Донская икона Божией Матери

Донская  икона  Божией  Матери

Донская  икона  Божией  Матери  прославилась  по  защите  русского  войска  на  поле  брани.  Не  менее  славен  и  Донской  монастырь,  основанный  на  том  месте,  где  среди  воинов  во  время  битвы  в  1591  году  стояла  Донская  икона.

А  началось  прославление  иконы  в  далеком  1380  году.  Принесена  была  Донская  икона  Божией  Матери  донскими  казаками,  прибывшими  на  помощь  к  великому  князю  Димитрию  Иоанновичу  Донскому.

Святая  Донская  икона  Божией  Матери  была  утверждена  на  древке,  как  хоругвь,  и  во  все  продолжение  войны  оставалась  при  русском  войске.  В  день  славной  Куликовской  битвы,  бывшей  в  1380  году  между  реками  Доном  и  Непрядвою,  чудотворную  Донскую  икону  носили  среди  воинов  для  ободрения  и  помощи  им  против  рати  татарской,  литовской  и  рязанской.

Когда  неприятели  были  поражены,  казаки  принесли  Донскую  икону  Божией  Матери  в  дар  великому  князю  Димитрию,  который  перенес  ее  в  Москву  и  поставил  сначала  в  Успенском  соборе,  а  по  сооружении  Благовещенского  собора  Московского  Кремля  перенес  ее  туда.

В  память  победы,  одержанной  заступлением  Пресвятой  Богородицы  на  берегах  Дона,  икона  названа  Донскою.  Во  вкладной  книге  Донского  монастыря,  составленной  в  1692  году,  имелась  запись,  что  Донская  икона  Божией  Матери  была  поднесена  Донскими  казаками  из  Сиротина  городка  Московскому  князю  Димитрию  Ивановичу  в  канун  Куликовской  битвы.

В  1591  году  крымский  царевич  Нурадын  с  своим  братом  Мурат — Гиреем  и  многочисленными  полчищами  вторглись  в  пределы  России  и  подступили  к  Москве.  Царь  Феодор  Иоаннович,  не  надеясь  отразить  тьму  ворога,  обратился  с  молитвою  о  помощи  к  Небесной  Заступнице.

Был  совершен  крестный  ход  с  Донской  иконой  и  другими  чудотворными  иконами  вокруг  города.  Затем  Донская  икона  Божией  Матери  была  поставлена  в  царской  походной  церкви  среди  воинских  рядов.

Целую  ночь  царь  усердно  молился  Пресвятой  Богородице  и  просил  послать  помощь  на  одоление  врагов.  И  помощь  пришла.  Силою  Христа  и  предстательством  Его  Матери  русское  войско  одержало  победу  над  врагами  в  этом  неравном  сражении.

Сутки  продолжалась  ожесточенная  битва.  И  вдруг  татары,  устрашенные  невидимою  силою,  обратились  в  бегство,  оставив  на  поле  сражения  множество  убитых,  раненых  и  весь  свой  стан.

Вот  тогда  на  этом  самом  месте  и  был  основан  Донской  монастырь  и  установлен  ежегодный  праздник  в  честь  Донской  иконы.  С  этого  времени  Донская  икона  Божией  Матери  стала  почитаться  как  защитница  от  иноверных  и  иноплеменных  врагов.

В  1598  году  Донской  иконой  Патриарх  Иов  благословил  на  царство  Бориса  Годунова.  В  1687  году  Донская  икона  Божией  Матери  была  в  Крымском  походе  князя  Василия  Голицына.  В  конце  XVII  века  Донская  икона  Божией  Матери  была  перенесена  в  покои  царевны  Натальи  Алексеевны.

Позднее  образ  вновь  вернулся  в  Благовещенский  собор.  Во  время  захвата  Москвы  войсками  Наполеона  Донская  икона  Божией  Матери  лишилась  драгоценных  камней  и  ее  оклада.  В  1919  году  Донская  икона  Божией  Матери,  раскрытая  от  записей  Григорием  Чириковым,  поступила  в  Государственный  Исторический  музей.  С  1930  года  Донская  икона  Божией  Матери  находится  в  Третьяковской  галерее.

Донская  икона  Божией  Матери
Донская икона Божией Матери, первообраз

Иконография:  Иконографический  тип  —  Умиление.  На  обратной  стороне  первообраза  —  икона  Успение  Пресвятой  Богородицы. Правой  рукой  Младенец  Христос  благословляет  в  лице  Богоматери  всю  Церковь,  в  левой,  опущенной  на  колено  и  прикрытой  гематием,  —  книга  в  виде  свитка.

Раскрытая  правая  ладонь,  которой  Богородица  поддерживает  Богомладенца,  символизирует  своеобразный  престол.  В  целом  положение  кистей  рук  Богоматери  и  фигуры  Богомладенца  отображают  сидение  на  троне  Царя  царствующих  —  воплощенного  Бога.

Характерная  особенность  Донской  иконы  —  обнаженные  ножки  Предвечного  Младенца.  Обнажение  ног  в  данной  иконе  символизирует  умаление  Бога,  Его  принятие  «зрака  раба».  Ноги  Богомладенца  покоятся  на  левой  руке  Богоматери,  которая  символически  представляет  собой  подножие.

Изначальный  золотой  фон  иконы  утрачен,  но  лики  и  одежды  Богоматери  и  Богомладенца  имеют  хорошую  сохранность.  Не  сохранились  нимбы  Младенца  Иисуса  и  Девы  Марии.  Изначально  они  тоже  были  вызолочены.  Охряный  хитон  Предвечного  Младенца  украшен  сетью  изломанных  золотых  линий.  Он,  как  и  гематий,  покрыт  густым  золотым  ассистом.

Свиток  в  руке  Иисуса  перевязан  золотым  шнуром.  Спадающие  складки  одежд  Бгомладенца  поддерживает  левая  рука  Богоматери.  Мафорий  Пресвятой  Богородицы  выполнен  в  вишневых  тонах.  Он  украшен  золотой  каймой  с  бахромой  и  традиционными  тремя  золотыми  звездами,  символом  Ее  приснодевства.  На  голове  у  Богородицы  синий  чепец.

Успение  Пресвятой  Богородицы

На  оборотной  стороне  Донской  иконы — икона  Успения  Пресвятой  Богородицы,  которая  отличается  хорошей  сохранностью,  сохранилась  даже  киноварная  надпись  с  названием образа.  Сцена  Успения  лишена  традиционных  дополнительных  сюжетов.  В  центре  композиции  помещена  фигура  Иисуса  Христа  с  крошечной  запеленованной  фигурой — символом  бессмертной  души  Богородицы.

Фигура  Христа  вдвое  больше  остальных  фигур.  Перед ним  на  ложе  изображена  умершая  Дева  Мария,  которую  окружают  12  апостолов  и  два  епископа.  Перед  смертным  одром  установлена  горящая  свеча,  символизирующая  угасание  жизни.  Изображение  выдержано  в  более  темной  и  драмматичной  гамме,  по  сравнению  с  лицевой  стороной  образа.

Донская  икона  Божией  Матери,  первообраз,  была  помещена  в  драгоценный  оклад,  изготовленный  в  XVII  веке.  Описание  его  в  переписной  книге  Благовещенского  собора  за  1680  год  занимает  несколько  листов.  Оклад  не  имел  аналогов  по  количеству  мощевиков.  Оклад  иконы  не  сохранился.

Благочестивая  традиция  приписывает  авторство  Донской  иконы  выдающемуся  иконописцу  Феофану  Греку.  Пережив  века,  образ  дошел  до  наших  дней  почти  без  изменений.  Хотя  следует  отметить,  что  среди  историков  искусства  нет  единого  мнения  об  авторстве  как  Донской  иконы,  так  и  иконы  Успения  на  обратной  стороне,  а  также  о  времени  ее  написания.

Донская  икона  Божией  Матери  славна  еще  и  тем,  что  нашла  свое  поэтическое  отражение  в  творчестве  великого  русского  поэта  Александра  Блока  и  писателя  Н. Н. Карамзина.

И с туманом над Непрядвой спящей,
Прямо на меня
Ты сошла, в одежде свет струящей,
Не спугнув коня…

И когда, наутро, тучей черной
Двинулась орда,
Был в щите Твой Лик Нерукотворный
Светел навсегда.

А. А. Блок

В  настоящее время  первообраз,  Донская  икона  Божией  Матери,  находится  в  Третьяковской  галерее  и  ежегодно  в  день  празднования  иконы  ее  доставляют  в  Донской  монастырь  для  совершения  перед  ней  праздничного  богослужения.

В  самом  монастыре  находится  почитаемый  список  чудотворной  иконы.  По  сложившейся  традиции  в  Малом  соборе  в  честь  Донской  иконы  Божией  Матери  раз  в  четыре  года  Святейший  Патриарх  Московский  и  Всея  Руси совершает  чин  варения  святого  мира.

Донская  икона  Божией  Матери
Донская икона Божией Матери, современный список

Самый  древний  из  известных  списков  Донской  иконы  датируется  концом  XIV  века.  Он  был  украшен  серебряным  золоченым  окладом  и  поступил  как  вклад  в  Троице-Сергиеву  Лавру  от  князя  Владимира  Андреевича,  двоюродного  брата  Дмитрия  Донского.

Список,  сделанный  для  Успенского  собора  сохранился  до  наших  дней.  Он  отличается  белым  фоном.  Во  второй  половине  XVI  века  при  епископе  Коломенском  Давиде  икона  была  закрыта  окладом.  После  избавления  Москвы  от  войск  хана  Казы-Гирея  с  иконы  был  сдедан  список  для  Донского  монастыря.  В  1668  году  для  Малого  собора  Донского  монастыря  список  сделал  Симон  Ушаков.

Донская  икона  Божией  Матери  почитается  на  Руси  наравне  с  такими  иконами,  как  КазанскаяВладимирскаяИверскаяСмоленская.  Тесная  связь  образа  с  историей  нашего  Отечества  сделала  икону  значимой.  Донская  икона  Божией  Матери  относится  к  числу  редких  икон,  сохранившихся  в  своем  первозданном  виде.

Молитвенная  традиция:  Пред  иконой  молятся  о  защите  Руси  Святой,  народа  православного,  о  помощи  православному  русскому  воинству,  в  трудные  для  России  времена.  Она  считается  защитницей  Отечества.

Празднование:  19  августа  /  1  сентября.

Тропарь  Пресвятой  Богородице  пред  иконой  Ея  «Донской»

глас 4

Засту́пнице ве́рных Преблага́я и Ско́рая,/ Пречи́стая Богоро́дице Де́во!/ Мо́лим Тя пред святы́м и чудотво́рным о́бразом Твои́м,/ да, я́коже дре́вле от него́ заступле́ние Твое́/ гра́ду Москве́ дарова́ла еси́,/ та́ко и ны́не нас от вся́ких бед и напа́стей ми́лостивно изба́ви,// и спаси́ ду́ши на́ша, я́ко Милосе́рдая.

Ин тропарь  Пресвятой  Богородице  пред   Донской  Ея  иконой

глас 4

Всепе́тая и Всесла́вная Цари́це Богоро́дице,/ Ма́ти всея́ тва́ри Соде́теля,/ христиа́нская наде́ждо и Засту́пнице,/ ненаде́ющимся и отча́явшимся ско́рое наде́яние, мо́лим Тя:/ ми́лостива бу́ди нам, гре́шным,/ не оста́ви раб Твои́х и не отри́ни моле́ния недосто́йных./ Мо́лимся, взира́юще ко о́бразу Твоему́ честно́му/ святы́я и чудотво́рныя ико́ны Твоея́ и вопию́ще:/ с пла́вающими и путеше́ствующими да пребу́дет ми́лость Твоя́./ О Влады́чице, ри́зою Твое́ю честно́ю защити́,/ и во вся́ких ме́стех злы́х ве́рныя соблюди́,/ и моли́ся к Ро́ждшемуся из Тебе́ Христу́ Бо́гу на́шему,// да спасе́т от грех ду́ши на́ша.

Кондак  Пресвятой  Богородице  пред  иконой  Ея  «Донской»

глас 8

Взбра́нной Воево́де победи́тельная,/ я́ко изба́вльшеся от злых,/ благода́рственная воспису́ем Ти, раби́ Твои́, Богоро́дице,/ но, я́ко иму́щая держа́ву непобеди́мую,/ от вся́ких нас бед свободи́, да зове́м Ти:// ра́дуйся, Неве́сто Неневе́стная.

Ин  кондак  Пресвятой  Богородице  пред  иконой  Ея  «Донской»

глас 2

В Небе́сныя оби́тели пресели́вшаяся с пло́тию,/ су́щия на земли́ ника́коже оста́вила еси́, Богоро́дице,/ о́браз Боже́ственный и многочуде́сный Пречи́стаго Лица́ Твоего́/ зре́ти лю́бящим Тя и покланя́тися дарова́ла еси́,/ я́ко зна́мение Твоея́ благода́ти;// чтим его́, лобыза́юще.

Молитва  Пресвятой  Богородице  пред  иконой  Ея  «Донской»

О, Пресвята́я Влады́чице, Де́во Богоро́дице, Засту́пнице на́ша блага́я и ско́рая! Воспева́ем Ти вси благода́рственная за чу́дная дела́ Твоя́. Песносло́вим от лет дре́вних неотъе́млемое заступле́ние Твое́ гра́ду Москве́ и стране́ на́шей, чудотво́рным о́бразом Твои́м Донски́м всегда́ явля́емое: в бе́гство обраща́ются полцы́ чужди́х, гра́ди и ве́си невреди́ми сохраня́ются, лю́дие же от лю́тыя сме́рти избавля́ются. Осуша́ются о́чи слезя́щеи, умолка́ют стена́ния ве́рных, плач в ра́дость о́бщую претворя́ется. Бу́ди и нам, Пречи́стая Богоро́дице, утеше́ние в бе́дствиих, возрожде́ние наде́жды, о́браз му́жества, исто́чник ми́лости и в ско́рбных обстоя́ниих неистощи́мое терпе́ние нам да́руй. Пода́ждь коему́ждо по проше́нию и ну́жде его́: младе́нцы воспита́й, ю́ныя уцелому́дри и стра́ху Бо́жию научи́, уныва́ющия обо́дри и не́мощную ста́рость поддержи́. Посети́ в боле́знех и печа́лех су́щия, зла́я сердца́ умягчи́, братолю́бие укрепи́, ми́ра и любве́ всех нас испо́лни. Примири́, Благосе́рдая Ма́ти, вражду́ющия и оправда́й оклеве́танныя. Истреби́ поро́ки, да не восхо́дят греси́ на́ши пред Судие́ю вся́ческих, да не пости́гнет нас пра́ведный гнев Бо́жий. Твои́ми моли́твами, всемо́щным Твои́м покро́вом огради́ нас от наше́ствий вра́жиих, от гла́да, губи́тельства, огня́, меча́ и вся́каго ино́го злострада́ния. Упова́ем моли́твами Твои́ми получи́ти от Всевы́шняго Бо́га грехо́в проще́ние и изглажде́ние и с Бо́гом примире́ние. Умоли́ стяжа́ти нам Ца́рствие Небе́сное и по сконча́нии жи́зни на́шея одесну́ю Престо́ла Бо́жия ста́ти, иде́же Ты, о Всепе́тая Де́во, Святе́й Тро́ице в ве́чней сла́ве предстои́ши. Удосто́й и нас с ли́ки А́нгелов и святы́х та́мо восхвали́ти Пречестно́е и́мя Сы́на Твоего́, со Безнача́льным Его́ Отце́м и Всесвяты́м и Благи́м и Животворя́щим Его́ Ду́хом, во ве́ки веко́в. Ами́нь.

Молитва  вторая  Пресвятой  Богородице  пред  иконой  Ея  «Донской»

О, Всеми́лостивая Ма́ти, Пречи́стая Де́во Богоро́дице! Ты еси́ свет ума́ моего́, ра́дость се́рдца моего́, си́ла во́ли моея́. Услы́ши и приими́ моле́ние мое́. При́зри на я́звы души́ и те́ла моего́, обогати́хся страстьми́, обнища́х смире́нием. Испо́лнен есмь студа́ за зла́я дела́ и трепе́щу Суда́ Бо́жия. Греси́ ю́ности, забве́ннии и утае́ннии греси́ отягча́ют со́весть мою́. Омы́й мя струя́ми сле́зными, сними́ бре́мя тя́жкое, грехо́вное, да сотворю́ плоды́ досто́йныя покая́ния. Те́рнием скорбе́й усы́пан есть путь мой. Вем, я́ко пра́вда Бо́жия наказу́ет мя. Умоли́ милосе́рдие Бо́жие о мне, при́зри на сле́зы моя́ и испра́ви и спаси́ мя и ча́да моя́, бу́ди ми сокро́вище ве́ры и храни́лище благоче́стия. Да́руй несокруши́мое терпе́ние в беда́х, от ве́ры проистека́ющее, отыми́ дух пра́здности, уны́ния, любонача́лия. Изгони́ гнев, за́висть, памятозло́бие, нечистоту́, ле́ность, си́ми и бо́льшими поро́ки неду́гует душа́ моя́. Примири́ вражду́ющия, оправда́й оклеве́танныя. Просвети́ нас све́том Сы́на Твоего́ и даждь нам глаго́лати сло́во и́стины, тве́рдое в пра́вде, ми́рное любве́ ра́ди, растворе́нное благоразу́мием. Посети́ в боле́знех и печа́лех су́щих, да вси, под держа́вным покро́вом Твои́м сохраня́еми, безбе́дно Ца́рствия Небе́снаго дости́гнем, хвалу́ воздава́юще за вся Человеколю́бцу Бо́гу. Ами́нь.

КАНОН    ПЕРВЫЙ    ПРЕСВЯТОЙ   БОГОРОДИЦЕ   ПРЕД   ИКОНОЙ    ЕЯ     «ДОНСКОЙ»

Песнь 1

Ирмос: Отверзу уста моя, и наполнятся Духа, и слово отрыгну Царице Матери, и явлюся, светло торжествуя, и воспою, радуяся, Тоя чудеса.

Отверзи слух мой, Богоизбранная Дево, воеже разумети словеса откровения и познати путь спасения, да веру иму твердую Избавителю Богу и воспою предивное Его о нас промышление.

Отверзи, душе моя, очи веры, и узриши многая благодеяния Божия Матере, во дни тяжких обстояний отечеству нашему издревле являемая, и воспой, радующися, милостивое Тоя заступление.

Немощных здравие, разслабленных исцеление, обидимых защищение, от насилия и злобы спасение, скорбных в нуждах Помощнице, не престай молитися о чтущих Тя.

Познай, душе моя, силу Честнаго и Животворящаго Креста Господня, сим бо присно побеждаем полки враг видимых и невидимых, молитвами Богородицы и всех святых, в земли Российстей просиявших.

Грозное Божественное прещение врази разумеша пришествием чудотворнаго образа Твоего, Небесная Царице, страхом бо одержимии, в бегство внезапное обратишася, силою свыше гонимии.

Глас хвалы и благодарения приносим Ти, Владычице, и покланяемся пречистому образу Твоему, имже многажды на агаряны победу даровала еси и рог наш вознесла еси, Защитнице скорая рода христианскаго.

Песнь 3

Ирмос: Твоя песнословцы, Богородице, живый и независтный Источниче, лик себе совокупльшия, духовно утверди, в Божественней Твоей славе, венцев славы сподоби.

Житейскими попечении и сластьми искушаемии, Тебе, источнику тишины и богомыслия, песни приносим: утоли жажду духовную, ум наш к Небу возведи, превышшая Горних Сил.

Ума моего просвещение, воли слабыя укрепление, сердца унылаго радование Ты еси, Преблагословенная, молю Тя усердно: вся силы души моея обнови.

Слава Тебе, Всенепорочная, любящим Тя девам неотъемлемое сокровище, целомудрия источниче, Небесныя сладости откровение, уныния и печали истребление, смиренных и боголюбцев венчание и постников удобрение.

Изглади грехопадения юности, приими покаяние старости моея, Царице Небесная, се бо от чрева матере моея даже доныне враг не отступает, не попусти мя творити похоти его, но узы греховныя разреши и помилуй мя.

Како умолю Тя, Богоневесто, усты, злословия исполненными, или кую песнь вознесу, совестию обличаемь? Возмогу ли познати истину, лжи сослужитель, сосуд гнева Божия сый? Но, Жизнедательнице, страстьми умерщвленную душу мою оживи.

Врагу лютому подступающу, многое множество старцев и жен простирают Ти немощнеи руце с воплем крепким: прииди, Мати Милосердия, прииди, от лютыя смерти избавляющая, ускори спасти град и люди Твоя.

Седален

Блажим Тя, вси роди, Богородице Дево, в Тя бо Невместимый Христос Бог наш вместитися благоволи. Блажени есмы и мы, предстательство Тя имуще, день бо и нощь молишися о нас, и роди христианстии Твоими молитвами утверждаются. Тем, воспевающе, вопием Ти: радуйся, Благодатная, Господь с Тобою.

Песнь 4

Ирмос: Седяй в славе на Престоле Божества во облаце легце, прииде Иисус Пребожественный, Нетленною Дланию, и спасе зовущия: слава, Христе, силе Твоей.

О, великая сила слез! О, незлобие Владыки! За мене, падшаго, Сам страждет! Ты же, Богомати, у Креста Сына Своего стоявшая, неизследную глубину Божия снизхождения нам покажи и неосужденно причаститися святых и страшных Таин сподоби.

Мати чада злонравнаго побеждается сердоболием и не может его презрети, темже паче Ты, Благоутробная, преукрашенное жилище Божия снизхождения, мене, последнейшаго, не оставляеши и друг друга тяготы носити нас научаеши.

Облистай мя светом Божественнаго лика Твоего, Отрадо моя Пречистая, да ночная вознесу Ти моления, услыши воздыхания немолчная и памятию смертною от прелести греха спаси.

Плачет старость моя, лишися бо сынов и дщерей, несть опоры в жизни одиноцей, но буди мне столп и крепость, свобождение печалей, Благая Утешительнице, и до конца дний моих сохрани мя от зла.

Неизреченною силою благодати возбрани скверным помыслом, обуревающим мя, Дево Чистая, запрети им, и далече отгони, и Божественных песнопений делателя мя сотвори, да неленостно послужу Богу моему.

Воинств благопоспешение, борцев мужество, храбрых споборнице, Воеводо Возбранная, молим Тя крепость оружию нашему даровати, да низложены будут востающии на ны, Тобою бо победы воздвижутся.

Песнь 5

Ирмос: Ужасошася всяческая о Божественней славе Твоей, Ты бо, Неискусобрачная Дево, имела еси во утробе над всеми Бога и родила еси Безлетнаго Сына, всем воспевающим Тя, мир подавающая.

Прамати Ева, в раю согрешивши, мук рождения содела мя причастну, но Ты, Благодатная, неболезненно Христа рождшая, чадородия ради душу мою спаси.

Яко цвет сельный, явися чадо мое в мир скорбей и дыханием смерти уже опалися, но по слову Господню воспою: блаженно детство, ибо Царство Небесное наследит, Ты же, Владычице, прекращение воздыханий, Сама, якоже веси, скорбь мою облегчи.

Очи Твои светлеи с любовию на нищих призирают, и рука всегда сиротам и вдовицам простерта, славим неусыпное о них ходатайство и, образ Твой честный лобызающе, просим: не отврати лица Твоего от нас, в нужде ожесточенных.

Тайны грех моих обличение ужасает мя, Пречистая, но ничтоже возможно утаити от Всевидящаго Ока, се прибегаю к Твоему милосердию, даждь ми силу к покаянию и Твоими молитвами покрый мою наготу.

Гнев, ревнование и злоба в души моей гордей и тщеславней гнездятся, сам падаю и падших осуждати дерзаю, к Тебе прибегох, обуреваемых Спасительнице, страстей моих смрадное море изсуши.

Ужасает мя день Суда Божия, Господу бо ведома вся помышления, не надеюся на добрая дела моя, несть бо тех у мене, но прошу молитв Твоих, грешных Споручнице.

Песнь 6

Ирмос: Божественное сие и всечестное совершающе празднество, богомудрии, Богоматере, приидите, руками восплещим, от Нея рождшагося Бога славим.

Окаянную мою душу, влекомую лукавыми страстьми, свободи из плена, падших востание, радуется бо Владыка Твоему о грешных предстательству, прошения Твоя, яко Сын, исполняяй.

Воздыхания тяжкая слышиши, Преблагословенная, скорбь сердца моего ведущи, миро утешения и вино веселия возлей на раны душевныя, мрак уныния прогоняющи.

Помышляю труды подвижников: пост непрестанный, слезы сокрушения, молитвы всенощныя, послушание нелицемерное, терпение поношений, ужасаюся, Мати Судии Праведнаго, моему нерадению о спасении, от сна безчувствия мя пробуди.

Сущии во аде не могут Господа молити, Ты же, Всемощная Предстательнице, яко Мати, дерзновение к Сыну имаши, молим Тя о сродницех наших и всех преставльшихся, испроси им грехов разрешение.

В смертный час слышу глас Господа, пророком вещающ: предостави Ми чад твоих, Аз поддержу и препитаю сирых твоих. И Ты, Мати Божия, буди чадом моим прибежище в день скорби.

На поли брани смерть царствует, Ты же, Владычице, верным воином молитвою матере жизнь сохраняеши, убиенных же души в Царство света незаходимаго вселяеши и тако от вечныя смерти избавляеши.

Кондак, глас 8

Взбранной Воеводе победительная, яко избавльшеся от злых, благодарственная восписуем Ти, раби Твои, Богородице, но, яко имущая державу непобедимую, от всяких нас бед свободи, да зовем Ти: радуйся, Невесто Неневестная.

Икос

Ангел Предстатель с Небесе послан бысть рещи Богородице: радуйся! И, со безплотным гласом воплощаема Тя зря, Господи, ужасашеся, и стояше, зовый к Ней таковая: радуйся, Еюже радость возсияет; радуйся, Еюже клятва исчезнет. Радуйся, падшаго Адама воззвание; радуйся, слез Евиных избавление. Радуйся, высото, неудобовосходимая человеческими помыслы; радуйся, глубино, неудобозримая и ангельскима очима. Радуйся, яко еси Царево седалище; радуйся, яко носиши Носящаго вся. Радуйся, звездо, являющая Солнце; радуйся, утробо Божественнаго воплощения. Радуйся, Еюже обновляется тварь; радуйся, Еюже покланяемся Творцу. Радуйся, Невесто Неневестная.

Песнь 7

Ирмос: Не послужиша твари Богомудрии паче Создавшаго, но, огненное прещение мужески поправше, радовахуся, поюще: препетый отцев Господь и Бог, благословен еси.

Аще вся веси, Бога же не веси, ничтоже веси, ищущим мудрости вития возвещает. О Мати Божия! Неизследимая глубина Божиих откровений Тобою явися, просвети мой ум, воеже Господа Искупителя познати, Бога отец наших.

Чего ради оскверняются путие грешника? Отвещает пророк Давид: того ради, яко несть Бога пред ним. Открой очи мои омраченнеи, Чистая, да познаю вездесущие Творца всяческих, Бога отец наших.

Вижду покаяние Давидово: во вретище облекается, душу постом смиряет, питие плачем покаяния растворяет, полунощи встает на молитву, моя же молитва Богом отвергается, понеже не являю трудов, ни подвигов, имже мя, Благодатная, научи.

Небесных Сил Царице, разсей облаки печали, смятения и бурю помыслов укроти, даруй ми дух сокрушения и смирения, да из глубины сердца моего принесу чистую молитву Богу отец наших.

Сердце услаждается, егда благодать Твоя является, мир, умиление и слезы раждаются, о Дево, радосте моя неизреченная, не презри мя, ожесточеннаго, но Сама посети, да мук томления избавит мя Бог отец наших.

Никтоже избавит мя от смерти, ни родителие, ни чада, не спасет дар, ниже приношение, знаемии проводят токмо до гроба, греси же мои останутся, услыши, Милосердая, вопль мой, да спасет мя огня вечнаго Бог отец наших.

Песнь 8

Ирмос: Отроки благочестивыя в пещи Рождество Богородичо спасло есть; тогда убо образуемое, ныне же действуемое, вселенную всю воздвизает пети Тебе: Господа пойте, дела, и превозносите Его во вся веки.

Возраст юности и жажда наслаждения пленяют мою душу, Благодатная, но к вечному блаженству и славе святых обрати моя помышления, да славословлю Господа моего и превознесу Его во вся веки.

Волны неверия и скорбей лютых покрывают мою душу, но слышу глас Господа, глаголюща: маловерный, почто усумнился еси? К Тебе прибегох, Мати Божия, спаси мя и чада моя, в Тебе бо утверждение веры имамы, да превозносим Господа Творца во веки.

Чревоугодию, нечистоте служу прилежно, за обиды местию воздаю, обличаемь, гневаюся напрасно, злословлю не оказавших ми помощи, сам же немощных презираю, о Споручнице грешных, яви долготерпение и от греха свободи мя во веки.

Невозможно есть малою слезою великия скверны омыти и огнь геенский угасити, о Всемилостивая Мати, вижду ожесточение мое и молюся Ти: даждь ми слезы покаяния, да убелю одеяние души моея.

С мольбою неотступною, надеждою крепкою припадаю Ти, Державная Владычице: зриши врага лютаго приближение, услыши в слезах притекших, востани скоро и, яко Благая, защити, да славлю Тя, Мати Бога моего, во веки.

Плач мой в радость обрати и сетование в веселие, Мати Милосердия, и гордыя замыслы враг моих сокруши, да благословит Тя всяк язык и всяка плоть отныне и до века.

Песнь 9

Ирмос: Всяк земнородный да взыграется, Духом просвещаемь, да торжествует же безплотных умов естество, почитающее священное торжество Богоматере, и да вопиет: радуйся, Всеблаженная Богородице, Чистая Приснодево.

Призри на нищету душевную и всякую горечь услади, непостыдная надеждо наша, скорбящих ободрение, плачущих скорое утешение, неистощима бо сокровища Твоя и, радующися, даеши я всем, помощи требующим.

Вкусите и видите, яко благ Господь, за любовию бо следует Господа познание. О, Трапезо таинственных дарований! Сподоби мя неосужденно Животворящих Таин причащатися, во очищение грехов моих.

Пред иконою Твоею, зри, Владычице, житейское море волнуется, спаси погибающих в волнах неверия и злобою истощенных, волною Твоего милосердия изнеси на брег спасения, да зовут Ти: радуйся, от вечныя смерти избавление.

Самомнением ослеплен, навыкох укоряти брата моего. Како сообщу свет ближнему, тьмою лжи покрыт сый? Даруй ми, о, Мати света, зрети моя прегрешения и брата моего согрешения терпети и с любовию исправляти.

Ангел смерти нападе на мя, презирает моления, плачу не внемлет, разлучает мя безжалостно со чады, влечет мя насильно. О, Богомати, с Сыном Твоим крестныя муки разделившая, матернюю скорбь о ближних утоли.

Землю Российскую в достояние Себе избравшая и утвердившая нас во благочестии, под покровом Твоим соблюди, Всепетая, образом Твоим честным от всех напастей сохрани, да зовем Ти: радуйся, Всемилостивая, в напастех скорая Заступнице.

Светилен

Торжествуем днесь, правовернии, во храме Твоем, Владычице, и Ты, Пречистая, приими любовию приносимыя Тебе песни благодарственныя.

КАНОН    ВТОРОЙ    ПРЕСВЯТОЙ    БОГОРОДИЦЕ    ПРЕД    ИКОНОЙ   ЕЯ   «ДОНСКОЙ»

глас 4

Песнь 1

Ирмос: Отверзу уста моя, и наполнятся Духа, и слово отрыгну Царице Матери, и явлюся, светло торжествуя, и воспою, радуяся, Тоя чудеса.

Откуду начну похвалы или кое положу начало нынешняго песнопения Царице Матери? Недоумением содержуся, обаче, языку умолкшу, вся кости моя рекут Тоя преславная чудеса.

Милосердия ради Бог Человек бывает, Имже и преестественная вся содеяшася; тем, Дево, и наше приими с любовию приносимое песнопение, воспевающих Твоя преславная чудеса.

Гряди к славословию, Небо, и радуйся, земле, свет бо велий возсия на вы от лица Матере Господни, освящаяй и просвещаяй всю тварь преславными чудесы.

Собираются пред иконою Твоею, Богородице, чинове святых невидимо, предстоят же и ангельская вся воинства, трепетно благоговеюще. Приими же с ними и нас, воспевающих радостно чудеса Твоя.

Песнь 3

Ирмос: Твоя песнословцы, Богородице, живый и независтный Источниче, лик себе совокупльшия, духовно утверди, в Божественней Твоей славе венцев славы сподоби.

Из начала великая о Тебе прообразоваше и в последняя преславная совершаше от всех родов предызбравый в Матерь Себе Тебе Владыка, Чистая.

Синайская гора, огнепалимая иногда, и разделяющаяся воды Чермнаго моря, егда наставляхуся людие, супостатом потопляемым, точию быта проображение, Чистая, чудес Твоих.

Пламенем купины в Синаи и росою пещи халдейския Девы рождество прообразивый, из Неяже воплотитися благоизволи, спасаяй тварь премудростию, Иисусе, и закон и пророки исполняя.

Радуйся, храме Господень, радуйся, кивоте, радуйся, стамно, радуйся, горо приосененная, радуйся, лествице и двере Небесная, пророки проповеданная, и всея святыни вместилище и носило, Пречистая.

Седален

Блажим Тя, вси роди, Богородице Дево, в Тя бо Невместимый Христос Бог наш вместитися благоволи. Блажени есмы и мы, предстательство Тя имуще, день бо и нощь молишися о нас, и роди христианстии Твоими молитвами утверждаются. Тем, воспевающе, вопием Ти: радуйся, Благодатная, Господь с Тобою.

Песнь 4

Ирмос: Седяй в славе на Престоле Божества во облаце легце, прииде Иисус Пребожественный Нетленною Дланию и спасе зовущия: слава, Христе, силе Твоей.

Седяй на Престоле славы Царствия Твоего, Царю высокий, от смиреннаго естества земнородных престол свят Себе предуготовал еси, утробу Девы Матере. Слава неизреченному Твоему совету.

Превознесеннаго именем паче всякаго имене, Егоже всяк язык исповедает, Божию Силу и Премудрость, Единороднаго Сына в славе Бога Отца, Дево, плотию родила еси, Бога и Человека.

Смирившаго Себе даже до рабия образа послушанием Богу Отцу и даже до страстей и Креста преклонившагося, Того за ны смотрению, о Дево, и непостижимым тайнам послужила еси.

Дает Тебе преестественная, Богородице, Иже паче естества Сын Твой, рождеством бо Твоим от тли яко воззва человечество, и ныне Тобою призывает люди отриновенныя во язык избранный и именитый по всей земли.

Песнь 5

Ирмос: Ужасошася всяческая о Божественней славе Твоей: Ты бо, Неискусобрачная Дево, имела еси во утробе над всеми Бога и родила еси Безлетнаго Сына, всем воспевающим Тя мир подавающая.

Блаженно чрево, носившее Тя, Спасе, и честнейшая воистину сосца, воздоившая Тя, нас ради младенствовавшаго. Темже молим Тя: слышащим слово Твое и хранящим е блаженство уготови безконечное Рождшия Тя молитвами.

Марие Преблагословенная, благую истинно часть избрала еси и Едина Благодатная явилася еси. В Тебе Отец благоволи, Слово Всевиновное в Тя вселися, и Дух осени Святый, пребываеши нетленная и нам, любовию поющим Тя, спасение подавающая.

Единородный Сын Божий, снизшедый на землю за человеколюбие избавити человечество, единое на земли покоище обрет Тя, Чистую и Пренепорочную, вселитися и жити в Тебе благоволи, освятив, украсив и прославив. И нас ходатайствы Твоими храмы чистыя Тому, Богородице, соделай.

Храме всеосвященный Бога нашего, в храме Твоем ныне торжествующая, Богоневесто, с высоты призри и осени Божественною иконою Твоею, верою кланяющиися ей освящающи: с нею бо Твоя благодать во веки пребывает, спасительная всем подающи.

Песнь 6

Ирмос: Божественное сие и всечестное совершающе празднество, Богомудрии, Богоматере, приидите, руками восплещим, от Нея рождшагося Бога славим.

Праздник празднуем, празднолюбцы, Девы и Богоматере, благодаряще за велие милосердие Ея, и в нас действуемая преславная чудеса прославим.

Благодарственная приносим Тебе, Дево, и молимся: да не оскудеет вера чтущих Тя, и да не похвалятся врази, глаголюще: где есть Бог их? Твоя бо чудесная икона и всесвятая помощь с нами есть.

Устнами воспеваем Тя, умом же и языком моление приносим и сердца с колены преклоняем пред чудотворным образом Твоим, Пречистая, да милость Твою низпослеши на град и люди Твоя.

Ты еси пророков главизна, Ты еси святых похвала, Богоотроковице, и всех христиан упование, к Тебе прибегающе, спасаемся, уповающе же, не посрамимся, Тобою бо хвалится, Богородице, всякое дыхание.

Кондак, глас 2

В Небесныя обители преселившаяся с плотию, сущия на земли никакоже оставила еси, Богородице, образ Божественный и многочудесный Пречистаго Лица Твоего зрети любящим Тя и покланятися даровала еси, яко знамение Твоея благодати; чтим его, лобызающе.

Икос

Являющи человеком Пречистая неизглаголаннаго Своего милосердия сокровище, любящим Ю независтныя дары подавает, благословение, и молитвы, и мир, всяк ум превосходящий. И еже преславное от пречистыя Своея иконы, яко от источника, источает миру оставления воды, в Божественнейшем Ея храме. Тамо бо очи Ея отверсте день и нощь и уши, внемлющии молитве всех. Сего ради покланяемся сей всечестней иконе и чтим ю, лобызающе.

Песнь 7

Ирмос: Не послужиша твари Богомудрии паче Создавшаго, но, огненное прещение мужески поправше, радовахуся, поюще: препетый отцев Господь и Бог, благословен еси.

Тварь вся празднует, и стихии Тебе повинуются, Матери всяческих Содетеля, радуются Ангели в Божественнем торжестве Твоем, мы же из Тебе Рождшемуся зовем: препетый отцев Боже, благословен еси.

Дивная чудеса, Благая, слышана сотворила еси по всей земли, мы же, благолепие красоты Твоея от Сиона зряще, доброте дивимся и из Тебе Рождшемуся зовем: препетый Боже, благословен еси.

Монашествующих собори Наставницу Тя ублажают, Дево, множества же немощствующих излиянием милосердия Твоего благодать приемлют и, общницы бывше чудес Твоих, вопиют: Пречистая, благословенна еси.

Источник еси умный, живоприемный и приснотекущий, струи жизни источивший человеком, даждь ми от воды Твоея, Дево, во изсушение моих согрешений и ороси, молюся, мой ум, сердце и помысл, Едина Всепетая и Благословенная.

Песнь 8

Ирмос: Отроки благочестивыя в пещи Рождество Богородичо спасло есть; тогда убо образуемое, ныне же действуемое, вселенную всю воздвизает пети Тебе: Господа пойте, дела, и превозносите Его во вся веки.

Ужасу обдержащу иногда Российскую страну нашествием агарян, печали умножившейся людем Твоим, тогда, не на лук уповающе, ниже оружием спасаеми, но на Тя Едину надеющеся, с рыданием моляхуся: виждь бед належание и востани, Богородице, в помощь нашу.

Обыдоша иногда, яко пси мнози, стадо Твое, Чистая, оскверниша жилище имене Твоего и совещаху на ны лукавная; мы же возведохом очи наши на икону Твою, да ущедриши ны; и разумеша языцы, яко Ты, Госпоже, с нами еси во вся веки.

Взбранная Воевода явилася еси царствующаго града Москвы, языки побеждающая, христолюбивое же воинство укрепляющая, военачальники силою Твоею препоясующая; темже Твоя торжествующе победительная, раби Твои, воспеваем Сына Твоего во вся веки.

Богородице, теплая христианом Предстательнице, приими моление недостойных раб Твоих, призри милостивно на немощи наша и всем полезная даруй, немощствующим исцеление, грешным спасение, вся бо можеши, Мати сущи Зиждителя Всемилостивая.

Песнь 9

Ирмос: Всяк земнородный да взыграется, Духом просвещаемь, да торжествует же Безплотных умов естество, почитающее священное торжество Богоматере, и да вопиет: радуйся, Всеблаженная Богородице, Чистая Приснодево.

Величит Тя душа моя, и радуется дух мой о Тебе, Мати Господа нашего, яко призрела еси на смирение раб Твоих, сильныя со престолов низложила еси, смиренныя вознесла еси и Россию всю Твоих даров исполнила еси.

Се ныне ублажаем Тя, вси народи великороссийстии, Дево, с нами бо величие сотворила еси и славу Твою показала еси всем языком; свято имя Твое, Богородице, велия и неизреченная милость Твоя на всех, призывающих Тя.

Восприят ны от падения нашего Господь, помянув милость Свою от века, и древняя чудеса отец наших обнови нам, чадом их, иконою Твоею, Богомати; еюже хвалимся, спасшиися, и живота неразрушимаго наследие приемлем.

Богородице Владычице, Приснодево, неложно спребывати с нами обещавшая до скончания века, испроси нам на будущем Суде Сына Твоего деснаго Ему предстояния верою и любовию Тебе поющих, умильно припадающих и со страхом тепле молящихся.

Светилен

Торжествуем днесь, правовернии, во храме Твоем, Владычице, и Ты, Пречистая, приими любовию приносимыя Тебе песни благодарственныя.

АКАФИСТ     ПРЕСВЯТОЙ    БОГОРОДИЦЕ    ПРЕД    ИКОНОЙ    «ДОНСКАЯ»

Не утвержден для общецерковного использования

Кондак 1

Взбранней Воеводе победительная, яко избавльшеся от злых, благодарственная восписуем Ти раби Твои, Богородице, но, яко имущая державу непобедимую, от всяких нас бед свободи, да зовем Ти:

Радуйся, Владычице, иконою Твоею Донскою в напастех нам помогающая.

Икос 1

Архангела благовестие слышавши Пречистая, соизволи воле Господа Своего и со смирением сердца отвеща: Се, Раба Господня, буди Мне по глаголу твоему. Мы же, дивящеся, како Сын Божий Сын Девы бывает, со Гавриилом Благодатную песньми почтим:

Радуйся, Отроковице, от всех родов Богоизбранная; радуйся, скиние, Духом Святым осененная.

Радуйся, живоносная обитель Света божественнаго; радуйся, Мати Божия, Спаса миру рождшая.

Радуйся, яко Тобою, Благодатная, Невидимый нам видим бысть; радуйся, Всепетая, яко сотвори Ти величие Сильный.

Радуйся, яко прославлением икон Твоих величие сие возвещается; радуйся, благодать и милость чудотворными иконами Твоими нам являющая.

Радуйся, Владычице, иконою Твоею Донскою в напастех нам помогающая.

Кондак 2

Видяще Тя, Богородице, во объятиих Младенца Христа держащую и главою к пречистому лику Его кротце приникшую, разумеваем божественную любовь Твою и непрестанное о мире ходатайство. В шуйце же держиши плат чистый, еже слезы плачущих скоро осушати, да никтоже от Тебе неутешен изыдет. Веруем, яко имаши велие дерзновение ко благосердию Владыки, и Богу, давшему нам Тя благую заступницу, благодарственно поем: Аллилуиа.

Икос 2

Разум немощный не может постигнути глубину смиреннаго служения Твоего, Госпоже, на земли Искупителю нашему, не имевшему, где главу подклонити. Во дни бо уничижения и страдания Сына Твоего, Богомати, оружие смертное прохождаше сердце Твое. Сего ради сердцем соболезнующе, глаголем Ти таковая:

Радуйся, незлобивая агнице, вертеп и ясли смиренно приявшая; радуйся, богоприимца Симеона скорбное проречение в сердце начертавшая.

Радуйся, поношению Сына Божия сострадавшая; радуйся, крестный путь Его слезами оросившая.

Радуйся, муки Его крестныя сердцем разделившая; радуйся, кресту предстоянием послушание воле Отца явившая.

Радуйся, гробу Сына Твоего благосердый плач принесшая; радуйся, воскресением Его обрадованная.

Радуйся, Владычице, иконою Твоею Донскою в напастех нам помогающая.

Кондак 3

Сила Вышняго содела Тя, Благодатная, источник неоскудевающ утешения бедствующим. Многи бо скорби претерпевши, можеши и искушаемым помощи. Людем российским, люте страждущим от нашествия агарян, благоволила еси явити образ Твой в струях реки Дона в знамение милости Твоея ко отечеству нашему, в защиту от враг видимых и невидимых, ихже помощию Божиею побеждающе, Спасителю Богу поим: Аллилуиа.

Икос 3

Имуще Тя первую подвигоположницу, шествующую по стопам Владыки Христа, мужества исполняхуся первосвятителие Московстии и подвижницы благочестия российстии, беды и напасти претерпевающе, учаще люди духом Господеви работати, ибо сила Божия в немощи совершается. Мы же, видяще веру отец наших и явление благодати, нравы злыя в добрыя претворившия, достойно Тя, наставницу верных, ублажаем:

Радуйся, насаждение веры и благочестия; радуйся, образе несокрушимаго скорбей терпения.

Радуйся, доблести и веры богатство неистощимое; радуйся, духа уныния и боязни отгнание.

Радуйся, духа разума и крепости стяжание; радуйся, святых печальников земли Российстей возрастившая.

Радуйся, в струях Донских чудно икону Твою явившая; радуйся, реки слез народных ею изсушившая.

Радуйся, Владычице, иконою Твоею Донскою в напастех нам помогающая.

Кондак 4

Буря превеликаго нашествия агарянскаго потрясе землю Русскую, но не возможе угасити пламень веры в покров Твой, Богомати Пречистая. Великий печальник наш преподобный Сергий, призвав на помощь Святую Троицу и Тя, Владычице, со упованием благослови великаго Димитрия с дружиною в поход противу агарян и прорече ему: Победиши враги твоя; темже научи всех пети всесильному Богу, в Троице славимому: Аллилуиа.

Икос 4

Видя икону Богоматере, на поле брани от Донских предел пришедшую, и, прияв от рук иноков послание Сергия преподобнаго с напутием: Да поможет ти Бог и Святая Богородица, возрадовася князь Димитрий, яко Сама Владычица грядет на супостаты, и, воспрянув духом, с надеждою поведе воины своя на тьмочисленная полчища и победу одержа. Икона же Твоя, Владычице, молниеносным блистанием зрака Твоего враги устрашающи, залог победы являше. Сего ради благодарственно и радостно поем Ти похвальная сия:

Радуйся, в явлении иконы Твоея лучами Солнца правды верных осиявшая; радуйся, небесная Воеводо, Мати Господа сил.

Радуйся, воинов-иноков на подвиг ратный избравшая и укрепившая; радуйся, отечество наше от ига агарянскаго свободившая.

Радуйся, воином мужества неодолимаго дарование; радуйся, врага исконнаго грозное низвержение.

Радуйся, преславную победу православно Тя чтущим даровавшая; радуйся, земли Русския от века покрове и помощнице.

Радуйся, Владычице, иконою Твоею Донскою в напастех нам помогающая.

Кондак 5

Богоявленною звездою возсия икона Твоя пресветлая, озаряющи утро брани и возвещающи благословение Божие ратоборцем, на брань жестокую с агаряны подвигшимся. Весь день той предстояще Сергий преподобный с братиею неотступно престолу Святыя Троицы. Вечеру уже бывшу, победу старец духом познав, о сем радостно провозгласи и благодарственное пение соверши всещедрому Богу, призывая и нас велегласно воспети Ему: Аллилуиа.

Икос 5

Видя очами веры течение битвы и молитвою ратоборцы укрепляя, поименно поминаше преподобный Сергий вожди и воины убиенныя. Мы же, имуще завет его память о таковых особо творити и видяще силу молитвы, победу оружию приносящия, из глубины сердца воззовем Божией Матери, всемощней покровительнице душу свою полагающих за други своя:

Радуйся, воинов непреоборимая споборнице; радуйся, меч гнева Божия смелым вручающая.

Радуйся, из терния злостраданий венец победы соплетающая; радуйся, во бранех силу духа даже до подвига возвышающая.

Радуйся, болящих и ранами уязвленных не оставляющая; радуйся, убиенных на поле брани к вечному покою управляющая.

Радуйся, родителей и вдовиц скорбящих благодатное утешение; радуйся, Воеводо изрядная, имущая державу непобедимую.

Радуйся, Владычице, иконою Твоею Донскою в напастех нам помогающая.

Кондак 6

Провозвестник спасения Москвы от внезапнаго нашествия агарянскаго явися образ Твой, Заступнице скорая. Неприятелем во град внити уже готовым, с верою и слезным молением обнесоша его людие по стенам и стогнам града и поставиша посреде воев в походной церковице Сергия преподобнаго и, в молитве прилежаще, усердно взываху всемилостивому Спасу: Аллилуиа.

Икос 6

Возсиявшу солнцу, узреша стрегущии воини, яко опусте стан агарян: нощию страх внезапу нападе на ня от некия велия силы и, смутившеся, бежаша неудержимо даже за пределы Российския и вси изгибоша. О предивная Заступнице наша! Твоими молитвами скорое избавление сие бысть. Да исполнится же древний храм сей, возвысивыйся на месте, идеже стояше чудотворный образ Донский, гласа хвалы сея:

Радуйся, града Москвы страже неусыпающий; радуйся, миротворца князя Даниила начало величию Москвы положити сподобившая.

Радуйся, молитвами святителей и Сергия преподобнаго град наш ограждающая; радуйся, в день скорби плач верных в радость претворяющая.

Радуйся, коварнаго врага внезапным бегством истребившая; радуйся, упование на помощь Твою не посрамившая.

Радуйся, свеще неугасимая, веры огнь воспламеняющая; радуйся, Благодатная, яко Тобою с нами Бог.

Радуйся, Владычице, иконою Твоею Донскою в напастех нам помогающая.

Кондак 7

Восхотевши оградити Русь православную, державная Покровительнице наша, многажды козни агарян и прочих иноплеменник разоряше, пределы страны нашея хранящи, и победы обильныя даже без крове подаваше. Егда же Великую и Малую Россию воссоединитися благословила еси, тем силу отечества в единении народа нашего, в союзе любве утвердила еси. Благоволи, о Мати Божия, в мире глубоце вселенную сохранити, Тебе бо дадеся благодать всемирнаго заступления пред Владыкою всех, Егоже воинства небесная славят, поюще Ему: Аллилуиа.

Икос 7

Новаго стража неусыпнаго града Москвы достойно почтити хотяще, соборный храм людие благочестивии в Донстей обители соорудиша и на стенах храма воздвигоша изображение иконы Твоея, Богомати, в божественное ограждение страны нашея, яко да отъинуде находящии врази отражени будут неотступными молитвами Твоими. Тебе же, яко сущей с нами, со упованием глаголем:

Радуйся, Бога живаго храме одушевленный; радуйся, Боголюбивая, страну Российскую достоянием Своим избравшая.

Радуйся, нощных бдений и пений молебных скорое слышание; радуйся, икону Твою, яко знамя побед неотъемлемое, даровавшая.

Радуйся, прекращением браней мир и радость приносящая; радуйся, доброе пристанище душам, ищущим спасения.

Радуйся, Мати мира, смятений волны укрощающая; радуйся, града Москвы и страны нашея всемощная предстательнице.

Радуйся, Владычице, иконою Твоею Донскою в напастех нам помогающая.

Кондак 8

Разсеяшася тучи напастей молитвами Твоими, Заступнице всеблагая. Теплая заря покаяния, восходящи, предваряет токи благодати, призывающи к подвигу: веровати право и жити свято. Простри же покров Твой, о Благодатная Мати, на всех грядущих тернистым, но вожделенным путем Христовых заповедей, да вси познают, яко с нами Бог, Емуже поем: Аллилуиа.

Икос 8

Весь мир зле страждет грех ради человеческих, во зло его повергающих. В Тебе, Мати рода христианскаго, начало общаго избавления, исполнение всякия добродетели. Яви же нам, богомудрая Дево, в Евангелии Сына Твоего свет божественный, да отвергше горечь греха, сладость благочестия обрящем, взывающе Ти сицевая:

Радуйся, благодати живоносный источниче; радуйся, Еюже мира всего дивное преображение.

Радуйся, Всеблаженная, ходящая в законе Господни непорочно; радуйся, слезами покаяния орошающая нас благодатно.

Радуйся, молитве сердечней научающая; радуйся, подвигу поста вспомоществующая.

Радуйся, греховныя помыслы властно отгоняющая; радуйся, братолюбием темную злобу побеждати повелевающая.

Радуйся, Владычице, иконою Твоею Донскою в напастех нам помогающая.

Кондак 9

Всех немощных крепосте, печальных утешение, страждущих посещение, верных дерзновение Ты еси, Пречистая Владычице Богородице, всех притекающих под сень креста Господня ко спасению приводиши, да последуют Искупителю Богу, поюще песнь: Аллилуиа.

Икос 9

Витии многовещаннии не могут исчести, человеколюбивая Мати, бездну щедрот Твоих, на злостраждущия и безпомощныя изливаемых. И мы, сладость утешения в нуждах познавше, благословляем Тя с верою и чествуем с любовию, моления возносяще пред образом Твоим сицевая:

Радуйся, безмолвие дивное в скорбех земных показавшая; радуйся, скорбящих и плачущих отрадо и утешение.

Радуйся, болящих милосердая целительнице; радуйся, долгонедужных сладости райския тайное приобщение.

Радуйся, страждущих любовию ближних окружающая; радуйся, вдов и сирот незримая питательнице.

Радуйся, яко паче жемчуга слезами радости икона Твоя украшается; радуйся, отечеству нашему победы обильныя дарующая.

Радуйся, Владычице, иконою Твоею Донскою в напастех нам помогающая.

Кондак 10

Спасти хотя мир, Сын Божий из Тебе, Дево, плотию облечеся, и благодатию Его падшее естество человеческое, грехом оскверненное, очищение и спасение приемлет. Дивное Божие смотрение о нас Тобою, Дево, содействием Святаго Духа исполняется, яко Ты еси воистину погибших взыскание и нераскаянных грешников к покаянию теплому увещание, и Тобою от отчаяния греховнаго избавляеми, дерзаем с веселием пети Искупителю Богу: Аллилуиа.

Икос 10

Стена еси несокрушимая Церкве Христовы, Всенепорочная Дево, верныя бо во искушениих укрепляеши и миром и любовию ограждаеши. Сего ради и воздыхания молитвенная не умолкают зовущих Ти:

Радуйся, от купели крещения благая восприемнице; радуйся, супругов благословенною любовию венчание.

Радуйся, матерем многотрудным изрядная помощнице; радуйся, чад непокоривых твердая наставнице.

Радуйся, в сиротстве дивное утешение; радуйся, враждующих нечаемое примирение.

Радуйся, беззаконнующих светом правды обличающая; радуйся, грехи наша в мори милосердия растворяющая.

Радуйся, Владычице, иконою Твоею Донскою в напастех нам помогающая.

Кондак 11

Пение всеумиленное приносим Ти, вместившей ипостасное Слово Божие. Агнец Божий сый, вземляй грех мира, Той закалается, еже датися во вкушение верным. Сподоби же нас, Мати Божия, достойно причащатися пречистых тела и крове Его, да спасение улучивше, воспоем Жизнодавцу Богу: Аллилуиа.

Икос 11

Дщи Отца Небеснаго, Мати Сына Божия, Невесто Духа Святаго, неисчерпаемое море даров божественных Ты еси, Всесвятая Дево. Умоли человеколюбца Господа открыти нам источник всеоживляющия благодати, да очищенным сердцем потщимся возрастити плоды Духа, в радости и веселии зовуще Ти:

Радуйся, плодов Духа Святаго всецелое стяжание; радуйся, радостию духовною насыщение пречудное.

Радуйся, мира непоколебимаго дарование благонадежное; радуйся, благости любвеобильныя исполнение.

Радуйся, милосердия о Христе насаждение неувядаемое; радуйся, веры живыя утверждение несокрушимое.

Радуйся, кротости незлобивыя наставнице несравненная; радуйся, средостение вражды разрушившая.

Радуйся, Владычице, иконою Твоею Донскою в напастех нам помогающая.

Кондак 12

Благодатную помощь многажды являла еси, Царице Небесная, чрез чудотворный образ Твой Донский, егда смерть вскоре предстояще людем. Сего ради на обратней стране иконы сея древния изображено есть и всечестное Успение Твое, да всяк, подвизающийся во славу Бога и на благо ближняго, не убоится смерти, но, взирая, како Твоя душа приемлется в руце Бога живаго, с надеждою предает себе в час смертный Судии всех Богу, вопия Ему: Аллилуиа.

Икос 12

Поюще Тя, в молитвах неусыпающую Богородицу, Святей Троице предстоящую, вопием Ти: пробуди нас светом живоноснаго Успения Твоего от смертоноснаго сна нерадения о спасении души и испроси нам с Господом примирения. Егда же приспеет жатва смертная житию нашему, огради нас всесильным предстательством Твоим от духов злобы, да, Тобою водими, достигнем Царствия Небеснаго, идеже незаходимое Солнце правды невечерний свет славы божественныя изливает. О Всесвятая Дево, от херувим воспеваемая, приими от нас, недостойных похвалы сия:

Радуйся, обрадованная, во успении Твоем нас не оставляющая; радуйся, Мати всепетая, одесную Бога предстоящая.

Радуйся, горняго мира боголепная красото; радуйся, кладезю богомыслия неисчерпаемый.

Радуйся, любве божественныя светильниче неугасаемый; радуйся, греховных уз скорая решительнице.

Радуйся, воздушных мытарств прехождение безбедное; радуйся, благая вратарнице, двери райския верным отверзающая.

Радуйся, Владычице, иконою Твоею Донскою в напастех нам помогающая.

Кондак 13

О всемилостивая Владычице Богородице, Российския страны дивная заступнице,имых прибежище, грешных спасение! Отечество наше от враг защити, вселенную всю миром благослови, веру православную укрепи, скорби и крест со упованием понести помози, в любви и согласии всех нас соблюди и в радость Господа внити сподоби поющих ему: Аллилуиа.

Этот кондак читается трижды, затем 1-й икос «Архангела благовестие…» и 1-й кондак «Взбранней Воеводе…».

Молитва

О Пресвятая Владычице, Дево Богородице, Заступнице наша благая и скорая! Воспеваем Ти вси благодарственная за чудная дела Твоя. Песнословим от лет древних неотъемлемое заступление Твое граду Москве и стране нашей, чудотворным образом Твоим Донским всегда являемое: в бегство обращаются полцы чуждих, гради и веси невредими сохраняются, людие же от лютыя смерти избавляются. Осушаются очи слезящеи, умолкают стенания верных, плач в радость общую претворяется. Буди и нам, Пречистая Богородице, утешение в бедствиих, возрождение надежды, образ мужества, источник милости и в скорбных обстояниих неистощимое терпение нам даруй. Подаждь коемуждо по прошению и нужде его: младенцы воспитай, юныя уцеломудри и страху Божию научи, унывающия ободри и немощную старость поддержи. Посети в болезнех и печалех сущия, злая сердца умягчи, братолюбие укрепи, мира и любве всех нас исполни. Примири, Благосердая Мати, враждующия и оправдай оклеветанныя. Истреби пороки, да не восходят греси наши пред Судиею всяческих, да не постигнет нас праведный гнев Божий. Твоими молитвами, всемощным Твоим покровом огради нас от нашествий вражиих, от глада, губительства, огня, меча и всякаго инаго злострадания. Уповаем молитвами Твоими получити от Всевышняго Бога грехов прощение и изглаждение и с Богом примирение. Умоли стяжати нам Царствие Небесное и по скончании жизни нашея одесную Престола Божия стати, идеже Ты, о Всепетая Дево, Святей Троице в вечней славе предстоиши. Удостой и нас с лики Ангелов и святых тамо восхвалити Пречестное Имя Сына Твоего, со Безначальным Его Отцем и Всесвятым и Благим и Животворящим Его Духом, во веки веков. Аминь.

Сайт  https://akafistnik.ru/akafisty-ko-presvyatoj-bogoroditse/akafist-presvyatoj-bogoroditse-pred-ikonoj-donskaya/

Добавить комментарий

Ваш e-mail не будет опубликован. Обязательные поля помечены *