Святитель Григорий Богослов


Святитель  Григорий  Богослов

Святитель  Григорий  Богослов — один  из  Отцов  Церкви,  архиепископ  Константинопольский,  известнейший  богослов,  друг  и  сподвижник  Василия  Великого,  дружбу  с  которым  считал  полезнее  самой  высшей  школы.  Родился  святитель  Григорий  Богослов  в  326  году  в  знатной  благочестивой  христианской  семье  в  Каппадокии. 

Его  отец,  Григорий,  был  епископом  Назианским,  мать,  Нонна,  была  женщиной  высоких  нравственных  правил.  Воспитывался  Григорий  в  страхе  Божием,  получил  очень  хорошее  воспитание  и  образование.  Его  первой  книгой  было  Священное  Писание,  подаренное  ему  матерью.

Он  учился  в  Кессарии  Палестинской,  в  школах  которой  была  прекрасная  библиотека,  в  Александрии  и  в  Афинах.  В  Афинах  он  сблизился  со  святым  Василием  Великим.  У  друзей  были  общие  интересы  и  общая  дорога — к  Богу.  Тесная  дружба  связывала  их  до  конца  жизни.

В  возрасте  26  лет,  как  это  было  принято  в  те  времена,  святитель  Григорий  Богослов  принял  крещение.  Завершив  образование,  святитель  вернулся  к  престарелым  родителям,  но  от  занятия  какой-либо  общественной  должности  он  долго  уклонялся. 

Некоторое  время  он  провел  со  своим  другом  Василием  в  пустыни.  Это  время  он  считал  самым  счастливым  в  своей  жизни.  Но  необходимо  было  вернуться  к  родителям,  которых  он  очень  почитал.  Отец,  уже  будучи  епископом,  нуждался  в  помощнике.  Он  рукоположил  сына  в  пресвитера.

Но  святитель  Григорий  Богослов  тяготел  более  к  уединению,  безмолвию,  молитве,  чем  к  пастырскому  служению.  Он  удалился  опять  в  пустынь  к  своему  другу,  чтобы  укрепиться  душой.  В  это  время  отец  Григория  подписал,  будучи  епископом,  раскольнический  омиусианский  Символ  веры,  вызвав  тем  самым  недовольство  паствы.

Святитель  Григорий  Богослов  поспешил  к  отцу,  чтобы  объяснить  ему  его  глубокое  заблуждение  и  примирить  его  с  паствой.  И  ему  это  удалось.  Епископ  принародно  покаялся  в  своей  ошибке.  Святой  Григорий  был  рядом  с  отцом  до  самой  его  смерти.  За  отцом  вскоре  умерла  и  мать  святителя.

Некоторое  время  Григорий  оставался  в  Назианзе  и  управлял  паствой  этого  города.  Затем  после  смерти  Константинопольского  патриарха  Валента  в  378  году  Антиохийский  собор  пригласил  святителя  Григория  занять  патриаршую  кафедру,  которая  в  то  время  очень  нуждалась  в  хорошем  проповеднике.

К  тому  времени  святитель  Григорий  Богослов  прославился  своим  красноречием,  умением  очень  просто  и  ясно  выражать  сложнейшие  догматические  истины.  В  этот  период  господства  арианства  и  апполинаристов  живое  слово  истинной  веры  из  уст  Григория  Богослова  совершало  чудеса.

Ариане  осыпали  его  насмешками,  кидали  камни,  но  твердость  духа,  глубина  веры,  сила  слова  пастыря  и  его  кротость,  пример  всей  его  жизни  побеждали  злобу.  Народ  теснился  вокруг  своего  пастыря,  с  восторгом  внимая  его  проникновенным  проповедям.

  Тысячи  людей  ежедневно  возвращал  святитель  Григорий  Богослов  из  ереси  к  Православной  Церкви.  Его  дар  слова  служил  Богу  Слову.  «Сей  дар  приношу  я  Богу  моему,  сей  дар  посвящаю  ему…» — писал  святитель.  Чтобы  проповедовать  Слово  Божие,  святой  тщательнейшим  образом  отшлифовывал  свои  творения.

Люди  стекались  отовсюду,  чтобы  послушать  его  вдохновенные  проповеди.  После  воцарения  православного  императора  Феодосия  ариане  были  окончательно  побеждены.  Святитель  Григорий  Богослов  принимал  участие  в  заседаниях  Второго  Вселенского  Собора,  в  деле  упрочивания  догматов  веры.

Совершив  свой  подвиг,  святитель  Григорий  Богослов,  отказавшись  от  Константинопольской  кафедры,  удалился  из  Константинополя  в  свое  родное  селение  Арианз,  чтобы  в  строгих  аскетических  подвигах  провести  остаток  своей  жизни,  занимаясь  богословскими  трудами.

За  замечательные  творения,  полные  глубоких  тайн  веры,  поэзии,  глубины  мысли,  прозрачной  ясности  и  строгой  точности,  святитель  Григорий  Богослов  по  праву  именуется  Церковью  вселенским  Учителем  и  Богословом.  Многие  его  фразы  стали  крылатыми  и  используются  до  сих  пор  в  праздничных  песнопениях.

25  января  /  7  февраля  389  года  окончилась  земная  жизнь  святителя  Григория  Богослова.  Он  отошел  ко  Господу  в  возрасте  62  лет.  Похоронили  его  в  Назианзе.  В  950  году  святые  нетленные  мощи  святителя  перенесли  в  Константинополь  и  поместили  в  церкви  святых  Апостолов.

Крестоносцы,  захватив  в  1204  году  Константинополь,  разграбили  его  и  перенесли  мощи  святителя  в  Рим,  поместив  их  в  специально  построенную  гробницу  в  соборе  святого  Петра.  В  2004  году  мощи  святителя  Григория  Богослова  вместе  с  мощами  святителя  Иоанна  Златоуста  были  возвращены  Константинопольской  Церкви.  Мощи  до  сих  пор  источают  дивное  благоухание.

Святитель  Григорий  Богослов
Свт.  Григорий Богослов, свт. Василий Великий, свт. Иоанн Златоуст

Святитель  Григорий  Богослов  оставил  в  наследие  Церкви  45  посланий  (писем),  45  «Слов»  (бесед),  507  духовных  стихотворений,  около  245  (по  разным  оценкам)  писем  разным  людям,  многие  из  которых  написаны  были  Василию  Великому.  Григорий  Богослов  оказал  огромное  влияние  на  богословов  последующих  времен.

Память:  27  января  /  9  февраля,  30  января  /  12  февраля,  13  /  26  ноября.

 

ТРОПАРЬ И КОНДАК ГРИГОРИЮ БОГОСЛОВУ

 

Тропарь, глас 1

Пастырская свирель богословия твоего риторов победи трубы, якоже бо глубины духа изыскавшу, и доброты вещания приложишася тебе. Но моли Христа Бога, отче Григорие, спастися душам нашим.

Тропарь, глас 3

Богословным языком твоим сплетения риторская разрушивый, славне, Православия одеждею свыше истканною Церковь украсил еси, юже и носящи, с нами зовет твоими чады: радуйся, отче, богословия уме крайнейший.


 

МОЛИТВЫ ГРИГОРИЮ БОГОСЛОВУ

 

Молитва первая

О, пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Григорие! Предстоя у Престола всех Царя и наслаждаяся света Единосущныя Троицы и херувимски со ангелы возглашая песнь трисвятую великое и неизследованное дерзновение имея ко Всемилостивому Владыце, молися паствы Христовы спасти людей, благостояние святых церквей утверди, архиереи благолепием святительства украси, монашествующих к подвигам добраго течения укрепи, царствующий град и вся грады и страны добре сохрани, и веру святую непорочну соблюсти умоли, мир весь умири, от глада и пагубы избави ны, и от нападения иноплеменных сохрани, старыя утеши, юныя настави, безумныя умудри, вдовицы помилуй, сироты заступи, младенцы возрасти, плененныя возврати, немоществующия исцели, и везде тепле призывающих тя и с верою притекающих к тебе и усердно припадающих и молящихся от всяких напастей и бед ходатайством твоим свободи. Моли о нас Всещедраго и Человеколюбиваго Христа Бога нашего, да и в день страшнаго пришествия Его шуияго стояния избавит нас, и радости святых причастники сотворит со всеми святыми во веки. Аминь.

Молитва вторая

О, великий во иерарсех вселенныя учителю богомудрый, преблаженне отче Григорие! Велия подвиги и труды твоя, яже во славу Святыя Церкве совершил еси: ты исповедник твердый и светильник веры Христовы на земли был еси, светом боговедения верныя озаряяй, ложныя учения попаляяй, и всему миру слово спасительныя истины возвещаяй. Ныне же, велие на небесех имеяй дерзновение ко Святей Троице, помози нам, со смирением к тебе припадающим, твердо и неизменно святую Православную веру до конца жития нашего сохранити, от маловерия же, сомнений и колебания в вере соблюди, да не прельщени будем богопротивных и душепагубных учений словесами.
Дух ревности святыя, еюже ты пламенел еси, о преславный Церкве Христовы пастырю, возгрей предстательством твоим и в нас, ихже Христос постави быти пастырями, да всеусердно просвещаем и утверждаем в правей вере словесное стадо Христово.
Испроси, о милосердный святителю, от Отца светов и всем, всякий дар коемуждо благопотребен: младенцем благое в страсе Божием возрастание, юным целомудрие, старым и немощным укрепление, скорбящим утешение, недугующим исцеление, заблуждшим вразумение и исправление, обидимым заступление, сиротам и вдовицам защищение, искушаемым благодатное поможение, отшедшим от сего временнаго жития, отцем и братиям нашим, блаженное упокоение. Ей, святче Божий, призри милостивно от Обителей Горних на нас смиренных, многими соблазнами и напастьми обуреваемых, и к земли приверженных возведи к высоте небесней.
Преподаждь нам, преблагий отче, твое архипастырское и святое благословение, да оным осеняемии, в сие новое лето и во все прочее время живота нашего в мире, покаянии и послушании Святей Православной Церкви поживем, заповеди Христовы усердно творяще, подвигом добрым веры подвизающеся, и тако Царствия Небеснаго достигнем, идеже с тобою и всеми святыми сподоби Троицу Святую, Единосущную и Нераздельную, пети и славити во веки веков. Аминь.

Молитва третья

О, великий святителю отче Григорие, преславный Вселенския Церкве учителю, славы Пресвятыя Троицы всеусердный поборниче, Матере Божия и Ея Пренепорочнаго Девства предъизбранный исповедниче, пресветлый чистоты, смирения и терпения образе.
Се аз многогрешный и недостойный на высоту небесную взирати, смиренно молю тя, премудрый Церкве Христовы учителю, научи мя тако богобоязненно житие свое проводити, да никогдаже на путь, Божиим повелением противен, уклонюся или совращен буду. Соблюди и избави мя твоим многомощным предстательством от соблазнов мира и козней диавольских, якоже избавил еси от них юношу, от Сладчайшаго Спасителя нашего отступивша и во власть сатаны впадша.
Даруй мне силу душевную усердным быти подражателем добродетелей твоих высоких: соделай мя в вере правей тверда и непоколебима, укрепи мя малодушнаго в терпении и уповании на Господа, возгрей в сердце моем истинную Христову любовь, да небесных благ паче всех желаю и ими услаждаюся. Испроси мне у Господа искреннее о гресех сокрушение, да прочее время живота моего в мире, покаянии и исполнении заповедей Христовых провождати буду.
Егдаже час моего скончания приблизится, ты, о преблагий отче, с Преблагословенною Девою Мариею, тогда ускори на помощь, защити мя от злобных наветов вражиих, и сподоби мя наследника быти райских селений, да купно с тобою и со всеми святыми непреступнаго Божия Величества Престолу предстану и Живоначальную, Единосущную и Нераздельную Троицу прославляю и воспеваю, присно и в безконечныя веки. Аминь.

Молитва четвертая

О, великий и преславный святителю Христов, всея Вселенския Церкве учителю богомудрый, Православия твердый исповедниче и поборниче, преблаженне отче Григорие! Призри от высот небесных на нас, смиренно к тебе припадающих, и умоли Господа Вседержителя, Егоже верный на земли служитель был еси, да дарует нам веры правыя твердое и неизменное сохранение, Церкви Святей послушание, жития нашего исправление, и во всех нуждах, скорбех и искушениих скорое поможение, терпение же и укрепление. Подаждь нам твое святое благословение, да оным осеняемии, сие новое лето, и во вся дни богоугодно, в мире и покаянии, поживем, и во Царствии Небеснем сподобимся купно с тобою и со всеми святыми Живоначальнуто Троицу воспевати и славити, Отца и Сына и Святаго Духа, во веки веков. Аминь.

КАНОН    СВЯТИТЕЛЮ   ГРИГОРИЮ   БОГОСЛОВУ

Пе́снь 1.

Ирмо́с: Похвалу́ богови́дец Моисе́й Изра́илю предвозглаша́ет, начина́ет же Мариа́м прему́дрым жена́м пе́снь побе́дную: Изба́вителю Бо́гу вси́ воспои́м.

Изба́ву началоро́днаго, о на́ших же страсте́х кро́вь Богото́чную, ста́л еси́, в же́ртву принося́, и ны́не ве́рным, Григо́рие всему́дре, Бо́га пода́ждь на́м удобопримири́тельна.

Скрижа́ли богоначерта́нныя, во мра́к Моисе́й вше́д, прия́т не́когда, ты́ же, во уме́ поста́вив богоприя́тную трапе́зу, приле́жно Бо́га умоли́л еси́.

Богоро́дичен: Хотя́ за благоутро́бие Свое́ от сме́рти и тли́ па́ки воззва́ти естество́ челове́ческое, Пребоже́ственный, Де́во Всенепоро́чная, в чи́стую утро́бу Твою́ всели́ся.

Пе́снь 3.

Ирмо́с: Пре́жде зача́тия честна́го Самуи́ла несомне́нно Бо́гу обеща́вши священнома́ти А́нна, ны́не ра́дующися, пое́т с на́ми: утверди́ся в Го́споде се́рдце мое́.

И́же пре́жде изы́тия из утро́бы ро́ждшей тя́ бы́л еси́ предвозвеще́н, преподо́бне о́тче, пронарече́ние нося́ досто́йное, священнонача́льниче прему́дре. Вседу́шно, — ра́дуйся, о́тче, — тебе́ зове́м.

И́же пре́жде да́же изво́лити лука́вая, супру́жницу и споспе́шницу избра́л еси́ изъявле́ньми боже́ственными — богови́дную чистоту́ и целому́дрие, побо́рниче ве́рных. Веселя́щеся, — ра́дуйся, о́тче, — тебе́ зове́м.

Богоро́дичен: Е́вы прама́тере испра́вила еси́ пре́жде бы́вшее поползнове́ние, прие́мши в Себе́ низве́рженныя восправля́ющее Сло́во О́тчее непобеди́мою си́лою, Ма́ти Де́во.

Седа́лен, гла́с 8.

Отве́рз уста́ сло́вом Бо́жиим, отры́гнул еси́ прему́дрость, пропове́дниче Све́та, и мудрова́ние Боже́ственное вселе́нней все́ял еси́, отце́в вои́стинну утверди́л еси́ догма́ты, по Па́влу яви́лся еси́ ве́ры побо́рник. Те́м и а́нгелов сограждани́н еси́ и си́х собесе́дник яви́вся, блаже́нне, богосло́ве Григо́рие, моли́ Христа́ Бо́га прегреше́ний оставле́ние дарова́ти пра́зднующим любо́вию святу́ю па́мять твою́.

Сла́ва, и ны́не, богоро́дичен: Помышле́ньми попо́лзся лука́выми, во глубину́ впадо́х грехо́вную и, стеня́, зову́ Ти́ от се́рдца, Всечи́стая: на мне́ удиви́ бога́тую ми́лость, и Твоего́ благоутро́бия безме́рную пучи́ну, и щедро́т Твои́х неисчи́сленное бога́тство и да́ждь ми́ покая́ние и прегреше́ний проще́ние, да любо́вию зову́ Тебе́: моли́ Христа́ Бо́га прегреше́ний оставле́ние дарова́ти мне́, Тя́ бо наде́жду име́ю, ра́б Тво́й.

Пе́снь 4.

Ирмо́с: С чу́дным ста́в Авваку́мом на Боже́ственней твое́й стра́жи, Григо́рие, и Су́щаго на ра́мех херуви́мских позна́в, всеми́рнаго бы́л еси́ возвести́тель спасе́ния, при́сно зовы́й: сла́ва си́ле Твое́й, Го́споди.

Бли́з явля́ющимся и пред Бо́гом стоя́щим чинонача́лием подо́бяся, всему́дре, я́же вы́шше те́х умо́м облета́я, во глубину́ же не дости́гл еси́ превысоча́йшее стоя́ние, отто́ле бога́тство нося́ челове́ком неотъе́млемое.

В непостижи́мый вше́д мра́к и, я́ко из пеще́ры ка́менны, узре́в за́дняя, срастворе́нное веще́ственное Невеще́ственному Естеству́, и несли́тнаго смеше́ния бы́л еси́ сказа́тель, Христо́в уго́дник, Того́ рабо́м Его́ умоля́ет бы́ти ми́лостива.

Богоро́дичен: Гора́ показа́лася еси́ Ты́ мы́сленная, от нея́же отсече́ся неизрече́нно честны́й Ка́мень, истня́я мра́чныя пре́лести о́браз и просвеще́нием благода́ти озаря́я ве́рою при́сно вопию́щия: сла́ва си́ле Твое́й, Го́споди.

Пе́снь 5.

Ирмо́с: У́гль горя́щий, и́же Иса́ииным устно́м серафи́м приложи́ не́когда, клеще́ю взе́м и приложе́н: о́н же, очище́н, — пра́вде научи́теся, — все́м пропове́даше.

Всему́ огню́ боговиде́ния, всеблаже́нне Григо́рие, присту́пль, чистото́ю ума́ же и души́, несы́тне самору́чно Трисия́нный поче́рпл еси́ Све́т Равнови́дный.

Заря́ми объя́т Трисо́лнечнаго озаре́ния, от облиста́ния же разжже́н и Боже́ственными луча́ми у́м освеща́я, и противосия́тельныя лучи́ все́м изблиста́л еси́.

Богоро́дичен: Све́т от Све́та, О́тчее Единоро́дное Сло́во Безнача́льное прие́мши, Ма́ти Де́во, две́рь Све́та я́ве была́ еси́, пра́вды Со́лнце все́м возсия́вши.

Пе́снь 6.

Ирмо́с: И́же в по́нте подъе́мый заключе́ние убежа́нием бу́ри и верже́нием жре́бия и усты́ я́т бы́в морска́го зве́ря, невреди́мь пребы́в, но вопия́ше Ио́на: к Тебе́ живо́т мо́й да взы́дет, Христе́.

Потопле́н ра́зумом не бы́в, и до дна́ испыта́в глубины́ Бо́жия, и отто́ле би́сер поче́рпл ты́ Влады́це, и молча́ние, я́коже сло́во, Григо́рие, положи́л еси́ всеизря́днейше.

Моли́твою чи́стою свире́пеющееся ути́шил еси́ мо́ре и, стра́нных оплева́в слове́с слати́ну, ты́ Влады́це, я́ко небе́сная ка́пля, лю́ди ве́рныя испра́вил еси́, Григо́рие.

Богоро́дичен: Непости́жное челове́ческими по́мыслы та́инство, Ма́ти Бо́жия, неизрече́ннаго и стра́шнаго рожде́ния Твоего́: Ты́ бо, Де́во, все́х Творца́ ро́ждши, Де́ва пребыла́ еси́.

Конда́к, гла́с 3.

Богосло́вным язы́ком твои́м сплете́ния ри́торская разруши́вый, сла́вне, правосла́вия оде́ждею, свы́ше истка́нною, Це́рковь украси́л еси́, ю́же и нося́щи, с на́ми зове́т, твои́ми ча́ды: ра́дуйся, о́тче, богосло́вия у́ме кра́йнейший.

И́кос:

От богосло́вныя и высо́кия му́дрости твоея́ испо́лни мо́й у́м, убо́гий и стра́стный, я́ко да воспою́ житие́ твое́, о́тче: не могу́ бо сло́ва принести́ тебе́, а́ще не ты́ пода́си ми́ кре́пость сло́ва, и ра́зум, и му́дрость, я́ко да от твои́х твоя́ принесу́ тебе́, и от бога́тства доброде́телей твои́х отту́ду обря́щу вину́, и увенча́ю честну́ю и святу́ю твою́ главу́, с ве́рными взыва́я: ра́дуйся, о́тче, богосло́вия у́ме кра́йнейший.

Пе́снь 7.

Ирмо́с: Проидо́ша, я́ко черто́г, пе́щный пла́мень нестерпи́мый и́же за благоче́стие иногда́ о́троцы святи́и, показа́вшеся я́ве, и, согла́сно воспева́юще, пе́снь поя́ху: отце́в Бо́же, благослове́н еси́.

Непра́ведных иге́монов пред суди́щами ста́в, Григо́рие, ерети́чествующих огня́ люте́е ды́шущая стремле́ния благоче́стием соже́гл еси́, Тро́ице вопия́: отце́в Бо́же, благослове́н еси́.

Тро́ицу Всесвяту́ю — догма́тов благочести́вых, Григо́рие, нему́тный Исто́чник, от усте́н излия́вый на зе́млю, цветоно́сну, жесто́кую напая́я, показа́л еси́: отце́в Бо́же, благослове́н еси́.

Богоро́дичен: Умерщвля́ется пра́отец, я́ко безвре́менне сада́ вкуси́вый; Ты́ же безконе́чную Жи́знь, о Де́во, прозя́бшая, в раи́ сего́ обита́ти возста́вила еси́, Богороди́тельнице Чи́стая Благослове́нная.

Пе́снь 8.

Ирмо́с: И́же пи́щею не оскверни́вшиися о́троцы ца́рския трапе́зы, во о́гнь, ра́дующеся, внидо́ша не́когда и, в пла́мени ороша́еми, усе́рдно поя́ху: благослови́те, дела́ Госпо́дня, Го́спода.

Вавило́нскаго, о́тче, пла́мене превозвы́сився и па́че того́ благоче́стием распали́вся, Тро́ический неботаи́нник показа́вся и пропове́дник, вопие́ши: благослови́те, дела́ Госпо́дня, Го́спода.

Напа́стныя разли́чне, о́тче, и желе́зныя пе́щи о́гнь угаша́я, удо́бно напа́стей произше́д, к небеси́ возлете́л еси́, вопия́: благослови́те, вся́ дела́ Госпо́дня, Го́спода.

Богоро́дичен: Златови́дный свети́льник Твое́ знамени́тельне явля́ше Боже́ственное Рождество́, Непоро́чная Чи́стая: Ты́ бо Све́т непристу́пный ми́рови возсия́ла еси́, Ему́же вопие́м: по́йте, вся́ дела́ Госпо́дня, Го́спода.

Пе́снь 9.

Ирмо́с: И́же вы́шнюю глубину́ Боже́ственнаго непостиже́ния благоче́стно отве́рз, у́м, я́ко из ка́мене, необъя́тныя Богонача́льныя возвы́сил еси́ Тро́ицы, всеблаже́нне о́тче, тя́ велича́ем.

И́же худу́ю оде́жду зако́ннаго расто́рг писа́ния и, ю́же в не́м, Боже́ственную добро́ту и та́инственную Боже́ственных Ду́ха на́м истолкова́в писа́ний, треблаже́нне о́тче, тя́ велича́ем.

Го́рним лико́м сочи́слен сы́й, преподо́бне о́тче, и́бо с ни́ми во ве́ки водворя́ешися. О твое́й па́стве мольбы́ твори́ к Бо́гу, всеблаже́нне о́тче, тя́ велича́ем.

И́же Боже́ственным научи́вся от Боже́ственнаго и па́че ума́ вдохнове́ния, преподо́бне о́тче, и к те́х та́инственно соверши́вся ненауче́нному соедине́нию безме́рным твои́м жела́нием, всеблаже́нне о́тче, тя́ велича́ем.

Богоро́дичен: Ты́ вмести́лище, Чи́стая, Боже́ственнаго необъя́тия, вы́шше естества́ была́ еси́, я́ко Бо́гу пло́ть взаи́мствовавшая, и Твои́х де́вственных не разве́рзшему ложе́сн, внегда́ ражда́ти без се́мене, Тя́ велича́ем.

Свети́лен.

Ме́чь слове́с твои́х и си́ла сего́ язы́ки отсече́ неве́рных до конца́, я́ко ве́щь бо терно́вную, те́х попали́л еси́ безбо́жная новосече́ния, Тро́ице научи́л еси́ покланя́тися боголе́пно, Григо́рие Богосло́ве.

Сла́ва: Еди́нице Триипоста́сней и Тро́ице соверше́нней в Еди́ном Божестве́, всему́дре богосло́ве, научи́л еси́ покланя́тися: Све́т, реки́й, Отца́ и Сы́на Све́т, па́ки же Све́т Ду́ха Свята́го. Но Еди́н Све́т, Неразде́лен, Неслия́нен, Еди́н бо Бо́г, уясня́яй Единосу́щное, о Григо́рие блаже́нне!

И ны́не: С Богома́терию и Де́вою Мари́ею и Васи́лием, всему́дре, предстоя́й вели́ким, Непристу́пней Тро́ице, ми́р ми́ру, тишину́ Це́ркви, побе́ды и на́м спасе́ние испроси́, ны́не восхваля́ющим тя́, богосло́ве архиере́ю Григо́рие, ри́торе церко́вный.

 

 

 

 

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                           

 

Добавить комментарий

Ваш e-mail не будет опубликован. Обязательные поля помечены *