Равноапостольная княгиня Ольга

Равноапостольная княгиня Ольга

Святая  равноапостольная  княгиня  Ольга — первая  правительница  Руси,  принявшая  христианство  Византийского  обряда  и  очень  много  сделавшая  для  распространения  веры  во  Христа,  так  как  имела  большой  авторитет  на  Руси.  Равноапостольная  княгиня  Ольга  подготовила  почву  для  окончательного  Крещения  Руси,  осуществленного  ее  внуком  святым  князем  Владимиром.

Житие:  Согласно  преданию,  равноапостольная  княгиня  Ольга,  во  святом  крещении  Елена,  происходила  из  древнего  славянского  рода  Гостомысла.  Имя  Ольга,  вместо  славянского  имени  Прекрасна,  дано  было  ей  князем  Олегом,  опекуном  князя  Игоря,  ее  будущего  мужа.  Родилась  святая  Ольга  около  920  года  от  Рождества  Христова  в  Выбутах. 

В  летописных  сказаниях  о  ней  много  хронологических  неточностей  и  загадок.  Но  равноапостольная  княгиня  Ольга  увековечила  память  о  себе  делами.  Ее  называли  на  Руси  «Корнем  Православия»,  и,  когда  святой  князь  Владимир  начал  повсеместно  крестить  народ,  первое,  что  вспоминали  новоначальные,  что  их  обращали  в  веру,  выбранную  равноапостольной  Ольгой,  значит  она  правильная.

Сущетвует  красивая  легенда  о  первой  встрече  князя  Игоря  со  своей  будущей  женой.  Как-то  князь  охотился  в  Псковских  лесах.  Ему  нужно  было  переправиться  через  реку  Великую.  Увидев  на  реке  лодку,  князь  подозвал  лодочника.  Им  оказалась  девушка  невиданной  красоты,  которая,  как  выяснилось,  была  не  только  красивой,  но  умной  и  целомудренной.

Она  настолько  умно  и  деликатно  отвергла  притязания  князя,  что  оставила  о  себе  память  в  его  сердце.  Когда  настало  время  выбирать  князю  невесту,  во  дворец  были  приглашены  все  самые  красивые  девицы  княжества,  ни  одна  не  пришлась  ему  по  душе.  Князь  вспомнил  о  прекрасной  «лодочнице»  и  отправил  за  ней  своего  опекуна  Олега.

После  женитьбы  князь  Игорь  отправился  в  поход  против  греков.  Вернулся  он  из  него  уже  отцом — родился  первенец,  сын  Святослав.  В  945  году  древляне  убили  князя  Игоря,  когда  сыну  было  всего  три  года.  Оставшись  вдовой,  Ольга  по  языческому  обычаю,  жестоко  отомстила  за  смерть  своего  мужа.

Равноапостольная  княгиня  Ольга  отказывала  всем  претендентам  на  ее  руку  и  сердце  и  начала  самостоятельно  править  страной.  В  летописях  сообщается,  что  правила  княгиня  не  как  женщина,  а  как  «сильный  и  разумный  муж,  твердо  держа  в  своих  руках  власть  и  мужественно  обороняясь  от  врагов».

Равноапостольная княгиня Ольга

Причем  слыла  равноапостольная  княгиня  Ольга  мудрой  и  милосердной  правительницей.  Она  установила  систему  «погостов» — центров  торговли  и  обмена,  ценрализовала  государственное  управление,  добилась  укрепления  власти  Киевского  великого  князя.  Города  застраивались  и  укреплялись.  Великая  княгиня  Ольга  положила  начало  каменному  строительству.

При  этом,  милосердная  по  душе,  княгиня  Ольга  щедро  подавала  милостыню,  милостива  была  к  убогим  и  неимущим.  Она  была  справедливым  и  мудрым  правителем.  Для  врагов  княгиня  была  страшна,  своими  же  людьми  любима.  Слыла  она  судьей  праведным  и  никого  не  обидящим,  воздавала  по  делам,  но  с  милосердием.

Понимая,  что  путь  к  будущему  величию  Руси  лежит  прежде  всего  через  духовное  просвещение,  равноапостольная  княгиня  Ольга  проявила  себя  дальновидным  политиком.  Она  приняла  крещение  в  Константинополе  от  Патриарха  Феофилакта.  Крестным  отцом  ее  был  сам  император  Константин  Багрянородный.

При  крещении  равноапостольная  княгиня  Ольга  получила  имя  Елена  в  честь  святой  равноапостольной  Елены,  матери  святого  императора  Константина.  Царица  Елена,  обретшая  Честное  Древо  Креста  Господня  в  Иерусалиме,  стала  Небесной  покровительницей  княгини  Ольги.  Так  началось  апостольское  служение  Ольги — Елены.  Но  это  служение  встречало  тайное  и  открытое  сопротивление  язычников.

Равноапостольная  княгиня  Ольга  привезла  с  собой  в  Киев  Святой  Крест,  вырезанный  из  цельного  куска  Древа  Господня,  на  котором  было  написано:  «Обновися  Русская  земля  Святым  Крестом,  его  же  прияла  Ольга,  благоверная  княгиня».  При  крещении  Патриарх  сказал  пророческие  слова:  «Благословена  ты  в  женах  русских,  ибо  оставила  тьму  и  возлюбила  Свет.  Прославлять  тебя  будут  сыны  русские  до  последнего  рода!»

Святая  благоверная  княгиня  Ольга  воздвигла  на  Руси  храмы  святителя  Николая  и  Святой  Софии  в  Киеве,  Благовещения  Богородицы  в  Витебске.  На  реке  Великой,  где  она  родилась,  равноапостольная  княгиня  основала  город  Псков.  Там  ей  было  видение  трех  светоносных  лучей  с  неба,  и  на  том  месте  был  воздвигнут  храм  Святой  Живоначальной  Троицы.

Однако  византийский  император  отказался  восстановить  митрополию  в  Киеве,  созданную  при  Аскольде.  Равноапостольная  княгиня  Ольга  обратилась  к  будущему  основателю  Германской  империи  королю  Оттону  с  просьбой  прислать  миссию  в  Киев,  но  посольство  опоздало. 

Сын  княгини  Ольги  Святослав,  убежденный  язычник,  поддержал  киевских  язычников  и  приказал  убить  племянника  княгини  Глеба.  Были  разрушены  даже  некоторые  храмы.  Сама  равноапостольная  княгиня  Ольга  была  вынуждена  тайно  держать  при  себе  священника.  Она  очень  любила  сына  и  молилась  Господу  о  его  вразумлении.

Князь  Святослав  был  отважным  воином  и  много  сделал  в  защите  государства  от  внешних  врагов,  расширил  его  границы,  но  перейти  в  христианскую  веру  категорически  отказывался,  хотя  любил  мать  свою,  но  жил  по  языческим  законам.  Княгиня  Ольга  не  теряла  надежды  и,  лежа  уже  на  смертном  одре,  продолжала  просить  сына  отказаться  от  язычества.

Перед  кончиной  равноапостольная  княгиня  Ольга  предрекла  скорое  обращение  Руси  в  христианство  и  трагическую  смерть  своего  сына  Святослава.  Скончалась  благоверная  княгиня  11  /  24  июля  969  года,  и  была  похоронена  по  православному  обряду.  Как  повествует  летопись  «плакали  о  ней  плачем  великим  сын  ее  и  внуки  и  все  люди».

Перед  смертью  благоверная  княгиня  просила  сына  не  препятствовать  совершению  над  нею  православного  обряда  погребения.  Святая  исповедовалась  и  причастилась  Божественных  Тайн  и  мирно  отошла  ко  Господу.  Князь  Святослав  сдержал  свое  обещание,  а  пресвитер  Григорий  в  точности  выполнил  ее  завещание.

Десятинная церковь
Десятинная церковь в Киеве

Святая  равноапостольная  Ольга  была  канонизирована  на  соборе  в  1547  году.  Нетленные  мощи  святой  Ольги  были  обретены  при  князе  Владимире  и  перенесены  в  Десятинную  церковь  Успения  Божией  Матери,  помещены  в  саркофаг,  над  которым  было  оконце.  Бог  прославил  благоверную  княгиню  чудесами.

Если  человек  приходил  ко  святой  Ольге  с  верой,  то  оконце  открывалось  само  собой,  а,  если  без  веры,  то  оставалось  прикрытым.  Многие  видели  в  гробнице  свечение  и  исцелялись.  Но  не  всем  даровал  Господь  эту  благодать.  И  по  своей  кончине  равноапостольная  княгиня  Ольга  проповедовала  вечную  жизнь  и  воскресение,  даруя  радость  верующим  и  вразумляя  неверующих.

К  великому  сожалению  верующих,  святые  мощи  благоверной  княгини  исчезли  неизвестно  куда  из  храма  в  XVIII  веке  и  не  найдены  до  сих  пор.

Сбылось  ее  пророчество  о  Крещении  Руси  и  о  судьбе  сына.  Князь  Святослав  был  убит  печенежским  князем  Курей,  который  отсек  ему  голову  и  надругался  над  телом  убиенного  русича.  Он  сделал  из  черепа  князя  Святослава  чашу,  окованную  золотом,  и  пил  из  нее  на  пирах.

Святая  благоверная  княгиня  Ольга  стала  духовной  матерью  русского  народа.  Через  нее  началось  просвещение  нашего  народа  светом  Христовой  веры.  Святая  Ольга — Елена  (в  переводе  с  древнегреческого  «факел»)  приняла  духовный  огонь,  который  не  угас  во  всей  тысячелетней  истории  Христианской  России.  

Молитвенная  традиция:  Святой  Ольге  молятся  об  утешении  вдов  и  сирот,  об  укреплении  новообращенных  христиан,  об  укреплении  православной  веры  и  защите  Отечества,  о  защите  жилища  от  злоумышленников  и  людей  с  нечистыми  помыслами,  о  счастии  и  защите  детей,  о  том,  чтобы  выбрать  суженого  и  чтобы  вернуть  мужа  в  семью. 

  Память:  11  /  24  июля.

 

АКАФИСТ  РАВНОАПОСТОЛЬНОЙ   КНЯГИНЕ   ОЛЬГЕ

Одобрен  в  1911  году.  Утвержден  для  общецерковного  использования.

Тропарь, глас 1

Крилами богоразумия вперивши твой ум, возлетела еси превыше видимыя твари, взыскавши Бога и Творца всяческих, и,Того обретши, пакирождение Крещением прияла еси, древа животнаго наслаждающися, нетленна во веки пребываеши, Ольго приснославная.

 

Кондак, глас 4

Воспоем днесь Благодетеля всех Бога, прославльшаго в в земли нашей Ольгу богомудрую, да молитвами ея подаст душам нашим грехов оставление.

 

Кондак 1

Первоизбранней от всего рода нашего, славней и равноапостольней угоднице Божией Ольге составим похвалу, яко заре, во тьме идолопоклонения светом веры возсиявшей и путь ко Христу людем своим показавшей. Ты же, яко имущая дерзновение к прославльшему тя Господу, ограждай нас от всяких бед молитвами твоими, да зовем ти: Радуйся, святая равноапостольная княгине Ольго богомудрая.

 

Икос 1

Ангелов и человеков Творец, времена и лета во Своей власти положивый и судьбы царств и народов по Своей воли управляяй, егда восхоте род наш Святым Крещением просветити, тогда, видя благое изволение сердца твоего, призва тя первее в познание Себе, да будеши народу твоему образ и наставница в христианстей вере. Сего ради восхваляем тя сице:

Радуйся, утренняя звездо, от Первозваннаго Апостола на горах Киевских предвозвещенная.

Радуйся, пречудная леторасле, из неяже велие правоверия древо на земли нашей возрасте.

Радуйся, первоучительнице и просветительнице наша.

Радуйся, яко тобою познахом покланятися в Троице Творцу.

Радуйся, яко тебе ради пресвятое имя Господне от всех прославляется.

Радуйся, яко и твое преславное имя вкупе с равноапостольным Владимиром во всех пределех мира восхваляется.

Радуйся, страны нашея духовное сокровище.

Радуйся, всея Христовы Церкве преславное украшение.

Радуйся, градов Киева и Пскова изрядная доброто.

Радуйся, людем нашим на враги благая помощнице.

Радуйся, святая равноапостольная княгине Ольго богомудрая.

 

Кондак 2

Видяще тя, святая Ольго, яко крин в тернии прозябший: ты бо аще и в роде язычестем рождена еси, обаче закон Божий в сердце твоем написан всегда имела еси и целомудрие твое яко зеницу ока блюла еси, благодарно поем дивному во святых Своих Богу: Аллилуиа.

 

Икос 2

Разумом твоим вся добре ведящи, познала еси, богомудрая Ольго, яко идоли, руками человеческими сотвореннии, не суть бози; темже, отвергши тыя, потщалася еси познати Бога истиннаго. Сего ради, похваляюще сицевое твое благоразумие, вопием ти сице:

Радуйся, добрая жено, первее всех заблуждение людей твоих познавшая и тщету идолопоклонения разумевшая.

Радуйся, истиннаго богопознания и правыя веры усердно искавшая.

Радуйся, прежде разумения закона Божия по закону совести праведно жившая.

Радуйся, прежде приятия христианския веры дела, христианом подобающая, творившая.

Радуйся, державу твою от нашествия супостат мужественно защитившая.

Радуйся, в подчиненных ти людех суды праведныя творившая.

Радуйся, царственною славою на земли и на небеси почтенная.

Радуйся, яко равноапостольная от Бога прославленная.

Радуйся, святая равноапостольная княгине Ольго богомудрая.

 

Кондак 3

Силою благодати Божией движима, потщалася еси, богомудрая Ольго, достигнути Царьграда, идеже зрящи красоту церковнаго благолепия и послушающи учения словес Божественных, распалалася еси всем сердцем твоим в любовь Христову, благодарственно вопиющи Ему: Аллилуиа.

 

Икос 3

Имущи сердце яко добрую землю, удобь восприяла еси, Ольго, семя святыя веры, познавши Христа Бога Истиннаго. Темже и Крещение святое прияла еси от руку Патриарха Царьграда, иже и предрече ти, яко отныне блажити тя имут людие твои. Исполнити убо хотяще проречение сие, взываем ти сице:

Радуйся, безконечныя пагубы верою избежавшая.

Радуйся, жизнь вечную во Христе стяжавшая.

Радуйся, благодатию Святаго Духа духовно родившаяся.

Радуйся, разумная горлице, от когтей душепагубного врана излетевшая.

Радуйся, под криле Орла Небеснаго прилетевшая.

Радуйся, множество душ Крещением с собою ко Христу приведшая.

Радуйся, с верою несумненною приходящих светом от честных твоих мощей осиявающая.

Радуйся, душам и телесем тех, яже на пользу, подавающая.

Радуйся, святая равноапостольная княгине Ольго богомудрая.

 

Кондак 4

Како не дивимся благоразумию твоему, Ольго преблаженная, ибо ты предложение царя еллинов о браце с ним разумно отвергла еси, рекши тому: «Не брака ради приидох семо, и не соцарствования ради с тобою, но да уневещуся Крещением Безсмертному Жениху Христу Богу, Егоже паче всего возлюби душа моя и Емуже отныне вовеки не престану воспевати: Аллилуиа».

 

Икос 4

Слышавши от крестившаго тя Патриарха напутственное слово о чистоте, посте, молитве и о всех добродетелех, христианом подобающих, слагала еси сия в сердцы твоем, делы вся та исполняти обещавающи. Темже убо по долгу воспеваем ти сице:

Радуйся, ниву сердца твоего от терния душевредных страстей очистившая.

Радуйся, слезами покаяния ю оросившая.

Радуйся, яко семя слова Божия в сердцы твоем, яко на земли добрей, укоренися.

Радуйся, вдовственную твою чистоту непорочно сохранившая.

Радуйся, воздержанием и молитвою Богу угодившая.

Радуйся, милостынею Творца умилостивившая.

Радуйся, нищия и убогия потребами снабдившая.

Радуйся, просвещение земли твоея светом Христова учения провидевшая.

Радуйся, святая равноапостольная княгине Ольго богомудрая.

 

Кондак 5

Боготканною одеждою Святаго Крещения облекшися и нетленною пищею Пречистаго Тела и Крове Христовы духовно укрепльшися, Ольго преблаженная, не убоялася еси потещи к неверным соотечественником твоим, предком нашим, проповедати им Единаго Истиннаго Бога, Емуже ныне вся земля наша, яко единеми усты, воспевает: Аллилуиа.

 

Икос 5

Видевши, святая Ольго, вся люди земли твоея во тме идолослужения погруженныя, усердно потщалася еси просветити тыя светом Христовы веры и сотворити я сыны дне и наследники Царствия Небеснаго. Поминающе убо сицевое твое попечение о них, благодарственно зовем ти:

Радуйся, премудрая властительнице народа твоего.

Радуйся, первей христианстей царице Елене в ревности Божественней подражавшая.

Радуйся, и имя тоя во Святем Крещении приявшая.

Радуйся, Честный Крест Христов и святыя иконы из Царьграда во град Киев принесшая.

Радуйся, иереи и клирики с собою приведшая.

Радуйся, мудрыми твоими глаголы поучавшая люди оставити тьму языческаго нечестия и восприяти свет христианскаго благочестия.

Радуйся, многия русския люди светом веры Христовы просветившая.

Радуйся, первая от земли нашея лику святых причтенная.

Радуйся, святая равноапостольная княгине Ольго богомудрая.

 

Кондак 6

Проповедником духоносным Апостолом подражавши, Ольго богомудрая, обходила еси грады и веси державы твоея, приводящи, елико мощно бе, люди к вере Христовей и научающи их воспевати Единому в Троице славимому Богу: Аллилуиа.

 

Икос 6

Утверждая в державе твоей начаток веры христианския, создала еси храмы Божии во граде Киеве и в стране рождения твоего, при реце Велицей у града Пскова. И тако начаша русския людие прославляти повсюду Христа Бога нашего, тебе же, просветительнице своей, похвальная воспевати:

Радуйся, яко от чистаго источника Святыя Соборныя и Апостольския Церкве чистое учение прияла еси.

Радуйся, идольских требищ и кумиров низложительнице.

Радуйся, якоже и Первозванный Апостол, с проповедию Евангелия землю свою обходившая.

Радуйся, на местех проповеди твоея Честныя Кресты водрузившая и от нихже многая знамения и чудеса, уверения ради неверных, силою Божиею содевахуся.

Радуйся, яко тобою Всеблагий Господь людем твоим познание Свое явил есть.

Радуйся, яко чрез них и прочия многия народы светом веры просветил есть.

Радуйся, яко от корене твоего честнаго Господь святаго равпоапостольнаго князя Владимира показал есть нам.

Радуйся, яко образом жития твоего святый князь Владимир подвигся прияти христианскую веру.

Радуйся, святая равноапостольная княгине Ольго богомудрая.

 

Кондак 7

Хотящи избавити сына твоего Святослава от пагубы вечныя, прилежно увещевала еси его оставити почитание идолов и веровати в Бога Истиннаго. Но той не внят матернему наказанию твоему и не восхоте нечестие свое пременити на благочестие. Темже, яко неверный, отчуждися жизни вечныя и не сподобися с тобою в Горнем Царствии воспевати: Аллилуиа.

 

Икос 7

Новое знамение благоволения Своего яви тебе Господь, егда, во образ Пресвятыя Троицы, три пресветлыя луча с небесе облиста на месте дубравне, ихже не точию едина ты зрела еси, но и вси сущии тамо людие видеша, и вкупе с тобою прославиша Триединаго Бога. Мы же, ведуще сбытие проречения твоего о создании на месте оном храма Живоначальныя Троицы и града, ублажаем тя сице:

Радуйся, великая Божия угоднице, дара пророчествия сподобльшаяся.

Радуйся, Трисияннаго Небеснаго света зрительнице.

Радуйся, всеблагия воли Божией о просвещении народа нашего, по Апостоле Андрее, первая исполнительнице.

Радуйся, града Пскова начальная основательнице.

Радуйся, страны нашея заступнице и покровительнице.

Радуйся, яко изволением Божиим людие твои в вере Православней утвердишася.

Радуйся, яко в храмех твоих Безкровная Жертва о людех Богу приносится и хвала Святей Троице воспевается.

Радуйся, яко обитателие града Киева и Пскова сугубо тя превозносят и ублажают.

Радуйся, святая равноапостольная княгине Ольго богомудрая.

 

Кондак 8

Странствия земнаго течение скончавая, тепле Господа молила еси, Ольго блаженная, да не оставит Он державы твоея по преставлении твоем во тьме неведения пребывати, но да возложит на сердце людем твоим обратитися к Богу, да воспоют Ему: Аллилуиа.

 

Икос 8

Вся объята бывши благодатию Божественною, достохвальная Ольго, мысленными очесы зрела еси просвещение всего народа твоего и пророчески предрекла еси, яко мнози велиции угодницы Божии, яко звезды светлыя, в земли твоей возсияют, еже и сбыстся изволением и благодатию Всемогущаго Бога. Сего ради по долгу воспеваем ти сице:

Радуйся, духовная наша мати, испросившая у Бога просвещение праотцем нашим.

Радуйся, яко Всеблагий Господь, зря доброту души твоея, тебе ради вся люди твоя возлюби.

Радуйся, яко тя обрете Христос достоин сосуд, чрез негоже нача изливати благодать Свою земли нашей.

Радуйся, яко прозорливо предзрела еси величие и славу державы твоея.

Радуйся, яко по проречению твоему, мнози святии от рода нашего возсияша.

Радуйся, дома Живоначальныя Троицы устроительнице.

Радуйся, молитвами твоими в скорбех и напастех нас заступающая.

Радуйся, во обстояниих злых Отечество наше сохраняющая и от врагов избавляющая.

Радуйся, святая равноапостольная княгине Ольго богомудрая.

 

Кондак 9

Всяких добродетелей исполнена бывши, Ольго блаженная, с молитвою во устех предала еси дух твой в руце Божии, Иже всели тя в Небесныя обители и первую от народа нашего сопричте лику равноапостольных угодников Своих. Темже испроси убо и нам у Господа мирную христианскую кончину, да предадим души наша в руце Христа Бога нашего, поюще Тому хвалебную песнь: Аллилуиа.

 

Икос 9

Ветии многовещаннии не могут достойно восхвалити тя, Ольго богомудрая: како ты, никимже от человек учима и увещеваема, познала еси тщету идолослужения, правыя же веры взыскала еси и, якоже равноапостольная Елена, обрела еси безценный бисер — Христа, Егоже лицезрения на небеси наслаждаяся ныне, не забуди нас, прелестьми мира сего омрачаемых и о благах вечных забывающих, да, тобою на путь правый наставляеми, взываем ти радостно:

Радуйся, добрыми твоими делы и правым ума и сердца изволением приуготовившая себе в жилище Божественной благодати.

Радуйся, яко Сам Дух Святый учитель тебе бысть к познанию Христа Сына Божия.

Радуйся, никихже знамений и чудес видевшая и во Христа веровавшая.

Радуйся, совершенную покорность воле Божией показавшая и звавшему тя гласу благодати послушна явившаяся.

Радуйся, с единонадесятаго часа в вертограде Господнем потрудившаяся и мзду с первыми получившая.

Радуйся, яко умудри тя Господь честь царскую, богатство и славу сочетати со смирением христианским.

Радуйся, яко сим образом яве нам показавшая, яко блага земныя не суть препятие души боголюбивей к достижению благ небесных.

Радуйся, крепостию веры и чистотою жития твоего пророчества дар от Бога восприявшая.

Радуйся, святая равноапостольная княгине Ольго богомудрая.

 

Кондак 10

Путь спасения народу твоему устрояя и предсмертное прошение твое исполняя, Всеблагий Господь возрасти во внуце твоем Владимире всеянное тобою семя веры и чрез него всю землю нашу просвети святым Крещением. Темже убо прославляем тя, Ольго блаженная, яко первую виновницу просвещения нашего светом святыя веры, и умильно поем Христу Спасителю нашему: Аллилуиа.

 

Икос 10

Прияв Святое Крещение, внук твой Владимир потщася изъяти из земли нетленныя, исполненныя чуднаго благоухания мощи твоя и со святителем Леонтием и всем множеством народа постави я в церкви Пречистыя Богоматери, и оттоле начаша источатися от них цельбы всяким недугом, притекающим с верою. Сего ради восхваляем тя сице:

Радуйся, яко благодать Святаго Духа, в тя всельшаяся, сотвори в мощех твоих цельбоподательный источник всяким недугом.

Радуйся, с маловерием к ним приходящия видети я не попускавшая.

Радуйся, явлением мощей твоих Церковь Христову возвеселившая.

Радуйся, прославлением их внука твоего Владимира зело обрадовавшая.

Радуйся, яко и доныне благочестивии людие земли нашея славною памятию твоею услаждаются.

Радуйся, яко твоим к Богу ходатайством вернии людие многих благ от Господа сподобляются.

Радуйся, молитвами твоими о просвещении земли нашея Бога умолившая.

Радуйся, вскоре многим великим святым явитися в стране нашей прорекшая.

Радуйся, святая равноапостольная княгине Ольго богомудрая.

 

Кондак 11

Пение умиленное приносим ти, угоднице Божия, и смиренно тя молим: моли о нас единаго Человеколюбца Бога, да не отвратит лица Своего от нас, недостойных, присно согрешающих и преогорчевающих благость Его, но да накажет нас зде, яко Отец чадолюбивый, онаможе, в будущем веце, да спасет и помилует, яко Судия и Мздовоздаятель Праведный, да тако, избавльшеся вечнаго мучения, сподобимся с тобою в райских обителех воспевати Ему: Аллилуиа.

 

Икос 11

Трисиянным светом осияваема, со всеми святыми предстоиши ныне на небеси Престолу Царя царствующих, Ольго всеблаженная, и оттуду, яко светозарное светило, просвещаеши всю страну нашу, разгоняя мрак заблуждений и показуя путь к истинному просвещению и небесному блаженству. Сего ради, прославляюще тя, глаголем:

Радуйся, путеводительнице, правую стезю к вечному спасению нам показующая.

Радуйся, мощная споспешнице и укрепительнице проповедников Православныя веры.

Радуйся, присная покровительнице благих наставников, благотрудящихся на пользу общую.

Радуйся, крамол и раздоров потребительнице.

Радуйся, всех обидимых и неправедно гонимых заступнице.

Радуйся, скорбящих скорая утешительнице.

Радуйся, болящих милостивая исцелительнице.

Радуйся, людем нашим помощь молитвами твоими от Бога подавающая.

Радуйся, страны нашея предстательнице и заступнице.

Радуйся, святая равноапостольная княгине Ольго богомудрая.

 

Кондак 12

Благодать Пресвятаго Духа испроси нам, наставнице наша, от Всещедраго Бога и Спаса нашего, вразумляющую и укрепляющую нас в деле спасения, да не безплодно будет в нас всеянное тобою семя святыя веры, но да прозябнет и плод сотворит, имже бы возмощи нам питати души наша в будущей вечней жизни, идеже вси святии воспевают Богу: Аллилуиа.

 

Икос 12

Поюще твоя многая и преславная благодеяния, явленная стране нашей в просвещении тоя светом веры Христовой, благодарственная приносим ти, с любовию зовуще сицевая:

Радуйся, несокрушимое ограждение земли нашея, покров и защищение.

Радуйся, девам образе целомудреннаго жития.

Радуйся, матерем наставнице законнаго сожития и добраго чад воспитания.

Радуйся, вдовицам правило спасения.

Радуйся, соучастнице на небеси жребия проповедников веры Христовы.

Радуйся, усердная о спасении нашем ходатаице.

Радуйся, в час смерти нашея о нас к Богу молитвеннице.

Радуйся, по исходе нашем от смертнаго сего телесе помощь и утешение подающая.

Радуйся, святая равноапостольная княгине Ольго богомудрая.

 

Кондак 13

О святая равноапостольная великая княгине Ольго! Приими милостивно от нас хвалебное благодарение сие о всех, яже тобою воздаде Господь нам, отцем и праотцем нашим и всей державе нашей, и моли Всеблагаго Бога умножити милость Свою на ны и на роды родов наших, утвердити ны в правоверии и благочестии, хранити же от всех напастей, бед и зол, да сподобимся с тобою, яко чада с материю, во веки воспевати Богу: Аллилуиа.

 

(Этот кондак читается трижды, затем икос 1 и кондак 1).

 

Молитва

О святая равноапостольная великая княгине Ольго, первоугоднице земли нашея, теплая о нас пред Богом ходатаице и молитвеннице! К тебе прибегаем с верою и молимся с любовию: буди нам во всем ко благу помощница и споспешница и, якоже во временней жизни тщалася еси просветити праотцы наша светом святыя веры и наставити я творити волю Господню, тако и ныне, в небесней пребывая светлости, благоприятными твоими к Богу молитвами, вспомоществуй нам в просвещении ума и сердца нашего светом Евангелия Христова, да преспеваем в вере, благочестии и любви Христове. В нищете и скорби сущия утеши, бедствующим подаждь руку помощи, обидимыя и напаствуемыя заступи, заблуждшия от правыя веры и ересьми ослепленныя вразуми, и испроси нам у Всещедраго Бога вся благая и полезная в жизни временней и вечней, да тако благоугодне зде поживше, сподобимся наследия благ вечных в безконечнем Царствии Христа Бога нашего, Емуже со Отцем и Святым Духом подобает всякая слава, честь и поклонение всегда, ныне и присно и во веки веков. Аминь.

 

  

Добавить комментарий

Ваш e-mail не будет опубликован. Обязательные поля помечены *