Икона Божией Матери «Утоли моя печали»

Икона Божией Матери "Утоли моя печали"

Икона  Божией  Матери  «Утоли  моя  печали»,  любимый  и  почитаемый  образ  Богородицы  в  народе,  своим  названием  обязана  молитве,  как  многие  Богородичные  иконы  («Умягчение  злых  сердец«,  «Всех  скорбящих  Радость«,  «Достойно  есть«,  «Аз  есмь  с  вами«,  «Слово  плоть  бысть«).

История  образа:  Первая  известная  с  XVII  века  икона  Божией  Матери  «Утоли  моя  печали»  находилась  в  белорусском  городе  Шклове  Могилевской  губернии.  Согласно  преданию,  образ  был  привезен  в  Москву  казаками  в  1655  году,  когда  Шклов  был  захвачен  войсками  государя  Алексея  Михайловича.

Самая  древняя  из  дошедших  до  нас  московских  икон  Пресвятой  Богородицы  «Утоли  моя  печали»  принадлежит  кисти  кого-то  из  царских  иконописцев  второй  половины  XVII  века.  Она  находилась в  церкви  святого  Тихона  Амафунтского  на  Арбате — близ  слободы,  где  жили  эти  мастера.

Сейчас  ее  можно  видеть  в  единственной  уцелевшей  арбатской  церкви  Воскресения  Словущего  в  Филипповском  переулке.  Ее  считали  самым  точным  и  древнейшим  списком  с  подлинной  чудотворной  иконы,  находившейся  в  Воскресенском  монастыре  города  Шклова.  Однако,  особенное  всероссийское  прославление  получил  другой  список  иконы — из  Никольской  церкви.

Икона  Божией  Матери  «Утоли  моя  печали»  пребывала  в  Москве,  в  церкви  святителя  Николая,  что  на  Пупышах  в  Замосворечье.  По  каким-то  причинам  икона  была  перенесена  на  колокольню  и  долгое  время  находилась  в  забвении,  пока  Пресвятая  Богородица  Сама  о  ней  не  напомнила.  После  разрушения  богоборческой  властью  Никольского  храма  в  Пупышах,  икону  перенесли  в  храм  святителя  Николая  Мирликийского  в  Кузнецкой  слободе.

Чудотворная икона Божией Матери Утоли моя печали
Икона Божией Матери  «Утоли  моя  печали»  в храме свт. Николая в Кузнецкой Слободе г. Москвы

Здесь  чудотворная  икона  Божией  Матери  «Утоли  моя  печали»  пребывает  и  поныне  в  северном  приделе,  который  освящен  в  честь  Введения  Пресвятой  Богородицы  во  храм  митрополитом  Московским  Филаретом  (Дроздовым).  Образ  реставрировался  иконописцем,  художником-реставратором  Ириной  Васильевной  Ватагиной.

Только  в  самой  Москве  почиталось  несколько  списков  этой  иконы.  Один  из  них  принадлежал  сенатору  графу  Н. Б. Самойлову,  который  в  1784  году  построил  храм  в  Одрин — Николаевском  монастыре  Орловской  епархии  и  перенес  туда  чтимый  образ,  называемый  «Утоление  печалей».

Чудотворения:  Прославление  иконы  Божией  Матери  «Утоли  моя  печали»  началось  во  второй  половине  XVIII  века  с  исцеления  женщины  знатного  рода,  жившей  вдали  от  Москвы,  которая  страдала  расслаблением  и  находилась  уже  на  смертном  одре,  так  как  врачи  были  бессильны  ей  помочь.

В  этом  состоянии  явился  ей  в  видении  образ  Пресвятой  Богородицы,  от  которого  послышался  голос,  повелевавшей  ей  отправиться  в  Москву  в  церковь  святителя  Николая  на  Пупышах  к  иконе  «Утоли  моя  печали». Больную  с  большим  трудом  привезли  в  Москву,  сомневаясь,  что  довезут  ее  живою.

Образ  долго  искали  по  всей  церкви.   Икону  нашли  всю  покрытою  пылью  на  колокольне,  но  страдалица,  давно  уже  от  слабости  не  говорившая  и  не  владевшая  ни  руками,  ни  ногами,  сразу  ее  узнала  и  вдруг  вскрикнула:  «Она!  Она! »  Этот  случай  положил  начало  почитанию  иконы  как  чудотворной.

Больная  перекрестилась  самостоятельно,  а  после  молебна  встала  на  ноги,  приложилась  к  иконе  и  отправилась  домой  исцеленною.  Это  чудо  совершилось  25  января  1760  года.  И  с  того  времени  в  этот  день  совершается  празднество  иконы  «Утоли  моя  печали».  Служба  с  акафистом  впервые  были  напечатаны  в  1862  году.

Различные  свидетельства  повествуют  о  многих  случаях  исцелений  от  смертельных  болезней  по  молитвам  пред  этой  иконой.  Во  время  чумы  в  1771  году  икона  Божией  Матери  «Утоли  моя  печали»  творила  чудеса  исцелений,  поддерживала  и  укрепляла  болящих,  выздоровевших,  потерявших  родных  и  близких.

Икона "Утоли моя печали"

Иконография:  Иконографический  тип — Одигитрия.  Богоматерь  придерживает  Богомладенца  правой  рукой,  а  левую  Свою  руку  приложила  к  склоненной  влево  голове.  Божия  Матерь  на  чудотворной иконе  «Утоли  моя  печали»  словно  прислушивается  к  молитвенным  просьбам  прибегающих  к  Ней  в  своих  скорбях,  нуждах  и  печалях.

Богомладенец  держит  пред  собою  развернутый  свиток  со  словами:  «Суд  праведный  судите,  милость  и  щедроты  творите  кийждо  искреннему  своему;  вдовицу  и  сиру  не  насильствуйте  и  злобу  брату  своему  в  сердце  не  творите».  Это  фрагмент  Священного  Писания — начало  третьей  главы  книги  пророка  Захарии,  причем  извлеченное  из  текста  Острожской  Библии.

В  Санкт — Петербурге,  в  храме  Вознесения  Господня,  находится  верная  копия  с  чудотворной  иконы  Божией  Матери  «Утоли  моя  печали».  Сия  древняя  икона  привезена  из  Москвы  в  1765  году  купцом  Роговиковым.  Постепенно  появился  и  оформился  еще  один  вариант  иконографии  образа — икона  «Утоли  моя  болезни».  На  ней  изображение  зеркально  повернуто  в  другую  сторону.

На  древних  гравюрах  икона  Божией  Матери  «Утоли  моя  болезни»  именуется  «Утолимыя  Пресвятые  Богородицы».  А  на  одной  гравюре  XVIII  века  под  образом  стоит  пояснение:  «Образ  Пресвятыя  Богородицы  Утолимыя  утоляет  жестокие  раны  и  правит  сердца  человеческия».  «Утолимая»  значит  утоляющая,  укрощающая,  то  есть  утоляющая  не  только  печали  и  болезни,  но  и  людское  жестокосердие.

Современный список "Утоли моя печали"
Икона Божией Матери «Утоли моя печали», современный список

«Утоли  болезни  многовоздыхающия  души  моея,  Утолившая  всяку  слезу  от  лица  земли;  Ты  бо  человеком  болезни  отгониши  и  грешным  скорби  разрушаеши;  Тебе  бо  вси  стяжахом  надежду  и  утверждение,  Пресвятая  Мати  Дево…  яко  имущая  державу  непобедимую,  от  всяких  нас  бед  свободи,  да  зовем  Ти:  радуйся  Радосте  наша!  Избави  нас  от  всякого  зла  и  утоли  наша  печали!  Облегчи,  Владычице,  болезнь,  утиши  бурю  злых  нападений,  Пречистая,  отыми  бремя  грехов  моих,  Преблагая,  и  утоли  печали  моя,  сокрушающия  сердце!»

Икона  Божией  Матери  «Утоли  моя  печали»  встречается,  как  говорят  иконописцы,  в  нескольких  «изводах».  Пресвятая  Богородица  может  быть  обращена  то  в  правую  сторону,  то  в  левую  с  несколько  меняющимся  положением  рук.  Предвечный  Младенец  то  сидит,  то  почти  лежит  у  Нее  на  коленях,  причем  на  некоторых  изводах  Он  кажется  как  бы  парящим  в  воздухе.

Пожалуй,  только  еще  одна  из  известных  богородичных  икон  в  России  так  многообразно  пишется —  икона  «Всех  скорбящих  Радость«.  Святитель  Филарет  Московский  сам  лично  совершал  молебные  пения  перед  этой  чудотворной  иконой,  Перед  ней  молились  царицы — супруги  императоров  Павла I,  Николая I,  Александра II.

Молитвенная  традиция:  Перед  иконой  «Утоли  моя  печали»  молятся  об  избавлении  от  болезней  телесных,  от  греховных  страстей,  обуревающих  сердце  человека,  об  избавлении  от  скорбей  и  печали,  при  расслаблении,  при  параличе,  в  отчаянии.

Празднование:  25  января  /  7  февраля.

Акафист  пред  чудотворной  иконой  Божией  Матери  «Утоли  моя  печали»

Одобрен: решение Св. Синода 24 февраля 1860 года № 705

Кондак 1

Взбра́нное нам и ди́в­ное из­бав­ле́­ние да­ро­ва́­ся, Твой о́б­раз чест­ны́й, Преблагослове́нная Де́­во Вла­ды́­чи­це Бо­го­ро́­ди­це, я́ко из­ба́вль­ше­ся от злых яв­ле́­ни­ем его́ и к не­му́ взи­ра́ю­ще, воспису́ем Ти бла­го­да́р­ствен­ная раби́ Твои́, Бо­го­ро́­ди­це; но я́ко иму́щая держа́ву непобеди́мую, от вся́­ких нас бед сво­боди́, да зо­ве́м Ти:

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Икос 1

А́н­гел мно́­жест­во и вся Не­бе́с­ная Во́­ин­ства сла́вят Те­бе́, Цари́цу всех Богоро́дицу, Ты же испо́лнила еси́ ра́­дос­ти ду́­ши на́­ша ми́лостивым яв­ле́­ни­ем нам о́браза Тво­его́ свя­та́­го, Бо­го­из­бра́н­ная Де́­во Вла­ды́­чи­це, к нему́же кла́няющеся, Те­бе́ умиле́нная мо­ле́­ния возсыла́ем, милосе́рдому Тво­ему́ к нам зас­туп­ле­нию со стра́­хом зо­ву́­ще та­ко­ва́я:

Ра́­дуй­ся, От­ца́ Безнача́льнаго благослове́ние; ра́­дуй­ся, Сы́­на Преве́чнаго жи­ли́­ще.

Ра́­дуй­ся, Ду́­ха Свя­та́­го пребыва́ние; ра́­дуй­ся, я́ко Те­бе́ сла́вят многоочи́тии херуви́ми.

Ра́­дуй­ся, я́ко Те­бе́ по­хва́ль­ная при­но́­сят шестокрила́тии серафи́ми; ра́­дуй­ся, я́ко Те­бе́ вся не­бе́с­ная во́­ин­ства велича́ют.

Ра́­дуй­ся, я́ко Те­бе́ вся коле́на зем­на́я Ма́­терь Бо́­жию испове́дуют; ра́­дуй­ся, я́ко То­бо́ю вся вселе́нная ве­се́­лия ис­пол­ня́­ет­ся.

Ра́­дуй­ся, я́ко То­бо́ю вся бо­ле́з­ни на́­ша ис­це­ля́­ют­ся; ра́­дуй­ся, Тво­и́ми бо мо­ли́т­ва­ми пе­ча́­ли на́­ша утоля́ются.

Ра́­дуй­ся, Тво­и́ми бо хода́тайствы вся про­ше́­ния на́­ша исполня́ются; ра́­дуй­ся, я́ко Те­бе́ и Сы́­ну Тво­ему́ в Тво­е́й чест­не́й ико­не бла­го­да́р­но по­кло­ня́­ем­ся.

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Кондак 2

Ви́дят Тя, Бо­го­из­бра́н­ная От­ро­ко­ви́­це, вся не­бе́с­ныя си́­лы предстоя́щу всег­да́ Пре­сто́­лу Сла́­вы Не­бе́с­на­го Ца­ря́ и за христиа́ны к Сы́­ну и Бо́­гу моля́щуюся, Не­бе́с­ная Ца­ри́­це; мы же гре́ш­нии на зем­ли́, зря́ще Твою́ свя­ту́ю ико́­ну и к ней при­па́­даю­ще, Те­бе́ ра́­дост­но по­кло­ня́­ем­ся, зо­ву́­ще: Алли­лу́иа.

Икос 2

Ра́­зум по­да́ждь нам, Всеусе́рдная Предста́тельнице на́­ша, Не­бе́с­ная Ца­ри́­це, из уст бо нас скве́рных, ка́­ко мо́щно пе́­ти Тво­ему́ и́мени? Я́ко бла­ги́х еси́ нам Хода́таица, сильна́ еси́ вспомоществова́ти во вся́­кой на́­ми тре́буемой по́­мо­щи, да Те­бе́ со уми­ле́­нием зо­ве́м си́­це:

Ра́­дуй­ся, мо­ли́т­вы о нас к Сы́­ну и Бо́­гу во уте­ше́­ние принося́щая; ра́­дуй­ся, Тво­и́ми мо­ли́т­ва­ми о́чи на́­ша от ве́ч­на­го рыда́ния из­бав­ля́ю­щая.

Ра́­дуй­ся, Тво­и́ми Ма́­тер­ни­ми мо­ли́т­ва­ми Сы́­на и Бо́­га на ми́­лость к нам приклоня́ющая; ра́­дуй­ся, Тво­и́ми мо­ли́т­ва­ми пра́ведный на нас гнев Бо́­жий утоля́ющая.

Ра́­дуй­ся, Тво­и́ми хода́тайствы гре­хи́ на́­ша проща́ющая; ра́­дуй­ся, Твое́ю по́­мо­щию стра́с­ти на́­ша истребля́ющая.

Ра́­дуй­ся, Тво­и́м пред­ста́­тель­ством вре́­мен­ная на́­ша ско́р­би раз­ру­ша́ю­щая; ра́­дуй­ся, Ты во вся́­ких бе­да́х и ну́ж­дах нам помога́ющая.

Ра́­дуй­ся, Тя сла́вящих всег­да́ про­слав­ля́ю­щая; ра́­дуй­ся, Твое́ю ра́­дос­тию пе­ча́­ли на́­ша утоля́ющая.

Ра́­дуй­ся, непреста́нное нам ве­се́­лие подава́ющая; ра́­дуй­ся, нам ра́йс­кия две́ри отверза́ющая.

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Кондак 3

Си́­ла Вы́ш­ня­го осени́ Тя к ско́рому и те́п­ло­му зас­туп­ле­нию ве́р­но при­те­ка́ю­щих к Те­бе́ и честно́му Тво­ему́ о́б­ра­зу поклоня́ющихся, еди́ней бо то́кмо Те­бе́, нетле́нней и Пре­чи́с­тей Бо­го­ма́­те­ри, да­де­ся дар вся́­кое благо́е на́­ше про­ше́­ние исполня́ти, и еди́на Ты мо́жеши нам по­мо­щи́, ели́ко хо́щеши. Тем всяк во́зраст славосло́вит Сы́­на Тво­его́ и Бо́­га на́­ше­го, зо­вы́й: Алли­лу́иа.

Икос 3

Иму́­щи бо­га́т­ство ми­ло­се́р­дия не­ос­ку́д­ное, всем конце́м земны́м простира́еши ру­ку́ по́­мо­щи и подае́ши боля́щим ис­це­ле́­ние, стра́­жду­щим осла́бу, сле­пы́м про­зре́­ние и всем вся по потре́бе исполня́еши. Мы же Те­бе́ бла­го­да́р­но си́­це по­е́м:

Ра́­дуй­ся, еди́на Ма́­ти, ми­ло­се́р­дие нам яв­ля́ю­щая; ра́­дуй­ся, ми́­лос­ти со­кро́­ви­ще мно­го­це́н­ное нам от­кры­ва́ю­щая.

Ра́­дуй­ся, безчи́сленныя щед­ро́­ты всем подава́ющая; ра́­дуй­ся, сло́­во пре­му́д­ро­сти про­ся́­щим да́­рую­щая.

Ра́­дуй­ся, пре­спе́­яние ра́­зу­ма ю́ным подава́ющая; ра́­дуй­ся, ра́­ны на́­ша гре­хо́в­ныя истребля́ющая.

Ра́­дуй­ся, пра́­вед­ных в ра́йс­ких селе́ниих насажда́ющая; ра́­дуй­ся, отча́янным бу́дущих благ На­де́ж­до и Укреп­ле́­ние.

Ра́­дуй­ся, всех па́дших ско́ро к бла­го­да́­ти возставля́ющая; ра́­дуй­ся, всем вся́­кую тре́буемую от Те­бе́ по́­мощь подава́ющая.

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Кондак 4

Бу́­рею мно́гих бед одержи́мым нам всег­да́ по­мо­га́е­ши, Не­бе́с­ная Ца­ри́­це, с ве́­рою при­бе­га́ю­щим к Те­бе́ и поклоня́ющимся цель­бо­но́с­ней Тво­е́й ико­не, е́йже первопи́санней иногда́ рекла́ еси́: С сим о́б­ра­зом бла­го­да́ть Моя́ и си́­ла. И мы и́стинно ве́­ру­ем, я́ко послу́шаеши про­ше́­ния при­зы­ва́ю­щих и́мя свято́е Твое́ и Сы́­ну Тво­ему́ зо­ву́­щих: Алли­лу́иа.

Икос 4

Слы́­ша Гос­по́дь Твоя́ на не­бе­си́ о нас хода́тайства, избра́нная Па­ла́­то Ду́­ха Свя­та́­го, исполня́ет Твоя́ про­ше́­ния, мы же гре́ш­нии на зем­ли́, ви́­дев­ше свя­ту́ю Твою́ ико́­ну, я́ко светоза́рное со́лн­це нам светя́щуюся, Те­бе́, я́ко Бо­жией Ма­те­ри, дерза́ем гла­го́­ла­ти:

Ра́­дуй­ся, Со́лн­це мы́сленное нам яв­ля́ю­щая; ра́­дуй­ся, Све́­том не­мер­ца́ю­щим нас про­све­ща́ю­щая.

Ра́­дуй­ся, умерщвле́нных греха́ми нас ожив­ля́ю­щая; ра́­дуй­ся, непло́дным ма́терем ложесна́ разреша́ющая.

Ра́­дуй­ся, неча́янно на­ходя́­щих на нас злых вра­го́в ско́ро про­го­ня́ю­щая; ра́­дуй­ся, жела́емых благ всег­да́ нас наслажда́ющая.

Ра́­дуй­ся, ско́ро в бе­да́х и в пе­ча́­лех нас утеша́ющая; ра́­дуй­ся, ве́­рою и́мя Твое́ при­зы­ва́ю­щих от неча́янныя сме́р­ти спа­са́ю­щая.

Ра́­дуй­ся, на Тя упова́ющим безконе́чный жи­во́т да́­рую­щая; ра́­дуй­ся, ве́­ру и лю­бо́вь к Те­бе́ иму́­щих к не­бе­си́ возводя́щая.

Ра́­дуй­ся, Предста́тельство на́­ше кре́п­кое; ра́­дуй­ся, во вся́­ких обстоя́тельствах нас защища́ющая.

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Кондак 5

Боготе́чную звезду́, чест­ну́ю Твою́ ико́­ну, Ты нам показа́ла еси́, Вла­ды́­чи­це ми́­ра, к ней­же мы зря́ще и ве́­рою серде́чною мо­ля́­ще­ся, Те­бе́, Бо­го­ро́­ди­це, гла­го́­лем: Ты еси́ нам щит не­по­бе­ди́­мый и сте­на́ не­обо­ри́­мая, во­пию́­щим Бо́­гу: Алли­лу́иа.

Икос 5

Ви́деша си́­лы не­бе́с­ныя на ру­ку́ Твое́ю Со­зда́в­ша­го Свои́ма рука́ма че­ло­ве́­ки и Вла­ды́­ку разумева́юще Его́; мы же гре́ш­нии на зем­ли́, зря́ще изображе́нную Те­бе́, Пречи́стую Ма́­терь Его́, лю­бе́з­но Свои́ ру́­це к нам простира́ющую, к Те­бе́ уми́ль­но зо­ве́м:

Ра́­дуй­ся, на ру­ку́ Твое́ю Огнь Бо­же́ст­вен­ный неопа́льно держа́щая, И́м­же гре­хи́ на́­ша попаля́ются; ра́­дуй­ся, на ру­ку́ Твое́ю Све́­та Неприкоснове́ннаго носи́вшая, И́м­же ду́­ши на́­ша просвеща́ются.

Ра́­дуй­ся, вра­го́в на́­ших ви́­ди­мых и не­ви́­ди­мых побежда́ющая; ра́­дуй­ся, лю­бо́вь и ми­ло­се́р­дие к нам яв­ля́ю­щая.

Ра́­дуй­ся, ру́­це Твои́ в поруче́ние о нас к Бо́­гу принося́щая; ра́­дуй­ся, вход в Ца́рст­вие Не­бе́с­ное нам отверза́ющая.

Ра́­дуй­ся, Твое́ю по́­мо­щию нас защища́ющая; ра́­дуй­ся, Тво­и́м хо­да́­тай­ством гре­хи́ на́­ша проща́ющая.

Ра́­дуй­ся, Тво­и́м мо­ле́­ни­ем пе­ча́­ли на́­ша утоля́ющая; ра́­дуй­ся, я́ко Тво­и́м пред­ста́­тель­ством вся́­ких благ наслажда́емся.

Ра́­дуй­ся, я́ко То­бо́ю вся во бла­ги́х жела́ния на́­ша исполня́ются, ра́­дуй­ся, я́ко во́лю Сы́­на Тво­его́ твори́ти нас подвиза́еши.

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Кондак 6

Пропове́дницы Богоно́снии апо́столи, по вознесе́нии Госпо́дни, при освяще́нии хра́ма Твоего́, неви́димою ру­ко́ю изображе́нный шаро́вными подо́бии на стене́ обре́тше о́б­раз Твой, Вла­ды́­чи­це, рожде́нному от Те­бе́ Бо́­гу воспе́ша: Алли­лу́иа.

Икос 6

Возсия́ла еси́ прему́дростию от И́с­тин­на­го Со́лн­ца Пра́в­ды, Бо­го­из­бра́н­ная От­ро­ко­ви́­це, и, лучи́ и́с­тин­на­го Богоразу́мия испуща́ющи, те́ми освеща́еши всех ве́­рою ис­по­ве́­даю­щих Тя и́стинную Ма́­терь Бо́­жию бы­ти, во­пию́­щих си́­це:

Ра́­дуй­ся, всех на не­бе­си́ сла́­вою Твое́ю про­све­ща́ю­щая; ра́­дуй­ся, на­ча́­ло че­ло­ве́­чес­ка­го спа­се́­ния устроя́ющая.

Ра́­дуй­ся, ковче́же жи́з­ни на́шея, от по­то́­па сме́ртнаго нас сохраня́ющий; ра́­дуй­ся, в ра́йс­ких селе́ниих жи́ти нам да́­рую­щая.

Ра́­дуй­ся, Предста́тельнице на́­ша к Бо́­гу, мир спа­са́ю­щая; ра́­дуй­ся, в бе­да́х су́­щих ско́ро заступа́ющая.

Ра́­дуй­ся, вся́­кия бо­ле́з­ни челове́ческия, те­ле́с­ныя и ду­ше́в­ныя, исцеля́ющая; ра́­дуй­ся, немы́м и косноязы́чным словеса́ отверза́ющая.

Ра́­дуй­ся, вся́­ка­го бла́га про­ся́­щим у Те­бе́ пода́тельнице; ра́­дуй­ся, уче́ние бла­го­да́­ти всем ис­то­ча́ю­щая.

Ра́­дуй­ся, тем вся́кий чин и во́зраст дово́льно услажда́ющая; ра́­дуй­ся, всех бла­га́я жела́ния исполня́ющая.

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Кондак 7

Хо­тя́ дол­го­тер­пе­ли́­вый Всеви́дец Гос­по́дь яви́­ти Сво­его́ че­ло­ве­ко­лю́­бия и щед­ро́т бе́зд­ну, избра́ Те­бе́ Се­бе́ в Ма́­терь, ми́­лос­ти неисчерпа́емый ис­то́ч­ни­че, да а́ще кто пра́ведным судо́м Бо́­жи­им осужде́ния досто́ин, Тво­и́м всемо́щным хо­да́­тай­ством сохране́н бу́дет и Сы́­ну Тво­ему́ и Бо́­гу на́­ше­му велегла́сно зо­ве́т: Алли­лу́иа.

Икос 7

Ди́вна показа́л еси́ дела́ Твоя́ в Пре­чи́с­тей Ма­те­ри Тво­е́й, Го́с­по­ди, и ди́вну дарова́л еси́ нам Ея́ ико́­ну, па́­че луче́й со́лнечных просвеща́ющую лю­де́й, я́ко Са́мую зря́щих Богоро́дицу и ве́­рою серде́чною от души́ лю­бо́­вию во­пию́­щих та­ко­ва́я:

Ра́­дуй­ся, ико́­ну Твою́ на зем­ли́, я́ко о́блак, всем распростира́ющая; ра́­дуй­ся, то́ю па́­че наде́яния милосе́рдое к нам за­ступ­ле́­ние яв­ля́ю­щая.

Ра́­дуй­ся, Твое́ю ико́­ною исто́чники чу­де́с всю́ду ис­то­ча́ю­щая; ра́­дуй­ся, яв­ле́­ни­ем Твоея́ ико́­ны вся лю́­ди про­све­ща́ю­щая.

Ра́­дуй­ся, то́ю но́вое зна́­ме­ние бла­го­да́­ти в Це́рк­ви яв­ля́ю­щая; ра́­дуй­ся, я́ко, на ико́­ну Твою́ взи­ра́ю­ще, Само́й Те­бе́, и́стинней Бо­го­ро́­ди­це, по­кло­ня́­ем­ся.

Ра́­дуй­ся, ико́­ною Твое́ю, я́ко столпо́м о́гненным, мрак греха́ от­го­ня́ю­щая; ра́­дуй­ся, то́ю пе­ча́­ли на́­ша утоля́ющая.

Ра́­дуй­ся, Це́р­ковь освяти́вшая тоя́ яв­ле́­ни­ем; ра́­дуй­ся, я́ко мы, гре́ш­нии, сохраня́емся Тво­и́м заступле́нием.

Ра́­дуй­ся, вре́тище ско́р­би на́шея рас­тер­за́ю­щая; ра́­дуй­ся, ве́чною ра́­дос­тию нас одева́ющая.

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Кондак 8

Стра́нну и пресла́вну в Це́рк­ви я́вльшуюся свя­ту́ю Твою́ ико́­ну а́нгели воспе́ша, апо́столи просла́виша, лик свя­ти́­те­лей поклони́шася, мы же, гре́ш­нии, при­па́­даю­ще, ожида́ем Твоея́ ве­ли́­кия и бо­га́­тыя ми́­лос­ти, с ве­се́­ли­ем во­пию́­ще: Алли­лу́иа.

Икос 8

Все́­ми вы́шними и ни́жними влады́чествуяй Гос­по́дь, ви́­дев Тя, Ма́­терь Свою́, всег­да́ предстоя́щу Ему́ и со уми­ле́­нием Ему́ принося́щу мо­ле́­ние о нас гре́ш­ных, обеща́ испо́лнити вся про­ше́­ния Твоя́. Мы же, гре́ш­нии, наде́ющеся на Твоя́ Ма́терния о нас мо­ли́т­вы, бла­го­да́р­ствен­ная Те­бе́ при­но́­сим си́­це:

Ра́­дуй­ся, с Сы́­ном Тво­и́м и Бо́­гом веч­но ца́рствующая; ра́­дуй­ся, Ему́­же всег­да́ о нас мо­ле́­ния принося́щая.

Ра́­дуй­ся, всех к Те­бе́ при­бе­га́ю­щих Твое́ю ми́­лос­тию покрыва́ющая; ра́­дуй­ся, всех Ра́­дос­те, пе­ча́­ли на́­ша утоля́ющая.

Ра́­дуй­ся, при­ми­ре́­ние на́­ше с Бо́­гом соде́лавшая; ра́­дуй­ся, Бо́­га и че­ло­ве́­ка соедини́вшая.

Ра́­дуй­ся, спа­се́­ние челове́ческое устро́ившая; ра́­дуй­ся, прароди́тельнаго греха́ кля́тву разруши́вшая.

Ра́­дуй­ся, сме́ртное на́­ше ес­тес­тво́ безсме́ртием просвети́вшая; ра́­дуй­ся, жесто́кость се́рд­ца на́­ше­го умили́вшая.

Ра́­дуй­ся, от­ча́­ян­ных к Бо́­гу возводя́щая; ра́­дуй­ся, сосу́ды сме́ртныя, на нас угото́ванныя, сокруши́вшая.

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Кондак 9

Все ес­тес­тво́ а́н­гель­ское похва́льныя пе́сни прино́сит Те­бе́, Бо­жией Ма­те­ри и За­сту́п­ни­це всех при­па́­даю­щих Те­бе́ и прося́щих Твоея́ по́­мо­щи, я́ко тве́рдым и кре́п­ким Тво­и́м пред­ста́­тель­ством пра́­вед­ных весели́ши, гре́ш­ных заступа́еши и от бед избавля́еши, и пе­ча́­ли утоля́еши, и мо́лишися о всех ве́­рою зо­ву́­щих: Алли­лу́иа.

Икос 9

Ви­ти́я мно­го­ве­ща́н­нии, я́ко ры́­бы без­гла́с­ныя, не­до­уме́­ют хвали́ти сла́в­ный, Вла­ды́­чи­це, ико́­ны Твоея́ праз́дник, ни­же́ от скве́рных усте́н на́­ших приноси́мыя Ти похвалы́ досто́йны, оба́­че неисче́тная благодея́ния, ико́­ною Твое́ю нам явля́емая, ви́­дев­ше, ду­ше́ю и се́рд­цем ра́дующеся, Те­бе́ гла­го́­лем:

Ра́­дуй­ся, от гла́­да нас Хле́бом жи́з­ни пита́ющая; ра́­дуй­ся, от губи́тельства сме́ртнаго безсме́ртием нас соблюда́ющая.

Ра́­дуй­ся, от тру́­са грехо́внаго нас сохраня́ющая; ра́­дуй­ся, от по­то́­па сме́ртнаго ру­ко́ю Твое́ю кре́пкою нас из­бав­ля́ю­щая.

Ра́­дуй­ся, от ог­ня́ росо́ю мо­ли́тв Тво­и́х нас восхища́ющая; ра́­дуй­ся, от бед си́льным Тво­и́м пред­ста́­тель­ством нас защища́ющая.

Ра́­дуй­ся, от ме­ча́ си́­лою Твое́ю нас охраня́ющая; ра́­дуй­ся, от на­ше́ст­вия иноплеме́нник нас спа­са́ю­щая.

Ра́­дуй­ся, от меж­до­усо́б­ныя бра́­ни и́стинным ми́­ром нас огражда́ющая; ра́­дуй­ся, от смер­то­но́с­ныя ра́­ны при­бе­га́ю­щих к Те­бе́ исцеля́ющая.

Ра́­дуй­ся, от належа́щаго пра­вед­на­го пре­ще́­ния Бо́­жия Тво­и́м мо­ле́­ни­ем нас свобожда́ющая; ра́­дуй­ся, от вся́­кия нас я́з­вы Тво­и́м честны́м хо­да́­тай­ством изъима́ющая.

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Кондак 10

Спас­ти́ хо­тя́ род челове́ческий от пре́­лес­ти вра́­жия, Человеколю́бец Гос­по́дь Те­бе́, Ма́­терь Свою́, да­ро­ва́ земны́м на по́­мощь, глаго́ля: сы́нове челове́честии, се Ма́­ти Моя́ по­кро́в и при­бе́­жи­ще вам да бу́дет, печа́льным уте­ше́­ние, скор­бя́­щим ра́­до­ва­ние, оби́димым за­сту́п­ни­ца, да всех из глу­би­ны́ гре­хо́в­ныя воздви́гнет, во­пию́­щих: Алли­лу́иа.

Икос 10

Ца­рю́ Не­бе́с­ный, — та́­ко мо́лит за ны всег­да́ Не­бе́с­ная Цари́ца, — при­ими́ вся́­ка­го че­ло­ве́­ка, сла́вящаго Тя и призыва́ющаго и́мя Твое́, иде́­же бы­ва́­ет па́­мять свя­то́­му и́мени Тво­ему́, и про­слав­ля́ю­щих Мя име́­не Тво­его́ ра́­ди, и не от­ри́­ни их от ли­ца́ Тво­его́, но благоволи́ в них и при­ими́ от них вся́­кое мо­ле́­ние, и всех от бед из­ба́­ви. Мы же, гре́ш­нии, наде́ющеся на Твоя́ Ма́терния мо­ли́т­вы, зо­ве́м си́­це:

Ра́­дуй­ся, Моли́твеннице на́­ша к Бо́­гу те́плая; ра́­дуй­ся, я́ко Твоя́ Ма́терняя мо­ли́т­ва мно́­го мо́­жет, Вла­ды́­ку умилостивля́ющи.

Ра́­дуй­ся, от­ча́­ян­ных На­де́ж­до, пе­ча́­ли их утоля́ющая; ра́­дуй­ся, Твое́ю бла­го­да́­тию на́­ше недосто́инство осия­ва́ю­щая.

Ра́­дуй­ся, на́­шу скве́рну Твое́ю чис­то­то́ю очища́ющая; ра́­дуй­ся, мо­ле́­ния на́­ша Тво­и́м бла­го­уха́­ни­ем исправля́ющая.

Ра́­дуй­ся, бре́ние на́­ше тле́нное в нетле́ние обраща́ющая; ра́­дуй­ся, неможе́ние на́­ше врачу́ющая.

Ра́­дуй­ся, вся на́­ша бо­ле́з­ни ду­ше́в­ныя и те­ле́с­ныя исцеля́ющая; ра́­дуй­ся, наше́дший на нас о́блак страс­те́й, скор­бе́й и пе­ча́­лей ско́ро разгоня́ющая.

Ра́­дуй­ся, си́льным Тво­и́м проше́нием вся по­ле́з­ная да́­рую­щая; ра́­дуй­ся, пред Пре­сто́­лом Сы́­на Тво­его́ за моля́щих Ти ся хо­да́­тай­ствую­щая.

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Кондак 11

Пе́­ние все­уми­ле́н­ное при­ими́ от нас, Не­бе́с­ная Ца­ри́­це, и мо­ли́т­ву, приноси́мую Те­бе́, Де́­во Бо­го­ро́­ди­це, услы́­ши, к Те­бе́ бо в на­па́с­тех, ско́р­бех и пе­ча́­лех при­бе­га́­ем и пред То­бо́ю в бе­да́х на́­ших сле́зы пролива́ем и мо́­лим: утоли́ на́­ша пе­ча́­ли и при­ими́ сию́ же́ртву Тво­и́х ра­бо́в, зо­ву́­щих: Алли­лу́иа.

Икос 11

Светоприе́мная свеща́ и́с­тин­на­го Све́­та су́­щим на зем­ли́ я́вльшися, ду́­ши просвеща́еши чту́­щих Твоея́ ико́­ны яв­ле́­ние и к ра́зуму боже́ственному наставля́еши пою́щих Ти си­це­ва́я:

Ра́­дуй­ся, свеще́ неугаси́мая Ог­ня́ невеще́ственнаго, нас про­све­ща́ю­щая; ра́­дуй­ся, заре́ незаходи́маго Све́­та Бо­же́ст­вен­на­го, нас оза­ря́ю­щая.

Ра́­дуй­ся, Со́лн­це пра́в­ды нам яв­ля́ю­щая; ра́­дуй­ся, Ис­то́ч­ник жи́з­ни ра́йс­кия нам ис­то­ча́ю­щая.

Ра́­дуй­ся, Ма́­ти Све́­та И́с­тин­на­го, бла­го­чес­ти́­вых ду́­ши про­све­ща́ю­щая; ра́­дуй­ся, Ма́­ти всех Бо́­га, озло́бленных всех ду́­ши утеша́ющая.

Ра́­дуй­ся, Тя на по́­мощь при­зы­ва́ю­щих и и́мя Твое́ сла́вящих спа­са́ю­щая; ра́­дуй­ся, упова́ющим на Тя жи­во­та́ непосты́дный ко­не́ц да́­рую­щая.

Ра́­дуй­ся, всем родо́м, Тя Ма́­терь Бо́­жию по­чи­та́ю­щим и Богоро́дицу имену́ющим, непреста́нно помога́ющая; ра́­дуй­ся, осе­не́­ни­ем свя­ты́я Твоея́ ико́­ны злых ду­хо́в мечта́ния от нас про­го­ня́ю­щая.

Ра́­дуй­ся, во внеза́пных на нас на­ходя́­щих ско́р­бех и пе­ча́­лех ско́ро нас утеша́ющая; ра́­дуй­ся, все­му́ ми́­ру ра́­дость да́­рую­щая.

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Кондак 12

Бла­го­да́ть Боже́ственную ис­про­си́ нам у Не­бе́с­на­го Влады́ки, Сы́­на Тво­его́ и Бо́­га, и про­стри́ нам ру­ку́ по́­мо­щи, и мо­ли́т­ва­ми Тво­и́ми утоли́ на́­ша пе­ча́­ли, по­кры́й нас кро́вом крилу́ Твое́ю, от­же­ни́ от нас вся́­ка­го вра­га́ и супоста́та, умири́ на́­шу жизнь, да не поги́бнем лю́­те, но при­ими́ нас в ве́ч­ныя кро́вы, Покрови́тельнице на́­ша, да, ра́дующеся Те­бе́, зо­ве́м: Алли­лу́иа.

Икос 12

Пою́­ще Тя, держа́вную По­мо́щ­ни­цу, хва́­лим Тя и, мо­ля́­ще­ся Те­бе́ со уми­ле́­нием, ве́­ру­ем и ис­по­ве́­ду­ем, я́ко испро́сиши бла­га́я вре́­мен­ная и ве́ч­ная воспева́ющим Ти:

Ра́­дуй­ся, мо­ли́т­ва­ми Тво­и́ми весь мир спа­са́ю­щая; ра́­дуй­ся, всю вселе́нную хо­да́­тай­ством Тво­и́м заступа́ющая.

Ра́­дуй­ся, правосла́вным на ва́рвары по­бе́­ды подава́ющая; ра́­дуй­ся, на­ше́ст­вия на христиа́ны ино­пле­ме́н­ных побежда́ющая.

Ра́­дуй­ся, в ве́­ре благочести́выя сохраня́ющая; ра́­дуй­ся, не по­чи­та́ю­щих ико́­ны Твоя́ свя­ты́я, я́ко прах, от ли­ца́ зем­ли́ развева́ющая.

Ра́­дуй­ся, поклоня́ющимся ико­не Тво­е́й и Тя на по́­мощь при­зы­ва́­ющим, и в пе­ча́­лех бе́д­ствую­щим ско́ро помога́ющая; ра́­дуй­ся, нас гре́ш­ных ко спа­се́­нию и восприя́тию благ ве́ч­ных нас­тав­ля́ю­щая.

Ра́­дуй­ся, без­ко­неч­на­го ца́рст­вия у Сы́­на Тво­его́ и Бо́­га на́­ше­го всем нам испроша́ющая; ра́­дуй­ся, ве́р­ным безконе́чную жизнь да́­рую­щая.

Ра́­дуй­ся, всем во вся́­кой потре́бе вся по­ле́з­ная и бла­га́я подава́ющая; ра́­дуй­ся, нетле́нная стяжа́ти науча́ющая.

Ра́­дуй­ся, Ра́­дос­те на́­ша, из­ба́­ви нас от вся́­ка­го зла и утоли́ на́­ша пе­ча́­ли.

Кондак 13

О Все­пе́­тая Ма́­ти, Не­бе́с­ная Ца­ри́­це и Вла­ды́­чи­це, Де́­во Бо­го­ро́­ди­це, ро́жд­шая всех свя­ты́х Свя­те́й­шее Сло́­во, ны́нешнее прие́мши при­но­ше́­ние, утоли́ на́­ша пе­ча́­ли и из­ба́­ви нас от вся́­ких на­па́с­тей, бед, скор­бе́й и ве́ч­на­го осужде́ния и гряду́щаго из­ми́ му­че́­ния, и спо­до́­би нас, ра­бо́в Тво­и́х, в ве́ч­ных ра́йс­ких селе́ниях водвори́тися, зо­ву́­щих: Алли­лу́иа.

Этот кондак чи­та­ет­ся трижды, за­те́м 1-й икос «А́н­гел мно́­жест­во …» и 1-й кондак «Взбра́нное нам…».

Молитва  первая

Де́­во Вла­ды́­чи­це Бо­го­ро́­ди­це, па́­че ес­тест­ва́ и сло́ва ро­ди́в­шая Единоро́дное Бо́­жие Сло́­во, Творца́ и Вла­ды́­ку всея́ тва́­ри ви́­ди­мыя и неви́димыя, Еди́­на­го от Тро́ицы Бо́­га, Бо́­га же и Че­ло­ве́­ка, соде́лавшаяся оби́­тель Бо­же­ства́, вмес­ти́­ли­ще вся́­кия свя­ты́­ни и бла­го­да́­ти, в не́м­же бла­го­во­ле́­ни­ем Бо́­га и От­ца́, соде́йствием Свя­та́­го Ду́­ха, те­ле́с­не обита́ше полнота́ Бо­же­ства́, несравне́нно пре­воз­не­се́н­ная боголе́пным досто́инством и преиму́ществующая пред вся́кою тва́рию, сла́­во и уте­ше́­ние, и не­из­ре­че́н­ное ве­се́­лие а́н­ге­лов, ца́рственный ве́н­че апо́с­то­лов и про­ро́­ков, преесте́ственное и чу́дное му́жество му́­че­ни­ков, побо́рнице в по́двизех и пода́тельнице по­бе́­ды, уготовля́ющая подви́жником вен­цы́ и воздая́ния ве́ч­ная и боголе́пная, превы́сшая вся́­кия че́сти, честь и сла́­во пре­по­до́б­ных, непогреши́тельная путеуказа́тельнице и нас­та́в­ни­це без­мо́л­вия, две́ре открове́ний и духо́вных та́­ин, ис­то́ч­ни­че све́­та, врата́ ве́ч­ныя жи́з­ни, неистощи́мая ре­ко́ ми­ло­се́р­дия, не­ис­чер­па́е­мое мо́ре всех боголе́пных да­ро­ва́­ний и чу­де́с! Тя про́­сим и Тя умоля́ем, сострада́тельнейшую Ма́­терь человеколюби́ваго Влады́ки: будь ми́­ло­сти­ва к нам, сми­ре́н­ным и недосто́йным ра­бо́м Тво­и́м, воз­зри́ благосе́рдно на плене́ние и сми­ре́­ние на́­ше, уврачу́й со­кру­ше́­ния душ и теле́с на́­ших, разсе́й ви́­ди­мыя и неви́димыя вра­ги́, бу́­ди нам, недосто́йным, пред ли­це́м вра­го́в на́­ших кре́пкий столп, бра́нное ору́­жие, си́льное ополче́ние, Воево́да и непреобори́мая побо́рница, по­ка­жи́ ны́­не на нас дре́вния и чу́д­ныя ми́­лос­ти Твоя́, да позна́ют беззако́ннии вра­ги́ на́ши, я́ко Сын Твой и Бог Еди́н есть Царь и Вла­ды́­ка, я́ко Ты вои́стину Бо­го­ро́­ди­ца, ро­ди́в­шая по пло́­ти и́с­тин­на­го Бо́­га, я́ко вся Те­бе́ воз­мо́ж­на суть и е́же а́ще восхо́щеши, Вла­ды́­чи­це, и́ма­ши си́­лу все сие́ соверши́ти на не­бе­си́ и на зем­ли́, и на вся́­кое про­ше́­ние дарова́ти коему́ждо на по́ль­зу: боль­ны́м здра́­вие, су́­щим на мо́­ри ти­ши­ну́ и до́б­рое кораблепла́вание. Путеше́ствующим спутеше́ствуй и охраня́й их, пле́нныя спаса́й от го́рькаго ра́бства, утеша́й печа́льныя, облегча́й нищету́ и вся́­кое друго́е теле́сное злострада́ние; всех сво­бож­да́й от ду­ше́в­ных не­ду́­гов и страс­те́й, неви́димыми Тво­и́ми предста́тельствы и внуше́ньми, я́ко да, до́б­ре и непреткнове́нно соверши́в путь сея́ вре́менныя жи́з­ни, улучи́м То­бо́ю и о́ная ве́ч­ная бла­га́я в Ца́рст­вии Небе́снем.

Ве́р­ных, почте́нных стра́шным и́ме­нем Единоро́днаго Сы́­на Тво­его́, упова́ющих на Твое́ предста́тельство и на ми́­лость Твою́ и во всем иму́­щих Тя хода́таицу и побо́рницу, укрепля́й неви́димо про­ти́­ву обстоя́щих вра­го́в, разсе́й о́блак уны́ния, из­ба́­ви я от душе́внаго утружде́ния и пода́й им све́т­лое благоду́шие и ра́­дость, и обнови́ мир и без­мя­те́­жие в сердца́х их.

Спа­си́ мо­ли́т­ва­ми Тво­и́ми, Вла­ды́­чи­це, сию́ Те­бе́ посвяще́нную па́ству, весь град и стра­ну́ от гла́­да, тру́­са, по­то́­па, ог­ня́, ме­ча́, на­ше́ст­вия ино­пле­ме́н­ных и меж­до­усо́б­ныя бра́­ни и вся́кий пра́ведно подви́гшийся на нас гнев обрати́, по благоволе́нию и бла­го­да́­ти Единоро́днаго Сы́­на и Бо́­га Тво­его́, Ему́­же по­до­ба́­ет вся­кая сла́­ва, честь и по­кло­не­ние, со Без­на­ча́ль­ным Его́ От­це́м, с Сове́чным и Жи­во­тво­ря́­щим Его́ Ду́­хом, ны́­не и при́с­но и во ве́­ки ве­ко́в. Ами́нь.

Молитва  вторая

На­де́ж­до всех конце́в зем­ли́, Пре­чи́с­тая Де́­во, Гос­по­же́ Бо­го­ро́­ди­це, уте­ше́­ние мое́! Не гнуша́йся ме­не́, гре́ш­на­го, на Твою́ бо ми́­лость упова́ю: угаси́ ми пла́мень грехо́вный и покая́нием ороси́ изсо́хшее мое́ се́рд­це, очи́с­ти ум мой от гре­хо́в­ных по­мыс­ло́в, при­ими́ мольбу́, от ду́­ши и серд­ца́ со воздыха́нием приноси́мую Те­бе́. Бу́­ди о мне Хода́таица к Сы́­ну Тво­ему́ и Бо́­гу и укро­ти́ гнев Его́ ма́­тер­ни­ми Тво­и́ми мо­ли́т­ва­ми, ду­ше́в­ныя и те­ле́с­ныя я́з­вы ис­це­ли́, Гос­по­же́ Вла­ды́­чи­це, утоли́ бо­ле́з­ни ду́­ши и те́­ла, утиши́ бу́­рю злых нападе́ний вра́жеских, отъими́ бре́мя гре­хо́в мои́х, и не оста́­ви ме­не́ до кон­ца́ поги́бнути, и печа́лию сокруше́нное се́рд­це мое́ уте́ши, да сла́в­лю Тя до после́дняго издыха́ния мо­его́. Ами́нь.

Добавить комментарий

Ваш e-mail не будет опубликован. Обязательные поля помечены *