чудом.  От  самой  иконы  и  от  ее  отпечатка  стали  происходить  многочисленные  исцеления.

Призри на смирение в монастыре

Приказом  Священного  Синода  Украинской  Православной  Церкви  от  22  ноября  1995  года  святой  образ  Божией  Матери  «Призри  на  смирение»  был  признан  чудотворным.  В  1996  году  святой  лик  Богородицы  был  оправлен  в  драгоценную  ризу.  Стекло  с  чудесным  отображением  было  установлено  в  киоте  рядом  с  иконой.

Иконография:  Иконографический  тип  —  Одигитрия.  На  иконе  «Призри  на  смирение»  Божия  Матерь  изображена  в  короне.  В  правой  руке  Она  держит  скипетр,  левой  поддерживает  Богомладенца.  Предвечный  Младенец  представлен  стоящим  на  коленях  Своей  Матери.

Правой  рукой  Он  прикасается  к  Ее  ланите,  а  в  левой  держит  державу  —  символ  власти  над  миром.  Образ  Богородицы  наделен  высокой  духовностью,  торжественен  и  строг.  Ее  облик  овеян  удивительной  тонкой  красотой  и  изысканностью.

В  лике  Богородицы,  почти  классическом  по  правильности  пропорций,  выделяются  глаза,  внимательные,  все  понимающие,  любящие  и  прощающие.  Удивительное  их  свойство  смотреть  на  предстоящего,  где  бы  он  не  находился,  и  менять  выражение.

Иногда  Пресвятая  Богородица  выглядит  строгой  и  серьезной,  в  другой  раз  Ее  глаза  светятся  добротой  и  участием,  порою  видится  в  них  едва  заметная  светлая  улыбка.  Это  трогательный  образ  материнской  любви.

Призри на смирение

Любовь  и  нежность  сочетаются  с  тревогой  и  печалью  Матери,  знающей,  что  ждет  Ее  Сына,  и  разделяющей  с  Ним  Его  тернистый  жизненный  путь,  причем  с  высочайшей  и  глубочайшей  степенью  смирения.

На  иконе  «Призри  на  смирение»  Матерь  Божия  облачена  в  красный  мафорий,  четырехугольный  плат,  являвшейся  частью  одежды  замужней  женщины.  Пурпурный  цвет  мафория  означает  Ее  материнство  и  принадлежность  к  царскому  роду.

Голубой  цвет  туники,  длинного  платья  с  расшитыми  узкими  рукавами,  —  символ  целомудрия,  девства  и  небесной  чистоты.  Орнаментальная  кайма  на  одежде  Богородицы  —  это  знак  Ее  прославления,  а  три  золотых  звездочки  на  мафории  символизируют  Ее  Приснодевство.

Поверх  мафория  изображена  корона  —  символ  Царства.  Богоматерь  —  Царица  Небесная,  но  это  царское  достоинство  основано  исключительно  на  Ее  материнстве,  на  том,  что  Она  стала  Матерью  Спасителя  и  Господа.

Золотые  нимбы  вокруг  Богородицы  и  Богомладенца,  излучающие  Божественный  свет,  служат  выражением  святости  и  принадлежности  к  миру  вечных  ценностей.

Следует  также  упомянуть,  что  иконографический  тип  Одигитрия,  к  которому  относится  икона,  не  соотносится  ни  с  текстом  Священного  Писания,  ни  с  акафистом  Божией  Матери,  что  дает  определенную  свободу  в  решении  композиции  иконы.

Поэтому  существуют  варианты  изображения,  когда  Богомладенец  стоит  или  сидит  на  коленях  Божией  Матери,  Он  может  изображаться,  как  на  левой  (традиционно),  так  и  на  правой  руке  Божией  Матери,  держать  в  руках  Евангелие  или  атрибут  царской  власти.  Появление  какого-либо  варианта  изображения  могли  разделять  целые  столетия.

Икона "Призри на смирение"

Молитвенная  традиция:  Перед  иконой  «Призри  на  смирение»  молятся  при  эпидемиях,  болезнях  и  несчастных  случаях,  а  также  об  исцелении  от  слепоты,  при  болезнях  глаз,  сердца,  сосудов,  при  женских  немощах,  от  холеры.  К  Пресвятой  Богородице  пред  Ее  иконой  обращаются  о  даровании  смирения  себе  и  своим  близким,  о  прощении  грехов,  об  ограждении  от  неправедных  мыслей  и  ложных  учений,  при  гонениях  и  клевете.

Празднование:  16  /  29  сентября.

Акафист  Пресвятой  Богородице  пред  иконой  «Призри  на  смирение»

Не утвержден для общецерковного использования

Кондак 1

Взбранной Воеводе, Владычице нашей Богородице, преславным явлением иконы Ея святыя, люди богоспасаемаго града Киева дивно посетившей, благодарственное возглашаем пение. Ты же, яко Всеблагая Заступнице рода христианскаго, от всяких нас бед свободи, и от всех враг видимых и невидимых защити, да с верою Тебе зовем: Радуйся, Пренепорочная Богородице Дево «Призри на смирение», с высоты небесной на смирение рабов Твоих призирающая.

Икос 1

Ангелов Царице и всея твари Владычице, Пречистая Дево Богородице, милостивым явлением нам образа Твоего Святаго, древле богоспасаемый град Псков, а ныне град Киев благодатно озарила еси и струи чудес от него источила еси верным. Темже со усердием и любовию припадающе ко Пречистому Твоему образу, умиленныя моления возсылаем милосердому Твоему к нам заступлению и со страхом зовем:

Радуйся, Царице наша Преблагая, Надеждо наша Богородице.

Радуйся, Приятелище сирых и странных Предстательнице.

Радуйся, скорбящих Радосте и обидимых Покровительнице.

Радуйся, яко зриши нашу беду, зриши нашу скорбь.

Радуйся, яко помогаеши нам, яко немощным, окормляеши нас, яко странных.

Радуйся, яко не имамы иныя помощи, разве Тебе, ни иныя Предстательницы.

Радуйся, яко не имамы Благия Утешительницы, токмо Тебе, о Богомати.

Радуйся, яко да сохраняеши нас и покрываеши во веки веков.

Радуйся, Пренепорочная Богородице Дево «Призри на смирение», с высоты небесной на смирение рабов Твоих призирающая.

Кондак 2

Видящи милосердие Твое неисчетное, Всенепорочная Владычице, и многая чудеса, Тобою явленная и присноявляемая чрез святыя иконы Твоя, имиже, яко звездами богосветлыми, весь мир христианский украсила еси, величаем Тя, возвеличившую род наш Твоим благоволением, и с любовию припадаем к чудотворному образу Твоему, поюще Сыну Твоему Христу Богу: Аллилуиа.

Икос 2

Видеша вси вернии люди киевския, яко святый образ Божия Матери чудесно отобразися на стекле кивота, зело удивишася и, со благоговением взирающе на цельбоносную икону телесныма очима, потщашася сице возопити Честнейшей Херувим и Славнейшей без сравнения Серафим:

Радуйся, яко образ Твой честный предивно, без содействия рук человеческих на стекле кивота отобразися.

Радуйся, всех верных явлением сим зело возрадовавшая и умилившая.

Радуйся, Пречистая, яко призирая на смирение, слышиши глас наш и очищаеши вся беззакония наша.

Радуйся, Дево, мертва змия живоносным Рождеством Твоим соделавшая.

Радуйся, Богородительнице, яко жизнь нестареющую улучити нам помогаеши молитвами Твоими.

Радуйся, Слово Отчее рождшая, пламень страстей наших росою молитв Твоих угашающая.

Радуйся, Благая Утешительнице, матерними молитвами Твоими бури сердец наших утишающая.

Радуйся, исправляя молитвы рабов Твоих, разрешение многих наших прегрешений подающая.

Радуйся, Пренепорочная Богородице Дево «Призри на смирение», с высоты небесной на смирение рабов Твоих призирающая.

Кондак 3

Сила Вышняго содела Тя, Благодатная, источник неоскудевающ утешения бедствующим: многи бо скорби претерпевши, можеши и искушаемым помощи. Людем же нашим, люте страждущим от неверия и заблуждения, благоволила еси милостивно явити благодатное сокровище сие – чудотворный образ Твой во храме Свято-Введенском, в знамение милости Твоея ко земле нашей, в защиту от враг видимых и невидимих; темже, помощию Божиею подкрепляеми, Спасителю Богу поим: Аллилуиа.

Икос 3

Якоже древле царь повеле при Тихвинской иконе братии поселитися и славу, Тебе Пречистей, воспевати и о всем мире молитву приносити, тако и ныне повеле митрополит Киевский Владимир обители быти и братиям собравшимся пред Твоим новоявленным чудесным образом моления о всех людех приносити и воспевати Ти:

Радуйся, освятившая землю Киевскую Своим явлением.

Радуйся, утесняемым ослабу и свободу дарующая.

Радуйся, ненаказанных Милостивая Наказательнице.

Радуйся, неразумных Премудрая Вразумительнице.

Радуйся, обидящих Всегрозная Устрашительнице.

Радуйся, обидимым Всеблагая Заступнице.

Радуйся, духа уныния и боязни отгнание.

Радуйся, Пренепорочная Богородице Дево «Призри на смирение», с высоты небесной на смирение рабов Твоих призирающая.

Кондак 4

Яко лучезарную звезду, яко новое знамение милости Своея явила еси ныне, Пренепорочная Дево, верным богоспасаемаго града Киева, честную икону Твою «Призри на смирение» в годину новых испытаний, нестроений и злых развращений, врагами веры и Отечества нашего воздвизаемых, да утвердится благочестие и да укрепится вера Православная в людех. Мы же в сем явлении уразумев знамение велия попечения Божия о месте сем, со трепетом и благоговением глаголем Ти, Царице Небесе и земли: «Ты еси нам щит непобедимый и стена необоримая восхваляющим Тя и воспевающим Богу песнь: Аллилуиа».

Икос 4

Слышавше о дивном чудеси явления святыя иконы Твоея во граде Киеве, Преблагословенная Царице Неба и земли, вси людие подвигошася во храм Твой, взирающе и дивящеся чудеси сему, и со благоговением и радостию покланяшеся чудотворному образу Твоему, хвалебно зовуще Ти:

Радуйся, обретшая благодать у Бога и больше Ангелов и всех святых возвеличенная.

Радуйся, Мати Божия, крепкаго во бранех Христа рождшая, избавляющая нас от печалей и лютых нападений вражиих.

Радуйся, рождшая Живодавца Христа несказанно, мертвых нас душами оживотворяющая.

Радуйся, Владычице, освящающая оскверненныя сердца наша, Яже Пресвятое Слово рождшая.

Радуйся, Милостивая, простирающая нам руку помощи, да спасаеми, выну ублажаем Тя.

Радуйся, Дево Богорадованная, кроплением милости Твоея погашающая углие страстей наших.

Радуйся, угасший светильник сердец наших возжигающая.

Радуйся, сотворяющая милостива нам Судию, Сына Твоего.

Радуйся, нечистых страстей нас свобождающая и славы вечныя сподобляющая.

Радуйся, Пренепорочная Богородице Дево «Призри на смирение», с высоты небесной на смирение рабов Твоих призирающая.

Кондак 5

Егда явися чудо от иконы Твоея, вернии возрадовашася, а невернии удивляхуся како сие может быти, и, изучающе сие, познаваху силу Пречистыя, и по недолзе времени возгласиша яко сие нерукотворно бысть. Мы же паки и паки милости Твоей дивляхуся, уповаем, яко на нашу недостойную молитву призрит Господь, Царь Славы, и послушает прошения всех с верою призывающих имя Твое святое, Сыну же Твоему зовущих: Аллилуиа.

Икос 5

Возсия нам благодать светозарная от чудотворныя иконы Твоея, Богоизбранная Отроковице, пред неюже со слезами припадающе, молимтися: отжени облак нашедших на ны искушений и бед, да вопием Ти радостно:

Радуйся, Всепетая, Дверь Небесная, отверзающая нам дверь спасения.

Радуйся, Чистая, руку помощи нам простирающая и из глубины болезней возводящая.

Радуйся, Святейшая, Свет Невещественный рождшая, тьмы страстей нас свобождающая.

Радуйся, Ангелов Радосте, праведников Доброта, верных Надежда и соблюдение наше.

Радуйся, мосте, к жизни несостареющейся приводящий верою и любовию Тя величающия.

Радуйся, возносящая рог верных поющих Тя, Дево, и покланяющихся честному образу Твоему.

Радуйся, наставляющая к добродетели Небеснаго Царствия и покоя Божественнаго.

Радуйся, руку помощи нам подающая и ко пристанищу спасительному направляющая.

Радуйся, Пренепорочная Богородице Дево «Призри на смирение», с высоты небесной на смирение рабов Твоих призирающая.

Кондак 6

Проповедник неизреченных чудес Твоих, Мати Божия, явися святый храм Твой во граде Киеве, в нем бо давнее Божие смотрение о нас Тобою, Дево Чистая, исполнися, егда сокровенное желание сердца нашего украсити пречудный лик Твой, Царице Небесная, драгоценным венцем из каменей честных милостивно услышала еси, нас же грешных и недостойных, прилежно притекающих к преславному образу Твоему, в покаянии зовущих из глубины души: «Владычице, спаси ны погибающия от множества прегрешений наших», да выну благодарим и величаем Тя, нашу скорую и дивную Помощницу, поя Богу: Аллилуиа.

Икос 6

Якоже древле иудеи для скинии приношаху злато и сребро, тако и людие наши получающе Тобою исцеления, приношаху Ти сребро и злато, Пречистая Скиние, и по сем образ Твой святый украси благолепными дары, ризою драгою и венцем, припадающеТи и со слезами вопиюще тако:

Радуйся, Богородице Дево, яко и раждаеши, и чиста по рождестве явилася еси.

Радуйся, Благая, дух сокрушения и смирение сердец нам подающая, уму же чистоту и житию исправление.

Радуйся, Всенепорочная, прегрешений оставление и слез источники нам дарующая.

Радуйся, силою молитв Твоих язвы душ наших исцеляющая.

Радуйся, Чаше жизни и безсмертия, ко вратам вечныя жизни нас приводящая.

Радуйся, избаляющая нас от многих бед, скорбей и будущаго Суда Страшнаго.

Радуйся, Живоносный Источниче нетления и радости, жаждущия души наша напояющая.

Радуйся, Всемилостивая, кротким сиянием Твоим мрак страстей и пороков наших разгоняющая.

Радуйся, Пренепорочная Богородице Дево «Призри на смирение», с высоты небесной на смирение рабов Твоих призирающая.

Кондак 7

Хотяй Долготерпеливый Господь явити Своего человеколюбия неизследимую щедрот бездну, избра Тебе едину в Матерь Себе и сотвори Тя людем непреодоленное защищение: да кто от них праведным судом Божиим осуждения достоин явится, Твоим обаче державным покровом сохраняется на покаяние, зовый: Аллилуиа.

Икос 7

Новая купель Силоамская паче оныя древния, явися, Пречистая Владычице, храм Святаго Введения Твоего, в немже вси вернии покланяются чудотворней иконе Твоей и молебныя пения выну пред тою совершают, да не сокрыт будет источник благодатных врачеваний всем требующим. Сего ради и мы не таим Твоих благодеяний, Всенепорочная, но благодарственне вопием:

Радуйся, Агнице, рождшая Агнца, вземлющего грехи мира.

Радуйся, красна душею, красна телом, красна помышлением, Дево Пречистая, скверну душ наших очищающая.

Радуйся, всех Освященная Сене, исцеления от дланей Твоих точащая нам выну.

Радуйся, виноград Божественный, Красный Грозд израстившая, душам нашим дающая питие независтное.

Радуйся, реко приснотекущая исцелений и море, вся наша страсти потопляющее.

Радуйся, едина нетленная, в земном житии сем покровом милости Своея нас покрывающая.

Радуйся, яко матерними молитвами Твоими избавляемся болезненных напастей и всякаго вреда душевнаго и телеснаго.

Радуйся, Всеблагая наша Наставнице, за вся благодеяния Твоя благодарению нас научающая.

Радуйся, Пренепорочная Богородице Дево «Призри на смирение», с высоты небесной на смирение рабов Твоих призирающая.

Кондак 8

Все житие наше на земли болезненно и печали исполнено от клеветы, досаждения, укорения и иных многовидных бед и напастей: немоществует бо тело, изнемогает и дух наш. К Тебе убо прибегаем, Благодатная, пред пречистым образом Твоим припадающе: исполни радости и веселия скорбныя сердца наша, да вопием выну Богу: Аллилуиа.

Икос 8

Странное видение бысть человеку некоему, егда той стоя на молитве и за сродницу, без покаяния почившую, молитву принося, внезапу узре святый образ Твой, Владычице, на стене явленный, а посем на том же месте саму почившую видев, небесною радостию осиянную. В видении же сем уразумев Тя, Матерь Света, в Вышних пребывающую и ходатайства за живых и мертвых Сыну Твоему выну приносящую, исполнися духовныя радости и веселия скорбное сердце его, и возопи таковая:

Радуйся, от приносящих Тебе благодарныя дары лика Твоего не отвращающая и почившим сродникам их загробную участь облегчающая.

Радуйся, уповающим на Тя живота непостыдный конец дарующая.

Радуйся, и по смерти за отшедшую на суд Господень душу пред Сыном Твоим неотступно ходатайствующая.

Радуйся, скорбящих родителей в лишении чад их утешающая благодатною Твоею помощию.

Радуйся, неустанная Молитвеннице наша, тихий и безболезненный отход из сей юдоли плача и скорби нам низпосылающая.

Радуйся, в грозный час смерти за верно чтущих Тя предстательствующая и от воздушных мытарств избавляющая.

Радуйся, Милостивая, милость Свою нам являющая в день испытания, в оньже открыются вся дела наша добрая же и злая.

Радуйся, Милосердая, покаяния грешников не отвергающая и от рова погибели милосердием Твоим исхищающая.

Радуйся, Пренепорочная Богородице Дево «Призри на смирение», с высоты небесной на смирение рабов Твоих призирающая.

Кондак 9

Все естество ангельское похвальная песни приносит Тебе, истинней Матери Божией и Заступнице всех приходящих к Тебе и просящих Твоея помощи, яко твердым и крепким Твоим предстательством праведных веселиши, грешных заступаеши, печали утоляеши, сродником нашим почившим загробную участь облегчаеши и молишися о всех нас, верою зовущих Сыну Твоему: Аллилуиа.

Икос 9

Человечестии ветии суемудрении недоумевают познати Божественную тайну Твоего Приснодевства, Богородице, ниже могут изъяснити силу чудотворную, от икон святых Твоих проистекающую, во исцеление недужных и на всякую пользу душевную и телесную человеком. Мы же благочестно Матерь и Деву Тя исповедающе, достойно хвалим славный, Владычице, иконы Твоея праздник, верно покланяемся образу Твоему святому и с любовию вопием:

Радуйся, Богоневесто, Свет рождшая Божественный и Превечный.

Радуйся, Мати и Дево Преблагословенная.

Радуйся, матерей присное радование.

Радуйся, Едина непорочная и добрая в женах.

Радуйся, Ангелов славо, столп утверждения и сокровище спасения.

Радуйся, Царице Небесная, источник нетления и дверь покаяния.

Радуйся, Благосердая Мати всех скорбящих и обремененных.

Радуйся, Державная Заступнице рода христианскаго.

Радуйся, Пренепорочная Богородице Дево «Призри на смирение», с высоты небесной на смирение рабов Твоих призирающая.

Кондак 10

Спасителя падшему человечеству родила еси, Всенепорочная Дево, и Сего, яко Младенца во объятиях Твоих носила еси, Егоже Божественное изображение на честней иконе Твоей нам являеши и многая милости и щедроты Твоя нам даруеши. Сего ради с верою и любовию чествуем образ чудотворный Твой, Владычице, и молимся Тебе прилежно: буди покров и защита нам в день Судный, да Твоим матерним предстательством помилует нас Судия праведный, Сын Твой, и сподобит деснаго стояния и пения Ему со всеми избранными: Аллилуиа.

Икос 10

Стена и покров граду Пскову дадеся святая икона Твоя, Царице и Владычице, еюже многажды град сей от разорения ратнаго сохраняла еси. И ныне нас, грешных и недостойных чад Твоих, милостивно посетила еси чудным явлением пречистаго Твоего образа и благоутробно приемлеши пред Ним возносимыя Тебе от благодарных сердец наших молитвы с пением таковым:

Радуйся, якоже древле иконою Успения славный град Киев многажды спасала еси, тако и ныне нас пречудною иконою Твоею от бед ограждаеши.

Радуйся, Лавры Киево-Печерския славная Строительнице и храмов ея Всечестная Украсительнице.

Радуйся, Хранительнице дивная и иных обителей святых, яко Твоею благодатною силою оныя зиждутся и преуспевают в благочестии.

Радуйся, прославившая место явления иконы Твоея дивным чудодействием и тем милость преизобильную нам показавшая.

Радуйся, Богоневесто Пречистая, святый лик Твой чтущих от осуждения и мук многообразных избавляющая.

Радуйся, Многомилостивая Покровительнице наша, от пречудныя иконы Твоея милости нам неоскудно источающая.

Радуйся, Владычице, матерними молитвами Твоими души наша от мрачнаго сна возставляющая к Твоему славословию.

Радуйся, Радосте миру, яко о Тебе радуется ангельский собор и человеческий род.

Радуйся, Пренепорочная Богородице Дево «Призри на смирение», с высоты небесной на смирение рабов Твоих призирающая.

Кондак 11

Пение молебное наше с верою и любовию возносимое, милостивно услыши, Госпоже Владычице, и утробу щедрот Твоих не затвори нам, Всещедрая Богородице: се бо обнищавше в добрых делех, к сокровищнице милости Твоея – чудней иконе Твоей, со усердием притекаем, Всеблагая, и припадающе к Ней, молимся: сохрани ны от тлетворных учений, избави от лукавых совращений, спаси Отечество наше от нестроений и злых нападений вражиих и сподоби в любви и единомыслии со всеми верными чадами Святыя Христовы Церкви благоприятно пети Создателю нашему песнь: Аллилуиа.

Икос 11

Светлыми лучами чудес немерцаемо сияет святая икона Твоя, Всенепорочная Богородице Дево: просвещаеши бо нас, помраченных греховною мглой и приводиши к немолчному славословию Твоего пресвятаго имене. Темже радуемся, мы грешнии, имуще таковый залог Твоего к нам благоволения, и Тебе, скорой Помощнице нашей, благодарственно взываем:

Радуйся, Царице и Владычице, светом Твоим небесным нас освящающая и под кровом Твоим выну сохраняющая.

Радуйся, Благословенная и Препрославленная, Мати Неискусомужная, умервщленныя грехами души наша оживотворяющая.

Радуйся, Чистая и Непорочная Дево, Ты бо родила еси Сына, избавляющаго нас от искушений.

Радуйся, Всеславная Владычице Богородице, от всяких ны зол и скорбей исхищающая и нозе наша на камене божественнаго спасения поставляющая.

Радуйся, Чистая Агнице, Дево, Мати, Отроковице, чисты ны сотворяющая от страстей телесных.

Радуйся, яко да льстиваго избавляются сетей вси песнословящия Тя, Богорадованная.

Радуйся, гора велия, Юже Даниил провиде, из Неяже честный камень — Христос плотию облечеся.

Радуйся, Дево Чистая, жезл из корене Иессеова, цветовозрастивший нам Всесильнаго Господа.

Радуйся, Пренепорочная Богородице Дево «Призри на смирение», с высоты небесной на смирение рабов Твоих призирающая.

Кондак 12

Благодати Божия святое и непорочное жилище, Мати Господа Вышних сил, не возгнушайся нас, грешных и недостойных, воспевающих милости от всечестныя иконы Твоея нам явленныя, и Твоим невечерним сиянием озари наша темныя души, приводящи к Свету Трисолнечнаго Божества, в Православии укрепи нас, Всеблагая, и сподоби до конечнаго издыхания нашего пети немолчную песнь Вседержителю: Аллилуиа.

Икос 12

Поюще песнь хвалы и благодарения Тебе, Богорадованная Дево, проповедуем велегласно величие чудес Твоих и богатство милости Твоея, на нас и Отечестве нашем явленных, и от глубины сердечныя приносим Тебе со смирением похвальныя дары сия:

Радуйся, Православия несокрушимая крепосте и оградо.

Радуйся, Непобедимая Воеводо вождей и воинств христианских.

Радуйся, неложное спасение и Предстательнице мира, рождшая Зиждителя, Имже от напастей и болезней спасеся мир.

Радуйся, мысленныя двери Жизни, покаяния нам двери отверзающая.

Радуйся, Едина Благословенная, в час смерти темныя зраки лукавых бесов далече от нас прогоняющая.

Радуйся, Едина Милосердая, в страшный день Суда вечныя муки нас избавляющая и неизреченныя славы Сына Твоего наследники ны показующая.

Радуйся, Всенепорочная, выну человеколюбиеТвое являющая и от соблазнов и сетей вражиих нас свобождающая.

Радуйся, Пречистая, сотворившая с нами знамение во благо: да видят ненавидящии нас и постыдятся, яко Ты вняла еси прошениям нашим и утешила ны.

Радуйся, Пренепорочная Богородице Дево «Призри на смирение», с высоты небесной на смирение рабов Твоих призирающая.

Кондак 13

О Всепетая Мати Господа нашего Иисуса Христа, неисчерпаемое море Божественных даров Ты еси, Всесвятая Дево! Яко светоподательную лампаду, елеем милости исполненную, созерцаем Тя очами веры и кротким сиянием Твоим озаряеми, любовию же Твоею присно согреваемии, Тебе, яко Благой Заступнице нашей, со умилением глаголем: приими благоутробно молебное пение наше, пред чудною иконою Твоею с верою Тебе возносимое, и всесильными молитвами Твоими умоли, Владычице, избавитися нам, грешным, временных бед и вечныя муки, да, спасеннии Тобою, прославим и в будущей жизни Всесвятое имя Сына Твоего и Бога нашего, верно зовуще Ему: Аллилуиа.

(Этот кондак читается трижды, затем икос 1 и кондак 1)

Молитва

О Пресвятая Госпоже, Дево Богородице, вышшая Херувим и Честнейшая Серафим, Богоизбранная Отроковице! Призри с высоты небесныя милостивным Твоим оком на нас, недостойных рабов Твоих, со умилением и слезами молящихся пред пречистым образом Твоим; не лиши нас Твоего заступления и покрова державнаго в странствии сем земном, многоскорбном и многомятежном. Спаси нас, в погибели и скорби сущих, воздвигни из глубины греховныя, просвети ум наш, омраченный страстьми и уврачуй язвы душ и телес наших! О Всещедрая Мати Человеколюбиваго Владыки! Удиви на нас пребогатыя милости Твоя, укрепи немощную волю нашу к деланию заповедей Христовых, умягчи окаменелая сердца наша любовию к Богу и ближним, даруй нам сокрушение сердечное и покаяние истинное, да очистившеся от скверны греховныя, сподобимся мирныя христианския кончины и добраго ответа на Страшнем и нелицеприятнем Суде Господа нашего Иисуса Христа, Емуже со Безначальным Его Отцем и Пресвятым, Благим и Животворящим Духом подобает всякая слава, честь и поклонение, ныне и присно и во веки веков. Аминь.

Сайт  https://akafistnik.ru/akafisty-ko-presvyatoj-bogoroditse/akafist-presvyatoj-bogoroditse-pred-ikonoj-prizri-na-smirenie/

Добавить комментарий

Ваш e-mail не будет опубликован. Обязательные поля помечены *