Рождество Христово

Рождество  Христово

В  ночь  с  6  на  7  января  миллионы  православных  христиан  во  всем  мире  празднуют  один  из  главных  церковных  праздников — светлое  Рождество  Христово,  которое  входит  в  число  так  называемых  Господских  двунадесятых  праздников.

Рождество  Христово — это  праздник,  установленный  в  честь  рождения  во  плоти  Господа  Иисуса  Христа  от  Девы  Марии.  До  IV  века  восточные  христиане  не  отмечали  Рождество  Христово  отдельно.  Христиане  считали  Иисуса  Христа  Богом  с  момента  его  воплощения.  Поэтому  Крещение  было  названо  Богоявлением.  И  до  IV  века  Крещение  и  Рождество  Христово  праздновались  одновременно.

Возникновение  праздника  относится  к  первым  временам  христианства.  По  мнению  О. Г. Ульянова,  Рождество  Христово,  как  отдельный  праздник,  было  установлено  первым  христианским  императором  Константином  Великим.  Тропарь  праздника  следует  датировать  именно  временем  правления  равноапостольного  Константина,  с  именем  которого  связано  обретение  Животворящего  Креста  Господнего  и  возникновение  другого  большого  праздника  Воздвижения  Креста  Господнего

В  постановлениях  апостольских  говорится:  «Храните,  братия,  дни  праздничные,  во-первых,  день  Рождества  Христова.»  На  это  особое,  изначальное  празднование  Рождества  Христова  много  времени  спустя  указал  святой  Иоанн  Златоуст  словами:  «Кто  назовет  его  матерью  всех  праздников,  тот  не  погрешит…»  От  праздника  Рождества  Христова  начались  все  праздники,  как  от  источника  различные  потоки.

Рождество  Христово  как  бы  является  сотворением  мира  заново.  Празднование  воплощения  Бога  Слова  становится  краеугольным  камнем.  Исповедание  воплощения  Божия  таинственно  отделяет  свет  от  тьмы.  В  старых  требниках  Рождество  Христово  называли  «Зимней  Пасхой«.  Воскресение  Христово  было  следствием  Рождества.

По  определению  апостола  Иоанна  Богослова,  «кто  исповедует  Бога  пришедшего  во  плоти,  от  Бога  есть,  а  кто  не  исповедует  пришествия  Бога  Слова,  пришествия  во  плоти,  от  Бога  несть,  но  тот  есть  антихристов».

Согласно  пророкам,  Христос  родился  в  городе  Вифлееме  в  5508  году  от  сотворения  мира  в  царствование  императора  Августа ( Октавия ).  Об  этом  событии  повествуется  в  Евангелиях  от  Луки  и  Матфея.

Как  сообщают  евангелисты,  в  то  время в  Римской  империи  была  объявлена  всеобщая  перепись  населения.  Дева  Мария  и  Иосиф  должны  были  прибыть  в  город  Вифлеем  для  участия  в  переписи.  В  связи  с  переписью  город  был  переполнен,  мест  в  гостиницах  не  было.

Мария  с  Иосифом  нашли  место  для  ночлега  в  известковой  пещере,  предназначенной  для  содержания  скота.  Там  и  настал  срок  родин.  Предвечный  Младенец  родился  на  соломе  и  спеленутый  матерью  был  помещен  в  ясли.  На  месте,  где  пришел  в  мир  Сын  Божий,  ныне  находится  базилика  Рождества  Христова,  которую  заложила  святая  равноапостольная  Елена.

Рождество Христово
Рождество Христово

Первыми  пришли  поклониться  Ему  пастухи,  извещенные  об  этом  событии  ангелом.  Затем  Вифлеемская  звезда  привела  к  месту  рождения  Спасителя  мира  волхвов,  которые  принесли  ему  в  дар  золото,  ладан  и  смирну.

Эти  дары  имели  глубокий  смысл:  золото  принесли  как  царю  в  виде  дани,  ладан —  как  Богу,  а  смирну —  как  человеку,  который  должен  умереть  (  смирной  в  те  далекие  времена  помазывали  умерших ).

Прослышав  о  рождении  Христа,  царь  Ирод,  правивший  в  то  время  Иудеей  и  опасавшийся  его  как  соперника  своему  царствованию,  отправил  солдат  с  приказанием  истребить  всех  младенцев  до  двух  лет.  Иосиф  получил  откровение  об  этой  опасности  и  бежал  с  Девой  Марией  и  Младенцем  в  Египет.  Там  Святое  семейство  находилось  до  смерти  Ирода.

Праздник  Рождества  Христова  отмечается  христианскими  церквами  в  разные  даты  из-за  различий  в  юлианском  и  григорианском  календарях.  В  337  году  папа  римский  Юлий I  утвердил  дату  празднования  Рождества  Христова  25  декабря.

Вот  по  юлианскому  календарю Русская  православная  церковь  празднует  Рождество  Христово  25  декабря,  так  как  не  приняла  реформу  календаря  папы  Григория  XIII. По  новому  григорианскому  календарю,  который  был  введен  в  России  только  в  1918  году (  в  западной  Европе  в  1582  году )  эта  дата  приходится  на  7  января,  поскольку  Русская  православная  церковь  продолжает  пользоваться  юлианским  календарем.

Предшествует  празднику  Рождества  Христова  Рождественский  пост, чтобы  душа  христиан  очистилась  молитвой  и  покаянием,  а  тело — воздержанием  в  пище.  Пост  начинается  28  ноября  ( 15 ноября )  и  длится  до  7  января. Последний  день  поста — Навечерие  Рождества,  Рождественский  сочельник,  когда  пост  становится  особенно  строгим  и  служится  вечерня.

Рождество  Христово

Накануне  Рождества  готовятся  праздничные  блюда:  сочиво  и  кутья  (блюда  из  пропаренных  злаков  с  медом).  Едят  в  сочельник  только  один  раз — после  праздничного  богослужения.  К  Рождественскому  сочельнику  храмы  украшаются  празднично  гирляндами,  еловыми  ветвями  и  цветами.  Непременным  атрибутом  праздничного  убранства  является  вертеп,  изображающий  место  рождения  Иисуса  Христа.

Вертеп

Символами  Рождества  Христова  являются  рождественская  ель  и  Вифлеемская  звезда,  которая  крепится  на  верхушку  этой  ели.  Ангелы  и  колокольчики  напоминают  нам  о  возвещении  рождения  Иисуса  Христа  пастухам,  которые  первыми  пришли  поклониться  долго  ожидаемому  Мессии.  Звон  колокольчиков  прославляет  Господа.

Рождество  Христово

Во  многих  странах  Рождество  Христово  празднуется  с  зажжеными  свечами.  Их  свет  символизирует  Божественное  сияние  радости  Рождества.  Величие  праздника  отражается  в  праздничном  богослужении.  На  Руси  традиция  наряжать  ель  на  Рождество  Христово  появилась  в  XVIII  веке. 

Ель  наряжают  и  на  Новый  год,  но  это  светская  традиция.  Для  православных  христиан  ель — прежде  всего,  символ  Рождества.  Вечно  зеленая  ель  напоминает  о  жизни  вечной.  Кроме  того  считается,  что  Мария  и  Иосиф  закрывали  вход  в  пещеру,  где  родился  Предвечный  Младенец,  ветвями  ели.  

 

Акафист    Рождеству   Христову

Тропарь, глас 4

Рождество Твое, Христе Боже наш, возсия мирови свет разума: в нем бо звездам служащии звездою учахуся Тебе кланятися, Солнцу Правды, и Тебе ведети с высоты Востока. Господи, слава Тебе.

Кондак, глас 3

Дева днесь Пресущественнаго раждает, и земля вертеп Неприступному приносит, Ангели с пастырьми славословят, волсви же со звездою путешествуют: нас бо ради родися Отроча Младо, Превечный Бог.

Величание

Величаем Тя, Живодавче Христе, нас ради ныне плотию Рождшагося от Безневестныя и Пречистыя Девы Марии.

Кондак 1

Избравый от всех родов Пречистейшую Ангел Деву и от Нея родивыйся плотию, Христе Боже наш, благодарственная приносим Ти, раби Твои, Владыко; Ты же, яко имеяй милосердие неизреченное, от всяких нас бед свободи, зовущих: Иисусе, Сыне Божий, воплотивыйся нас ради, слава Тебе.

Икос 1

Ангел множество собрася в Вифлееме видети непостижное Рождество, и, видевше Творца своего, во яслех яко Младенца лежаща, удивишася, и, страхом благоговеюще, Рождшагося и Рождшую боголепне почитаху, поюще таковая:

Слава Тебе, Сыне Божий, прежде век от Отца рожденный.

Слава Тебе, со Отцем и Духом вся сотворивый.

Слава Тебе, спасти погибшия пришедый.

Слава Тебе, даже до рабия зрака снизшедый.

Слава Тебе, Взыскателю заблуждших.

Слава Тебе, Спасителю погибших.

Слава Тебе, средостение вражды разрушившу.

Cлава Тебе, рай, преслушанием затворенный, паки отверзшу.

Слава Тебе, род человеческий неизреченно возлюбившу.

Cлава Тебе, на земли вертеп Небо явившу.

Слава Тебе, рождшую Тя Деву Престол Херувимский показавшу.

Иисусе, Сыне Божий, воплотивыйся нас ради, слава Тебе.

Кондак 2

Видяще безплотнии Ангели своего Владыку, от Чистыя Девы плоть приемша, ужасошася и друг ко другу реша: «Преславное сие таинство непостижимо нам является быти», обаче дивящеся неизреченному Того снизхождению, со страхом пояху: Аллилуиа.

Икос 2

Разумная вся тварь, ужасающися и благодарящи, поет Твоего Рождества, Владыко, таинство: Силы Небесныя радуются, поюще: «Слава в вышних Богу», и земля с человеки веселится, мы же непрестанно вопием:

Слава Тебе, в вышних славимому Богу.

Слава Тебе, мир на земли сотворившему.

Слава Тебе, нас Собою примирившему.

Слава Тебе, на земли нам явившемуся.

Слава Тебе, от Девы неизреченно воплотившемуся.

Слава Тебе, звезду возсиявшему.

Слава Тебе, тою волхвы на поклонение Тебе призвавшему.

Слава Тебе, дары от них милостивно приявшему.

Слава Тебе, всю тварь Тебе служити научившему.

Слава Тебе, и нас Тебе пети наставившему.

Слава Тебе, Себе нас соединившему.

Слава Тебе, нас Собою спасшему.

Иисусе, Сыне Божий, воплотивыйся нас ради, слава Тебе.

Кондак 3

Сильный в крепости, Бог мира и Отец щедрот, прииде на землю спасти мир погибающий, ныне в Вифлееме яко Младенец раждается от Девы, Юже Матерь и Ходатаицу спасения показа всем Того воплощение славящим и поющим: Аллилуиа.

Икос 3

Имуще Тебе пречисто Рождшую, о нас непрестанно молящуюся, радующеся, поем Твоего вочеловечения, Владыко, таинство, и Рождество от Девы Богоприятныя славословяще, вопием:

Слава Тебе, Сыне Божий, нас ради воплотивыйся.

Слава Тебе, Сыне Девы, от Девы несказанно родивыйся.

Слава Тебе, человеколюбия бездну на нас показавшему.

Слава Тебе, нас неизреченно возлюбившему.

Слава Тебе, заблуждшее овча взыскавшему.

Слава Тебе, об обретении того срадоватися Ангелом рекшему.

Слава Тебе, на рамо сие восприемшему.

Слава Тебе, ко Отцу тое приведшему.

Слава Тебе, человеки со Ангелы во едино стадо совокупльшему.

Слава Тебе, мир от прелести избавльшему.

Слава Тебе, велию и неизреченную милость нам явившему.

Слава Тебе, нас паче инех тварей прославльшему.

Иисусе, Сыне Божий, воплотивыйся нас ради, слава Тебе.

Кондак 4

Бурю внутрь помышлений сумнительных прежде имевый, целомудренный Иосиф ныне внутрь божественнаго вертепа видит преславныя: аще бо и яко человека видяше от Девы Раждаемаго, но разумеваше от вещей Бога быти Истиннаго, и, Тем боголепне поклонився, радостно пояше: Аллилуиа.

Икос 4

Слышаша пастырие Ангела, возвещающа им рождшагося Спаса миру во граде Давидове, и, скоро текше, видеша Сего яко агнца непорочна, во чреве Девыя упасшася, во яслех лежаща, и Рождшую, благоговейно служащу, и Иосифа, со страхом предстояща, сказаша о глаголанных к ним и, поклонившеся Рождшемуся, реша:

Слава Тебе, Агнче Божий, Спасе мира.

Слава Тебе, Сыне Божий, неизреченное чудо нам показавый.

Слава Тебе, Ангельских пений слышатели нас быти явивый.

Слава Тебе, с ними и нас славословити Тя научивый.

Слава Тебе, Ангелы и человеки пети Тя вразумивый.

Слава Тебе, на земли и на небеси радость сотворивый.

Слава Тебе, яко о Тебе небесная срадуются земным.

Слава Тебе, яко Тобою земная совокупляются небесным.

Слава Тебе, крепость диаволю немощну показавшему.

Слава Тебе, от того мучительства нас избавльшему.

Слава Тебе, в Тя верующим неизреченная радосте.

Слава Тебе, любящим Тя неизглаголанная сладосте.

Иисусе, Сыне Божий, воплотивыйся нас ради, слава Тебе.

Кондак 5

Боготечную звезду, Христово Рождество предъявляющую, узревше звездоблюстители волсви, тоя вождением Непостижимаго достигоша и Невидимаго видеша, возрадовашася же, Тому вопиюще: Аллилуиа.

Икос 5

Видяще царие персидстии на руку Девичу Царя царствующих, яко на престоле Херувимстем седяща, и Владыку Того разумевающе, аще рабий прият зрак, потщашася дары Ему принести: злато — яко Царю всех, ливан же — яко Богу, смирну — яко Безсмертному, и, поклонившеся, пояху:

Слава Тебе, Свет всем возсиявый.

Слава Тебе, нас звездою на поклонение Тебе призвавый.

Слава Тебе, злобу лютаго Ирода обличившему.

Слава Тебе, суетно того умышление показавшему.

Слава Тебе, нас от того прелести избавльшему.

Слава Тебе, покланятися Тебе, Солнцу Правды, научившему.

Слава Тебе, вся светом разума просветившему.

Слава Тебе, Твоим Рождеством многобожия прелесть упразднившему.

Слава Тебе, вражие владычество до конца низложившему.

Слава Тебе, со Отцем и Духом Тебе покланятися нас научившему.

Слава Тебе, прельстившаго нас змия главу сокрушившему.

Слава Тебе, от вечныя смерти нас избавльшему.

Иисусе, Сыне Божий, воплотивыйся нас ради, слава Тебе.

Кондак 6

Проповедник богоносных вещания яже от Тебе исполняя, на земли явил еси Себе, Спасе, во убозем ныне вертепе рождься от Чистыя Девы, и, богат сый, нас ради обнищал еси волею, да человеки обогатиши, верою Тебе поющия: Аллилуиа.

Икос 6

Возсиял еси от Девы и Неискусомужныя Твоея Матере, Иисусе, яко солнце просвещая и прогоняя лжи тьму: демони бо, Спасе, нетерпяще Твоея крепости, вси вострепеташа, и ад, видев чудо, убояся; мы же, благодаряще, вопием Ти:

Слава Тебе, человек Спасителю.

Слава Тебе, бесов Потребителю.

Слава Тебе, прелести начальника Твоим Рождеством устрашившему.

Слава Тебе, идольскую прелесть упразднившему.

Слава Тебе, светом богопознания вся осиявшему.

Слава Тебе, тьму неведения отгнавшему.

Слава Тебе, воду спасения всем источивый.

Слава Тебе, жажду Адамову и Давидову утоливый.

Слава Тебе, яко солнцем, Твоим Рождеством вся просветивый.

Слава Тебе, лучи благодати вселенней облиставый.

Слава Тебе, землю обетования нам показавый.

Слава Тебе, от всеродныя клятвы нас избавивый.

Иисусе, Сыне Божий, воплотивыйся нас ради, слава Тебе.

Кондак 7

Хотя от века сокровенную тайну нам явити, от всея твари служители таинству показал еси, Спасе: от Ангел — Гавриила, от человек — Деву, от небес — звезду, от земли — вертеп, в немже родитися благоволил еси; темже дивящеся Твоей неизреченней премудрости, зовем: Аллилуиа.

Икос 7

Новую показал еси тварь, явлься плотию всех Зиждитель, из безсеменныя прозяб утробы, и сохранив ю, якоже бе нетленну, и Ходатаицу спасения показал еси поющим:

Слава Тебе, Сыне Божий, Тя Рождшую Матерь милосердия показавый.

Слава Тебе, Тую и по Рождестве Деву сохранивый.

Слава Тебе, спасти Адама пришедый.

Слава Тебе, слезы Евины утоливый.

Слава Тебе, вся спасти возжелавый.

Слава Тебе, Воскресения образ облиставый.

Слава Тебе, грехов наших рукописание раздравый.

Слава Тебе, Собою смирения образ нам показавый.

Слава Тебе, нас ради обнищавый.

Слава Тебе, Твоею нищетою нас обогативый.

Слава Тебе, одеждою спасения нас одеявый.

Слава Тебе, Твоею любовию нас усладивый.

Иисусе, Сыне Божий, воплотивыйся нас ради, слава Тебе.

Кондак 8

Странное и преславное Рождество Твое видевше, в вертепе совершающееся, устранимся суетнаго мира, ум на Божественная преложше: сего бо ради Бог на земли явися смиренный Человек, да на небеса возведет Тому вопиющия: Аллилуиа.

Икос 8

Весь еси желание, весь сладость любящим Тя, Христе Боже, и Твое Божественное снизхождение славящим: от Девы бо Чистыя рождьшся на земли, нас на небеса возводиши, поющих:

Слава Тебе, Сыне Божий, на земли родивыйся.

Слава Тебе, от Девы неизреченно воплотивыйся.

Слава Тебе, Себе нам показавшу.

Слава Тебе, нас, от Тебе далече сущих, призвавшу.

Слава Тебе, неизреченная наша радосте.

Слава Тебе, сердец наших сладосте.

Слава Тебе, в Рождестве Твоем свет спасения возсиявый.

Слава Тебе, слезы ради нашего спасения пролиявый.

Слава Тебе, теми пламень страстей наших угасивый.

Слава Тебе, нас от скверны греховныя омывый.

Слава Тебе, преступление разрушившему.

Слава Тебе, от тления нас избавльшему.

Иисусе, Сыне Божий, воплотивыйся нас ради, слава Тебе.

Кондак 9

Всякое разумение и всяк ум Ангельский и человеческий не постигает Твоего непостижнаго Рождества таинства разумети; обаче, Владыко Благий, нашу любовь и веру приими и спаси нас, Тебе поющих: Аллилуиа.

Икос 9

Вития многовещанныя яко рыбы безласныя видим о Твоем воплощении, Владыко, недоумеют бо глаголати, како, Бог сый Совершен, Человек Совершенный явися, и от Девы Неискусобрачныя како родися; мы же, тайны не испытующе, верою единою славим Тя, вопиюще:

Слава Тебе, Ипостасная Божия Премудросте.

Слава Тебе, неизглаголанное всех веселие.

Слава Тебе, любомудры немудрыя явивый.

Слава Тебе, о Тебе испытующих посрамивый.

Слава Тебе, вся баснотворная плетения растерзавый.

Слава Тебе, свет боговедения всем возсиявый.

Слава Тебе, мудрость во Твоих делех пролиявый.

Слава Тебе, многим разум просветивый.

Слава Тебе, путь спасения нам показавый.

Слава Тебе, неизчетная бездно милосердия.

Слава Тебе, пучино щедрот и человеколюбия.

Иисусе, Сыне Божий, воплотивыйся нас ради, слава Тебе.

Кондак 10

Спасти восхотев мир погибающий, Иже всех Украситель, от Девы, яко Младенец, раждается и во яслех пеленами повивается, разрешаяй многоплетенныя пленицы прегрешений, и Сын сый Божий, Девыя Сын бывает, и вся мудре устрояет, да спасет Тому поющия: Аллилуиа.

Икос 10

Стена и столп злобы богопротивныя Ирод пребеззаконный показася, жизнь всем Подающаго убити богоборец тщашеся, и незлобивыя младенцы, яко класы незрелы, мечем пожинахуся;.темже и мы злобу всякую от сердец наших отринувше, нас спасти Пришедшаго прославим, вопиюще:

Слава Тебе, Иродово умышление тщетно показавый.

Слава Тебе, от того избиенныя младенцы со Ангелы сопричтый.

Слава Тебе, злобы Потребителю.

Слава Тебе, смирения Наставниче и смертных Любителю.

Слава Тебе, рог гордости сломивый.

Слава Тебе, свет правды всем возсиявый.

Слава Тебе, кротости и смирению всех Собою научивый.

Слава Тебе, вся в Твое познание приведый.

Слава Тебе, Тя Рождшия утробу Твоим Рождеством освятивый.

Слава Тебе, от пастырей чудо и от волхвов дары приявый.

Слава Тебе, и безсловесныя Тебе служити научивый.

Слава Тебе, всю тварь освятивый.

Иисусе, Сыне Божий, воплотивыйся нас ради, слава Тебе.

Кондак 11

Пение всякое Твоему, еже нас ради, воплощению достойно принести хотящих побеждается, темже и нам удобее есть любити молчание: ибо аще и равночисленныя песка морскаго песни приносим Ти, Царю Пресвятый, ничтоже совершаем достойно; темже со страхом поем: Аллилуиа.

Икос 11

Свет Тя незаходимый сущии во тьме и сени смертней седящии, Спасе наш, узревше, от Девы возсиявша, просветишася огнем Твоего Божества, и Тебе, премудрости и смысла Подателю, пояху сицевая:

Слава Тебе, Сыне Божий, Свете неизреченный.

Слава Тебе, Солнце Правды, Твоим Рождеством вся просветивый.

Слава Тебе, многосветлое просвещение возсиявшему.

Слава Тебе, многотекущую благодати реку нам источившему.

Слава Тебе, жаждущих водою спасения богатно напоившему.

Слава Тебе, любящим Тя иго благо и бремя Твое легко показавшему.

Слава Тебе, от бремене греховнаго нас облегчившему.

Слава Тебе, нас от работы вражия избавльшему.

Слава Тебе, Твоим на земли явлением вся возвеселивый.

Слава Тебе, утешатися нам надеждею пакибытия даровавый.

Слава Тебе, нам желаний наших край Себе явивый.

Слава Тебе, нас, врагов сущих, со Отцем примиривый.

Иисусе, Сыне Божий, воплотивыйся нас ради, слава Тебе.

Кондак 12

Благодать всем подати и долги человеков разрешити пришедый, Спасе наш, Твоим воплощением и наша долги разреши и грехов рукописание раздери, Твое несказанное Рождество славящих и непрестанно поющих: Аллилуиа.

Икос 12

Поюще Твое вочеловечение, хвалим, благословим и покланяемся Тебе, Спасе наш, и веруем, яко Господь и Бог еси, спасаяй всех на Тя уповающих, и Твое еже от Девы неизреченное Рождество славословящих, и поющих таковая:

Слава Тебе, Сыне Божий, в вышних со Отцем и Духом покланяемый.

Слава Тебе, от всех колен небесных и земных славимый.

Слава Тебе, сокровенное от века таинство открывый.

Слава Тебе, Твою к нам неизреченную любовь явивый.

Слава Тебе, всея твари Украсителю.

Слава Тебе, наш Всемилостивый Спасителю.

Слава Тебе, благочестно царствующих на земли скипетры утверждаяй.

Слава Тебе, святители благоговейныя и иереи премудростию и благолепием украшаяй.

Слава Тебе, Церкве основание и утверждение.

Слава Тебе, всем верным спасение и украшение.

Слава Тебе, телес наших Врачу и исцеление.

Слава Тебе, душ наших Украсителю и Спасителю.

Иисусе, Сыне Божий, воплотивыйся нас ради, слава Тебе.

Кондак 13

О Пресладкий и Всещедрый Иисусе, Спасителю наш, Творче и Владыко! Приими ныне малое сие молебное благодарение и славословие наше, якоже приял еси от волхвов поклонение и дары, и сохрани нас, Твоих рабов, от всякия напасти, и грехов прощение даруй, и вечныя муки избави верно славящих Твое от Чистыя Девы Рождество и вопиющих Ти: Аллилуиа.

(Этот кондак читается трижды, затем икос и кондак 1).

Молитва

Пребезначальное Начало, Боже Святый и Вечный, и всея твари Содетелю! Киими словесы возблагодарим и киими песньми возвеличим Твое нас ради человек неизреченное снизхождение, волею Божества Своего не отступльше, и недр Отчих не разлучаяся, Бог сый, яко человек, в вертепе безсловеснем ныне положился еси, Христе Боже наш! Кто исповесть неизглаголаннаго сего таинства величие и преславнаго сбытия таинство: Сын Божий — Сын Девы является, да свободит мир от клятвы законныя, и сыны греха и беззакония — чадами Божиими, наследниками вечных благ соделает, — Себе же, яко жертву непорочную и всесвятую, в залог спасения падшаго человека да принесет. Иисусе Сладчайший, Владыко Всемилостивый! Твоим Пребожественным снизхождением юдоль земная в храм Божественныя Славы Твоея освятися, и вси живущии на ней небесным веселием исполнишася. Сподоби убо и нас в день преславнаго Рождества Твоего чистым сердцем и отверстою душею исповедати Тя истиннаго Агнца Божия, услаждающаго и укрепляющаго нас надеждою грядущих благ в немеркнующем Свете Трисиятельнаго Божества, Имже вся живет и движется, Имже обновление нашего первообразнаго бытия да усовершится. Ей, Господи, всякаго благодеяния богатый Дателю, и Подателю Благий, за еже тако возлюбил еси мир, яко вся скорби и болезни наша на Себе понести изволил еси, не остави нас, дондеже суета земная скорбьми и напастьми не изсушила души наша, и не погибе путь спасения под ногама нашима, да не посмеются о нас врази наши, но даруй нам в свете Твоего Божественнаго Откровения познати путь мира, добра и истины, и воззови ненасытною жаждою по Тебе, Спасителе нашем, во еже творити волю Твою преблагую во страсе Твоем, и в похвалу неизреченному снизхождению Твоему, яко кадило благовонное, приносити Тебе житие нескверное и любовь нелицемерную, да в делех наших и во уповании веры нашея непрестанно совершается воля Твоя святая, и во веки не умолкнет под небесем слава Твоя, слава, — яко Единороднаго от Отца, исполнь благодати и истины. Яко о Тебе, ныне плотию от Безневестныя и Пречистыя Девы Марии Рождшемся, вся колена небесная и земная, радости исполняющеся, велегласно исповедуют: с нами Бог, Емуже честь и поклонение подобает — Отцу и Сыну и Святому Духу, во веки веков. Аминь.

Добавить комментарий

Ваш e-mail не будет опубликован. Обязательные поля помечены *