Святой мученик Трифон Апамейский, Никейский — христианский святой, пострадавший за веру во время царствования императора Деция Траяна.
Житие: Святой мученик Трифон родился около 232 года в одной из областей Малой Азии — Фригии — в селе Кампсада возле города Апамея-Кибот. Ныне это городок Динар в Турции, в двухстах километрах от прибрежной Анталии и в трехстах от Мир Ликийских (ныне городок Демре). По другой версии святой родился около 250 года в Лампсаке, Мизия, Никея.
Скромные и благочестивые родители привили ему любовь к святым евангельским добродетелям. Был святой мученик Трифон простым пастухом гусей, жил богоугодно и с юных лет Господь даровал ему силу изгнания бесов и исцеления болезней.
В Великих Четьях — Минеях святителя Макария Московского рассказывается о множестве чудес, совершенных святым Трифоном еще в детстве. Святитель Димитрий Ростовский также повествует о совершенных святым чудесах, об особой благодати Божией, почивающей на нем.
По греческим евхологиям, однажды святой мученик Трифон своей молитвой изгнал с полей вредных гадов и насекомых и спас тем самым жителей Кампсады от голода. Известен также случай, когда яростный бес вселился в дочь императора Гордиана III (238-244 гг). Император был идолопоклонником, однако христиан активно не преследовал.
Император призывал на помощь врачей и магов, но ни те, ни другие ничем не могли помочь царевне. Устами беснующейся девушки дьявол заявил, что только отрок Трифон может изгнать его. Гордиан тут же отправил гонцов по всей империи на поиски целителя. Его нашли, когда он мирно пас гусей. Святому отроку было тогда семнадцать лет.
Злой дух вышел из бедной царевны, когда праведник только подходил к городу. Силой молитвы святой мученик Трифон заставил беса предстать перед жителями в виде отвратительного черного пса и признать, что, будучи орудием сатаны, отца всякого зла, ни он, ни его приспешники не имеют никакой власти над христанами, ведущими праведную жизнь, кроме случаев особого попущения Божия.
А вот те, кто творит приятные, угодные демонам дела, то есть грехи — попадают в их полную власть. Признательный император щедро одарил Трифона, который по дороге домой раздал все подарки бедным. Дома он снова в мире занялся привычным делом, творя чудеса и расточая божественные благословения.
В правление императора Деция Траяна, гонителя христиан, святой мученик Трифон был схвачен и предан суду. Предание сохранило мудрые и смелые ответы святого на неправедном том суде. «В жизни я руковожусь свободною своею волею, служа единому только Христу. Христос — вера моя, Христос — похвала моя, и венец славы моей».
Святой мученик Трифон с равным презрением относился и к лести и к угрозам правителя. Дерзновенные ответы святого и его непоколебимая вера привели епарха в ярость, и он приказал предать его жестоким мучениям. Но никакие самые изошренные пытки не могли сломить дух святого мученика.
Любовь ко Христу превратила страдания мученика в божественное наслаждение, поэтому толпа взирала на пытки с благоговением. Святой мученик Трифон переносил все муки с радостью, молясь о своих палачах. Вдруг венец из цветов и драгоценных камней спустился с неба на его голову.
Беспомощный и посрамленный правитель приказал обезглавить святого за городом. Но еще до того, как палач ударил смертоносным мечом, святой мученик Трифон предал свою душу Богу. Произошло это в Никее. Никейские христиане поспешили почтить бесценные останки мученика, однако святой, явившись им, открыл, что ему надлежит быть похороненным на родине.
Святой мученик Трифон был предан земле в Кампсаде. Там за века он сотворил множество чудес. Он широко почитался в Византии. С принятием христианства на Руси почитание святого пришло и в ее пределы. Именем Трифон русские люди называли часто сыновей, в честь святого было построено множество храмов.
Святой мученик Трифон пользовался почти таким же почитанием на Руси, как святой мученик Георгий и святитель Николай Чудотворец. Широко известно предание о том, что некогда сокольничий Иоанна Грозного по имени Трифон, а по фамилии Патрикеев, во время охоты подле села Напрудного упустил любимого царского сокола, вызвав гнев государя.
Сокольничему было приказано в три дня отыскать сокола, иначе он заплатит за свою вину головой. Потратив три дня на безуспешные поиски, сокольничий, вконец утомившись, помолясь своему небесному покровителю Трифону, уснул на берегу Великого пруда.
Во сне сокольничему явился святой мученик Трифон на коне с соколом на руке. Проснувшись сокольничий увидел неподалеку на дереве пропавшего сокола и вернул его государю, тем самым он был спасен. Благодарный за свое спасение, на том самом месте, где ему явился святой мученик Трифон, он построил обетную церковь.
Чудо это было запечатлено на одной из древних фресок, которая в ХХ веке была срезана и перевезена в Третьяковскую галерею. Поэтому на Руси появилась новая иконописная традиция изображения святого мученика Трифона с соколом на руке и на коне.
Честные мощи святого мученика, по его личной воле, были погребены в его родном городе Кампсаде. Затем они были перенесены в Константинополь, а оттуда в Рим. В Которском соборе в Черногории хранится честная глава мученика. Святой мученик Трифон считается покровителем этого города, что нашло свое отражение даже на городском гербе, утвержденном 16 февраля 2009 года.
В 1803 году часть мощей из Которского собора была привезена в Россию. Главным местом почитания святого угодника Божиего в Москве был именно храм в Напрудном. Сюда и были переданы в 1819 году императором Александром I частицы мощей из Черногории. Они были помещены в три дорогих ковчежца, вмонтированных в икону.
После того, как в 1932 году часть пристроек этого храма была уничтожена, драгоценную икону с частицами мощей святого мученика Трифона перенесли в храм иконы Знамения Божией Матери в Переяславской слободе. Здесь они находятся и поныне.
Другая икона с мощами находится в Марьинорощинском храме «Нечаянной радости«. Частичка мощей находится в храме в честь Корсунской иконы Божией Матери в селе Корсунь Орловской области.
Молитвенная традиция: Святой мученик Трифон считается помощником всем страждующим от злых духов. Ему молятся охотники и рыболовы о ниспослании богатой добычи и защиты от диких зверей. К святому обращались невинно осужденные, оклеветанные, прося об избавлении от незаслуженных наказаний, об усмирении обидчиков и недоброжелателей.
В Сербии и Болгарии святой мученик Трифон почитается покровителем виноградарей. Согласно еще одной народной традициии, ему молятся об избавлении от змей, грызунов (крыс и мышей), вредных насекомых, всевозможных полевых и садовых вредителей.
Молятся святому мученику также о помощи в семейных проблемах (о налаживании отношений с близкими), в поиске работы и при трудностях с жильем, в случае потери ценных вещей, для их обретения.
В своей книге «Небесный огонь» Олеся Николаева описывает случай из своей жизни, свидетельствующий о помощи святого в серьезной для их семьи ситуации.
В молитвах святому, как и любому другому подвижнику, обращаются с любыми прошениями, лишь бы молитва совершалась с верой, а предмет прошения был бы действительно полезен душе просящего.
Память: 1 / 14 февраля.
Наши прадеды называли этот день Трифоновым днем, Трифоном-морозом, Трифоном-перезимником, Трифоном-звездопадом. Народ связал праздник в память святого Трифона с природными особенностями этого времени года, когда, как считалось, зима встречается с весной.
Тропарь, глас 4:
Мученик Твой, Господи, Трифон, во страдании своем венец прият нетленный от Тебе Бога нашего: имеяй бо крепость Твою, мучителей низложи, сокруши и демонов немощныя дерзости. Того молитвами спаси души нашя.
Ин тропарь, глас 4:
Пи́щи Боже́ственныя, треблаже́нне,/ наслажда́яся на Небесе́х неоску́дно,/ сла́вящих пе́сньми па́мять твою́ покры́й/ и сохрани́ от вся́кия ну́жды,/ отжени́ вредя́щих ни́вам живо́тных,/ да тебе́ от любве́ вопие́м всегда́:// ра́дуйся, Три́фоне, му́чеников укрепле́ние.
Кондак, глас 8:
Троическою твердостию многобожие разрушил еси от конец всеславне, честен во Христе быв, и победив мучителей во Христе Спасителе, венец приял еси мученичества твоего, и дарования божественных исцелений, яко непобедимь.
Величание (общее):
Мученик Твой, Господи, Трифон, во страдании своем венец прият нетленный от Тебе, Бога нашего: имеяй бо крепость Твою, мучителей низложи, сокруши и демонов немощныя дерзости. Того молитвами спаси дшии наша.
Молитва мученику Трифону Апамейскому
О, святы́й му́чениче Христо́в Три́фоне, ско́рый помо́щниче и всем к тебе́ прибега́ющим и моля́щимся пред святы́м твои́м о́бразом скоропослу́шный предста́телю! Услы́ши ны́не и на вся́кий час моле́ние нас, недосто́йных рабо́в твои́х, почита́ющих святу́ю па́мять твою́ во всечестне́м хра́ме сем, и предста́тельствуй о нас пред Го́сподем на вся́ком ме́сте. Ты бо, уго́дниче Христо́в, в вели́ких чудесе́х возсия́вый, источа́яй цельбы́ притека́ющим к тебе́ с ве́рою и су́щия в ско́рбех челове́ки заступа́яй, сам обеща́лся еси́ пре́жде исхо́да твоего́ от жития́ сего́ тле́ннаго моли́тися за ны ко Го́споду и испроси́л еси́ у Него́ дар сей: а́ще кто в како́й-ли́бо ну́жде, печа́ли и боле́зни душе́вней или́ теле́сней призыва́ти на́чнет свято́е и́мя твое́, той да изба́влен бу́дет от вся́каго прило́га зла́го. И я́коже ты иногда́ дщерь царе́ву, в Ри́ме гра́де от диа́вола му́чиму, исцели́л еси́, си́це и нас от лю́тых его́ ко́зней сохрани́ во вся дни живота́ на́шего, наипа́че же в день после́дняго на́шего издыха́ния предста́тельствуй о нас. Бу́ди нам тогда помо́щник и ско́рый прогони́тель лука́вых духо́в, и к Ца́рствию Небе́сному предводи́тель. И иде́же ты ны́не предстои́ши с ли́ки святы́х у Престо́ла Бо́жия, моли́ Го́спода, да сподо́бит и нас прича́стники бы́ти присносу́щнаго весе́лия и ра́дости, да с тобо́ю ку́пно прославля́ем Отца́ и Сы́на и Свята́го Уте́шителя Ду́ха во ве́ки. Ами́нь.
Молитва вторая мученику Трифону Апамейскому
О, святы́й му́чениче Христо́в Три́фоне, услы́ши ны́не и на вся́кий час моле́ние нас, раб Бо́жиих (имена), и предста́тельствуй о нас пред Го́сподем. Ты не́когда дщерь царе́ву, во гра́де Ри́ме от диа́вола му́чиму, исцели́л еси́: си́це и нас от лю́тых его́ ко́зней сохрани́ во вся дни жития́ на́шего, наипа́че же в день после́дняго на́шего издыха́ния предста́тельствуй о нас. Моли́ Го́спода, да сподо́бит и нас прича́стники бы́ти присносу́щнаго весе́лия и ра́дости, да с тобо́ю ку́пно удосто́имся сла́вити Отца́ и Сы́на и Свята́го Уте́шителя Ду́ха во ве́ки веко́в. Ами́нь.
Акафист мученику Трифону Апамейскому
Кондак 1
Избра́нный от Бо́га и к ли́ку святы́х сопричте́нный, святы́й мучениче Три́фоне! Моли́ся о нас, гре́шных, Влады́це Христу́ и помога́й нам побежда́ти мир, плоть и диа́вола, многообра́зно вою́ющия на ны, я́коже победи́л еси́ их благода́тию и си́лою возлю́бленнаго тобо́ю Христа́, да, изба́вльшеся от враго́в на́ших ви́димых и неви́димых, благода́рственно воззове́м ти:
Ра́дуйся, Три́фоне, ско́рый помо́щниче всем, с ве́рою и любо́вию к тебе́ притека́ющим!
Икос 1
О́бразу благоче́стия роди́телей твои́х подража́я, христиа́нския нра́вы от лет ма́лых прия́л еси́, святы́й мучениче, и мал сый ле́ты, стар же ра́зумом, вои́стину христиа́нин соверше́н яви́лся еси́. Мы же, воспомина́юще доброде́тельное житие́ твое́, восхваля́ем тя си́це:
Ра́дуйся, добронра́вных роди́телей благочести́вый сы́не; ра́дуйся, вели́кое их утеше́ние.
Ра́дуйся, А́нгела твоего́ Храни́теля непреста́нное весе́лие; ра́дуйся, от ю́ности твоея́ всего́ себе́ Бо́гу преда́вый.
Ра́дуйся, от ю́ности Христа́ возлюби́вый; ра́дуйся, от ма́лых лет благода́ть Бо́жию оби́льно стяжа́вый.
Ра́дуйся, ду́шу свою́ непоро́чну яви́вый; ра́дуйся, себе́ самаго́ в храм Ду́ха Свята́го угото́вавый.
Ра́дуйся, о́троком о́браз жития́ свята́го показа́вый; ра́дуйся, благоче́стием твои́м ве́рныя возвеселя́яй.
Ра́дуйся, от ма́лых лет за вся сия́ Бо́гом возлю́бленный.
Ра́дуйся, Три́фоне, ско́рый помо́щниче всем, с ве́рою и любо́вию к тебе́ притека́ющим.
Кондак 2
Ви́дя Госпо́дь, я́ко во́лею по стези́ благоче́стия, в не́мже от роди́телей твои́х наста́влен был еси́, тече́ши, и я́ко вои́стину лю́биши Бо́га, сотвори́ тя в жили́ще Свята́го Ду́ха от лет ма́лых и отве́рзе уста́ твоя́ пе́ти Ему́: Аллилу́иа.
Икос 2
Си́лу ве́ры твоея́ показу́я, Влады́ка Христо́с дарова́ тебе́, святы́й мучениче, еще́ о́троку бы́вшу, дар чудотворе́ний, сего́ ра́ди вопие́м ти:
Ра́дуйся, от ма́лых лет соверше́нную любо́вь к Бо́гу показа́вый; ра́дуйся, за́поведей Его́ не то́кмо слы́шатель, но и де́латель от младе́нчества бы́вый.
Ра́дуйся, от ю́ности твоея́ доброде́тели христиа́нския стяжа́вый; ра́дуйся, от ма́лых лет житие́м, ве́рою и любо́вию твое́ю Бо́гу угоди́вый.
Ра́дуйся, дар исцеле́ний от Него́ прия́вый; ра́дуйся, дар той на по́льзу бли́жним иждива́ющий.
Ра́дуйся, многоразли́чныя боле́зни исцеля́ющий; ра́дуйся, в неду́зех облегче́ние да́рующий.
Ра́дуйся, страда́ния в ра́дость обраща́ющий; ра́дуйся, исцеле́ния сия́ во сла́ву Бо́жию соверша́ющий.
Ра́дуйся, те́ми и́стину ве́ры правосла́вныя показу́ющий; ра́дуйся, те́ми нас к славосло́вию Бо́га возбужда́ющий.
Ра́дуйся, Три́фоне, ско́рый помо́щниче всем, с ве́рою и любо́вию к тебе́ притека́ющим.
Кондак 3
Ве́рою и любо́вию стяжа́л еси́ от Бо́га власть изгоня́ти ду́хи нечи́стыя, му́чащия челове́ки и претя́щия им воспева́ти Бо́гу: Аллилу́иа.
Икос 3
Ви́дя дарова́нную ти, святы́й мучениче, си́лу Бо́жию, вспять бежа́ша де́мони, и́миже одержи́ми бя́ху беснова́тии лю́дие. Ви́дящии же сия́, воспева́ху ти си́це:
Ра́дуйся, от Бо́га власть на нечи́стыя ду́хи прия́вый; ра́дуйся, си́лою Бо́жию сих изгоня́ющий.
Ра́дуйся, врагу́ челове́ческому вреди́ти лю́дем возбраня́ющий; ра́дуйся, ко́зни диа́вола и а́нгелов его́ разруша́ющий.
Ра́дуйся, си́лу их низлага́ющий; ра́дуйся, безси́лие их явля́ющий.
Ра́дуйся, стра́хом и тре́петом их поража́ющий; ра́дуйся, ве́ры Христо́вы си́лу показу́ющий.
Ра́дуйся, ве́рных к прославле́нию Бо́га воздвига́ющий; ра́дуйся, в беда́х и ско́рбех су́щих прибега́ти к предста́тельству святы́х наставля́ющий.
Ра́дуйся, в ну́ждах на́ших обраща́тися к Бо́гу науча́ющий; ра́дуйся, помо́щниче наш, Бо́гом нам дарова́нный.
Ра́дуйся, Три́фоне, ско́рый помо́щниче всем, с ве́рою и любо́вию к тебе́ притека́ющим.
Кондак 4
Восхоте́в тобо́ю обрати́ти язы́ки от пути́ нече́стия и откры́ти им путь и́стинный, веду́щий в Живо́т Ве́чный, си есть ве́ру и́стинную, ве́ру правосла́вную, да́же до Ри́ма из Компса́ды приведе́ тя Госпо́дь, да и в черто́гах ца́рских пропове́си Бо́га и та́мо мно́гия научи́ши пе́ти Ему́: Аллилу́иа.
Икос 4
Хотя́й обрати́ти мно́гия на путь спасе́ния, попусти́ Госпо́дь де́мону всели́тися в дщерь царе́ву, и жесто́ко му́чити и вверга́ти ю многоча́стне во огнь и во́ду. Враче́ве ничто́же успева́ху и ничи́мже страда́ния дще́ри царе́вой утоли́ти возмого́ша. Егда́ же и си́льнии ми́ра сего́ и вся́кую враче́бную хи́трость ве́дущии ничто́же возмого́ша и испове́даху не́мощь свою́, тогда́ веле́нием Бо́жиим проглаго́ла диа́вол, я́ко еди́н есть, и́же изгна́ти его́ и́мать, и се есть Три́фон. Тогда́ приле́жно иска́ху и обрето́ша его́ в Компса́де. Гряду́щу же ему́ и еще́ дале́че от Ри́ма су́щу, возопи́ гла́сом ве́лиим диа́вол и изы́де, и исцеле́ деви́ца. Ви́дящии сия́ дивля́хуся и глаго́лаху:
Ра́дуйся, Три́фоне, еще́ дале́че су́щий в бе́гство диа́вола обрати́вый; ра́дуйся, я́ко диа́вол безси́лие пред тобо́ю испове́да.
Ра́дуйся, моля́щимся тебе́ ско́рый помо́щниче; ра́дуйся, неду́гов си́лою Бо́жию цели́телю.
Ра́дуйся, оста́вленных врача́ми на свои́ ру́це прие́млющий; ра́дуйся, печа́ли на ра́дость пременя́ющий.
Ра́дуйся, печа́льным утеше́ние и скорбя́щим ра́дование посыла́ющий.
Ра́дуйся, Три́фоне, ско́рый помо́щниче всем, с ве́рою и любо́вию к тебе́ притека́ющим.
Кондак 5
Ви́деша ве́рнии, и́же в Ри́ме, чу́до, прише́ствием твои́м бы́вшее, укрепи́шася в ве́ре свое́й и воспе́ша Бо́гу, победи́вшему а́дскаго зми́я и да́рующему ве́рующим в Него́ такову́ю си́лу: Аллилу́иа.
Икос 5
Увере́ния ища́, тебе́ прише́дшу в Рим, святы́й Три́фоне, я́ко ты еси́ той, его́же убоя́ся де́мон, моли́ тя импера́тор Гордиа́н, да яви́ши и ему́ и синкли́ту его́, и лю́дем в чу́вственнем ви́де диа́вола, и не отре́клся еси́, но, возложи́в на ся пост, помоли́ся Го́споду дний шесть. В день же седьмы́й, прише́дшим царю́, синкли́ту и лю́дем, возопи́л еси́: «Тебе́ глаго́лю, душе́ нечи́стый, во и́мя Го́спода моего́ Иису́са Христа́ яви́ся се́мо и покажи́ свой де́монский о́браз зде су́щим, и безси́лие свое́ испове́ждь…». И бысть та́ко. И зря́ху вси безобра́зие де́монское и дивля́хуся ве́ре свята́го, вопию́ще:
Ра́дуйся, Три́фоне, его́же де́мони ослу́шатися не мо́гут; ра́дуйся, Три́фоне, по его́же веле́нию ду́си нечи́стии в теле́снем ви́де явля́ются.
Ра́дуйся, Три́фоне, си́лою Бо́жиею повеле́вый диа́волу испове́дати, я́ко на христиа́ны, и́же святу́ю правосла́вную и апо́стольскую ве́ру соде́ржат, вла́сти не и́мать; ра́дуйся, Три́фоне, ему́же возве́щено бысть, я́ко де́мони власть и́мут му́чити то́кмо тех, и́же свои́м по́хотем грехо́вным сле́дуют и де́ла, уго́дная диа́волу, творя́т.
Ра́дуйся, Три́фоне, я́ко научи́л еси́ нас бе́гати язы́ческаго нече́стия; ра́дуйся, Три́фоне, я́ко науча́еши всех бе́гати вся́каго греха́, в доброде́телех же подвиза́тися.
Ра́дуйся, ве́ру правосла́вную тве́рдо содержа́ти наставля́яй нас; ра́дуйся, хотя́щим благоче́стно жи́ти помога́яй.
Ра́дуйся, Три́фоне, ско́рый помо́щниче всем, с ве́рою и любо́вию к тебе́ притека́ющим.
Кондак 6
Ви́девше, ка́ко мла́до отроча́ повелева́ет вла́стно духово́м зло́бы поднебе́сным, убоя́хуся мно́зи, и слы́шаще от де́мона и ви́дяще воо́чию, якову́ си́лу и́мать ве́ра Христо́ва, обрати́шася к Бо́гу; нече́стие же и про́чая заблужде́ния своя́ отло́жше, крести́шася и усты́ свои́ми от се́рдца чи́ста благода́рственно воспе́ша Бо́гу песнь: Аллилу́иа.
Икос 6
Благодаря́ще тя, царь вложи́ в ру́це твои́, мучениче, да́ры и зла́то, ты же, Христа́ Бо́га приобреты́й, ни во что же вмени́л еси́ вся, я́же в ми́ре сем я́ко бла́га почита́ются, и прия́л еси́ да́ры царе́вы, да послужи́ши си́ми бли́жним твои́м, и шед во оте́чество твое́ Компса́ду, дал еси́ вся ни́щим, си́рым и всем в нужде́ су́щим, непреста́нно па́мятуя, я́ко расточи́в бога́тство земно́е, тле́нное, собере́ши себе́ на Небеси́ бога́тство нетле́нное, ве́чное. Мы же, науча́емии тобо́ю та́кожде твори́ти, вопие́м ти си́це:
Ра́дуйся, Три́фоне, ду́шу свою́ чу́жду сребролю́бия показа́вый; ра́дуйся, милосе́рдие души́ твоея́ вы́ну явля́яй.
Ра́дуйся, ни́щих пита́тель бы́вый; ра́дуйся, неиму́щим сострада́ние показа́вый.
Ра́дуйся, за́поведь Христа́ «Прося́щему у тебе́ дай» испо́лнивый; ра́дуйся, и нас исполня́ти за́поведи Бо́жии научи́вый.
Ра́дуйся, я́коже ше́ствием в Рим и возвраще́нием свои́м в Кампса́ду мно́гих уте́шивый, ободри́вый и возвесели́вый; ра́дуйся, показа́вый нам о́браз, ка́ко бога́тством ги́бнущим на земли́ неги́блющее бога́тство на Небеси́ собира́ти.
Ра́дуйся, бли́жним служи́ти нас науча́ющий; ра́дуйся, бли́жних люби́ти нас наставля́ющий.
Ра́дуйся, о́браз жития́ праведнаго нам показу́ющий; ра́дуйся, я́ко пра́вило ве́ры в Бо́га, наде́жды на Него́, любве́ к Нему́ и бли́жним и про́чих христиа́нских доброде́телей яви́ нам собо́ю.
Ра́дуйся, Три́фоне, ско́рый помо́щниче всем, с ве́рою и любо́вию к тебе́ притека́ющим.
Кондак 7
Взы́де на престо́л ри́мский нечести́вый царь Де́кий, и пролия́ся по вселе́нней кровь христиа́нская. Прибли́жися вре́мя, егда́ и тебе́, святы́й мучениче, суди́ Госпо́дь подъя́ти страда́ния, да кро́вию и му́ченичеством свои́м запечатле́еши ве́ру и вели́кую свою́ любо́вь к Бо́гу и тем до конца́ низложи́ши сопроти́вныя си́лы и наста́виши мно́гих, да гряду́т на муче́ния, ра́дующеся, я́коже и ты, страстоте́рпче, и пою́ще Бо́гу: Аллилу́иа.
Икос 7
Я́ко укры́тися не мо́жет град верху́ го́ры стоя́й, та́ко и тебе́, святы́й мучениче, гоне́нию от Де́кия царя́ на христиа́н бы́вшу, невозмо́жно бысть укры́тися от мучи́телей, и́бо ты, я́ве без стра́ха Христа́ всем исповедав, си́лою сло́ва обраще́ние мно́гих ко Христу́ устро́ил и мно́гия в неду́зех и́менем Его́ исцели́л еси́. Уве́девше же о тебе́, святы́й Три́фоне, иге́мон Аквили́н, взя тя и пред суди́щем поста́ви, ты же вся гряду́щая на тя в ру́це Бо́га твоего́ преда́л еси́, ра́дуяся я́ко и тя сподо́би Госпо́дь быти о́бщника страда́ний Его́, и ве́рнии, ви́дяще ре́вность твою́ по Бо́зе, вопия́ху ти:
Ра́дуйся, Три́фоне, ко спасе́нию мно́гих приведы́й; ра́дуйся, мно́гих от злове́рия к ве́ре и́стинней, правосла́вней обрати́вый.
Ра́дуйся, чудесы́ твои́ми, си́лою Бо́жиею соде́янными, в ве́ре, и́ми восприя́той, их утверди́вый; ра́дуйся, я́ко де́йственная ве́ра твоя́ в Бо́га вы́ну всем по всей вселе́нней яви́ся.
Ра́дуйся, безме́здный врачу́, си́лою Бо́жиею, я́коже дре́вле, та́кожде и ны́не вся́кую боле́знь ско́ро врачу́ющий; ра́дуйся, наде́ждо оста́вленных врача́ми.
Ра́дуйся, ско́рое утеше́ние боля́щих, к тебе́ с моли́твою прибега́ющих; ра́дуйся, небоя́зненно пропове́давый Христо́ву ве́ру.
Ра́дуйся, от неве́рных за про́поведь Христа́ Бо́га на муче́ние я́тый; ра́дуйся, не устраши́выйся гряду́щаго муче́ния.
Ра́дуйся, науча́ющий нас не боя́тися челове́ческих преще́ний; ра́дуйся, во всем на Бо́га упова́ние возложи́вый.
Ра́дуйся, Три́фоне, ско́рый помо́щниче всем, с ве́рою и любо́вию к тебе́ притека́ющим.
Кондак 8
Услы́шав, я́ко и́щут тя во́ини, не утаи́лся еси́ от них, мучениче, ни в гора́х, ни в пусты́нех, но, огради́вся моли́твою и кресто́м, дерзнове́нно себе́ преда́л еси́ в ру́це мучи́телей и с ра́достию вели́кою стопы́ твоя́ напра́вил в Нике́ю, да возвести́ши всем ве́ру и́стинную и наста́виши пе́ти Бо́гу: Аллилу́иа.
Икос 8
Егда́ вопроси́ тя иге́мон на суди́лище: «Кто еси́, ка́я судьба́ твоя́, и ка́ко ве́руеши?», ты, не обину́яся, отвеща́л еси́ ему́ си́це: «Три́фон и́мя мое́; оте́чество — Компса́да; судьбы́ же несть у нас, зане́ ве́руем, я́ко вся Про́мыслом Бо́жиим быва́ют. По ве́ре же — христиа́нин есмь, Христо́с же есть и моя́ си́ла, и моя́ кре́пость, и сла́ва, и ра́дость моя́». Сие́ испове́дание твое́ слы́шаще, ублажа́ем тя, святы́й Три́фоне, си́це:
Ра́дуйся, непра́ведному суди́лищу дерзнове́нно предста́вый; ра́дуйся, ве́рующих в про́мысл Бо́жий укрепля́яй.
Ра́дуйся, лю́ди, живо́т свой судьбе́ вверя́ющия, посрамля́яй; ра́дуйся, науча́яй нас во всем упова́ние на́ше на Бо́га возла́гати.
Ра́дуйся, вы́ну себе́ быти служи́теля Христо́ва испове́дуяй; ра́дуйся, испове́данием тем весе́лие ве́рным да́руяй.
Ра́дуйся, собо́рища нечести́вых испове́данием святы́м отлучи́выйся; ра́дуйся, гряду́щих муче́ний от нечести́вых за испове́дание и́стиннаго Бо́га не устраши́выйся.
Ра́дуйся, и́стину еди́ную, Боже́ственную возлюби́вый; ра́дуйся, лжи и отца́ ея́, диа́вола, отверги́йся.
Ра́дуйся, Христа́ свои́м упова́нием имену́яй; ра́дуйся, Его́ свое́ю кре́постию нарица́яй.
Ра́дуйся, Три́фоне, ско́рый помо́щниче всем, с ве́рою и любо́вию к тебе́ притека́ющим.
Кондак 9
Слы́шавше твое́ испове́дание, я́рости испо́лнишася нечести́вии и преща́ху ти ра́нами и муче́нием. Ты же, мучениче Три́фоне, подъя́тие страда́ний за Христа́ весе́лием почита́я, взыва́л еси́ немо́лчно Бо́гу песнь: Аллилу́иа.
Икос 9
Вити́я многовеща́нный Аквили́н, ви́дя, я́ко ты не убоя́лся еси́ преще́ний лю́тых, я́ко овча́ кро́ткое яви́ся, ища́ прельсти́ти тя словесы́ ласка́тельными, но, ничто́же успева́я, па́ки в во́лка лю́таго обра́щься, усугубля́ше преще́ния своя́. Ты же тверд и непоколеби́м пребы́л еси́ благода́тию Бо́жиею, воздвиза́я ве́рных возглаша́ти тебе́ сицева́я:
Ра́дуйся, преще́ний лю́тых не убоя́выйся; ра́дуйся, сме́рти теле́сной не устраши́выйся.
Ра́дуйся, ду́шу свою́ за ве́ру правосла́вную положи́ти не отре́кшийся; ра́дуйся, ра́зум соверше́нный в том положи́вый, да сохрани́ши ве́ру и́стинную во Еди́наго Бо́га.
Ра́дуйся, не к земне́й, но к Небе́сней му́дрости устреми́выйся; ра́дуйся, иге́мону, врагу́ твоему́, спасе́ния жела́вый.
Ра́дуйся, к позна́нию и́стиннаго Бо́га привести́ мучи́теля твоего́ тща́выйся; ра́дуйся, пропове́дниче Христо́в сладкогла́сный.
Ра́дуйся, христиа́нине, Христо́м возлю́бленный; ра́дуйся, во́лею на страда́ния ше́дый.
Ра́дуйся, муче́ний тех за Христа́, я́ко сокро́вища, хоте́вый; ра́дуйся, во вре́мя муче́ний лю́тых Боже́ственным све́том осия́нный.
Ра́дуйся, Три́фоне, ско́рый помо́щниче всем, с ве́рою и любо́вию к тебе́ притека́ющим.
Кондак 10
Услы́шав тя глаго́лавша, я́ко не испове́дующих и́стинныя, правосла́вныя ве́ры жре́бий есть огнь неугаси́мый, зело́ разгне́вася Аквили́н и повеле́ тя, святы́й Три́фоне, пове́сив, би́ти; ты же, в повеле́нии сем услы́шав Госпо́день глас, призыва́вший тя на страда́льческий по́двиг, возопи́л еси́ Бо́гу: Аллилу́иа.
Икос 10
Я́ко свеща́ огне́м возгара́ется, та́ко душа́ твоя́, святы́й Три́фоне, возгоре́ся любо́вию к возлюби́вшему тя Бо́гу, и, услы́шав повеле́ние иге́мона, е́же на тя, сам совле́кл еси́ ри́зы твоя́ и те́ло твое́ преда́л еси́ в ру́це мучи́телей, да сотворя́т вся, я́же повеле́ иге́мон. Зря́ще такову́ю ре́вность твою́ по Бо́зе, вси ве́рнии глаго́лаху:
Ра́дуйся, с весе́лием угото́вавый себе́ к прия́тию ран за Христа́; ра́дуйся, риз свои́х совлеки́йся ра́ди обнаже́ннаго не́когда за грехи́ на́ша Искупи́теля.
Ра́дуйся, доброво́льно в ру́це мучи́телей себе́ преда́вый, Христу́ подража́я; ра́дуйся, от них свя́занный и пове́шенный на муче́ние.
Ра́дуйся, прия́вый за Христа́ лю́тая ударе́ния; ра́дуйся, три ча́са терпе́вый неща́дное бие́ние.
Ра́дуйся, му́чиму бы́вшу, ни еди́наго стена́ния и ни еди́наго гла́са испусти́вый; ра́дуйся, бие́ния, у́зы, ра́ны, опале́ния и ины́я многоразли́чныя страда́ния претерпе́вый.
Ра́дуйся, в молча́нии прия́вый ударе́ния, от ни́хже ра́нами изъя́звися те́ло твое́; ра́дуйся, страда́нием свои́м си́лу Бо́жию просла́вивый.
Ра́дуйся, терпе́нием свои́м мучи́телей посрами́вый; ра́дуйся, по́двигом свои́м христиа́н возвесели́вый.
Ра́дуйся, Три́фоне, ско́рый помо́щниче всем, с ве́рою и любо́вию к тебе́ притека́ющим.
Кондак 11
Ви́деша терпе́ние и по́двиг твой, святы́й Три́фоне, еще́ же и адама́нтову кре́пость твою́, и просла́виша предстоя́щии лю́дие Подвигополо́жника Христа́ Бо́га пе́снию: Аллилу́иа.
Икос 11
Я́ко сте́ну тве́рду и непоколеби́му ви́де тя нечести́вый судия́, оба́че не просла́ви Бо́га, дарова́вшаго тебе́ кре́пость сию́, но па́че тща́шеся склони́ти тя и ле́стию и стра́хом сме́рти, да принесе́ши же́ртву бе́совом. Ты же, святы́й мучениче, исповедав во у́шию всех ве́ру Христо́ву, обличи́л еси́ безу́мие гони́телей и показа́л еси́ му́дрость тех, и́же во Христа́ ве́руют; иге́мон же, измышля́я на тя ина́я муче́ния, повеле́ тя со столпа́ сня́ти и, привяза́в к коню́ своему́, влече́ за собо́ю. Мы же потщи́мся просла́вити страда́ния твоя́:
Ра́дуйся, уя́звленный те́лом и за коне́м бы́стро влеко́мый; ра́дуйся, хлад зи́мний претерпе́вый.
Ра́дуйся, науча́яй нас в ско́рбех земны́х ум свой к Бо́гу устремля́ти; ра́дуйся, наставля́яй в ми́ре сем хла́дном согрева́тися любо́вию, я́же к Бо́гу.
Ра́дуйся, де́лом нам показу́яй, ка́ко подоба́ет ни во что же вменя́ти скоропреходя́щая на земле́ страда́ния; ра́дуйся, любве́ и милосе́рдия ко всем лю́дем испо́лненный.
Ра́дуйся, ра́ди любве́ тоя́ за враги́ своя́ моли́твы Бо́гу возноси́вый; ра́дуйся, па́ки в темни́цу вве́рженный и в заточе́нии лю́том томле́ние, му́ку и боле́зни претерпе́вый.
Ра́дуйся, я́сно явля́ющий, я́ко люте́йшая страда́ния земна́я ничто́же суть, а́ще к Бо́гу прибега́ют лю́дие и Бо́га ра́ди те́рпят ско́рби и ра́ны; ра́дуйся, на усекнове́ние главы́ твоея́ ра́достно ше́дый и пред усекнове́нием тем в ру́це Бо́га твоего́, Его́же ра́ди вся лю́тая подъя́л еси́, ду́шу свою́ святу́ю преда́вый.
Ра́дуйся, пре́жде усекнове́ния моли́выйся о вся́ком, и́же воспомина́ти тя и в па́мять твою́ святы́я же́ртвы приноси́ти бу́дет, да услы́шит его́ Госпо́дь и вся́кое проше́ние его́ испо́лнит; ра́дуйся, по успе́нии твое́м в виде́нии повеле́вый погребсти́ тя во оте́чествии твое́м, науча́я тем и нас свое́ оте́чество люби́ти.
Ра́дуйся, Три́фоне, ско́рый помо́щниче всем, с ве́рою и любо́вию к тебе́ притека́ющим.
Кондак 12
Не то́кмо на земли́, святы́й мучениче, был еси́ помо́щник и засту́пник всем, твоея́ по́мощи тре́бующим, но и по сме́рти не престае́ши избавля́ти от бед к тебе́ с ве́рою и любо́вию притека́ющих, я́коже изба́вил еси́ ца́рскаго гнева боля́рина Три́фона, егда́ внеза́пу яви́лся ему́ на коне́ и дал еси́ ему́ отлете́вшаго ца́рскаго со́кола. О́ный же Три́фон соко́льник на ме́сте сем, иде́же ему́ от тебе́ по́мощь яви́ся, во благодаре́ние тебе́ за избавле́ние свое́ воздви́же святы́й храм во и́мя твое́, мучениче Три́фоне. Мы же благодея́ния, от тебе́ бы́вшая, воспомина́юще, возно́сим благода́рственную Бо́гу песнь: Аллилу́иа.
Икос 12
Пою́ще твоя́ многоразли́чная чудеса́, твою́ ди́вную и ско́рою по́мощь, я́ко никого́же усе́рдно прибега́ющаго к тебе́ с ве́рою, любо́вию и упова́нием никогда́же отри́нул еси́, но всех к тебе́ притека́ющих и пред святою ико́ною твое́ю смире́нно моля́щихся от внеза́пных бед и скорбе́й избавля́еши, про́чее вре́мя живота́ их во бла́го устроя́еши, неду́зи врачу́еши, печа́ли утоля́еши и кому́ждо в беда́х и ско́рбех к тебе́ припа́дающему по́мощь и осла́бу да́руеши, благода́рне восхваля́ем тя си́це:
Ра́дуйся, на́ша моле́ния и проше́ния прие́мляй; ра́дуйся, за ны пред Престо́лом Бо́жиим моля́щийся.
Ра́дуйся, от Бо́га ми́лости нам непреста́нно прося́щий; ра́дуйся, от неча́янных бед и зол непрело́жное на́ше избавле́ние.
Ра́дуйся, от бед и напа́стей, дви́жимых на ны грех ра́ди на́ших, ско́рое прибе́жище; ра́дуйся, мно́гия сле́зы, от ско́рби пролива́емыя, изсуши́вый.
Ра́дуйся, мно́гия печа́ли утоли́вый; ра́дуйся, никто́же припа́дый к святе́й иконе твое́й тощь от нея́ оты́де.
Ра́дуйся, вся́каго притека́ющаго к тебе́ под кров свой и заступле́ние прие́мляй; ра́дуйся, здра́вия тре́бующим ско́рое исцеле́ние.
Ра́дуйся, оста́вленных врача́ми и ра́ди неисце́льных и тя́жких неду́г свои́х ча́ющих себе́ сме́рти, ско́рое и безме́здное врачева́ние; ра́дуйся, и ны́не, я́коже и дре́вле, жи́ву ти су́щу, неизсяка́емый исто́чниче неизче́тных и многообра́зных чудотворе́ний.
Ра́дуйся, Три́фоне, ско́рый помо́щниче всем, с ве́рою и любо́вию к тебе́ притека́ющим.
Кондак 13
О святы́й мучениче Три́фоне! Приими́ сие́ ма́лое, оба́че от лю́бящих и благода́рных серде́ц приноси́мое тебе́ на́ше моле́ние, вознеси́ ко Го́споду Бо́гу те́плыя моли́твы твоя́ за ны, недосто́йныя: боля́щия исцели́, печа́льныя уте́ши, заблу́ждшия вразуми́, бе́дствующим помози́, и вся нам потре́бная для здра́вия теле́снаго и спасе́ния душе́внаго у Бо́га Щедрода́вца испроси́, наипа́че же изба́ви нас от лука́вых бесо́в, да памяту́я вы́ну твоя́ ди́вная о нас заступле́ния, просла́вим Бо́га, дарова́вшаго нам такова́го моли́твенника, цели́теля и чудотво́рца, воспева́юще песнь: Аллилу́иа.
Этот кондак читается трижды, зате́м 1-й икос «О́бразу благоче́стия роди́телей…» и 1-й кондак «Избра́нный от Бо́га…»