Икона «Мати Молебница»

Икона "Мати Молебница"

Икона  «Мати  Молебница»,  получившая  известность  под  Херсоном,  относится  к  новопрославленным  местночтимым  иконам  Пресвятой  Богородицы  и  история  ее  совсем  короткая,  но  она  очень  почитается  верующими  в  поселке  городского  типа  Аскания-Нова  Чаплинского  района  Херсонской  области.  Находится  она  в  местном  храме  в  честь  иконы  Божией  Матери  «Спорительница  хлебов«.

В  нижней  церкви  этого  храма  посвящен  придел  в  честь  иконы  «Мати  Молебница».  Привезена  была  икона  «Мати  Молебница»  в  2010  году  со  Святой  горы  Афон.  Чудную  историю  приобретения  иконы  рассказал  протоиерей  Иоанн,  благочинный  Чаплинского  округа. 

Сначала  был  сон  одному  из  паломников  группы,  отправлявшейся  на  Святую  Землю,  в  котором  Пресвятая  Богородица  просила  забрать  Ее  икону.  Затем  паломники,  следуя  по  Крестному  пути  Господа  Иисуса  Христа,  в  одной  из  лавок  Старого  города  увидели  почерневшую  от  времени  икону,  заставленную  так,  что  ее  едва  было  видно,  но  от  нее  исходил  чудный  свет.

Денег  на  икону  не  хватало,  но  опять  же  с  помощью  Божией  они  нашлись.  Араб,  продавец  иконы,  рассказал,  что  ее  купил  его  дед  у  русских  эмигрантов  в  1930  году,  и  с  той  поры  они  ее  никак  не  могли  продать.  Во  всем  был  виден  промысел  Божий.  С  приобретенной  иконой  паломники  отправились  к  Храму  Воскресения  Господнего,  ко  Гробу  Господнему.  И  вот  там  икона  засияла,  стало  видно  ее  название — икона  «Мати  Молебница».  

Икона  «Мати  Молебница»  была  пронесена  по  всей  Святой  Земле,  от  камня  Помазания  до  Голгофы,  побывала  в  обители  Саввы  Освященногомонастыре  великомученика  Георгия  Победоносца,  в  Египте  на  горе  Синай,  впитала  в  себя  торжественное  величие  Иерихона  и  Горы  Искушений,  Назарета  и  Галилеи.

Икона "Мати Молебница"
Икона «Мати Молебница» в поселке Аскания-Нова

Существует  несколько  чтимых  икон  Божией  Матери  под  названием  «Мати  Молебница».  В  коллекции  Петра  Севастианова  есть  Афонская  икона  «Мати  Молебница»,  на  которой  Богоматерь  держит  правую  руку  Богомладенца  и  взирает  на  Него,  как  бы  умоляя  Его  простить  грешный  род  человеческий.  Предположительно  эта  икона  относится  к  XIV  веку.

Икона "Мати Молебница"
Афонская икона «Мати Молебница» XIV века  

Иконография:  Иконографический  тип — Умиление.  Богомладенец,  сидящий  на  левой  руке  Богоматери,  ласково  прижался  к  Ней  ланитой.  Пресвятая  Богородица  трепетно  и  нежно  прижимает  Сына  к  Себе,  в  глазах  Ее  скорбь  и  знание  Его  предстоящих  страданий,  и  смирение  воли  Божией.

Икона  «Мати  Молебница» — образ,  выражающий  глубокую  Любовь  и  Нежность  Матери  и  Сына.  Правой  благословляющей  руки  Предвечного  Младенца  не  видно.  В  левой  руке  Он  держит  свиток.  Мафорий  Богомладенца  красного  цвета  выделяется  на  фоне  всех  остальных  приглушенных  оттенков.

На  иконе  виден  главный  смысл  образа — глубокая  внутренняя  связь  между  Пресвятой  Матерью  и  Божественным  Младенцем.  Выражена  она  через  нежную  устремленность  их  ликов,  обращенных  навстречу  друг  другу.

Молитвенная  традиция:  Перед  иконой  Божией  Матери  «Мати  Молебница»  молятся  о  здравии  детей  и  сохранении  беременности.  Верующие  обращаются  к  Пресвятой  Богородице  пред  Ее  святой  иконой  с  просьбой  о  помощи  в  различных  житейских  нуждах,  скорбях,  болезнях.

Празднование:  Празднование  иконе  «Мати  Молебница»  было  установлено  по  благословению  Блаженнейшего  Митрополита  Киевского  и  всея  Украины  Владимира  в  2012  году.  Оно  совершается  в  Неделю  седьмую  по  Пасхе,  в  первое  воскресенье  после  Вознесения  Господнего.  Праздник  всегда  переходящий.

 

АКАФИСТ    ИКОНЕ    «МАТИ   МОЛЕБНИЦА»

Не  утвержден  для  общецерковного  использования.

Тропарь, глас 3

Мати Молебнице, земли нашея Заступнице, моли Сына Твоего Христа Бога нашего, да подаст нам молитвами Твоими избавление от тяжких грехов и лютых обстояний, мир и благоденствие и велию милость.

 

Кондак, глас 5

Явление иконы Твоея светло празднующе, восхваляем милости Твоя на ны богатыя; достойны нас быти сотвори Твоея любве, о Владычице, и всех людей сподоби воспевати Ти присно: радуйся, Мати Молебнице, Ходатаице о душах наших.

 

Кондак 1

Взбранной Воеводе Владычице нашей Богородице, милостиво икону Свою пречудную нам даровавшей и вся верныя чада Церкве просветившей, благодарственное приносим пение. Ты же, о Царице небесе и земли, Сына Твоего о нас умоли и от всяких бед избави, да с радостию зовем Ти: Радуйся, Мати Молебнице, Милостивая о нас пред Богом Предстательнице.

 

Икос 1

Ангел множество и вся Силы Небесныя Тебе, честнейшую Херувим и славнейшую без сравнения Серафим, небесными гласы непрестанно величают. Мы же, грешнии, ангельстей песни подражати дерзающе, со умилением поем Ти:

Радуйся, Еюже рaдocть возсияет.

Радуйся, Еюже клятва изчезнет.

Радуйся, падшаго Адама воззвание.

Радуйся, слез Евиных избавление.

Радуйся, высото неудобовосходимая человеческими помыслы.

Радуйся, глубино неудобозримая и ангельскима очима.

Радуйся, яко еси Царево седалище.

Радуйся, яко носиши Носящаго вся.

Радуйся, Звездо, являющая Солнце.

Радуйся, утробо Божественнаго воплощения.

Радуйся, Еюже обновляется тварь.

Радуйся, Еюже покланяемся Творцу.

Радуйся, Мати Молебнице, Милостивая о нас пред Богом Предстательнице.

 

Кондак 2

Видяще Твое милосердие неизреченное, Всемилостивая Владычице, всем верно молящимся Тебе преизобильно являемое, и многая и дивная чудеса Тобою чрез святыя иконы Твоя творимая, величаем Тя, возвеличившую род наш Твоим благоволением, и с любовию покланяемся пречистаго лика Твоего изображению, зовуще Сыну Твоему и Богу нашему: Аллилуиа.

 

Икос 2

Разумом от Бога свыше просвещеннии, на чудотворный лик Твой взирающе, Царице Небесная, разумеем, яко дарова Тя Господь всем страждущим во избавление от бед: Ты бо с верою и упованием к Тебе прибегающим простираеши руку помощи, Владычице. Сего ради дивное заступление Твое о роде человечестем восхваляюще, радостно вопием Ти:

Радуйся, совета неизреченнаго Таиннице.

Радуйся, молчания просящих веро.

Радуйся, чудес Христовых начало.

Радуйся, велений Его главизно.

Радуйся, лествице небесная, Еюже сниде Бог.

Радуйся, мосте, преводяй сущих от земли на небо.

Радуйся, Ангелов многословущее чудо.

Радуйся, бесов многоплачевное поражение.

Радуйся, Свет неизреченно родившая.

Радуйся, еже како, ни единаго же научившая.

Радуйся, премудрых превосходящая разум.

Радуйся, верных озаряющая смыслы.

Радуйся, Мати Молебнице, Милостивая о нас пред Богом Предстательнице.

 

Кондак 3

Сила Вышняго осени Тя, Пречистая, егда Архангелу Гавриилу, безсеменное зачатие Ти благовествующу, со смирением «Се, Раба Господня», — рекла еси, Богу же из глубины сердечныя вопия: Аллилуиа.

 

Икос 3

Имущи Тя, Мати Божия, Премилосердную Ходатаицу за нас, пред возлюбленным Сыном Твоим и Богом нашим непрестанно молитвы Своя возносящую, с благодарением ко образу Твоему прибегаем и Тебе, яко источнику радости приснотекущия, вопием:

Радуйся, отрасли неувядаемыя розго.

Радуйся, Плода безсмертнаго стяжание.

Радуйся, Делателя делающая Человеколюбца.

Радуйся, Садителя жизни нашея рождшая.

Радуйся, ниво, растящая гобзование щедрот.

Радуйся, трапезо, носящая обилие очищения.

Радуйся, яко рай пищный процветаеши.

Радуйся, яко пристанище душам готовиши.

Радуйся, приятное молитвы кадило.

Радуйся, всего мира очищение.

Радуйся, Божие к смертным благоволение.

Радуйся, смертных к Богу дерзновение.

Радуйся, Мати Молебнице, Милостивая о нас пред Богом Предстательнице.

 

Кондак 4

Бури житейския избегающи, под осенение иконы Твоея, Преблагая Владычице, вернии притекают и мольбы своя пред тою возносят, получивше же благодатное утешение от Тебе, восхваляют матерния щедроты Твоя, поя о Тебе Богу: Аллилуиа.

 

Икос 4

Слышавше о чудесех Твоих, Преблагословенная, от икон Твоих бываемая, просим Тя, Дево Богородице: умоли Сына Твоего и Бога нашего, да укрепит нас творити волю Его, да поможет нам во всех трудех наших, да исцелит нас от страстей и уврачует греховныя язвы душ и телес наших, да благодаряще Господа, воспеваем Ти сице:

Радуйся, Агнца и Пастыря Мати.

Радуйся, дворе словесных овец.

Радуйся, невидимых врагов мучение.

Радуйся, райских дверей отверзение.

Радуйся, яко небесная срадуются земным.

Радуйся, яко земная сликовствуют небесным.

Радуйся, апостолов немолчная уста.

Радуйся, страстотерпцев непобедимая дерзосте.

Радуйся, твердое веры утверждение.

Радуйся, светлое благодати познание.

Радуйся, Еюже обнажися ад.

Радуйся, Еюже облекохомся славою.

Радуйся, Мати Молебнице, Милостивая о нас пред Богом Предстательнице.

 

Кондак 5

Боготечная звезда явися икона Твоя «Мати Молебница», путь спасения верным указующая и сущих в болезнех и печалех радостию осиявающая; на нюже взирающе, Тебе, истинней Матери Божией, с любовию покланяемся и за вся милости и щедроты Твоя благодарение возносим, Богу вопия: Аллилуиа.

 

Икос 5

Видевше богатыя и неисчетныя милости Твоя, Пресвятая Дево, вси вернии Тебе Материю своею величают: Ты бо еси воистину любвеобильная и сердобольная о всех нас Предстательница пред Престолом Живоначальныя Троицы. Сего ради приими от нас похвалы сия:

Радуйся, Звезды незаходимыя Мати.

Радуйся, заре таинственнаго дне.

Радуйся, прелести пещь угасившая.

Радуйся, Троицы таинники просвещающая.

Радуйся, мучителя безчеловечнаго изметающая от начальства.

Радуйся, Господа Человеколюбца показавшая Христа.

Радуйся, варварскаго избавляющая служения.

Радуйся, тимения изымающая дел.

Радуйся, огня поклонение угасившая.

Радуйся, пламене страстей изменяющая.

Радуйся, верных Наставнице целомудрия.

Радуйся, всех родов веселие.

Радуйся, Мати Молебнице, Милостивая о нас пред Богом Предстательнице.

 

Кондак 6

Проповедуют благодатную помощь Твою, Всемилостивая Владычице, вси Тобою от бед и напастей спасеннии и милостивым заступлением Твоим обрадованнии, и, благодаряще о всех благодеяниих Твоих, вопиют о Тебе Богу: Аллилуиа.

 

Икос 6

Возсия нам чудесы многими святая икона Твоя, о Богомати, еюже исцеления и помощь верным обильно подаеши. Мы же, таковому промышлению о нас дивяся, с любовию вопием Ти сице:

Радуйся, исправление человеков.

Радуйся, низпадение бесов.

Радуйся, прелести державу поправшая.

Радуйся, идольскую лесть обличившая.

Радуйся, море, потопившее фараона мысленнаго.

Радуйся, каменю, напоивший жаждущия жизни.

Радуйся, огненный столпе, наставляяй сущия во тьме.

Радуйся, покрове миру, ширший облака.

Радуйся, пище, манны Приемнице.

Радуйся, сладости святыя Служительнице.

Радуйся, земле обетования.

Радуйся, из неяже течет мед и млеко.

Радуйся, Мати Молебнице, Милостивая о нас пред Богом Предстательнице.

 

Кондак 7

Хотящих всех спастися и в разум истины приити милостиво под кров Свой, Пречистая Дево, приемлеши и благодатныя дары от иконы Твоея подаеши. Темже, со усердием припадающе к многоцелебному образу Твоему, взываем Богу: Аллилуиа.

 

Икос 7

Дивную Ходатаицу за род человеческий показал еси нам, Господи, Пречистую Матерь Твою, Преблагословенную Деву Богородицу, Еяже всемощным покровом невидимо покрываеми, от бед и напастей избавляемся, поюще:

Радуйся, цвете нетления.

Радуйся, венче воздержания.

Радуйся, воскресения образ облистающая.

Радуйся, ангельское житие являющая.

Радуйся, древо светлоплодовитое, от негоже питаются вернии.

Радуйся, древо благосеннолиственное, имже покрываются мнози.

Радуйся, во чреве носящая Избавителя плененным.

Радуйся, рождшая Наставника заблуждшим.

Радуйся, Судии праведнаго умоление.

Радуйся, многих согрешений прощение.

Радуйся, одеждо нагих дерзновения.

Радуйся, любы, всякое желание побеждающая.

Радуйся, Мати Молебнице, Милостивая о нас пред Богом Предстательнице.

 

Кондак 8

Странствие земное многотрудное и многоскорбное зде совершающе, горняго града, Иерусалима Небеснаго, непрестанно взыскуем, Тя, Владычице, Путеводительницу Благую имуще. Ты же не престай наставляти путем заповедей Христовых шествовати всех вопиющих Богу: Аллилуиа.

 

Икос 8

Всем вся верою призывающим Тя на помощь, Царице небесе и земли, по коегождо потребе подаеши: скорбящим утешение, бедствующим вспоможение, болящим исцеление, маловерным в вере укрепление, страждущим отраду. О всех сих благодеяниих Твоих благодарственно вопием Ти сице:

Радуйся, Бога невместимаго вместилище.

Радуйся, честнаго таинства двери.

Радуйся, неверных сумнительное слышание.

Радуйся, верных известная похвало.

Радуйся, колеснице пресвятая Сущаго на Херувимех.

Радуйся, селение преславное Сущаго на Серафимех.

Радуйся, противная в тожде собравшая.

Радуйся, девство и рождество сочетавшая.

Радуйся, Еюже разрешися преступление.

Радуйся, Еюже отверзеся рай.

Радуйся, ключу Царствия Христова.

Радуйся, надеждо благ вечных.

Радуйся, Мати Молебнице, Милостивая о нас пред Богом Предстательнице.

 

Кондак 9

Всяк земнородный, духом просвещаемь, радостию да торжествует, славяще неисчетныя милости Твоя, Всеблагая Владычице, и со Архангелом да вопиет: «Радуйся, Благодатная, Господь с Тобою!», и Тобою с нами, вопиющими Ему: Аллилуиа.

 

Икос 9

Ветии человечестии не возмогут по достоянию восхвалити дивная чудотворения Твоя от образа Твоего «Мати Молебница» именуемаго и от множества иных икон верным источаемая. Мы же, преславная чудеса Твоя видяще, со умилением сердечным Тебе взываем:

Радуйся, премудрости Божия приятелище.

Радуйся, промышления Его сокровище.

Радуйся, любомудрыя немудрыя являющая.

Радуйся, хитрословесныя безсловесныя обличающая.

Радуйся, яко обуяша лютии взыскателе.

Радуйся, яко увядоша баснотворцы.

Радуйся, афинейская плетения растерзающая.

Радуйся, рыбарския мрежи исполняющая.

Радуйся, из глубины неведения извлачающая.

Радуйся, многи в разуме просвещающая.

Радуйся, кораблю хотящих спастися.

Радуйся, пристанище житейских плаваний.

Радуйся, Мати Молебнице, Милостивая о нас пред Богом Предстательнице.

 

Кондак 10

Спасти хотя мир, Иже всех Спаситель и Господь дарова Тя, Владычице Богородице, нам яко Всемощную Покровительницу и Заступницу. Мы же, воспоминая глаголы Твоя к Нему: «Царю Небесный, приими всякаго человека, молящагося Тебе и призывающаго имя Мое на помощь, да не отъидет от лика Моего тощь и неуслышан» и несумненную надежду на милосердие Божие имуще, благодарственно вопием о Тебе: Аллилуиа.

 

Икос 10

Стена нерушимая и прибежище еси Ты, Царице Небесная, всем упование свое на Тя возлагающим и пред чудотворным образом Твоим с верою Тебе молящимся и воспевающим Ти сице:

Радуйся, столпе девства.

Радуйся, дверь спасения.

Радуйся, Начальнице мысленнаго наздания.

Радуйся, Подательнице Божественныя благости.

Радуйся, Ты бо обновила еси зачатыя студно.

Радуйся, Ты бо наказала еси окраденныя умом.

Радуйся, тлителя смыслов упраждняющая.

Радуйся, Сеятеля чистоты рождшая.

Радуйся, чертоже безсеменнаго уневещения.

Радуйся, верных Господеви сочетавшая.

Радуйся, добрая Младопитательнице девам.

Радуйся, Невестокрасительнице душ святых.

Радуйся, Мати Молебнице, Милостивая о нас пред Богом Предстательнице.

 

Кондак 11

Пение всеумиленное приносим Ти, милосердная наша Заступнице, и молим Тя: от бед и напастей нас избави, да Тобою утешаеми и облагодетельствовани, Возлюбленному Сыну Твоему вопием: Аллилуиа.

 

Икос 11

Светоприемная свеща истиннаго Света сущим на земли явльшися, Благодатная Дево Богородице, души просвещаеши с любовию к Тебе притекающим и молишися пред Престолом Небеснаго Владыки о всех поющих Ти таковая:

Радуйся, луче умнаго Солнца.

Радуйся, светило незаходимаго Света.

Радуйся, молние, души просвещающая.

Радуйся, яко гром враги устрашающая.

Радуйся, яко многосветлое возсияваеши просвещение.

Радуйся, яко многотекущую источаеши реку.

Радуйся, купели живописующая образ.

Радуйся, греховную отъемлющая скверну.

Радуйся, бане, омывающая совесть.

Радуйся, чаше, черплющая рaдocть.

Радуйся, обоняние Христова благоухания.

Радуйся, животе тайнаго веселия.

Радуйся, Мати Молебнице, Милостивая о нас пред Богом Предстательнице.

 

Кондак 12

Благодать Божественную испроси нам у Сына Твоего и Бога, Всеблагая Владычице, руку помощи нам простирающи и от всякаго зла сохраняющи, пред святою иконою Твоею «Мати Молебница» молящихся и со умилением поющих о Тебе Богу: Аллилуиа.

 

Икос 12

Поюще чудеса Твоя и матернее милосердие к роду человеческому, хвалим Тя, Преблагословенная, яко твердую Предстательницу нашу, веруем бо, яко испросиши для нас вся полезная благая, по обетованию Сына Твоего, рекшаго Ти: «Проси, Мати Моя, зане не отвращуся Тебе, но исполню вся прошения Твоя» и научившаго всех благодарственная пети Ти сицевая:

Радуйся, селение Бога и Слова.

Радуйся, святая святых большая.

Радуйся, ковчеже, позлащенный Духом.

Радуйся, сокровище живота неистощимое.

Радуйся, честный венче царей благочестивых.

Радуйся, честная похвало иереев благоговейных.

Радуйся, Церкве непоколебимый столпе.

Радуйся, Царствия нерушимая стено.

Радуйся, Еюже воздвижутся победы.

Радуйся, Еюже низпадают врази.

Радуйся, тела моего врачевание.

Радуйся, души моея спасение.

РадуйсяМати Молебнице, Милостивая о нас пред Богом Предстательнице.

 

Кондак 13

О Всепетая Мати, Госпоже Дево Богородице, рождшая всех святых Святейшее Слово! Приими милостиво сие малое приношение наше и Сыну Твоему принеси, да избавит нас от всех бед и напастей и будущия измет муки, о Тебе вопиющих Ему: Аллилуиа.

(Этот кондак читается трижды, затем икос 1 и кондак 1)

 

Молитва

О Пречистая Госпоже Владычице Богородице, Надеждо нашего спасения! Воззри милостивно на предстоящия с верою и любовию и покланяющияся пречистому образу Твоему: приими наше хвалебное пение сие и пролей теплую Твою молитву о нас, грешных, ко Господу, да, презрев вся наша согрешения, спасет и помилует нас. О Предивная Владычице! Покажи на нас чудныя милости Твоя. Молим Тя умиленно: избави нас от всякия скорби, настави на путь всякия добродетели и благостыни, спаси от искушений, бед и болезней, изми от нас оклеветания и ссоры, сохрани от молниеноснаго грома, от запаления огненнаго, от глада, труса, потопа и смертоносныя язвы, подай нам Свою милостивную помощь на пути, в мори и на суше, да не погибнем люте. О Всемилостивая Мати, с твердым упованием возсылаем к Тебе нашу смиренную молитву: не отрини наших слез и воздыханий, не забуди нас во вся дни живота нашего, но всегда пребывай с нами и Твоим заступлением и ходатайством у Господа подаждь нам отраду, утешение, защиту и помощь, да выну славим и величаем преблагословенное и всепетое имя Твое. Аминь.

 

Добавить комментарий

Ваш e-mail не будет опубликован. Обязательные поля помечены *