Благоверный князь Андрей Боголюбский

Благоверный князь Андрей Боголюбский

Благоверный  князь  Андрей  Боголюбский  был  сыном  Юрия  Долгорукова  и  внуком  Владимира  Мономаха.  За  свое  пристрастие  и  горячую  любовь  к  Слову  Божию  он  получил  прозвище  Боголюбский  и  подкрепил  его  всей  своей  жизнью,  которую  завершил, приняв  мученический  венец. 

Благоверный  князь  Андрей  Боголюбский  занимает  особое  место  в  русской  церковной  истории.  Вслед  за  великим  просветителем  Русской  земли  святым  князем  Владимиром  он  во  многом  определил  пути  развития  русского  государства  и  Церкви. 

В  правление  Андрея  Боголюбского  (1157-1174  годы)  Владимиро-Суздальское  княжество  достигло  значительного  могущества  и  было  одним  из  сильнейших  на  Руси,  а  впоследствии  стало  ядром  современного  Российского  государства.  Летописцы  подчеркивают  редкий  для  того  сурового  времени  миротворческий  дар  святого  Андрея.

Василий  Ключевский  характеризовал  князя  как  отважного  воина,  который  в  разгаре  сечи  оказывался  в  самом  эпицентре  опасности,  не  замечал  даже,  когда  с  него  сбивали  шлем.  Но  благоверный  князь  Андрей  Боголюбский  умел  быстро  отрезвляться  и  становиться  осторожным  благоразумным  политиком,  осмотрительным  распорядителем.

В  1154  году  его  отец  Юрий  Долгорукий  стал  великим  князем  Киевским,  и  князь  Андрей  получил  в  удел  Вышгород  под  Киевом.  Вскоре,  по  знамению  чудотворной  иконы  Божией  Матери  из  Вышгородского  монастыря,  которую  князь  особенно  любил  и  почитал,  всегда  возил  с  собой,  он  тайно  выехал  в  направлении  Суздаля.

Недалеко  от  города  Владимира  ему  явилась  Богородица  со  свитком  в  правой  руке  и  приказала  поставить  Ее  чудотворный  образ  во  Владимире,  а  на  месте  Ее  чудесного  явления  построить  каменную  церковь  в  честь  Рождества  Пресвятой  Богородицы.  Здесь  позднее  был  основан  существующий  поныне  Боголюбский  монастырь.

Благоверный  князь  Андрей  Боголюбский,  призвав  лучшего  иконописца,  приказал  ему  изобразить  Пресвятую  Богородицу  в  том  молитвенном  виде,  в  каком  Она  явилась  ему.  Так  появилась  Боголюбская  икона  Божией  Матери.  А  привезенная  святым  благоверным  князем  чудотворная  икона  Божией  Матери  была  помещена  в  специально  построенном  для  нее  во  Владимире  Успенском  соборе.

Собор  этот  поражал  всех  своим  богатством  и  благолепием.  Святая  икона  с  той  поры  стала  называться  Владимирской  иконой  Божией  Матери,  не  раз  защищала  она  землю  русскую  от  врагов.  Чудеса,  совершаемые  Царицей  Небесной  через  этот  святой  образ,  навсегда  запечатлены  в  скрижалях  истории  нашего  великого  государства,  посему  икону  сию  часто  называют  хранителем  и  символом  Русского  государства.  

С  того  момента,  как  чудотворная  икона  волей  Пресвятой  Богородицы  обосновалась  во  граде  Владимире,  благодать  Божия  сошла  на  этот  маленький  городок.  Вскоре  он  стал  столицей  Северо-Восточной  Руси,  а  затем  и  всей  земли  Русской.  Благоверный  князь  Андрей  Боголюбский  постоянно  молился  перед  Владимирской  иконой  Божией  Матери  и  брал  ее  с  собой  в  походы.

Под  Владимиром  князь  заложил  город  Боголюбов,  являвшийся  основной  резиденцией  святого  благоверного  князя.  Покровительством  Владимирской  иконы  Божией  Матери  благоверный  князь  Андрей  Боголюбский  одержал  победы  над  волжскими  болгарами,  подчинил  себе  Киев  и  Новгород  в  борьбе  за  объединение  Руси.

Благоверный  князь  Андрей  Боголюбский  перенес  политический  и  церковный  центр  во  Владимиро-Суздальские  земли.  В  1170  году  страна  наконец  объединилась  под  его  властью.  Святой  Андрей  стал  великим  князем  Владимирским.  Он  проявил  себя  мудрым  и  милосердным  правителем,  унаследовав  эти  качества  от  своего  деда  великого  князя  Киевского  Владимира  Мономаха,  которого  он  горячо  чтил.

Но  противников  его  политике  было  предостаточно.  В  1174  году,  в  ночь  на  30  июня,  был  осуществлен  боярский  заговор,  к  которому  была  причастна  жена  Андрея  Боголюбского.  Заговорщики  похитили  предварительно  меч  князя,  всегда  висевший  у  его  изголовья,  прежде  принадлежавший  святому  Борису.  Вороги  ворвались  в  опочивальню  князя  и  нанесли  безоружному  Андрею  Боголюбскому  несколько  ран.

Тяжело  раненый,  но  оставшийся  в  живых,  благоверный  князь  Андрей  Боголюбский  вырвался  от  заговорщиков  и  стал  во  дворе  сзывать  охрану.  Никого  не  дождавшись,  он  упал  в  изнеможении  под  лестницей,  где  и  нашли  его  заговорщики  по  кровавому  следу.  Они  безжалостно  добили  раненого  князя. 

Тело  князя  долгое  время  лежало  на  улице,  пока  заговорщики  грабили  хоромы.  Потом  один  из  приближенных  князя,  киевлянин,  Кузьмище  Киянин  перенес  тело  убиенного  в  церковь.  Только  на  третий  день  после  гибели  благоверный  князь  Андрей  Боголюбский  был  отпет  игуменом  Арсением.  Тело  князя  было  перенесено  из  Боголюбова  во  Владимир  и  похоронено  в  Успенском  соборе.

Благоверный  князь  Андрей  Боголюбский 

Нетленные  его  мощи  были  обретены  в  1702  году.  В  этом  же  году  благоверный  князь  Андрей  Боголюбский  был  канонизирован  Русской  Православной  Церковью.  Мощи  Андрея  Боголюбского  пребывают  в  Андреевском  приделе  Успенского  собора  во  Владимире,  куда  они  вернулись  3  марта  1987  года  после  долгих  передач  по музеям,  нескольких  экспертиз,  и  переложены  в  раку  на  то  же  место,  где  они  находились  в  1174  году.

Плодотворной  была  и  литургическая  деятельность  святого  князя  Андрея.  Он  положил  начало  народному  почитанию  ростовских  угодников  Исайи  и  Леонтия,  мощи  которых  были  обретены  в  1162  году  в  Ростове.  По  почину  князя  было  установлено  празднование  Всемилостивому  Спасу  и  Пресвятой  Богородице  1  августа  (Медовый  Спас) — в  память  о  Крещении  Руси  святым  князем  Владимиром  и  в  память  победы  над  волжскими  болгарами  в  1164  году.

Благоверный  князь  Андрей  Боголюбский  учредил  праздник  Покрова  Божией  Матери — особенный  праздник  Русской  Православной  Церкви,  не  известный  ни  латинскому  Западу,  ни  греческому  Востоку.  Этот  праздник  воплощает  веру  святого  князя  и  всего  русского  народа  в  покровительство  Пресвятой  Богородицы  Русской  земле,  в  принятие  Матерью  Божией  Святой  Руси  под  Свой  омофор.

Святой  благоверный  князь  Андрей  Боголюбский  оставил  после  себя  и  литературные  церковные  труды:  он  участвовал  в  составлении  службы  Покрову  и  «Слова  на  Покров»,  им  написано  «Сказание  о  победе  над  болгарами…»,  «Молитва«,  внесенная  в  летопись  1196  года,  и  некоторые  другие.

Память:  4  /  17  июля,  23  /  6  июля,  10  /  23  октября

АКАФИСТ   святому  благоверному  князю  Андрею  Боголюбскому

Кондак 1

Возбранный воине Царя Небеснаго, великий княже земли Русския, избранный Господом и возлюбленный Богородицею, испроси, святе Андрее, предстоя у Престола всех Творца, да пробавит Всеблагий долготерпение Свое Отечеству нашему и ниспошлет нам разум и благочестие воспети деяния славнаго жития твоего, да зовем ти:

Радуйся, святый благоверный великий княже Андрее.

Икос 1

Яко Ангел Бога Вседержителя, свыше посланный на землю Русскую, чудно предызбранный Богоматерию быти верным строителем удела Ея на земли, явился еси, святе княже Андрее, и яко достойный преемниче святаго Владимира равноапостольнаго, с ним же ныне во Славе Небесней соцарствуя, приими от нас похвалы сицевыя:

Радуйся, царствия Православнаго любомудрый созидателю,

Радуйся, державы Русския добрый собирателю;

Радуйся, благолепия церковнаго дивный устроителю,

Радуйся, о народе своем ревностный рачителю;

Радуйся, храмами Бога Вышняго грады и веси чудно украсивый,

Радуйся, основание Руси Святой благочестными делы своими укрепивый;

Радуйся, святый благоверный великий княже Андрее.

Кондак 2

Видя Господь благочестие твое и усердие к службам церковным, яко посещению храмов от юности твоея усердно прилежал еси и тамо истово в смирении сердца моления Вышнему возносил еси, награди тя за благоговение многими добродетельми и мудрость монаршую дарова ти, да возможеши право правити народом своим и люди приводити ко спасению, во хвалении поя Богу: Аллилуиа.

Икос 2

Разумев премудре суету жития княжескаго, тщету и соблазны, стоящия на пути его, и памятующе слова Писания, яко неудобь имущим богатство во Царствие Божие внити, потщался еси милостыню нищим и убогим раздаяти, милосердием своим умилостивляя Всемилостиваго Бога, Иже преумножаше ти милости Своя Небесныя, помощь свыше Божественную посылая, да мы дивящеся вопием:

Радуйся, избранниче Господень боголюбимый и богославный,

Радуйся, рабе Божий верный и праведный;

Радуйся, христианине ревностный и благочестивый,

Радуйся, царю богоначальный и богомудрый;

Радуйся, правителю щедрый и милостивый,

Радуйся, воеводо добропобедный и доброхвальный;

Радуйся, святый благоверный великий княже Андрее.

Кондак 3

Слыша княже о велиих нестроениих в земли Киевстей, о междуусобиих, бранех и клятвопреступлениих, яко иде брат на брата и сродник на сродника своего, возмутися духом и нача молитися за Русь Святую, да избавит ю Господь от крамолы сия, вопия выну от чистаго сердца к Богу: Аллилуиа.

Икос 3

Имеюще молитву непрестанную во уме и сердцы своем, сохраняем бяше Спасителем от стрел вражиих и копий неприятельских в битвах и сражениих, ибо Господь храняше тя яко зеницу ока на дела великия и славныя, да прославиши ими имя Христово, славимое народом русским, восхваляющим тя:

Радуйся, Десницею Вышняго сохраняемый,

Радуйся, крилами ангельскими незримо ограждаемый;

Радуйся, врагов христианства попиравый,

Радуйся, доблественне нечестивых гордыню смирявый;

Радуйся, благочестием и молитвою в битвах побеждавый,

Радуйся, Христово имя житием своим прославлявый;

Радуйся, святый благоверный великий княже Андрее.

Кондак 4

Бурю внутрь помышлений имяше, святе Андрее, егда не хотяше долее оставатися во стольнем Киеве, идеже бе по повелению отца своего, но духом возгореся отъити в родную Суждальскую землю, отец же не дозволяше ти; ты же скорбя и сетуя, ночами молился еси в Вышеградстем соборе пред иконою Богоматери, да укажет ти како подобает право ступати, взывал: Аллилуиа.

Икос 4

Слыша, благоверный княже Андрее, от вышеградских жителей, яко сия чудотворная икона во храме со своего места схождаше и на воздусе среди церкви стояше, возгорелся душею еси, приемлюще сие знамение, яко благоволение Божие ти, изшед оттуду в путь свой отай, радуяся, неся с собою сокровище многоценное – многочудную икону Пресвятыя Богородицы, дерзновенное исшествие твое прославляем, глаголюще:

Радуйся, Богом на дела великия избранный,

Радуйся, иконою Богоматери на подвиги благословенный;

Радуйся, на путь истинный свыше наставленный,

Радуйся, Богодвижно из земли Киевския исшедый;

Радуйся, промыслом Божиим во град Владимир приведенный,

Радуйся, зачало Руси Московстей обустроивый;

Радуйся, святый благоверный великий княже Андрее.

Кондак 5

Яко Боготечная звезда бысть икона Богоматери на пути шествия твоего, святе Андрее, и чудо неизреченное от нея явися, егда отшедшу ти не на мнозе от града Владимира, кони, везшии икону, внезапу стаху, и никая же сила возможе подвигнути их с места того; ты же повелел еси тогда молебствие Богу служити и, припадши к образу Пречистыя, вопиял: Аллилуиа.

Икос 5

Виде внезапу свет неизреченный, иже осия в полунощи шатер княж, благоверный Андрее, паде долу в страсе и трепете, яко узре Самую Пресвятую Богородицу, явльшуюся ти молящемуся, призре бо Мати Божия на сокрушение сердца твоего, на любовь твою ко храмам и народу православному, и прорече ти словеса дивныя, повелевая икону во граде Владимире поставити и на месте сем храм во имя Своего Рождества основати и обитель иноком устроити, и посем моляшеся Пречистая явльшемуся во облацех Господу за место сие и Русь Святую пред очами твоими, показуя промышление велие о народе своем, сего видения сподобльшемуся, князю поем:

Радуйся, благоуветливо изволение Владычицы исполнивый,

Радуйся, обитель Боголюбимую на месте явления Богоматери основавый;

Радуйся, икону Пресвятыя Богородицы написати повелевый,

Радуйся, Боголюбивою икону сию наименовавый;

Радуйся, мнози храмы во имя Богоматери воздвигнувый,

Радуйся, Тою за благочестие возлюбленный;

Радуйся, святый благоверный великий княже Андрее.

Кондак 6

Проповедует доныне обитель Боголюбивая чудеса деяний твоих, яко Небесное повеление Богоматери исполняя, обитель и храм во славу Пречистой на месте явления Ея воздвигл еси и икону Боголюбивую, первую писанную на Руси в память видения сего, сотворити повелел еси, якоже и доселе вси молящиися пред нею с верою получают просимое, вопия в благодаре­нии Богу: Аллилуиа.

Икос 6

Возсия во стольнем граде Владимире святыня великая – чудотворная икона Пресвятыя Богородицы, рукама святаго евангелиста Луки написанная и твоима, княже Андрее, рукама, в сей град Богохранимый принесенная и тамо во храме, тобою воздвигнутом, поставленная на поклонение верным, иже и вопиют ти:

Радуйся, град Владимир благолепно украсивый,

Радуйся, тамо многочудную икону Владычицы поставивый;

Радуйся, иконою Владимирскою Русь державную благословивый,

Радуйся, икону сию нам в покров и ограждение даровавый;

Радуйся, ревностный Богородицы почитателю,

Радуйся, воли Ея усердный исполнителю;

Радуйся, святый благоверный великий княже Андрее.

Кондак 7

Хотяше, благоверный Андрее, земли разрозненныя во едино царствие соединити и единодержавно землею Русскою владети, да богатеет и преуспевает во славе и благочестии, укрепляше грады и веси, всюду храмы Господни созидая, да прославляют в них людие имя Божие, поя: Аллилуиа.

Икос 7

Новый Владимир-креститель земли северной обрелся еси, Богомудрый княже, приводя люди неверныя ко Христу Богу и церковное благолепие преумножая, памятовал еси слова Спасителевы: «Ищите прежде Царствия Божия и правды Его и вся сия приложится вам» и прилагаше Господь Руси вся земная, яже на потребу суть, не посрамляя упования твоего, еже восхваляем:

Радуйся, веру Православную до смерти своея сохранивый,

Радуйся, молитвою ко Господу чудеса сотворявый;

Радуйся, благолепие церковное паче всего возлюбивый,

Радуйся, устроением храмов богатство вечное себе стяжавый;

Радуйся, велемудренный зодчий и храмоздателю,

Радуйся, поспешествуемый силою Творца и Зиждителя;

Радуйся, святый благоверный великий княже Андрее.

 

Кондак 8

Странно бысть именитым сродницем твоим чудное житие твое, яко не о славе си, но первее о благоукрашении церковнем со всем тщанием прилежал еси и о величии Отечествия Православнаго рев­новал еси, сего ради и ополчися на тя враг рода человеча со приспешники своими, кии поношаху и клеветаху на тя, ты же по заповеди Христовой за злохулителей своих молился еси Богу, взывая: Аллилуиа.

Икос 8

Весь отдал еси ся на служение народу, ти от Бога врученному, покорил еси неверное царство Булгарское под нозе войска русскаго, возвеличив славу народа православнаго; прославлял еси Бога, даровавшего ти победу таковую, и в память сего праздник Всемилостиваго Спаса и Покрова Пресвятыя Богородицы праздновати повелел еси, еже мы до дне сего творяще в благодарении, вопием ти:

Радуйся, на поле брани знамение от иконы Спасовы узревый,

Радуйся, хвалу Спасителю в день победы над неверными праздновати повелевый;

Радуйся, нечестивых силою духа Православнаго победивый,

Радуйся, праздник Покрова Пресвятыя Богородицы устроивый;

Радуйся, Русь Святую Покрову Богоматери посвятивый,

Радуйся, на служение Дому Пресвятыя Богородицы житие свое положивый;

Радуйся, святый благоверный великий княже Андрее.

Кондак 9

Всяким добродетелям причастен явился еси, свят и праведен в житии обретыйся своем, сего ради сбыстся на тебе слово Святаго Евангелия «яко вси хотящии благочестно жити, гоними будут», но вся сия претерпевый, яко верный раб Христов, помози и нам сицевыя искушения претерпети и веру непоколебиму сохранити даже до кончины нашея, молящеся Подвигоположнику Богу: Аллилуиа.

Икос 9

Ветия мира сего недоумеваху, святе Андрее, како не любил еси застолий княжиих и пиров дружинных, уединяяся в Боголюбове, покоях своих и тамо моляся, тако и сынов своих во благочестии и страсе Божием возрастил еси, яко овы убо на поле брани за Веру и Отечество погибоша; един же, скончавшуся в возрасте юношестем, в лице святых обрелся еси, таковаго родителя почитающе восхваляем:

Радуйся, ибо плоды доброрасленны древа многоплоднаго сыны твоя обретошася,

Радуйся, яко нетленныя мощи сына твоего Глеба славу твою, яко отца его преумножают;

Радуйся, яко чада твоя прежде тя в Горний Иерусалим предъидоша да место упокоения ти уготовают,

Радуйся, яко оныя ныне сорадуются ти во Царствии Небеснем;

Радуйся, всем людем царствия твоего отец любвеобильный бывый,

Радуйся, мнозех неверных благочестным житием своим в веру обративый;

Радуйся, святый благоверный великий княже Андрее.

Кондак 10

Спасти хотя душу свою, не устрашился еси злых наветников, иже совещаша убийство на тя, якоже некогда Иуда на Господа, токмо вопиял еси убийцам своим: «Что вам зло сотворих или за кое дело благое закалаете мя, Горясеру, наемнику Святополкову, подобящеся, кровь бо моя пролитая отмстит на вас и сродницех ваших». О, княже-страстотерпче, восхваляя Укрепльшаго тя в час смертный, зовем: Аллилуиа.

Икос 10

Стеная и вопия, сшел еси по лестнице долу и спряташеся в нише столпа восходнаго, истекая кровию от лютых ран и язв, ихже злочестивии ти нанесоша, тщался еси стражу на помощь себе призвати, но услышаша глас твой убийцы окаяннии и нашедшу тя, отсекоша ти шуйцу твою, немилостивно удары секирами и мечи наносяще ти, и тако прикончиша тя; ты же с молитвою на устех душу чистую Господу Живодателю предал еси, страдания твоя восхваляюще, зовем:

Радуйся, врагами Христа и Отечествия Православнаго закланный,

Радуйся, от лжебратии преданный, умученный и убиенный;

Радуйся, в час смертный молитвы ко Господу возносивый,

Радуйся, убийцам своим вины не вменивый;

Радуйся, кровию своею грехи народа омывый,

Радуйся, житием своим землю Русскую прославивый;

Радуйся, святый благоверный великий княже Андрее.

Кондак 11

Пение Богу и Пресвятей Богородице доныне приносим, княже, во храмах, тобою воздвигнутых, памятующе слова Писания, тобою на деле исполненныя: «Стяжите себе сокровище на Небеси, идеже ни тля тлит и татие не подкопывают и не крадут»; стяжал еси себе, святе Андрее, сокровище таковое, имже нас грешных обогащаеши, молящихся Богу, тя прославльшему: Аллилуиа.

Икос 11

Светозарный луч света Божественнаго осени все житие твое, и чаяния славных деяний твоих сбышася послежде над Церковию и Отечеством, егда наказание Божие за крамолы княжия преста и воцарися царь един и самодержавием просия Русь Святая, имея ограждение велие – святую икону Владимирскую, пред нею же царие и патриарси поставляхуся и сего ради прославляху тя, княже, вопиюще:

Радуйся, стольный град Владимир благоустроивый,

Радуйся, славу государства Московскаго прознаменовавый;

Радуйся, Богом призванный на служение царское,

Радуйся, приснопеваемый устроителю державы Русския;

Радуйся, яко мощи твоя нетленны во храме, тобою воздвигнутом, почивают,

Радуйся, яко всем молящимся оныя чудеса источают;

Радуйся, святый благоверный великий княже Андрее.

Кондак 12

Благодать истекает от мощей твоих, яко всем притекающим к раце твоей, подаеши просимое, сего ради молим: не остави обители твоея и живущих в ней, не престай моляся за Русь Православную, да не погибнет люте в наказаниих, постигших ю, но да вопиет выну Богу: Аллилуиа.

Икос 12

Поюще всесвятую память твою, княже Андрее, прославляем и царя Николая, в день сей такожде руками слуг вражиих в жертву за грехи народа русскаго принесеннаго, ибо яко Господь Превечен сый, Начаток и Конец, все сущее и созданное в руце Своей выну содержащий, тако и вы, царие святии, житием своим и кончиною мученическою Господу уподобившиеся, яко первый и последний царство Русское, яко царство Божие на земли, промыслом Вышняго увенчали есте, сего ради мы грешнии, дивящеся неизследимым судьбам Божиим, вопием:

Радуйся, ныне с лики мученик сликовствующий,

Радуйся, с благоверными правители ныне спребывающий;

Радуйся, с праведными от века прославляемый,

Радуйся, со всеми святыми почитаемый;

Радуйся, у Престола Царя Славы предстоящий,

Радуйся, выну Господеви о нас молящийся;

Радуйся, святый благоверный великий княже Андрее.

Кондак 13

О, святый княже-страстотерпче Андрее! За Отечество Русское и веру Православную от слуг вражиих убиенный и умученный, но не оставивый предстательством своим народа своего и земли Русской, молися спастися нам и Царствия Небеснаго достигнути, идеже ты с прочими святыми князи и цари и всеми от века праведными чина всякаго, вопиеши к Богу в нескончаемей славе: Аллилуиа, Аллилуиа, Аллилуиа.

(Сей кондак глаголи трижды, посем икос 1 и кондак 1).

 

Молитва

благоверному великому князю Андрею Боголюбскому

О, святый благоверный великий княже Андрее! Страстотерпче и мучениче, рабе Божий верный и богославный, христианине истовый и богоревнивый, муже любодобродетельный и богомудрый, воине всечестный и воеводо доброхвальный, монарше богоизбранный и боголюбимый, правителю державный и дерзновенный! Русь Святую, на уделы и княжества разобщенную, хотевый во едино царство собрати и единодержавно ею правити, да непреоборима от враг истиннаго христианства пребудет; за сии деяния во славу и честь Бога Христианскаго и Царства Православнаго неповинне от рук беззаконных наемник – слуг антихриста убиенный и кровию своею основание Руси Святой с прочими князи-мученики освятивый и укрепивый, да во век непозыблима пребудет; даровавый Руси многочудныя иконы Богоматери и Тою паче многих иных за благочестие и Богопочитание возлюбленный; сыновей возрастивый, иже тя, отца земнаго своего, житием своим и Отца Небеснаго кончиною своею прославиша; обитель Боголюбивую основавый и мнози храмы воздвигнувый, в них же доселе молящеся мы, грешнии, просим твоего предстательства и Небесныя помощи: испроси, святе Андрее, у Господа Вседержителя милости богатыя обездоленному Царствию Русскому и отпущения многих и тяжких грехов народу Православному, да дарует Спаситель нам правителя тебе подобнаго, иже возмогл бы возродити Отечествие наше земное и ко Отечествию Небесному привести нас, идеже ты ныне, княже, во Славе Невечерняго Света предстоя со всеми святыми, восхваляеши в Троице славимаго Бога Отца и Сына и Святаго Духа, ныне и присно и во веки веков. Аминь.

 

Тропарь, глас 8:

Яко благоверен и праведен, / за любовь Христа Бога от своих смерть приял еси, / кровь свою пролияв, / якоже прежде сродницы твои и страстотерп­цы Борис и Глеб,/ ихже кровем совопиет и твоя кровь, святе, к Богу, / якоже Авеля и Захарии праведных, / благоверный страстотерпче, великий княже Андрее, / с нимиже Христа Бога моли о стране нашей, еже Богоугодней быти // и сыновом российским спастися.

Кондак, глас 8:

В мире сем благочестно и праведно пожив, молитвою, милостынею и благостраданием Богу угодил еси, / сего ради и Бог по убиении твоем прослави тя нетлением и чудесы, / Егоже, святе Андрее, моли сохранити отечество твое // и всех людей, благочестно тебе почитающих.

Величание

Величаем Тя, / святый благоверный великий княже Андрее, / и чтим святую память Твою, / Ты бо молиши за нас // Христа Бога нашего.

Акафист  с  сайта  Свято-Боголюбского  женского  монастыря  https://www.sv-bogolubovo.ru/word/molitvy/akafist-blgv-vel-knyazyu-andreyu-bogolyubskomu.html

Добавить комментарий

Ваш e-mail не будет опубликован. Обязательные поля помечены *