Беседная икона Божией Матери

Беседная икона Божией Матери

   Беседная  икона  Божией  Матери  имеет  и  другое  название  «Явление  Богоматери  и  святителя  Николая  пономарю  Юрышу»  и  известна  своей  очень  необычной  историей.

История  образа:   Беседная  икона  Божией  Матери  неразрывно  связана  своей  историей  с  явлением  Тихвинской  иконы  в  1383  году.  В  «Сказании  об  иконе  Богоматери  Тихвинской»  ( конец  XVI  века )  говорится  о  пономаре  Георгии,  по  прозванию  Юрыш.

В  1383  году,  вскоре  после  явления  чудотворного  Тихвинского  образа,  пономарь  Георгий  был  послан  оповестить  окрестных  жителей  о  предстоящем  освящении  церкви  в  честь  явления  святого  образа  и  заповедать  пост

На  обратном  пути  недалеко  от  Тихвина  Георгий  вдруг  увидел  Пресвятую  Богородицу,  сидящую  на  сосновом  дереве  и  сияющую  неизреченным  светом,  с  червленым  жезлом  в  руках,  а  пред  Нею  стоящего  святителя  Николая  Чудотворца.

Пав  пред  Царицей  Небесной  в  благоговении  на  колени  и  облобызав  землю  у  Ее  ног,  Георгий  выслушал  Ее  повеление:  поставить  над  новоустроенной  церковью  деревянный  крест,  а  не  металлический. 

По  своем  возвращении  Георгий  рассказал  о  чудесном  явлении  Богоматери  и  Ее  повелении.  Но  к  его  словам  отнеслись  с  некоторой  долей  недоверия  и  решили  установить  над  церковью  все-таки  заготовленный  металлический  крест

Внезапно  начавшаяся  буря  снесла  с  купола  церкви  мастера  с  железным  крестом  в  руке,  не  причинив  ему,  однако,  вреда.  Вот  тогда  и  был  изготовлен  из  соснового  бревна,  на  котором  сидела  Божия  Матерь,  прославленный  позднее  деревянный  крест.

Этот  крест  был  воздвигнут  над  часовней.  Икона,  изображающая  явление  Пресвятой  Богородицы  пономарю  Георгию,  получила  название  «Беседная  икона  Божией  Матери».  Церковь  и  часовня   несколько  раз  сгорали,  но  крест  и  чудотворная  Беседная  икона  Божией  Матери  оставались  невредимыми.  Их  находили  неподалеку  от  пожарища.

Первоначально  на  месте  явления  Царицы  Небесной  была  построена  часовня  во  имя  святителя  Николая  Чудотворца.  В  1515  году,  по  повелению  великого  князя  Василия  III  Иоанновича,  на  этом  месте  была  построена  церковь  и  основан  Николаевский  Беседный  монастырь.

В  связи  с  тем,  что  два  знаменательных  события  произошли  с  небольшим  разрывом  во  времени  в  Тихвине:  обретение  Тихвинской  иконы  Божией  Матери  и  явление  Пресвятой  Богородицы  пономарю  Георгию,  были  построены  две  церкви:  Успенский  собор  и  церковь  в  честь  святителя  Николая  Чудотворца. 

О  Тихвине  узнала  вся  Русь  Православная.  Подле  двух  церквей  возникли  два  монастыря:  вокруг  Успенского  собора  позже  возник  Успенский  ( Большой )  монастырь,  а  вокруг  Николаевской  церкви — Николаевский  Беседный  монастырь.

Поэтому  истории   обеих  обителей  и  обеих  чудотворных  икон  тесно  связаны  и  переплетаются  друг  с  другом.  Беседный  монастырь  несколько  раз  упраздняли,  а  в  годы  революционного  лихолетья  даже  не  оставили  о  нем  следа.

В  настоящее  время  на  месте  бывшей  обители  стараниями  православного  предпринимателя  Геннадия  была  построена  часовня,  после  возвращения  в  2004  году  Тихвинской  иконы  в  Россию.

Знаменитый  крест,  сделанный  из  соснового  бревна,  на  котором  восседала  Пресвятая  Богородица,  в  период  закрытия  монастыря  был  утерян,  но  частица  этого  креста,  сохраненная  благочестивой  женщиной,  вернулась  в  часовню.  По  устроению  Божиему  процесс  восстановления  Беседного  монастыря  запущен.

Беседная икона Божией Матери      Беседная икона Божией Матери

Иконография:   Беседная  икона  Божией  Матери  по  своей  иконографии  не  подходит  ни  под  один  существующий  традиционный  иконографический  тип,  является  оригинальной. 

В  XVII  веке  списки  с  Беседной  иконы  Божией  Матери  широко  распространились  на  севере  России,  что  связано  с  известностью  Тихвинского  монастыря  и  его  главной  святыни.  

На  Беседной  иконе  Божией  Матери  Пресвятая  Богородица  предстает  сидящей  на  срубленном  ( иногда  растущем )  дереве,  покрытом  зеленью  или  диковинными  цветами,  с  червленым  жезлом  в  правой  руке.

Справа  или  слева  от  Богоматери — святой  Николай  Чудотворец  с  Евангелием  в  руке  и  коленопреклоненный  пономарь  Юрыш.  Причем  святитель  держит  Евангелие  не  открытой  рукой,  а  через  ткань  облачения,  что  подчеркивает  особо  бережное  отношение  к  Слову  Божиему.

Вверху  в  сигменте  неба, — Спас  Иммануил,  благословляющий  двумя  руками.  Фоном  служат  деревья,  горки  или  стена,  вызывающая  ассоциации  с  Иерусалимской.  Иногда  вдали  изображается  деревянный  Тихвинский  Успенский  храм.

Беседная  икона  Божией  Матери  представляет  образ  Пресвятой  Богородицы  с  крестом-посохом,  символизирующим  Древо  Жизни  и  являющимся  знаком  Божественной  силы  и  царской  власти.  Такой  образ  встречается  в  V — IX  веках. 

Беседная  икона  Божией  Матери  глубоко  почитается  среди  православных  христиан,  ведь  она  явила  свои  чудотворные  свойства  в  связи  со  знаменательным  событием — открытием  храма  в  честь  другой  прославленной  иконы  и  не  раз  потом  изливала  чудеса  заступничества  Царицы  Небесной.

Беседная  икона  Божией  Матери  представляет  нередкое  в  древнерусском  искусстве  изображение  Пресвятой  Богородицы  вместе  со  святителем  Николаем  Чудотворцем,  которое  отражает  свидетельство  древнегреческого  текста  македонской  эпохи  о  следовании  святителя  Николая  в  небесной  иерархии  прямо  за  Богоматерью.

Явление  Богоматери  пономарю  Юрышу  часто  изображалось  как  клеймо  на  Тихвинской  иконе,  а  также  как  самостоятельный  сюжет.  Беседная  икона  Божией  Матери  получила  наибольшее  распространение  на  севере  России  в  XVII  веке,  что  могло  быть  связано  с  известностью  Тихвинского  монастыря  и  его  основной  святыни.   

Молитвенная  традиция:  Перед  Беседной  иконой  Божией  Матери  молятся  об  успехах  в  строительстве,  о  строительстве  вообще,  о  восстановлении  и  сохранении  православных  храмов  и  обителей.

Празднование:  14  /  27  августа.

 

АКАФИСТ   ПРЕСВЯТОЙ   БОГОРОДИЦЕ    ПРЕД  БЕСЕДНОЙ   ИКОНОЙ   БОЖИЕЙ   МАТЕРИ

Память: 27 августа (14 августа ст. ст.)

Не утвержден для общецерковного использования

Кондак 1

Избранная Владычице наша Богородице, сосуде чистый, Невмещаемаго вместивший, предстояще пред чудотворным образом Твоим (на месте явления Твоего) благодарственная пения поем о даровании нам чудныя иконы Твоея Беседныя. Ты же, яко всемилостивая всех притекающих к Тебе Помощнице, заступай нас во всех скорбех и нуждех, и яко имущая державу непобедимую, от всяких нас бед и напастей свобождай, да зовем ти:

Радуйся, Преблагословенная Богородице Дево, чрез образ Твой Беседный, милости великия нам источающая.

Икос 1

Архангел Гавриил послан бысть с Небеси рещи Всенепорочней Деве Марии: Радуйся, Благодатная, Господь с тобою, яко рождаемое Свято наречется Сын Божий. Ты же беседе его небесней внимая, с велиею радостию в сердце Твоем благоволила еси, Всенепорочная Дщи Царя Предвечнаго, прияти произволение Божие о Тебе. Послежде, Духом Всесвятым просвещаема, рекла еси сроднице Твоей, Елизавете всеблаженней, яко ублажат Тя вси роди. Мы же, созерцая проречения сего сбытие, со умилением вопием Тебе таковая:

Радуйся, яко Ты еси Отца Безначальнаго благословение.

Радуйся, яко Ты еси Сына Предвечнаго жилище.

Радуйся, яко Ты еси Духа Святаго пребывание.

Радуйся, яко Тебе славят многоочитии Херувими.

Радуйся, яко Тебе похвальная приносят шестокрилатии Серафими.

Радуйся, яко Тебе вся Небесная Воинства со трепетом величают.

Радуйся, яко Тебе вся колена земная Матерь Божию исповедуют.

Радуйся, яко Церковь Христова славу Твою днесь проповедует.

Радуйся, Преблагословенная Богородице Дево, чрез образ Твой Беседный, милости великия нам источающая.

Кондак 2

Видевше вифлеемстии пастырие ангелов, славящих Христово Рождество, текоша в пещеру и обретоша тамо Богородительницу, на руках Младенца Превечнаго держащую. Ты же, Пречистая Дево и Мати Неневестная, радостныя беседы сподобила еси их, принесших дары своя скромныя Тебе. Егда же волхвы богомудрыя притекоша к Сыну Твоему со златом, ладаном и смирною, Ты радостными словесы приветствовала еси их. Мы же, сия поминающе, просим Тя: приими приносимыя Ти похвалы сия и сподоби нас купно со ангелы и всеми святыми во веки пети Спасителю нашему: Аллилуиа.

Икос 2

Разум человеческий не может постигнути, како Сам Господь вселися в девственную утробу Твою и како Ты пребыла еси Девою и по рождестве Сына Твоего. Преклоняяся пред велиею тайною воплощения Бога Слова, радостно вопием Тебе, Преблагословенней Матери Искупителя нашего, заимодавшей Ему плоть Свою, питавшей Его млеком Своим, носившей Его руками Своима и глаголавшей Ему радости и печали Своя, похвалы таковыя:

Радуйся, чудесно тайне воплощения Сына Божия послужившая.

Радуйся, первее Его повившая и во яслех безсловесных овец положившая.

Радуйся, первее поклонение Сыну Твоему и Богу совершившая.

Радуйся, млеком питавшая Питателя алчущих хлеба вечнаго.

Радуйся, водою поившая Подателя воды живыя, текущия в жизнь вечную.

Радуйся, верою молящимся Тебе великия милости являющая.

Радуйся, во благих прошения наша дивно исполняющая.

Радуйся, струи благодатных исцелений обильно нам изливающая.

Радуйся, Преблагословенная Богородице Дево, чрез образ Твой Беседный, милости великия нам источающая.

Кондак 3

Силою благодати Божия озаренный, праведный Симеон Тебе, пришедшей со младенцем Иисусом во храме представитися Господеви, рече: «Тебе же Самой душу оружие пройдет», проразумевая Матерния Твоя страдания о Сыне Твоем Божественнем. Ты же, Всехвальная Приснодево, благодатию Господнею преисполненная, в торжество искупления всего рода человеческаго несумненно веруя, смиренно прияла еси волю Бога Всевышняго, воспевая Ему: Аллилуиа.

Икос 3

Имущи в Себе обильно благодать Божию, Ты, Дево досточтимая и всемудрая, все житие Твое отдала еси благим попечениям о Сыне Твоем и Господе, вся глаголы Его соблюдающи в сердце Своем. Мы же, грешнии, житие Твое на земли воспоминающе, глаголем Тебе похвалы таковыя:

Радуйся, огнь Божества во чрево Твое приемшая.

Радуйся, глад падшаго человечества Хлебом Жизни утолившая.

Радуйся, Херувимскаго Царя вседрагоценнейший престоле.

Радуйся, Серафимскаго Владыки палато, преукрашенная чистотою.

Радуйся, незаходимая заре истины, наше земное странствование освещающая.

Радуйся, бедныя души наша, огнем Духа Святаго, на подвиг любве согревающая и укрепляющая.

Радуйся, упование на милосердие Божие в сердца наша благодатно вселяющая.

Радуйся, теплотою любве Божественныя сердца наша оживотворяющая.

Радуйся, Преблагословенная Богородице Дево, чрез образ Твой Беседный, милости великия нам источающая.

Кондак 4

Буря скорби обдержа Пречистую Матерь, егда возвращающася из Иерусалима потеряша в пути Отрока Иисуса, дондеже по триех днех обретоша Его седяща посреде учителей, послушающа их и вопрошающа их. Ты же, Всенепорочная Дево, в сердце соблюла еси слова Его, яко надлежит Ему быти в Дому Отца Небеснаго. Сие поминающе, просим Тя, Невесто Неневестная, научи и нас в сердце выну хранити словеса Христовы и им следовати, дондеже Тобою наставляемии не достигнем Отчизны Небесныя, вопиющи Богу: Аллилуиа.

Икос 4

Слыша Мати Искупителя нашего, яко Иисус проповеда пришествие Царствия Небеснаго, исцеляше всяк недуг и всяку язю в людех, радовася в сердце Своем, за вся благодаряще Отца Небеснаго. Сему и нас научи, Пренепорочная Богородице, да со умилением поем Ти сице:

Радуйся, житию нашему благословение Божие низводящая.

Радуйся, мысленная очеса наша к горним обителем направляющая.

Радуйся, помышления наша освящающая.

Радуйся, сердца наша очищающая.

Радуйся, Купеле исцеляющая, в нейже душевныя недуги наша, врачуются.

Радуйся, лежащия на одре болезни возставляющая.

Радуйся, плавающия по водам от бури и потопления спасающая.

Радуйся, влающияся в пучине житейскаго моря к тихому пристанищу спасения направляющая.

Радуйся, Преблагословенная Богородице Дево, чрез образ Твой Беседный, милости великия нам источающая.

Кондак 5

Боготечней звезде уподоблялася еси, Пречистая Дево, егда со Христом и Сыном Твоим всему мирови возвещала еси проповедь любви, кротости и всепрощения, вся горести земныя претерпевая. Апостола Иоанна и весь род христианский Своему материнскому сердцу усыновившую, молим Тя, Мати и Госпоже наша, не отврати и от нас утешения Своего материнскаго, да со благодарением о Тебе Господу зовем: Аллилуиа.

Икос 5

Видяще, Всенепорочная Царице ангелов, с высоты небеснаго жилища Своего, идеже с Сыном Твоим во славе пребываеши, яко людие русстии с велиею любовию почитают Тя, явила еси неизреченную любовь материнскую к народам славянским, множество икон Твоих Святых даровала еси людям сим, знамениями святыя образы Твоя прославляюще. Мы же, воспоминая ныне многочисленныя чудеса Твоя, на молящихся Тебе с верою источаемыя, с благодарением взываем Ти:

Радуйся, Лозо благосеннолиственная, гроздия исполненная вина Живота Вечнаго произрастившая.

Радуйся, великия грады Российстие незримым покровом покрывающая.

Радуйся, страну нашу и весь язык словенский усердно заступающая.

Радуйся, благорастворение воздухов нам низпосылающая.

Радуйся, труд землевладельцев с небес благословляющая.

Радуйся, вредоносное естество от растительного мира отгоняющая.

Радуйся, житницы усердных делателей наполняющая.

Радуйся, чистым сердцем сокровища на небесех собирать помогающая.

Радуйся, Преблагословенная Богородице Дево, чрез образ Твой Беседный, милости великия нам источающая.

Кондак 6

Проповедника и возвестителя воли Твоея, апостолом Христовым в вере и мужестве своем подобнаго, сотворила еси, Мати Ипостаснаго Слова, благочестиваго пономаря Георгия, иже от иерея послушания ради в весь некую шел есть, дабы уведомити поселян о праздновании Успения Твоего. В той день чудо преславное Милосердия Твоего явила еси, егда купно со святителем Николаем Мирликийским беседы Твоея его сподобила еси. Мы же, верующе, яко и ныне милость Твоя и к нам не оскуде, с надеждею на предстательство Твое Господеви поем: Аллилуиа.

Икос 6

Возсия в краю Тихвинском благодать Твоя, Мати Божией благодати, егда знамение пречудное явила еси: крест железный паде с высоты храма, яко не вняша людие гласу Твоему, через пономаря Георгия возвещенному, ибо подобало в память о страстех Христа, на древе крестнем Распятаго, воздвигнути крест из древа сотворенный. Людие, видя знамение благодати, Тобою явленное, потекоша на место явления Твоего, со своими страданиями и заботами. Ты же, веру их зряще, новыя милости христианом даровала еси. Темже и мы славословим Тя сице:

Радуйся, честнаго и животворящаго Креста Господня Проповеднице.

Радуйся, от напастей земных и междоусобныя брани Избавительнице.

Радуйся, землю нашу дарами щедрыми осыпающая.

Радуйся, чудесами Своими на земли Бога прославляющая.

Радуйся, страх смерти и болезни в душах наших побеждающая.

Радуйся, благодатную силу исцеления просящим подающая.

Радуйся, Живоносный Источниче, радостию и любовию жаждущия напояющий.

Радуйся, любити всех любовию Христовою научающая.

Радуйся, Преблагословенная Богородице Дево, чрез образ Твой Беседный, милости великия нам источающая.

Кондак 7

Хотящи паки прославити новоявленную икону Твою, Беседною наименованную, богатыя милости от нея людем низпослала еси, Мати Творца Предвечнаго. Сице просим Тя: пение наше акафистное, со умилением Тебе приносящееся, приими милостивно, и теплой молитве нашей внемлюще, услыши всех, к Тебе прибегающих. Ты бо еси воистину наша Заступница, грозныя беды от нас отвращающая, страсти и распри вся наша утишающая, под Твою милость прибегающих и поющих Богу: Аллилуиа.

Икос 7

Дивныя знамения благодати небесней явила еси, Мати Сотворителя нашего, во граде Тихвине всем притекающим к образу Твоему Беседному, написанному в память о преславнем явлении Твоем, егда ты, Царице Небесных сил, аки простая жена на древе в лесу сидяще, возвестила еси желание Сына Твоего клирику благочестивому. О сем ведая, благоверный великий князь Московский Василий повеле храм благолепен соорудити и обитель иноческую основати, да вси, грядущие в град сей, славословят Тя, помощь благодатную христианом присно изливающую, вопиюще Ти сице:

Радуйся, Пресвятая Дево, кротких и милостивых Защито неодолимая.

Радуйся, Пречистая Богородице, руку помощи сирым и убогим простирающая.

Радуйся, домов христианстих от бурь житейстих надежное Защищение.

Радуйся, семейств благочестивых доброе Благословение.

Радуйся, родителей о малых чадех присная Радосте.

Радуйся, чадом несмышленым убедительное Поучение.

Радуйся, о мудрой и умащенной старости Попечительнице.

Радуйся, радостной и целомудренной младости Наставнице.

Радуйся, Преблагословенная Богородице Дево, чрез образ Твой Беседный, милости великия нам источающая.

Кондак 8

Странницы есмы и пришельцы на земли сей, скорбей и болезней исполненней, прелестьми мира сего и наветы духа злобы искушаеми: в Тебе же, Мати благаго совета, неисчерпаемый источник благодатных дарований обретающе и Небеснаго отечества достигнути уповаем, взывающе Совершителю нашего спасения Христу Господу: Аллилуиа.

Икос 8

Всех скорбящих Утешительнице и бедствующих Помощнице, Державная Владычице наша, не презри нас, припадающих к Тебе пред пречистым образом Твоим, но посети нас милостивно щедротами Твоими: и, якоже древле отцем нашим помощь Твою державную явила еси, тако и нас, смиренных, не лиши Твоего заступления во время благопотребно, да не постыдимся во уповании нашем, еже по Бозе крепко на Тя возлагаем, и зовем Ти:

Радуйся, Рождеством Сына Твоего грозное смерти жало притупляющая.

Радуйся, Премилосердная Утешительнице всех скорбящих и обремененных.

Радуйся, неусыпная Наставнице всех заблудших и ослепленных.

Радуйся, славою чудес Твоих верных разум озаряющая.

Радуйся, красотою девства Твоего воспевати величие Божие нас научающая.

Радуйся, любовию к Богу и ближним нас воодушевляющая.

Радуйся, Царице небу и земли, врата райския нам отверзающая.

Радуйся, Домостроительнице мудрая, житие наше добре устрояющая.

Радуйся, Преблагословенная Богородице Дево, чрез образ Твой Беседный, милости великия нам источающая.

Кондак 9

Всякое естество Ангельское удивляется Твоему милосердию ко грешному роду человеческому, погибающему в тине соблазнов, яко Ты, Всеблагомощная Заступнице наша, болезнуя о нас, не на небесех пребываеши в наслаждении духовных благ, обаче неустанно на земли труждаешися, спасая души наша в надежде на милосердие Божие, вопиющия Ему: Аллилуия.

Икос 9

Витийство человеческое не возможет по достоянию восхвалити Тя, Пресвятая Богородице, и воспети неисчетныя чудеса Твоя, ими же нас просвещаеши. Мы же, Твоя благодеяния ведающе и душею радующеся, Тебе глаголем:

Радуйся, упование на милосердие Божие в сердца наша благодатно вселяющая.

Радуйся, Звездо неугасимая, зрети Бога Вышняго нас просвещающая.

Радуйся, растления душевнаго и совести лукавства нас избавляющая.

Радуйся, молитвы всех христиан всерадостно приемлющая.

Радуйся, и самых отчаянных грешников моления не отвергающая.

Радуйся, с Сыном Твоим грешников чрез покаяние примиряющая.

Радуйся, нечаянную радость спасения отчаявшимся подающая.

Радуйся, предстательством Твоим весь мир спасающая.

Радуйся, Преблагословенная Богородице Дево, чрез образ Твой Беседный, милости великия нам источающая.

Кондак 10

Спасительное прибежище и Твоего Предстательства уверение, а такожде милосердия Твоего явление — икона Беседная нам, Царице Небесная, показася, пред Нею же души наша в молитвах изливаем и верою Тебе вопием: воззри, Милосердая Владычице, на люди Твоя, вся скорби наша и печали утоли, утешение благое в сердца наша низпосли, и спасение вечное душам нашим, Царице горних чинов, испроси, да спасаемии Тобою, Сыну Твоему и Богу нашему благодарно зовем: Аллилуиа.

Икос 10

Стена еси и заступление всем с верою и любовию притекающим к Тебе, Всехвальная Мати Христова, тем же молим Тя: всеблагомощным предстательством Твоим в державе Российстей и иных странех, от безбожник пострадавших, благоволи паки возжещи пламень веры, храмы и обители порушенныя возродити, всех людей, несведующих о благости Божественнаго Сына Твоего, просветити и в благочестии утвердити. Мы же славословим теплое предстательство Твое, Заступнице усердная, миру нашему хладному, и таковыя похвалы приносим Ти:

Радуйся, от глада, меча и напрасныя смерти сохраняющая.

Радуйся, трезвению духовному и молитве сердечней на всякое время нас научающая.

Радуйся, любовь Твою и помощь скоро простирающая.

Радуйся, раны наша греховныя и тяготы душевныя исцеляющая.

Радуйся, премудростию Божественною нас исполняющая.

Радуйся, от скорбей укрывающая и от отчаяния нас изымающая.

Радуйся, горькия слезы от всякаго лица отъемлющая.

Радуйся, светом райским нас на земли озаряющая.

Радуйся, Преблагословенная Богородице Дево, чрез образ Твой Беседный, милости великия нам источающая.

Кондак 11

Пение всякое земнородных не возможет достойно прославити Твое, Царице Небесная, милосердие к роду христианскому, яко Ты великое являеши вспоможение не токмо жаждущим спасения, обаче и потерявшим надежду и в окаменении сердечнем пребывающим и всех покрываеши покровом Своим, со стоном сердечным взывающих к Тебе и Сыну Твоему: Аллилуия.

Икос 11

Светоприемную свещу света Божественнаго разумевающе и почитающе Тя, Преблагословенная Богородительнице, како возможем изрещи благодатная Твоя озарения, приснотекущия от иконы Твоея, яко от солнца лучезарнаго? Обаче озарения Твоего милостиваго, Всеблагая, ищущи, дерзаем воспевати Тебе:

Радуйся, любовию сердца Твоего в горестех житейских нас согревающая.

Радуйся, во дни и в нощи омофором Твоим нас покрывающая.

Радуйся, сердца наша спасительным учением напояющая.

Радуйся, суетная прелести мира сего презирати нас научающая.

Радуйся, в море многоразличных напастей погибающим надежное пристанище.

Радуйся, злосмрадие страстей от приходящих к Тебе прогоняющая.

Радуйся, воздвизаемых от мира, плоти и диавола искушений ходатайством Твоим свобождающая.

Радуйся, нераскаянных грешников к совершенному покаянию побуждающая.

Радуйся, Преблагословенная Богородице Дево, чрез образ Твой Беседный, милости великия нам источающая.

Кондак 12

Благодати залогом давшая нам святую икону Твою Беседную, Всемудрая Дево и Мати Бога Вышняго, испроси нам у Небеснаго Владыки, Сына Твоего и Бога нашего, благодать Святаго Духа, воздвигни нас из глубины греховныя, просвети сердечныя очи наша ко зрению спасения, оживотвори сердца наша духом благоговения пред Творцем нашим, духом чистоты и правды, духом любви и милосердия, да всегда поем о Тебе Триипостасному Богу: Аллилуиа.

Икос 12

Воспевая и восхваляя Твоя чудеса, являемая нам в жизни сей, блажим Тя, Всенепрочная Дево и Матерь Спасителя нашего, яко неисчерпаемый источник дарований духовных, и припадающе к Тебе пред чудотворною иконою Твоею, молим Тя смиренно: яви нам милость сердца Твоего, сохрани нас под покровом Своея благодати и с Сыном Божественным Своим нас примири, буди нам покровом и защищением в день кончины нашея, да сподобимся во веки славити Всесвятую Троицу. О сем же уповая, таковыя похвалы днесь приносим Ти:

Радуйся, Надеждо наша и в бедах Утешительнице.

Радуйся, земли нашея от всех врагов Избавительнице.

Радуйся, яко иконою Твоею нас от всяких бед ограждаеши.

Радуйся, яко тою иконою козни вражии разрушаеши.

Радуйся, воздыхания и скорби наша не отвергающая.

Радуйся, смиренным мольбам нашим внемлющая.

Радуйся, души верных милосердием Твоим умиляющая.

Радуйся, радосте наша, иконою Твоею святою присно нас утешающая.

Радуйся, Преблагословенная Богородице Дево, чрез образ Твой Беседный, милости великия нам источающая.

Кондак 13

О, Всепетая Мати, любви и сострадания к нам преисполненная, присно благодеющая нам во святей иконе Твоей, нынешнее приемши Тебе единей прикладное приношение, молим Тя: покрый всех нас честным всемощным омофором Твоим, и избави от всякаго зла с верою и любовию поклоняющихся Тебе и благоговейно взывающих о Тебе к Богу Всемогущему: Аллилуиа. Аллилуиа. Аллилуиа.

Этот кондак читается, трижды, затем икос 1-й и кондак 1-й.

Молитва

О, Пресвятая Госпоже Владычице Богородице, всего мира Надеждо и Утешение, на всех путех жизни нас не оставляющая. К Кому молитвы вознесем, аще не к Тебе, Утешительнице грешных чад Твоих?

И ныне мы предстоим пред Образом Твоим Святым со своими страданьми и заботами. Мы пришли к Тебе, Матерь и Госпожа наша, исполненныя надежды, яко Ты поможеши нам во всех обстоятельствах жизни нашея и утолиши вся печали наша. Темже усиленно просим Тебя даровати нам веру, надежду и любовь, воеже всегда помнити о Твоем Божественнем Сыне, источнике и смысле человеческаго бытия. О, Премилостивая и Пречудная Заступнице наша, приими под Свою опеку семейства наша, страну нашу и всю Церковь Христову. О, Преблагословенная Дева Мария, избави и освободи сердца наша от гнева, немилосердия и сомнений и наполни их миром, любовию и тишиною. О, Преславная Царице Небесная, Ты ведаеши, в чем наипаче есть нужды наша, и посему просим Тя: возьми нас под Твое могущественное покровительство на земли, а по смерти – приведи нас в Царствие Сына Твоего Иисуса Христа. Аминь.

Добавить комментарий

Ваш e-mail не будет опубликован. Обязательные поля помечены *