Корсунская икона Божией Матери

 

Корсунская  икона  Божией  Матери

Корсунская  икона  Божией  Матери  (Эфесская) — одна  из  древнейших  икон  Пресвятой  Богородицы.  Согласно  предания,  писана  она  святым  евангелистом  Лукой.  Увидев  Свое  изображение,  Пресвятая  Богородица  сказала:  «Благодать  рождшегося  от  Меня  и  Моя  да  будет  с  сею  иконою».

По  свидетельствам  того  времени,  существовало  три  иконы,  писанных  святым  апостолом  и  евангелистом  Лукой  при  жизни  Пресвятой  Богородицы.  Одна  из  них  находилась  в  Иерусалиме,  другая — в  Царьграде,  третья — в  Риме.  Это  один  из  ранних  и  почитаемых  Богородичных  образов  в  Православии.

История  образа:  Корсунская  икона  Божией  Матери  была  принесена  из  Корсуни  или  Херсона,  в  Киев,  после  Крещения,  великим  князем  Владимиром  9  октября  988  года.  Затем  Корсунская  икона  Божией  Матери  была  перевезена  в  Новгород.  При  царе  Иоанне  Грозном  образ  привезли  в  Москву  и  поместили  в  Успенском  соборе  Кремля  за  престолом.

Причем  Корсунскими  иконами  в  те  времена  называли  иконы,  пришедшие  через  Корсунь  в  Русь,  то  есть  название  это  было  собирательным,  общим,  и  свидетельствовало  о  византийском,  «греческом»  происхождении  образа.  Название  со  временем  закрепилось  за  композицией  с  оплечным  (или  погрудным)  изображением  Богоматери  и  Богомладенца,  неизменно  представленными  в  типе  «Умиление».

Трудно  сказать,  с  чем  было  связано  появление  и  распространение  такой  иконографии.  Кондаков  и  Н. П. Лихачев  видели  ее  истоки  в  проникновение  на  Русь  итало-византийских  образцов,  заимствовавших  извод  из  флорентийской  или  сиенской  живописи,  где  он  известен  с  XIV  века.

Со  второй  половины  XV  века  в  Новгороде  получили  распространение  списки  Корсунской  иконы,  называемые  «Иерусалимская»  или  «Грузинская»  (в  зависимости  от  извода — правостороннего  или  левостороннего)  иконографического  типа  «Одигитрия».

Иконография  Новгородской  Корсунской  иконы  отличается  от  поздней  копии  в  Успенском  соборе  Кремля.  Для  первой  характерен  своеобразный  рисунок  мафория  Богородицы,  который  лежит  поверх  голубого  чепца  и  тяжелыми  складками  спадает  с  головы,  оставляя  открытыми  треугольник  синего  хитона  на  груди  и  широкие,  симметрично  отогнутые  цветные  отвороты  изнанки.    

По  другому  преданию,  Корсунская  икона  Божией  Матери  привезена  в  Святую  Русь  из  Греции  в  конце  XII  века.  Привезла  ее  Предислава,  дочь  полоцкого  князя  Георгия,  в  монашестве  Евфросиния.

Евфросиния  славилась  образованностью  и  высокой  подвижнической  жизнью.  Она  основала  в  Полоцке  девичий  монастырь  и  была  его  первой  игуменией.  Ее  стараниями  был  воздвигнут  каменный  храм  Всемилостивому  Спасу.

Преподобная  Евфросиния  Полоцкая  была  первой  женщиной,  канонизированной  Русской  Православной  Церковью.  Произошло  это  в  1547  году,  а  в  1994  году  она  была  причислена  к  собору  белорусских  святых.

Святая  Евфросиния  отправила  посла  к  греческому  императору  Мануилу  Комнину  ( 1143 — 1169  годы)  и  патриарху  Луке  Хрисоверху  с  богатыми  дарами  и  нижайшей  просьбой  передать  Эфесскую  икону  Божией  Матери  в  Русь.

Благочестивую  просьбу  преподобной  милостиво  исполнили.  Со  святыни  была  сделана  точная  копия,  которую  и  препроводили  с  подобающей  честью  в  Полоцк.  Некоторое  время  икона  находилась  в  Корсуни,  за  что  и  получила  свое  название  «Корсунская  икона  Божией  Матери».

А  Эфесской  Корсунскую  икону  Божией  Матери  часто  называют  потому,  что  отправлена  она  была  из  Эфесса,  в  котором,  по  просьбе  местных  жителей,  пребывала  около  года.

Корсунская  икона  Божией  Матери  была  Евфросинией  богато  украшена  золотом  и  драгоценными  камнями  и  поставлена  в  Спасском  храме.  После  смерти  преподобной  чудотворная  икона  была  перевезена  из  Полоцка  в  Торопец.  Произошло  это  в  1239  году,  когда  святой  князь  Александр  Невский  вступил  в  брак  с  дочерью  полоцкого  князя  Брачислава  Александрой  в  городе  Тороповце.

Корсунская  из  Тороповца
Корсунская икона Божией Матери «Одигитрия», первая половина XIV века, Торопецкая

Княжна  забрала  из  Полоцка  Эфесскую  икону  Божией  Матери  и  поставила  ее  в  соборной  торопецкой  церкви.  Здесь  образ  стал  именоваться  «Корсунская  икона  Божией  Матери».  Помещался  он  в  иконостасе  Воскресенского  собора  в  резном  киоте.  Длина  иконы  сотавляла  1  аршин  и  2  вершка,  а  ширина  14  вершков.  На  обороте  иконы  находилось  изображение  святителя  Николая  Чудотворца.

В  ХХ  веке  Корсунская  икона  Божией  Матери  попала  в  Санкт — Петербург.  В  настоящее  время  хранится  в  Русском  музее.  Чтимых  списков  Корсунской  иконы  Божией  Матери  очень  много,  многие  из  них  славны  чудотворениями.  Возможно  поэтому  сведения  о  ней  столь  противоречивы.

 

Чтимые  списки  Корсунской  иконы  Божией  Матери  есть  в  Суздале  в  Спасо- Евфимиевском  монастыре,  в  Нежинском  монастыре,  в  Нижегородском  Благовещенском  монастыре,  в  селе  Пилатики  Ярославской  губернии,  в  Угличе,  в  Усмани.

Корсунская  икона  Божией  Матери,  другой  ее  чтимый  список,  является  украшением  Исакиевского  собора  и  предметом  благоговения  богомольцев.  Устроителем  этого  образа  был  вельможа  Д. Л. Нарышкин,  видевший  его  во  сне  и  заказавший  написание  иконы  в  1828  году.

Корсунская  икона  Божией  Матери
Корсунская икона Божией Матери, современный список

Иконография:  Иконографический  тип — Умиление.  Корсунская  икона  Божией  Матери — один  из  ранних  образов  иконографического  типа  Елеуса  (ее  сокращенный  оплечный  вариант).  Елеуса — милостивая,  милующая — один  из  основных  типов  изображения  Божией  Матери  в  русской  иконописи.

Изображение  Богоматери  и  Предвечного  Младенца  менее,  чем  поясное.  Пресвятая  Богородица  обнимает  возлюбленного Сына  обеими  руками,  а  Он  прильнул  к  Ней  Своей  ланитой.  Образ  проникнут  удивительной  любовью,  нежностью,  милосердием.

Существуют  также  иконы,  называемые  Корсунскими,  как  свидетельства  византийского  происхождения,  но  иконографического  типа  Одигитрия.  Это  Одигитрия  из  Московского  Успенского  собора,  являющаяся  двухсторонней  иконой  (на  обратной  стороне — икона  «Христос  Пантократор»).  Она  создана  в  Византии  во  второй  половине  XIII  века  и  причислялась  к  корсунским  святыням.

Там  же  хранилась  и  другая  двухсторонняяя  икона  (на  обороте — икона  «Спас  Нерукотворный)  иконографического  типа  Одигитрия,  также  называемая  «Корсунская  икона  Божией  Матери».  И  наконец  Торопецкая  икона  Божией  Матери,  в  честь  которой  в  городе  Торопце  освящен  Корсунско-Богородицкий  собор.  Эта  икона  тоже  иконографического  типа  Одигитрия,  согласно  преданию,  имеет  корсунское  происхождение.

Молитвенная  традиция:  Перед  Корсунской  иконой  Божией  Матери  молятся  о  благополучии  и  избавлении  от  душевных  и  телесных  немощей.

Празднование:  9  /  22  октября.

АКАФИСТ   Пресвятой  Богородице  пред  иконой  Корсунская  (Эфесская)

Не утвержден для общецерковного использования.

Кондак  1

Взбранной Воеводе и Заступнице Усердной рода христианскаго, Пресвятей Деве Богородице, даровавшей стране нашей пречудную икону Корсунскую, благодарственное приносим пение. Ты же, Всемилостивая Владычице, яко имущая державу непобедимую, от всяких нас бед свободи и от враг видимых и невидимых защити, да зовем Ти:

Радуйся, земли Русския скорая Заступнице, любовь Свою и милость нам являющая.

Икос 1

Ангелов лицы и человеков собори благоговейно взирают на чудотворныя образы Твоя, Богородице Пречистая, во объятиих Предвечнаго Младенца держащая. Ты бо любве ради к верующим в Сына Твоего, благословила еси апостола и евангелиста Луку образы Твоя честныя написати, да вси вернии преклоняют пред ними колена душ и сердец, воспевающе Ти таковая:

Радуйся, изображение пречистаго лика Своего нам оставившая;

Радуйся, всю вселенную иконами Твоими просветившая.

Радуйся, священнаго иконописания Покровительнице;

Радуйся, почитания святых икон освящение.

Радуйся, лествице, Небо и землю соединившая;

Радуйся, огнь Божества неопально вместившая.

Радуйся, со апостолы веры истинныя Насадительнице;

Радуйся, Домостроительнице нашего спасения.

Радуйся, во Успении Своем мир не оставляющая;

Радуйся, чудотворными иконами Твоими милость нам ниспосылающая.

Радуйся, всего мира надеждо и утешение;

Радуйся, благоуханный цвете девства и чистоты.

Радуйся, земли Русския скорая Заступнице, любовь Свою и милость нам являющая.

Кондак 2

Видящи Святая Дева изображение лика Своего, еже святый апостол и евангелист Лука написа, рече: «С сею иконою благодать Сына Моего и Моя да пребудет». Темже веруем, яко и с иконою Твоею, нарицаемою Корсунскою, благодать и сила Божественная пребывают. Сего ради, с благоговением притекающе к иконе Твоей чудотворней, воздаем ей честь, яко Тебе Самой, и благодарственно вопием Сыну Твоему и Богу: Аллилуия.

Икос 2

Разум неуразумеваемый человеческими помыслы явила еси, Богородице Дево, егда возсия благодатию во граде Ефесе икона Твоя Одигитрия, святым Лукою написанная, и явися всем православным людем путеводительница и защитница веры Христовы от еретических мудрований, яко во Ефесе святии отцы Третияго Вселенскаго Собора, богомудрия исполненнии, еретическая учения низложиша и божественными словесы Тя, едину истинную Богородицу и Приснодеву исповедаша, верныя научающе ублажати Тя сице:

Радуйся, град Ефес иконою Твоею прославившая;

Радуйся, в честней иконе Твоей от всех родов покланяемая.

Радуйся, святых отец, ревнителей веры мудрая Наставнице;

Радуйся, именем Божия Матере Собором Вселенским возвеличенная.

Радуйся, лжеучителей еретических низложение;

Радуйся, веры православныя непоколебимое утверждение.

Радуйся, яко отступницы от веры отеческия Тобою вразумляются;

Радуйся, яко Тобою козни врагов Православия посрамляются.

Радуйся, советы лукавыя и коварство еретиков разоряющая;

Радуйся, светом истиннаго богопознания нас просвещающая.

Радуйся, православных догматов Охранительнице;

Радуйся, учением истинным и доныне нас питающая.

Радуйся, земли Русския скорая Заступнице, любовь Свою и милость нам являющая.

Кондак 3

Сила Божия укрепи тя, преподобная мати Евфросиние, егда слышавши о величии чудес, исходящих от икон Богоматере, апостолом Лукою созданных, восхотела еси принести едину от них во град свой. Сего ради, создавши в нем обитель иноческую, испросила еси у благочестиваго царя Мануила и патриарха Царяграда Луки икону Пречистыя Владычицы Одигитрии, яже во Ефесе, да покровом Ея защищаеми, иноцы обители и вси людие града Полоцка в веселии сердец воспевают Богу: Аллилуия.

Икос 3

Имущи Матернее попечение о просвещении земли Русския, благоизволила еси, Владычице, даровати праотцем нашим икону Твою чудотворную, Одигитрию Ефесскую. Темже царь и святейший патриарх, уразумевше волю Твою, принесоша из Ефеса в Царьград икону сию, и отпустиша ю на Русь, да будет в знамение покрова Твоего всем людем русским, прославляющим милосердие Твое неизреченное, и воспевающим Ти с любовию таковая:

Радуйся, отчизну нашу яко жребий Свой возлюбившая;

Радуйся, лучами чудотворных икон землю Русскую озаряющая.

Радуйся, страну нашу Российскую достоянием Своим избравшая;

Радуйся, образ Твой чудотворный в утешение и радость даровати нам изволившая.

Радуйся, благое промышление о стране нашей явившая;

Радуйся, любовь Твою к русским людем показавшая.

Радуйся, град Полоцк иконою Твоею Ефесскою облагодатствовавшая;

Радуйся, во святем житии преподобную Евфросинию утвердившая.

Радуйся, Царьград на пути в землю Русскую посетившая;

Радуйся, вся страны православныя покровом милости Твоея осеняющая.

Радуйся, Путеводительнице, к Небесному Отечеству нас возводящая;

Радуйся, пред Богом милостивая наша Предстательнице.

Радуйся, земли Русския скорая Заступнице, любовь Свою и милость нам являющая.

Кондак 4

Бурю скорбей и напастей в людех Своих утолити хотящи, святую икону Твою Ефесскую, шествующую на Русь из земли Греческия, граду Корсуни даровала еси, Владычице, да познают вси христиане, коль сильна есть помощь Богоматере, и да поклоняются священному и прославленному образу Твоему, Господеви зовуще: Аллилуия.

Икос 4

Слышавше жителие Корсуни о пришествии иконы Твоея, Богородице Дево, и о чудесех от нея бываемых, скорбию одержими быша за отшествие чудотворнаго образа от града их. Обаче уведевше, яко сия пречестная икона в наследие христианом Руси даровася, благодаряху Тя, Пречистая, за милости Твоя, и отпустиша икону в надежде на предстательство Твое пред Богом. Мы же, обетование радости сея приемше, гласом хваления приносим Тебе таковая:

Радуйся, чудесы многими шествие иконы Твоея знаменавшая;

Радуйся, принесением ея град Корсунь освятившая.

Радуйся, иконою Твоею чудотворною жителей града возвеселившая;

Радуйся, предстательством о них Бога умилостивляющая.

Радуйся, икону Твою, яко проповедницу спасения, едино лето в Корсуни оставившая;

Радуйся, Предстательнице наша к Богу, мир спасающая.

Радуйся, всемогущество Христово иконою Твоею возвещающая;

Радуйся, дары милостей и исцелений от нея источающая.

Радуйся, о всех чтущих образ Твой промышляющая;

Радуйся, всем молящимся пред ним покрове и спасение.

Радуйся, скорбь людей корсунских о лишении образа Твоего в радость претворившая;

Радуйся, о всем мире христианстем Ходатаице.

Радуйся, земли Русския скорая Заступнице, любовь Свою и милость нам являющая.

Кондак 5

Боготечная звезда, землю Русскую сиянием преславных чудес просвещающая, явися чудотворная икона Твоя, Пресвятая Дево, из Корсуни принесенная, юже, яко дар Божественный восприимши, преподобная Евфросиния, радостию несказанною исполненная, постави в церкви Святаго Спаса града Полоцка, и от того часа наречеся дивная икона сия Корсунская. Сего ради молим Тя, Всемилостивая Владычице, освети и нас светом небесным, сохраняющи под кровом Твоим, и услыши глас всех верных страны нашея, любящих Тя и поющих Богу благодарственную песнь: Аллилуия.

Икос 5

Видевше чудеса и знамения от иконы Твоея, Пресвятая Владычице, князи и вси благовернии жителие полоцстии благоговейне храниша святыню сию, яже явися воистинну благая Одигитрия, на путь спасения многих приводящая; к Тебе бо прибегаху людие, помощи на вся дела своя просяще, и благодарная моления приносяще за избавление от скорбей и напастей. Сего ради тако прославляем Тя, Пречистая:

Радуйся, шествием иконы Твоея землю Русскую освятившая;

Радуйся, принесением на Русь честныя Твоея иконы нас обрадовавшая.

Радуйся, града Полоцка верная Хранительнице;

Радуйся, жителей его милосердная Покровительнице.

Радуйся, обитель преподобныя Евфросинии под Матерний Покров с любовию приемшая;

Радуйся, образом Твоим чудотворным обитель сию обогатившая.

Радуйся, преподобней Евфросинии небесная Покровительнице;

Радуйся, и в затворе иночестем дивная ея Собеседнице.

Радуйся, яко с верою и надеждою покланяемся пречистаго лика Твоего изображению;

Радуйся, яко от него приемлем благодатныя дары на пользу душ и телес наших.

Радуйся, святую икону сию в залог милости Своея нам даровавшая;

Радуйся, яко Тобою вера православная в стране нашей утверждается.

Радуйся, земли Русския скорая Заступнице, любовь Свою и милость нам являющая.

Кондак 6

Проповедница благодати от иконы Твоея явися Александра, дщи полоцскаго князя Брячислава, иже вручи княжне святыню града своего, благословив на брак с Великим князем Александром Невским. Таже, по глаголу летописца, оженися князь Александр Ярославич и венчася в Торопце, и остави благоверная супруга его икону Корсунскую в соборе града сего. Темже радующеся покрову Твоему, Пречистая, дарованному во образе сем, умиленною душею и сокрушенным сердцем взываем Богу: Аллилуия.

Икос 6

Возсия во граде Торопце, яко пресветлая заря, святая икона Твоя Корсунская, Богомати, пред неюже православнии людие во всех бедах, скорбех и печалех молитвенно колена преклоняют. Сего ради вси вернии с любовию к чудотворней иконе Твоей, Пречистая, притекающе, единеми усты и единым сердцем велегласно Тебе возглашают:

Радуйся, иконою Твоею святаго князя Александра с княжною Александрою благословившая;

Радуйся, любовь Божественную и согласие в сердца супругов вкоренившая.

Радуйся, домов благочестивых незримое ограждение;

Радуйся, благая Домостроительнице жития нашего.

Радуйся, град Торопец, яко место пребывания иконы Твоея освятившая;

Радуйся, по всей земли нашей его прославившая.

Радуйся, пришествием чудотворнаго образа Твоего землю Смоленскую осиявшая;

Радуйся, яко и в пределех Торопца славу чудес Твоих показала еси.

Радуйся, иконою Твоею град сей от всяких бед избавляющая;

Радуйся, благое о нем попечение явившая.

Радуйся, града Торопца похвало и славо;

Радуйся, гражданы его радостию небесною исполнившая.

Радуйся, земли Русския скорая Заступнице, любовь Свою и милость нам являющая.

Кондак 7

Хотяще полки сильных воинов литовских град Торопец пленити, огню и мечу землю нашу предати, и веру православную в ней разорити, обаче преславным заступлением Твоим, Пречистая Владычице, даровала еси благоверному князю Александру Невскому помощь, и град Твой от разорения чудесно спасла еси. О Владычице и Взбранная Воеводо воинства православнаго, сподоби и нас, вкупе с великим воином и заступником земли нашея, сокрушати врагов державы Российския, и воспевати Христу Богу нашему победную песнь: Аллилуия.

Икос 7

Новое знамение милости Твоея о граде Торопце явила еси, Пресвятая Дево, егда прииде на Русь воевода литовский Сапега с воинством великим, яко море грозное и мрачное, в скорбь погрузивше землю нашу и пленивше ю. Тогда вси жителие града устремишася в храм Твой, пред иконою Корсунскою со слезами молящеся о избавлении от погибели. Ты же, Пречистая, устрашила еси врагов, и бежаша неудержимо полки Сапеги от стен Торопца. Темже победу славную, всесильною помощию Твоею совершившуюся, и доныне православнии празднуют, воспевающе сице:

Радуйся, благовернаго князя Александра на подвиг ратный укрепившая;

Радуйся, мужество неодолимое воином его даровавшая.

Радуйся, град Твой Торопец от разорения избавившая;

Радуйся, в щит и ограждение цельбоносную икону Твою нам оставившая.

Радуйся, от огня, меча и нашествия иноплеменных нас свобождающая;

Радуйся, во бранех силу духа русских воинов возвышающая.

Радуйся, коварнаго врага внезапным бегством истребившая;

Радуйся, упования на помощь Твою не посрамившая.

Радуйся, полцы чуждих далече от святыни Твоея отгнавшая;

Радуйся, чтущим образ Твой на враги способствующая.

Радуйся, боголюбивых воинов на поли брани благая Покровительнице;

Радуйся, венцы мученическия убиенным православным воином уготовляющая.

Радуйся, земли Русския скорая Заступнице, любовь Свою и милость нам являющая.

Кондак 8

Странное и неизреченное чудо у иконы Твоея, Всемилостивая Владычице, совершися: девица некая, бесом томимая, молитв ради Церкве Святыя, наипаче же Твоим, Богомати, предстательством и благословением, потщися направити стопы своя во обитель преподобнаго Нила Столобенскаго, и тамо свободися от насилия диавола, и исцелися от болезни своея. Темже и нас грешных от действия диаволя свободи, Всеблагая, да благодарственно зовем Сыну Твоему и Богу: Аллилуия.

Икос 8

Весь мир преисполнен, яко звездами богосветлыми, чудотворными иконами Твоими, Богородице, в нихже икона Твоя Корсунская предивными чудесы сияет, и согревает хладная сердца наша знаменьми любве Твоея и милости. К Тебе убо прибегаем, Пресвятая Заступнице, и пред образом дивным молим Тя: исполни радости скорбящая сердца наша, мрак уныния разгони, умоли Сына Твоего прощение прегрешений нам даровати, и сподоби чистым сердцем воспевати Тебе тако:

Радуйся, благ временных и вечных Ходатаице;

Радуйся, живоносный источниче, всех нас животворяй.

Радуйся, девицу, злым духом одержимую, от мучения демонскаго свободившая;

Радуйся, яко иконою Твоею сила диаволя сокрушается.

Радуйся, козни духов злобы разрушающая;

Радуйся, от нападений их нас ограждающая.

Радуйся, ада и смерти попрание;

Радуйся, жизни вечныя дарование.

Радуйся, демонския полки побеждающая;

Радуйся, враги спасения нашего посрамляющая.

Радуйся, светом Божественныя благодати души наша озаряющая;

Радуйся, на подвиг духовныя брани нас невидимо укрепляющая.

Радуйся, земли Русския скорая Заступнице, любовь Свою и милость нам являющая.

Кондак 9

Всякое естество ангельское благоговейно Тебе служит, Небесе и земли Царице, человеческий же род непрестанныя хвалы Тебе приносит, и Твою святую икону с любовию почитает. Сего ради, в благодарную память Твою, жителие града Торопца воздвигоша новую соборную церковь в честь Корсунския иконы Твоея, Богомати, в нейже и доныне вернии не престают прославляти Тя, Владычице, воспевающе благодарственную песнь: Аллилуия.

Икос 9

Ветии многовещаннии не возмогут по достоянию воспети множество чудес, от святыя иконы Твоея являемых, имиже православныя людие от бед, напастей и всякаго зла сохраняеши, ибо в земли нашей прославися не токмо первописанная икона Твоя Корсунская, но и многи грады, веси, обители иноческия и храмы украсиша подобия ея, пред нимиже теплятся лампады неугасимыя и воздыхания молитвенная не умолкают. Сего ради благодарим Тя, Госпоже Всемилостивая, за дар сей отечеству нашему, и с веселием Тебе взываем:

Радуйся, благодать иконам Твоим даровавшая;

Радуйся, всю землю нашу лучами благодати озарившая.

Радуйся, страны Российския Покрове, ширший облака;

Радуйся, православныя веры в ней возвышение и утверждение.

Радуйся, грады и веси наша принесением иконы Твоея от бед сохраняющая;

Радуйся, храмы и домы наша иконою Твоею благодатно посещающая.

Радуйся, благолепный храм, аки жертву приятную Тебе принесенную, благословившая;

Радуйся, в красоте его красоту небеснаго храма показующая.

Радуйся, святых храмов Божиих благодатное освящение;

Радуйся, строителей их и благоукрасителей любовию Твоею покрывающая.

Радуйся, пришествием иконы Твоея радости наша умножающая;

Радуйся, иконою Твоею присно нас утешающая.

Радуйся, земли Русския скорая Заступнице, любовь Свою и милость нам являющая.

Кодак  10

Спасти хотяще град Торопец и окрестная селения его от всегубительныя язвы, людие, страхом смерти одержимии, притекоша с верою и надеждою к иконе Твоей Корсунстей, и с пением обносиша ю окрест домов своих. И не посрамися вера их: Ты бо, Всемилостивая, укротила еси бурю смертную, яко заступлением Твоим недузи отступаху, людие же, исцеление от болезни получивше, в радости сердец своих воспеваху Богу Спасителю нашему благодарственную песнь: Аллилуия.

Икос  10

Стену необоримую и крепкое заступление даровала еси граду Торопцу иконою Твоею чудотворною, Богородице Дево, ибо во дни тяжких испытаний и нападений вражиих помощь от святыя иконы Твоея получаху жителие града многочудесно.

Темже молимся Тебе, о Всеблагая Мати, якоже град сей древний многажды от погибели спасала еси, тако и нас грешных спасай от всяких бед, зол и напастей, предстательством Твоим к Сыну Твоему, да благодарственно зовем Ти:

Радуйся, от язвы всегубительныя чудесное избавление;

Радуйся, гнев Божий праведный, на ны движимый, утоляющая.

Радуйся, прекращением язвы благодатную силу иконы Твоея возвестившая;

Радуйся, милость Божию к нам грешным явившая.

Радуйся, яко принесением иконы Твоея болезни лютыя отступают;

Радуйся, яко паче жемчуга икона Твоя слезами радости украшается.

Радуйся, во дни мора и язвы непреложная наша надеждо и ограждение;

Радуйся, Предстательнице к Богу, мир спасающая.

Радуйся, иконою Твоею нам благодеющая;

Радуйся, щедроты великия на нас изливающая.

Радуйся, града Торопца Небесная Заступнице;

Радуйся, яко и ныне гражданы его любовию Твоею не оставляеши.

Радуйся, земли Русския скорая Заступнице, любовь Свою и милость нам являющая.

Кондак  11

Пение похвальное приносят вернии Тебе, Владычице Преблагая, яко от лет древних и доныне силу огненнаго естества укрощаеши иконою Твоею Корсунскою, и многая чудеса содеваеши: храм бо Твой и град Торопец от запаления огненнаго многажды неврежденны сохраняла еси покровом Твоим. Темже молим пред пречистым образом Твоим: избави нас от пламене страстей и от огня вечнаго, да спасеннии Тобою, воспоем Богу благодарственную песнь: Аллилуия.

Икос  11

Светозарная свеща явися предивная икона Твоя, во граде Торопце возсиявшая и всю страну нашу Российскую озарившая, Владычице Всемилостивая, се бо хромии ходят, разслабленнии востают, беснующиися исцеляются, людие от смертоносныя язвы избавляются, грады и домы от огня спасаются. Мы же, ведуще Тя яко источник благодатных исцелений, со дерзновением вопием:

Радуйся, Мати Врача Небеснаго;

Радуйся, душевных и телесных недугов Целительнице благодатная.

Радуйся, любве Божественныя светильниче светозарный;

Радуйся, свеще неугасимая, души верных светом Христовым осиявшая.

Радуйся, чудотворною иконою Твоею пламень огня угасившая;

Радуйся, от запаления огненнаго росою молитв Твоих избавляющая.

Радуйся, силою Твоею благодатною силу естества огненнаго победившая;

Радуйся, образ Твой яко неопалимую купину явившая.

Радуйся, землю Русскую светом Своим озарившая;

Радуйся, Псковския и Тверския земли солнце пресветлое.

Радуйся, от глада, хлада, труса, потопа, огня и меча страну нашу ограждающая;

Радуйся, хлебом насущным нас питающая.

Радуйся, земли Русския скорая Заступнице, любовь Свою и милость нам являющая.

Кондак  12

Благодать свыше даровася святей иконе Твоей Корсунстей, Владычице Преблагая, от неяже точатся исцеления и даруется утешение людем православным, наипаче же Тебе, Матерь Света, в песнех величающим. Темже молим Тя: сохрани град Твой и возлюбленную Тобою страну Российскую от всяких нестроений, неверия и суеверия, от тлетворных учений, да осеняеми покровом Твоим, сподобимся предстати престолу Царя Славы, поюще о Тебе хвалебную песнь: Аллилуия.

Икос  12

Поюще чудеса и милости, от иконы Твоея Корсунския являемыя, радуемся неизреченно, и с любовию прибегаем к Тебе, Небесной Заступнице и Покровительнице нашей: хвалим, славим и величаем Тя, честнейшую Херувим и славнейшую без сравнения Серафим, веруем, яко и в посленяя времена даруеши благодатную помощь, и имиже веси судьбами сохраниши Церковь нашу Православную и чад ея. О Всемилостивая Мати, покрый нас честным Твоим омофором, и избави нас от всяких бед и искушений вражиих, да воспоем Тебе непрестанно гласом радования:

Радуйся, Церкве Небесныя и земныя украшение;

Радуйся, во славе Небесней одесную Бога пребывающая.

Радуйся, яко Тобою Русь православная хранится;

Радуйся, яко Тобою весь род христианский хвалится.

Радуйся, праотцы и отцы наша во благочестии сохраньшая;

Радуйся, царства Российскаго благодатное утверждение.

Радуйся, яко на икону Твою взирающе, Самой Тебе, Богородице, покланяемся;

Радуйся, яко иконою Твоею святою окамененная сердца наша умягчаеши.

Радуйся, яко во отрочестве бывшу святителю Тихону под кровом Твоим во граде Торопце пожити даровала еси;

Радуйся, яко ныне вкупе с ним молиши за нас Сына Твоего и Бога.

Радуйся, торжество веры истинныя в стране нашей являющая;

Радуйся, Радосте наша, двери райския верным отверзающая.

Радуйся, земли Русския скорая Заступнице, любовь Свою и милость нам являющая.

Кондак  13

О Всепетая Мати, Царице Небесе и земли, Радость всему миру родившая, приими сие малое хваление наше, пред чудотворною иконою Твоею с верою и любовию возносимое, и всесильными молитвами Твоими спаси землю Русскую, отечество наше от врагов защити, печали наша в радость претвори, в любви и согласии всех людей православных соедини, и сподоби внити в радость Господа и Спасителя нашего, возносяще Ему ангельскую песнь: Аллилуия.

Сей Кондак читается трижды, затем Икос 1 и Кондак 1

Молитва

О Всемилостивая Госпоже, Мати Господа и Спасителя нашего, Небесе и земли Царице! Ты благоизволила еси даровати стране нашей образ Твой, святым апостолом и евангелистом Лукою написанный, и град Торопец пришествием Твоим возвеличила еси, повелевающи всем притекати к Тебе с верою и надеждою на скорую помощь и заступление.

Приими хвалебное пение сие от нас, недостойных раб Твоих, и вознеси молитвы наша ко Престолу Сына Твоего и Бога, да милостив будет нам грешным, с верою и любовию покланяющимся чудотворному образу Твоему, воспоминающе многая и дивная чудеса, во граде сем и во иных весех и градех земли Русския явленных и являемых. Спаси и сохрани, Владычице, Церковь Русскую Правосланую, страну нашу Российскую, град наш и вся грады и страны христианския от глада, смертоносныя язвы, огня, меча, междоусобныя брани, даруй нам воздухов благорастворение и земли плодоносие.

О Пресвятая Дево, Благая Одигитрие, указуй нам правый путь ко спасению, еретическая возстания низложи, заблуждшия во едино Христово стадо собери, уврачуй язвы душ и телес наших, просвети наш ум, омраченный страстьми, даруй нам время на покаяние и исправление греховныя нашея жизни, и избави нас от скорбей, бед и болезней, от внезапныя смерти и вечныя муки, да спасаеми всесильным Твоим заступлением, Царствие Небесное унаследуем, и со всеми святыми воспоем Пресвятую Троицу, Отца, и Сына, и Святаго Духа, и Твое к нам милосердие во веки веков. Аминь.

 

 

Добавить комментарий

Ваш e-mail не будет опубликован. Обязательные поля помечены *