Великомученик Гергий Победоносец


Великомученик  Георгий  Победоносец

Великомученик  Георгий  Победоносец — это  один  из  наиболее  почитаемых  и  любимых  в  народе  христианских  святых.  Ему  приписываются  устными  и  письменными  источниками  великое  множество  подвигов,  за  что  он  был  прозван  Победоносцем.

Но  самый  главный  его  подвиг — это  мученическая  смерть  за  веру  в  Господа  Иисуса  Христа.  Никакими  самыми  изощренными  пытками  не  могли  мучители  сломить  его  и  заставить  отречься  от  христианской  веры.

Родился  великомученик  Георгий  Победоносец  между  275-281  годами  в  городе  Бейрут  (Белит)  у  подножия  Ливанских  гор,  в  состоятельной  благочестивой  семье.  Родители  его  были  христиане  и  воспитали  сына  в  христианской  вере.

Великомученик  Георгий  Победоносец  поступил  на  военную  службу  и  сразу  же  выделился  среди  прочих  воинов  своей  отвагой,  храбростью,  доблестью,  умом  и  физической  силой.  Он  был  статен,  красив,  отличался  воинской  осанкой. 

За  все  эти  качества  император  Диоклетиан  полюбил  его  и  стал  продвигать  его  по  службе.  Вскоре  великомученик  Георгий  Победоносец  достиг  звания  тысяченачальника.  Но  время,  в  которое  он  жил,  было  периодом  жестокой  борьбы  отмирающего  язычества  с  нарождающимся  христианством.

Император  Диоклетиан  был  фанатичным  приверженцем  римских  богов  и  старался  всеми  способами  уничтожить  в  империи  не  только  христианство,  но  и  всех  имеющихся  христиан,  войдя  тем  самым  в  историю  как  один  из  самых  жестоких  гонителей  веры  в  Иисуса  Христа.

Его  расправы  с  иноверцами  отличались  какой-то  просто  бесчеловечной  жестокостью  и  звериной  свирепостью.  Это  не  могло  не  вызвать  в  душе  Георгия,  склонного  к  справедливости  и  милосердию,  возмущения  и  противоборства.

Понимая,  чем  может  закончится  любая  попытка  противоречить  императору,  он  раздал  все  свое  имущество  бедным,  предстал  перед  Диоклетианом,  объявил  себя  христианином  и  обвинил  императора  в  жестокости  и  несправедливости.

Великомученик  Георгий  Победоносец  выступил  с  пламенной  речью  в  защиту  христианской  веры,  но  убедить  императора  в  чем-либо  было  невозможно,  хотя  он  сам  сделал  попытку  уговорить  Георгия  отречься  от  Христа.

Получив  решительный  отказ,  император  приказал  подвергнуть  святого  немыслимым  пыткам,  но  тот  мужественно  переносил  страдания  и  прославлял  Господа.  В  конце  концов  ему  отсекли  голову.  Так  святой  страдалец  отошел  ко  Христу  23  апреля  303  года  от  Рождества  Христова  в  Никомидии.

Много  легенд  было  сложено  о  великомученике  Георгии  Победоносце,  в  некоторых  из  них  проходит  связь  с  двумя  святыми  Феодорами,  Феодором  Тироном  и  Феодором  Стратилатом,  которые  тоже  были  воинами  и  территории  их  проживания  были  близки.

На  восьмой  день  мучений  к  Георгию  пришел  Диоклетиан  и  предложил  в  последний  раз  отказаться  от  веры.  Великомученик  Георгий  Победоносец  попросил  отнести  его  в  храм  Аполлона,  где  поднялся  во  весь  рост,  осенил  себя  крестным  знамением,  а  затем  наложил  крест  на  Аполлона.  Тут  же  все  идолы  в  храме  сокрушились.

Это  чудо  произвело  на  многих  большое  впечатление,  после  него  немало  людей  приняло  святую  веру.  Прибежавшая  в  храм  жена  Диоклетиана  царица  Александра  Римская  (причислена  к  лику  святых)  пала  на  колени  перед  великомучеником,  прося  простить  его  мужа  тирана.  Император  в  гневе  приказал  обезглавить  их  обоих.

На  многих  иконах  великомученик  Георгий  Победоносец  изображается  на  белом  коне  поражающим  змея.  Исследователи  полагают,  что  этот  подвиг  относится  к  его  посмертным  деяниям.  По  легенде  недалеко  от  города,  в  котором  родился  святой  Георгий  в  озере  жил  змей.

Этот  змей  пожирал  людей  той  местности,  и  они  из  суеверия  стали  отдавать  ему  регулярно  по  жребию  юношу  или  девушку.  Однажды  жребий  пал  на  дочь  правителя.  Ее  отвели  на  берег  озера  и  привязали  к  дереву,  где  она  ждала  появления  змея.

Когда  чудище  начало  приближаться  к  девушке,  вдруг  появился  светозарный  юноша  на  белом  коне  и  поразил  змея.  Этот  юноша  был  великомученик  Георгий  Победоносец.  Он  спас  девушку,  и  избавил  местность  от  лютого  зверя.

Изображение  Георгия  на  коне  поражающим  змея  символизирует  победу  над  диаволом — «древним  змием»  (Откр.  12, 3;  20, 2)

Молитвенная  традиция:  Великомученику  Георгию  Победоносцу  молятся  воины,  считающие  его  своим  покровителем,  о  помощи  на  ратном  поле,  а  также  скотоводы,  которые  с  дореволюционных  времен  в  день  памяти  святого  (Юрьев  день)  выгоняли  скот  в  первый  раз  после  зимы  на  пастбища  и  служили  ему  молебны.

Все  же  верующие  обращаются  к  нему  с  просьбой  о  помощи  и    защите  от  недругов  и  злых  людей.

Память:  23  апреля  /  6  мая,  3  /  16  ноября.

 

АКАФИСТ   ВЕЛИКОМУЧЕНИКУ   ГЕОРГИЮ  ПОБЕДОНОСЦУ

Утвержден  для  общецерковного  использования.

Конда́к 1.

Возбра́нному воево́де и Победоно́сцу Гео́ргию соста́вим похвалу́, я́ко хода́таю на́шему и ско́рому помо́щнику: ты́ же, святы́й великому́чениче, я́ко име́яй дерзнове́ние ко Го́споду, от вся́ких на́с бе́д свободи́, да зове́м ти́:

Ра́дуйся, Гео́ргие, вели́кий Победоно́сче.

И́кос 1.

А́нгелов Творе́ц и всея́ тва́ри Соде́тель, яви́вый тя́ Це́ркви Своея́ ве́ры побо́рника и за ве́ру непобеди́маго страстоте́рпца, внуша́ет на́м за по́двиги страда́ний твои́х восхваля́ти тя́, свя́те Гео́ргие, си́це:

Ра́дуйся, до конца́ Иису́са Сы́на Бо́жия возлюби́вый; ра́дуйся, за и́мя Его́ с любо́вию ду́шу свою́ положи́вый.

Ра́дуйся, испове́дниче, от Бо́га призва́нный; ра́дуйся, подви́жниче, Бо́жиею благода́тию просла́вленный.

Ра́дуйся, А́нгелов сожи́телю; ра́дуйся, проро́ков равностоя́телю.

Ра́дуйся, Гео́ргие, вели́кий Победоно́сче.

Конда́к 2.

Ви́дя гоне́ние нечести́вых на христиа́ны, не убоя́лся еси́ ко́зни и́х и мучи́тельства, богому́дре, но я́ко до́брый во́ин Христо́в, вся́ своя́ ни́щим разда́в, во́лею поте́кл еси́ на сове́т и́х непра́ведный, Христу́ вождю́ и Бо́гу своему́ поя́: Аллилу́иа.

И́кос 2.

Разу́мно уразуме́в Еди́наго Бо́га, в Трие́х Ипоста́сех боголе́пно покланя́емаго, тве́рдым умо́м испове́дал еси́ Его́ на собо́рищи нечести́вых и та́ко обличи́л еси́ безу́мнаго царя́ безу́мное поклоне́ние тва́ри. Сего́ ра́ди за твое́ высо́кое любому́дрие приими́ от на́с, Гео́ргие, усе́рдныя похвалы́:

Ра́дуйся, Еди́наго и́стиннаго Бо́га пропове́дниче; ра́дуйся, Пресвяты́я Тро́ицы ве́рный защи́тниче.

Ра́дуйся, ве́лию правосла́внаго испове́дания та́йну неве́рным показа́вый; ра́дуйся, и́дольскаго служе́ния пре́лесть обличи́вый.

Ра́дуйся, ри́торе Бо́жий; ра́дуйся, вети́е, прему́дрости испо́лненный.

Ра́дуйся, Гео́ргие, вели́кий Победоно́сче.

Конда́к 3.

Си́ла Бо́жия, просвеща́ющая вся́каго челове́ка, гряду́щаго в ми́р, и в темни́це тя́ стра́ждущаго посети́ла е́сть, смиренному́дре Гео́ргие: поне́же ты́ вся́ жития́ сего́ тле́нная, я́ко уме́ты презре́в, еди́ному Христу́ прилепи́лся еси́, да за и́мя Его́ до́бре во́инствовав, сподо́бишися Тому́ со А́нгелы ве́чно воспева́ти: Аллилу́иа.

И́кос 3.

Име́я у́м и се́рдце, Ду́хом Святы́м озаре́нныя, ты́ по внуше́нию Его́ поревнова́л еси́ подвиза́тися за и́мя Христо́во, до кро́ве стоя́ бо му́жественно в ве́ре, обличи́л еси́ вознесе́нную нечести́ваго собо́рища горды́ню. Сего́ ра́ди хва́лим тя́, всему́дре Гео́ргие, си́це:

Ра́дуйся, щи́те, воздви́гнутый на охране́ние благоче́стия; ра́дуйся, мечу́, подъя́тый на посече́ние нече́стия.

Ра́дуйся, сто́лпе ве́ры; ра́дуйся, стено́ и утвержде́ние Христо́вы Це́ркви.

Ра́дуйся, ве́рных удобре́ние; ра́дуйся, неве́рных стра́х и посрамле́ние.

Ра́дуйся, Гео́ргие, вели́кий Победоно́сче.

Конда́к 4.

Безу́мный мучи́тель, ды́шащий на тя́ уби́йством, страстоте́рпче Гео́ргие, жа́ждал бо кро́ве твоея́, я́ко пе́с а́лчный, повелева́я распя́ти на колесе́ те́ло твое́ и зле́йшим му́кам преда́ти; ты́ же, возмога́я о Го́споде, с тве́рдым упова́нием к Бо́гу взыва́л еси́: Аллилу́иа.

И́кос 4.

Слы́шавше от тебе́ Диоклетиа́н и жрецы́ и́дольстии словеса́ прему́дрости, распыха́хуся на тя́ зло́бою, па́че же егда́ ре́кл еси́: «О царю́ мучи́телю! Почто́ мя́ всу́е истязу́еши? Мне́ бо е́же жи́ти, Христо́с, и е́же умре́ти, приобре́тение. Тру́дно ти́ е́сть проти́ву рожна́ пра́ти». Сего́ ра́ди мы́ взыва́ем ти́, великоимени́те Гео́ргие, си́це:

Ра́дуйся, за му́жественное испове́дание ве́ры на колесе́ кро́вь свою́ пролия́вый; ра́дуйся, кро́вию свое́ю торжество́ ве́ры возвели́чивый.

Ра́дуйся, Апо́столов соревни́телю; ра́дуйся, во́льным Христо́вым Страсте́м подража́телю.

Ра́дуйся, побо́рниче ве́ры непоколеби́мый; ра́дуйся, страстоте́рпче, адама́нта тверде́йший.

Ра́дуйся, Гео́ргие, вели́кий Победоно́сче.

Конда́к 5.

Боготе́чней звезде́ подо́бен бы́л еси́ Гео́ргие, чуде́сным бо от А́нгела исцеле́нием и ви́димым от колеса́ отреше́нием научи́л еси́ неве́рных ве́ровати в Тро́ицу Единосу́щную и То́й ку́пно с тобо́ю воспева́ти: Аллилу́иа.

И́кос 5.

Ви́деша наро́ди чудеса́ си́лы Бо́жией, я́ве на тебе́ быва́емыя, с кро́тостию уче́ние Христо́во от тебе́ прия́ша и возопи́ша, глаго́люще: «Вои́стину вели́к Бо́г христиа́нский!» Сего́ ра́ди и мы́, восхваля́я тя́, достосла́вне Гео́ргие, взыва́ем си́це:

Ра́дуйся, светоно́сным спасе́ния сло́вом тьму́ неве́рия разгна́вый; ра́дуйся, му́ченическим ве́ры испове́данием неве́рныя ко Христу́ обрати́вый.

Ра́дуйся, легио́ны во́инов земны́х в небе́сное во́инство предводя́й; ра́дуйся, я́ко во́ин Христо́в с небе́сными во́и пребыва́яй.

Ра́дуйся, ратобо́рцев сла́во; ра́дуйся, пресве́тлаго му́ченическаго ли́ка красото́.

Ра́дуйся, Гео́ргие, вели́кий Победоно́сче.

Конда́к 6.

Пропове́дником и́стины, духоно́сным Апо́столом поревнова́в, кресто́м ми́ру распя́лся еси́, страстоте́рпче; се́ бо, я́ко Ио́на во чре́во ки́тово, в пе́щь нерастворе́нныя и́звести стремгла́в вве́ржен бы́л еси́, да просла́вится тебе́ ра́ди ди́вный во святы́х Госпо́дь, Ему́же ты́ и в ро́ве и́звестнем, я́ко во хра́ме сла́вы, у́мно взыва́л еси́: Аллилу́иа.

И́кос 6.

Возсия́вый в тридне́внем Свое́м от гро́ба воста́нии всеси́льный а́да и сме́рти Победи́тель Иису́с спасе́ тя́ от а́дова истле́ния, страстоте́рпче Гео́ргие: по трие́х бо дне́х обрето́ша тя́ в и́звести жи́ва и в воздея́нии ру́к пою́ща Бо́га; сего́ ра́ди вельми́ пристра́шни бы́ша и ужасо́шася. Мы́ же, ра́дующеся, воспису́ем ти́ побе́дную пе́снь:

Ра́дуйся, позо́рным в и́звестный ро́в низверже́нием, вознесе́нную диа́вола горды́ню низложи́вый; ра́дуйся, ди́вным от Бо́га спасе́нием зве́рство мучи́телей победи́вый.

Ра́дуйся, я́ко незло́бив сы́й, за твори́вших ти́ напа́сть моли́лся еси́, я́ко за благотво́рцев; ра́дуйся, я́ко о обраще́нии и́х, я́ко же Па́вел о евре́ех, боле́зновал еси́.

Ра́дуйся, му́жу жела́ний; ра́дуйся, сосу́де избра́нный.

Ра́дуйся, Гео́ргие, вели́кий Победоно́сче.

Конда́к 7.

Хотя́й вся́чески улови́ти се́рдце твое́ к пре́лести и́дол, нечести́вый мучи́тель умышля́ет прельсти́ти тя́ волше́бными чарова́нии; ты́ же, богоизбра́нне, с Дави́дом восклица́я: «О Бо́зе спасе́ние мое́ и сла́ва моя́», ве́рно Тому́ пе́л еси́: Аллилу́иа.

И́кос 7.

Но́вое показа́ зло́ лука́вый о́ный сатаны́ служи́тель Диоклетиа́н, егда́ в безу́мной свое́й ко и́долом ре́вности повеле́ напои́ти тя́, Гео́ргие, я́дом; ты́ же испо́лнен сы́й ве́ры и упова́ния, а́ще и сме́ртное испи́л, оба́че без вре́да пребы́л еси́, богохва́льне, те́мже и мы́ вопие́м ти́:

Ра́дуйся, я́ко во упова́нии на Бо́га Жи́ва не посрами́лся еси́; ра́дуйся, я́ко мучи́теля нивочто́же вмени́л еси́.

Ра́дуйся, бесо́в отгна́телю; ра́дуйся, волше́бныя ко́зни разруши́телю.

Ра́дуйся, я́ко тобо́ю ди́вен Бо́г во святы́х Свои́х явля́ется; ра́дуйся, я́ко тобо́ю благоче́стно и́мя Христо́во прославля́ется.

Ра́дуйся, Гео́ргие, вели́кий Победоно́сче.

Конда́к 8.

Стра́нный и стра́шный сове́т бы́сть от не́коего волхва́ нечести́вому царю́, да повели́т ти́, в доказа́тельство пра́вости ве́ры Христо́вой, сло́вом воскреси́ти ме́ртваго; ты́ же, Гео́ргие, ничто́же сумня́ся, воспева́л еси́ Тому́, И́же не́сть Бо́г ме́ртвых, но Бо́г живы́х: Аллилу́иа.

И́кос 8.

Всежела́нный и Сладча́йший Иису́с, Его́же ты́ все́ю душе́ю и все́м се́рдцем возлюби́л еси́, всеблаже́нне Гео́ргие, слы́ша те́плое ве́ры твоея́ моле́ние, вско́ре повеле́ по сло́ву твоему́ воскре́снути ме́ртвому, прославле́ния ра́ди И́мени Своего́ и ве́рных утвержде́ния, неве́рным же и ослепле́нным на удивле́ние и богопозна́ние. Сего́ ра́ди по до́лгу вопие́м ти́:

Ра́дуйся, я́ко Госпо́дь си́л ди́вная на тебе́ яви́л е́сть; ра́дуйся, я́ко тобо́ю ме́ртваго от гро́ба воскреси́л е́сть.

Ра́дуйся, ослепле́нному волхву́ у́мное ве́ры прозре́ние дарова́вый; ра́дуйся, мно́гим, Христа́ ра́ди пострада́вшим, во свята́я святы́х пу́ть показа́вый.

Ра́дуйся, Ри́ма удивле́ние; ра́дуйся, христиа́нскаго ро́да возвыше́ние.

Ра́дуйся, Гео́ргие, вели́кий Победоно́сче.

Конда́к 9.

Вси́ А́нгели восхвали́ша Бо́га, дарова́вшаго ти́ таково́е му́жество, Гео́ргие, я́ко и в темни́чном заточе́нии не престава́л еси́ моли́твенно бо́дрствовати. Сего́ ра́ди, я́ко вели́кий таи́нник Бо́жия благода́ти, удосто́ился еси́ ви́дети в виде́нии Го́спода, венце́м нетле́ния главу́ твою́ венча́юща, да и мы́ с тобо́ю вопие́м: Аллилу́иа.

И́кос 9.

Вети́и многовеща́ннии ри́торскими свои́ми язы́ки не возмо́гут изрещи́ тебе́ досто́йныя хвалы́, Гео́ргие, мно́гих ра́ди твои́х подвиго́в и боле́зней, и́хже за Христа́ и Це́рковь подъя́л еси́ во́лею. Сего́ ра́ди и мы́, недоуме́я восхваля́ти тя́ по достоя́нию, воспева́ем си́це:

Ра́дуйся, во́льным за Христа́ и Це́рковь страда́нием ве́тхаго в себе́ Ада́ма распя́вый; ра́дуйся, за до́блестное страда́ние вене́ц пра́вды от руки́ Госпо́дней прия́вый.

Ра́дуйся, пра́вило ре́вности благочести́выя; ра́дуйся, о́бразе нищеты́ духо́вныя.

Ра́дуйся, я́ко не себе́, но Еди́ному Бо́гу до́бре угоди́л еси́; ра́дуйся, я́ко за Христа́ на многообра́зныя сме́рти гото́в бы́л еси́.

Ра́дуйся, Гео́ргие, вели́кий Победоно́сче.

Конда́к 10.

Спасти́ хотя́ ду́ши во тьме́ идолослуже́ния погиба́ющих, боголю́бче Гео́ргие, ты́, ревну́я, поревнова́л еси́, я́ко Илия́ по Бо́зе: вше́д бо во хра́м и́дольский, си́лою Бо́жиею разгна́л еси́ бе́сы, сокруши́л и́долы, посрами́л жрецы́ и, я́ко победи́тель, не с челове́ки, но со А́нгелы пе́л еси́ Бо́гу: Аллилу́иа.

И́кос 10.

Стены́ безчу́вственнее окамене́нный се́рдцем мучи́тель тво́й, Гео́ргие, не уразуме́ Бо́га, я́ве тобо́ю чудоде́йствующа, но до конца́ пребы́л еси́, я́ко а́спид, затыка́яй у́ши свои́. Сего́ ра́ди повеле́ усещи́ тя́ на позо́рищи во главу́, я́ко злоде́я; ты́ же, боле́знуя о поги́бели души́ его́, ра́достно прия́л еси́ кончи́ну, за ню́же мы́ тя́ ублажа́ем любо́вию си́це:

Ра́дуйся, ве́ру, наде́жду и любы́ до конца́ сохрани́вый; ра́дуйся, во успе́нии твое́м мно́гия и вели́кия чудеса́ сотвори́вый.

Ра́дуйся, ору́жием благоволе́ния Бо́жия венча́нный на земли́; ра́дуйся, сла́вою и велеле́пием украше́нный на Небеси́.

Ра́дуйся, челове́че Бо́жий; ра́дуйся, до́брый во́ине Христо́в.

Ра́дуйся, Гео́ргие, вели́кий Победоно́сче.

Конда́к 11.

Пе́ние Пресвяте́й Тро́ице па́че ины́х возда́л еси́, святы́й великому́чениче Гео́ргие, не сло́вом то́чию и умо́м, но живы́м всего́ себя́ в же́ртву принесе́нием: подража́я бо распя́тому за ны́ непоро́чному А́гнцу Христу́, положи́л еси́ ду́шу свою́ за дру́ги своя́ во́лею. Те́мже у́бо а́ще и недово́льни есмы́ к похвале́нию таковы́я твоея́ до́блести, бо́льше бо сея́ любве́ никто́же и́мать, оба́че благода́рни су́ще, пое́м Ди́вному во святы́х Бо́гу: Аллилу́иа.

И́кос 11.

Светоприе́мный свети́льник и́стиннаго Све́та су́щим на земли́ явля́ешися, богоизбра́нне Гео́ргие, просвеща́еши бо сердца́ ве́рных и к ра́зуму Боже́ственному вся́ наставля́еши, поуча́я и на́с ве́село взыва́ти:

Ра́дуйся, я́ко в пресве́тлых а́нгельских черто́зех вселя́ешися; ра́дуйся, я́ко не в гада́нии, но лице́м к лицу́, Невече́рняго Тро́ическаго Све́та причаща́ешися.

Ра́дуйся, ни́щих пита́телю и оби́димых защи́тниче; ра́дуйся, немощны́х врачу́ и царе́й побо́рниче.

Ра́дуйся, правосла́вным во́ином во бра́нех спобо́рниче; ра́дуйся, о спасе́нии гре́шников те́плый хода́таю.

Ра́дуйся, Гео́ргие, вели́кий Победоно́сче.

Конда́к 12.

Благода́ть, да́нную ти́ от Бо́га, ве́дуще, па́мять твою́ пра́зднуем, великому́чениче Гео́ргие, и с усе́рдным моле́нием к чудотво́рному о́бразу твоему́ притека́юще, твое́ю всеси́льною о Го́споде по́мощию, я́ко необори́мою стено́ю, огражда́емся. Сего́ ра́ди восхваля́я тя́, усе́рдно зове́м Бо́гу: Аллилу́иа.

И́кос 12.

Сла́вную кончи́ну твою́ пою́ще, е́юже возвели́чился еси́, я́ко до́брый во́ин Христо́в, мо́лим тя́, страстоте́рпче Гео́ргие: бу́ди на́м во все́м ко бла́гу помо́щниче и услы́ши ны́, усе́рдно взыва́ющих ти́:

Ра́дуйся, я́ко тобо́ю Це́рковь ве́рных просвеща́ется; ра́дуйся, я́ко и́мя твое́ и между́ неве́рными прославля́ется.

Ра́дуйся, ди́вная испове́дников сла́во; ра́дуйся, высо́кая му́чеников похвало́.

Ра́дуйся, теле́с на́ших целе́бниче; ра́дуйся, о душа́х на́ших моли́твенниче.

Ра́дуйся, Гео́ргие, вели́кий Победоно́сче.

Конда́к 13.

О всеблаже́нный и святы́й великому́чениче Гео́ргие, приими́ сие́ на́ше хвале́бное пе́ние и изба́ви на́с от вся́каго зла́ твои́м те́плым к Бо́гу хода́тайством, да с тобо́ю воспева́ем: Аллилу́иа.

Этот конда́к читается трижды, затем 1-й и́кос и 1-й конда́к.

И́кос 1.

А́нгелов Творе́ц и всея́ тва́ри Соде́тель, яви́вый тя́ Це́ркви Своея́ ве́ры побо́рника и за ве́ру непобеди́маго страстоте́рпца, внуша́ет на́м за по́двиги страда́ний твои́х восхваля́ти тя́, свя́те Гео́ргие, си́це:

Ра́дуйся, до конца́ Иису́са Сы́на Бо́жия возлюби́вый; ра́дуйся, за и́мя Его́ с любо́вию ду́шу свою́ положи́вый.

Ра́дуйся, испове́дниче, от Бо́га призва́нный; ра́дуйся, подви́жниче, Бо́жиею благода́тию просла́вленный.

Ра́дуйся, А́нгелов сожи́телю; ра́дуйся, проро́ков равностоя́телю.

Ра́дуйся, Гео́ргие, вели́кий Победоно́сче.

Конда́к 1.

Возбра́нному воево́де и Победоно́сцу Гео́ргию соста́вим похвалу́, я́ко хода́таю на́шему и ско́рому помо́щнику: ты́ же, святы́й великому́чениче, я́ко име́яй дерзнове́ние ко Го́споду, от вся́ких на́с бе́д свободи́, да зове́м ти́:

Ра́дуйся, Гео́ргие, вели́кий Победоно́сче.

Моли́тва пе́рвая.

Святы́й, сла́вный и всехва́льный великому́чениче Гео́ргие! Собра́ннии в хра́ме твое́м и пред ико́ною твое́ю свято́ю покланя́ющиися лю́дие, мо́лим тя́, изве́стный жела́ния на́шего хода́таю, моли́ с на́ми и о на́с умоля́емаго от Своего́ благоутро́бия Бо́га, да ми́лостивно услы́шит на́с, прося́щих Его́ благосты́ню, и не оста́вит вся́ на́ша ко спасе́нию и житию́ ну́ждная проше́ния, и да́рует стране́ на́шей побе́ду на сопроти́вныя; и па́ки, припа́дающе, мо́лим тя́, святы́й Победоно́сче: укрепи́ да́нною тебе́ благода́тию во бра́нех правосла́вное во́инство, разруши́ си́лы возстаю́щих враго́в, да постыдя́тся и посра́мятся, и де́рзость и́х да сокруши́тся, и да уве́дят, я́ко мы́ име́ем Боже́ственную по́мощь, и все́м, в ско́рби и обстоя́нии су́щим, многомо́щное яви́ свое́ заступле́ние. Умоли́ Го́спода Бо́га, всея́ тва́ри Созда́теля, изба́вити на́с от ве́чнаго муче́ния, да всегда́ прославля́ем Отца́, и Сы́на, и Свята́го Ду́ха и твое́ испове́дуем предста́тельство ны́не, и при́сно, и во ве́ки веко́в. Ами́нь.

Моли́тва втора́я.

О всехва́льный, святы́й великому́чениче и чудотво́рче Гео́ргие! При́зри на ны́ ско́рою твое́ю по́мощию и умоли́ Человеколю́бца Бо́га, да не осу́дит на́с, гре́шных, по беззако́нием на́шим, но да сотвори́т с на́ми по вели́цей Свое́й ми́лости. Не пре́зри моле́ния на́шего, но испроси́ на́м у Христа́ Бо́га на́шего ти́хое и богоуго́дное житие́, здра́вие же душе́вное и теле́сное, земли́ плодоро́дие и во все́м изоби́лие, и да не во зло́ обрати́м да́руемая на́м тобо́ю от Всеще́драго Бо́га, но во сла́ву свята́го И́мени Его́ и в прославле́ние кре́пкаго твоего́ заступле́ния, да пода́ст О́н стране́ на́шей и всему́ боголюби́вому во́инству на супоста́ты одоле́ние и да укрепи́т непременя́емым ми́ром и благослове́нием. Изря́днее же да огради́т на́с святы́х А́нгелов Свои́х ополче́нием, во е́же изба́витися на́м по исхо́де на́шем от жития́ сего́ от ко́зней лука́ваго и тя́жких возду́шных мыта́рств его́ и неосужде́нным предста́ти Престо́лу Го́спода сла́вы. Услы́ши на́с, страстоте́рпче Христо́в Гео́ргие, и моли́ за ны́ непреста́нно Триипоста́снаго Влады́ку все́х Бо́га, да благода́тию Его́ и человеколю́бием, твое́ю же по́мощию и заступле́нием обря́щем ми́лость со А́нгелы и Арха́нгелы и все́ми святы́ми одесну́ю Правосу́днаго Судии́ ста́ти и Того́ вы́ну сла́вити со Отце́м и Святы́м Ду́хом ны́не, и при́сно, и во ве́ки веко́в. Ами́нь.

 

 

 

     

Добавить комментарий

Ваш e-mail не будет опубликован. Обязательные поля помечены *