Жировицкая икона Божией Матери


Жировицкая икона Божией Матери

Жировицкая  икона  Божией  Матери — это  одна  из  наиболее  почитаемых  святынь  Белоруссии.  На  месте  явления  чудотворной  иконы  был  основан  Свято-Успенский  Жировичский  монастырь,  находящийся  в  местечке  Жировичи  Слонимского  района  Гродненской  области  Белоруссии.

Большая  часть чудотворных икон   Божией  Матери   наименованы  по  месту  своего  явления  ( ВладимирскаяКазанскаяИверская ).  Но  иные  из  них  имеют  название  по  тем  дарам  милости,  какие  получаются  верующими  от  Пресвятой  Богородицы,  по  молитве  к  ней  («Всех  скорбящих  радость» ,  «Взыскание  погибших» ,  «Утоли  моя  печали» ).

История  образа:  Существует  интересное  предание  о  явлении  чудотворной  иконы.  Жировицкая  икона  Божией  Матери  дважды  являлась  одним  и  тем  же  пастухам  и  на  одном  и  том  же  месте —  в  ветвях  грушевого  дерева  в  местечке  Жировицах  Литовского  княжества  (ныне  Слонимского  района  Гродненской  области  Белоруссии ).

Первый  раз  пастухи  увидели  икону  в  чудном  сиянии  в  1470  году.  Долго  стояли  они,  боясь  подойти,  в  благоговейном  молчании  перед  образом.  Когда  наконец  сияние  немного  спало,  они  взяли  с  трепетом  икону  и  отнесли  своему  господину  Александру  Солтану,  который  запер  ее  в  ларец.

Но  в  ларце  иконы  спустя  какое-то  время  не  оказалось.  Она  появилась  опять  на  том  же  месте  перед  пораженными  пастухами.  Александр  Солтан  понял  тайный  смысл  происходящего  и  дал  обет  построить  на  этом  месте  храм.  Был  построен  деревянный  храм,  в  который  была перенесена    Жировицкая  икона  Божией  Матери.

Но  в  1520  году  храм  сгорел.  Икону  не  нашли  и  думали,  что  она  погибла  в  пожаре.  Спустя  какое-то  время  дети  увидели  на  камне  в  лучезарном  сиянии  некую  Деву,  но  сами  не  решились  подойти  и  привели  взрослых,  которые  и  обнаружили  икону  Жировицкую,  нисколько  не  потерпевшую  от  пожара.

На  этом  месте  был  снова  воздвигнут  храм,  а  затем  возник  мужской монастырь. Жировицкая икона Божией  Матери пользовалась  почитанием  как  униатов,  так  и  католиков  и  православных.  С  1839  года  монастырь  принадлежит  православным  и  является  первым  местом  восстановления  православного  богослужения  в  западно-русском  крае.

Монастырю  около  пяти  веков.  Он  никогда  не  закрывался,  хотя  великое  множество  раз  переходил  то  к  католикам,  то  к  униатам,  пока  не  перешел  к  православным.  Не  смотря  на  все  невзгоды,  лихолетья  двух  мировых  войн,  гражданской  войны,  православные  отстояли  свою  обитель  и  чудотворную  икону  Божией  Матери.

Жировицкая икона Божией Матери

Жировицкая  икона  Божией  Матери  находится  в  иконостасе  слева  от  Царских  врат  в  соборе  в  честь  Успения  Пресвятой  Богородицы  Свято — Успенского  Жировицкого  ставропигиального  мужского  монастыря  Минской  епархии  и  глубоко  почитается  за  ее  благодатную  помощь.

Изображенная  чудесным  образом  на  граните,  величиной  всего  несколько  сантиметров,  опаленная  пожаром,  чуть  треснувшая  от  огня  и  времени,  Жировицкая  икона  Божией  Матери — истинный  образ  Пречистой  Девы  Марии,  Матери  Божией.

В  XVIII  веке  в  Риме  при  ремонте  в  базилианской  резиденции  в  1718  году  обнаружили  на  стене  фреску,  копию  Жировицкой  иконы  Божией  Матери.  Фреска  была  отреставрирована  в  1719  году,  с  нее  была  выполнена  живописная  копия  и  отправлена  в  Жировицы  ( к  сожалению  утеряна  в  годы  первой  мировой  войны ).

Чудотворения:  Существует  множество  устных  и  письменных  источников  о  сотворенных  от  образа  чудесах  и  исцелениях.  Об  этом  написано  много  книг,  подробно  описывающих  эти  случаи.  Иконе  молились  и  поклонялись  короли  и  знатные  вельможи,  получая  помощь.

Первая  книга  появилась  в  1622  году.  Затем  вышли  книги  в  1714,  1719  годах,  во  второй  половине  XVIII  века.  Пресвятая  Богородица  не  забывает  нас  грешных  и  в  настоящее  время,  посылая  благую  помощь  всем,  с  верой  к  Ней  притекающим.

На  месте  явления  иконы  и  рядом  с  ним  находятся  источники,  почитаемые  как  чудотворные.  Жировицкая  икона  Божией  Матери  привлекает  в  эти  чудесные  по  своей  красоте  и  благодати  места  множество  богомольцев  из  дальних  и  ближних  краев.

Иконография:  Иконографический  тип — Умиление  ( Елеуса ) — отражает  идею  о  богоматеринском  заступничестве.  Это  одна  из  редких  икон,  дошедших  до  наших  времен  в  изображении  на  камне.

Жировицкая  икона  Божией  Матери  совсем  небольшого  размера  ( 5,7 х 4,1 х 0,8  см ),  овальной  формы,  вырезана  на  яшме  ( в  Жировицком  монастыре — на  граните )  охристого  цвета,  который  дает  смешение  темно — зеленого  и  красного  оттенков.  Она  похожа  на  камею  или  на  нагрудную  икону.

Жировицкая икона Божией Матери

Пресвятая  Богородица  держит  Богомладенца  на  правой  руке,  слегка  наклонив  к  Нему  голову,  левую  руку  держит  у  груди.  Предвечный  Младенец  в  коротком  хитоне,  согнутые  ноги  обнажены  выше  колена,  ступни  сложены  вместе.  Младенец  прильнул  к  Матери,  правая  Его  рука  направлена  к  Ней.  Нимбы  элипсовидной  формы.

Жировицкая  икона  Божией  Матери  очень  полюбилась  верующим,  и  списки  образа  разошлись  по  храмам  и  монастырям.

Молитвенная  традиция:  Перед  Жировицкой  иконой  Божией  Матери  молятся  при  гонениях  на  Православие,  при  сомнениях,  об  избавлении  от  пожара,  при  всякой  немощи  телесной.

Празднование  иконы:   7  /  20  мая.

АКАФИСТ   ПРЕСВЯТОЙ   БОГОРОДИЦЕ   ПРЕД   ЖИРОВИЦКОЙ   ИКОНОЙ   БОЖИЕЙ   МАТЕРИ

Кондак 1

Избранной от всех родов Царице и Владычице похвальныя песни принесем, яко Ходатаице и Заступнице рода христианскаго. Ты же, яко благая, Предстательница пред Господом умоли Сына Твоего и Бога нашего, даровати нам наследие благ вечных, да радующеся о тебе взываем: Радуйся, Премилосердная Владычице, предстательство наше и всерадостное заступление.

Икос 1

Архангел Гавриил, с небес посланный к тебе, Дево чистая веща Ти: Радуйся, Благодатная, Господь с Тобою! Мы же благадатиею Божиею чрез тебе озареннии, восхвалим Тя песньми сицевыми: Радуйся, предъизбранная прежде веков Советом Божиим; Радуйся, Агнице, родившая Агнца Божия, вземлющаго грехи мира. Радуйся, сокровищнице спасения нашего, превысшая сил Ангельских; Радуйся, Отроковице пренепорочная и Матерь Света. Радуйся, горо несекомая, источник воды живыя источившая; Радуйся, Раю цветоносный, Божественное Древо жизни произрастившая. Радуйся, Богообрадованная Мати, радость небу и земли родившая; Радуйся, силою Всевышняго осененная, Божественный клас, Спасителя миру, прозябшая. Радуйся, Премилосердная Владычице, предстательство наше и всерадостное заступление.

Кондак 2

Видя верныя чада Твоя в бедах житейских унывающия и помощи небесныя от Тебе требующия, Ты, Богомати, надеждо христианом, чудесным явлением на древе святыя Твоея иконы насельником веси Жировицкия, исполнила еси радостию и веселием скорбныя сердца их, да вси благодарственно вопиют в Тебе Богу: Аллилуиа.

Икос 2

Разумом не уразумев тайны чудеснаго явления на древе иконы Твоея, Пречистая Владычице, скры болярин Солтан в ковчеге явленный Тобою пречестный образ Твой. Ты же, Дево Богородице, сугубым явлением на том же древе иконы сея вразумила еси его, да вси познают дар милосердия людем Тобою ниспосылаемый, и в веселии возопиют: Радуйся, Кладезю неисчерпаемыя радости; Радуйся, цвете благоуханный неизреченный сладости. Радуйся, аки древом жизни, верныя духовно услаждающая; Радуйся, богатство невесомое всем чтущим ю подавающая. Радуйся, благодати Твоея и милости заблуждших не лишающая: Радуйся, покровом Твоим всех притекающих к иконе Твоей осеняющая. Радуйся, гласу моления всех скорбящих послушная; Радуйся, Мати милосердия, неоскудная. Радуйся, Премилосердная Владычице, предстательство наше и всерадостное заступление.

Кондак 3

Силою вразумления о явлении чудотворныя иконы Твоея просвещенный, позна болярин Солтан, яко икона сия во утешение страждущим Тобою свыше ниспослана бысть, и, слезно моляся о неразумии своем, воздвиже храм на месте явления ея, да вси людие, молитвы в нем Богу вознося, воздают непрестанную о Тебе хвалу: Аллилуиа.

Икос 3

Имущи богатство милосердия неизреченное, не отринула еси промышлением избранных Твоих, в скорби велицей сущих. Егда бо храм, идеже бе иконы Твоя пречестная, огню предадеся, Ты, Всеблагая, Утешительнице, сохранши ю от огня неврежденною, паки явила на камени близ храма, огнем сожженнаго. Людие же, узреши таковое чудо, воспеша Ти хвалебную песнь сицевую: Радуйся, Купино неопалимая, неопально во огни пречестный Твой образ сохраншая; Радуйся, скорбныя люди Твоя чудотворныя иконы не лишившая. Радуйся, кровом крылу Твоею христиан покрывающая; Радуйся, предстательством Твоим святыни Твоя охраняющая. Радуйся, на камени пречестный Твой образ паки явившая; Радуйся, вразумлением Твоим на камени веры стопы наша утвердившая. Радуйся, яко стену нерушимую нашего прибежища Тебе стяжахом; Радуйся, яко благомощную Покровительницу Тя познахом. Радуйся, Премилосердная Владычице, предстательство наше и всерадостное заступление.

Кондак 4

Бурею страстей и искушений одержимии вернии Твои, моляшеся пред чудотворною иконою Твоею, покой и душевную радость обретают. Ты бо, Дево чистая, христиан Путеводительница, правому пути их наставлявши и смысл бытия земнаго познати пособствуеши, да вси богокрасною песнию восхваляют Бога, поюще Ему: Аллилуиа.

Икос 4

Слышавшие людие, яко явленная Тобою икона даром чудес преизбыточествует, с верою и упованием на милосердие Твое к ней притекают и богатством щедрот Твоих обогатившеся, воспевают Ти хвалу таковую: Радуйся, Мати милосердия, море щедрот христианом изливающая; Радуйся, радость всему миру приносящая. Радуйся, священное прибежище верных; Радуйся, Подательнице благ вечных. Радуйся, Усладителънице горестей наших; Радуйся, крепкое востание всех падших. Радуйся, изнемогающих Заступнице и укрепление; Радуйся, в страданиях наших присное утешение. Радуйся, Премилосердная Владычице, предстательство наше и всерадостное заступление.

Кондак 5

Боготечней звезде, с востока возсиявшей, подобна была еси, Пресвятая Дево, егда в лучезарнем сиянии во образе жены красоты неизреченныя явилася еси детем, указуя место явления пречестныя иконы Твоея, чудесно Тобою от огня сохраненныя. Не лишила еси и малых сих Твоея благостыни, поучая их о великом милосердии Твоем, да, подражающе детем израилевым, восклицавшим Христу: Осанна, воспоют о Тебе хвалу Богу. Аллилуиа.

Икос 5

Видевши странное и преславное чудо иконою Твоею являемое, Пречистая, егда девица некая Ирина, в болезни сущая, подвигшися на поклонение святыне Твоей, на пути умре, и егда иноцы начата совершати чин погребения ея пред иконою Твоею, воскресе, вси людии со трепетом восклицаху: Радуйся, Слово жизни плотию родившая; Радуйся, молитвами Твоими мертвую рабу Твою воскресившая. Радуйся, ковчеже жизни нашея, от потопа смертнаго нас сохраняющая; Радуйся, разуме пресветлый, сладости жизни вечныя познание нам дарующий. Радуйся, иконою Твоею источники чудес великих нам являющая; Радуйся, тьму лютых обстояний от почитающих ю отгоняющая. Радуйся, знаменьми непостижимыми молящихся Ти ободряющая; Радуйся, матерними щедротами всех прибегающих к Тебе посещающая. Радуйся, Премилосердная Владычице, предстательство наше и всерадостное заступление.

Кондак 6

Проповедницы благостыни Твоея явившася вси притекающии к цельбоносней иконе Твоей, Владычице. Не отринула бо еси никогоже из них, в теплей молитве руце свои к ней простирающих, да, познавши силу дара чудеснаго Тобою в ней являемого, возопиют Богу благодарственную песнь: Аллилуиа.

Икос 6

Возсиявшим лучем светозарным путь жития благонравственнаго озаряющим, явися всечестная обитель Жировицкая, под кровом святыни Твоея, Богомати, воздвигнутая. Сей бо дом подвигов иноческих, и училище божественнаго разумения юношам, освети землю Литовскую лучами истиннаго боговедения, да вси Тебе, ума Божественного Насадительницу, тако воспоют в песнях достохвальных: Радуйся, Богородительнице света непостижимаго; Радуйся, заре Солнца незаходимаго. Радуйся, лествице, к небеси возводящая; Радуйся, немудрых разумом Божественным умудряющая. Радуйся, училище благочестия в стране нашей Насадительнице; Радуйся, в познании учений Христовых премудрая Руководительнице. Радуйся, душ верных благодатно питающая; Радуйся, верныя млеком премудрости насыщающая. Радуйся, Премилосердная Владычице, предстательство наше и всерадостное заступление.

Кондак 7

Хотящи воздати поклонение иконе Твоей, многими чудесы просиявшей, посещаху обитель Жировицкую не токмо худороднии, но и царие земнии, припадающе к Пречистому Твоему образу, Владычице, и, чающе от Тебе великия и богатыя милости, приношаху Ти песнь хвалебную и Богови воспеваху: Аллилуиа.

Икос 7

Дивное воистину промышление явила еси. Владычице, верным Твоим, егда бо обитель Жировицкая лестно и насилием от православия отгорожена бысть, заступлением Твоим паки вдадеся людем православным. Сего ради вси правыя веры поклонницы, притекли к пречистому Образу Твоему с веселием воспеша: Радуйся, в скорбных обстояниях надежное наше прибежище; Радуйся, ищущим спасения тихое пристанище. Радуйся, со апостолы веры Христовы Насадительнице; Радуйся, глубины слова Божия премудрая Учительнице. Радуйся, светильник Трисолнечнаго Света, истиною нас озаряющий; Радуйся, столпе огненный, путь правыя веры нам показующий. Радуйся, от пагубных учений наше охранение; Радуйся, душевредных учений посрамление. Радуйся, Премилосердная Владычице, предстательство наше и всерадостное заступление.

Кондак 8

Странная и преславная чудеса познаша в Тебе, Богомати, вернии Твои, яко не токмо иконою Твоею благодатная дары им являеши, но и водам источника, на месте явления Твоея иконы проистекшаго, дар недуги исцеляти подаеши, да вси, великую и богатую милость, от Тебе восприимше, воспоют хвалебную песнь Богови: Аллилуиа.

Икос 8

Вси к покрову твоему прибегающии, не отходят от Тебе тощи и не услышаны; Ты бо, Богомати, скорби матерния при кресте Сына Твоего восприявшая, веси тяготу скорбей наших. Темже к Тебе, Мати, в скорби искушенней, яко общницы скорби и страданий Сына Твоего, тако взываем: Радуйся, ненадеянных надеяние; Радуйся, скорбных утешение. Радуйся, печали наша утолящая; Радуйся, всему миру радость дарующая. Радуйся, в бедах сущим руку помощи скоро подавающая; Радуйся, матернюю любовь и милосердие нам являющая. Радуйся, Твоими молитвами пред Богом наша Заступница; Радуйся, в напастех превеликая защитнице. Радуйся, Премилосердная Владычице, предстательство наше и всерадостное заступление.

Кондак 9

Вся ангельская воинства Тебе, Богомати, яко высшую небес и чистую светлостей солнечных, величает: Бога бо зачала еси плотию и Света светов родила еси. Темже и мы, земнороднии, яко честнейшую Херувим и славнейшую без сравнения Серафим, величаюше Тя, воспоим о Тебе Богови: Аллилуиа.

Икос 9

Витийство всякое земнородных не довлеет к прославлению иконы Тобою явленныя, от нея же, яко от приснотекущего источника, притекающии обилие благ почерпают. Темже, недоумевающе восхвалити Тя по достоянию, яко первоисточницу благ сих, со умилением сердца взываем сице: Радуйся, Домостроительнице нашего спасения, житие наше земное добре устрояющая; Радуйся, Путеводительнице, к небесному отечеству нас возводящая. Радуйся, благих виновная, благ вечных грешников не лишающая; Радуйся, Предстательнице наша пред Богом, праведный гнев Божий на милость претворяющая. Радуйся, суетная мира сего презирати нас научающая; Радуйся, прозрением ума нашего к любви божественней нас привлекающая. Радуйся, от всех бед скорое избавление; Радуйся, отчаянных надежное спасение. Радуйся, Премилосердная Владычице, предстательство наше и всерадостное заступление.

Кондак 10

Спастися хотящим нам, и под кров Твой прибегающим, буди, Пресвятая Дево, Помощница неоскудная. Сохрани нас от бед и напастей, наипаче же отчаяния и падения греховнаго, да приспевая в добродетелех Христовых, с радостию о предивнем Твоем заступлении благодарственно вопием: Аллилуиа.

Икос 10

Стеною крепкою Церкви Православней была еси, Пресвятая Дево, во дни тяжких испытаний ея; тем же молим Тя: заступи, покрой и соблюди ю и во дни наши лукавы от враг злокозненных, возстающих на ню, да вси радостно о Тебе возопием: Радуйся, Церкве Христовы ограждение и православия поборнице; Радуйся, яко заступлением Твоим Церковь светло красуется. Радуйся, яко отступницы веры праотеческия Тобою вразумляются: Радуйся, яко Тобою козни врагов православия посрамляются. Радуйся, яко вразумлением Твоим истинная вера в стране нашей насаждается; Радуйся, яко пышущая на ню злоба вражия утишается. Радуйся, твердое православия укрепление; Радуйся, еретичествующих посрамление. Радуйся, Премилосердная Владычице, предстательство наше и всерадостное заступление.

Кондак 11

Пение всякое не довлеет восхвалити по достоянию щедроты Твоя, Пречистая, людем Тобою явленныя. Несть бо разума, могуща познати глубину милосердия Твоего, ни слова, во еже достойно воспети Тя. Обаче, благая сущи, приими и наша убогая хваления, да и мы, величие Твое прославляюще, воспоем о Тебе песнь Богу: Аллилуиа.

Икос 11

Светозарным лучем помощи благодатныя, пречистому образу Твоему присущая озари, Владычице, путь жития нашего прискорбный, да вси от бед, скорбей и лютых напастей, Тобою избавленнии, возможем право стояти в законе Господни, благодаряще Тя и поюще сице: Радуйся, чудесы, иконою Твоею являемыя, яко омофором нас покрывающая; Радуйся, бесчисленныя щедроты всем подавающая. Радуйся, страсти наша и помыслы плотския утишающая; Радуйся, всякия болезни наша телесныя и душевныя исцеляющая. Радуйся, Твоим ходатайством от всех бед избавляющая; Радуйся, в скорбех и печалех скоро нас утешающая. Радуйся, вдов заступление и сирых призрение; Радуйся, юных исправление и старцев утешение. Радуйся, Премилосердная Владычице, предстательство наше и всерадостное заступление.

Кондак 12

Благодать с небесе от Бога испроси нам, Владычице, к пречистому образу Твоему притекающим, и Тебе, Матерь Света, в песнях величающим, да, осеняеми покровом Твоим, во всяком благочестии и чистоте поживем и Престолу Царя Славы неосужденно предстати сподобимся, поюще о Тебе хвалебную песнь: Аллилуиа.

Икос 12

Поюще величия Твоя, Пресвятая Дево, восхваляем Тя вси, и, яко твердую Предстательницу спасения нашего, усердно молим: буди нам всем ко благу Помощница и услыши ны, умильно взывающия Ти: Радуйся, праваго пути ко Христу премудрая Указательнице; Радуйся, чистоты и целомудрия предивная Охранительнице. Радуйся, алчущих и жаждущих правды Питательнице; Радуйся, ищущим предстательства Твоего неусыпная Заступнице. Радуйся, изнемогающим поможение; Радуйся, всему миру защищение. Радуйся, Путеводительнице наша, на всех путех жизни нас ограждающая; Радуйся, и по смерти на воздушных мытарствах от духов злобы нас защищающая. Радуйся, Премилосердная Владычице, предстательство наше и всерадостное заступление.

Кондак 13

О, Пресвятая Владычице, Дево Богородице, ангельскими чинми на небеси песнословимая, приими и от нас, недостойных раб Твоих, сие моление, в похвалу Ти приносимое, и от падений греховных нас избавляющи, наследниками Царствия Небеснаго соделай, да с Тобою во веки поем Богу: Аллилуиа, Аллилуиа, Аллилуиа.

(Этот кондак читается трижды, затем икос 1 и кондак 1)

Молитва к Пресвятой Богородице перед Ея иконой, именуемой “Жировицкой”

О, Премилосердная Госпоже, Дево Богородице! Киима устнама прикоснуся ко святыни Твоей, или киими словесы исповем щедроты Твоя, людем являемыя: никтоже бо, притекаяй к Тебе, отходит тощ и не услышан. От юности моея взысках помощи и заступления Твоего, и николиже лишен бых милосердия Твоего. Зриши, Госпоже, скорби сердца моего и язвы души моея веси. И ныне, коленопреклоненно предстоя пред пречистым Твоим образом, моления моя приношу Ти. Не лиши мя всесильнаго ходатайства Твоего в день скорби моея, и в день печали моея заступи мя. Тока слез моих не отврати, Владычице, и радости мое сердце исполни. Прибежище и предстательство буди мне, Милостивая, и света Твоего зарями ум мой просвети. И не токмо о себе молю Тя, но и о людех, притекающих к заступлению Твоему. Церковь Сына Твоего во благости соблюди, и огради ю от злокозненных наветов враг, возстающих на ню. Архипастырем нашим посли помощь Твою во апостольстве, и сохрани их здравы, долгоденствующи, право правящи слово истины Господни. Пастырем испроси у Бога Сына твоего ревность и бдение о душах врученнаго им стада словеснаго, и дух разума и благочестия, чистоты и правды божественныя им ниспосли. Испроси такожде, Владычице, у Господа властем предержащим и градоправителем мудрость и силу, судиям — правду и нелицеприятие, всем же притекающим к Тебе — дух целомудрия, смиренномудрия, терпения и любве. Еще же молю Тя, Премилосердная, осени страну нашу кровом Твоея благостыни, и избави ю от бедствий стихийных, нашествия иноплеменников и междоусобных нестроений, да вси, живущии в ней, в любве и мире пребывающе, тихое и безмятежное житие поживут, и благ вечных молитвами Твоими унаследивше, возмогут купно с Тобою восхваляти Бога на небеси во веки. Аминь.

Тропарь   Жировицкой  иконе  Божией  Матери

глас 5

Пpед свято́ю Твое́ю ико́ною, Влады́чице,/ моля́щиися исцеле́ний сподобля́ются,/ ве́pы и́стинныя позна́ние пpие́млют/ и ага́pянская наше́ствия отpажа́ют./ Те́мже и нам, к Тебе пpипа́дающим,/ гpехо́в оставле́ния испpоси́,/ по́мыслами благоче́стия сеpдца́ на́ша пpосвети́/ и к Сы́ну Твоему́ моли́тву вознеси́// о спасе́нии душ на́ших.

Перевод: Перед святой Твоей иконой, Владычица, молящиеся удостаиваются исцелений, получают истинное познание веры и отражают вражеские нападения. Потому и для нас, коленопреклоненно молящихся Тебе, испроси прощение грехов, помыслами благочестия сердца наши просвети и к Сыну Твоему молитву вознеси о спасении наших душ.

Ин  тропарь  Жировицкой  иконе  Божией  Матери

глас 2

По́мощи от Тебе́ тре́бующия не пре́зри, Влады́чице,/ и милосе́рдия бе́здну отве́рзи всем,/ притека́ющим к цельбоно́сней ико́не Твое́й./ Печа́ли на́ша жите́йския утоли́, Всеще́драя,/ и от юдо́ли сея́ плаче́вныя/ к ра́дости ве́чней ве́рныя Твоя́ преста́ви:/ Тебе́ бо вси стяжа́хом, наде́жду и утвержде́ние,// ми́лости исто́чник, покро́в и спасе́ние душ на́ших.

Перевод: Не отвергни просящих у Тебя помощи, Владычица, и открой глубину милосердия всем, приходящим к подающей исцеления иконе Твоей. Печали наши житейские успокой, Щедрая ко всем, и от жизни этой скорбной к вечной радости верующих Твоих пересели, ибо в Тебе все обрели надежду и крепость, источник милости, защиту и спасение наших душ.

Кондак  Жировицкой  иконе  Божией  Матери

глас 4

Вели́чия Твоя́ кто испове́сть,/ Пресвята́я Де́во,/ Творца́ всех Христа́ Бо́га Ро́ждшая?/ Еди́на бо еси́ Ма́ти и Де́ва,/ Преблагослове́нная и Препросла́вленная,/ упова́ние на́ше, исто́чник благосты́ни,// ве́рным прибе́жище и ми́ру спасе́ние.

Перевод: Величие Твое кто возвестит, Пресвятая Дева, Творца всех Христа Бога Родившая? Одна ибо Ты Мать и Дева, Преблагословенная и Препрославленная, надежда наша, источник благодеяний, верующим прибежище и миру спасения.

Молитва   Жировицкой  иконе  Божией  Матери

О, Всепе́тая и Преблагослове́нная Де́во, Ма́ти Христа́ Бо́га на́шего, приими́ моле́ния на́ша Тебе́ прославля́ющих, Тебе́ благодаре́ния принося́щих и почита́ющих честну́ю ико́ну сию́, ю́же от лет дре́вних в оби́тели Жиро́вицкой явле́нную. Не таи́м благодея́ния Твоя́, Богоро́дице, и па́ки испове́дуем, я́ко сия́ ико́на Твое́й благода́тной си́лой всем, с ве́рой приходя́щим к ней, источа́ет неоску́дныя ми́лости: просвеща́ет сердца́ благоче́стием, укрепля́ет си́лы осла́бленныя и исцеля́ет не́мощи духо́вныя и теле́сныя. О, Всепе́тая Цари́це Небе́сная, приими́ благода́рственное пе́ние и никогда́ не лиши́ нас Твоего́ Небе́снаго покро́ва и заступле́ния — вся бо мо́жет моли́тва Ма́тери к Милосе́рдному Боже́ственному Сы́ну, о сем бо вели́ком заступле́нии возвеща́ет нам сия́ ма́лая ико́на, я́ко бесце́нное сокро́вище, на сем месте обрете́нное.
Благода́тная Ма́ти Бо́жия, Ты, и в огни́ о́браз сей сохра́ншая, па́ки да́руеши его́ в зало́г Твое́й бли́зости к нам и всегда́шняго благода́тнаго заступле́ния. Пречи́стая Влады́чице, умягчи́ сердца́ на́ша, окамене́нныя грехо́м, да согре́тыя благода́тными твои́ми моли́твами испо́лним Боже́ственныя за́поведи Сы́на Твоего́ Го́спода на́шего Иису́са Христа́, и та́ко дости́гнем несконча́емаго дне Ца́рствия Бо́жия, в онь же мы при́званы со все́ми святы́ми. Ами́нь.

Добавить комментарий

Ваш e-mail не будет опубликован. Обязательные поля помечены *