Оковецкая Ржевская икона Божией Матери

Оковецкая Ржевская икона

Оковецкая  Ржевская  икона  Божией  Матери,  именуемая  в  некоторых  источниках  «Оковицкой»,  а  также  «Прозрение  очес»  получила  свое  название  по  месту  своего  явления  в  Оковецкой  волости  недалеко  от  города  Ржева.  Явила  она  такое  количество  чудес  сразу  после  обретения,  что  не  поспевали  их  все  записывать.

История  образа:  26  мая  1539  года  в  далеком,  глухом  уголке  России  бывший  пономарь  деревни  Клочки  Оковецкой  волости  Ржевского  уезда  Тверской  губернии  Иван  и  его  родной  дядя  Ермолай  обнаружили  на  Вырышенском  городище  прибитый  к  сосне    крест  длиной  около  аршина  и  небольшую  икону  Божией  Матери  старинного  письма.

Взять  икону  они  не  решились  и  пошли  за  священником  в  соседнее  село  Спасов  Погост.  Не  застав  священника  дома,  они  пригласили  живущего  там  инока  Селикарова  монастыря  Стефана.  Весть  о  новоявленной  иконе  уже  разнеслась  среди  местных  жителей.  Произошло  это  в  день  Сошествия  Святого  Духа.

Стефан  в  сопровождении  толпы  около  ста  человек  отправился  на  Вырышенское  городище,  где  и  увидел  образ  Пресвятой  Богородицы  и  крест.  Когда  он  снял  икону  с  дерева,  послышался  шум,  как  от  сильного  ветра,  а  икона  начала  светиться  дивным  светом,  и  тут  же  среди  присутствующих  исцелилось  несколько  человек.

В  городище  прибыл  священник  Неклюд  Остафьев,  совершил  здесь  молебен  с  водосвятием.  От  иконы  Богоматери  стали  изливаться  обильные  чудеса,  которые  записывались  и  были  включены  в  доклад  высшим  духовным  и  светским  властям.

Стефан  повез  это  донесение  в  Москву,  а  чудотворения  от  иконы  продолжали  совершаться.  Пока  в  Москве  совещались,  количество  исцелений  достигло  150  и  продолжало  дополняться  новыми  и  новыми  чудесами.  В  Москву  отправили  новый  доклад  со  священником  города  Ржева  Григорием  Онисифоровым.

Все  эти  сведения  были  представлены  царю  Иоанну  Грозному,  который  направил  на  место  явления  иконы  комиссию  для  расследования  чудотворений,  но  они  не  прекращались  и  продолжали  обильно  истекать  от  образа  и  креста  во  время  пребывания  комиссии,  так  что  расследовать  что-то  не  потребовалось.

Оковецкая Ржевская икона Божией Матери
Оковецкая Ржевская икона Божией Матери и Крест

Царь  после  совещания  с  митрополитом  отдал  повеление  воздвигнуть  храм  на  месте  явления  иконы  во  имя  Смоленской  иконы  Божией  Матери  Одигитрии  с  приделом  в  честь  святителя  Николая  Чудотворца,  а  на  месте  явления  креста  воздвигнуть  другой  храм  во  имя  Происхождения  Честных  Древ.

Деревья,  на  которых  святыни  были  обретены,  царь  наказал  спилить  и  на  пнях  поставить  престолы  новосоздаваемых  церквей.  Все  было  исполнено  в  кратчайшие  сроки.  Храмы  вскоре  были  освящены,  а  чудесные  исцеления  продолжали  совершаться.

Чудотворная  Оковецкая  Ржевская  икона  Божией  Матери,  по  приказу  царя,  была  отправлена  в  Москву,  где  ее  торжественно  встретили  при  огромном  стечении  народа,  священства,  бояр.  Поместили  святыню  в  Успенском  соборе  Кремля.  В  Москве  святая  икона  ознаменовала  себя  новыми  чудесами.

Оковецкая икона

Оковецкая  Ржевская  икона  Божией  Матери  и  крест  оставались  в  Москве  до  11  июля,  с  иконы  был  сделан  список  для  церкви  Ржевской  иконы  Пресвятой  Богородицы  на  Тверской  улице  у  Пречистинских  ворот.  Затем  святыни  с  той  же  торжественностью  были  отпущены  обратно.

Недалеко  от  места  обретения  иконы  и  креста  забил  целебный  источник,  который  в  советское  годы  засыпали  строительным  мусором.  В  настоящее  время  он  расчищен  и  находится  на  территории,  приписанной  к  мужскому  монастырю  «Нило — Столобенская  пустынь».

Ежегодно  24  июля  по  новому  стилю  в  храме  на  святом  источнике  совершается  архиерейская  Божественная  литургия,  после  которой  верующие  окунаются  в  живительные  воды  Оковецкого  ключа.  Из  родника-колодца  мощным  потоком  льется  исцеляющая  вода,  которая  поступает  в  специально  оборудованные  купели,  расположенные  одна  ниже  другой.

Оковецкая  Ржевская  икона  Божией  Матери  именуется  верующими  «Прозрение  очес»,  так  как  очень  многие  страждующие  глазными  болезнями  и  слепотой  получили  исцеление  по  молитвам  пред  чудотворным  образом,  а  также  после  купания  в  целебном  источнике,  людской  поток  к  которому  не  иссякает.

Оковецкая Ржевская икона Божией Матери
Оковецкая Ржевская икона Божией Матери (современный список)

Чудотворная  Оковецкая  Ржевская  икона  Божией  Матери  оставалась  в  селе  Оковцы  Селижаровского  района  Тверской  области  в  храме  до  1930  года,  пока  храм  не  опечатали  вместе  с  находящимися  там  святынями.  Когда  же  храм   открыли,  спустя  некоторое  время,  святынь  там  не  оказалось.

В  1991  году  была  написана  новая  икона  по  старинным  спискам  с  чудотворной  Оковецкой  Ржевской  иконы  Божией  Матери  в  духе  древнего  рублевского  иконописного  стиля,  которая  находится  в  кафедральном  соборе  города  Ржева  в  честь  иконы  Божией  Матери  «Оковецкая».

Оковецкая  Ржевская  икона  Божией  Матери,  эта  чудная  святыня  Ржева,  по-прежнему  пользуется  огромным  почитанием  верующих.  Паломники  с  дальних  и  ближних  мест  стекаются  сюда,  чтобы  приложиться  к  святыне,  помолиться  и  испросить  себе  облегчение  в  болезнях  и  прочих  немощах.

Храм в честь Оковецкой иконы
В этом храме пребывает Оковецкая Ржевская икона Божией Матери

Иконография:  Иконографический  тип — Одигитрия.  На  иконе  изображена  Богоматерь  с  Божественным  Младенцем    на  левой  руке.  Богомладенец  стоит  на  коленях  Богоматери,  Которая  прикрывает  Его  ноги  Своим  омофором.  По  левую  сторону  от  Нее  изображен  святитель  Николай  Чудотворец.

Молитвенная  традиция:  Перед  Оковецкой  Ржевской  иконой  Божией  Матери  молятся  об  избавлении  от  различных  телесных  и  душевных  недугов,  при  болезнях  глаз  и  слепоте,  при  глухоте,  а  также  о  помощи  в  пути.

Празднование:  11  /  24  июля.

АКАФИСТ    ПРЕСВЯТОЙ    БОГОРОДИЦЕ   

в  честь  иконы   Ея  «Оковецкой»,  именуемой  «Прозрение  очес»

Тропарь, глас 4

Возсия нам на древе, яко солнце светозарное, чудотворная икона Твоя, Владычице Богородице, озаряющи преславно чудес сиянием всех с верою и любовию к ней притекающих. Небесныя Силы сему радуются и души праведных духовно торжествуют, мы же взываем к Тебе, Пречистая: моли за ны рождшагося от Тебе Христа Бога нашего и матерним к Нему предстательством избави нас от всякаго зла, недуги наша исцели, душевныя и телесныя очи просвети, печали наша утоли и наследники нас Небеснаго Царствия яви, яко любвеобильная Мати.

Кондак, глас 4

Чудотворней Твоей иконе, Владычице Богородице, всеблагоговейно покланяемся и лобызаем ю: подаеши бо тою исцеления, здравие же и крепость душам и телесем, избавляеши грады и веси от всякаго зла и спасаеши люди к Тебе притекающия, Дево Мати Всепетая.

Кондак 1

Взбранной Воеводе, Небесе и земли Царице, милостивно икону Свою пречудную нам даровавшей благодарственное приносим пение. Ты же, Преблагословенная, Сына Твоего о нас умоли и от всяких бед избави, да со умилением поем Ти: Радуйся, Владычице, душевныя и телесныя очи наша исцеляющая.

Икос 1

Архангел и Ангел множество Тя, честнейшую Херувим и славнейшую без сравнения Серафим, небесными гласы непрестанно величают. Мы же, ангельстей песни подражати дерзающе, умиляемся о Твоих благодеяниих, на нас бывших, и зовем Ти сице:

Радуйся, от Архангел и Ангел восхваляемая.

Радуйся, от всех Небесных Сил ублажаемая.

Радуйся, Богоизбранная Отроковице.

Радуйся, Троическаго Совета Таиннице.

Радуйся, крине благовонный девства и чистоты.

Радуйся, образе несказанный небесныя славы.

Радуйся, Владычице, душевныя и телесныя очи наша исцеляющая.

Кондак 2

Видящи икону Пресвятаго лика Твоего и Крест, иже на древесах обретени быша, людие зело удивишася: возсия бо свет неизреченный от святыни Твоея, и мнози болящии исцелишася от недугов своих. Мы же, преклоняяся пред образом Твоим честным, во умилении сердечнем поем Богу: Аллилуиа.

Икос 2

Разум подаждь нам, Всесвятая Владычице, да к Тебе прибегаем в находящих на нас лютых скорбех, Ты бо крепость наша, и утверждение, и от врагов защищение, и, яко Благая, не остави нас во обстоянии сущих, но помози нам, взывающим сице:

Радуйся, обидимых Покровительнице.

Радуйся, изнемогающим скорая Помощнице.

Радуйся, бедствующих покрывающая.

Радуйся, страждущих утешающая.

Радуйся, обуреваемых тихое пристанище.

Радуйся, погибающих чудное спасение.

Радуйся, Владычице, душевныя и телесныя очи наша исцеляющая.

Кондак 3

Силою свыше укрепи нас, Пресвятая Дево Богородице, приклонися к мольбам нашим, избави нас от всех бед и скорбей и видимыя и невидимыя враги отжени от нас, да, спасаеми Тобою, Сыну Твоему и Богу вопием: Аллилуиа.

Икос 3

Имущи непостижимую любовь к роду человеческому, Богородительнице, призри на нас милостивным Твоим оком и печали наша на радость преложи: Ты бо еси всесильная христианом Помощница, просвещение и избавление, слава и похвала; сего ради поем Тебе таковая:

Радуйся, дивная о нас пред Богом Заступнице.

Радуйся, теплая о нас пред Ним Молитвеннице.

Радуйся, раю сладости небесныя.

Радуйся, вертограде Христов благоуханный.

Радуйся, милосердие нам являющая.

Радуйся, явлением честныя иконы Твоея тьму лютых обстояний от нас отгоняющая.

Радуйся, Владычице, душевныя и телесныя очи наша исцеляющая.

Кондак 4

Бурею страстей потопляемых спасаеши, Преблагословенная, и победу на враги видимыя и невидимыя даруеши с верою и любовию притекающим ко святей иконе Твоей, да уведят вси, яко Ты еси воистину Заступница рода христианскаго и восхвалят матерния щедроты Твоя, воспевая Богу: Аллилуиа.

Икос 4

Слышаще о чудесех Твоих предивных, Пресвятая Дево, и сия воочию зряще, воздвигоша людие храмы Божия на месте явления Креста Господня и иконы Твоея чудныя, да вси приходящии на место сие, Тобою избранное, обрящут зде тихое пристанище и скорую помощь от Христа Спаса нашего Твоим ходатайством и заступленим. Сего ради зовем Ти сицевая:

Радуйся, звездо незаходимая.

Радуйся, свеще неугасимая.

Радуйся, иночествующих утешение и отрадо.

Радуйся, жен похвало и девствующих славо.

Радуйся, рая краснейшая.

Радуйся, утра светлейшая.

Радуйся, Владычице, душевныя и телесныя очи наша исцеляющая.

Кондак 5

Боготечней звезде подобна святая икона Твоя Оковецкая, благоволением Твоим, Владычице, христоименитым людем явленная; сего ради вси притекающии к Тебе со усердием моления о нуждах своих и скорбех пред нею приносят и, скорую помощь от Тебе приемлюще, с радостию велиею вопиют Сыну Твоему и Богу: Аллилуиа.

Икос 5

Видевше вернии людие, яко недалече от места явления чудотворнаго образа Твоего благоволила еси, Владычице, открыти благодатный источник воды целебныя, идеже дары милости Твоея неоскудно подаеши всем с верою приходящим, подвизая благодарственно пети Тебе сице:

Радуйся, икону Твою в помощь нам даровавшая.

Радуйся, знаменьми и чудесы сию прославившая.

Радуйся, живоносный источник явити благоволившая.

Радуйся, водою от него истекающею верных исцеляющая.

Радуйся, пред Господем и Сыном Твоим наша Молитвеннице.

Радуйся, всего рода человеческаго всемощная Заступнице.

Радуйся, Владычице, душевныя и телесныя очи наша исцеляющая.

Кондак 6

Проповедует Святая Церковь милости и чудеса Твоя, Богородительнице, от святыя иконы Твоея Оковецкия бываемая, на ней же зрим Тя, на руку Твоею держащую Богомладенца Христа, и святителя и чудотворца Николая, Тебе предстоящаго, егоже молитвами спасай нас от всяких бед и скорбей, вопиющих Сыну Твоему и Богу: Аллилуиа.

Икос 6

Возсия благодать неизреченная от цельбоноснаго образа Твоего, Пресвятая Дево, сердца наша радости и веселия исполняя. Сего ради, притекающе с верою к чудному образу Твоему, со упованием взываем Ти таковая:

Радуйся, яко скорбь нашу в радость претворяеши.

Радуйся, яко сладость неизреченную в души наша изливаеши.

Радуйся, мира душевнаго Подательнице.

Радуйся, в печалех сущих Утешительнице.

Радуйся, всех верных утверждение.

Радуйся, заблуждающихся доброе вразумление.

Радуйся, Владычице, душевныя и телесныя очи наша исцеляющая.

Кондак 7

Хотящи явити токи чудес от святыя иконы Твоея Оковецкия, повелела еси, Пречистая, в нуждах и в печали сущим молебная пения пред тою совершати, и получившим исцеление – проповедати милости и щедроты Твоя, ради тоя иконы явленныя, да благодарственно вопиют Богу: Аллилуиа.

Икос 7

Дивна и преславна дела Твоя, Богородице Дево: всем бо с прилежною молитвою пред цельбоносною иконою Твоею припадающим вся благая по коегождо потребе и в меру веры и любве подаеши. Сего ради, пред образом Твоим святым молящеся, со умилением поем Ти:

Радуйся, душ наших освящение.

Радуйся, ран душевных и телесных исцеление.

Радуйся, чаше, черплющая всему миру радость.

Радуйся, источниче, изливающий вечную сладость.

Радуйся, храмов наших первейшее украшение.

Радуйся, домов христианских благословение.

Радуйся, Владычице, душевныя и телесныя очи наша исцеляющая.

Кондак 8

Дивно икону Твою Оковецкую явила еси, Владычице, чрез сию людем немощным исцеления подавати благоволивши, обаче не токмо телесныя врачевания, но и скорбящим утешение, падающим востание, заблуждшим духовное прозрение и иныя тмочисленныя благодеяния милостивно подаеши всем с верою и упованием к Тебе притекающим и Сыну Твоему поющим: Аллилуиа.

Икос 8

Всеми вышними и нижними владычествуя Господь, Тебе, Матерь Свою, дарова нам во отраду и утешение, в защиту и укрепление и в вере утверждение, да под благим водительством Твоим непреткновенно житие сие земное прейдем и Царствия Небеснаго достигнем, поюще Ти таковая:

Радуйся, Небесе и земли Царице.

Радуйся, мира Горняго и дольняго Владычице.

Радуйся, православных верная Хранительнице.

Радуйся, душ святых мудрая Украсительнице.

Радуйся, в Горнее Царство благая Путеводительнице.

Радуйся, о спасении душ наших неустанная Попечительнице.

Радуйся, Владычице, душевныя и телесныя очи наша исцеляющая.

Кондак 9

Все естество Ангельское похвальная приносит Тебе, Пресвятая Дево, прославляя Твое милосердие ко грешному роду человеческому, егоже Ты Своим всемощным покровом осеняеши, от бед и искушений избавляеши и молишися о всех верных, зовущих Сыну Твоему и Богу: Аллилуиа.

Икос 9

Ветия славы Твоея явишася Владычице, слепии и хромии, разслабленнии и немощнии, исцеление от Твоея иконы приявшии. Сего ради, восхваляя вся милости Твоя, роду человеческому Тобою присно изливаемыя, сво умилением воспеваем Тебе сице:

Радуйся, телес наших безмездное врачевание.

Радуйся, душ наших спасение.

Радуйся, сосуде благоуханный Духа Святаго.

Радуйся, доброплодная ветве вертограда Христова.

Радуйся, Ангелов всехвальная Царице.

Радуйся, земнородных милостивая Покровительнице.

Радуйся, Владычице, душевныя и телесныя очи наша исцеляющая.

Кондак 10

Спасти хотящи многия недужныя, чудную икону Твою, Владычице, явила еси в пределех Оковецких и чрез сию множество исцелений даровала еси, наипаче же страждущим слепотою душевною и телесною. Сего ради «Прозрение очес» сия чудотворная икона Твоя наименовася, да вси притекающии к ней и помощи у Тебе просящии памятуют выну о Твоих неисчетных благодеяниих и Подателю всех благ Богу да вопиют: Аллилуиа.

Икос 10

Стена еси похваляющим чудеса Твоя, Пресвятая Дево, и всем к помощи Твоей прибегающим. Сего ради, во всех тяжких обстояниих и во всякое время жития нашего помощь Твою и заступление обретающе, со благодарением зовем Ти сицевая:

Радуйся, суетную мудрость века сего посрамляющая.

Радуйся, ослепленных ею на путь правый наставляющая.

Радуйся, греховныя помыслы отгоняющая.

Радуйся, сердца ожесточенная умягчающая.

Радуйся, обуреваемых страстьми тихое пристанище.

Радуйся, смущаемых искушениями надежное прибежище.

Радуйся, Владычице, душевныя и телесныя очи наша исцеляющая.

Кондак 11

Пение всеумиленное приносим Ти, Всеблагая Владычице, пред пречистым Твоим образом; Ты же милостивно услыши ны и помози нам покаянием очиститися от скверны греховныя и преуспети в богоугоднем житии, да поем о Тебе Создателю нашему: Аллилуиа.

Икос 11

Светозарную икону Твою, Богородительнице, со благоговением зрим и, лобызая ю, радуемся, имуще таковый залог Твоего к нам благоволения, вопиюще Ти хвалебныя песни таковыя:

Радуйся, Богом возлюбленная Царице.

Радуйся, Бога возлюбившая Владычице.

Радуйся, иноков Покровительнице.

Радуйся, инокинь Наставнице.

Радуйся, страны нашея православныя Защитнице.

Радуйся, всех христиан Благая Заступнице.

Радуйся, Владычице, душевныя и телесныя очи наша исцеляющая.

Кондак 12

Благодать Божественную испроси нам у Сына Твоего и Бога, о Всеблагая, подай нам руку помощи, да не погибнем люте без покаяния, просвети сердечныя очи наша к зрению спасения и сподоби нас в жизни сей и в Царствии Небеснем воспевати Творцу и Создателю нашему: Аллилуиа.

Икос 12

Поюще неисчетная Твоя чудеса, являемая нам от святыя иконы Твоея Оковецкия, Пресвятая Владычице, и припадающе к ней, молим Тя: защити нас в жизни сей и в день кончины нашея, егда имамы предстати на суд пред Престолом Сына Твоего и Бога нашего, да благодарно вопием Ти:

Радуйся, Царя Небеснаго умоление.

Радуйся, многих согрешений прощение.

Радуйся, болящих исцеление.

Радуйся, унывающих ободрение.

Радуйся, сердца нашего умиление.

Радуйся, ума нашего просвещение.

Радуйся, Владычице, душевныя и телесныя очи наша исцеляющая.

Кондак 13

О Всепетая Мати Христа Бога нашего, Благая Одигитрие! Приими милостивно сие моление наше, пред чудотворною иконою Твоею приносимое, буди нам в мире сем от враг видимых и невидимых покров и защищение, и в час смертный явися нам Сама, простирая руку помощи, и на Страшнем Суде Сына Твоего о нас умоли, да, спасаеми Тобою, с Небесными Силами и всеми святыми в радости неизреченней вопием Богу: Аллилуиа.

(Этот кондак читается трижды, затем икос 1 и кондак 1)

Молитва

О Пречудная и Превышшая всех тварей Царице Богородице, Небеснаго Царя Христа Бога нашего Мати, Пресвятая Одигитрие Марие! Услыши ны, грешныя и недостойныя, в час сей молящияся и к Тебе со воздыханием и слезами пред пречистым Твоим образом припадающия, и сице умильно глаголющия: изведи нас от рова страстей, Одигитрие Благая, избави нас от всякия скорби и печали, огради от всякия напасти, и злых клевет, и от неправеднаго навета вражия. Можеши бо, о Благодатная Мати наша, не точию от всякаго зла сохранити люди Твоя, но и всяким благодеянием снабдити и спасти: разве бо Тебе иныя Предстательницы в бедах и обстояниях и теплыя Ходатаицы о нас, грешных, к Сыну Твоему не имамы, Егоже умоли, Владычице, спасти нас и Царствия Небеснаго сподобити, да, спасеннии Тобою, славим Тя и в будущем веце, якоже спасения нашего Виновницу, и превозносим святое и великолепое имя Отца и Сына и Святаго Духа, в Троице славимаго и покланяемаго Бога, во веки веков. Аминь.

Молитва Пресвятой Богородице перед Ея иконой, именуемой «РЖЕВСКАЯ»:

О Пречистая наша Всеблагословенная и Всемощная Госпоже Владычице и Всеблагая Богородице Одигитрие, благодарим Тя, яко сподобила еси нас великой Своей милости, творити пресветлое торжество Честнаго Твоего Образа с предстоящим Ти святителем и чудотворцем Николаем, явленного благоволением Твоим в светозарном сиянии и приосененною многими чудесы на брегу реки Пыршни черноризцу Стефану и иже пришедшим с ним народом в пределах Оковецких, и приносити прилежное нашими недостойными устнами моление Честному Животворящему Кресту, всех святых Святейшему Слову и Тебе Матери Всемилостиваго и Великодаровитаго Бога нашего. Днесь от усердия нашего раболепно с трепетом, якоже рече псалмопевец Давид: «Работайте Господеви со страхом и радуйтесь Ему с трепетом», пред Святою иконою Твоею припадая прося напоить наше немощное человеческое естество живительными и цельбоносными струями непристанных молитв Твоих и очиститися от всякия скверны плоти и духа, совершая святыню в страсе Божием, ибо вемы, яко много может молитва Твоя пред престолом Триединаго Бога. Се мы смиреныя и грешныя, обременении игом тяжких многих беззаконий наших, во умилении глубоцем просим подать исцеление слепым, хромым, глухим и другим страждущим, одержимым многими и различными скорбями и недугами, и избавити от праведнаго наказания прежде времене общаго воздаяния в день страшнаго суда Единородного Сына Божия, ибо мы вемы, яко ничтоже возможно ходатайству Твоему, аще токмо восхощеши. Также просим утвердить нашу веру праву, Церкви Русстей мир, тишину и благостроение, укрепить православные люди в настоящую годину испытания и избавить от душепагубных ересей, расколов и разделений, сподобить соблюсти всех в единомыслии и да познают неверующие и непоклоняющиеся Честному Образу Твоему, яко Ты еси несравненное наше Украшение, Слава, Небесный и Державный Покров, скорая Помощница, непостыдная Заступница и постоянная Ходатаица у Единаго Ходатая Бога и человеков Иисуса Христа. Яко Тя ради подобает всякое благодарение Всесильному и Всеблагому Содетелю, Господу нашему Иисусу Христу купно со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.

Тропарь Пресвятой Богородице перед Ея иконой, именуемой «РЖЕВСКАЯ»:

Тропарь, глас 4

Предстательнице нератная, о Одигитрие готовая! Тверския земли и града Москвы красота и слава, днесь в кров Твой вси прибегаем и умильно вопием Твоему крепкому заступлению, просяще избавления от злых наветников православия, присно борющих нас, и получити, Богородительнице Чистая, токи неисчерпаемых чудесных исцелений от Твоея пречудныя иконы молитвой предстоящего пред Тобою Мирликийского чудотворца Николая да усердно вси Твое проповемы наше ограждение.

Кондак, глас 4

Яко стену необоримую, источник милосердия, упование земным и заступление, Мати всяческих Творца Всесветлая, Тя стяжавши, раби Твои Богоотроковице, на мольбу нашу ныне умилосердися иже от врагов православия насилование скоро и невозвратно разори мечем божественныя Твоея и святителя Николая молитвами и не остави прославляющия люди и стада Твоя погибнути, яко вся возможно Тебе, чистая Богородице Неискусобрачная и Мати Зиждителя сущи и Всепетая, да усердно вси Твое проповемы наше ограждение.

Величание

Величаем Тя, Пресвятая Дево, и чтим образ Твой святый, от него же истекает благодатная помощь всем, с верою притекающих к нему.

Добавить комментарий

Ваш e-mail не будет опубликован. Обязательные поля помечены *