Коневская икона Божией Матери


Коневская  икона  Божией  Матери

Коневская  икона  Божией  Матери  является  одной  из  самых  почитаемых  чудотворных  икон  Божией  Матери  в  Русской  Православной  Церкви  и  одной  из  самых  древних.  Ее  история  начинается  в  1393  году  и  связана  она  с  именем  преподобного  Арсения  Коневского.

История  образа:  Преподобный  Арсений,  принесший  в  Россию  с  Афона  в  1393  году  икону  Божией  Матери,  которая  получила  впоследствии  название  «Коневская»  и  прославилась  множеством  чудес  и  благодатных  исцелений,  провел  на  Афоне  три  года  в  непрерывных  подвигах  духовного  совершенствования.

Затем  преподобный  решил  вернуться  на  Родину,  чтобы  продолжать  там  начатый  им  путь  подвижничества.  Игумен  афонского  монастыря,  прозорливый  старец  Иоанн  Зидон,  благословил  его  иконой  Божией  Матери,  которая  называлась  там  «Акафистной»,  на  возвращение  и  создание  монастыря  в  честь  Пречистой  Богородицы,  во  славу  Божию  и  на  спасение  многих.

Арсений  возвратился  в  свой  родной  город  Новгород  вместе  с  иконой  Пресвятой  Богородицы,  испросил  у  Новгородского  архиепископа  Иоанна  благословение  на  создание  обители  и  стал  подыскивать  место  на  Ладожском  озере,  которое  называлось  тогда  Нево — озеро.

На  острове,  прозываемом  Коневец,  усердно  помолившись  Богу,  он  водрузил  Крест,  соорудил  себе  келию,  а  через  некоторое  время  и  храм  во  имя  Рождества  Пресвятой  Богородицы.  Его  подвижническая  жизнь  вскоре  привлекла  к  нему  много  желающих  подражать  ей.  Так  возникла  вскоре  обитель,  названная  Коневской.

Чудотворения:  Чудесная  помощь  Божией  Матери  была  явлена  преподобному  Арсению  в  самом  начале  его  жизни  на  острове.  Он  изгнал  бесов  из  находившегося  на  острове  большого  камня  под  названием  Конь — камень,  которому  поклонялись  суеверные  местные  жители — язычники.

Затем  позднее,  когда  преподобный  предпринял  еще  одну  поездку  на  Афон,  в  монастыре  закончились  все  припасы  и  малодушные  из  братии  собирались  покинуть  новосозданную  обитель,  то  одному  благочестивому  старцу  явилась  Божия  Матерь  и  сообщила,  что  скоро  Арсений  возвратится  со  всем  необходимым.

Так  и  произошло.  На  следующий  день  слова  Божией  Матери  в  точности  сбылись.  Вскоре  исцелился  слепец  по  молитвам  перед  Коневской  иконой  Божией  Матери.  В  1573  году  обитель  была  спасена  чудесным  заступлением  Пресвятой  Богородицы  от  нашествия  шведов.

Опустошая  Карелию,  шведы  собирались  разграбить  и  Коневский  монастырь,  но  вдруг  поднялся  сильный  ветер,  взломал  лед  вокруг  острова,  и  шведы  не  смогли  подступиться  к  обители  и  исполнить  свое  злостное  намерение.  Впоследствии  монахи  дважды  покидали  монастырь  под  натиском  шведов.

В  1577  году  они  вынуждены  переселиться  в  Новгородский  Деревяницкий  монастырь,  вернувшись  в  свою  обитель  через  16  лет.  В  1610  году  монахи  оставили  обитель  более  чем  на  полтораста  лет,  монастырь  был  возобновлен  только  в  1766  году.

Коневская  икона  Божией  Матери  оставалась  в  Деревяницком  монастыре  до  1798  года,  когда,  по  благословению  митрополита  Новгородского  Гавриила,  была  возвращена  в  родную  обитель.  В  Деревяницком  монастыре  была  оставлена  копия  чудотворной  иконы.

После  Первой  мировой  войны  территория,  на  которой  находилась  Коневская  обитель,  отошла  Финляндии,  а  в  1918  году  Финская  Православная  Церковь  стала  автономной.

Коневская  икона  Божией  Матери

Иконография:  Иконографический  тип — Одигитрия.  Особенностью  данного  чудотворного  образа  является  то,  что  Богомладенец  держит  в  левой  руке  вместо  традиционного  свитка  двух  птенцов  голубиных.  Изображение  птиц  в  иконографии  означает  причастность  к  миру  Небесному.

Именно  поэтому  икону  также  называют  «Голубинская».  На  древнем  списке  изображены  предстоящие  святые.  В  верхней  части,  на  поле,  изображение  Святой  Троицы  в  виде  трех  Ангелов.  На  обратной  стороне  иконы —   Нерукотворный  образ  Спасителя.

Коневская  икона  Божией  Матери,  первообраз,  привезенный  преподобным  Арсением  с  Афона,  находится  в  Ново — Валаамском  монастыре  в  Финляндии   ( видео  о  последних  старцах  Валаама ),  а  в   Коневском  Рождество — Богородичном  мужском  монастыре  находится  ее  чудотворный  список.

Молитвенная  традиция:  Перед  иконой  молятся  об  исцелении  от  беснования,  болезней  глаз  и  слепоты,  от  паралича  и  расслабления,  а  также  во  всех  тяжких  жизненных  обстоятельствах.

Празднование:  10  /  23  июля.

КАНОН ПРЕСВЯТОЙ БОГОРОДИЦЕ ПРЕД ИКОНОЙ «КОНЕВСКАЯ»

глас 4

Песнь 1

Ирмос: Отверзу уста моя, и наполнятся Духа, и слово отрыгну Царице Матери, и явлюся, светло торжествуя, и воспою, радуяся, Тоя чудеса.

Сияние славы Отчия, Сый от Света, Свете Присносущный, озари, молю, ум и сердце мое, Иисусе, и наполни мя Духа, да воспою, радуяся, Тебе Рождшия дивная чудеса.

Пою сердцем и усты не древнюю златую стамну, в ней же бе манна, но пою Деву Богородицу, носившую Христа во чреве, и славлю Тоя образа богосовершаемая чудеса.

Ты, по Соломону, источник вертограда и кладязь воды живы, истекающия от Ливана, о Мати Жениха Церкви, от иконы бо Твоея, Владычице, благодатныя струи присно на нас лиются.

Сердца наша привлекла еси, Дево Чистая, и тайным образа Твоего благолепием, и боголепными онаго чудесы. Темже, поюще, молим Тя: и наша души благообразны соделай, Владычице.

Песнь 3

Ирмос: Твоя песнословцы, Богородице, живый и независтный Источниче, лик себе совокупльшия, духовно утверди, в Божественней Твоей славе венцев славы сподоби.

Якоже Богоотец древле пред Божиим кивотом ликоваше, сице Арсений из Афона со образом Кивота одушевленнаго, в мысленнем ликовствовании грядый в Россию, моляшеся Первообразней, да чтущих Ю вечныя славы сподобит.

Якоже новая луна, явися на Российстей тверди Твоя, Владычице, икона, озаряющи сущия во тьме и приводищи ко свету богоразумия. И нас, грешных, молим Тя со слезами, спаси от тьмы неразумия и Твоя певцы вечныя славы сподоби.

Утверди, прослави Церковь Сына Твоего, верных Помощнице, обитель сию, и вся грады, и страны в мире сохрани и всех, любящих славити честный образ Твой, венцев славы сподоби.

Расторгни пленицы наших грехопадений, избави от рова страстнаго жития и даруй свободу рабом Твоим, Богородице, да скончаем прочее живота нашего в мире и покаянии, уповающе наследити вечную славу.

Седален, глас 4

Исполнение закона и пророков рождшая, Христа Бога, исполни радости и веселия всех, чтущих святую икону Твою, Владычице, да, светло днесь празднующе, Тя радостно воспоем и любовию имя Твое прославим, яко Ты еси едина от всех родов избранная, Благословенная и Препрославленная.

Песнь 4

Ирмос: Седяй в Славе на Престоле Божества во облаце легце, прииде Иисус Пребожественный Нетленною Дланию и спасе зовущия: слава, Христе, силе Твоей.

Зряще на Твою, Богородительнице, икону, молим Тя, яко Матерь Света Незаходимаго: отжени от нас мрак страстей Того светлостию, да, просвещшеся, воспоем: слава силе Твоей, Господи.

Ты тихое обуреваемым, Богородице, пристанище, Ты радость печалию погруженным, болящим Ты исцеление и покров всем, к Тебе прибегающим, Владычице, едина Чистая и Благословенная.

Не надеемся на князи, ни на сыны человеческия, но все наше упование на Твоего Сына, Богородице, возлагаем, и веруем непреложно, яко Той есть спасение наше, и не постыдимся.

Тя, Богоневесто Чистая, недостойнии раби, славим, лобызающе бренными устны образ Твой святый, и Тебе молимся со слезами: спаси нас от лютых грехопадений, да избавимся от вечныя муки.

Песнь 5

Ирмос: Ужасошася всяческая о Божественней славе Твоей: Ты бо, Неискусобрачная Дево, имела еси во утробе над всеми Бога и родила еси Безлетнаго Сына, всем воспевающим Тя мир подавающая.

Неисповедимое чудес море вемы Тя, Богородице: паче бо ума и слова оными Ты прославилася еси. Тем ныне, яко Матерь Божию, в песнех Тя славим, раби Твои, благодарственно.

Дивный в чудесех Бог дивен и во святых Своих, Тобою без сравнения дивен показася, Богородице, яко во утробе Твоей вместитися благоволи и сотвори Тя Честнейшую и Славнейшую Серафимов.

Тобою возстают разслабленнии, недугующии исцеляются, слепии прозирают, от бесов томимии свобождаются, радуйся, Источниче дарований, Богоблагодатная Дево.

Слово Отчее Ипостасное рождшая, Дево Пренепорочная, избави от безсловесия душу раба Твоего и даруй ми слезы сердечныя, да ныне плачевныя пролию струи, прежде нежели постигнет плач неутешный.

Песнь 6

Ирмос: Божественное сие и всечестное совершающе празднество, Богомудрии, Богоматере, приидите, руками восплещим, от Нея рождшагося Бога славим.

Светлый составляет лик икона Твоя, Владычице, к ней же мы взирающе, сердцем и устны благословим, поем и величаем Твое к нам матернее благоутробие и купно от Тебе рождшагося Бога славим.

Торжествующе ныне радостно во храме Твоем, Пречистая, и Твоему припадающе честному образу, молим Тя умиленно: сотвори нас достойны быти лика празднующих в торжестве избранных Сына Твоего рабов.

Да рыдают демони, жегоми суще невещественным огнем от святыя иконы Девы Чистыя, и да бежат от человек в бездну, им уготованную, мы же, веселящеся, в песнех Богородицу величаем.

Живоносный Источниче, Богородице Дево, зноем страстей палимую душу мою напои благодатными струями Сына Твоего и услади горесть сердца моего зрением святаго образа Твоего.

Кондак, глас 8

Препрославленная Вышняго Мати созывает к песнопению нас Своего образа пришествием от Новаграда и возбуждает зрением того на подвиг, побеждати сопротивных силу, и к Ней, яко нашея радости виновней, пети: радуйся, Невесто Неневестная.

Икос

Како отверзу бренная уста и воспою Небо одушевленное, Деву Марию, от Неяже нам возсия Солнце мысленное, Христос, просвещаяй всякаго человека? Недоумеет бо ум мой, безгласием язык связуется. Но к чудес виновней Той иконе зряще, ангельски воспоем, глаголюще: радуйся, неистощимое сокровище благодати; радуйся, чудес неизследимая пучино. Радуйся, всем верным Божественное услаждение; радуйся, скорбящим всерадостное веселие. Радуйся, обидимым скорое избавление; радуйся, в житейстем мори спасительное окормление. Радуйся, обуреваемым страстьми тихое пристанище; радуйся, оружие, во брани мысленней противныя поражающее. Радуйся, молние, попаляющая диавола; радуйся, врачевство, болезни вся исцеляющее. Радуйся, миро благовонное всему миру; радуйся, горо, вся осененная Божеством. Радуйся, Дево, всех благих виновная верным; радуйся, Невесто Неневестная.

Песнь 7

Ирмос: Не послужиша твари Богомудрии паче Создавшаго, но, огненное прещение мужески поправше, радовахуся, поюще: препетый отцев Господь и Бог, благословен еси.

Не твари преклоняем колена, падоша бо истукани, но Тебе, во огни Спасшаго дети родившая; Тебе и, образ Твой лобызающе, молимся: спаси ны от огня страстей, от бед и напастей рукою отцев Бога Благословеннаго.

Кумирослужения умнаго избави мя, Богородице, истребляющи от души страстная помышления, и сердца моего олтарь освяти всегда имени Сына Твоего, Господа Иисуса, да воспою Ему: отцев Боже, благословен еси.

Похвалу святому Арсению составляет и нас, раб Твоих, радостотворит чудотворная Твоя, Владычице, икона, еяже ради ныне мы торжествуем и Тя в песнех, Всепетая, величаем, славяще отцев Бога Благословеннаго.

Исполни, о Дево Благодатная, благими Твою обитель и всякому граду и стране потребная свыше низпосылай: Ты бо еси Мати Небесе и земли Царя и вся от Него, елика просиши, восприемлеши в пользу рабом Твоим.

Песнь 8

Ирмос: Отроки благочестивыя в пещи Рождество Богородичо спасло есть; тогда убо образуемое, ныне же действуемое, вселенную всю воздвизает пети Тебе: Господа пойте, дела, и превозносите Его во вся веки.

В пещи отроки орошает древле и посреде огня, о, чудесе! сохраняет неопально Сын Твой, Дево Богоотроковице, и ныне Тя, Матерь Свою, чудес творительну показует. Темже Тя чтим и превозносим имя Твое во веки.

Рачителие чистоты, пустынное сословие, монашествующии лицы, воспойте похвальная Деве Чистей, Богоизбранней и, зряще велие чудес сокровище, икону Ея святую, превозносите имя Девы во веки.

Триипостаснаго Божества Един Сый от Тебе, Богоблагодатная, воплотися и Тя главизну спасения нашего показа, темже спаси, молим Тя со слезами, поющих и превозносящих имя Твое во веки.

В премирном ликующи свете, не презри нас, долу сущих во тьме земной, но, ликом Твоим призирающи, призри и матерним благоутробием на рабы Твоя и светом Сына Твоего, Владычице, отжени от нас мрачныя прилоги лукаваго.

Песнь 9

Ирмос: Всяк земнородный да взыграется, Духом просвещаемь, да торжествует же Безплотных умов естество, почитающее священное торжество Богоматере, и да вопиет: радуйся, Всеблаженная Богородице, Чистая Приснодево.

Радости виновна Ты еси и торжества нашего, Богородице, икона бо Твоя озаряет смысл наш к славословию и возбуждает пети Тебе: радуйся, Хранительнице наша; радуйся, твердое ограждение и спасение душ наших.

Собери разстоящая во едино, мир мирови рождшая, Православие утверди непоколебимо и вся ны соблюди непреткновенны быти во исповедании Сына Твоего, яко едина верных Помощница.

Тя, едину в женах Благословенную, мы, грешнии, поюще, молим: избави нас, Пречистая, от страстей греховных благодатию Сына Твоего и укрепи ны в заповедех Его ходити время прочее непорочно, спасающи в мире души наша.

Сердцем моим горя, пою Деву Богоотроковицу и недоумеваюся, благоволит ли пению устен грешника? Но, о Владычице Всеблагая, смиренно молю Тя: приими сию жертву хваления раба Твоего.

Светилен

Кто Сия, проницающая, аки утро, добра, яко луна, избранна, яко солнце? Сия храм одушевленный Небеснаго Царя, Сия палата Слова, Сия едина Чистая и Благословенная Мати Божия, Юже, поюще, величаем.

Тропарь, глас 1

Возсия нам, яко солнце светозарное от востока в велелепии, Твоя, Владычице, икона, озаряющи чудес сиянием преславно всех, выну приходящих к ней с верою и любовию и молящихся усердно Твоему, еже о Сыне Твоем и Бозе, величию. Слава Богу, Арсением сию давшему нам, слава возвратившему от Новаграда, слава действующему тою всем исцеления.

МОЛИТВЫ

Тропарь Пресвятой Богородице пред иконой Ея «Коневской»

глас 1

Возсия́ нам, я́ко со́лнце светоза́рное, от восто́ка в велеле́пии/ Твоя́, Влады́чице, ико́на,/ озаря́ющи чуде́с сия́нием пресла́вно/ всех, вы́ну приходя́щих к ней с ве́рою и любо́вию,/ и моля́щихся усе́рдно Твоему́, е́же о Сы́не Твое́м и Бо́зе вели́чию./ Сла́ва Бо́гу, Арсе́нием сию́ да́вшему нам,/ сла́ва возврати́вшему от Нова́града,// сла́ва де́йствующему то́ю все́м исцеле́ния.

Перевод: Воссияла нам, как яркое солнце, от востока в великолепии Твоя, Владычица, икона, озаряя дивно сиянием чудес всех, всегда приходящих к ней с верой и любовью, и молящихся с усердием Твоему величию в Сыне Твоем и Боге. Слава Богу, давшему нам эту икону через Арсения, слава Возвратившему ее из Новгорода, слава Подающему через нее всем исцеления.

Кондак Пресвятой Богородице пред иконой Ея «Коневской»

глас 8

Препросла́вленная Вы́шняго Ма́ти созыва́ет к песнопе́нию нас/ Своего́ о́браза прише́ствием от Нова́града/ и возбужда́ет зре́нием того́ на по́двиг,/ побежда́ти сопроти́вных си́лу,/ и к Ней, я́ко на́шея ра́дости вино́вней, пе́ти:// ра́дуйся, Неве́сто Неневе́стная.

Перевод: Превознесенная славой Мать Всевышнего созывает нас к молитвенному песнопению пришествием из Новгорода Своего образа и побуждает его созерцанием на подвиг, побеждать силу врагов, и к Ней, как виновнице нашей радости, воспевать: «Радуйся, Невеста брака не познавшая».

Молитва Пресвятой Богородице пред иконой Ея «Коневской»

О, Всеми́лостивая Госпоже́, Де́во Богоро́дице! Вонми́ смире́нному моле́нию моему́, и сокруше́нно ны́не предстоя́щаго о́бразу Твоему́ услы́ши глас. Вем бо, о, Соде́теля моего́ Ма́ти, я́ко Ты предста́тельство христиа́н непосты́дное и хода́тайство ко Творцу́ непрело́жное. Вем и сие́, я́ко беззако́ния моя́ превзыдо́ша главу́ мою́, и я́ко бре́мя тя́жкое отяготе́ша на мне, и уже́ несмь досто́ин ви́дети высоту́ Небе́сную, ниже́ воззре́ти ко Престо́лу сла́вы Сы́на Твоего́ и Бо́га на́шего, но досто́ин мук и ве́чнаго осужде́ния. Сего́ ра́ди к Тебе́ (со предстоя́щими ку́пно) припа́даю, Тя прошу́ умиле́нно, к Тебе́ со слеза́ми взыва́ю: сотвори́ к Нему́ ма́тернее Твое́ моле́ние, да не отве́ржет нас, гре́шных от лица́ Своего́: но я́ко Ми́лостив, да прости́т нам согреше́ния на́ша во́льная и нево́льная, на путь спасе́ния наставля́я нас, и свы́ше си́лою укрепля́я к творе́нию за́поведей Свои́х святы́х. Да сохрани́т нас от собла́знов ми́ра, от вожделе́ний грехо́вных, от ко́зней диа́вольских, и от нападе́ния ви́димых враго́в. Да благослови́т дела́ рук на́ших, подава́я оби́тели сей и вся́кому гра́ду и стране́ оби́лие благ земны́х. Да сотвори́т нам дни бла́ги и безмяте́жны, да огради́т ми́ром Це́рковь Свою́ святу́ю, и разстоя́щая да соедини́т той, я́ко благ Госпо́дь, Долготерпели́в и Многоми́лостив, от всея́ тва́ри со Отце́м и Святы́м Ду́хом сла́вимый во ве́ки веко́в. Ами́нь.  ( С сайта  https://azbyka.ru/days/ikona-konevskaja  )

Добавить комментарий

Ваш e-mail не будет опубликован. Обязательные поля помечены *