Калужская икона Божией Матери

 

Калужская  икона  Божией  Матери

Калужская  икона  Божией  Матери  прославилась  многими  чудотворениями  и  очень  почитается  верующими  города  Калуги,  считается  покровительницей  города  и  является  главной  святыней  Калужской  епархии.  Известна  она  и  в  других  уголках  России.  Считается,  что  подлинник  ее  утерян,  имеются  три  почитаемых  списка.

Обстоятельства  явления  иконы  и  чудеса  от  нее  изложены  в  рукописном  Сказании,  хранившемся  в  библиотеке  Калужской  семинарии.  Составил  его  протоиерей  Алексей  Иоаннов  из  села  Бояновичи  Калужской  губернии.  Он  опрашивал  свидетелей  событий  обретения  образа  и  проистекших  от  него  чудес  с  1820  года  по  1834.  Первая  публикация  Сказания  вышла  в  1895  году.

История  образа:  Калужская  икона  Божией  Матери  явлена  была  необычным  образом  в  1748  году,  в  царствование  императрицы  Елизаветы  Петровны  в  селении  Калужке  Калужской  губернии.

А  произошло  это  так.  В  имении  боярина  Василия  Кондратьевича  Хитрова  две  дворовые  девушки  прибирались  на  чердаке  барского  дома.  Одна  из  них,  Евдокия  Григорьева,  девушка  легкомысленная  и  дерзкая,  вела  себя  недостойно.

Разбирая  старые  вещи  девушки  нашли  сверток  полотна,  развернув  который  они  увидели  изображение  женщины  в  темной  одежде,  подобной  монашеской,  читающей  книгу.  Девушки  решили,  что  это  игумения,  читающая  монашеское  правило.

Легкомысленная  Евдокия  стала  смеяться  над  изображенной  на  полотне  женщиной,  не  смотря  на  то  что  ее  более  разумная  подруга  пыталась  ее  остановить,  и  даже  плюнула  на  изображение.

Но,  едва  она  это  сделала,  как  начала  корчиться  в  судорогах,  на  губах  ее  выступила  пена,  она  лишилась  зрения  и  упала  в  конце  концов  без  чувств.  Ее  сняли  с  трудом  с  чердака  и  долго  пытались  привести  в  чувство,  но  ничего  не  помогало.

Евдокию  положили  подле  святых  образов  в  ожидании  ее  смерти.  В  глубокой  печали  родители  сидели  возле  своей  неразумной  дочери,  ожидая  самого  худшего.  Ночью  им  приснилась  Пресвятая  Богородица  и  стала  укорять  их  в  непристойном  поведении  дочери.

Царица  Небесная  объявила,  что  по  воле  Господа  Она  будет ходатайствовать  чрез  данный  образ  за  город  Калугу,  ему  уготовано  много  чудес  и  славы.  А  им  надлежит  объявить  об  этом  священникам  и  народу,  отслужить  молебен  у  иконы  и  окропить  святой  водой  расслабленную  дочь,  чтобы  та  получила  исцеление.

Все  было  исполнено  в  точности.  После  молебна  девушку  окропили  святой  водой,  и  она  полностью  исцелилась,  но  урок  получила  на  всю  оставшуюся  жизнь.  Калужская  икона  Божией  Матери,  как  она  с  той  поры  стала  называться,  была  вставлена  в  раму  и  определена  в  доме  боярина  на  достойное  место.

Чудотворения:  От  Калужской  иконы  Божией  Матери  стали  проистекать  множество  исцелений.  Глухой  служитель  в  боярском  доме  после  молитвы  перед  чудотворной  иконой  проспал  двое  суток  и  проснулся  совершенно  здоровым.

Излечилась  от  тяжелой  болезни  единственная  дочь  боярина.  Затем  исцелился  житель  Калуги,  лежавший  долгие  годы  в  расслаблении.  Поток  благодатных  чудес  не  иссякал.  Люди  приезжали  с  дальних  мест  со  своими  бедами  и  недугами  и  получали  облегчение. 

Боярин  передал  Калужскую  икону  Божией  Матери  в  приходской  храм  Рождества  Пресвятой  Богородицы  в  селе  Калужке.  В  1771  году  Калужская  икона  Божией  Матери  спасла  целый  город,  Калугу,  от  моровой  язвы.

По  просьбе  жителей  города  Калужская  икона  Божией  Матери  была  принесена  из  села  Калужки  в  Калугу  и  обнесена  крестным  ходом  по  улицам,  после  чего  губительная  язва  отступила.  В  воспоминание  этого  чуда  и  установлено  празднование  иконе.

Во  время  войны  с  французами  в  1812  году  много  людей  видели  Калужскую  икону  Божией  Матери  стоявшей  на  воздухе,  в  то  время,  как  французы  терпели  поражение.  Об  этом  было  доложено  императору  Александру I. 

По  его  распоряжению  и  по  благословению  Священного  Синода  было  установлено  празднование Калужской   иконе  Божией  Матери  с  крестным  ходом  вокруг  города  Калуги  в  память  спасения  города  от  нашествия  французов.

28  августа  1868  года  оптинский  старец  преподобный  Амвросий  Оптинский  (Гренков)  опасно  заболел.  Игумен  Исаакий  послал  в  село  инока  с  просьбой  принести  в  Оптину  пустынь  чудотворную  икону.  Калужская  икона  Божией  Матери  была  доставлена  в  обитель.  В  кельи  старца  был  отслужен  молебен  с  акафистом  Пресвятой  Богородице.  После  молитв  здоровье  преподобного  улучшилось.

Калужская икона Божией Матери

В  30-ых  годах  ХХ  века  храм  в  селе  Калужке  был  закрыт  и  разорен,  следы  Калужской  иконы  Божией  Матери  потерялись.  Существует  версия,  что  Калужская  икона  Божией  Матери  находилась  сначала  в  Троицком  кафедральном  соборе  города  Калуги,  затем  в  местном  краеведческом  музее.  В  послевоенные  годы  ее  возвратили  Русской  Православной  Церкви. 

В  настоящее  время  Калужская  икона  Божией  Матери  находится  в  Свято-Георгиевском  кафедральном  соборе  Калуги,  предположительно,  список,  сделанный  не  позднее  второй  половины  XVIII  века.  По  другой  версии  первообраз  был  подменен  в  то  время,  когда  с  чудотворной  иконы  делались  списки.

В  архиве  Свято-Троицкой  Сергиевой  Лавры  в  1998  году  была  найдена  Калужская  икона  Божией  Матери,  подлинник  или  список,  и  передана  при  участии  Патриарха  Алексия  II  в  1998  году  Калужской  епархии.  По  документам,  найденным  в  музее  Лавры  описание  и  размеры  иконы  не  соответствуют  переданному  из  Лавры  образу.

Кроме  того  икона  была  в  довольно  ветхом  состоянии.  Эта  икона  датируется  последней  третью  XVIII  века  и  пребывает  в  Троицком  кафедральном  соборе  города  Калуги.  Считается,  что  иконы,  пребывающие  в  Калуге  (сейчас  их  три) — это  чудотворные  списки  Калужской  иконы.   

Иконография:  Одиночное  изображение  Пресвятой  Богородицы  в  темных  одеждах  с  книгой  в  руках.  Взгляд  Божией  Матери  устремлен  к  тексту  книги.  Пресвятая  Богородица  изображена  в  темном  с  красной  разделкой  платье  и  в  синем  мафории  с  объемно  моделированными  складками,  на  устах  Ее  легкая  полуулыбка.  Из  известных  икон  Божией  Матери  улыбка  Богородицы  запечетлена  на  Вифлеемской  иконе.  

Калужская  икона  Божией  Матери  была  украшена  серебряной  позолоченной  ризой  с  драгоценными  камнями.  По  размеру  икона  имела  1  аршин  12  вершков  в  высоту  и  1  аршин  6  вершков  в  ширину  (116 х 89).

Молитвенная  традиция:  Перед  Калужской  иконой  Божией  Матери  молятся  в  болезнях  душевных  и  телесных,  от  расслабления,  глухоты,  паралича.

Празднование:  18  /  31  июля,  2  /  15  сентября,  12  /25  октября,  а  также  в  первое  воскресенье  Петрова  поста.

 

Тропарь  Пресвятой  Богородице  пред  Калужской   иконой  Божией  Матери

глас 4

Засту́пнице от враг иноплеме́нных Необори́мая Калу́жския земли́/ и Изба́вительнице от смертоно́сныя я́звы Ми́лостивая!/ Изба́ви рабы́ Твоя́ от вся́ких бед и боле́зней,/ с ве́рою и любо́вию прибега́ющия к чудотво́рней ико́не Твое́й,// и спаси́ ду́ши на́ша.

Перевод: Непобедимая Защитница Калужской земли от иноземных врагов и Милостивая Избавительница от смертоносных ран! Спаси рабов Твоих от всяких бед и болезней, с верой и любовью обращающихся к чудотворной иконе Твоей, и спаси души наши.

Кондак  Пресвятой  Богородице  пред  Калужской  иконой  Божией  Матери

глас 6

Не и́мамы пе́сней, ниже́ слове́с,/ ка́ко досто́йно восхваля́ти Тя,/ Ма́ти Христа́ Бо́га на́шего,/ явле́ния ра́ди чудотво́рныя ико́ны Твоея́ земли́ Калу́жстей,/ то́кмо мо́жем вопи́ти Тебе́:/ не отврати́ ми́лости Твоея́ от нас// и низпосли́ ю́ всем притека́ющим к цельбоно́сней ико́не Твое́й.

Перевод: У нас нет ни молитвенных песнопений, ни слов, чтобы достойно прославлять Тебя, Матерь Христа Бога нашего, за явления чудотворной иконы Твоей в Калужской земле, но только можем взывать к Тебе: «Не скрой милость Твою от нас и ниспошли ее всем обращающимся к подающей исцеления иконе Твоей».

 

Величание  Пресвятой  Богородице   пред  Калужской  иконой  Божией  Матери

Велича́ем Тя,/ Богоро́дице Де́во,/ и почита́ем чудотво́рную ико́ну Твою́,/ е́юже благоволи́ла еси́ спасти́ зе́млю Калу́жскую// от наше́ствий вра́жиих и всегуби́тельных боле́зней.

 
 
 
Молитва  Пресвятой  Богородице  пред  Калужской  иконой  Божией  Матери

О, Пресвята́я Де́во, Ма́ти Христа́ Бо́га на́шего, Ди́вная Цари́це Небесе́ и земли́! Вонми́ многоболе́зненному воздыха́нию серде́ц на́ших; при́зри с высоты́ святы́я Твоея́ на нас, с ве́рою и любо́вию предстоя́щих пред чудотво́рною Твое́ю ико́ною и со умиле́нием моля́щихся Тебе́, Влады́чице! Не преда́ждь умале́нию Це́рковь Правосла́вную, помози́ нам, Пресвята́я Богоро́дице, святооте́ческую Правосла́вную ве́ру до конца́ дней на́ших непоро́чно сохрани́ти, во всех за́поведех Госпо́дних неукло́нно ходи́ти и изба́ви ны от па́губных душевре́дных уче́ний. На Твою́, Ди́вная Цари́це Небесе́ и земли́, ми́лость упова́ем, раби́ Твои́: очи́сти умы́ на́ша от грехо́вных по́мыслов, душе́внаго разслабле́ния, обурева́ния страсте́й, от искуше́ний, собла́знов и грехопаде́ний; Ты бо еси́, Влады́чице, кре́пкое прибе́жище гре́шников ка́ющихся. Воздви́гни нас из глубины́ грехо́вныя и и́стинным покая́нием ороси́ изсо́хшая сердца́ на́ша, просвети́ серде́чная очеса́ на́ша ко зре́нию спасе́ния, и прельще́нных бесо́вскою пре́лестию на путь пра́вый наста́ви; вся́кое де́ло зло́е и богопроти́вное разруши́; вся́кому же благо́му и богоуго́дному де́лу научи́ и споспе́шествуй; вложи́, Влады́чице, в сердца́ на́ша дух стра́ха Бо́жия, дух благоче́стия, дух кро́тости, смире́ния, терпе́ния, незло́бия; умягчи́ зла́я сердца́ на́ша и ниспосли́ нам ре́вность о спасе́нии бли́жних на́ших. Вразуми́ и научи́ ны, о, Всеми́лостивая Засту́пнице на́ша, ка́ко безгре́шно ходи́ти по пути́ земна́го сего́ жития́: я́ко Ты, Пресвята́я, ве́си ве́ру на́шу, и упова́ние на́ше ви́диши. О, Влады́чице ми́ра! Скорбя́щих уте́ши, бе́дствующим помози́; сохрани́ от молниено́снаго гро́ма, тлетво́рных ветр, лю́тых боле́зней, смертоно́сныя я́звы, междоусо́бныя бра́ни, наше́ствия враго́в иноплеме́нных. О, Пресвята́я Богоро́дице! Избави́ ны от внеза́пныя и наси́льственныя сме́рти; всем нам да́руй обраще́ние на путь и́стинный и христиа́нскую кончи́ну живота́ на́шего безболе́зненну, непосты́дну, ми́рну, Святы́х Тайн прича́стну. Во вре́мя исхо́да на́шего предста́ни нам, Де́во Богоро́дице, и изба́ви ны от вла́сти бесо́вския, возду́шных го́рьких мыта́рств и огня́ ве́чнаго. Сконча́вшимся внеза́пною сме́ртию ми́лостива бы́ти Сы́на Твоего́ умоли́, и о всех усо́пших, и́же не и́мут сро́дников, о упокое́нии их Сы́на Твоего́ умоля́ющих, Сама́ бу́ди непреста́нная и те́плая Моли́твенница и Хода́таица. Преста́вльшихся же в ве́ре и покая́нии от вре́меннаго жития́ сего́ отцы́, бра́тию, ма́тери и сестры́ на́ша сподо́би Твои́м хода́тайством всели́тися во оби́телех Небе́сных со А́нгелы и со все́ми святы́ми, иде́же непреста́нно гла́сы пра́зднующих и ра́достно сла́вящих Пресвяту́ю Тро́ицу, Отца́, и Сы́на, и Свята́го Ду́ха, ны́не и при́сно и во ве́ки веко́в. Ами́нь.

БОГОСЛУЖЕНИЯ

Минея. 2-е сентября. Празднование Пресвятей Богородице, ради иконы Ея, именуемыя «Калужская»
 
 
АКАФИСТ    Пресвятой  Богородице  пред  Калужской  иконой  Божией  Матери

Кондак 1

Возбранной Воеводе, пренепорочней Деве Богородице, земли Калужския избавительнице, хвалебныя песни приносим Ти, раби Твои, яко иконы Твоея явлением даровавшей нам стража неусыпна. Ты же моления нашего, пред иконою Твоею возносимаго, не отвержи, но защити ны, Владычице от всех врагов видимых и невидимых и избави ны от всяких болезней душевных и телесных, да во умилении сердца зовем Ти:

Радуйся, Владычице, милость Свою нам и заступление являющая.

Икос 1

Ангелов множество славят Тя, Царицу всех и Богородицу, Ты бо исполнила еси радости сердца наша явлением нам чудотворныя иконы Твоея в Тинкове и чудесы во храме имене Рождества Твоего в веси Калужке; сей убо иконе Твоей поклоняющеся, Тебе, богоизбранная Дево, моление возносим, со страхом и любовию глаголюще:

Радуйся, от патриархов прообразованная и от пророков предвозвещенная; радуйся, рождшая Агнца, вземшего грехи мира.

Радуйся, Адама и Еву от древняго проклятия свободившая; радуйся, чудотворною иконою Твоею всю землю Калужскую озаряющая.

Радуйся, икону Твою во знамение милости нам давшая; радуйся, яко на икону Твою взирающе, Самой Тебе, истинней Богородице, покланяемся.

Радуйся, Владычице, милость Свою нам и заступление являющая.

Кондак 2

Видяще начертание лика Твоего, девица Евдокия в развращении сердца своего дерзновенно оплеванием поругася ему, не ведущи, яко сей Твой лик есть, Пресвятая Дево; Ты же вразумления ради наказала еси ю разслаблением всего телесе, смягчением руку и ногу, ослеплением очию и отъятием языка, и сим показала еси, яко начертание лика сего есть икона Твоя чудотворная, да вси людие вопиют к рождшемуся от Тебе Богу Слову: Аллилуиа.

Икос 2

Разум человеческий не может постигнути великаго Твоего милосердия, Пресвятая Богородице, яко искреннее покаяние болящия девицы прияла еси и совершенное исцеление ей даровала еси, да молитву приносит пред иконою Твоею, взывающи сице:

Радуйся, лествице небесная, Иаковом предвиденная; радуйся, тайну воплощения Божия, от веков в Бозе сокровенную, открывшая.

Радуйся, ведущим брань противу мира и диавола добрая споспешнице; радуйся, от грехопадений наших, имже несть числа, избавляющая.

Радуйся, яко призывающии имя Твое от падения страстнаго восташа; радуйся, благодатное безстрастие ищущим его усердно подающая.

Радуйся, Владычице, милость Свою нам и заступление являющая.

Кондак 3

Силою, данною Ти свыше, чудотворную Твою икону, Пречистая Богородице, даровала еси нам в знамение милости Твоея, являющися родителем тоя девицы, и рекла еси им: Буду ходатайствовати о граде Калуге и о всех людех страны сея. Мы же, взирающе на икону Твою и множество чудес, от нея изливающихся, видяще, с радостию к ней припадаем и из глубины сердца благодарим Тя, дивную заступницу, взывающе Богу: Аллилуиа.

Икос 3

Имущи о Церкви Христовой попечение и видевши, яко посреде обителей земли Калужския живут людие неции, святыя Христовы Церкве отвергшиися, Пресвятая Богородице, непременное желание изрекла еси, да вси чтут Православную Церковь. Родителем же тоя девицы повелела еси, да совершено будет молебствие пред Твоею иконою со освящением воды и да окропит иерей ею дщерь их, болезнию пораженную, яко да исцелеет от недуга своего. Нас же спаси, Госпоже Богородице, верою и любовию воспевающих Ти:

Радуйся, в защиту Церкве Православныя чудеса показующая; радуйся, хулителей православныя веры невидимо наказующая.

Радуйся, православныя веры ограждение и утверждение; радуйся, крепкая стено Церкве Православныя.

Радуйся, святителей веселие и благоговейных иереев похвало; радуйся, иноков и инокинь благочестивых изрядная покровительнице и обителей их неусыпная блюстительнице.

Радуйся, Владычице, милость Свою нам и заступление являющая.

Кондак 4

Бурю напастей провидя, угрожавших краю нашему от озлобления Наполеона, устремившагося на землю Калужскую, святитель Евлампий моляшеся пред Твоею иконою, Богородице, о избавлении града Калуги и всея ея области от врагов, весть же прием, яко войско вражие поражено бысть на реце Чернушце, благодарственно Спасу Христу возопи: Аллилуиа.

Икос 4

Слышавше милость Твою, Богородице, чрез Твою икону на поле брани близ веси Тарутина нам низпосланную, егда явила еси ю на воздусе иноплеменником, якоже свидетельствоваша плененнии от них, и тако даровала еси победу воем российским, радуемся о Твоей, Владычице, помощи и со упованием воспеваем Ти сице:

Радуйся, купино неопалимая, боговидцем Моисеем предзримая; радуйся, от потопа греховнаго нас спасшая.

Радуйся, кадильнице златая, яко фимиам благоуханный, молитвы Твоя к Богу, Сыну Твоему, присно возносящая; радуйся, праведно движимый гнев Божий на ны молением Своим скоро утоляющая.

Радуйся, яко явлением на воздусе иконы Твоея страх и трепет нападе на враги иноплеменныя; радуйся, яко явлением иконы Твоея во время брани победу российской рати подала еси.

Радуйся, Владычице, милость Свою нам и заступление являющая.

Кондак 5

Боготечная звезда явилася еси нам, Богородице, смыслы наша озаряющая и на путь спасительный наставляющая, врагом же нашим была еси, яко молния, устрашающая их и отражающи от нас, егда Наполеон, поразив близ града Малоярославца рать нашу, понуди ю отыти ко граду Калуге, сам же, услышав сие по Твоему милостивому, Заступнице, повелению, неверным же неведомыя ради вины, вместо еже ко граду Калуге ити, иде по пути, егоже сам разори и опустоши, ко граду Гжатску, и тако рать свою погуби. Сего ради, Твое крепкое заступление ведуще, со умилением глаголем Богу: Аллилуиа.

Икос 5

Проявивши велию любовь к людем, живущим в стране Калужстей, Пресвятая Богородице, землю нашу сохранила еси и множество врагов, обышедших ю, далече от нея отгнала еси, сии же врази наши уведеша, коль крепка есть помощь Божия Матере. Мы же, Твое всемощное заступление, нам бывшее, добре ведуще, в радости сердца воспеваем Ти сице:

Радуйся, клеще таинственная, Исаием провиденная; радуйся, примирение наше с Богом соделавшая.

Радуйся, Спасителя падшему человечеству рождшая; радуйся, в годину брани помощию Твоею уповающих на Тя не оставляющая.

Радуйся, всемощным заступлением Твоим от меча иноплеменных нас избавляющая; радуйся, без пролития крове одоление православным воем даровавшая.

Радуйся, Владычице, милость Свою нам и заступление являющая.

Кондак 6

Проповедница богознаменитаго чудесе явися некая жена во граде Боровске, юже врачеве никакоже возмогоша исцелити, и рекоша, яко надлежит ей не по мнозе времени умрети. Она же, веру имущи, яко сила Божия всемогущая есть, не закосне просити, да в веси Калужке пред Твоею, Богородице, иконою совершено будет о здравии ея молебствие, и по вере своей абие от недуга своего исцелена бысть. Темже и мы, благодарственно прославляюще Бога, вопием Ему: Аллилуиа.

Икос 6

Возсияла еси икона Твоя, Богородице, чудеснаго исцеления ради жены, живущия во граде Боровске, даже и посреде жителей его, в расколе пребывающих, сего ради и синклит градский, в немже по преизбыточеству бяху людие, в расколе упорствующии, устави, да будет совершено на стогнах града молебное пение пред Твоею иконою, яже принесена бысть во град сей, прежде же николиже в онь бяше приносима. Темже, яко благая Владычица, научи ны разумети промышление Божие о спасении людей, да взываем Ти радостно:

Радуйся, двере, Иезекиилем прореченная; радуйся, вочеловечению Единаго от Святыя Троицы непорочно послужившая.

Радуйся, рождением Сына Твоего спасение миру являющая; радуйся, с верою имя Твое призывающих от смерти спасающая.

Радуйся, раскольников на путь благий обращающая; радуйся, яко божественную веру прославила еси, прелесть же раскола посрамила еси.

Радуйся, Владычице, милость Свою нам и заступление являющая.

Кондак 7

Хотящи возгрети в сердцах людей страны Калужския любовь к иконе Твоей, Заступнице наша, токи чудес изливаеши от Твоея иконы: молитвою бо, к Тебе возносимою, глухому внезапу слух даровася, ослепшему зрение открыся, разслабленному крепость во удесех его возвратися, здравие душею страждущей и бесом одержимей дадеся, люте болящей и врачми оставленней житие во здравии на многая лета продолжися; темже и мы, с любовию к иконе Твоей припадающе и прославляюще Бога, вопием Ему: Аллилуиа.

Икос 7

Необоримая еси ограда, охраняющая ны от всяких болезней душевных и телесных, Пресвятая Богородице, и заступающая всех, к Тебе прибегающих с молитвою. Темже и мы, припадающе к иконе Твоей, молим Тя, Владычице: от всяких болезней душевных и телесных избави ны, вопиющия Ти из глубины сердца:

Радуйся, солнце селения Христова, Псалмопевцем предъявленное; радуйся, рождшая Избавителя, беззакония наша туне очищающаго.

Радуйся, стамно пресвятая, в нейже алчущим правды соблюдается Хлеб жизни вечныя; радуйся, яко всякия болезни душевныя и телесныя милостивно врачуеши с верою к чудотворней Твоей иконе приходящих.

Радуйся, болезнующих, оставленных врачми, от смерти избавляющая; радуйся, яко молитвами Твоими престают тлетворнии ветри и смертносныя язвы.

Радуйся, Владычице, милость Свою нам и заступление являющая.

Кондак 8

Великое и уму человеческому неудобопостижимое чудо явила еси, Владычице мира, егда внезапу исцелила и укрепила еси в трезвенном житии некую жену, в области града Жиздры живущую, яже пиянству предана бе; совестию своею терзашеся, яко страстию порока порабощена бысть, и сея ради вины обратися с верою к Тебе, Владычице, молящися пред Твоею иконою и от Тебе исцеление желающи получити. Сего ради и мы, на милость Твою уповающе, восхваляем Твое милосердие, взывающе Богу: Аллилуиа.

Икос 8

Видят и слышат жители Калужския земли новую купель Силоамскую, паче оныя древния явльшуюся, Пресвятая Богородице, в храме Рождества Твоего в веси Калужке, в немже покланяются чудотворней иконе Твоей; не единожды бо в лето и не точию первее входяй здравие приемлет, но выну всяк недуг врачуеши всех с верою к Тебе прибегающих. Сего ради вопием Ти:

Радуйся, Еяже ради ад стенет и дуси злобы трепещут; радуйся, Еяже ради врата рая всем нам отверзаются.

Радуйся, помощь Твою святую благовременно подающая всякой душе, верно Тебе молящейся; радуйся, от страсти к пиянству обратившихся к Тебе с молитвою избавляющая.

Радуйся, от рова погибельнаго безнадежных извлачающая; радуйся, притекающих к покрову Твоему сладкое успокоение.

Радуйся, Владычице, милость Свою нам и заступление являющая.

Кондак 9

Вси гордынею одержимии страх Божий скоро забывают. Сице две жене, в стране Калужстей живущии, гордынею преисполненнеи, ясно являста сомнение свое, яко икона Твоя цельбоносна есть, Владычице, и сим толико прогневаста Бога, яко праведным судом Его тяжкими недуги наказание прияша. Мы же, таковое вразумление видяще, с любовию покланяемся Твоему образу, взывающе Богу: Аллилуиа.

Икос 9

Витии века сего отрицают поклонение иконе Твоей, Пречистая Дево, не разумеют бо в своем суемудрии, яко честь, иконе воздаваемая, на первообразное восходит. Мы же, не токмо сие ведуще, но и благодеяния, иконою Твоею нам являемая, видевше, душею радующеся, Тебе, Богородице, глаголем:

Радуйся, стамно всезлатая, в нейже плоть и кровь божественнаго Агнца уготовашася; радуйся, трапезо святая, хлебом жизни нас питающая.

Радуйся, суетную мудрость нечестивых витий посрамляющая и ослепленных ею на путь правый наставляющая; радуйся, яко по благостыне Своей угашаеши в нас огнь нечестия пламенем огня божественнаго.

Радуйся, вразумляющая знаменьми и чудесы колеблемых в вере; радуйся, Богоблагодатная, страх Божий и смирение в сердца наша вселяющая.

Радуйся, Владычице, милость Свою нам и заступление являющая.

Кондак 10

Спасти хотящи люди, покланяющияся Твоей иконе, от бед, благоволила еси, Богородице, явитися некоей девице, в Лужецком, близ града Можайска, монастыре жительствовавшей, и предварити, да не имать общения с женою развращенною, и тем сохранила еси ю от грядущия беды. Темже и мы прославляем Господа Бога, давшего благодать таковую иконе Твоей, и вопием Ему: Аллилуиа.

Икос 10

Стена еси крепкая, ограждающая род человеческий от бед, Пресвятая Богородице, и скорую помощь являеши от Твоея иконы всем чтущим ю во градех, весех и обителех. Сего ради и мы, осеняемии Твоим, Богомати, заступлением, на Твой взирающе пречистый образ, молим Тя, да избавиши ны от всяких клевет, бед и скорбей, вопиющих Ти:

Радуйся, явльшая миру обетованнаго Сокрушителя главы змиевы; радуйся, радость вечную, Спасителя миру, рождшая.

Радуйся, рождением Сына Божия двери царствия Христова нам отверзшая; радуйся, казнь Божию за беззакония наша от глав наших отклоняющая.

Радуйся, любящих и чтущих Тя от всяких бед и скорбей избавляющая; радуйся, радосте всего мира, Еюже слезы скорбящих отъемлются.

Радуйся, Владычице, милость Свою нам и заступление являющая.

Кондак 11

Пение непрестанно приношаше Ти, Пресвятая Богородице, некий житель Жиздринския веси, с верою пред Твоею иконою моляше, да даруеши ему дщерь. Ты же, Богородице, благоволила еси вняти мольбам его и даровала еси ю ему. Мы же, зряще на Твою икону и видяще токи чудес, от нея изливаемыя, благая Богородительнице, из глубины сердца благодарим Тя, Царицу нашу дивную, воспевающе Богу: Аллилуиа.

Икос 11

Светлыми лучами чудес икона Твоя сияет, Богомати Пречистая, и прогоняет всякое вражие действо силою Божиею, от нея исходящею; темже и мы, грешнии, имуще таковое знамение Твоего к нам благоволения, радуемся, глаголюще: О Пресвятая Богородице! Умоли Господа, да спасет ны имиже весть судьбами, да не погибнем в нераскаянии о наших грехопадениих, и услыши похвалы сия, Тебе возносимыя:

Радуйся, Творца небесе и земли безсеменно воплотившая; радуйся, осенением святыя иконы Твоея всякое вражие действо от нас отгоняющая.

Радуйся, прошения наша на пользу исполняющая; радуйся, неоскудеваемый источниче благословений и милостей Божиих к людем Твоим.

Радуйся, благочестивых супружеств незримое ограждение; радуйся, молитв ради усердных плод безчадным низпосылающая.

Радуйся, Владычице, милость Свою нам и заступление являющая.

Кондак 12

Благодать умиления молитвеннаго от Твоея, Владычице, иконы источаемая, да исполнит души наша, аще грех ради в безчувствие впадаем. Пробуди наше душевное усыпление, да не погибнем люте без покаяния, и приими нас в вечныя кровы, Богородительнице, да, радующеся, поем Богу, Тобою нас спасающему: Аллилуиа.

Икос 12

Поюще чудеса, являемая от Твоея иконы, Мати Христа Бога нашего, и припадающе к ней, молим Тя, Владычице: буди нам защищение в день кончины нашея, егда имамы предстати на суд пред страшным престолом славы Сына Твоего, Господа нашего, да вопием Ти:

Радуйся, от власти лютаго миродержца уповающих на Тя избавляющая; радуйся, гнев Божий от рода православнаго отводящая.

Радуйся, благую христианскую кончину ублажающим Тя подающая; радуйся, славящих Тя на воздушных мытарствах заступающая.

Радуйся, заступнице усердная рода православнаго и крепкая надеждо вечнаго его спасения; радуйся, отверзающая райския двери православному роду, присно Тя блажащему.

Радуйся, Владычице, милость Свою нам и заступление являющая.

Кондак 13

О всепетая Мати Христа Бога нашего! Приими милостивно сие моление наше, еже принесохом пред Твоею иконою, и в час смертный явися нам Сама, Пречистая, простирающи руку помощи, отгоняющи духи злобы, ищущия поглотити души наша при разлучении от телесе, и умоли приснопокланяемую Троицу избавити ны мучения вечнаго, да предстательством Твоим наследуем Царствие Небесное и сподобимся со святыми пети Богу: Аллилуиа.

Этот кондак читается трижды, затем 1-й икос «Ангелов множество …» и 1-й кондак «Возбранной Воеводе …».

Молитва

О Пресвятая Дево, Мати Христа Бога нашего, дивная Царице небесе и земли! Вонми многоболезненному воздыханию сердец наших; призри с высоты святыя Твоея на нас, с верою и любовию предстоящих пред чудотворною Твоею иконою и со умилением молящихся Тебе, Владычице! Не предаждь умалению Церковь Православную, помози нам, Пресвятая Богородице, святоотеческую православную веру до конца дней наших непорочно сохранити, во всех заповедех Господних неуклонно ходити и избави ны от пагубных душевредных учений.

На Твою, дивная Царице небесе и земли, милость уповаем раби Твои: очисти умы наша от греховных помыслов, душевнаго разслабления, обуревания страстей, от искушений, соблазнов и грехопадений; Ты бо еси, Владычице, крепкое прибежище грешников кающихся. Воздвигни нас из глубины греховныя и истинным покаянием ороси изсохшая сердца наша, просвети сердечная очи наша к зрению спасения и прельщенных бесовскою прелестию на путь правый настави; всякое дело злое и богопротивное разруши, всякому же благому и богоугодному делу научи и споспешествуй; вложи, Владычице, в сердца наша дух страха Божия, дух благочестия, дух кротости, смирения, терпения, незлобия; умягчи злая сердца наша и злыя благи сотвори, низпосли нам ревность о спасении ближних.

Вразуми и научи ны, о Всемилостивая Заступнице наша, како безгрешно ходити по пути земнаго сего жития, яко Ты, Пресвятая, веси и веру нашу, и упование наше видиши, Владычице мира! Скорбящих утеши, бедствующим помози; сохрани от молниеноснаго грома, тлетворных ветр, лютых болезней, смертоносныя язвы, междоусобныя брани, нашествия врагов иноплеменных.

Пресвятая Богородице! Избави ны от внезапныя и насильственныя смерти; всем нам даруй обращение на путь истинный и христианскую кончину живота нашего, безболезненну, непостыдну, мирну, Святых Таин причастну. Во время исхода нашего предстани нам, Дево Богородице, и избави ны от власти бесовския, воздушных горьких мытарств и огня вечнаго. Скончавшимся внезапною смертию милостива быти Сына Твоего умоли и о всех усопших, иже не имут сродников, о упокоении их Сына Твоего умоляющих, Сама буди непрестанная и теплая молитвенница и ходатаица. Преставльшияся же в вере и покаянии от временнаго жития сего отцы, братию и сестры наша сподоби Твоим ходатайством вселитися во обителех небесных со ангелы и со всеми святыми, идеже не престают гласи празднующих и радостно славящих Пресвятую Троицу, Отца и Сына и Святаго Духа, ныне и присно и во веки веков. Аминь.

 

 

Добавить комментарий

Ваш e-mail не будет опубликован. Обязательные поля помечены *