Страстная икона Божией Матери

Страстная икона Божией Матери
Страстная икона Божией Матери

Название  свое  Страстная  икона  Божией  Матери  получила  оттого,  что  подле  лика  Пресвятой  Богородицы  изображены  два  ангела  с  орудиями  страстей  Господних  ( губка,  копие  и  крест ).  Богородица  склонила  Свой  лик  к  Богомладенцу,  а  Он  прижимается  к  Матери,  как  бы  страшась  предстоящих  мук  на  Кресте.

Иконография:  Иконографический  тип  —  ОДИГИТРИЯ.  Иконография  «Страстной»  Одигитрии  получила  широкое  распространение  у  мастеров  итало — критской  школы,  как  православных,  так  и  католиков,  а  в  XVII  веке,  при  царе  Михаиле  Федоровиче,  появилась  и  в  России.

Страстная икона Божией Матери

История  образа:  Историю  прославления  Страстной  иконы  Божией  Матери  связывают  с  именем  крестьянки  Екатерины  из  села  Палицы  Нижегородской  губернии.

Сия  крестьянка,  выйдя  замуж,  сделалась  бесноватою  и  страдала  она  так  более  7  лет.  Она  скиталась  по  лесам,  бегала  людей,  нередко  покушалась  на  свою  жизнь.  Но  Господь  ее  хранил  через  добрых  людей.

Однажды  рассудок  на  короткое  время  вернулся  к  ней  и  она,  пав  на  колени  пред  образом  Божией  Матери,  стала  просить  избавить  ее  от  такого  бедствия,  давая  обет  по  выздоровлении  удалиться  в  монастырь.

Вскоре  она  получила  исцеление,  но  о  данном  обете  позабыла,  стала  благополучно  жить  с  мужем  и  детьми.  И  вот  однажды  во  время  молитвы,  она  вдруг  вспомнила  о  данном  ею  обещании  и  испугалась  до  такой  степени,  что  занемогла.

Ночью  в  ее  комнату  вошла  Дева,  сияющая  неизреченным  светом,  и  стала  ее  укорять,  что  та  так  быстро  забыла  о  том,  что  обещала.  Пресвятая  Богородица  наказала  ей  благовествовать  о  явлении  ей  Матери  Божией  и  передать  людям,  чтобы  жили  в  мире,  воздерживались  от  злобы,  зависти,  пьянства  и  всякой  нечистоты.

Екатерина  не  решилась  исполнить  завет,  за  что  была  наказана:  голова  ее  обратилась  в  сторону,  рот  искривился,  и  вся  она  впала  в  расслабление.  Однажды  в  тонком  сне  она  услышала  таинственный  голос,  повелевавший  ей  отправиться  в  Нижний  Новгород  к  иконописцу  Григорию.

После  молитвы  пред  написанным  им  образом  «Одигитрия»  больная  получит  исцеление,  но  она  должна  собрать  именем  Пресвятой  Богородицы  семь  серебряных  монет  и  отдать  их  иконописцу  на  украшение  образа.

На  этот  раз  Екатерина  исполнила  все,  что  ей  было  сказано.  Исцеление  она  получила  милостью  Божией  по  усердным  молитвам  пред  иконой   Божией  Матери.  С  того  времени  от  иконы  сей  стали  совершаться  бесчисленные  чудеса.

Слух  о  дивном  событии  дошел  до  князя  Бориса  Михайловича  Лыкова.  Князь  собрал  многочисленное  духовенство,  был  отслужен  молебен  пред  Страстной  иконой  Божией  Матери.  Чудотворную  икону  с  почетом  препроводили  в  село  Палицы  в  церковь  Косьмы  и  Дамиана.

В  1641  году  Страстная  икона  Божией  Матери  по  указу  царя  Алексея  Михайловича  была  перенесена  в  Москву.  На  месте  ее  сретения  у  Тверских  ворот  была  построена  церковь,  а  в  1654  году  устроен  здесь  девичий  монастырь,  называемый  Страстным.

Монастырь  был  закрыт  в  1925  году,  а  в  1937  полностью  разрушен.  На  месте  бывшей  монастырской  колокольни  в  1950  году  установили  памятник  Пушкину.  В  настоящее  время  решается  вопрос  о  возрождении  монастыря.

Чудотворная  Страстная  икона  уцелела  в  годы  лихолетья  и  находится  в  Воскресенском  храме  в  Сокольниках.

Молитвенная  традиция:  Пред  Страстной  иконой  Божией  Матери  молятся  о  помощи  в  недугах  телесных  и  душевных,  об  избавлении  от  мыслей  о  самоубийстве,  о  помощи  во  всяких  делах,  о  прощении  грехов,  об  исцелении  от  холеры,  при  слепоте  и  болезни  глаз,  при  расслаблении,  параличе,  и  от  пожара.

Празднование:  13  /  26  августа

Молитвы к Пресвятой Богородице перед Ея иконой, именуемой «Страстная»

 

Молитва первая перед иконой Богородицы Страстная

О Пресвятая Госпоже Владычице Богоро­дице, высши еси всех Ангел и Архангел, и всея твари честнейши, Помощница еси обидимых, ненадеющихся надеяние, убогих Заступница, печальных утешение, алчущих кормительница, нагих одеяние, больных ис­целение, грешных спасение, христиан всех поможение и заступление. Спаси, Госпоже, и помилуй раб Твоих, и преосвященные ми­трополиты, архиепископы и епископы, и весь священнический и иноческий чин, и благоверный правительствующий синклит, и военачальники, и градоначальники, и хри­столюбивое воинство и доброхоты, и вся православные христианы ризою Твоею чест­ною защити, и умоли, Госпоже, из Тебе без семене воплотившагося Христа Бога нашего, да препояшет нас силою Своею свыше, на не­видимыя и видимыя враги наша. О Всемило­стивая Госпоже Владычице Богородице, воздвигни нас из глубины греховныя и избави нас от глада, губительства, от труса и потопа, от огня и меча, от нахождения иноплемен­ных и междоусобныя брани, и от напрасныя смерти, и от нападения вражия, и от тлетвор­ных ветр, и от смертоносныя язвы, и от всякаго зла. Подаждь, Госпоже, мир и здравие ра­бом Твоим, всем православным христианом, и просвети им ум и очи сердечныя, еже ко спасению; и сподоби ны грешныя рабы Твоя, Царствия Сына Твоего, Христа Бога нашего: яко держава Его благословенна и препрославленна, со Безначальным Его Отцем, и с Пре­святым и Благим и Животворящим Его Ду­хом, ныне и присно и во веки веков. Аминь.

 

Молитва вторая перед иконой Богородицы Страстная

О, Пресвятая Владычице, Гос­поже Дево Богородице! Приими молитву и усердное поклонение пред  чудотворною иконою Твоею, милостиво посети смиренныя и грешныя рабы Твоя, не остави нас погибнути в гресех наших, буди Помощнице и За­ступнице всем православным христианам, и в час кончины жизни нашей предстательствуй, о Всенепорочная! Помилуй нас милостию Сына Твоего, Господа нашего Иисуса Христа и Твоим Матерним ходатайством удостой избавитися от вечныя смерти. Аминь.

Тропарь Пресвятой Богородице перед Ея иконой, именуемой  «Страстная»

Тропарь, глас 4

Днесь возсия неизреченно царствую­щему граду нашему Москве  икона Богоматере, и, яко светозарным солнцем, пришествием тоя озарися весь мир, Небесныя силы и души праведных мыслен­но торжествуют, радующеся, мы же, на ню взирающе, к Богородице со слезами вопием: о Всемилостивая Госпоже, Вла­дычице Богородице,  молися из Тебе воплощенному Христу, Богу нашему, да подаст мир и здравие всем христиа­ном по велицей и неизреченней Своей милости.

Икона Богоматери «Страстная»

_____________________________________________________

 

Акафист Пресвятой Богородице перед Ея иконой, именуемой «Страстная»

 

Кондак 1

Избранной Богом Владычице всей твари, благословенной Ма­рии Деве Богородице, приносим смиренное поклонение Святому Твоему образу. Ты же, о Пренепорочная, приими молитву недо­стойных раб Твоих, почитающих Крестныя страдания Сына Твоего и Бога нашего, со умилением зовущих Ти: Радуйся, Невесто Неневестная.

Икос 1

Ангели предсташа к держимому в объятиях Твоих Сыну Твоему и Богу нашему, показоваху орудия Крестныя, мы же со страхом поклоняемся страстем Сына Твоего, и зовем Ти: Радуйся, Архангелов удивле­ние; Радуйся, Тайн Божиих Служи­тельнице. Радуйся, яко Дух Святый найде на Тя и силаВышняго осени Тя; Радуйся, яко рожденный от Тебе есть Сын Божий. Радуйся, яко приснодевственное семя Твое сотре главу, гнездившагося в змии диавола; Радуйся, яко Тобою ад огорчися и смерть умертвися. Радуйся, Невесто Неневестная.

Кондак   2

Видяще, Пренепорочная, яко прииде Господь на землю, мило­сти ради, да постраждет за грехи верующих в Него и вопиющих Ему: Аллилуиа.

Икос 2

Разуме, Пренепорочная, глагол старца Симеона, Тебе же Самой в сердце пройдет оружие, да открыются от многих сердец помышления, тем со умилением зовем Ти: Радуйся, Херувимов Светлей­шая; Радуйся, вся скорби от Ирода и иудей приявшая. Радуйся, в пречистом рождест­ве Твоем сомнение от Иосифа понесшая; Радуйся, яко во яслех безсловесных Бога повила и по­ложила еси. Радуйся, яко Тя с Сыном и Богом не име где главу подклонити; Радуйся, яко Тобою человек бывает Бог, да Бог Адама соделает. Радуйся, яко Тобою превознесеся человеческое естество; Радуйся, Невесто Неневестная.

Кондак 3

Силою укрепляема благодат­ною свыше, претерпе всякую скорбь и тесноту, любезно объят Сына Своего, со Архангелы во­пиюще Ему: Аллилуиа.

Икос 3

Имуще святую икону Твою, «Страстную» именуемую, яко шипок благовонный и яко сокро­вище многоценное, приносим Ти смиренно поклонение, зовуще: Радуйся, Покровительнице оби­тели Страстной; Радуйся, изволившая святою иконою Твоею стати на месте сем. Радуйся, благочестивому царю внушившая устроить обитель иноческую; Радуйся, Стено нерушимая верных. Радуйся, инокиням Помощни­ца во спасении; Радуйся, о всем мире Молитвенница непреложная. Радуйся, Невесто Неневестная.

Кондак 4

Бурею греховною смущаеми и отягченнии сном нерадения, припадаем святой иконе Твоей, благодарим милостивое посеще­ние Твоею иконою на месте сем, поюще непрестанно Богу песнь: Аллилуиа.

Икос 4

Слышавше православнии людие града Москвы, яко повеле благочестивый царь принести икону нарицаемую «Страстною», сего ради и срете ю много народа с царем, патриархом Иовом и всем Священным Собо­ром, радостно возопиша: Радуйся, радость и спасение наше; Радуйся, Святыя Троицы Богогласная Горлице. Радуйся, воззвание страданий Христовых; Радуйся, спогребшая в страда­нии Сына Твоего. Радуйся, подтверждение всеоб­щего воскресения; Радуйся, высокий Кедре наше­го безсмертия. Радуйся, Невесто Неневестная.

Кондак 5

Боготечная звезда указует Тебе путь с Пренепорочным Младен­цем. Мы же мысленно со Иоси­фом на пути сем припадаем, поюще рожденному Господу и Тебе: Аллилуиа.

Икос 5

Видеши, Всенепорочная, наше сокрушение о гресех, не имамы иныя помощи, ни инаго предстательства, токмо Тебе дадеся благодать молитися за ны, сего ради с верою зовем: Радуйся, молитвами Твоими свобождающая нас пламене геенскаго; Радуйся, молившаяся за весь мир у Креста Христова. Радуйся, пламень страстей от человек отгоняющая; Радуйся, светом пречистыя ду­ши Твоея всех просвещающая. Радуйся, чистотою Твоею Ан­гелы удивившая; Радуйся, яко демоны трепещут от пречистаго имени Твоего. Радуйся, Невесто Неневестная.

Кондак 6

Предстояще у Креста Сына Твоего и Бога нашего, лютое оружие пройде душу Твою, егда распинаху Жизнодавца на лоб­ном месте, посреде двою разбойник, егда воини совлекоша ризы Его и метающие жребий о иматисме Его. Тогда разумная воин­ства пояху: Аллилуиа.

 

Икос 6

Возсиявши, яко светлая свеща, у Креста Сына Твоего, горяще любовию матернею, глаголюще: «Аще и страждеши на Кресте, но вем Тя, прежде денницы рожденна». Видевши Пречистая, яко вся тварь вопиет Ти: Радуйся, яко душею и телом предстоиши у Креста Зиждителю Твоему; Радуйся, до последняго часа смерти, с Господом не разлучав­шаяся. Радуйся, яко у Креста рекла еси: «Вся земля сорыдайте горце, Жизнеподатель зрится, яко мертв»; Радуйся, Подательница нам вечнаго радования. Радуйся, Невесто Неневестная.

Кондак 7

Хотящим воспевати страсти Сына Твоего, помози, Владычице, и не отрини молящихся пред чудотворною Твоею иконою и воспевающих из глубины души песнь: Аллилуиа.

Икос 7

Новую милость людем явила еси, Владычице, иконою Твоею, егда принесше ю честно людие во град Москву, донесше до врат Тверских, и, о чудо! Икона Твоя Святая ста неподвижно на месте сем, идеже ныне обитель Пречистому Твоему Имени. Радостно вопием Ти: Радуйся, Заступнице и При­бежище наше; Радуйся, всякия скорби и пе­чали отгнание. Радуйся, благословение всем концем земли; Радуйся, Невесто Неневестная.

Кондак 8

Странное и преславное чудо богатыя милости Твоея нам, не­достойным, являеши, и всем, с любовию притекающим к чудо­творней иконе Твоей и вопию­щим: Аллилуиа.

Икос 8

Вси роди блажат Тя, Пренепорочная, видя Тя страждущую и молящуюся при Крестном стра­дании Сына Твоего и вопиющую к Нему: «Из прободеннаго Твое­го ребра, сладчайший Сыне, источи безсмертие». Сего ради со умилением зовем Ти: Радуйся, безсмертныя жизни сподобляющая рабы Твоя; Радуйся, уготовляющая райския оби-тели благочестно        живу­щим. Радуйся, Ходатаице вечнаго радования почитающим Тя; Радуйся, спасение и заступление инокинь, призывающих Тя непрестанно. Радуйся, покрывающая Своею благодатию всю вселенную; Радуйся, Невесто Неневестная.

Кондак 9

Вся страждеши при Кресте и вопиеши к распятому Господу: «Грядеши на страсть волею, Сы­не, от страстей разреши Адама, и сущия от Адама, со беззакон­ными вменился еси, да от безза­кония спасеши человека, зовуща: Аллилуиа!»

Икос 9

Ветия многовещанныя не воз­могут воспеть страдания Твоя при Кресте. Ты же, о Пречистая, лице со власы терзающи и перси биюще, взывала еси: «Сыне, приими дух Мой и не остави Мене Едину». Мы же, недостойнии, умиленными гласы зовем Ти: Радуйся, помогающая верным в час смерти; Радуйся, сопровождающая всех христиан по лютым мытарствам. Радуйся, освобождающая нас от демонскаго удержания; Радуйся, Заступница христиан на Страшнем Суде Божием. Радуйся, Ходатаице всем хотя­щим получити христианскую кончину; Радуйся, Невесто Неневестная.

Кондак 10

Спасения прося нам, Пречи­стая, руки Твоя простерши, о многоблагоутробне Спасе, рекла еси, Страсти Твоя чтущих с пра­ведным разбойником Твоим учини и спаси, Милосердие, вопиющая Тебе: Аллилуиа.

Икос 10

Стена еси необоримая, мирови Прибежище, милости Сокровище, приими моления раб Твоих, предстоящих Святому образу Твоему и умильно зовущих Ти: Радуйся, обрадованная, вечно блажимая Богородице; Радуйся, грешным и смирен­ным известное Прибежище. Радуйся, дев и сирот Заступ­нице; Радуйся, людем крепкая По­мощнице. Радуйся, Святителем великое вразумление; Радуйся, благоговейных иереев Руководительнице. Радуйся, Невесто Неневестная.

Кондак 11

Пение умиленное и хвалу молебную сподоби приносити пред чудотворною иконою Твоею, Пресвятая Богоневесто, и не от­врати лица Твоего от поющих Ти и Богу во веки: Аллилуиа.

Икос 11

Яко светозарное солнце, возсия в храме нашем образ Твой, Страстная Богородице, освящая, сохраняя и спасая от бед всех страждущих и вопиющих с любовию: Радуйся, сохраняющая благо-датию Своею обитель иночеству­ющих; Радуйся, Помощнице крепкая борющимся со страстьми. Радуйся, обидимых и угнетен­ных Заступнице; Радуйся, нищих и убогих радование. Радуйся, больных исцеление и подкрепление; Радуйся, юных вразумление и наставнице. Радуйся, НевестеНеневестная.

Кондак 12

Благодать Твою ниспосли нам, Благословенная, почитающим Святую икону Твою, и покло­няющимся Пречестным Страстем Сына Твоего с верою поющих: Аллилуиа.

Икос 12

Поюще непрестанно пред Святою иконою Твоею, покло­няемся, величаем и со страхом лобызаем чудотворный образ Твой, радостно взывающе: Радуйся, вечное наше радование; Радуйся, воскресения нашего Сокровище. Радуйся, от рова страстей нас свобождающая; Радуйся, взыскание погибших и ума лишенных. Радуйся, исполняющая проше­ния верных; Радуйся, уповающим на Тя грехов прощение даруеши. Радуйся, Невесто Неневестная.

Кондак 13

О, Всепетая Мати, приими не­достойных раб Твоих молитву, призри на предстоящия люди пред чудотворной иконою Твоею и усердно поклоняющихся Пречистым Страстем Сына Твоего, просящих избавления от вечныя муки, вопиющих Тебе: Аллилуиа.

 

(Этот кондак читается трижды, затем икос 1  и кондак 1)

Добавить комментарий

Ваш e-mail не будет опубликован. Обязательные поля помечены *