Остробрамская икона Божией Матери

Остробрамская икона Божией Матери

 Чудотворная  Остробрамская   икона  Божией  Матери  находится  в  часовне  Острая  Брама  ( Острые  ворота)  в  Вильнюсе,  ее  называют  еще  Виленскою,  хотя  под  Виленской  иконой  подразумевается  совсем  иной  образ,  просто  наименование  это  отображает  место  явления  и  прославления.   Эту  икону  почитают  и  православные,  и  католики  в  Белоруссии,  Литве,  Украине  и  Польше.

Она  считается  одной  из  главных  христианских  святынь  Вильнюса  и  Литвы.  С  иконой  и  творимыми  ею  чудесами  связано  много  легенд  и  преданий.  Чудесным  образом  возникшая  в  православном  мире,  Остробрамская  икона  Божией  Матери  уже  несколько  веков  будоражит  умы  историков  и  теологов.

Никто  до  сих  пор  не  знает  точно,  откуда  взялась  данная  святыня  и  кто  ее  автор.  Но,  несмотря  на  это,  за  несколько  сотен  лет  образ  Девы  Марии,  почитаемый  как  среди  православных,  так  и  среди  католиков,  продолжает  обрастать  легендами  о  великих  событиях  и  чудесных  исцелениях,  коим  свидетелями  было  великое  множество  очевидцев,  испытавших  на  себе  благодатную  помощь  Царицы  Небесной..

Иконография  образа:  В  основе  иконографии,  по  мнению  специалистов,  лежит  живописное  полотно  нидерландского  художника  Мартена  де  Воса,  а  сама  икона  написана  в  1620 — 1630 — ые  годы.  Написана  Остробрамская  икона  Божией  Матери  в  стиле  барокко  красками  из  натуральных  порошковых  красителей  на  дубовых  дощечках  2  см  толщиной.  Размер  иконы  1,6  на  2  метра.

Иконография — одиночное  изображение  Богоматери   без  Богомладенца,  достаточно  редкий  тип  изображения  Пресвятой  Богородицы.   Голова  Богородицы  увенчана  короной,  от  нимба  исходят  лучи  света.  Считается,  что  корона  польская,  знаменующая  покровительство  Польше.

Синий  мафорий  украшен  растительным  орнаментом.  Под  скрещенными  на  груди  руками  —  крест.  На  синем  поле  иконы  изображены  звезды,  а  внизу  полумесяц.  Образ  поражает  своей  красотой  и  богатым  убранством.

Остробрамскую  икону  называют  также  Корсунское  Благовещение,  связывая  с  ней  предание  о  происхождении  из  Корсуни  и  считая  изображение  Богоматери  частью  сюжета  Благовещения.  В  1829  году  во  время  снятия  серебряной  ризы  была  обнаружена  надпись  со  словами  из  Благовещения.

Остробрамская икона

История  образа:  Вообще  о  появлении  иконы  существует  так  много  версий, которые  разнятся  по  году,  источнику,  месту  обретения,  что  историки  и  исследователи  Остробрамской  иконы  до  сих  пор  не  пришли  к  единому  мнению.

По  одной  из  них  явление  иконы  произошло  14  апреля  1461  года  на  Острых  Вратах  в  Вильно,  столице  княжества  Литовского.  По  другой,  икона  была  прислана  великому  князю  Литовскому  Ольгерду  греческим  императором  Иоанном  Палеологом  в  знак  принятия  князем  христианства.

Жена  князя  Ольгерда  Иулиана  передала  Остробрамскую  икону  в  Свято-Троицкий  монастырь,  где  она  находилась  долгое  время.  Но  в  1596  году  была  подписана  Бресткая  уния.  Остробрамская  икона  Божией  Матери  со  всеми  православными  святынями  тех  лет  перешла  сначала  к  католикам,  а  затем  к  монахам  кармелитам,  спасшим  ее  от  пожара.

Кармелиты  настолько  прониклись  ее  образом,  что  построили  для  нее  отдельную  часовню  и  трепетно  заботились  о  святой  иконе,  устраивали  сорокачасовые  службы  в  ее  честь.  В  часовню  ведет  лестница  из  крытой  галереи.  Таким  образом,  чтобы  войти  в  город,  необходимо  пройти  под  Остробрамской  иконой.

В  XIX  веке  было  установлено  негласное  правило  среди  местных  жителей,  что  каждый,  кто  проходит  под  Остробрамской  иконой,  должен  снимать  головной  убор,  отдавая  честь  святыне  и  дань  поклонения  Пресвятой  Богородице,  хранящей  город  под  Своим  Покровом.

На  стены  часовни  с  XVIII  века  люди  вешают  различные  серебряные  и  золотые  украшения,  изображения  рук,  ног,  автомобилей  в  знак  различных  обетов  и  просьб,  которые  они  возводят  к  Пречистой  Деве  Марии,  а  также  как  свидетельства  исцелений  и  чудотворений.

2  июля  1927  года  по  инициативе  Папы  Римского  Пия XI  состоялась  коронация  иконы.  Остробрамская  икона  Божией  Матери  была  украшена  золотой  короной,  которая  впоследствии  пропала.  Ее  заменили  старинными  коронами,  серебряной  и  позолоченной  медной,  а  в  2018  году  вновь  украсили  золотой.

Все  версии  о  происхождении  иконы  имеют  интерес  скорее  исторический.  Для  молитвенного  почитания  вопрос  о  том,  кто  и  в  каком  веке  написал  икону,  существенного  значения  не  имеет,  так  как  почитается  не  творение  рук  человеческих,  а  Первообраз — Та,  чей  лик  иконописец  воплотил  на  доске.

Остробрамская икона в Вильнюсе

Как  сообщает  Википедия,  первое  достоверное  упоминание  об  Остробрамской  иконе  Божией  Матери  содержится  в  «Хронике  монастыря  кармелитов  босых  в  Вильно».  Хроника  рассказывает  о  торжественном  переносе  Остробрамской  иконы  в  построенную  в 1671  году  часовню.

Именно  с  этим  годом  связывают  первое  чудо,  совершенное  от  иконы,  спасение  жизни  ребенка.  Второе  чудо  датируется  1702  годом.  Чудес,  совершившихся  по  молитвам  перед  святым  образом,  такое  большое  количество,  что  составляют  они  тома,  а  народная  молва  добавляет  еще  множество.  Едут  на  поклонение  иконе  со  всех  концов  света.

В  настоящее  время  общественное  богослужение  совершается  перед  Остробрамской  иконой  по  римско — католическому  обряду,  но  с  личной  молитвой  и  поклонением  к  этому  образу  по-прежнему  притекают  и  православные.

Молитвенная  традиция:  Перед  иконой  молятся  об  облегчении  и  исцелении  своих  недугов,  помощи  в  лечении  бесплодия  и  душевных  заболеваний,  в  укреплении  брака,  в  поиске  без  вести  пропавших.  В  народе  сложилось  поверье,  что  Остробрамская  икона  Божией  Матери  защищает  от  непрошенных  гостей.

Давно  не  секрет,  что  святого  лика  Пресвятой  Богородицы  боятся  бесы  и  всякая  нечисть,  поэтому  Остробрамскую  икону  помещают  в  каждый  дом,  где  возникают  частые  конфликты,  несчастья  или  болезни.

Защищает  Остробрамская  икона  Божией  Матери  также  во  время  авиаперелетов,  охраняет  от  внезапной  смерти  при  катаклизмах  и  авиакатастрофах.  Люди,  возложившие  упование  на  помощь  Божией  Матери,  перестают  бояться  и  чудесным  образом  спасаются,  не  поддавшись  панике  в  критической  ситуации.

Служители  храмов  советуют  приобретать  икону  семейным  парам  и  тем,  кто  только  вступает  в  брак.  Остробрамская  икона  Божией  Матери  покровительствует  семьям,  в  доме  исчезает  раздражение  и  агрессия,  налаживается  общая  атмосфера,  между  членами  семьи  устанавливается  любовь  и  взаимопонимание.

Располагают  икону  в  правом  углу  на  стене,  которая  находится  напротив  входной  двери.  Но  это  только  рекомендации,  нужно  учитывать  также  планировку  квартиры,  расстановку  мебели  и  бытовой  техники.

Празднование  иконы:  26  декабря /  8  января  (на  следующий  день  после  Рождества  Христова),  14  /  27  апреля.

Остробрамская икона

АКАФИСТ    ПРЕСВЯТОЙ    БОГОРОДИЦЕ    ПРЕД    ИКОНОЙ    «ОСТРОБРАМСКАЯ   ВИЛЕНСКАЯ»

Кондак 1

Возбранной Воеводе и предивной Заступнице рода христианскаго, благоизволившей от святыя Своея иконы изливати нам струи благодатных исцелений, похвальная восписуем Ти раби Твои, Богородице. Ты же, яко благая Заступница чтущих Тя, от всяких нас бед свободи, да зовем Ти: Радуйся, Владычице, иконою Твоею Остробрамскою благодать и милость нам являющая.

Икос 1

Ангел с небесе послан бысть рещи Богородице: Радуйся! Мы же, земнороднии, дивящеся воплощению от Тебе Сына Твоего и Бога нашего, дерзаем воспевати Тебе сице:

Радуйся, благодатная Богородице Дево;

Радуйся, преблагословенная в женах.

Радуйся, яко Спаса родила еси душ наших;

Радуйся, яко Свободителя явила еси нам.

Радуйся, небесе и земли Царице;

Радуйся, яко превышши еси всякаго создания.

Радуйся, ангелы на небеси чтимая;

Радуйся, человеки на земли прославляемая.

Радуйся, яко пришедши ко Елисавете, Сама прорекла еси: «Отныне ублажат Мя вси роди»;

Радуйся, яко воистинну вси роди до ныне Тя непрестанно ублажают.

Радуйся, верно Тя величающим помощь скорую дарующая;

Радуйся, чудотворными Своими иконами, яко солнцем, светящая.

Радуйся, Владычице, иконою Твоею Остробрамскою благодать и милость нам являющая.

Кондак 2

Видящи, всеблагая Владычице, с высоты святаго жилища Своего скорбь и тесноту жития в державе нашей, восхотела еси явити зде славу Твою, чудотворным образом Твоим подающи скорбящим утешение, болящим исцеление, бедствующим помощь, да видяще таковую милость Твою к нам, благодарными усты воспеваем вси Богу: Аллилуия.

Икос 2

Разум благопросвещен имуще, святии праотцы и пророцы в образех, видениих и сониих чудное Рождество Твое и тайну Приснодевства Твоего изобразиша. Апостоли же Христови, проразумевше духом, коль вожделенно будет для верующих изображение святейшего лика Пречистыя Девы Богоматере, избраша из среды себе божественного Луку, яко живописца предивна. И той, испросив Матернее от Тебе благословение, подкрепляемый постом и молитвою, написа первую икону Твою, Владычице, к нейже Сама рекла еси: с образом сим будут благодать Моя и сила. Сего ради со умилением и любовию воспеваем Тебе:

Радуйся, Лествице высокая, Иаковом древле виденная;

Радуйся, землю с Небом совокупльшая;

Радуйся, Бога, на земле явльшагося, во чреве Твоем понесшая;

Радуйся, яко Неопалимая Купина нетленною пребывшая.

Радуйся, светоносный Облаче, из негоже всех Владыка, яко дождь на руно, на землю сниде.

Радуйся, чудный Жезле, цветами добродетелей верных украшающая.

Радуйся, Живоносный Источниче;

Радуйся, алчущими жаждущим вечныя правды Насыщение рождшая.

Радуйся, Христа, манну жизни, во чрево Свое вместившая;

Радуйся, души наша хлебом безсмертия насыщающая.

Радуйся, яко молящиеся Тебе от всякаго зла сохраняются;

Радуйся, яко Твоя честныя иконы чудесами прославляются.

Радуйся, Владычице, иконою Твоею Остробрамскою благодать и милость нам являющая.

Кондак 3

Сила Вышняго осеняет всякаго человека, с верою притекающаго к Твоей цельбоносней иконе, юже даровала еси людем на утешение. Сего ради и мы, со умилением взирающе на святый Твой образ, яко живей Ти сущей с нами, из глубины сердца вопием: осени и нас сирых и безпомощных, да воспоем прославляющему Тя Господу: Аллилуия.

Икос 3

Имый благое попечение о людех благосердый Господь, попусти иконе Твоей святей оставити на время некое храм Православныя Церкве, егда монаси латинстии, вземше образ Твой святый, поставиша его во храме своем. Ты же и тамо явила еси токи благодатных чудес Твоих, да познают вси христиане, коль сильна есть помощь Богоматере, и да с радостию воспевают Ти сице:

Радуйся, всех христиан помощнице;

Радуйся, Православныя Церкве славо и утешение.

Радуйся, яко отроковицею вошла еси в храм Господень;

Радуйся, яко во храме воспиталася еси.

Радуйся, святых храмов первейшее украшение;

Радуйся, яко и Сама соделалася еси храмом Сына Божия.

Радуйся, в четыредесятый день отрока Иисуса в храм Божий принесшая;

Радуйся, яко сбысться предреченное Тебе во храме Симеоном Богоприимцем.

Радуйся, любящая всех чтущих храмы Божия;

Радуйся, святых храмов твердое ограждение.

Радуйся, яко во Храме Небеснем вечно царствуеши;

Радуйся, яко вся верныя в храм сей ввести тщишися.

Радуйся, Владычице, иконою Твоею Остробрамскою благодать и милость нам являющая.

Кондак 4

Бурю земнаго скорбнаго жития нашего в немощех и болезнех видящи, Премилосердная Мати Божия благоизволи быти чуду явления образа своего во граде Киеве, темже мы с радостию неизреченною припадаем к Тебе, Владычице, и из глубины души благодарим Тя, дивную Заступницу, воспевающе Богу: Аллилуиа.

Икос 4

Слышавше ближнии и дальнии о дивном чудеси святыя иконы Твоея, Пречистая Владычице, со усердием многим притекаху к цельбоносному Твоему образу, приемля от него дары неисчетных Твоих благодеяний. Темже и мы, аще и недостойни суще, со благоговением и радостию покланяемся Тебе пред сим чудным образом и достодолжно Тя песньми ублажаем:

Радуйся, обет девства Господеви давшая;

Радуйся, до конца той соблюдшая.

Радуйся, девство и рождество сочетавшая;

Радуйся, яко по рождестве пребыла еси Дева непорочная.

Радуйся, добрыя обеты приемлющая;

Радуйся, не соблюдающих обеты наказующая.

Радуйся, покровительнице притекающих к Тебе по обету паломников;

Радуйся, милости дарующая Тебе молящимся.

Радуйся, благим намерением способствующая;

Радуйся, злая начинания разрушающая.

Радуйся, во дни земнаго странствия нашего добрая Путеводительнице;

Радуйся, к тихому пристанищу нас приводящая.

Радуйся, Владычице, иконою Твоею Остробрамскою благодать и милость нам являющая.

Кондак 5

Яко лучезарная звезда возсия в стране нашей святая Твоя чудотворная икона, Богородице Дево. Мы же, озаряемии сиянием пресветлых чудес Твоих, преклоняюще колена сердца, вопием Подателю чудес Богу: Аллилуия.

Икос 5

Видящи, яко тщетна есть помощь врачев земных, уврачевати болящего сына не могущих, боголюбивая мати его начат возносити усердныя молитвы ко Врачу небесному. Вразумление получив призвати в помощь Тя, Богородице, поспеши в храм Твой, ко святому образу Твоему и, совершив пред ним усердное молебное пение, испроси чудеснаго исцеления сына. Сего ради и мы немощнии, надеющиися на Твою всесильную помощь, дерзаем воспевати Ти:

Радуйся, немощным здравие дарующая;

Радуйся, всякия болезни исцеляющая.

Радуйся, оставленных врачами под Свой покров приемлющая;

Радуйся, исцеление им подающая.

Радуйся, огнь лютыя болезни утоляющая;

Радуйся, от одра смертнаго возставляющая.

Радуйся, безнадежным надеяние;

Радуйся, упование наше непостыдное.

Радуйся, немощи душевныя врачующая;

Радуйся, грешников на путь правый наставляющая.

Радуйся, греховную отъемлющая скверну;

Радуйся, бане, омывающая совесть.

Радуйся, Владычице, иконою Твоею Остробрамскою благодать и милость нам являющая.

Кондак 6

Предстояще пред Твоим образом, архиреев сословие, священницы, монаси и вси людие проповедуют неисчетная Твоя благодеяния, яже обильно изливаеши от святыя Твоея иконы. Сего ради и мы, грешнии, предстояще ныне пред чудотворным Твоим образом, веруем и уповаем, яко испросиши вся благая и полезная нам у Сына Твоего и Бога нашего, Ему же дерзновенно вопием: Аллилуия.

Икос 6

Возсия благодать от святыя Твоея иконы, юже иногда яве узреша разбойницы; тии же честно исповедавше грехи своя вся и избавльшеся Тобою от верныя смерти духовныя, научиша ны воспевати Ти похвалы сия:

Радуйся, от напрасныя смерти спасающая;

Радуйся, от греха смертнаго избавляющая.

Радуйся, Начальника живота и смерти рождшая;

Радуйся, Мати Живота, смерть умертвившаго.

Радуйся, яко в час смерти Своея тихо возлегла еси на одре Своем;

Радуйся, яко Сын Твой и Бог наш кротко душу Твою от тела отдели.

Радуйся, яко с телом взята была еси на небо:

Радуйся, яко и по смерти жива еси.

Радуйся, непостыдную кончину нам дарующая;

Радуйся, в час кончины нашея нас заступающая.

Радуйся, и по смерти нас не оставляющая;

Радуйся, от воздушных мытарств спасающая.

Радуйся, Владычице, иконою Твоею Остробрамскою благодать и милость нам являющая.

Кондак 7

Хотяй явити велию любовь Свою к людям, Человеколюбец Господь Тебе, Матерь Свою Пренепорочную, покров и защиту роду христианскому дарова, да будеши печальным утешение, скорбящим радование, отчаянным надеяние, вечныя муки Своим ходатайством избавляющи и к небесному веселию всех приводящи, вопиющих непрестанно гласом хваления Сыну Твоему и Богу нашему: Аллилуиа.

Икос 7

Новое чудо даровала еси, Дево Богородице, от боголепныя иконы Своея, егда возвращала чада похищенныя родителем их, усердно к лику Твоему святому с молитвою притекающим. Мы же, с любовию прославляюще Тя, Помощницу нашу Всеизрядную, немолчными гласы вопием:

Радуйся, Своим пришествием нас обогащающая;

Радуйся, всех прибегающих под кров Твой приемлющая.

Радуйся, раны греховныя благоутробно врачующая;

Радуйся, праведный гнев Божий на нас, грешных, Твоим молением скоро утоляющая.

Радуйся, терпеливых страдальцев дарами благодатными ущедряющая;

Радуйся, к покаянию нас призывающая.

Радуйся, грешников молений не отвергающая;

Радуйся, желания богоугодная исполняющая.

Радуйся, радость скорую подающая;

Радуйся, на смиренныя призирающая.

Радуйся, врагов наших видимых и невидимых побеждающая;

Радуйся, любящия и чтущия Тя от всяких бед избавляющая.

Радуйся, Владычице, иконою Твоею Остробрамскою благодать и милость нам являющая.

Кондак 8

Странно и сумнительно неверующим слышати, како от святыя Твоея иконы чудеса источаются, одебеле бо сердце людей сих, яко видяще не видят и слышаще не слышат и не обратятся к Тебе, да исцелиши их. Мы же, усердно почитающе чудотворный образ Твой, преклоньше колена, умильно лобызаем его, вопиюще Богу: Аллилуия.

Икос 8

Весь мир преисполнен, яко звездами Богосветлыми, чудотворными иконами Твоими, Богородице Дево, в нихже яко Солнце лучезарное, имеющее луну подножием и звезд сих знамениями окруженная, икона Твоя Остробрамская предивными чудесы благодатно сияет и согревает хладныя сердца наша знаменьми Твоего о нас милостиваго попечения. Сего ради чествуем Пречистаго Лика Твоего святое изображение и Тебе пред ним вопием:

Радуйся, благочестивых иноков и инокинь благая покровительнице;

Радуйся, иереев благоговейных похвало.

Радуйся, во дни скорбнаго жития нашего на земли скорая помощнице;

Радуйся, во всех бедах и напастех всемощная защитнице.

Радуйся, алчущих кормительнице;

Радуйся, жаждущим жизни питие неисчерпаемое.

Радуйся, сирот незримая воспитательнице;

Радуйся, вдов заступление.

Радуйся, лествице небесная, еюже Бог к нам сниде;

Радуйся, мосте, преводяй суших от земли на небо.

Радуйся, ключу царствия Христова;

Радуйся, двери райския нам отверзающая.

Радуйся, Владычице, иконою Твоею Остробрамскою благодать и милость нам являющая.

Кондак 9

Всякаго естества ангельскаго превышши еси, Богородице Дево, честнейшая херувим, и славнейшая без сравнения серафим, предстоящи бо Сыну Твоему на Небеси, выну молишися Ему за род христианский, сего ради и начертание сей песни ангельской на иконе Своей имаши. Не престани молитися и о нас, недостойных, у престола Вседержителя, да с радостию вопием Господеви: Аллилуия.

Икос 9

Ветии многовещаннии не возмогут по достоянию восхвалити предивная чудеса, от святыя Твоея иконы являемая, изумевает же ум всяк пети Тя, Богородице. Ты же, яко благая сущи, приими от нас похвалы сия:

Радуйся, за христиан Сыну Твоему усердно молящаяся;

Радуйся, страну нашу святым Твоим омофором покрывающая.

Радуйся, ум наш к Богу приводящая;

Радуйся, злыя наша помыслы искореняющая.

Радуйся, сердце наше любовию к Богу воспламеняющая;

Радуйся, хотение наше ко благу наставляющая.

Радуйся, гнев Божий, праведно на ны движимый, скоро утоляющая;

Радуйся, козни духов злобы разрушающая.

Радуйся, от их нападения нас охраняющая;

Радуйся, во искушениих плоти и духа крепкая помощнице.

Радуйся, падших скорое востание;

Радуйся, к Богу наше дерзновение.

Радуйся, Владычице, иконою Твоею Остробрамскою благодать и милость нам являющая.

Кондак 10

Спасения ищуще, к Тебе прибегаем, Милосердная Мати, и икону Твою святую ныне обстояще, со благоговением и верою чествуем, ибо всем покланяющимся Тебе скорое вспоможение подаеши, и во иных градех и весех чтущих Тя полезное прошение исполняеши. Темже, воспоминая неисчетная чудотворения Твоя, вопием Всемогущему Богу: Аллилуиа.

Икос 10

Стена еси Ты, ограждающая нас от всяких болезней, всем с верою призывающим Тя в помощь, Пресвятая Дево Богородице. Ты бо, Мати, младенцу, зело страждущему, исцеление даровала еси. Сего ради, прославляюще Твое Матернее милосердие, благодарственными усты вопием Ти вси из глубины души:

Радуйся, яко по молитве пред иконою Твоею болезни лютыя прекращаются;

Радуйся, всем во всякой потребе вся полезная и благая подавающая.

Радуйся, никогоже отревающая;

Радуйся, призывающих Тя заступающая.

Радуйся, в семействах мир и дружелюбие устрояющая.

Радуйся, матерей детородящих скоро и безболезненно от бремени разрешающая;

Радуйся, чад их благодатно охраняющая.

Радуйся, скорбным вдовицам и сирым помогающая;

Радуйся, в брани нашей со духами злобы нам помогающая.

Радуйся, от наветов вражиих нас спасающая;

Радуйся, от клеветы и досаждения охраняющая.

Радуйся, благая Домостроительнице, житие наше добре устрояющая.

Радуйся, Владычице, иконою Твоею Остробрамскою благодать и милость нам являющая.

Кондак 11

Пение наше, аще было бы и тмочисленное, не довлеет к достойному прославлению милостей Твоих, Всехвальная Владычице, яже непрестанно изливаеши роду человеческому. Мольбу безчадных супругов, пришедших к чудотворней иконе Твоей, не оставила тщетною, но даровала еси им милость деторождения. Тем же, да не неблагодарни явимся пред Тобою, по силе нашей похвальная восписуем Ти с любовию, вопия Богу: Аллилуиа.

Икос 11

Яко светоприемную свещу зрим Твою честную икону, Пречистая и Преблагословенная Дево Богородице, невещественный в душах наших возжигающе огнь любви к Тебе, Всеблагая. Ты же приими веру и усердие наше, направи на стези истины путь наш, умоли Господа и Сына Твоего, да спасет нас, имиже весть судьбами, да не погибнем в нераскаянии о гресех наших, и услыши моление к Тебе взывающих:

Радуйся, чрез икону Твою нам благодеющая;

Радуйся, Матерния щедроты Твоя на нас изливающая.

Радуйся, греховныя помыслы властно отгонящая:

Радуйся, маловерных вразумляющая.

Радуйся, неверных смыслы просвещающая:

Радуйся, милосердие Божие разумети нам помогающая.

Радуйся, страх Божий в сердца верных влагающая;

Радуйся, о храмах Божиих попечение имущих духовною радостию утешающая.

Радуйся, от сна лености нас воставляющая;

Радуйся, светом Богопознания и благочестия омраченных озаряющая.

Радуйся, блага земная, суетныя и скоропреходящия, презирати нас научающая;

Радуйся, к небесным и вечным сокровищам умы и сердца наша возводящая.

Радуйся, Владычице, иконою Твоею Остробрамскою благодать и милость нам являющая.

Кондак 12

Благодать дати восхотев, дарова нам Господь цельбоносную икону Твою, пред нею же возносяще усердная моления, возводим ум свой к Первообразней — Тебе, Богородице, просящи даровати нам благая и полезная во временней жизни сей, и в будущей жизни блаженство безконечное, да воспоем со ангелы и всеми святыми на небеси: Аллилуия.

Икос 12

Поюще Твоя чудеса, яже обильно источаеши нам от святыя Своея иконы, хвалим Тя, Пресвятая Богородице и, предстояще пред пречистым Твоим образом со слезами, умиленною душею и сокрушенным сердцем взываем Ти:

Радуйся, Заступнице усердная рода христианскаго;

Радуйся, Мати Господа и наша Мати и покровительнице.

Радуйся, источающая всем нам неоскудныя милости;

Радуйся, избавляющая от всяких бед и напастей благонравныя и богобоящияся рабы Своя.

Радуйся, телес наших здравие;

Радуйся, душ наших спасение.

Радуйся, яко за всех молиши Сына Твоего и Бога нашего;

Радуйся, яко всем твориши спастися.

Радуйся, избавление всех зол;

Радуйся, полезная всем дарующая.

Радуйся, яко Тя едину надежду имамы;

Радуйся, яко Ты еси божественный покров рабом Твоим.

Радуйся, Владычице, иконою Твоею Остробрамскою благодать и милость нам являющая.

Кондак 13

О, всепетая Мати, рождшая всех святых святейшее Слово, нынешнее молебное приемши приношение, и на нужды наша призирающи, подаждь нам силу Твоея благодати, управи нас на пути спасения и умоли ниспослати нам милости щедрыя Сына Твоего, Ему же хвалу велию во умилении возносим: Аллилуиа.

Сей кондак глаголи трижды, посем Икос 1: Ангел с небесе послан бысть рещи Богородице…, таже Кондак 1: Возбранной Воеводе и предивной Заступнице рода христианскаго…

Молитва

О, Пресвятая Дево, Мати Господа вышних сил, Небесе и земли Царице и града нашего Киева всемощная Заступнице!

Прими хвалебное пение сие от нас недостойных раб Твоих, и вознеси молитвы наша ко престолу Сына Твоего и Бога нашего, да милостив будет нам, грешным, и да пробавит благость Свою чтущим Тя и с верою и любовию покланяющимся чудотворному образу Твоему.

К кому бо возопиим Владычице? К кому прибегнем в горестях наших, аще не к Тебе, Царице Небесная? Кто плач наш и воздыхания наша приимет, аще не Ты, Пренепорочная, Надеждо христиан и прибежище нам грешным? Кто паче Тебе в напастех защитит? Тем же молим Тя усердно: покрый Твоим ходатайством наша прегрешения, защити нас от враг видимых и невидимых, умягчи сердца злых человек, возстающих на нас.

О Мати Господа нашего Творца! Ты еси корень девства и неувядаемый цвет чистоты. Прими недостойную молитву нашу и соблюди нас в чистоте душевней, сохрани нас от навета злых человек и от внезапныя смерти, и даруй нам прежде конца покаяние. Помилуй нас в дневных часех и утренних и вечерних, и во всякое время сохрани нас: стоящих, седящих соблюди, и на всяком пути ходящих, и в нощных часех спящих снабди, покрый и заступи. На всяком месте и на всякое время буди нам, Мати Преблагая, стена необоримая и заступление крепкое. Ты хранительница жизни всея нам явися, Пречистая; Ты нас избави от бесов в час смерти; Ты и по смерти упокоение обрести испроси у Сына Твоего и Бога нашего.

Мы же, грешнии, со упованием моления Тебе возносим и умильно вопием: радуйся, Благодатная; Радуйся, Обрадованная; радуйся, Преблагословенная; Господь с Тобою, с Тобою с нами. К Тебе прибегаем, яко к несомненней и скорой Заступнице нашей, и Тебе, яко всемогущей Помощнице, сами себе и друг друга и весь живот наш по Христе Бозе предаем, Ему же подобает всякая слава, честь и поклонение со безначальным Его Отцем, со Пресвятым и благим и животворящим Его Духом, ныне и присно, и во веки веков. Аминь.

Молитва иная

О, Всемилостивая Госпоже, Царице Богородице, от всех родов избранная и всеми роды небесными ублажаемая! Воззри милостиво на предстоящия пред святою иконою Твоею люди сия, усердно молящияся Тебе, и сотвори предстательством Твоим и заступлением у Сына Твоего и Бога нашего, да никто же отыдет от места сего тощ упования своего и посрамлен в надежде своей, но да приимет кийждо от Тебе вся по благому изволению сердца своего, по нужде и потребе своей, во спасение души и во здравие телу.

Наипаче же осени и огради покровом Твоим, Милосердная Мати, Церковь Твою Святую, вышним Твоим благословением архиереи наши православныя укрепи, миром огради, и Святей Твоей Церкви целых, здравых, честных, долгоденствующих право правящих слово Своея истины даруй, от всех же видимых и невидимых враг, со всеми православными христианы, милостиво избави, и во православии и твердей вере до конца веков непоступно и неизменно сохрани. Призирай благосердием, Всепетая, и призрением милостиваго Твоего заступления на всю страну нашу, грады наша и град сей [или: храм сей, или: и духовный вертоград, зде сущий], и на сия богатыя Твоя милости неоскудно изливай. Ты бо еси всесильная Помощница и Заступница всех нас. Приклонися к молитвам и всех раб Твоих, ко святей иконе Твоей зде притекающих, услыши воздыхания и гласы, имиже раби Твои молятся во святем месте сем.

Аще же и иноверный, и иноплеменник, зде преходя, помолится, услыши, чадолюбивая Госпоже, и сего человеколюбне и милостивно соделай, яже к помощи ему и ко спасению. Ожесточенныя же и разсеянныя сердцы своими во странах наших на путь истины настави: отпадшия от благочестивыя веры обрати и паки святей Православней Соборней и Апостольстей Церкви сопричти. В домех людей Твоих и во братии святыя обители сея мир огради и соблюди, в юных братство и смиренномудрие утверди, старость поддержи, отроки настави, в возрасте совершеннем сущия умудри, сирыя и вдовицы заступи, утесненныя и в скорбех сущия утеши и охрани, младенцы воспитай, болящия уврачуй, плененныя свободи, ограждающи ны присно от всякаго зла благостию Твоею, и утеши милостивным Твоим посещением и вся благодеющия нам. Даруй же, Благая, земли плодоносие, воздуху благорастворение и вся, яже напользу нашу, дары благовременныя и благопотребныя, всемощным Твоим предстательством пред Всесвятою Живоначальною Троицею.

Прежде отшедшия отцы и матери, братию и сестры наша, и вся от лет древних ко святей иконе Твоей сей припадавшия, упокой в селениих святых, в месте злачне, в месте покойне, идеже несть печаль и воздыхание. Егда же приспеет и наше от жития сего отшествие и к вечной жизни преселение, предстани нам, Преблагословенная Дево, и даруй христианскую кончину жития нашего, безболезненну, непостыдну, мирну и Святых Таин причастну, да и в будущем веце сподобимся вси, купно со всеми святыми, безконечныя блаженныя жизни во Царствии возлюбленнаго Сына Твоего, Господа и Бога нашего Иисуса Христа, Емуже подобает слава, честь и поклонение со Отцем и Святым Духом, во веки веков. Аминь.

Добавить комментарий

Ваш e-mail не будет опубликован. Обязательные поля помечены *