Глинская икона Рождества Богородицы

Глинская икона Рождества Богородицы

Пустынно — Глинская  икона  Рождества  Богородицы  находится  в  мужском  ставропигиальном  монастыре  Рождества  Пресвятой  Богородицы  Глинская  пустынь,  который  возник  в  XVI  веке  в  глухом  месте  среди  дремучих  лесов  Крупецкой  волости,  в  160  верстах  от  Курска  и  36  верстах  от  Путивля.  Ныне  это  село  Сосновка  Глуховского  района  Сумской  области  Украины.

Именно  здесь  в  XVI  веке  крестьяне-пчеловоды,  ставившие  на  деревьях  ульи,  увидели  на  высокой  сосне  икону  Рождество  Пресвятой  Богородицы.  От  иконы,  прозванной  впоследствии  «Глинская  икона  Рождества  Богородицы»,  исходил  дивный  свет.  Пораженные  пчеловоды  пали  пред  иконой  на  колени  и  стали  молиться  Божией  Матери.  Чудотворную  икону  взять  с  дерева  не  решились,  а  стали  приходить  на  это  место  с  родственниками  и  односельчанами  для  молитвы.

Вскоре  у  корней  сосны  забил  источник,  признанный  впоследствии  чудотворным.  Многие  приходящие  сюда  с  верой  получали  облегчение  в  душевных  и  телесных  немощах.  Через  некоторое  время  на  святое  место  пришел  некий  пустынник,  построил  часовню  и  подвизался  в  посте  и  молитве.  Слух  о  чудотворном  образе  разнесся  по  окрестностям.

К  иконе  потянулись  люди  со  своими  бедами  и  скорбями,  ища  помощи  и  заступничества  Царицы  Небесной,  многие  получали  просимое  исцеление.  Слух  о  чудесах  явленной  иконы  привлек  иноков  ближайшего  Путивльского  Молченского  монастыря,  известного  Молченской  иконой  Божией  Матери  и  находившегося  в  40  верстах  от  места  явления  иконы  Рождества.

Монахи  поставили  добротную  часовню  и  стали  приходить  сюда  для  исполения  своего  правила.  Их  можно  назвать  первыми  иноками  возникшего  впоследствии  на  этом  месте  Глинского  монастыря,  по  которому  и  икона  стала  называться  Глинская  икона  Рождества  Богородицы.  Иноки  положили  начало  монашескому  пустынножительству  в  этих  краях.

Монастырь  же,  основанный  в  1648  году,  свое  название  получил  от  фамилии  владельцев  земельных  угодий  бояр  Глинских,  которые  стали  благотворителями  зарождавшейся  обители.  Род  этот  был  знаменит  тем,  что  из  него  происходила  Елена,  жена  Иоанна  Грозного.  Обитель  была  возвращена  Церкви  после  долгих  лет  забвения  в  1994  году  и теперь  возрождается.

В  монастырских  архивах  хранится  предание,  что  иноки,  построив  часовню,  несколько  раз  пытались  снять  святую  икону  с  дерева,  но  она  неведомым  образом  возвращалась  назад.  Тогда  настоятель  приказал  спилить  сосну.  После  этого  источник  иссяк,  а  настоятель  заболел  и  умер.  Вскоре  источник  (криница)  появился  в  двух  километрах  западнее  от  того  места  и  тоже  прославился  исцелениями.  Они  отмечены  в  монастырских  рукописях.

В  1768  году,  по  распоряжению  архиерея,  Глинская  икона  Рождества  Богородицы  была  перенесена  в  кафедральный  собор  города  Севска,  откуда  трижды  неведомым  образом  возвращалась  в  обитель.  Старцы  монастыря  называли  обитель  «чудесным  достоянием  Царицы  Небесной»,  а  Пресвятую  Богородицу  «покровительницей  обители».

Крестный ход с Глинской иконой

С  иконой  ежегодно  устраивались  по  благословению  Синода  многодневные  (с  19  июля  по  2  августа)  крестные  ходы  в  город  Глухов  в  честь  исцеления  от  холеры  в  1848  году.  С  ней  связывают  избавление  жителей  села  Шалыгино  Путивльского  уезда  от  полчищ  саранчи  в  1856-1857  годах.  Последнее  сообщение  об  иконе  было  как  раз  связано  с  этим  селом  в  1922  году.

В  настоящее  время  сведений  о  месте  пребывания  образа  нет,  Глинская  икона  Рождества  Богородицы  считается  утраченной.  Возможно,  Пресвятая  Богородица  явит  ее  в  очередной  раз  где-нибудь  в  нужное  время,  ведь  это  только  Ей  ведомо,  когда  и  где  это  должно  случиться.

Сам  чудотворный  образ,  Глинская  икона  Рождества  Богородицы,  сейчас  незрим,  но,  и  оставаясь  незримым,  он  продолжает  изливать  благодатную  силу  на  тех,  кто  с  истинною  верой  и  чистым  сердцем  взывает  к  помощи  Царицы  Небесной.  Ибо,  по  справедливому  утверждению  святителя  Игнатия  Брянчанинова , «иконы  Божией  Матери  чудодействуют  по  всей  земле,  проповедуют,  свидетельствуют,  запечатлевают  знамениями  истину  учения  Христова».

Глинская икона Рождества Богородицы
Глинская икона Рождества Богородицы, древний образ       

Иконография:  На  древней  иконе  на  фоне  трехпролетной  арки  изображена  святая  праведная  Анна  на  высоком  ложе.  Рядом — стол — прообразующий  жертвенник. В  проемах  арки  представлены  фигуры  жены,  несущей  дары  и  святого  праведного  Иоакима.  В  правом  нижнем  углу  изображена  служанка  с  младенцем  Марией  на  руках,  рядом  с  ней  купель,  напоминающая  об  обновлении  и  очищении  человеческого  рода.

Размер  иконы — 20 х 16,7 см.  Позже  Глинская  икона  Рождества  Богородицы  была  вложена  в  киот  с  самостоятельным  изображением.  На  полях  были  изображены  ангелы  на  облаках,  предстоящие  образу  и  поддерживающие  святыню,  а  вверху  благословляющий  Господь  Саваоф  в  окружении  херувимов.

В  современной  иконографии  наличие  на  иконе  изображения  Бога  Саваофа  свидетельствует  о  принадлежности  образа  к  Глинскому  варианту,  не  зависимо  от  того,  отделены  изображенные  фигуры  очертанием  арки  или  нет,  хотя  в  Глинской  пустыни  находится  древний  список  иконы  без  изображения  Бога  Отца.

Молитвенная  традиция:  Глинской  иконе  Рождества  Богородицы  молятся  об  исцелении  разных  немощей,  но  больше  всего  женских,  о  рождении  здорового  ребенка,  о  здравии  детей,  при  желании  зачатия  ребенка.

Празднование:  переходящее — каждую  девятую  пятницу  по  Пасхе.

 

Акафист честному и славному Рождеству Пресвятыя Владычицы нашея Богородицы пред явленно-чудотворною иконою Ея «Пустынно-Глинскою»

Не  утвержден  для  общецерковного  чтения.

Кондак 1

Избранней от всех родов Пресвятей Деве и Божией Матери похвальное приносим пение пред чудотворною иконою преславного рождества Твоего Богородице. Ты же, Пречистая, имущая о нас благое промышление, от всяких бед, скорбей и постыдныя смерти свободи, да во умиленнии зовем Ти: Радуйся, Пресвятая Дево, рождеством Своим радость спасения миру возвестившая.

Икос 1

Ангел Предстатель Престолу Вседержителя послан бысть возвестити неплодным родителям о рождестве Твоем, Владычице, и Ангелов воинство ныне на небеси славит Тя, Честнейшую Херувим и Матерь Бога нашего. Мы же земнороднии, рождеству Твоему и явлению иконы радующеся, аще и бренными усты похвальная приносим Ти таковая: Радуйся, Непорочная, праведными родителями рожденная; Радуйся, Дщерь земная, в Матерь Божию благословенная. Радуйся, неплодия радостное разрешение; Радуйся, родителей-старцев великое утешение. Радуйся, молитвою у Бога испрошенная; Радуйся, Святая, святыми воспитанная. Радуйся, Иоакима и Анны чудное прозябение; Радуйся, мирови верное спасение. Радуйся, силою Вышняго осененная; Радуйся, Славо небес превознесенная. Радуйся, радости приятелище, праматернюю клятву разрушившая; Радуйся, Рождшимся из Тебе древняго змия победившая. Радуйся, Пресвятая Дево, рождеством Своим радость спасения миру возвестившая.

Кондак 2

Видевши в рождестве Твоем избавление поношения безчадства, праведнии родители Твои слависта Бога. Темже и мы, подражающе им, благопокорно хощем носити поношение злословящих нас, Сына Твоего ради, православно исповедуя и славя святое Имя Его, поюще: Аллилуиа.

Икос 2

Разум Ангельский недоумеваше о рождестве Твоем, о тайне воплощения Сына Божия, како неискусобрачная Дева возможет имети зачатие. Ныне же вси верующии, уразумевше тайну Божественнаго смотрения о спасении рода человеческаго, славят девство Твое, Пречистая, усердно взывающе Тебе таковая: Радуйся, сбытие пророческих вещаний; Радуйся, Дево, исполнение благих желаний. Радуйся, Святая и Пренепорочная в девах; Радуйся, Богом избранная в женах. Радуйся, от младенчества Богу посвященная; Радуйся, Духом Святым приосененная. Радуйся, новый и живый кивоте, во святая Святых хранимый; Радуйся, Неувядаемый Цвете, достойно хвалимый. Радуйся, Архангелы и Ангелы посещаемая; Радуйся, небесною пищею питаемая. Радуйся, святостию паче всех просиявшая; Радуйся, в девственную утробу Господа приявшая. Радуйся, Пресвятая Дево, рождеством Своим радость спасения миру возвестившая.

Кондак 3

Сила Вышняго, осенившая Иоакима и Анну, разрешила заматоревшее их неплодие, помяну бо Господь смирение рабов Своих. Сего ради почитающе праведных родителей Твоих, Пречистая, молимся, да разрешится их молитвами и Твоим заступлением неплодие добродетелей наших ко умножению молитвы и смирения, терпения и воздержания, благодатию всех благ Подателя Бога, Ему же поем: Аллилуиа.

Икос 3

Имущи великое смирение, достойна избранна была еси, Пресвятая Дево, Матерь Христу Богу, Спасителю нашему, туне являя нам многия благодеяния, имиже наслаждающеся, благодарственно воспеваем пение: Радуйся, смиренная Рабо Господня, нас смирению научающая; Радуйся, рабом Божиим помогающая. Радуйся, младенцев благодатное хранение; Радуйся, юношей мудрое наставление. Радуйся, матерей радостное похваление; Радуйся, сущим в браке любовное единомыслие. Радуйся, добрых к добру влечение; Радуйся, злых сердец умягчение. Радуйся, Подательнице Божественныя благости; Радуйся, Виновнице всякия радости. Радуйся, Своею помощию земнородных взыскавшая; Радуйся, под кров Свой христиан приявшая. Радуйся, Пресвятая Дево, рождеством Своим радость спасения миру возвестившая.

Кондак 4

Бури страстей и напастей наших Господь хотя утолити, в честней иконе рождества Твоего явил нам Тя, Богородице, Ходатаицу. Сего ради ближних и дальних Твоя чудеса исповедывать собрала еси, Благодеющему же Богу взывати: Аллилуиа.

Икос 4

Слышавше о иконе Твоей, Богородице, вси верующии притекают в надежде Твоего заступления, никто бо отходит от нея тощь, и не может по достоянию блажити Тя, Владычице, обаче приими благодарное хваление наше: Радуйся, Богоизбранная, рождеством Своим возвеселившая родителей; Радуйся, благое научение детоводителей. Радуйся, разума духовного подательнице; Радуйся, соблазнителей карательнице. Радуйся, скорбями грехи очищающая; Радуйся, от скорбей малодушных избавляющая. Радуйся, ангельскому житию нас научающая; Радуйся, благами небесными от благ земных отвлекающая. Радуйся, борющихся с соблазнами верное укрепление; Радуйся, изнемогающих в борьбе и подвигах скорое поможение. Радуйся, Благодатная, явлением иконы благодать нам явившая; Радуйся, ею же чудеса велия сотворившая. Радуйся, Пресвятая Дево, рождеством Своим радость спасения миру возвестившая.

Кондак 5

Боготечная звезда бысть святая икона Твоя, Богородице, егда невидимо шествова вспять из окрестных градов на место явления, таковому чуду дивящеся, Господу Богу похвальная приносим: Аллилуиа.

Икос 5

Видя Архипастырь Кирилл троекратное чудесна возвращение иконы Твоея из града Севска на место явления, познает, яко не удержит ю во граде своем, и в прославление иконы рождества Твоего абие создает храм и благоустрояет обитель. Таковому промышлению Твоему о нас радующеся, Тебе, Покровительнице нашей, гласом радования взываем: Радуйся, Владычице, человеческому самоволию не благоволившая; Радуйся, неугодное Тебе людское желание разорившая. Радуйся, Ангелы носимая; Радуйся, родом человеческим хвалимая. Радуйся, воздуха благодатное освящение; Радуйся, губительных поветрий очищение. Радуйся, дожди благовременные к плодоношению земли посылающая; Радуйся, вредное многодождие прекращающая. Радуйся, пажити наша от всякаго вреда сохраняющая; Радуйся, и нас всех ко благу наставляющая. Радуйся, всю вселенную просветившая; Радуйся, умерщвленныя страстьми оживившая. Радуйся, Пресвятая Дево, рождеством Своим радость спасения миру возвестившая.

Кондак 6

Проповедуют чудеса богатство благодати Царицы Матере, от дивныя иконы бывшия, не оставляет бо Пречистая Богородица с верою притекающих к Ней и избавляет их от всякия напасти. Темже, Богородице Деве, благодарственная Тебе восписуя, Всещедрому Богу присно славу возсылаем: Аллилуиа.

Икос 6

Возсия, яко крин в пустыни, явленная икона Твоя, Богородице, подающе всем благопотребную помощь, обаче не благоволила есть противящимся воле Твоей: наказа смертию сгубившаго древо, на нем же икона Твоя явися. Сего ради со страхом и умилением рцем вси: Радуйся, Царице, непокорных воле Твоей наказующая; Радуйся, человеческое мудрование отсекающая. Радуйся, человеческую злобу укрощающая; Радуйся, Судию Праведнаго о грехах наших умоляющая. Радуйся, тела моего врачевание; Радуйся, души моея спасение. Радуйся, упование мое в жизни сей; Радуйся, надеждо по смерти моей. Радуйся, Тобою бо от вечныя смерти избавляемся; Радуйся, Тобою бо блаженныя жизни сподобляемся. Радуйся, иноческия обители имени Своего во отечестве нашем обильно насадившая; Радуйся, благочестие в сердцах верных укрепившая. Радуйся, Пресвятая Дево, рождеством Своим радость спасения миру возвестившая.

Кондак 7

Хотяще милость Свою явити христианскому роду, даровала еси нам пречудную икону рождества Твоего, Богородице, да вси радующеся о Твоих благодеяниях, аще и недостойни суще, Ангельскую песнь поем Христу Спасителю нашему: Аллилуиа.

Икос 7

Новый источник благодати явила еси нам, Владычице, егда избавила еси град Глухов от смертоносныя язвы, наставляющи нас прибегати к скорой благодатной Помощнице в бедах и болезнех, во еже звати Тебе: Радуйся, Богообрадованная, печальных и плачущих присное утешение; Радуйся, кающихся грешников прощение. Радуйся, исцелений неоскудеваемое сокровище; Радуйся, труждающихся тихое покоище. Радуйся, обидимых заступающая; Радуйся, обидящих вразумляющая. Радуйся, оклеветанных оправдание; Радуйся, погибающих взыскание. Радуйся, градов и весей упование; Радуйся, наше непостыдное возвание. Радуйся, иконам Своим благодать даровавшая; Радуйся, верных Господеви сочетавшая. Радуйся, Пресвятая Дево, рождеством Своим радость спасения миру возвестившая.

Кондак 8

Странно рождество Твое от неплодия престарелых родителей; яко же странно и явление иконы Твоея, Владычице, обаче Бог, идеже хощет, побеждается естества чин, глаголет бо: «Невозможная у человек, возможна суть у Бога». Сего ради чудодействующему нам Всемогущему Промыслителю возносим хвалу: Аллилуиа.

Икос 8

Вся тварь о Тебе радуется, Благодатная, Ангельский Собор и человеческий род светло торжествует преславное рождество Твое. Ты же, яко Царица небесе и земли, приими моление рабов Твоих, покланяющихся честному образу Твоему и любовию вопиющих: Радуйся, Преблагословенная, Ангелов честнейшая; Радуйся, без сравнения Серафим славнейшая. Радуйся, по Бозе Святейшая всех Святых; Радуйся, краснейшая паче дщерей земных. Радуйся, Царице, Престолу Царя славы предстоящая; Радуйся, молитвы Ему о нас приносящая. Радуйся, храмов Божиих великолепное украшение; Радуйся, притекающих к Тебе истинное утешение. Радуйся, во иконах Твоих ризами златыми одеянная; Радуйся, каменями драгими испещренная. Радуйся, вся добродетели в Себе вместившая; Радуйся, воплощению Сына Божия послужившая. Радуйся, Пресвятая Дево, рождеством Своим радость спасения миру возвестившая.

Кондак 9

Всякаго естества Ангельскаго высшая в горних обителях владычествуеши, Богородице, но и дольних не оставлявши, защищающи святою иконою обитель нашу и вся к Тебе прибегающая, тем же Тя верховную Покровительницу нашу молим, облагодати нас умом и сердцем Источнику спасения усердно взывати: Аллилуиа.

Икос 9

Витии суемудреннии недоумевают, како прибегающе к иконе Твоей вернии приемлют Божественную благодать; мы же, извещены бывше глаголом Господним, яко вся возможно верующему, несумненно притекаем к чудотворней иконе Твоей в надежде Божественнаго благопотребнаго воздания. Тем же, теплое заступление Твое о нас ведуще глаголем: Радуйся, Богородице правоверущия возносящая; Радуйся, неверующия наставляющая. Радуйся, суеверие и невежество отметающая; Радуйся, заблудшия право веровати научающая. Радуйся, к познанию истины приведение; Радуйся, нераскаянных грешников устрашение. Радуйся, никому же погибели хотящая; Радуйся, и отчаянных к упованию приводящая. Радуйся, невидимых врагов наших мучение; Радуйся, видимых врагов наших посрамление. Радуйся, веру нашу чудесами утвердившая; Радуйся, гнев Божий, праведно движимый на ны, многократно утолившая. Радуйся, Пресвятая Дево, рождеством Своим радость спасения миру возвестившая.

Кондак 10

Спасения нашего начало бысть славное рождество Твое, Богородице, явленная же икона Твоя бысть началом спасения иноков на месте сем, идеже верующие притекают к Тебе, тепле моляся: «Не забуди нас, Владычице, вся полезная душам подающи, да спасаемии Тобою Подвигоположнику и Спасителю нашему поем: Аллилуиа».

Икос 10

Стена нерушимая еси всем, к Тебе и иконе Твоей прибегающим, не имамы бо инаго упования по Бозе, разве Тебе, Владычице, Ты нам прибежище и сила в скорбех, обретших ны зело, избавляющи ны от всякия напасти, и Тебе, Радосте наша, взываем: Радуйся, Пречистая, с небес на христиан призирающая; Радуйся, от бед обитель нашу избавляющая. Радуйся, постников не изнемогающее воздержание; Радуйся, добродетелей наших стяжание. Радуйся,страстей укрощение; Радуйся, кающихся исправление. Радуйся, искушений прогнание; Радуйся, падших восстание. Радуйся, злосмрадие грехов удаляющая; Радуйся, благоуханием святости снабдевающая. Радуйся, основание обители нашея положившая; Радуйся, Пресвятая Дево рождеством Своим радость спасения миру возвестившая.

Кондак 11

Пение всеусердное приносим Ти, Владычице, о Твоих великих благодеяниях бывших на нас, обаче ничтоже совершаем достойно о всех, яже подаеши нам, Сыну Твоему вопиющим: Аллилуиа.

Икос 11

Светоприемную свещу зрим цельбоносную икону Твою, Пречистая, благодатию нам возжженную, просвещающую вся концы на спасение всем, с верою прибегающим, сего ради Тя явившую христианам многия знамения, звании почитаем сими: Радуйся, Путеводительнице, на путь спасения наставляющая; Радуйся, Вратарнице, двери райския верным отверзающая. Радуйся, Благоуханный Цвете, в горном Сионе благоухающий; Радуйся, Живоносный Источниче, обильно благодать источающий. Радуйся, нерушимая стено, православие укрепляющая; Радуйся, Неопалимая Купино, от огненнаго запаления избавляющая. Радуйся, Заступнице, Сыну Своему о нас вопиющая; Радуйся, Скоропослушнице, скорую помощь нуждающим подающая. Радуйся, всех скорбящих Радосте; Радуйся, жизни нашея духовныя сладосте. Радуйся, Милостивая, милость Свою многократно явившая; Радуйся, многия от бед и мук свободившая. Радуйся, Пресвятая Дево, рождеством Своим радость спасения миру возвестившая.

Кондак 12

Благодать Божия преисполни Тя в рождестве Твоем, Благодатная, юже иконою Своею выну изливаеши нам, с верою прибегающим к заступлению Твоему и благодарственная Милосердному Богу приносящим: Аллилуиа.

 

Икос 12

Поюще Твое рождество, почитаем, чудотворную икону Твою, славим о нас вся чудеса Твоя и, научившеся за благодеяния благодарственно блажити святое имя Твое, взываем Благословенней в женах: Радуйся, Заре Царя славы Божественною красотою сияющая; Радуйся, вся концы вселенныя озаряющая. Радуйся, архангельский глас о воплощении Еммануила приемшая; Радуйся, невместимаго всеми Бога во утробе Своей вместившая. Радуйся, наитием Духа Святаго обетованнаго Мессию родившая; Радуйся, Солнце Правды миру явившая. Радуйся, Богом данная христианам Предстательнице; Радуйся, неусыпающая о нас Молитвеннице. Радуйся, на земле родом человеческим хвалимая; Радуйся, на небеси святыми превозносимая. Радуйся, прародительский грех упразднившая; Радуйся, благоплудие душевное обогатившая. Радуйся, Пресвятая Дево, рождеством Своим радость спасения миру возвестившая.

Кондак 13

О Всепетая Дево, рождшая всех святых Святейшая в женах, в похвалу рождества Твоего приими малое сие моление, Христа Бога о нас умоли избавити от всякия напасти, и вечныя муки нас свободи, Богу о Тебе вопиющих: Аллилуиа, Аллилуиа, Аллилуиа.

(Этот кондак читается трижды, затем икос 1 и кондак 1)

 

Молитвы Пресвятой Богородице пред иконою Ея «Пустынно-Глинскою»

Молитва первая

О Пресвятая Владычице, Христа Спасителя нашего Богоизбранная Мати, у Бога святыми молитвами праведных родителей испрошенная, Богу посвященная, и Богом возлюбленная. Кто Тесе не ублажит, или кто не воспоет Твоего преславного рождества? Рождество бо Твое бысть началом спасения человеком и мы, сидящии во тьме согрешений, зрим Тя неприступнаго Света жилище. Сего ради витийствующий язык не может песнословити Тя по достоянию, паче бо Серафим возвысилася еси Пречистая; обаче приими недостойных рабов Твоих нынешнее похваление и не отрини мольбы наша, Твое величие исповедуем, Тебе во умилении припадаем и скорую в заступлении чадолюбивую и благосердую Матерь дерзновенно просим: умоли Сына Твоего и Бога нашего даровати нам, много согрешающим, искреннее покаяние и благочестное житие, да возможем творити вся Богу угодая и душам нашим полезная, и к тому возненавидим вся злая, укрепляемии Божественною благодатию во благом произволении нашем. Ты, непостыдная Надеждо наша в час смерти, даруй нам христианскую кончину, безбедное шествие на страшных мытарствах воздушных и наследие вечных, неизреченных благ Царствия Небеснаго, да со всеми святыми немолчно исповедуем Твое о нас заступление и да славим Единаго Истиннаго Бога, во Святей Троице покланяемаго Отца и Сына и Святаго Духа. Аминь.

Молитва вторая

Преблагословенная Дево Марие, Царице небесе и земли, Твоему чудотворному образу припадающе, умильно глаголем: призри милостиво на рабы Твоя и Твоим всесильным ходатайством ниспосли комуждо потребная: вся верныя чада Святыя Церкви спаси, неверныя обрати, заблудшия на путь правый настави, старость и слабость сил поддержи, юных в вере святой возрасти, мужей ко благу направи; грешников к покаянию приведи и всех христиан мольбы услыши; болящия уврачуй, скорби утоли, путешествующим спутешествуй. Ты веси, Всемилостивая, яко немощни, яко грешни, яко озлобляеми и достойни прещения Божия; обаче буди нам на помощь, да ни коим грехом самолюбия, соблазна и диавольскаго прельщения прогневаем Бога. Тя имамы Предстательницу, Юже не отринет Господь, аще бо восхощеши, вся даровати нам можеши, яко благодатный источник верно поющих Тя и превозносящих преславное Твое рождество. Избави, Владычице, грехопадений и бед всех благочестно призывающих Святое Имя Твое и покланяющихся честному образу Твоему, Ты бо молитвами Своими, беззакония наша туне очищаеши. Темже Тебе припадаем и паки вопием: отжени от нас всякаго врага и супостата, всякия напасти и губительныя поветрия, молитвами Своими подающи дожди благовременны и земли обильное плодоприношение; вложи в сердца наша страх Божественный ко исполнению заповедей Господних, да вси в христианской любви, благочестии и чистоте благоденственно, тихо и мирно поживем во спасение душ наших, во благо ближних и во славу Господа. Ему бо, яко Творцу, Промыслителю и Спасителю нашему всякая подобает слава, честь и поклонение ныне, и присно, и во веки веков. Аминь.

Тропарь

Глинской иконе Богородицы, глас 4-й

Днесь благовернии людие, осеняемии святым Богоматери образом, во умилении глаголем: Владычице, помози рабом Твоим в напастех, скорбех и болезнех, обременены бо грехми многими, и избави ны от всякого зла, молящи Сына Твоего Христа Бога нашего, спасти души наша.

Кондак

Глинской иконе Богородицы, глас 8-й

Аще и многажды икона Твоя, Богородице, уносима бысть с места явления, обаче чудесне в пустыню возвращашеся, отонудуже всем верным подает благо потребное.

Величание

Аще и многажды икона Твоя, Богородице, уносима бысть с места явления, обаче чудесне в пустыню возвращашеся, отонудуже всем верным подает благо потребное.

 

Добавить комментарий

Ваш e-mail не будет опубликован. Обязательные поля помечены *