Святитель Василий Великий

Святитель Василий Великий

Святитель  Василий  Великий,  вселенский  учитель, церковный  писатель  и  богослов,  образованнейший  человек  своего  времени,  красноречивый  оратор,  архиепископ  Кесарии  Каппадокийской,  прославившийся  твердостью  веры,  милосердием  и  благотворительностью.

Наряду  с  Григорием  Нисским  и  Григорием  Богословом,  святитель  Василий  Великий  причисляется  к  отцам  Церкви.  Ему  приписывают  изобретение  иконостаса.  Является  автором  пятой  и  шестой  молитв  утреннего  правила,  многочисленных  проповедей  и  писем  (известно  не  менее  300),  убежденный  поборник  киновии.

Святитель  Григорий  Богослов  писал  о  нем:  «Он  был  опора  веры,  правило  истины,  образец  в  Церкви,  обитель  Духа,  муж,  превзошедший  меру  и  жизни  человеческой,  и  добродетелей,  муж  многообъемлющий,  великий  и  святой,  душа  его  была  Божественна,  он  был  мужественный  подвижник  истины,  который  не  иным  чем  дышал,  как  благочестивым  и  спасительным  для  всего  мира  учением;  для  всех  был  он  образцом  веры  и  добродетелей,  слово  его  было  высокомудренно,  глубоко  и  совершенно».

ЖитиеРодился  святитель  Василий  Великий  в  329  году  в  Кессарии,  административном  центре  Каппадокии,  в  состоятельной  благочестивой  семье,  получил  хорошее  образование  и  православное  воспитание.  Семья  отличалась  особым  благочестием.  Бабушка  святителя,  мать,  сестра  и  брат  были  причислены  позднее  к  лику  святых.

В  семье  было  десять  детей,  пять  сыновей  и  пять  дочерей,  из  которых  пять  были  позднее  причислены  к  лику  святых:  Василий,  Макрина  (память  19  июля), — образец  аскетической  жизни,  оказавшая  сильное  влияние  на  характер  и  на  жизнь  своего  брата  Василия;  Григорий,  впоследствии  епископ  Нисский  (память  10  января);  Петр,  епископ  Севастийский  (память  9  января);  Феозва — диаконисса  (память  10  января).  

Отец  святого  был  учителем  красноречия  и  адвокатом.  Получив  начальное  образование  в  Кессарии,  святитель  Василий  Великий  учился  в  знаменитых  афинских  школах.  Каждый  предмет  он  изучал  столь  основательно,  как  многие  не  изучают  и  одного.  Философ,  оратор,  филолог,  юрист,  естествовед,  имевший  глубокие  познания  в  астрономии,  математике  и  медицине. 

В  Афинах  между  Василием  и  Григорием  Богословом  установилась  теснейшая  дружба,  которая  связала  их  на  всю  оставшуюся  жизнь.  Вернувшись  после  завершения  образования  на  родину,  он  принял  крещение,  некоторое  время  преподавал  риторику,  был  причислен  к  клиру  в  звании  чтеца.

Затем  продолжительное  время  святитель  Василий  Великий  прожил  у  пустынников  Сирии,  Месопотамии,  Палестины  и  Египта,  изучая  монашескую  жизнь,  которая  пришлась  ему  по  сердцу.  Сятитель  Василий  Великий  устроил  обитель,  где  с  ним  подвязался  друг  юности — святой  Григорий  Богослов.

Кессарийский  архиепископ  Евсевий  вызвал  святого  Василия  из  пустыни  и  рукоположил  в  364  году  в  пресвитера.  Будучи  ближайшим  помощником  архиепископа  в  делах  управления,  святитель  Василий  Великий  работал,  не  покладая  рук.

Он  каждодневно  проповедовал,  устраивал  больницы,  приюты,  странноприимные  дома.  В  370  году,  после  смерти  Евсевия,  Василий  был  возведен  на  кесарийскую  кафедру,  и  все  девять  лет  пребывания  на  ней  святитель  Василий  Великий  провел  в  напряженной  борьбе  с  ариантством.

Ариантство  в  те  времена  было  очень  распространено  при  императоре  Констанции  и  еще  более  при  императоре  Валенте.  Ариане  отвергали  Божественную  природу  Господа  Иисуса  Христа,  причем  воинственно  и  безаппеляционно.

Святитель  Василий  Великий  непреклонно  защищал  основы  христианской  веры,  и  все  попытки  склонить  его  к  арианству  закончились  ничем.  Ни  угрозами,  ни  обещаниями  милостей  царских  не  удалось  это  сделать  правителям  разных  рангов.

Святитель  Василий  Великий  отвечал  на  угрозы  так:  «Изгнания  я  не  боюсь,  потому  что  вся  земля  Господня;  отнять  имущество  нельзя  у  того,  кто  ничего  не  имеет;  смерть  для  меня  благодеяние:  она  соединит  меня  со  Христом,  для  Которого  я  живу  и  тружусь.»

Вступив  в  357  на  путь  аскетической  жизни,  святитель  Великий  не  отступал  от  аскезы  до  конца  своей  жизни.  В  Кессарии  святой  Василий  устроил  два  монастыря,  мужской  и  женский.  По примеру  иноков,  клирики  митрополии  святителя,  даже  диаконы  и  пресвитеры,  жили  в  чрезвычайной  бедности,  трудились  и  вели  жизнь  чистую  и  добродетельную.

Святитель  Василий  Великий  не  только  самоотверженно  защищал  Православие,  но  также  непрестанно  заботился  о  своей  пастве,  о  бедных  и  обездоленных.  Устроенные  им  приюты  для  больных  и  бедных,  в  совокупности  составляли  целый  город.  Во  время  голода  жители  Кессарии  нашли  в  нем  щедрого  благотворителя.

Святитель  Василий  Великий  был  основателем  славных  монашеских  обителей.  Он  составил  правила  для  жизни  и  поведения  иноков,  эти  правила  используются  и  поныне.  Святой  Василий  изложил  чин  апостольской  литургии,  которая  известна  под  его  именем.

Эта  литургия  совершается  по  воскресеньям  Великим  постом  и  в  некоторые  другие  дни.  Святитель  составил  многие  молитвы,  которые  употребляются  в  Церкви  по  настоящее  время,  также  и  читаемые  с  коленопреклонением  после  литургии  в  день  Святой  Троицы

Большим  уважением  повсеместно  пользуются  и  другие  творения  святителя.  Особое  место  среди  них  занимают  «Беседы  на  Шестоднев»  (шесть  дней  творения),  в  которых  он  проявил  себя  не  только  как  богослов,  но  и  как  ученый  в  области  естественных  наук.

Святитель  Василий  Великий  оставил  после  себя  великое  наследие,  актуальное  и  в  наши  дни.  Но  усиленные  труды  и  скорби  между  тем  истощили  телесные  силы  святого  и  1  января  379  года,  на  пятидесятом  году  жизни  (в  возрасте  49  лет),  он  мирно  отошел  ко  Господу.  Незадолго  до  этого  святитель  благословил  святого  Григория  Богослова  на  принятие  Константинопольской  кафедры.

Три святителя

Память:  1  /  14  января,  30  января  /  12  февраля  (Собор  вселенских  учителей  и  святителей  Василия  Великого,  Григория  Богослова  и  Иоанна  Златоуста).

 

АКАФИСТ    СВЯТИТЕЛЮ    ВАСИЛИЮ    ВЕЛИКОМУ

Утвержден  для  общецерковного  использования.

Кондак 1

Взбранный Царя Небеснаго служителю и великий Церкве Христовы святителю, правыя веры исповеданием во всем мире просиявый, велие имеяй дерзновение ко Святей Троице, от всяких нас бед ограждай, со умилением тебе вопиющих:

Радуйся, Василие, великий иерарше, Православия всемирный светильниче.

Икос 1

Ангелов Творец, от века предызбравый тя, преблаженне отче Василие, быти великаго светильника Церкве Своея, ангелоподобна житием яви тя: вельми бо богомыслием и пощеньми в пустыни подвизався, на высоту добродетели восшел еси. Темже, велию на небесех славу стяжавый, приими от нас смиренных, восхваляти тя дерзающих, сия хвалебныя глаголы:

Радуйся, Василие, царствия тезоименитый; радуйся, иерарше Христов великий.

Радуйся, Церкве непоколебимый столпе; радуйся, рода святаго пречестная отрасле.

Радуйся, от юности Царю Небесному всеусердно служивый; радуйся, всею земною, наипаче же небесною, премудростию ум свой обогативый.

Радуйся, купно со другом твоим Григорием Богословом в любомудрии преуспевавый; радуйся, учителя твоего Еввула премудрыми словесы ко Христу обративый.

Радуйся, чистоты и целомудрия предивный хранителю; радуйся, ко спасению верный путеводителю.

Радуйся, душепагубных ересей разорителю; радуйся, богомудрый вселенныя учителю.

Радуйся, Василие, великий иерарше, Православия всемирный светильниче.

Кондак 2

Видя Церковь Христову арианским зловерием обуреваему, и Божию призванию повинуяся, изшел еси, преподобне отче, из пустыни, юже возлюбил еси, во град Кесарию, идеже благодать священства восприял еси и во архиепископа поставлен был еси, слово спасения велегласно всем концем земли благовествуя, верныя же по вся дни поучая Богу, Создателю всех, достойно воспевати: Аллилуиа.

Икос 2

Разум верных боговедением просвещая, святителю Христов Василие, естество сущих изъяснил еси, и Бога невидимаго в творениих руку Его познавати научил еси. Темже и мы, твоими богомудрыми ученьми просвещаемии, взываем сице:

Радуйся, познанием Бога, в шесть дний вся сотворша, верныя озаривый; радуйся, дивныя дела Его достойно восхваляти научивый.

Радуйся, палато мудрости преукрашенная; радуйся, сокровищница богословия преизобильная.

Радуйся, яко тайны премудрости Божия во всем мире видети научал еси; радуйся, яко и в малых вещех величие Божие зрети наставлял еси.

Радуйся, света первозданнаго красоту живописавый; радуйся, твердую силу перваго глагола Божия во вселенней показавый.

Радуйся, былием травным скорую гибель славы земныя изобразивый; радуйся, во благолепии светил небесных Солнце Правды Христа зрети указавый.

Радуйся, трудолюбием малой твари от лености людей отвращавый; радуйся, человеку, царю тварей, над страстьми царствовати повелевавый.

Радуйся, Василие, великий иерарше, Православия всемирный светильниче.

Кондак 3

Силою Всевышняго укрепляемь, отче святый Василие, противоборствовал еси богоотступнику Иулиану, и злое его на христианы умышление разрушити умолил еси Господа и Пречистую Его Матерь, да вси Единому Богу благодарно поют: Аллилуиа.

Икос 3

Имеяй ревность велию по Бозе Вседержителе и меч слова Его в руце восприим, плевелы языческаго Иулианова нечестия скоро посекл еси, верныя же во благочестии утвердил еси; научи и нас, преподобне отче, единому точию Богу чистым житием служити, зовущих ти сице:

Радуйся, гордаго Иулиана в богоотступстве мужественно обличивый; радуйся, христоненавистныя его начинания разрушивый.

Радуйся, молитвою слезною, яко копьем, того поразивый; радуйся, скорую его погибель предвозвестивый.

Радуйся, люди Божия, якоже Моисей древле Израиля, от идолослужения свободивый; радуйся, плевелы нечестия истребивый.

Радуйся, пищею словес Божиих верныя изобильно насытивый; радуйся, струями благодати сердца напоивый.

Радуйся, скрижали велений Христовых твердо содержати увещевавый; радуйся, учение уст твоих житием утвердивый.

Радуйся, рабе благий и верный; радуйся, делателю вертограда Христова усердный.

Радуйся, Василие, великий иерарше, Православия всемирный светильниче.

Кондак 4

Бурю ярости царя Уалента, арианским зловерием одержима, ты, святче Божий, силою Духа в тебе живуща, утишил еси, и мир Церкви Святей даровал еси, святыми трудами твоими и теплыми к Богу молитвами Емуже радуяся воспел еси: Аллилуиа.

Икос 4

Слышав злочестивый Уалент, яко ты, иерарше Божий, во истине стоиши, и вси вернии гласу твоему повинуются, восхоте от правыя веры тя отвратити; сего ради посла к тебе епарха своего Модеста, послежде же и сам прииде в Кесарию. Но ты, богоносе отче, ни гнева царева, ни прещений грознаго его воеводы не устрашился еси; мы же, прославляюще сицевое твое твердое исповедание, вопием ти:

Радуйся, поборниче правыя веры непоколебимый; радуйся, пастырю, душу за верныя положити готовый.

Радуйся, твердое исповедание Петрово показавый; радуйся, Илиину ревность о славе Святыя Троицы явивый.

Радуйся, гнев царя нечестиваго боголепием священнослужения утишивый; радуйся, богомудрыми словесы уста зловернаго воеводы заградивый.

Радуйся, яко прещения изгнанием и муками не убоялся еси; радуйся, яко и смерть за Христа восприяти желал еси.

Радуйся, гонение за веру претерпевый; радуйся, скорбьми многими в радость Господа вшедый.

Радуйся, истину Христову пред цари и владыки небоязненно вещавый; радуйся, вернаго служителя Царя Небеснаго твердым исповеданием себе показавый.

Радуйся, Василие, великий иерарше, Православия всемирный светильниче.

Кондак 5

Боготечная звезда явился еси, святителю Христов Василие, пресветлыми милосердия лучами нощь скорбей мрачную осиявающая, мглу бед отгоняющая, и всем, в море жития бурном плывущим, путь верный к Царству Небесному показующая, да вси спасающему Богу радующеся поют: Аллилуиа.

Икос 5

Видевше вси тя, святителю Божий, яко отца чадолюбива, в напастех и скорбех от тебе помощи усердно искаху; ты же о всех милосердовал еси, образ веры истинныя в себе сим показуя. Буди, преблагий отче, скорый помощник и нам, грехми и скорбьми обуреваемым, с любовию ти вопиющим:

Радуйся, светильниче любве, от Христа возсиявый; радуйся, Отцу Небесному в милосердии подражавый.

Радуйся, неимущих богатое сокровище; радуйся, в нуждах верное прибежище.

Радуйся, гладныя, якоже Иосиф древле, препитавый; радуйся, многи обители бездомным и убогим в Кесарии основавый.

Радуйся, прокаженных раны своима рукама, яко самарянин добрый, врачевавый; радуйся, гонителя твоего Модеста недугующа исцеливый и от народныя казни того избавивый.

Радуйся, вдовицу убогую от обиды епарха защитивый; радуйся, жене грешнице прощение грехов у Бога испросивый.

Радуйся, сирот отче и страждущих утешение; радуйся, во гресех погибающих вразумление и исправление.

Радуйся, Василие, великий иерарше, Православия всемирный светильниче.

Кондак 6

Проповедник всему миру истины Христовы явился еси, святителю отче Василие, силою благодатною слова твоего, яко острием меча, греховная сердца проницаяй и к покаянию возбуждаяй, да вси чистым сердцем Троице Святей поют: Аллилуиа.

Икос 6

Возсиял еси на тверди церковней, яко великое светозарное светило, отче Василие, всю поднебесную разумением веры истинныя просвещающее, мрак же страстей греховных отгоняющее, от нихже и нас свободи, зовущих ти сице:

Радуйся, Троицы Святыя верный служителю; радуйся, таин веры богоозаренный изъяснителю.

Радуйся, яко Отцу Сына Единосущна и Духа сопрестольна велегласно проповедал еси; радуйся, яко истину о Свете Превечном, от Света Превечна просиявшем, верным изъяснил еси.

Радуйся, Господа Спасителя, яко Бога воплощенна и Творца всех век исповедавый; радуйся, таинство двух естеств и единой Ипостаси во Христе Бозе показавый.

Радуйся, силою царственнаго слова твоего богатым житницы открыти повелевый; радуйся, от корысти неправедныя многи учением отвративый.

Радуйся, душепагубное пиянство словом, яко громом, поражавый; радуйся, жестокосердие и зависть из сердец истреблявый.

Радуйся, воздержания ревнительный наставниче; радуйся, покаяния неумолчный проповедниче.

Радуйся, Василие, великий иерарше, Православия всемирный светильниче.

Кондак 7

Хотя верныя от соборищ арианских оградити, ты, святче Божий Василие, вся в церкви благоукрасил еси, и чин умилительный Божественныя Литургии мудре сложил еси, многи же молитвы, яко миро благовонное, от уст твоих огнедохновенных излияшася, имиже во гресех прощения себе и усопшим братиям просим, Троицу же Пресвятую славим, поюще: Аллилуиа.

Икос 7

Новаго Аарона вернии зряху в тебе, отче святый Василие, егда боголепно Жертву Безкровну священнодействовал еси, даровании Святаго Духа, яко многоценными каменьми светящеюся одеждою, украшен. Ныне же в вышнем жертвеннице о Церкви предстательствуяй, поминай выну и нас, тебе умиленно зовущих:

Радуйся, архиерею Божий, преизобильную, якоже и Аарон, благодать священства восприявый; радуйся, велие дерзновение в молитве за люди стяжавый.

Радуйся, таин Божиих мудрый строителю; радуйся, чина церковнаго благоукрасителю.

Радуйся, служению Литургии от Самаго Христа, якоже и Иаков апостол, наученный; радуйся, молитвенниче, Духом Божиим озаренный.

Радуйся, небесным светом, якоже нецыи видеша, в служении осияваемый; радуйся, Ангелы, яко некиими пресветлыми мужами, окружаемый.

Радуйся, яко твоею первее молитвою к восприятию Таин Христовых себе уготовляем; радуйся, яко твоими словесы в вечер Пятидесятницы коленопоклонная прошения возсылаем.

Радуйся, Кесарийскаго святительскаго престола славо и украшение; радуйся, яко иереом всея Церкве подаеши от Бога благодатное в служении укрепление.

Радуйся, Василие, великий иерарше, Православия всемирный светильниче.

Кондак 8

Странное и преславиое видение открыся о тебе, святителю Василие, преподобному Ефрему Сирианину: единожды бо показа ему тя Бог, яко столпа огненна, высоты небесныя досязающа, послежде же, пришед в Кесарию, преподобный узре тя огненным языком люди поучающа и умиленно возопи Богу: Аллилуиа.

Икос 8

Весь светом небесным серафимския любве пламенел еси, богоносе Василие; словеса бо твоя беша, яко молния, ереси попаляющая, души же верных пламенем веры и любве просвещающая; даждь убо и нам, отче, молитвою твоею, искру хотя малую твоея любве имети, зовущим сицевая:

Радуйся, пламеновидный столпе, ереси попаляяй; радуйся, огнь веры истинныя и любве нелицемерныя возгреваяй.

Радуйся, лжи Ариевы ереси твердый обличителю; радуйся, истины Христовы пламенный ревнителю.

Радуйся, яко гордаго Евномиа, Сына Божия хуливша, посрамил еси; радуйся, яко Македониево хуление Духа Святаго препрел еси.

Радуйся, суемудрия Несториева разорителю; радуйся, чести Пресвятыя Богоматере усердный защитителю.

Радуйся, пастырю, небесным блистанием любве осияваемый; радуйся, учителю веры, словеса молниеносная вещавый.

Радуйся, богонасажденная маслино, многих святых Церкви произведшая; радуйся, лозо, богомудрых Православия поборников израстившая.

Радуйся, Василие, великий иерарше, Православия всемирный светильниче.

Кондак 9

Все еретическое соборище не возможе противостояти благодатней, яже в тебе, святый отче, обиташе, силе; юношу бо некоего, во власть сатаны впадша, силою молитвы твоея от сетей вражиих отъял еси, покаявшася же ко Христу возвратил еси, благодарно поя Спасителю Богу: Аллилуиа.

Икос 9

Витийством богодухновенным твоим, святителю Василие, побеждаемии и видевше преславное на юноше бывшее чудо, мнози от еретик ко единей присоединишася Церкви, еяже верными и послушными чадами и нас быти сподоби, зовущих ти сице:

Радуйся, вся концы земли небесным учением осиявый; радуйся, благодатию Христовою темныя силы ада побеждавый.

Радуйся, юношу от сетей сатаны свободивый; радуйся, Телом и Кровию Христовою того насытивый.

Радуйся, яко душе, Кровию Христовою искупленней, погибнути не дал еси; радуйся, яко, в погибельный грех впадша, юношу простити, Христа умолил еси.

Радуйся, яко преславным чудом люди удивил еси; радуйся, яко обращением заблуждша Ангелы возрадовал еси.

Радуйся, просити у Господа Ангелов ограждения нас научаяй; радуйся, Ангела Хранителя молитвою твоею к нам приближаяй.

Радуйся, от наветов вражиих свободителю; радуйся, во искушениих скорый защитителю.

Радуйся, Василие, великий иерарше, Православия всемирный светильниче.

Кондак 10

Спасти хотя Творец Свое словесное создание, показа тя твердаго верных защитителя, отче Василие, и Церкве Своея хранителя, да свет Православия тобою всему миру явлен будет, и вси вернии благодарне Троице Святей воспевают: Аллилуиа.

Икос 10

Стена еси Церкве, и твердое верных ограждение явился еси, о великий в иерарсех Василие, егда во граде Никейстем врата церковная силою молитвы твоея отверзл еси и истину правыя веры сим явил еси, уста же хулящих имя Христово заградил еси. Нам же, Господа Спасителя православно исповедающим, отверзи, отче, милосердия Божия двери, заступлением твоим, да зовем ти сице:

Радуйся, Ангеле земный, Церкве Христовы хранителю; радуйся, Богом предъизбранный верных защитителю.

Радуйся, врата церковная, якоже Илиа древле небо, молитвою открывый; радуйся, храм святый, еретиками восхищенный, паки верным возвративый.

Радуйся, верных от ересей оградивый; радуйся, Церковь Христову неврежденну от лжеучений сохранивый.

Радуйся, превеликое на небеси имя Христово и на земли чудесы возвеличивый; радуйся, Православие во вселенней утвердивый.

Радуйся, яко тобою гордость нечестивых низложися; радуйся, яко тобою смирение верных вознесеся.

Радуйся, яко тобою вера святая прославляется; радуйся, яко тобою Церковь Христова дивно красуется.

Радуйся, Василие, великий иерарше, Православия всемирный светильниче.

Кондак 11

Пение подобаше возносимо быти тебе с небеси, а не от земли, о пречудный Василие, небес бо явление на земли был еси, к небеси богомудрыми ученьми твоими умы верных возводил еси, и ныне с небес на ны милостиво призираеши и преизобильную всем нам благодать подаеши от Щедродателя Христа Бога, Емуже со Ангелы в небесех выну поеши: Аллилуиа.

Икос 11

Светоносный светильниче, весь многими дарами Божиими и добродетельми сияющ, был еси, святче Божий Василие, имиже и ны просвети, в добродетели настави и ко Царствию Небесному направи, зовущих тебе сице:

Радуйся, Церкве Христовы незаходимое сияние и пресветлое украшение; радуйся, яко подаеши христианом во вся веки в вере правей утверждение.

Радуйся, таланты, Богом врученныя тебе, усовершивый; радуйся, от земныя мудрости вся ко спасению полезная собравый.

Радуйся, сыну цареву во славу правоверия чудесное исцеление даровавый; радуйся, целомудренное житие Анастасиа пресвитера и супружницы его прозревый.

Радуйся, кротко обидящим тя прощавый; радуйся, смирением и терпением клеветы на тя побеждавый.

Радуйся, устав совершеннаго жития иноком учредивый; радуйся, многи иноки в обителех собравый.

Радуйся, правила и каноны и спасительная учения в наследие Церкви оставивый; радуйся, богомудрыми списаньми твоими многоценное сокровище к назиданию христианом даровавый.

Радуйся, Василие, великий иерарше, Православия всемирный светильниче.

Кондак 12

Благодать великую дарова тебе Христос Бог, святителю отче Василие, не точию заблуждшия к покаянию приводити, но и многи неверныя ко Христу обращати; егда бо уже смертно болезновал еси, ко блаженней кончине приближаяся, евреанина врача, с женою и чады, Святым Крещением просветил еси и Троице Святей купно с ними благодарственную воспел еси песнь: Аллилуиа.

Икос 12

Поют ти велия похвалы вси вернии, о великий иерарше Василие, вельми бо на земли до конца жития твоего во славу правоверия потрудився, в Небесная Святая Святых вшел еси, и яко верный Божий служитель, Троице Святей предстал еси, идеже и о нас выну молися, о преблагий отче, верою чадех твоих, с любовию зовущих ти сице:

Радуйся, царское священие, прехвальне Василие; радуйся, Троицы Святыя преукрашенное селение.

Радуйся, чудесными деяньми Царя Небеснаго прославивый; радуйся, ревности своея о славе веры и в болезни смертней не оставивый.

Радуйся, ради обращения неверна чудесное продление себе жития у Бога испросивый; радуйся, своима рукама, возстав с одра смертнаго, Крещением того просветивый.

Радуйся, трудами и мудростию силу зловерия победивый; радуйся, благоверным царем победы на враги испросивый.

Радуйся, апостолом в трудех единонравный; радуйся, со святители Григорием Богословом и Иоанном Златоустом, по повелению твоему, единочестно прославляемый.

Радуйся, нетлением мощей просиявый и славою на небесех увенчанный; радуйся, теплый и великий заступниче, от Бога нам дарованный.

Радуйся, Василие, великий иерарше, Православия всемирный светильниче.

Кондак 13

О пресвятый и великий иерарше Христов Василие, Православия светило и верных ограждение! Призри с небесе на сие, приносимое ти нами, хваление, и молитвами твоими от страстей и бед нас огради, в правей вере соблюди и Царствия Небеснаго сподоби, да купно с тобою и всеми святыми Троице Святей во веки веков поем: Аллилуиа.

Этот кондак читается трижды, затем 1-й икос «Ангелов Творец…» и 1-й кондак «Взбранный Царя Небеснаго…».

Молитва перая

О великий во иерарсех, вселенныя учителю богомудрый, преблаженне отче Василие! Велия подвиги и труды твоя, яже во славу Святыя Церкве совершил еси: ты исповедник твердый и светильник веры Христовы на земли был еси, светом Боговедения верныя озаряяй, ложная учения попаляяй и всему миру слово спасительныя истины возвещаяй. Ныне же, велие на Небесех имеяй дерзновение ко Святей Троице, помози нам, со смирением к тебе припадающим, твердо и неизменно святую Православную веру до конца жития нашего сохранити, от маловерия же, сомнений и колебания в вере соблюди, да не прельщени будем богопротивных и душепагубных учений словесами. Дух ревности святыя, еюже ты пламенел еси, о преславный Церкве Христовы пастырю, возгрей предстательством твоим и в нас, ихже Христос постави быти пастырями, да всеусердно просвещаем и утверждаем в правей вере словесное стадо Христово. Умоли Господа, да возвысится страна наша, и да дарует всему народу нашему здравие, долгоденствие и во всем благое поспешение. Испроси, о милосердый святителю, от Отца светов и всем, всякий дар коемуждо благопотребен: младенцем благое в страсе Божием возрастание, юным целомудрие, старым и немощным укрепление, скорбящим утешение, недугующим исцеление, заблуждшим вразумление и исправление, обидимым заступление, сиротам и вдовицам защищение, искушаемым благодатное поможение, отшедшим от сего временнаго жития отцем и братиям нашим блаженное упокоение. Ей, святче Божий, призри милостиво от обителей Горних на нас, смиренных, многими соблазнами и напастьми обуреваемых, и к земли приверженных возведи к высоте Небесней. Преподаждь нам, преблагий отче, твое архипастырское и святое благословение, да, оным осеняемии, в сие новое лето и во все прочее время живота нашего в мире, покаянии и послушании Святей Православней Церкви поживем, заповеди Христовы усердно творяще, подвигом добрым веры подвизающеся, и тако Царствия Небеснаго достигнем, идеже с тобою и всеми святыми сподоби Троицу Святую, Единосущную и Нераздельную пети и славити во веки веков. Аминь.

Молитва вторая

О великий и пресвятый святителю отче Василие, преславный Вселенския Церкве учителю, славы Пресвятыя Троицы всеусердный поборниче, Матере Божия и Ея пренепорочнаго девства предызбранный исповедниче, пресветлый чистоты, смирения и терпения образе. Се аз многогрешный и недостойный на высоту небесную взирати, смиренно молю тя, о премудрый Церкве Христовы учителю, научи мя тако богобоязненно житие свое проводити, да никогда же на путь, Божиим повелением противен, уклонюся или совращен буду. Соблюди и избави мя твоим многомощным предстательством от соблазнов мира и козней диавольских, якоже избавил еси от них юношу, от Сладчайшаго Спасителя нашего отступивша и во власть сатаны впадша. Даруй мне силу душевную усердным быти подражателем добродетелей твоих высоких; соделай мя в вере правей тверда и непоколебима, укрепи мя малодушнаго в терпении и уповании на Господа, возгрей в сердце моем истинную Христову любовь, да небесных благ паче всех желаю и ими услаждаюся. Испроси мне у Господа искреннее о гресех сокрушение, да прочее время живота моего в мире, покаянии и исполнении заповедей Христовых провождати буду. Егда же час моего скончания приблизится, ты, о преблагий отче, с Преблагословенною Девою Мариею, тогда ускори на помощь, защити мя от злобных наветов вражиих, и сподоби мя наследника быти райских селений, да купно с тобою и со всеми святыми неприступнаго Божия величества Престолу предстану и Живоначальную, Единосущную же и Нераздельную Троицу прославляю и воспеваю, присно и в безконечныя веки. Аминь.

Молитва третья

О великий и преславный святителю Христов, всея вселенския Церкве учителю богомудрый, Православия твердый исповедниче и поборниче, всеблаженне отче Василие! Призри от высот небесных на нас, смиренно к тебе припадающих, и умоли Господа Вседержителя, Егоже верный на земли служитель был еси, да дарует нам веры правыя твердое и неизменное сохранение, Церкви Святей послушание, жития нашего исправление, и во всех нуждах, скорбех и искушениих скорое поможение, терпение же и укрепление. Подаждь нам твое святое благословение, да оным осеняемии, сие новое лето и во вся дни богоугодно в мире и покаянии поживем и во Царствии Небеснем сподобимся купно с тобою и со всеми святыми Живоначальную Троицу воспевати и славити, Отца и Сына и Святаго Духа, во веки веков. Аминь.

 

Добавить комментарий

Ваш e-mail не будет опубликован. Обязательные поля помечены *