Колочская икона Божией Матери

Колочская икона Божией Матери

Колочская  икона  Божией  Матери  принадлежит  к  древнейшим  иконам  Пресвятой  Богородицы  на  Руси  и  обретена  была  в  годину  бед  и  лишений,  как  издавна  это  случалось:  не  оставляла  в  беде  Святую  Русь  Царица  Небесная,  являя  в  тяжелые  времена  то  здесь,  то  там  Свой  образ.

Откликнулась  на  это  явление  вся  земля  Русская,  описав  обретение  чудотворной  иконы  в  двадцати  двух  летописях,  видя  в  этом  «знамение  великое».  Произошло  это  событие  в  столь  критический  момент,  когда  католичество  уже  так  близко  подступило  к  Москве,  что  Сама  Царица  Небесная  встала  на  защиту  православной  веры.

Пребывает  чудотворная  Колочская  икона  Божией  Матери  в  Свято — Успенском  Колоцком  женском  монастыре,  который  насчитывает  более  600  лет  своей  истории.  Это  один  из  старейших  монастырей  Руси.  Основан  он  был  в  1413  году  князем  Андреем  Дмитриевичем  Можайским,  сыном  святого благоверного  князя  Димитрия  Донского,  на  месте  явления  святой  иконы.

История  иконы:   Произошло  явление  иконы  в  суровую  для  Руси  годину,  в  период  противостояния  Литовскому  княжеству,  все  более  и  более  надвигающемуся  на  Русь,  после  захвата  им  Смоленска.  На  границе  Московских  и  Смоленских  земель  в  местечке  Колоча,  возле  города  Можайска  в  1413  году  явила  Богородица  Свою  икону.

Крестьянин  села  Колоча,  по  которому  образ  и  получил  свое  название — Колочская  икона  Божией  Матери,  по  имени  Лука,  проходя  по  лесу,  увидел  стоящую  на  дереве  икону  Божией  Матери.  Благоговейно  принял  Лука  образ  и  принес  к  себе  домой.  Дома  у  него  проживал  тяжело  больной  родственник,  долго  страдавший  расслаблением  всего  тела.

Прослышав  об  иконе  болящий  попросил  поднести  ее  к  себе.  Облобызав  образ  и  вознеся  молитву  Божией  Матери,  больной  с  верой  приложил  ее  к  своему  челу,  глазам  и  устам.  Тотчас  он  получил  полное  исцеление  и,  возблагодарив  Господа  и  Его  Матерь,  поднялся  с  постели  здоровым.

Весть  об  этом  чуде  разнеслась  по  окрестным  селениям,  к  иконе  потянулись  болящие  и  скорбящие.  Все,  с  верой  к  ней  притекающие,  получали  облегчение  своим  недугам.  Пребывать  чудотворной  иконе  в  бедной  хижине  в  бедном  заброшенном  селе  было  не  к  лицу.

Лука  повез  святую  икону  в  Можайск.  Жители  Можайска  встречали  святой  образ  во  главе  с  князем  Андреем  Дмитриевичем  и  боярами,  всем  священством,  на  подходе  к  городу.  По  пути  и  в  самом  Можайске  произошло  немало  чудес  и  исцелений.

Затем  Лука  повез  Колочскую  икону  Божией  Матери  в  Москву,  где  также  был  торжественно  встречен  Митрополитом  Фотием  в  окружении  священства,  знатных  горожан,  бояр  и  всего  честного  народа.  После  Лука  возил  икону  по  многим  городам  и  селам.

Везде  чудотворный  образ,  Колочская  икона  Божией  Матери,  распространяла  сияние  непрестанных  чудес  и  благодатных  исцелений.  Все,  получившие  помощь  Царицы  Небесной,  давали  Луке  щедрые  пожертвования,  так  что  он  по  возвращении  домой  построил  в  своем  селении  церковь  в  честь  Рождества  Пресвятой  Богородицы,  в  которую  была  помещена  Колочская  икона  Божией  Матери.

Прельстившись  на  богатство  и  выстроив  себе  богатые  хоромы,  Лука  возгордился,  но  очень  скоро  был  вразумлен,  чуть  не  погиб  в  лапах  медведя.  Чудом  спасенный,  он  понял  вразумление,  пожертвовал  все  деньги  на  устроение  Успенского  Колочского  монастыря,  где,  став  иноком,  провел  остаток  своей  жизни  в  слезах  и  покаянии.

Колочская икона Божией Матери
Колочская икона Божией Матери в обители

Первообраз  Колочской  иконы  Божией  Матери  был  утрачен  в  70-е  годы  прошлого  века,  но  сохранилось  много  списков.  Один  из  списков,  который  хранился  в  церкви  Илии  Пророка  в  Можайске,  был  передан  в  возрождавшийся  Колоцкий  монастырь  (теперь  он  женский).  В  1998  году  Колочская  икона  Божией  Матери  в  обители  замироточила.

В  Московском  Успенском  соборе,  в  приделе  святых  первоверховных  апостолов  Петра  и  Павла,  находится  один  из  поздних  списков  чудотворной  иконы,  на  вызолоченной  ризе  которого  имеется  надпись  «Лета  7197  (1689),  июния,  в  28  день…»

Иконография:  Иконографический  тип — Одигитрия.  В  середине  иконы  изображение  Божией  Матери  с  Предвечным  Младенцем  и  предстоящими  при  Ней  святителем  Николаем  Чудотворцем  и  святым  пророком  Илиею.

Вверху  помещается  изображение  Святой  Троицы  в  виде  трех  Ангелов.  По  правую  сторону  изображен  святой  Пророк  и  Креститель  Господень  Иоанн  Предтеча,  по  левую — Симеон  Богоприимец.

Внизу  изображены  святители  Василий  ВеликийГригорий  Богослов  и  Иоанн  Златоуст,  по  сторонам  от  них —  преподобный  Авраамий  Смоленский  и  Пафнутий  Боровский  чудотворцы.

Колочская  икона  Божией  Матери  была  украшена  вызолоченной  серебряной  ризой  и  позолоченной  же  серебряной  рамкой.  Все  древней  чеканной  работы.  А  также  ее  украшало  множество  подношений  от  благодарных  исцеленных  и  спасенных  от  бед  предстательством  Царицы  Небесной.

На  месте  явления  иконы  забил  целебный  источник,  который  в   годы  безбожия  всячески  пытались  уничтожить,  закопать,  но  он  пробивался  сквозь  все  преграды  вновь  и  вновь  и  исцеляет  вот  уже  шесть  сотен  лет  тысячи  людей.  Над  ним  стоит  часовня.

Колочская икона Божией Матери

Молитвенная  традиция:  Перед  иконой  молятся  об  исцелении  болезней  глаз  и  слепоты,  болезней  рук  и  ног,  болезней  ушей  и  глухоты;  от  паралича  и  расслабления;  от  немоты  и  онемения  языка.  В  холерные  времена  Колочская  икона  Божией  Матери  крестным  ходом  проносилась  по  окрестным  городам  и  селам,  даруя  везде  свою  милость  и  исцеления.

Празднование:  9  /  22  июля.  Установлено  празднование  было  в  1547  году  при  митрополите  Макарии.

АКАФИСТ   пред  КОЛОЧСКОЙ  ИКОНОЙ   БОЖИЕЙ   МАТЕРИ

Кондак 1

Взбранной Воеводе, Заступнице нашей, хранящей от бед землю Можайскую, благоговейное пение приносим Ти, недостойнии раби Твои, Богородице. Ты же, непрестанною молитвою мир спасающая, сохрани нас от всяких напастей, да зовем Ти: Радуйся, Благодатная, Ангелов и человеков Радование.

Икос 1

Ангелов Царица и Небесных Сил Госпожа яви древле на Колочи святую икону Свою. Людие же, о обретении чуднем дивящеся, возрадовашася зело и возопиша Преблагословенней:

Радуйся, Палато Бога и Царя облагоуханная;

радуйся, Горо, Духом Святым преосененная.

Радуйся, Тайно Боговоплощения неизреченная;

радуйся, Ниво неоранная, Богом возделанная.

Радуйся, хлеб жизни, Христа, израстившая;

радуйся, Стамно, манну небесную носившая.

Радуйся, Надеждо нашего спасения;

радуйся, Лествице божественнаго схождения.

Радуйся, Благодатная, Ангелов и человеков Радование.

Кондак 2

Видя разслабленный икону Твою, Богомати, милостивно явленную, с верою той припаде и, благоговейно ю облобызав и здравие улучив, с радостию возопи Богу: Аллилуиа.

Икос 2

Разум человеческий не может, Владычице, постигнути силу благодатных исцелений от иконы Твоея Колочския явленных: како слепии прозираху, глусии слух обретаху, разслабленнии исцеляхуся и многия, недуги душевными и телесными одержимии, здравие улучаху. Сего ради прославляем Тя сице:

Радуйся, Мати наша милосердная;

радуйся, Заступнице усердная.

Радуйся, болящих скорое Исцеление;

радуйся, немощных всесильное Укрепление.

Радуйся, сердца наша очищающая;

радуйся, печали утоляющая.

Радуйся, недужных безмездное Врачевание;

радуйся, жизни вечныя Упование.

Радуйся, Благодатная, Ангелов и человеков Радование.

Кондак 3

Сила многоцелебная исхождаше от иконы Твоея, Владычице, егда во град Можайск со благоговением на поклонение изнесеся. Вернии же людие, с трепетом припадающе пред тою, прославляху Тя и Сына Твоего, поюще хвалебную песнь: Аллилуиа.

Икос 3

Имущи издревле попечение о пределех отечества нашего, Богородице Царице, благоволила еси и стольный град Москву освятити дивным пришествием иконы Твоея, юже сретоша со славою великою князи и боляре и вси христолюбивии людие, похвалы приносяще Ти сицевыя:

Радуйся, земли Русския небесная Покровительнице;

радуйся, к горнему Отечеству верная Путеводительнице.

Радуйся, избавляющая от всякаго вражия обстояния;

радуйся, крепкое о нас пред Богом Предстояние.

Радуйся, ко благочестию наша Наставнице;

радуйся, телес наших скорая Целительнице.

Радуйся, всем земнородным Прибежище и Оградо;

радуйся, христолюбивым людем Нерушимая Стено.

Радуйся, Благодатная, Ангелов и человеков Радование.

Кондак 4

Бурею многих скорбей обдержимии, людие Московстии ко образу Твоему святому, Богородице, со упованием притекаху, милостивно бо приемлеши прошения верных и молишися за всех, с верою имя Твое призывающих, Сыну же Твоему и Богу нашему зовущих: Аллилуиа.

Икос 4

Слышав благоверный князь Андрей Можайский о благодеяниих Богоматере, со умилением пред иконою Ея взываше: О, Державная наша Помощнице, Воеводо Великая и Надеждо всем христианом! Не остави нас, на Тя уповающих. Мы же, ведуще Тя, яко теплую нашу Заступницу, вопием сице:

Радуйся, милосердая Мати, от погибели грешных избавляющая;

радуйся, благая Владычице, на путь правый тех наставляющая.

Радуйся, в страданиих наших присное утешение;

радуйся, от уныния и отчаяния надежное заступление.

Радуйся, Сына Твоего о нас умоляющая;

радуйся, молитвами Твоими мир спасающая.

Радуйся, яко Тобою от вечныя смерти свобождаемся;

радуйся, яко Тобою безконечныя жизни сподобляемся.

Радуйся, Благодатная, Ангелов и человеков Радование.

Кондак 5

Божественным промышлением чудесно явися в Колочи икона Твоя, Пресвятая Дево, Ты же благоволила еси на месте сем и обитель в честь преславнаго Успения Твоего воздвигнути, идеже ныне глас хваления приносится Богу: Аллилуиа.

Икос 5

Видяще пречудную икону Твою, Богомати, и чудеса бываемая, в сокрушение приходим и слезы покаяния приносим Ти, грешнии раби Твои. Ты же, Владычице, милосердия двери отверзи нам, да вопием сице:

Радуйся, пресветлая Весно покаяния;

радуйся, милосердия неоскудное Излияние.

Радуйся, кающихся Споручнице во спасение;

радуйся, согрешающих благонадежное Исправление.

Радуйся, от соблазнов мира сохраняющая;

радуйся, пламень страстей угашающая.

Радуйся, падших скорое Возстание;

радуйся, грехом ураненых Врачевание.

Радуйся, Благодатная, Ангелов и человеков Радование.

Кондак 6

Проповедницы богоноснии прежде бывше апостоли, слово Божие всей вселенней возвещаху. Ты же, Богородице, святыми иконами Твоими по всей земли благовествуеши и знаменьми уверяеши истину веры Христовы, научающи нас взывати Богу: Аллилуиа.

Икос 6

Возсия преславно чудотворный образ Твой, Царице Богородице, во утверждение Державы Российския и залог любве к православному народу ея, имже и ныне ублажаешися похвалами сими:

Радуйся, знамение Божия к нам благоволения;

радуйся, Российския Державы укрепление.

Радуйся, скиптры Царствия молитвами Твоими утверждающая;

радуйся, достояние Твое желанным миром венчающая.

Радуйся, душ наших с Богом Примирение;

радуйся, православным Щит и Ограждение.

Радуйся, милость Божию верным являющая;

радуйся, омофором Своим Русь покрывающая.

Радуйся, Благодатная, Ангелов и человеков Радование.

Кондак 7

Хотя царь Иоанн град Полоцк свободити и латинян далече от земли Русския отгнати, изволи взяти на брань Колочскую икону Пречистыя Богородицы, да, видяще ю, нечестивии падут и разумеют, яко с нами Бог, Емуже вопием: Аллилуиа.

Икос 7

Новое чудо явися, егда икона Твоя, Богомати, невредима сохранися и много паче украшена бысть, аще и поруганию и сожжению предадеся обитель Колочская от латинян в литовское разорение. Темже, ныне на образ Твой взирающе, благодарне вопием:

Радуйся, земли Русския Защищение;

радуйся, иноплеменных ратей Одоление.

Радуйся, от междоусобныя брани избавляющая;

радуйся, смуту и крамолу уставляющая.

Радуйся, злых сердец Умягчение;

радуйся, благочестивых душ Украшение.

Радуйся, братолюбию нас научающая;

радуйся, на путь спасения наставляющая.

Радуйся, Благодатная, Ангелов и человеков Радование.

Кондак 8

Странно и преславно заступление Твое бысть во бранех, Богомати, егда галлы и двадесять язык на землю Русскую от Запада приидоша. Тогда вси людие правовернии с верою моляху Тя об одолении прегордаго супостата, да победу улучивше, воспоют Богу: Аллилуиа.

Икос 8

Вси воспомянем битву Бородинскую, егда воини русстии живот свой за веру, царя и Отечество полагаху, в стенах же обители Колочския укрепление и утешение духовное обретаху, под кров Пречистыя прибегающе и вопиюще Ей сицевая:

Радуйся, православным воином во бранех помогающая;

радуйся, на безбожныя враги их укрепляющая.

Радуйся, раны тяжкия прикосновением Твоим исцеляющая;

радуйся, преставльшихся во обителех Небесных упокоевающая.

Радуйся, Воеводо добропобедная;

радуйся, Заступнице наша усердная.

Радуйся, вражду и злобу упраздняющая;

радуйся, Отечество наше сохраняющая.

Радуйся, Благодатная, Ангелов и человеков Радование.

Кондак 9

Всякое шатание еретическое, отвергающее святых икон почитание, разорися древле духоносным Собором богоглаголивых отец. Мы же, отеческия законы Церкве храняще, веруем, яко почитание, воздаваемое образу Твоему, к Тебе Самей восходит, Владычице. Темже, Сыну Твоему, тако благоволившему, зовем: Аллилуиа.

Икос 9

Ветии многовещаннии не возмогут, Владычице, изглаголати неизреченное милосердие Твое к роду человеческому. Сице, егда смертоносная язва землю Можайскую порази, Ты, Пречистая, гнев Божий на милость преложила еси и рабы Твоя пагубы лютыя свободила еси. Темже вопием Ти:

Радуйся, ненадежных Упование;

радуйся, погибших Взыскание.

Радуйся, болезнем Исцеление;

радуйся, страстем Изменение.

Радуйся, злотворных воздухов Отгнание;

радуйся, благодати Божия Присвоение.

Радуйся, Главизно нашего спасения;

радуйся, верным Отрада и Утешение.

Радуйся, Благодатная, Ангелов и человеков Радование.

Кондак 10

Спасти хотя мир, Иже всех Господь, яко дождь на руно Гедеоново, во утробу Пречистыя Девы с Небесе сниде и по рождестве сохрани Ю, якоже бе нетленну, да, чудо видяще, поем воплотившемуся нас ради Христу Богу: Аллилуиа.

Икос 10

Стена еси и Защищение людем Твоим, Богородице Дево, даровала бо еси земли Русстей чудотворныя иконы Твоя во укрепление веры Православныя. Тако и на Колочи святый образ Твой явися в помощь и заступление народу нашему. Темже прославляем Тя сице:

Радуйся, Церкве Православныя Столпе непоколебимый;

радуйся, земли нашея Покрове нерукотворенный.

Радуйся, Русь Православную возлюбившая;

радуйся, благочестие в ней утвердившая.

Радуйся, мечем молитвы нас вооружающая;

радуйся, щит веры в руце наша влагающая.

Радуйся, к Сыну Твоему присная Ходатаице;

радуйся, молений наших всеблагая Скоропослушнице.

Радуйся, Благодатная, Ангелов и человеков Радование.

Кондак 11

Пение молебное приносят Ти, Пречистая Дево, инокини честныя во обители Колоцтей и, чудную икону Твою почитающе и ради обновления обители древния Тя благодаряще, возсылают Богу хвалебную песнь: Аллилуиа.

Икос 11

Светородительнице боголепная, Ты, девство и рождество нетленно в Себе сочетавши, девам Похвала и матерем Отрада явилася еси. Мы же, таинству, на Тебе бывшему, дивящеся, вопием Ти сице:

Радуйся, матеродевственная Славо;

радуйся, человеческаго рода Похвало.

Радуйся, Сеятеля чистоты непорочно родившая;

радуйся, преслушание Евино послушанием Твоим исцелившая.

Радуйся, дев богомудрых Украшение;

радуйся, чистоте и целомудрию Научение.

Радуйся, благоуханный Крине девства;

радуйся, Всенепорочная Богоневесто.

Радуйся, Благодатная, Ангелов и человеков Радование.

Кондак 12

Благодать неоскудевающую от иконы Твоея источаеши, Богородице, и, яко Божественнии стражи, предстоят Тебе святии ревнители Богопочитания истиннаго, пророк Илия, небошественник преславный, и святитель Николай, чудотворец предивный. С ними же моли, Дево, Сына Твоего спастися нам, зовущим Ему: Аллилуиа.

Икос 12

Поюще неистощимое множество чудес Твоих, Владычице, прославим и милость Твою от источника многоцелебнаго, на месте явления святыя иконы Колочския проистекшаго и до днесь врачевство обильное источающаго, всем с верою приходящим и вопиющим Богородице:

Радуйся, Источниче исцелений, присно изливаемый;

радуйся, Кладезю чудес неисчерпаемый.

Радуйся, Сосуде, благодати исполненный;

радуйся, Облаче легкий, Христа одождивый.

Радуйся, Купеле, всякую скверну очищающая;

радуйся, Бане, совесть омывающая.

Радуйся, Море, вся наша страсти потопляющее;

радуйся, Чаше, духовную жажду утоляющая.

Радуйся, Благодатная, Ангелов и человеков Радование.

Кондак 13

О, Всепетая Мати, Пречистая Богородице Дево! Приими сие малое моление наше и, яко неоскудевающий Источник благодати, уврачуй болезни душ и телес наших и умоли Сына Твоего о всех, с верою к Тебе притекающих и поющих Богу: Аллилуиа.

Сей кондак глаголи трижды. Посем икос 1 и кондак 1.

Молитва

О, Пресвятая Владычице Богородице, Царице Небесе и земли, Высшая Ангел и Архангел и всея твари Честнейшая, Чистая Дево Марие, миру Благая Помощнице, всех христиан Утверждение и всем во всяких нуждах Избавление!

Призри ныне на рабы Твоя, молящияся Тебе умиленною душею и сокрушенным сердцем, со слезами припадающия и пречестному и цельбоносному образу Твоему поклоняющияся. Буди за нас Ходатаица к Сыну Твоему, Христу Богу нашему, мы бо, грешнии, не имамы иныя Помощницы, разве Тебе, Владычице. Ты еси наша Надежда и Упование, Ты еси Заступница и Предстательница наша, Ты обидимым Защищение, печальным Утешение, скорбящим Радование, сирым Прибежище, вдовицам Хранительница, девам Слава, слезящим Веселие, больным Исцеление, грешным Спасение.

Сего ради, о Богомати, к Тебе прибегаем и, на Твой святый образ взирающе, с любовию покланяемся Тебе и молебное пение приносим, вопиюще: помилуй ны, Мати Божия, и прошения наша исполни во благо, вся бо возможна суть ходатайству Твоему к Сыну Твоему, Христу Богу нашему. Емуже подобает всякая слава, честь и поклонение со Безначальным Его Отцем и Пресвятым и Благим и Животворящим Его Духом ныне и присно и во веки веков. Аминь.

Добавить комментарий

Ваш e-mail не будет опубликован. Обязательные поля помечены *