Купятицкая икона Божией Матери


Купятицкая икона Божией Матери

Купятицкая  икона  Божией  Матери,  одна  из  самых  необычных  икон,  является  древнейшей  иконой  Пресвятой  Богородицы  в  Белоруссии,  прославившейся  многими  чудесами.

Купятицкая  икона  Божией  Матери  представляет  собой  небольшой  медный  крест.  На  одной  стороне  креста  изображена  Богоматерь  с  Предвечным  Младенцем,  на  другой  стороне — Распятие.  Длина  и  ширина  ее  составляет  2  и  1/4  вершка.

Явление  иконы — это  Божий  дар  роду  человеческому.  Ведь  зачастую  все  обретения  чудотворных  икон  происходили  в  годину  бед  и  лишений,  тяжких  испытаний,  войн,  грозивших  целостности  государства  Российского, междоусобных  войн.

Купятицкая  икона  Божией  Матери — Заступница  земли  Полесской — во  все  времена  подавала  свою  благодатную  помощь  народу,  укрепляла  в  вере,  врачевала  душевные  и  физические  раны,  спасала  погибающих  на  суше  и  воде,  вразумляла  гордых,  наказывала  дерзких.

История  обретения  Купятицкой  иконы  Божией  Матери  описана  в  труде  инока  Киево — Печерской  Лавры  Афанасия  Калонофойского  «Тератургима,  или  чудеса,  совершившиеся  как  в  самом  Печерском  монастыре,  так  и  в  обеих  его  пещерах»,  опубликованном  в  1638  году.

История  образа:  Явлена  была  Купятицкая  икона  Божией  Матери    в  1182  году  в  Малороссии  в  Пинском  уезде  близ  села  Купятичи,  по  которому  и  получила  свое  название. Место  обретения  иконы  находится  при  впадении  реки  Ясольды  в  Припять  на  Пинщине.

Девочка  Анна  пасла  стадо  своего  отца  Василия  и  вдруг  увидела  необычное  свечение.  Подойдя  ближе,  она  обнаружила  на  дереве  небольшой  металлический  крест  с  изображением  Богоматери.

В  великой  радости  девица  сняла  крест  и  отнесла  его  домой,  поместив  в  сундук.  Вернувшись  к  стаду,  она  увидела  свечение  вновь  и  решила,  что  это  второй  крест,  сняла  его  и  положила  за  пазуху.

Воротившись  вечером  домой,  Анна  хотела  показать  родным  найденные  кресты,  но  ни  в  сундуке,  ни  у  нее  на  груди  креста  не  оказалось.  Все  попытки  принести  крест — икону  домой,  даже  вместе  с  родными,  заканчивались  одним  и  тем  же — она  возвращалась  на  прежнее  место.

Рассказали  всю  историю  священнику  и  жителям  села.  Было  решено  совместно  построить  церковь  на  месте  обретения  чудотворной  Купятицкой  иконы  Божией  Матери,  в  честь  Введения  Пресвятой  Богородицы  во  храм.

Под  покровительством  Владычицы  Небесной  церковь  была  построена  очень  скоро,  при  этом  произошло  исцеление  полуслепого  жителя  села,  принимавшего  посильное  участие  в  работе.

С  этого  времени  Купятицкая  икона  Божией  Матери  прославилась  чудесами,  из  которых  многие  были  проявлены  во  время  борьбы  русских  с  иноземными  врагами.

Во  второй  половине  XIII  века  храм  сожгли  татары.  Сгорела  вся  деревянная  церковь,  сгорела  находившаяся  там  церковная  утварь.  Купятицкую  икону  Божией  Матери  сочли  утраченной.

Однако,  по  промыслу  Божиему  икона  была  обретена  вновь.  Благочестивый  паломник  по  имени  Иоаким,  возвращаясь  из  Иерусалима,  решил  посетить  святыни  на  Полесье.

Проходя  в  сумерках  мимо  места,  где  была  обретена  Купятицкая  икона  Божией  Матери,  Иоаким  заметил  мерцание  на  пепелище  от  сгоревшей  церкви.  Разгребя  немного  пепел,  он  увидел  святую  икону,  нисколько  не  пострадавшую  от  огня.

Обрадованные  жители  села  построили  новую  церковь  и  торжественно  поместили  в  нее  чудотворную  Купятицкую  икону  Божией  Матери.  Иоаким  остался  при  этой  церкви  пономарем.

Купятицкая икона Божией Матери

В  1629  году  при  церкви  был  основан  Купятицкий  Свято-Введенский  мужской  монастырь,  просуществовавший  до  1817  года.  За  все  время  своего  существования  обитель  подвергалась  захватам  бенедиктинцев,  потом  униатов.

Основание  монастыря  ознаменовалось  новым  чудом,  свидетельствовавшим  о  благословении  обители  Царицей  Небесной.  В  канун  праздника  Введения  во  храм  Пресвятой  Богородицы  у  чудотворной  Купятицкой  иконы  Божией  Матери   чудесным  образом  зажглась  свеча.

Игумен  Купятицкой  обители  Иларион  Денисович  написал  книгу  «Описание  чудес  Купятицкой  иконы  Божией  Матери»,  в  работе  над  которой  участвовал  также  Афанасий  Кальнофойский.

Православные  иноки,  покидая  монастырь,  перенесли  в  1656  году  чудотворную  Купятицкую  икону  Божией  Матери  в  Киев,  где  ее    поставили  в  Софийском  соборном  храме  в  ряду  местных  икон  южного  придела  апостола  Андрея  Первозванного.

Прихожане  Купятицкого  прихода  обращались  с  прошениями  о  возврате  святыни  на  место  ее  обретения,  но  им  было  отказано.  По  существующим  сведениям  чудотворная  икона  пребывала  в  Софийском  соборе  до  конца  двадцатых  годов  ХХ  столетия.  Далее  следы  ее  теряются.

Но  в  Свято — Николаевской  церкви  села  Купятичи  Брестской  области  находится  точный  список  образа,  который  тоже  славится  чудесами.  В  2003  году  икона  обновилась.  Для  поклонения  Купятицкой  иконе  Божией  Матери  сюда  стекаются  тысячи  паломников.

Купятицкая икона Божией Матери
Купятицкая икона Божией Матери, современный список

Иконография:  Иконографический  тип — Одигитрия.  Это  крест — элколпион.  На  одной  стороне  креста  изображение  Пресвятой  Богородицы  в  полный  рост  с  благословляющим  Богомладенцем  на  левой  руке.  На  обратной  стороне — Распятие.

Молитвенная  традиция:  Перед  Купятицкой  иконой  Божией  Матери  молятся  об  избавлении  от  душевных  и  телесных  страданий. 

Празднование:  15  /  28  ноября 

 

 

МОЛИТВЫ

Тропарь Пресвятой Богородице пред иконой Ея «Купятицкая»

Дне́сь ра́достно пра́зднуем па́мять явле́ния чудотво́рнаго о́браза Твоего́ в Кресте́, Влады́чице, и́же щи́т яви́ся Ве́ры Правосла́вныя, укрепля́яй и спаса́яй во дни́ тя́жких испыта́ний с ве́рою притека́ющих к Тебе́. Си́це приле́жно мо́лимся: Бу́ди всегда́ на́ша Засту́пница.

Перевод: Сегодня радостно празднуем память явления чудотворного образа Твоего в Кресте, Владычица, который стал щитом веры православной, укрепляющим и спасающим в дни тяжких испытаний всех с верой приходящих к Тебе. Потому усердно молимся: будь всегда нашей Защитницей.

Кондак Пресвятой Богородице пред иконой Ея «Купятицкая»

Мно́гими чудесы́ просла́ви Госпо́дь це́рковь Купя́тицкую Твое́ю ико́ною, Богоро́дице: все́м бо предста́тельствуеши, Блага́я, прибега́ющим с ве́рою в Свяще́нный Тво́й Покро́в. Ина́го у́бо не иму́ще гре́шнии в беда́х и ско́рбех при́снаго избавле́ния, обремене́ннии грехми́ мно́гими, ра́зве Тебе́, Ма́ти Бо́га Вы́шняго, вопие́м Ему́.

Перевод: Многими чудесами прославил Господь церковь Купятицкую через Твою икону, Богородица, ибо Ты всем помогаешь, Благая, с верой обращающимся к священному Твоему покровительству. Никого другого нет у нас грешных, кто постоянно избавлял бы нас, обремененных грехами многими, от бед и скорбей кроме Тебя, Матерь Бога Всевышнего, взываем к Нему.

 
 
 
 

Молитва Пресвятой Богородице пред иконой Ея «Купятицкая»

О, Преблагослове́нная Влады́чице, всемо́щная Засту́пнице, непосты́дное на́ше Упова́ние! Приими́ хвале́бное и благода́рственное пе́ние на́с, недосто́йных ра́б Твои́х, и вознеси́ моли́твы на́ша ко Престо́лу Сы́на и Бо́га Твоего́, да ми́лостив бу́дет непра́вдам на́шим, проба́вит бла́гость Свою́ чту́щим Всечестно́е и́мя Твое́ и с ве́рою и любо́вию поклоня́ющимся чудотво́рному о́бразу Твоему́. Сохрани́ зе́млю на́шу от вся́кия беды́, посли́ ми́р лю́дем на земли́, собери́ вся́ христиа́ны во еди́но ста́до пра́во сла́вящих Бо́га в Тро́ице Еди́наго. Утверди́ на́с все́х в Ве́ре Христо́ве и в усе́рдии к Це́ркве Правосла́вней. Вложи́ в сердца́ на́ша ду́х стра́ха Бо́жия, благоче́стия и смире́ния. В напа́стех терпе́ние на́м пода́ждь, во благоде́нствии воздержа́ние, к бли́жним любо́вь, ко врага́м всепроще́ние, в до́брых де́лех преуспе́яние. Изба́ви на́с от вся́каго искуше́ния и от окамене́ннаго нечу́вствия. В стра́шный де́нь Суда́ сподо́би на́с хода́тайством Твои́м ста́ти одесну́ю Сы́на Твоего́ Христа́ Бо́га на́шего. Ему́же подоба́ет вся́кая сла́ва, че́сть и поклоне́ние со Отце́м и Святы́м Ду́хом, ны́не и при́сно и во ве́ки веко́в. Ами́нь.

КАНОНЫ И АКАФИСТЫ

АКАФИСТ ПРЕСВЯТОЙ БОГОРОДИЦЕ ПРЕД КУПЯТИЦКОЙ  ИКОНОЙ  БОЖИЕЙ  МАТЕРИ 

Кондак 1

Во образ Святыя Троицы купно со Иоакимом и Анною явилася еси, Богородице, сиянием Лика Твоего в Кресте, светом Божественным блистающася. Отонудуже непрестанно подаеши богатыя милости поклоняющимся Честному Кресту и с любовию взирающим на Образ Твой Святый, темже вопием Ти:
Радуйся, в Кресте образом Явившаяся, и уповающих на Тя не оставляющая.

Икос 1

Ликуй земле Пинская! Радуйтеся и веселитеся православнии людие! Се бо является Чудная Икона Богоматере, светом неизреченным сияющи, яже и в явлении отроковицу Анну удиви, и прочее лучами милости Своея озаряти люди Купятицстии избра. Темже, людие, приидите прославим Владычицу и Богородицу, глаголюще:
Радуйся, Ангелов Царице;
Радуйся, всего мира Владычице.
Радуйся, на Небеси присно славимая;
Радуйся, и на земли величаемая.
Радуйся, благодать Твою Иконе сей даровавшая;
Радуйся, на спасение людей тую поставившая.
Радуйся, благости Божия скорая Подательнице;
Радуйся, молений наших Усердная Послушнице.
Радуйся, в Кресте образом Явившаяся, и уповающих на Тя не оставляющая.

Кондак 2

Видевши Волю Твою, Пресвятая Дево, и многая чудесы от иконы Твоея, вернии людие Купятицстии воздвигоша церковь Честному Кресту; сице и мы с любовию покланяемся Пречистаго Лика Твоего изображению, зовуще Сыну Твоему Христу Богу: Аллилуиа.

Икос 2

Церкви воздвигшейся, вси людие Купятицстии видеша велие чудо: яко явися милость Твоя со слепым, молящим Тебе, Богородице, послати здравие и силу. Сего убо исцеливши, Владычице, не отрини и нас глаголющих Ти:
Радуйся, икону Твою чудесы украсившая;
Радуйся, немощнаго слепотнаго исцелившая.
Радуйся, моления наши не отвергающая;
Радуйся, надежды благия приемлющая.
Радуйся, матерния щедроты Твоя на нас изливающая;
Радуйся, образом Твоим в Кресте нам благодеющая.
Радуйся, о нас грешных к Сыну Твоему Ходатаице;
Радуйся, от всяких бед и искушений Избавительнице.
Радуйся, в Кресте образом Явившаяся, и уповающих на Тя не оставляющая.

Кондак 3

Чудотворная Твоя икона, Богородице Дева, источник бе неоскудевающь утешений страждущим от нашествия татарскаго, земли Пинския разорившаго, Сама убо, Всемилостивая, благоволила еси возстати весем и градом от разрушения, да видяще явленную Тобою милость, со умилением вопием Богу: Аллилуиа.

Икос 3

О, Мати Благая, Богородице Дево, Источниче душевных утешений, в час тяжких испытаний ограждаеши яко Мати чада Твоя честным Твоим омофором от всяких бед и напастей. Темже и мы, благодаряще за милости Твоя к людем, вопием Ти:
Радуйся, Жизнь Вечную мирови явльшая;
Радуйся, главы змиевой Сокрушителя рождшая.
Радуйся, плененным Забрало;
Радуйся, всем человеком Надеждо.
Радуйся, угнетенным Заступнице;
Радуйся, о сирых пред Богом Молитвеннице.
Радуйся, ко Отцу Небесному приводящая;
Радуйся, матернию любовь всем простирающая.
Радуйся, в Кресте образом Явившаяся, и уповающих на Тя не оставляющая.

Кондак 4

Бурю смущений и скорбей по нашествии татар утолити хотяще, благовернии людие взываху к Богу: «Яви нам Твой дар, егоже человеколюбне Купятицем послал еси нескрываемое сокровище!» Мы же душевную печаль нашу в радость претворити надеющеся, Матерь Его молим: «Отри слезы и утиши рыдания» и, улучивше желаемое, вопием Ему: Аллилуиа.

Икос 4

Положи Господь в сердце паломнику Иоакиму посетити обители Пинския, и егда идяше близ веси Купятицкия, узре свет велий и Честный Крест со образом Богоматере на месте церкве, татары сожженыя. И абие преклонь колена, прослави Бога и Пресвятую Матерь Его, глаголя:
Радуйся, сподобившая мя видети образ Твой Святый;
Радуйся, светом Божественым украсившая его.
Радуйся, мене недостойнаго явления Твоего удостоившая;
Радуйся, волею Сына Твоего на место сие приведшая.
Радуйся, светильник веры Православныя паки возжегшая;
Радуйся, удела Твоего никакоже оставившая.
Радуйся, слезы и скорби в радость претворившая;
Радуйся, источник милостей Божиих открывшая.
Радуйся, в Кресте образом Явившаяся, и уповающих на Тя не оставляющая.

Кондак 5

Великую милость показа Господь по скорбех многих паки явлением Купятицкаго образа Матере Своея в Кресте, скорбящия радостию осиявающаго, заблудшия же на путь делания заповедей Сына Своего наставляющаго. Мы же, православно сию чтуще, вопием Богу: Аллилуиа.

Икос 5

Исходяй Иоаким путем своим и плаваяй по реце Ясельде, в воду низпаде и, чудне спасен быв, возратися в Купятицы, идеже спящу ему предста Пречистая Дева и рече: «Неотступно бех Аз с тобою в путех твоих, молящи Сына и Бога Моего хранити тя от всяких бед. Ныне убо повелеваю ти послужити Мне на месте сем». Пребысть же Иоаким при возставленней церкви, волю Владычицы исполняя, да со всеми вопиет Ей:
Радуйся, лучами Солнца Правды верных осиявшая;
Радуйся, явлением иконы Твоея вся озарившая.
Радуйся, Спасительнице людей во гресех утопающих;
Радуйся, из пучины греховныя на брег Истины износящая.
Радуйся, в мори житейстем Путеводительнице;
Радуйся, на служении Богу Наставительнице.
Радуйся, укрепление благочестия и веры Православныя;
Радуйся, даре несокрушимаго в скорбех терпения.
Радуйся, в Кресте образом Явившаяся, и уповающих на Тя не оставляющая.

Кондак 6

Многими чудесы прослави Господь церковь Купятицкую Твоею иконою, Богородице. Всем бо предстательствуеши, Благая, прибегающим с верою в священный Твой покров. Инаго убо не имуще грешнии в бедах и скорбех приснаго избавления, обременнии грехми многими, разве Тебе, Мати Бога Вышняго, вопием Ему: Аллилуиа.

Икос 6

Княжна некая умирающи, заповеда чадом своим погребсти ю в церкви Купятицстей пред Чудотворною иконою. Явившися же Пресвятая Иоакиму, повеле ему: «Иди, праведниче, и рцы Волю Мою священнику, да не попустит погребати в церкви княжну ту». Преслушану же бывше повелению, извергошася останки ея от гроба. Тем убо помози нам, Благая, творити Волю Твою, вопиющим Ти сице:
Радуйся, гордых вразумление;
Радуйся, смиренных благословение.
Радуйся, молние, души просвещающая;
Радуйся, громе, соблазняющияся устрашаяй.
Радуйся, окаменение сердечное умягчающая;
Радуйся, хладность душевную благодатию согревающая.
Радуйся, на стези спасения верных наставляющая;
Радуйся, претыкающихся от путей погибельных устраняющая.
Радуйся, в Кресте образом Явившаяся, и уповающих на Тя не оставляющая.

Кондак 7

Хотящи всем показати велию любовь Твою к людем православным, Богородице, предрекла еси Иоакиму святыя обители Купятицкия создание, яко да возмогут вси страстьми обореваемии обрести под покровом Чудотворнаго Образа Твоего тихое пристанище ко спасению, и Тобою вспомоществуеми сподобятся наследия Небеснаго и пения со Святыми ко Пресвятей Троице: Аллилуиа.

Икос 7

В чуднем явлении Иоакиму яви Пресвятая хотение Свое: «Зане преслушаша Волю Мою о княжне, отныне вземлется на лет сто милость Моя и чудеса от церкве сия. Обаче приидет время, и послю иныя делатели в виноградник Мой, иже непорочным житием, послушанием, постом и молитвою паки испросят церкви Купятицстей милость исцеления». В нейже благоговейно чтуще Лика Твоего в Кресте изображение, вси Тебе вопием:
Радуйся, праведником Волю Твою открывшая;
Радуйся, за грехи наши милостию нам воздавшая.
Радуйся, Всемилостивая Мати наша, нас не забывающая;
Радуйся, верным скорая Надеждо, всякия скорби избавляющая.
Радуйся, непослушныя в послушание приведшая;
Радуйся, согрешившия вечныя муки изменившая.
Радуйся, Заступнице и Утешение христиан;
Радуйся, Прибежище всех чтущих Тя.
Радуйся, в Кресте образом Явившаяся, и уповающих на Тя не оставляющая.

Кондак 8

Новая обитель православная, яко светильник в купинах Пинских созидается и сиянием Чудотворныя Купятицкия иконы Богоматере украшается, темже и твердыня и прибежище угнетенным от латин людем православным бывает, да познают вси, яко с нами Бог, Ему же поем: Аллилуиа.

Икос 8

Се вложи Господь в сердце благочестивыя Аполлонии мысль купити весь Купятицкую и воздвигнути монастырь при церкви Введения Пречистыя во храм, идеже посылаются великия милости Господа Бога Честным Крестом со образом Царицы Небесныя. И притекоша мнози иноцы в вертоград Пречистыя, яко да трудом, постом, нестяжанием и молитвами прославляют Владычицу, поя Ей таковая:
Радуйся, многих иноков призвавшая;
Радуйся, их подвигами всех удивившая.
Радуйся, дар милости исцеления возвратившая;
Радуйся, Православную Веру укрепившая.
Радуйся, Ангелов Радосте и человеков Славо;
Радуйся, верных Надеждо и обуреваемых Пристанище.
Радуйся, греховныя помыслы всемощно отгоняющая;
Радуйся, братолюбием темную злобу побеждати повелевающая.
Радуйся, в Кресте образом Явившаяся, и уповающих на Тя не оставляющая.

Кондак 9

Спасти хотящи многия люди от обдержащих их скорбей и болезней и веру Православную утвердити, всесильное заступление Твое, Владычице, во многих градех и весех на западе Руси явила еси и силу чудотворения образу Святаго Лика Твоего в Кресте даровала еси, да вси, видяще милость Твою, вопиют со умилением Богу: Аллилуиа.

Икос 9

Новый источник чудес в землех Западныя Руси явися икона Твоя Купятицкая, Владычице, точащи исцеления всем с верою притекающим: слепии бо прозирают, немии благоглаголиви бывают, глусии слышат, разслаблении возстают, различными недуги и одержимии здрави бывают, беснии демонов свобождаются. Темже славяще Тя, вопием:
Радуйся, в день нарочитый в Купятицех язву укротившая;
Радуйся, от смертоносныя проказы Фому исцелившая.
Радуйся, церковь Твою чудно осветившая;
Радуйся, Ангельское пение в ней благословившая.
Радуйся, едину Марину милостивно возвратившая;
Радуйся, другую Марину от беса свободившая.
Радуйся, от Тимофея недуг отвратившая;
Радуйся, благодарити Бога всех научившая.
Радуйся, в Кресте образом Явившаяся, и уповающих на Тя не оставляющая.

Кондак 10

Молитвами Пречистыя Богоматере ко Святей Троице явися обитель Купятицкая столп Веры Православныя, яко щитом чудотворною Твоею иконою, Владычице, от гордых латин ограждающи, многия иноки на одоление лютых напастей еретических наставила еси. Да видяще являемую Тобою милость, вопиют вси со умилением Богу: Аллилуиа.

Икос 10

Видящи Богомати токи слез и воздыхания людей Русских, от Польских князей притесненных, и осмеяние святынь православных, явилася еси Афанасию, иноку Купятицкия обители, иже со слезами моля Тя о помощи и заступлении. Ты же, Владычице, рекла еси ему: «Иди во град Москву, и тамо будет ти защита и поможение». Удивися же Афанасий и возопи: «О, Пречистая Богородице, буди со мною!» Ты же: «Иди, и Аз с тобою буду». Темже и мы благодарне вопием Ти:
Радуйся, Афанасия от людей Пинских в Москву пославшая;
Радуйся, неотступно его со диаконом Неемиею провождавшая.
Радуйся, иноков от притеснения избавившая;
Радуйся, явлением Креста Купятицкаго путь указавшая.
Радуйся, силою от иконы Твоея отрока исцелившая;
Радуйся, Наставнице и Споспешнице иноков верных.
Радуйся, Москву Твоим образом в Кресте осенившая;
Радуйся, люди Русския на защиту братий благословившая.
Радуйся, в Кресте образом Явившаяся, и уповающих на Тя не оставляющая.

Кондак 11

Богородице, христианом Ты еси милостивая Услышательница, от конец земли возносящим молитвенныя гласы: немощныя бо укрепляеши, печальныя утешаеши, страждущия посещаеши, гонимыя укрепляеши, верным дерзновение подаваеши; всех притекающих под сень Креста со образом Твоим ко спасению приводиши, и следуют Искупителю Богу, вопиюще песнь: Аллилуиа.

Икос 11

Столп огненный, Владычице, игумена обители Брестския Афанасия явила еси, укрепляюще его на защищение Православия от безумнаго прельщения латинскаго, иже и лютыя мучения за веру Православную претерпев, кровию своею землю веси Гершонския обагри. Сего ради не умолкают молитвенныя воздыхания зовущих Ти:
Радуйся, многия иноки в горниле подвигов возрастившая;
Радуйся, игумена Афанасия в час мучения укрепившая.
Радуйся, мученика сего венцем славы украсившая;
Радуйся, в Каневе мученика Макария прославившая.
Радуйся, Богородице, всех верных твердое упование;
Радуйся, Пресвятая, от напастей избавление.
Радуйся, к Сыну Твоему и Богу нашему молитвы верных возносящая;
Радуйся, о всем роде христианстем ходатайствующая.
Радуйся, в Кресте образом Явившаяся, и уповающих на Тя не оставляющая.

Кондак 12

Благодать Твою не отыми от нас, милости Источниче, якоже во дни тяжких испытаний от лютых агарян и гордых латинян услышала еси стенание и вопль православных людей Западныя Руси и благословила еси верных делателей виноградника Твоего Афанасия и Макария на защиту веры Православныя, под омофор Твой воедино землю Русскую совокупившая. Да избавленнии Тобою, воспоим Богу: Аллилуиа.

Икос 12

Видяще великия милости Твоя от лет древних и доныне не оскудевающия, хвалим Тя, Пречистая, яко непрестанную Молитвенницу и Заступницу пред Сыном Твоим и Богом, и Матернюю любовь Твою к право Тя чтущим знающе, со умилением взираем на святый образ Твой в Кресте Купятицкий, и вопием Ти:
Радуйся, в огнезрачнем свете в Купятицех явленная;
Радуйся, многими чудесы прославленная.
Радуйся, люди Русския возлюбившая;
Радуйся, веру Истинную в них сохранившая.
Радуйся, церковь Купятицкую и ныне благоукрасившая;
Радуйся, всю Церковь Российскую доныне соблюдшая.
Радуйся, неоскудно и ныне милости Твоя низпосылающая;
Радуйся, всех к Тебе прибегающих с любовию приемлющая.
Радуйся, в Кресте образом Явившаяся, и уповающих на Тя не оставляющая.

Кондак 13

О, Всепетая Мати, в Купятицех святою иконою Твоею пребывающая, приими милостивно сие малое моление наше, еже усердно принесохом Ти с верою и любовию, и умоли приснопоклоняемую Троицу помиловати страну нашу, святую же Церковь Православную в единстве сохранити, и от всяких бед рабы Твоя избавити, о Тебе вопиющия: Аллилуиа.

Этот кондак читается трижды, затем икос 1-й и кондак 1-й

Молитва ко Пресвятой Богородице пред иконою Ея «Купятицкая»

О, Преблагословенная Владычице, всемощная Заступнице, непостыдное наше Упование! Приими хвалебное и благодарственное пение нас, недостойных раб Твоих, и вознеси молитвы наша ко Престолу Сына и Бога Твоего, да милостив будет неправдам нашим, пробавит благость Свою чтущим Всечестное Имя Твое и с верою и любовию поклоняющимся чудотворному образу Твоему. Сохрани землю нашу от всякия беды, посли мир людем на земли, собери вся христианы во едино стадо право славящих Бога в Троице Единаго. Утверди нас всех в Вере Христове и в усердии к Церкве Православней. Вложи в сердца наша дух страха Божия, благочестия и смирения. В напастех терпение нам подаждь, во благоденствии воздержание, к ближним любовь, ко врагам всепрощение, в добрых делех преуспеяние. Избави нас от всякаго искушения и от окамененнаго нечувствия. В страшный день Суда сподоби нас ходатайством Твоим стати одесную Сына Твоего Христа Бога нашего. Емуже подобает всякая слава, честь и поклонение со Отцем и Святым Духом, ныне и присно и во веки веков. Аминь.

 

 

 

 

 

 

 

 

Добавить комментарий

Ваш e-mail не будет опубликован. Обязательные поля помечены *