Владимирская икона Божией Матери

Владимирская  икона  Божией  Матери

    Владимирская икона Божией Матери — одна  из  древнейших  икон,  сохранившихся  до  настоящего  времени. Она  была  написана  в  Византии в  конце  ХI — начале ХII столетия. По  древнему  благочестивому  преданию,  написание  этого  образа  связывают с  именем  апостола  Луки,  который  написал  сей  образ  на  доске  того  стола,  за  которым  трапезничал  Иисус  Христос  со  Своею  Пречистою  Матерью  и  праведным  Иосифом.

История  образа:  Написана  икона  Божией  Матери,  согласно  преданию,  была  при  жизни  Пресвятой  Богородицы.  Апостол  Лука  принес  свое  творение  на  суд  Пресвятой  Деве.  Посмотрев  икону,  Святая  Дева  Мария  изрекла  пророческие  слова:  «Отныне  ублажат  Мя  все  роди.  Благодать  Рождшагося  от  Меня  и  Моя  с  сею  иконою  да  будет«.

В  450  году  при  императоре  Феодосии  Младшем  икона  Пресвятой  Богородицы  была  перенесена  из  Иерусалима  в  Царьград  (Константинополь). Святая  икона  Божией  Матери  была  дарована  Цареградским  патриархом  Лукой  Хрисовергом  великому  князю  Юрию  Долгорукому  и  помещена  в  Вышгородском  девичьем  монастыре  недалеко  от  Киева  примерно  в  1136 году.  Вышгород  был  в  те  времена  удельным  городом  благоверной  княгини  Ольги.

Этот  дар  Богородичной  иконы, которая  прославилась  в  новой  земле  чудесами  и знамениями  и  стала  величайшей  святыней  народа  русского,  являет  собой  преемственность  глубокой  духовной  традиции  от  Византии  к  Святой  Руси.  Отныне   Святая  Русь  становится  новым  уделом  Пресвятой  Богородицы  и  охранительницей  православной  веры.

В  1155 году  Андрей  Боголюбский — сын  Юрия  Долгорукова —  переносит  икону  из  Вышгорода  во  Владимир. Именно  с  той  поры   получила  святыня  земли  Русской  свое  известное  теперь  во  всех  уголках  мира  и  прославленное  многими  чудотворениями,  значимыми  для  всей  Руси,  название — Владимирская  икона  Божией  Матери.

Владимирская икона  Божией  Матери

Причем  с  перенесением  иконы  во  Владимир  была  связана  еще  одна  особая  легенда.  Однажды  клирики  храма,  в  котором  пребывала  чудотворная  икона,  войдя  в  храм,  увидели,  что  Владимирская  икона  Божией  Матери  висит  в  воздухе  посреди  храма.  Они  повесили  образ  на  место.  Через  некоторое  время  все  повторилось  вновь.  Клирики  сообщили  о  случившемся  князю  Андрею.

Князь  Андрей  Боголюбский  был  глубоко  верующим  и  благочестивым  человеком.  Он  понял,  что  Пресвятой  Богородице  угодно  указать  другое  место  для  Своего  образа.  Князь  стал  усердно  молиться  и  просить  Святую  Деву  сообщить  Свою  волю.  Ночью  он  тайно  вывез  чудотворную  икону  из  Вышгорода  и  отправился  в  Ростов.

Но  во  Владимире  на  Клязьме  лошади,  везшие  святой  образ,  остановились  и  не  шли  далее.  Были  запряжены  в  повозку  новые  лошади,  но  и  те  не  тронулись  с  места.  Стало  ясно,  что  Царица  Небесная  избрала  место  для  пребывания  Своего  образа.  В  спешном  порядке  князь  Андрей  Боголюбский  заложил  во  Владимире  храм  в  честь  Успения  Божией  Матери.

Через  два  года,  в  1160  году,  храм  был  построен  и  великолепно  украшен.  Владимирская  икона  Божией  Матери  заняла  в  нем  почетное  место.  Боголюбивый  князь  заботился  также  и  об  украшении  святой  иконы.  Владимирская  икона  Божией  Матери  была  обложена  окладом  из  серебра  и  золота  и  украшена  драгоценными  камнями.

Чудотворения:  Во  время  нашествия  Тамерлана  в  1395  году,  чудотворная  Владимирская  икона  Божией  Матери,  в  уповании  на  помощь  Пресвятой  Богородицы,  была  крестным  ходом  перенесена  из  Владимира  в  Москву.  26  августа  Владимирская  икона  Божией  Матери  была  встречена  народом  и духовенством  на  Кучковом  поле  близ  Москвы.  Был  совершен  торжественный  молебен  с  надеждой  на  спасение  от  иноземного  вторжения.

На  месте  «сретения»  (встречи)  москвичами  Владимирской  иконы  был  основан  Сретенский  монастырь,  давший  название  улице  Сретения  и  напоминавший  о  двунадесятом  непереходящем  празднике  Сретения  Господнего.  Но  это  было  позже.  А  в  1395  году  после  молебнов  и  усердных  молитв  произошло  событие,  которое  до  сих  пор  ставит  в  недоумение  историков.

 Внезапно,  без  видимых  на  то  причин,  могущественный  завоеватель,  не  знавший  поражений,  повернул  свои  войска,  ввергши  в  оторопь  своих  подданных,  и…  отступил.  По  преданию,  Тамерлану  в  сонном  видении  было  дано  Царицей  Небесной  повеление  оставить  Русскую  землю.

 Видение  хану  Пресвятой  Богородицы

Это  событие  подробно  описано  в  книге  издательства  Почаевской  Лавры  «Сон  великого  хана».  Вообще  история  этой  святыни  настолько  богата  чудесными  событиями,  что  книг  о  них  написано  бесчисленное  множество.

Хан  Едигей,  пытавшийся  напасть  на  Русь  в  1408  году,  получил  весть  о  смуте  в  самой орде  и…  отступил.  В  1480  году  после  знаменитого  «стояния  на  Угре» — реке,  которую  называли  «Поясом  Богоматери», —  татары  навсегда  оставили  попытки  получать  дань  с  Руси.

По  заступничеству  Пречистой,  после  усердных  молебнов  пред  Владимирским  образом  Богоматери,  Москва  в  1521  году  была  спасена  от  вторжения  крымского  хана  Махмета  Гирея.  Во  время  пожара  в  Московском  Кремле  в  1547  году  Успенский  собор  остался  невредим,  что  связывают  с  покровительством  Пресвятой  Богородицы,  поданным  через  Ее  чудотворную  Владимирскую  икону.

Владимирская  икона  Божией  Матери — один  из  наиболее  чтимых  образов  Пресвятой  Богородицы  на  Руси.  Икона  участвовала  во  многих  походах  русского  воинства.  Особенно  она  прославилась  как  заступница  Руси  от  нашествия  монголо-татарских  завоевателей.

Перед  Владимирской  иконой  Божией  Матери  помазывались  на  царство  и  приносили  присягу  русские  цари,  избирались  первосвятители  Русской  земли.  Депутация  города  Москвы  с  Владимирской  иконой  Божией  Матери  и  депутация  Костромы  с  Феодоровской  иконой  в  Костромском  Свято — Троицком  Ипатьевском  монастыре  призывали  на  царство  Михаила  Федоровича  Романова.

Согласие  было  получено  после  долгих  уговоров,  только  после  того,  как  духовенство  призвало  на  помощь  Пресвятую  Богородицу  чрез  Ее  святые  иконы,  коими  великая  инокиня  Марфа  Иоанновна  и  благословила  сына  на  царство.  Все  эти  события, как  и  множество  других, описанных  в  летописях  и  других  источниках,  связывают  с  заступничеством  Пресвятой  Богородицы  через  Ея  чудотворный  образ.

В  памятнике  древнерусской  письменности  «Сказание  об  иконе  Владимирской  Богоматери»  ( XVI  век )  описываются  чудотворения  от  иконы  и  говорится  об  апостоле  Луке,  с  именем  которого  связано  написание  этого  образа.

фрагмент   иконы
Владимирская икона Божией Матери, фрагмент

Иконография:  Иконографический  тип  —  Умиление  ( Елеуса ).  Звезды  на  мафории  символизируют  непорочность  Божией  Матери  и  одновременно  являются  символом  Святой  Троицы.  Богомладенец  закрывает  одну  из  звезд,  что  свидетельствует  тем  самым  о  Воплощении  второй  ипостаси  Святой  Троицы  —  Бога  Сына.

Соприкосновение  Ликов  Богоматери  и  Младенца  символизирует  Боговоплощение,  соединение  Небесного  и  земного.  Золотые  лучики  ассиста  свидетельствуют  о  нетварном  Божественном  свете.

От  древнего  византийского  письма  XII  века  на  иконе  остались  только  Лики  Богородицы  и  Богомладенца.  Все  остальное  —  мафорий  Божией  Матери,  ризы  Богомладенца,  руки,  фон  —  являются  более  поздними  записями  и  поновлениями  первой  половины  XIII  и  начала  XV  веков.

Затем  Владимирская  икона  Божией  Матери  поновлялась  в  1514  и  1896  годах.  В  1918  —  1919  годах  Владимирская  икона  Божией  Матери  была  реставрирована.

Владимирская  икона  Божией  Матери
Владимирская икона Божией Матери современный список

Списки  иконы:  Чтимые  списки  с  Владимирской  иконы  Божией  Матери:  Псково-Печерская «Умиление» (1524),  Заоникиевская (1588),  Красногорская  или  Черногорская  (1603),  Оранская  (1634),  Селигерская,  Ростовская  (ХII),  Волынская-Каплуновская.

В  1395  году,  когда  Владимирская  икона  Божией  Матери  была  перенесена  в  Москву,  владимирцы  получили  уже  ее  список,  написанный  митрополитом  Петром.  В  настоящее  время  эта  икона  пребывает  в  кафедральном  Успенском  соборе  города  Владимира  и  также  является  чудотворной.

Подлинная  чудотворная  Владимирская  икона  Божией  Матери  находится  в  храме  святителя  Николая  в  Толмачах  при  Государственной  Третьяковской  галерее  (Москва).

Владимирская  икона  Божией  Матери
Чудотворная Владимирская икона Божией Матери в храме свт. Николая

Списков  чудотворной  Владимирской  иконы  Божией  Матери  великое  множество  на  Руси.  Пожалуй,  нет  храма,  в  котором  этого  образа  бы  не  было.  Многие  списки  сами  прославились  чудотворениями.

Владимирская  икона  в  Толмачах
Владимирская икона Божией Матери в Толмачах

Молитвенная  традиция:  Перед  иконой  молятся  об  избавлении  от  нашествия  иноплеменных,  о  наставлении  в  Православной  вере,  о  сохранении  от  ересей  и  расколов,  об  умирении  враждующих,  о  сохранении  России.

Празднование в честь иконы: 21 мая (3 июня),    23 июня (6 июля) ,  26 августа (8 сентября)

                                       А К А Ф И С Т

Пресвятей Богородице в честь чудотворныя Ея иконы, нарицаемыя «Владимирския».

Кондак 1
Взбранной Воеводе, Пресвятей Владычице нашей, хвалебную песнь воспеваем смиреннии раби Твои, взирающе на первописанный образ Твой, Богомати, с Предвечным Младенцем Иисусом, на руку Твоею седящим, поклоняемся Ти с любовию и молим Тя, Пресвятая Богородице. Ты же, яко имущая державу непобедимую, сохрани и спаси ны, умиленно Тебе вопиющия:
Радуйся, Пресвятая Владычице Богородице, благодать и милость иконою Твоею нам являющая.

Икос 1
Архангел и ангел лицы сопредсташа окрест святыя иконы Твоея, Небесная Царице, благодатно Тобою осененныя: егда бо святый евангелист Лука первее образ твой написа и принесе к Тебе, Пречистая, Ты же, о Госпоже Царице, возрадовалася еси спасения нашего ради и прорекла еси пречистыми усты Твоими: «с сим образом благодать Моя и сила да пребудут». Темже убо взирающе на икону Твою в Божественных храмех, благолепно преукрашенную, ублажаем честное и благодатное происхождение ея, преклоняем колена пред величеством Твоим, Владычице, и со слезами воспеваем сице:
Радуйся, Небесная Царице, Мати Бога и Господа небесе и земли;
радуйся, архангелов и ангелов Владычице.
Радуйся, Божественныя благости Подательнице;
радуйся, рода христианскаго Заступнице.
Радуйся, Всемилостивая, первописанный образ Твой от апостола приимшая;
радуйся, той дати на спасение рода человеческаго изволившая.
Радуйся, яко благоволила еси ему пребывати сохранно на земли;
радуйся, яко даровала еси тому благодать исцелений.
Радуйся, иконою Твоею от всякаго зла нас сохраняющая;
радуйся, тою источники чудес всюду источающая.
Радуйся, яко Твоим ходатайством всяких благ наслаждаемся;
радуйся, яко Тебе и Сыну Твоему пред честною иконою Твоею благоговейно поклоняемся.
Радуйся, Пресвятая Владычице Богородице, благодать и милость иконою Твоею нам являющая.

Кондак 2
Видя чудес множество, бываемое во храме от принесенныя в Вышград святыя Твоея, Пречистая, иконы, яже иногда возвышашеся и стояше на воздусе, иногда же ношашеся во храме сюду и сюду, благоверный князь Андрей, возгоревся духом пламеннаго усердия, паде на земли пред чудотворною иконою Твоею, и внезапу осенен бысть велиим светом от лика Твоего, Пресвятая Богородице, темже умоляше Тя, да явиши святую волю Твою, и да благословиши его отити в пределы своя. И мы убо под пречистый покров Твой прибегаем и тепле вопием: помози нам, Всеблагая Мати, достойно прейти земное поприще жизни, да обрящем страну светоносную и безпредельную, восхваляюще Тя и поюще Господеви: Аллилуия.

Икос 2
Разум не доразумевает достойно песньми духовными восхваляти Тя, небесная Царице, егда многое множество чудес от иконы Твоея, несенныя во град Ростов, явила еси: мнози бо болящии исцелишася; человек некий, утопаяй и уже во глубину погрузивыйся, от потопления дивно Тобою избавися; пресвитера некоего жена умершая оживе и здрава бысть. Благодать Твоя, Владычице, не престает и до ныне обильно чудодействовати, точащи, яко от источника, от пречистыя Твоея иконы всяких недугов исцеления. Темже убо прославляем Тя благочестным пред святым образом Твоим поклонением, умиленно поюще Ти:
Радуйся, Всемилостивая, славою дивнаго врачевания шествие иконы Твоея знаменовавшая;
радуйся, многия немощныя исцелившая.
Радуйся, Всеблагая, благою помощию уповающих на Тя не оставляющая;
радуйся, отчающимся надежду возвращающая.
Радуйся, Заступнице наша, упование нас, недостойных, не отвергающая;
радуйся, наша усердныя молитвы приемлющая.
Радуйся, Всеблаженная, безмерныя Твоя щедроты на нас изливающая;
радуйся, Твоею благостынею нам благодеющая.
Радуйся, всемощная Помощнице наша, во всякой нужде молящимся Ти скоро помогающая;
радуйся, от напрасныя смерти нас спасающая.
Радуйся, Богоблагодатная, страх Божий в сердца наша вселяющая;
радуйся, истинно нас молитися научающая.
Радуйся, Пресвятая Владычице Богородице, благодать и милость иконою Твоею нам являющая.

Кондак 3
Силою, данною от Тебе, Владычице, честная Твоя икона не на пути точию цельбоносно прославися, но и чудным проявлением святыя воли Твоея: егда бо благоверный князь нощию пред иконою Твоею пламенне моляшеся, Ты Сама, небесная Царице, Божественным светом сияющи, явилася еси ему, глаголющи, не отходити от предел Владимирских; он же со благоговением и радостию возблагодари Тя, яко сподобися узрети Матерь Божию, и тогожде дне повеле церковь заложити и, велелепно украсив ю, внесе в ню торжественне чудотворную Твою икону, нареченную «Владимирскою». Мы же вси, смиренно припадающе пред чудною Твоею иконою, восхваляем дивная дела Твоя, имиже от древних времен страна сия славно прославляется, и благодарне воспеваем Тя, яко устроила еси и зде, во храме сем, благодатное утверждение, из глубины души хваляще Тя и взывающе ко Господу: Аллилуия.

Икос 3
Имущи премногую милость к роду человеческому, Пресвятая Владычице, не оставила еси страну Российскую в день брани со враги, пришедшими от брегов Волжских, при князе Андрее, иже, исходя на брань, слезно умоляше Тя, такожде и вси воини вопияху Ти, да от рук вражиих избавиши я. Ты же, Пресвятая Богомати, не отринула еси их усердныя молитвы, и дивным от чудотворныя Твоея иконы явлением славную победу над враги предзнаменовала еси, озаривши велиим светом и огненными лучи все воинство христолюбивое. Темже и мы, преклоньше колена, молим Тя: охраняй и ныне отечество наше, спаси Благочестивейшаго Государя нашего Императора [имярек], огради и Его в годину брани, укрепи Его мышщу, и возвыси десницу, покори под нозе Его всякаго врага и супостата, да в мире и тишине воспеваем Ти сице:
Радуйся, Заступнице, Твоим всемощным заступлением от меча иноплеменных нас избавляющая;
радуйся, усердныя молитвы о нас ко Господу приносящая.
Радуйся, предстательством Твоим праведно движимый гнев Божий утоляющая;
радуйся, ходатайством Твоим пред Господем на милость к нам Его преклоняющая.
Радуйся, яко смиренным молением нашим внемлеши;
радуйся, яко скорое утешение нам подати поспешаеши.
Радуйся, яко иконою Твоею от всякаго бедствия нас покрываеши;
радуйся, яко Тою от всякаго злаго обстояния нас соблюдаеши.
Радуйся, в годину брани Твоею помощию уповающих на Тя не оставляющая;
радуйся, тихое и безмолвное житие нам дарующая.
Радуйся, скиптры благочестивых царей утверждающая;
радуйся, от всех вражиих сил и козней нас защищающая.
Радуйся, Пресвятая Владычице Богородице, благодать и милость иконою Твоею нам являющая.

Кондак 4
Бурею гордости одержим быв, и презрев страх Божий и святыню града Владимира, владыка Феодор неразумная словеса изрече на святую икону Твою, Пресвятая Богородице, церковь, идеже та пребываше, дерзну затворити, и тако Бога прогнева, и абие праведным судом Божиим на смерть осужден бысть. Мы же, таковое вразумление Твое непочитающим Тя видяще, и чудотворному образу Твоему покланяющеся, умиленное благоговение с верою и любовию приносим Ти, и уповающе на милость Твою, смиренно молим Тя: милостива к нам пребуди, Владычице, и избави ны от всякия беды и напасти, да выну славим и восхваляем Твое милосердие, взывающе Богу: Аллилуия.

Икос 4
Слышавше внезапу весть о убиении благовернаго князя Андрея, буйнии мятежницы от народа, движимии безначалием и убийцами, ринушася град Владимир опустошати и расхищати. Лик же священников и вси благочестивии людие притекоша к Тебе, Богомати, и носяще чудотворную Твою икону, слезныя мольбы на стогнах града вознесоша Ти, да прекратиши безумное умов движение, и мир во граде водвориши. Тогда убо дивное зрелище бысть, идеже бо святую икону Твою пронесоша, толпы народа смиряхуся и, падше на колена, со слезами и рыданием моляхуся. Мы же, видяще толико чудную силу сердца жестокия умягчати, смиренно молим Тя, Пресвятая Владычице, умилосердися на ны, грешныя и непотребныя, уврачуй души наша на стропотнем пути греха и страстей, обуревающих ны, и приими сию хвалебную песнь:
Радуйся, Путеводительнице, шествовати по пути благочестия христианом помогающая;
радуйся, в добрых делех преуспевающих укрепляющая.
Радуйся, отечество наше от междоусобныя брани охраняющая;
радуйся, злая начинания и козни вражия расторгающая.
Радуйся, от пагубнаго духа века сего нас отклоняющая;
радуйся, повиноватися властем нас научающая.
Радуйся, дерзновенно возстающих противу богопоставленныя власти обличающая;
радуйся крамолы нечестивых сынов погибельных разрушающая.
Радуйся, юныя умы от заблуждений на путь правый направляющая;
радуйся, душевредная учения низлагающая.
Радуйся, житие наше на земли добре устрояющая;
радуйся, к Царствию небесному путь нам показующая.
Радуйся, Пресвятая Владычице Богородице, благодать и милость иконою Твоею нам являющая.

Кондак 5
Боготечней звезде уподобившися, икона Твоя, Богомати, лучами чудес освещает страну нашу православную. Кто бо исчислит вся благодеяния, яже от нея подаеши всем требующим? Како явила еси чудо новое и преславное, охраняющи град Твой от великих бедствий, како невидимою всемогущею десницею изгнала еси безчисленная полчища вражия, и предстательством Твоим вручила еси державу благочестивому князю Михаилу, и тако благодеющи, всесильным Твоим заступлением не оставила еси погибнути уповающих на Тя. Сего ради с усердием поклоняемся пречестней иконе Твоей, и достойно славословим Тя, поюще Богу: Аллилуия.

Икос 5
Видевше людие града Владимира икону Твою, Владычице, и весь град свой на воздусе, с умилением уразумеша, яко в чудном видении проявися великое Твое, Богомати, благоволение к избранию на престол Владимирский благовернаго князя Всеволода, благочестия ради его. Дивна сила Твоя, Богородице, яко солнце светиши в явлении Твоем на облацех небесных и тем показуеши святую волю Твою. Благоволи убо, Пречистая, ниспослати нам с благодатию и силу молитвы, да, бодрствующе со благодарением, воспеваем хвалы сия:
Радуйся, Всеблагая, яко любовь ко благочестию в верных вселяеши;
радуйся, яко благочестие в земли нашей ограждаеши.
Радуйся, яко сохраняеши и защищаеши Православие;
радуйся, яко научаеши и соблюдаеши пастырей Церкви.
Радуйся, Всесвятая, яко святую спасительную веру на земли утверждаеши;
радуйся, яко ереси и расколы обличаеши.
Радуйся, Благодатная, живоносный источник благодати верующим источающая;
радуйся, слово премудрости просящим дарующая.
Радуйся, маловерныя и суеверныя вразумляющая;
радуйся, неверных смыслы Божественным светом озаряющая.
Радуйся, блага земная и суетная презирати научающая;
радуйся, к небесным и нетленным сокровищам умы и сердца наша направляющая.
Радуйся, Пресвятая Владычице Богородице, благодать и милость иконою Твоею нам являющая.

Кондак 6
Проповедует чудеса Твоя и великия Твоя милости вся земля православная, яко дивно оградила еси святым покровом чудотворную Твою икону от огненнаго пламене, объявшаго соборный храм, в немже святая икона пребываше. Темже и мы Тебе вопием: о, Пресвятая Владычице, призри всемилостивым оком Твоим и на ны, со слезами предстоящия пред чудотворным Твоим образом, и молитвами Твоими пред престолом Всевышняго избави ны от пламене огня вечнаго, да с веселием благодарственныя хвалы приносим Ти, воспевающе Господеви: Аллилуия.

Икос 6 Возсия паки светом чудес пречестная икона Твоя, Владычице, во время нашествия татарскаго, егда бо нечестивыя полчища Батыя, вшедше во святый храм, начаша вся разрушати, злато, сребро и другая украшения с прославленнаго образа Твоего похищати, и предавати вся мечу и огню. Тогда преславное чудо показася всем православным христианом: святая икона Твоя паки в пламени пребысть неврежденна. Тако уверившеся о Твоем покрове, Пречистая, сохраняющем и защищающем страну Российскую, благодарственне прославляем великая чудеса Твоя, и от глубины сердечныя вопием Ти:
Радуйся, святую икону Твою во спасение наше из пламене чудесно сохранившая;
радуйся, сию премногими чудесы по всей вселенней прославившая.
Радуйся, яко молящимся пред святою иконою Твоею душевное и телесное здравие подаеши;
радуйся, яко всем уповающим на Тя спасение даруеши.
Радуйся, яко Ты еси святых храмов первейшее украшение;
радуйся, яко Ты еси всех домов благословение.
Радуйся, яко Ты еси святых обителей покров и защищение;
радуйся, яко Ты еси подвижников дивное укрепление.
Радуйся, всех благочестивых всевеселящее радование;
радуйся, всего рода христианскаго заступление.
Радуйся, Путеводительнице наша, вводящая многих в чертог Царства небеснаго;
радуйся, Заступнице, престолу Сына Твоего и Бога предстоящая и о нас ходатайствующая.
Радуйся, Пресвятая Владычице Богородице, благодать и милость иконою Твоею нам являющая.

Кондак 7
Хотя великий князь Василий пренести святую икону Твою, Владычице, в Москву на защищение стольному граду, егда бысть великое нашествие агарянское, посла во Владимир от духовнаго чина люди за честною иконою Твоею, нарицаемою «Владимирскою», крепкое бо заступление от тоя позна. Приближающейся же святей иконе, в сретение ея изыдоша сам князь с бояры, и святитель Божий Киприан со всем священным собором и множеством народа, и поклонишася пред нею до земли, яко Самой Тебе, Пречистая Богородице, к ним приходящей. И вси, взирающе на образ Твой, многи слезы проливаху, святая же Церковь радостно взываше: «приидите, Российстии собори, приидите, верных совокупления, во сретение Царицы Богоотроковицы!» И ныне вси православнии людие, притекая к цельбоносней Твоей иконе, с любовию Тя славят, поюще Богу: Аллилуия.

Икос 7
Дивная чудеса быша от Тебе, Заступнице, в нашествие агарянское, тогожде бо дне, в оньже в Москву принесена бысть честная икона Твоя, явилася еси вождю агарянскому с ангелы небесными, обнаженныя мечи держащими, и сим видением устрашивши вражия полки, заставила еси я спешно бежати от предел Московских. Кто же возможет изрещи Твою к нам любовь, Богородице? Кто возглаголет силы Твоя, дарованныя иконе Твоей? Сего ради песнь хвалы и благодарения воспеваем Ти сице:
Радуйся, во граде Москве чудотворною Твоею иконою пребывати благоволившая;
радуйся, и град Владимир, по пренесении иконы, Твоим заступлением не оставившая.
Радуйся, иконою Твоею град Москву освятившая;
радуйся, тою уповающих на Тя возвеселившая.
Радуйся, яко мольбы народа, во сретение святыя иконы изшедшаго услышала еси;
радуйся, яко слезныя возгласы его: «о, Мати Божия, спаси землю Российскую», прияла еси.
Радуйся, яко явлением со святители московскими и множеством вооруженных ангелов врага устрашила еси;
радуйся, яко от предел Московских отъити грозно ему повелела еси.
Радуйся, славную победу над враги без брани подавшая;
радуйся, без пролития крове одоление православному воинству даровавшая.
Радуйся, град Москву от разорения избавльшая;
радуйся, страну нашу от порабощения спасшая.
Радуйся, Пресвятая Владычице Богородице, благодать и милость иконою Твоею нам являющая.

Кондак 8
Странней и предивней совершившейся помощию Твоею, Владычице, победе, вси концы земли удивишася и хвалу воспеша Ти; великий же князь узрев чудотворную Твою икону, во сретение его из града изнесенную, со слезами припаде к ней и возблагодари Тя сице: «о, Всепетая, непостыдная христиан Заступнице! Ты явила еси нам велие милосердие, паче упования избавльши ны от безбожных врагов». Темже и святая Церковь прославляет сию дивную память, священно совершающи ю. Мы же веруем и надеемся, яко не презриши и ныне глас моления рабов Твоих, имя Твое на помощь призывающих и воспевающих Богу: Аллилуия.

Икос 8
Вси православнии людие славят имя Твое, о Всепетая Мати, честным бо предстательством Твоим многое множество чудес явила еси, страну Российскую сохраняющи, и множество врагов, нападающих на ню, устрашающи и далече от нея отгоняющи. Несть числа милостем Твоим, Владычице: дивна суть дела Твоя, и дивна пречестная Твоя икона, пред неюже припадающе, с верою и упованием глаголем Ти сице:
Радуйся, Заступнице усердная, молитвы святителя ионы о спасении града Москвы услышавшая;
радуйся и святыни его невредимо сохранившая.
Радуйся, моления угодника Божия инока Антония милостивно приявшая;
радуйся, чрез него победу над враги предвозвестившая.
Радуйся, во святый град нечестивое воинство не допустившая;
радуйся, святыя храмы от поругания избавившая.
Радуйся, яко Российскую державу и ныне защищаеши;
радуйся, христолюбивому воинству российскому силу и мужество дарующая.
Радуйся, Твоим заступлением враги наша устрашающая;
радуйся, полки чуждия в бегство обращающая.
Радуйся, грады и веси Российския от разрушения спасающая;
радуйся, земное наше житие добре устрояющая.
Радуйся, Пресвятая Владычице Богородице, благодать и милость иконою Твоею нам являющая.

Кондак 9
Всякое естество ангельское, видя Тя, Богородительнице, у престола Сына Твоего предстоящую, и за страну Российскую и за вся христианы молящуюся, восхваляет Тя. Людие же града Москвы, видевше, како великим князем Иоанном дивно побежден бысть хан орды татарския, и силою Твоего предстательства безчисленная полчища его бежаша, со слезами славу благодарения Ти принесоша, яко всемогущей Заступнице и всесильной Помощнице. И мы убо, в сем милость к нам Божию и молитв Твоих действо разумевающе, прославляем Всевышняго Господа, чудотворную силу иконе Твоей даровавшаго, и Ею нас от татарскаго рабства избавльшаго, воспевающе Ему: Аллилуия.

Икос 9
Витийство человеческое не возможет по достоянию благохвалити Тя, Пресвятая Богородице, и воспети неисчетная чудеса Твоя, от первописанныя Твоея иконы являемая, имиже Церковь святую благоукрашаеши, грады Российския от бед избавляеши, и вся христианы от всякаго зла невредимы соблюдаеши. Обаче, Благая сущи, приими от нас, за премногую любовь к нам и милость Твою, сие хвалебное пение, да сохраняеми Твоим всемощным заступлением, благодарственне вопием Ти:
Радуйся, Хранительнице наша, яко молитвы первосвятителей российских Петра, Алексия и Ионы прияла еси;
радуйся, яко сожещи град Москву врагу возбранила еси.
Радуйся, яко слезныя мольбы блаженнаго Василия услышала еси;
радуйся, яко тому чудесное видение явила еси.
Радуйся, яко молебное пение святых Сергия и Варлаама прияти благоволила еси;
радуйся, яко ходатайством Твоим правосудие Божие умилостивила еси.
Радуйся, яко Ты еси державы нашея преславная Защитнице;
радуйся, яко Ты еси призывающих Тя непостыдное упование.
Радуйся, яко Ты еси всех труждающихся помощь и укрепление;
радуйся, теплая пред Богом о кающихся грешницех Предстательнице.
Радуйся, Пресвятая Владычице Богородице, благодать и милость иконою Твоею нам являющая.

Кондак 10
Спасти хотя душу свою и сокрушение имый о своих прегрешениих, великий князь Василий с молитвою и слезами притекаше к Тебе, Пресвятая Владычице, наипаче же при конце жития своего умиленно пред чудотворною Владимирскою иконою Твоею моляшеся, слезныма очима взирая на ню, и тако тихую и непостыдную кончину прият. Темже и мы, преклоньше колена пред Твоим пречестным образом, молим Тя, небесная Царице, не тщу сотворити надежду нашу на помощь Твою, и ходатайством Твоим избавити ны от лютыя смерти, да во утешении зовем Спасителю Богу: Аллилуия.

Икос 10
Стена еси и заступление всем, с верою и любовию прибегающим к Тебе, Пречистая Владычице, яко чудесне избавила еси царство Российское от полчищ татар крымских и казанских, внемлющи молитвам венценоснаго отрока Иоанна, иже умиленно пред святою иконою Твоею взываше к Тебе: «о, Пресвятая Госпоже Богородице, покажи милость Твою на роде христианстем и избави ны от нашествия неверных». Сего ради, осеняеми Твоим, Богомати, заступлением, и к Твоему взирающе пречистому образу, благодарственне вопием Ти:
Радуйся, Мати Божия, матернею любовию нас, грешных, возлюбившая;
радуйся, святою иконою Твоею, яко облаком светлым, нас ограждающая.
Радуйся, Милосердая, милосердия двери нам отверзающая;
радуйся, к делом милосердия и благотворения нас возбуждающая.
Радуйся, Всесвятая, святыя заповеди исполняти нас научающая;
радуйся, еже любити друг друга по заповеди Господни нас наставляющая.
Радуйся, Пренепорочная, в непорочнем житии верных укрепляющая;
радуйся, нас, грешных, к покаянию призывающая.
Радуйся, Богоблагодатная, благодатию Сына Твоего и Бога мрак греха в нас разгоняющая;
радуйся, осенением святыя Твоея иконы злых духов от нас отгоняющая.
Радуйся, Присноблаженная, блаженныя обители нам уготовляющая;
радуйся, молитвами Твоими двери райския нам отверзающая.
Радуйся, Пресвятая Владычице Богородице, благодать и милость иконою Твоею нам являющая.

Кондак 11
Пение всякое не довлеет к прославлению величества Твоего, Владычице, яко избавила еси град Москву от огненнаго разрушения: егда бо пламень огненный град обнимаше и приближашеся ко храму, идеже чудная сия икона Твоя стояше, мнози благочестивии людие ко храму устремишася, во еже спасти ю от огненнаго пламене, но не возмогоша подяти ю и изнести из храма; тою бо ты Сама, Заступнице, оградила еси святый храм и укротила еси бурю огненную во граде, явльшися верху храма во светозарнем одеянии, и ризами Твоими святый храм и град покрывающи. Темже, дивная дела Твоя поминающе, молим Тя, Пресвятая Богородице, и ныне воздвигни руце Твои к Сыну Твоему и Богу нашему, да милосердие Его неотступно будет от нас, вопиющих Ему: Аллилуия.

Икос 11
Светозарне сияет святая Твоя икона, Пречистая Владычице, явленными чудесы утешающи православныя люди российския, иже притекают к Тебе с молитвою в трудных обстояниих, уповающе на Твое заступление. Царь же Иоанн, исходя на брань ко граду Казани, все царство свое под покров Твой поручи; Ты же не отринула еси молитв его, и помощию Твоею славная победа над враги даровася. И мы убо, припадающе к Твоему святому образу, и все упование на Тя возложивше, воспеваем милость Твою сице:
Радуйся, усердная Заступнице, заступление во всех путех жизни нам подавающая;
радуйся, от всякия беды и напасти избавляющая.
Радуйся, Хранительнице наша, от нападения злых разбойников и тайных убийц нас охраняющая;
радуйся, от грабителей и татей жилища и достояния наша ограждающая.
Радуйся, Путеводительнице, путешествующим по морю тихое пристанище дарующая;
радуйся, страшныя бури и волны морския молитвами Твоими укрощающая.
Радуйся, Покровительнице, от огненнаго пламене нас покрывающая;
радуйся, от труса и потопления нас сохраняющая.
Радуйся, скорая Заступнице, от навета клеветников и поношения человеческаго нас защищающая;
радуйся, в сердцах наших злобы и вражды искореняющая.
Радуйся, теплая Молитвеннице, молитвами Твоими тлетворныя ветры и смертоносныя язвы прекращающая;
радуйся, от бездождия, града и глада нас спасающая.
Радуйся, Пресвятая Владычице Богородице, благодать и милость иконою Твоею нам являющая.

Кондак 12
Благодатию Твоею, Пресвятая Богородице, якоже древле, и днесь притекающия к цельбоносней Твоей иконе не оставляеши и призывающим Тя благопоспешне вспомоществуеши. И якоже услышала еси моления скорбнаго святителя Иова, слезне взывавшаго к Тебе, да спасеши в земли Российстей Православие, сице и от нас, грешных, приими умиленная моления, не остави милость Твою от нас, припадающих к пречестному образу Твоему, избави же нас от всякия беды и в печалех бедствующим скоро помози, да Твоим пречистым ходатайством спасаеми, благодарными усты поем Богови: Аллилуия.

Икос 12
Поюще дивная Твоя чудеса, умиленно припадаем пред пречистым образом Твоим, Владычице, и благоговейно лобызающе его, благодарственне воспоминаем заступление Твое царствующему граду в нашествие ляхов. Услышала бо еси скорбныя молитвы верных рабов Твоих и предвозвестила еси им скорое освобождение от врагов; и тако Тобою избавленнии, многия слезы благодарения пред святою иконою Твоею приношаху Ти. Приими и от нас похвальную песнь сию:
Радуйся, всемощная Владычице, благодатною Твоею силою от враг видимых и невидимых нас избавляющая;
радуйся, от смертоносных язв и тяжких недугов свобождающая.
Радуйся, Мати Света, слепым очеса отверзающая;
радуйся, истинным Светом сущих во тме и сени смертней озаряющая.
Радуйся, разслабленным утверждение и хромым хождение дарующая;
радуйся, падших благодатию Твоею возсталяющая.
Радуйся, Мати Слова, немым и косноязычным словеса открывающая;
радуйся, неверующих, еже прославляти Бога и воспевати Тя, научающая.
Радуйся, Врача рождшая, оставленных врачами на руце Свои приемлющая;
радуйся, нераскаянных грешников к покаянию обращающая.
Радуйся, всех Помоще, скорбным вдовицам и сирым помогающая;
радуйся, алчущих и жаждущих правды к Богу приводящая.
Радуйся, Пресвятая Владычице Богородице, благодать и милость иконою Твоею нам являющая.

Кондак 13
О, Всепетая и Всемилостивая Мати, Пречистая Госпоже Богородице! Приими малое сие моление ныне Тебе приносимое от нас, грешных и недостойных рабов Твоих, к чудотворному образу Твоему припадающих; призри милостивно на веру и упование наше, избави ны от всяких бед и скорбей, подаждь нам в жизни сей руку помощи, испроси у Сына Твоего и Бога нашего премногим грехом нашим прощение, и в час смертный сподоби ны прияти кончину живота нашего мирну, непостыдну, и внити в Царствие небесное, да выну прославляем безмерное милосердие Божие и Твое дивное о нас заступление, воспевающе вечно Богу: Аллилуия.
Сей Кондак глаголи трижды. И паки чтется 1-й Икос: Архангел и ангел лицы… и Кондак 1-й: Взбранной Воеводе…

Молитва ко Пресвятей Богородице

О, всемилостивая Госпоже Богородице, небесная Царице, всемощная Заступнице, непостыдное наше Упование! Благодарим Тя о всех великих благодеяниих, российским людем от Тебе бывших, от древле и до днесь от чудотворныя иконы Твоея явленных. И ныне, преблагая Владычице, призри на ны, грешныя и недостойныя рабы Твоя, яви нам милость Твою и моли Сына Твоего, Христа и Бога нашего, о еже избавитися нам от всякаго зла и сохранитися царствующим градом, всякому граду и веси, и всей стране нашей от глада, губительства, труса, потопа, огня, меча, нашествия иноплеменник и междоусобныя брани. Испроси Благочестивейшему, Самодержавнейшему, Великому Государю нашему Императору [имярек] и всему Царствующему Дому благоденственное и мирное житие, здравие, долгоденствие, во всем благое поспешение и спасение. [или: страждущую же страну Российскую от лютых безбожник и власти их Господь да свободит, и да возставит престол православных царей; верных рабов Его, в скорби и печали день и нощь вопиющих к Нему, многоболезный вопль да услышит и да изведет от погибели живот нашъ.] Сохрани и умудри пастырей Церкви, еже достойно пасти стадо Христово и право правити слово истины; укрепи христолюбивое всероссийское воинство, подаждь дух совета и разума военачальником, градоначальником и всем, иже во власти суть; ниспосли святое Твое благословение и всем православным христианам, покланяющимся и молящимся Ти пред цельбоносною Твоею иконою. Буди нам Заступница и Ходатаица пред престолом Всевышняго, идеже предстоиши. K кому убо прибегнем, аще не к Тебе, Владычице? Кому принесем слезы и воздыхания, аще не к Тебе, Пресвятая Богородице? Не имамы бо иныя помощи, не имамы иныя надежды, разве Тебе, небесная Царице. Под Твой покров притекаем, молитвами Твоими ниспосли нам мир, здравие, земли плодоносие, воздуха благорастворение, избави ны от всяких бед и скорбей, от всяких недугов и болезней, от внезапныя смерти и от всех озлоблений врагов видимых и невидимых. Вразуми и научи ны, о Всемилостивая Заступнице, како безгрешно прейти путь земнаго сего жития: Ты веси немощи наша, веси и согрешения наша, но и веру веси, и упование видиши; даруй же нам исправление греховныя жизни и умягчи злая сердца наша. Укрепи в нас правую веру, вложи в сердца наша дух страха Божия, дух благочестия, дух смирения, терпения и любве, в добрых делех преуспеяние, избави же ны от искушений, от пагубных душевредных учений, от неверия, развращения и погибели вечныя. Тебе убо просим, Пречистая Владычице, и припадающе пред святою Твоею иконою, молимся, умилосердися на ны и помилуй ны, в страшный же день Суда ходатайством и заступлением Твоим сподоби ны стати одесную Сына Твоего, Христа Бога нашего, Емуже подобает всякая слава, честь и поклонение, со безначальным Его Отцем, и Пресвятым и Благим и Единосущным Его Духом, ныне и присно и во веки веков. Аминь.

Тропарь, глас 4
Днесь светло красуется славнейший град Москва, яко зарю солнечную, восприемши, Владычице, чудотворную Твою икону, к нейже ныне мы притекающе и молящеся Тебе, взываем сице: о пречудная Владычице Богородице! Молися из Тебе воплощенному Христу Богу нашему, да избавит град сей и вся грады и страны христианския невредимы от всех навет вражиих и спасет души наша, яко Милосерд.

Кондак, глас 8. Подобен: Взбранной.
Взбранной Воеводе победительная, яко избавльшеся от злых пришествием Твоего честнаго образа, Владычице Богородице, светло сотворяем празднество сретения Твоего, и обычно зовем Ти:
радуйся, Невесто неневестная.

Величание
Величаем Тя, Пресвятая Дево, и чтем образ Твой святый, имже точиши исцеления всем, с верою притекающим.

Источник: Акафист Пресвятей Богородице в честь чудотворныя Ея иконы, нарицаемыя Владимирския. — Репринт — San Francisko: Издание Богородице-Владимирской женской обители, 1976. — 24 с. — Репр. изд.: М., 1886.

Добавить комментарий

Ваш e-mail не будет опубликован. Обязательные поля помечены *