Иерусалимская икона Божией Матери

Иерусалимская икона Божией Матери

Иерусалимская  икона  Божией  Матери  (Гефсиманская)  была  написана,  согласно  преданию,  святым  евангелистом  Лукой  в  15-й  год  по  Вознесении  Господа  Иисуса  Христа  на  Небо.  Святой  апостол  написал  икону  в  Гефсимании.

Чудотворную  икону  сию  множество  раз  перевозили  из  одного  города  в  другой,  из  одной  страны  в  другую,  но  название  ее  сохранилось  по  первому  городу,  в  котором  святой  образ  находился.

 

История  образа:  В  453  году  греческий  царь  Лев  Великий  перенес  Иерусалимскую  икону  Божией  Матери  из  Иерусалима  в  Константинополь  и  поместил  ее  в  храме  Богоматери,  который  назывался  «Пиги»,  то  есть  Источник.

При  императоре  Ираклии  (575-641 гг)  на  Константинополь  напали  скифы.  Жители  города  горячо  молились  перед  Иерусалимской  иконой  Божией  Матери,  и  Пресвятая  Богородица  явила  Свою  помощь — скифы  были  побеждены.

После  этого  чудесного  проявления  милости  Царицы  Небесной  император  повелел  перенести  Ее  честной  образ  во  Влахернскую  церковь,  прославившуюся  Влахернской  иконой  Божией  Матери,  где  он  пребывал  около  300  лет.

Во  время  похода  руссов  на  Константинополь  Иерусалимская  икона  Божией  Матери  была  перевезена  в  Херсон  или  Корсунь.  Царь  Лев  VI  Философ  преподнес  икону  в  дар  великому  князю  святому  Владимиру,  когда  он  покорил  этот  город  и  принял  в  нем  святое  Крещение.

По  обращении  новгородцев  в  христианскую  веру,  князь  Владимир  послал  им  в  благословение  святой  Иерусалимский  образ,  ведь  Одигитрия  означает  «Путеводительница».  В  Новгородском  Софийском  соборе  святыня  находилась  более  400  лет.  Ее  здесь  именовали  Корсунской  (то  есть  из  Херсонеса  или  Корсуни).  Не  следует  ее  путать  с  Корсунской  иконой.

В  XVI  веке  Новгород  был  покорен  царем  Иоанном  Грозным,  который  в  1571  году  перенес  Иерусалимскую  икону  Божией  Матери  в  Москву,  где  икона  была  помещена  в  Успенском  соборе  Московского  Кремля.

Во  время  нашествия  Наполеона  в  1812  году  Иерусалимская  икона  Божией  Матери  была  похищена,  и  местонахождение  первообраза  в  настоящее  время  неизвестно,  хотя  предполагается,  что  именно  первообраз  находится  сейчас  в  соборе  Парижской  Богоматери  в  Париже. 

Точная  старинная  копия  иконы,  взятая  из  дворцовой  церкви  Рождества  Пресвятой  Богородицы,  что  на  Сенях,  была  помещена  на  место  пропавшего  образа.  Она  помещалась  позади  Мономахова  трона  за  патриаршим  местом  в  Успенском  соборе  Московского  Кремля,  где  пребывает  и  в  настоящее  время. 

На  полях  этого  списка  были  изображения  святых  апостоловПавлаПетраЛуки,  Симона,  Филиппа,  МатфеяМарка,  Иакова,  Фомы,  Варфоломея  и  святых  мучеников  Прокопия,  Димитрия,  Георгия  и  Меркурия.

Второй  сохранившися  список  чудотворного  образа,  Иерусалимская  икона  Божией  Матери,  пребывает  в  никогда  не  закрывавшемся  храме  Рождества  Христова  в  Измайлове.  Его  принесли  сюда  из  соседнего  собора  Покрова  Пресвятой  Богородицы  в  царской  усадьбе  на  Серебряно-Виноградском  острове.

Эта  очень  почитаемая  Иерусалимская  икона  Божией  Матери  велика  по  своим  размерам.  Во  время  крестных  ходов  ее  с  трудом  несут  восемь  человек.  По  бокам  ковчега  измайловского  образа  также  изображены  апостолы  и  трое  мучеников.  В  отличие  от  прочих  списков  на  измайловском  персты  благословляющей  десницы  Спасителя  сложены  именословно.

В  1866  году  крестный  ход  с  чудотворной  иконой  избавил  жителей  нескольких  подмосковных  сел  от  холеры,  после  чего  Иерусалимская  икона  Божией  Матери  из  Измайлова  стала  пользоваться  всенародной  любовью  и  почитанием.  В  прежние  годы  от  Пасхи  и  до  12  октября  чудотворный  образ  носили  крестным  ходом  по  всей  округе.  Каждое  воскресенье  в  храме  служится  акафист  иконе.    

Существует  еще  одна  Иерусалимская  икона  Божией  Матери,  которая  была  перенесена  из  Иерусалима  в  храм  святой  Софии  в  Константинополь,  и  находилась  там  в  продолжении  четырех  веков,  с  XI  по  XV  столетие.

От  нее  был  слышан  голос  Марии  Египетской.  По  некоторым  сохранившемся  сведениям,  в  Царьграде  в  XI — XII  веках  существовал  особый  храм  в  честь  Иерусалимской  иконы  Божией  Матери.

Иерусалимская икона в Гефсимании

Известны  очень  много  списков  Иерусалимской  иконы  Божией  Матери,  некоторые  из  которых  почитаются  как  чудотворные.  В  центре  Бронниц  находится  храм,  построенный  в  1840  году,  и  посвященный  Иерусалимской  иконе  Божией  Матери.  В  этом  храме  до  сих  пор  хранится  точный  список  с  московской  чудотворной  Иерусалимской  иконы.

Предполагают,  что  бронницкий  список  был  сделан  в  XVI  веке,  находился  прежде  в  кладбищенской  часовне.  В  1771  году  находившаяся  в  часовне  Иерусалимская  икона  Божией  Матери  прославилась  исцелением  больных  моровой  язвой  и  была  перенесена  в  храм.

Множество  исцелений  произошло  в  холерные  1848  и  1864  годы.  В  1866  году  холера  появилась  в  Подольске.  Жители  Подольска,  объятые  страхом,  обратились  к  митрополиту  Московскому  Филарету  с  просьбой  отпустить  к  ним  знаменитую  чудотворную  Иверскую  икону  Божией  Матери.  

Однако  в  то  время  холера  свирепствовала  и  в  Москве,  и  перед  Иверской  иконой  постоянно  служили  молебны.  Московский  владыка  благословил  тогда  взять  вместо  Иверской  иконы  известную  чудесами  Иерусалимскую  икону  из  Бронниц.  12  августа  огромная  Иерусалимская  икона  Божией  Матери  в  двухпудовом  окладе  была  принесена  в  Подольск.

Встречал  святыню  с  молебным  пением  весь  город.  В  этот  день  не  было  смертей  и  вновь  заболевших,  а  вскоре  холера  пошла  на  спад  и  вовсе  прекратилась.  Благодарные  подольчане  стали  ежегодно  приносить  12  августа  чудотворный  образ  крестным  ходом  в  Подольск.  Затем  был  сделан  точный  список,  помещенный  в  Троицком  соборе  города.

Иерусалимская  икона  Божией  Матери  очень  почитается  в  Крестовоздвиженском  монастыре  Москвы.  Ныне  это  ставропигиальный  монастырь,  возрожденный  в  начале  1990  годов.  Как  и  прежде,  здесь  звучит  молитвенное  пение,  обращенное  к  Иерусалимской  иконе — Наставнице,  Путеводительнице  всех  православных  христиан.

Иконы  XVI — XVII  веков,  имеющие  аналогичную  иконографию  и  называемые  Иерусалимскими,  повторяют  чтимую  Новгородскую  икону.  Существуют  и  другие  иконы  с  таким  же  названием,  но  отличающиеся  по  иконографии.

Иерусалимская икона Божией Матери

Иконография:  Иконографический  тип — Одигитрия.  На  Иерусалимской  иконе  Божией  Матери  Богомладенец  изображен  на  правой  руке  Богоматери.  Изображения  Богоматери  с  Богомладенцем  на  правой  руке — Дексиократуссы —  отмеченные  меньшей  иератической  строгостью  по  сравнению  с  классическим  образом  Одигитрии,  встречаются  на  печатях  уже  с  VII  века,  а  в  иконописи  известны  с  IX  века.

Мафорий  Богоматери  обычно  изображается  с  драгоценной  каймой,  на  фоне  которого  помещается  ручка  и  обнаженная  ножка  Богомладенца.  Правая  благословляющая  рука  Младенца  Христа  изображается  с  именословным  или  двуперсным  сложением.   

Богомладенец  обращен  ликом  не  к  Богородице,  а  к  предстоящим  перед  иконой.  Правой  рукой  Он  благословляет  в  Лице  Богоматери  весь  земной  мир,  а  левой  рукой  держит  нераскрытый  свиток.  Зеркальное  отражение  этого  образа  являет  собой  Грузинская  икона  Божией  Матери.  

Молитвенная  традиция:  Перед  Иерусалимской  иконой  Божией  Матери  молятся  в  скорби,  печали  и  унынии,  об  исцелении  от  слепоты,  болезней  глаз  и  паралича,  при  эпидемии  холеры,  об  избавлении  от  падежа  скота,  от  пожара,  при  расслаблении,  а  также  при  нападении  врагов.

Празднование:  12  /  25  октября

 

АКАФИСТ    ПРЕСВЯТОЙ    БОГОРОДИЦЕ    В   ЧЕСТЬ    ИКОНЫ    ЕЯ    ИЕРУСАЛИМСКОЙ

Тропарь, глас 4

Богорадованная Владычице, Препрославленная Мати щедрот и человеколюбия, Всемилостивая о всем мире Ходатаице! Прилежно раби Твои ко Твоему предстательству прибегаем, и ко пречудному образу Твоему со умилением, припадающе, молимся: молитву теплую Сыну Твоему и Богу нашему сотвори, о Всепетая Царице Богородице, да от всяких болезней и печалей нас Тебе ради избавит, и от грехов всяких свободив, Царствия Своего Небеснаго наследники ны покажет: велие бо и неизреченное яко Мати к Нему дерзновение имаши и вся от Него испросити можеши, Едина во веки Преблагословенная.

 

Кондак, глас 5

Не отрини, о Милосердая Мати, слез и воздыханий наших, но прошения наша милостивно приимши, пред Иерусалимскою иконою Твоею молящихся людей веру укрепи, умилением сердца их исполни и крест земнаго жития нести им помози, елика бо хощеши, можеши.

 

Кондак 1

Избранней от всех родов Преблагословенней Деве Богородице, яко Матери Господа и Бога нашего, похвальное пение приносим. Ты же, яко Заступница рода человеческаго, подаеши страждущим отраду, болящим исцеление, от наветов вражиих  защиту, всем же молящимся Тебе  скорое услышание. Темже в радости и умилении вопием Ти: Радуйся, Радосте наша, избави нас от всякия нужды и печали.

 

Икос 1

Архангелов и Ангелов лики на небеси и человеков множество на земли славят Тя, Царицу всех и Богородицу, яко даровала еси нам велию радость и утешение – образ Твой святый, пред нимже благоговейно предстояще, умиленно Тебе зовем:

Радуйся, от века Господом и Царем Славы предусмотренная.

Радуйся, чрез роды родов праведников предочищенная.

Радуйся, Святейшая Дево, Самим Богом в Матерь Сыну Божию избранная.

Радуйся, достойный плоде праведных родителей Твоих Иоакима и Анны.

Радуйся, Богоневесто, в земном дому Царя Небеснаго воспитанная.

Радуйся, благовестием Архангела Божия Гавриила обрадованная.

Радуйся, паче всех жен рождением от Тебе Спасителя мира возвеличенная.

Радуйся, Радосте наша, избави нас от всякия нужды и печали.

 

Кондак 2

Видящи Тя, Пресвятая Дево, в славе неизреченней Богу предстоящую и за род христианский Ему прилежно молящуюся, честнии Херувимы и славнии Серафимы, окружающии вседержавный Престол Пресвятыя Троицы, радостно покланяхуся. Мы же зде, на земли, Твоей святей иконе предстояще, всем сердцем о Тебе радуяся, благоговейно взываем ко Всевышнему Богу: Аллилуиа.

 

Икос 2

Видящи икону Твою, Дево Богородице, юже всехвальный евангелист Лука написа, рекла еси о ней пречистыми усты Твоими: «Благодать Рождшагося от Мене и милость Моя с сею иконою да пребудут». Сего ради, таковое Твое обетование уведевше, со умилением зовем Ти:

Радуйся, яко благоизволила еси икону Твою в благословение Церкви даровати.

Радуйся, яко начертание лика Твоего в залог любве Твоея нам оставила еси.

Радуйся, яко образ Твой святый всем верующим во утешение бысть.

Радуйся, яко христиане в Гефсимании образу Твоему, яко живей Ти сущей, покланяются.

Радуйся, яко взирающии на лик Твой святый облегчение в скорбех душевных обретают.

Радуйся, яко со слезами молящиися пред иконою Твоею исцеление в болезнех получают.

Радуйся, яко вси исповедающии Тя яко Матерь Божию исполнение прошений своих приемлют.

Радуйся, Радосте наша, избави нас от всякия нужды и печали.

 

Кондак 3

Сила благодатная, Тобою дарованная первописанней иконе Твоей, и во иных подобиях ея пребывает, пред нимиже вернии, радуяся и благоговея, прославляют Тя, Святейшую Матерь Всесильнаго Бога, вопиюще Ему: Аллилуиа.

 

Икос 3

Имущи велию любовь к людем, искупленным Кровию Сына Твоего, приемлеши всякаго человека, молящагося пред образом Твоим святым. Сего ради Тя по долгу ублажаем:

Радуйся, Ангелы хвалимая и Серафимы воспеваемая.

Радуйся, яко Тобою вся вселенная радости и веселия исполняется.

Радуйся, яко иконы Твоя на радость и утешение нам явила еси.

Радуйся, яко чрез них благодеяния многоразличныя миру всему источаеши.

Радуйся, яко силу Твою благодатную и сей иконе обильно даровала еси.

Радуйся, яко святою иконою Твоею Сама невидимо с нами пребываеши.

Радуйся, яко предстояще святей иконе Твоей, Тебе Самей, истинней Матери Божией, покланяемся.

Радуйся, Радосте наша, избави нас от всякия нужды и печали.

 

Кондак 4

Треволнении житейскими обуреваеми и соблазны греховными одолеваеми, под Твой милостивый покров прибегаем мы, грешнии и смиреннии раби Твои, яко к тихому и безмятежному пристанищу, и прилежно молим: пролей благодать Твою в души наша, да чистым умом и нескверными усты вопием выну о Тебе Богу: Аллилуиа.

 

Икос 4

Слышав греческий царь Лев, яко чудес велие множество и благодеяния неисчетная источаются от иконы Богоматере, яже во Иерусалиме, восхоте имети ю во стране своей; и егда принесена бысть сия в Царьград, – источи зде премногия чудеса. Людие же, видевше таковую милость Божию, в несказанней радости взываху к Преблагословенней:

Радуйся, Прерадованная, Царьград осенившая Твоим пришествием.

Радуйся, Благодатная, всем христианом Всемилостивая Мати.

Радуйся, яко о всякой души христианстей всякое прошение приемлеши.

Радуйся, яко вся гласы, отвсюду призывающия Тя, слышиши.

Радуйся, яко покровом Твоим весь род христианский покрываеши.

Радуйся, яко благодать и милость Твою на всех ближних и дальних простираеши.

Радуйся, яко всем вся благая в жизни сей милостиво подаеши.

Радуйся, Радосте наша, избави нас от всякия нужды и печали.

 

Кондак 5

Боготечная звезда явися нам образ Твой святый, Владычице; сего ради притекающии к Тебе кийждо нужды своя и потребы пред ним приносят: овии убо молят Тя утолити скорби их душевныя и телесныя, инии же в начало путей своих благословение и благопоспешение в делех своих прияти от Тебе чают, друзии же мира семейнаго, согласия и любве даровати им испрошают, угнетаемии же от злых человек защиты и покрова у Тебе ищут, и вся сия приемлюще, радостно вопиют Сыну Твоему и Богу: Аллилуиа.

 

Икос 5

Видевше людие страны Греческия, яко икона Твоя не токмо пучина чудес и неисчерпаемый источник исцелений им бысть, обаче и мощное одоление на супостаты, многажды изношаху ю пред полчища вражия, и тии бяху выну побеждаеми. Сего ради радостно воспеваху Ти:

Радуйся, Взбранная Воеводо, враги побеждающая.

Радуйся, яко безоружным нам на всеоружных победу подающая.

Радуйся, устрашение на неверных иконою Твоею наводящая.

Радуйся, Непобедимая Воеводо во бранех на враги христианския.

Радуйся, иконою Твоею, яко стеною нерушимою, люди Твоя ограждающая.

Радуйся, от многоразличных бед, зол и напастей нас спасающая.

Радуйся, беснующихся от демонскаго удручения свобождающая.

Радуйся, Радосте наша, избави нас от всякия нужды и печали.

 

Кондак 6

Проповедует мир весь милости, от иконы Твоея изливаемыя, Владычице, Ты бо всякия болезни чрез сию исцеляеши и скорби утоляеши. Сего ради со благоговением почитаем многоцелебный образ Твой, и поклоняющеся ему, яко залогу Твоего к нам благоволения, вопием Богу: Аллилуиа.

 

Икос 6

Возсия пречудная икона Божия Матери Иерусалимская в земли нашей, егда сия, яко дар многоценен, святым князем Владимиром в стольный град Киев принесена бысть, людие же, светом Христовым просвещаемии, Царице Небесней во умилении тогда взываху:

Радуйся, честнейшая Херувим и славнейшая без сравнения Серафим.

Радуйся, горе превознесенная, обаче молениям долу живущих выну внемлющая.

Радуйся, всем хотящим спастися икону Твою чудотворную во спасение даровавшая.

Радуйся, яко нас, во тьме греховней седящих, под Твой всемощный покров прияла еси.

Радуйся, светом божественным от иконы Твоея всех нас просвещающая.

Радуйся, ко Христу Богу всех нас приводящая.

Радуйся, райския двери всем нам отверзающая.

Радуйся, Радосте наша, избави нас от всякия нужды и печали.

 

Кондак 7

Хотящи благоверный князь Владимир вся люди, сущия в державе его, ко Христу привлещи и светом истиннаго боговедения просветити, повеле дарованную ему царем греческим святую икону Иерусалимскую из Киева в Великий Новград пренести, и бе тамо икона сия лета многа, дондеже принесена бысть во град Москву, да источает сия чудеса, людие же православнии, благодати и милостей от Богоматери исполненнии, хвалебную песнь Богу да воспевают: Аллилуиа.

 

Икос 7

Удивил еси на нас милости Твоя, Господи, умножив чудотворныя иконы Пречистыя Твоея Матере во отечестве нашем, ихже, яко звезды небесныя, разсеял еси по всей земли нашей, подавая чрез них великия и неисчетныя благодеяния благочестивым людем. Темже, благоговея пред величеством славы Твоея и преклоняя колена сердец наших пред пречистым образом Преблагославенныя Твоея Матери, умильно вопием Ей:

Радуйся, страну нашу велиею любовию возлюбившая.

Радуйся, чудотворными иконами Твоими сию обогатившая.

Радуйся, икону Твою Иерусалимскую в наследие неоцененное нам от лет древних даровавшая.

Радуйся, яко сею иконою, аки облаком, благодатию и милостию всех покрываеши.

Радуйся, яко принесением иконы Твоея всяко место освящается и людие обновляются.

Радуйся, яко от иконы Твоея источники чудес всюду источаются.

Радуйся, яко и мы, грешнии, иконою Твоею от бед и напастей избавляемся.

Радуйся, Радосте наша, избави нас от всякия нужды и печали.

 

Кондак 8

Странно есть уму человеческому и дивно сердцу верующему видети, како от лика Твоего, на дске изображеннаго, многая чудеса содеваются: сила бо многа, от иконы Твоея исходящая, долгонедужныя и разслабленныя исцеляет, бесы прогоняет, скорби и напасти утишает. Мы же, видевше чудеса сии, вкупе с исцелевшими радостно восклицаем Всещедрому Богу: Аллилуиа.

 

Икос 8

Весь мир любовию Своею объемлющи, Пречистая, и ко всем сострадание имущи, благоволила еси прославити икону Твою Иерусалимскую во дни мора смертнаго, егда страхом велиим сердца всех одержими бяху. Темже вси в покаяние тогда пришедшии и со слезами Тебе во храмех и в домех своих молившиися внезапныя смерти избегаху, радостно взывая благодарственная пения таковая:

Радуйся, теплая о нас пред Богом Ходатаице.

Радуйся, яко Твоими молитвами гнев Божий утоляется.

Радуйся, яко Тобою кающимся грешником прощение подается.

Радуйся, на путь истинный заблуждшия обращающая.

Радуйся, ко смирению гордыя и жестокосердныя приклоняющая.

Радуйся, материнскую любовь и крайнее снисхождение нам являющая.

Радуйся, чтущим Тя усердно обители небесныя приуготовляющая.

Радуйся, Радосте наша, избави нас от всякия нужды и печали.

 

Кондак 9

Вся земля наша под осенением честныя иконы Твоея пребывает и сильным предстательством Твоим хранима есть; мы же непрестанно молим Тя, Благую Матерь нашу: сохрани нас в мире и тишине, избави от волнения и смуты, от крамолы и междоусобныя брани и от всякия смертоносныя язвы, да вси во благочестии пребывая, воспеваем Богу: Аллилуиа.

 

Икос 9

Ветия многовещанныя не могут изъяснити силу благодати, иконе Твоей дарованную, ибо принесением ея во всяко место благодеяния различны источаются: идеже засуха бе – тамо дожди обильны проливаются, идеже пагубное безведрие – тамо солнце возсиявает и поветрия зловредны изменяются, человецы же, Тобою тако помилованнии и облагодетельствованнии, из глубины души взывают Ти:

Радуйся, Трапезо Святая, Хлебом Жизни нас питающая.

Радуйся, от глада душевнаго и телеснаго предстательством Твоим всех верных сохраняющая.

Радуйся, Владычице, яко Тобою дожди благовременны и благорастворения воздуха нам низпосылаются.

Радуйся, теплая Предстательнице наша, пагубныя удары грома и молнии от нас отводящая.

Радуйся, огнь, поядающий домы и пажити людския, росою молитв Твоих угашающая.

Радуйся, яко принесением иконы Твоея пагубы смертныя люди избегают.

Радуйся, яко притекающии у чудотворному образу Твоему милости от Тебе приемлют.

Радуйся, Радосте наша, избави нас от всякия нужды и печали.

 

Кондак 10

Надежное пристанище верным среди бурь и волнений моря житейскаго Ты еси, Пречистая Дево, указующее нам путь ко отечеству Небесному. Помози убо нам, о Богомати, безпреткновенно путь жития сего временнаго проити, соверши нас во всякой добродетели и соблюди в чистоте и святости, приведи нас в блаженное Царствие Сына Твоего, да и мы, Тобою спасеннии, возможем тамо со Ангелы и лики святых выну воспевати Богу хвалебную песнь: Аллилуиа.

 

Икос 10

Стена и прибежище верным во всяких обстояниях и напастех Ты еси, Богородице Дево, предстательством бо Твоим ограждаеши нас от искушений и бед, нас обышедших; сего ради, со слезами, вопием Ти:

Радуйся, Хранительнице наша, от злобы бесовския невидимо нас ограждающая.

Радуйся, зависть и коварство злых человек премудро разрушающая.

Радуйся, на всех стезях жизни нашея милостиво нас сохраняющая.

Радуйся, вся наша мысли от злых приражений и суетных мечтаний очищающая.

Радуйся, вся наша желания во благо и спасение направляющая.

Радуйся, добро творити, во славу Божию, нас наставляющая.

Радуйся, Путеводительнице наша, во блаженное отечество нас руководящая.

Радуйся, Радосте наша, избави нас от всякия нужды и печали.

 

Кондак 11

Пение хвалебное немолчно воспевают Ти, Богородительнице, вси роди христианстии, ибо непрестанными молитвами Твоими к Сыну Твоему и Богу нашему грады и веси от злых обстояний сохраняеши, мир и изобилие и вся благая всем чтущим Тя подаеши, всяк возраст на путь спасения наставляеши и всех призываеши воспевати Милосердному Человеколюбцу Богу: Аллилуиа.

 

Икос 11

Светом божественным пречистыя души Твоея всю вселенную просвещаеши, Владычице, и иконою Твоею сердца всех веселия и радости исполняеши; сего ради старии и младии, и всяк возраст согласно Тебе зовет:

Радуйся, отраду и утешение в сердца наша изливающая.

Радуйся, младенцем благое воспитание и преуспеяние разума к восприятию полезных учений подающая.

Радуйся, юных в целомудрии наставляющая и в девственней чистоте души их соблюдающая.

Радуйся, благословенное совершение христианских супружеств.

Радуйся, добрым земледельцем плодородие у Бога испрошающая.

Радуйся, право куплю деющим и всем в Бозе труждающимся пособствующая.

Радуйся, путешествующим и по морю плавающим милостиво сопутствующая.

Радуйся, Радосте наша, избави нас от всякия нужды и печали.

 

Кондак 12

Благодать велия дана Ти есть от Бога, Преблагословенная Мати Божия, еже убогия назирати, болящия исцеляти, такожде бедствующим помогати, скорбящия утешати и всех заблуждших на путь спасения обращати. Темже вси труждающиися и обремененнии, от Тебе, Благая Мати, неизглаголанныя милости приемлюще, умильно вопиют Сыну Твоему: Аллилуиа.

 

Икос 12

Поюще чудеса Твоя, Богородительнице, имиже являеши нам милосердие Твое, восхваляем Тя, Владычице, и, предстояще пречистому образу Твоему, молим Тя: утоли наша печали и избави нас от всякаго зла, да всегда в любви к Тебе пребывающе, во умилении сердечнем зовем Ти:

Радуйся, всем скорбящим и обремененным утешение и радость приносящая.

Радуйся, сущим в бедах и напастех скорую помощь посылающая.

Радуйся, в болезнех Тя призывающим исцеление подающая.

Радуйся, любовию Твоею ожесточенно враждующих примиряющая.

Радуйся, сирот незримая Воспитательнице и вдовиц благая Покровительнице.

Радуйся, в час смертный едина наша надеждо, отрадо и утешение.

Радуйся, и по смерти нашей у Престола Всевышняго о нас теплая Ходатаице.

Радуйся, Радосте наша, избави нас от всякия нужды и печали.

 

Кондак 13

О Всепетая Мати, Царице Небесная, рождшая Христа Сына Божия, Спасителя миру! Приими ныне сие малое моление наше и всесильным Твоим предстательством сохрани нас в жизни сей от всяких бед и напастей и сподоби в блаженстве вечнем со всеми святыми хвалу Богу воспевати: Аллилуиа.

(Этот кондак читается трижды, затем икос 1 и кондак 1)

 

Молитва

Пресвятая Госпоже, Владычице Богородице, упование всех уповающих на Тя, Заступнице печальных, прибежище отчаянных, вдов и сирот Питательнице! Услыши и помилуй ны, грешныя и недостойныя рабы Твоя, со умилением ко пречистому Твоему образу припадающия: умоли, Милосердая Владычице, Сына Твоего и Господа нашего Иисуса Христа, да отвратит от нас праведный гнев Свой, да простит грехи и беззакония наша, яко да сподобимся благостию Его скончати житие наше в покаянии и получити милость Его со всеми избранными Его, яко благословенна и препрославлена еси во веки веков. Аминь.

 

Добавить комментарий

Ваш e-mail не будет опубликован. Обязательные поля помечены *