Преподобный Амвросий Оптинский — великий Старец, оказавший огромное влияние на духовную жизнь России XIX века, подвижник земли Русской, одаренный от Бога такими благодатными дарованиями, что за советом и помощью к нему стекались люди, простые и знатные, богатые и бедные, образованные и безграмотные, со всех уголков России.
Его святость Господь удостоверил такими чудесами, которые не оставляли сомнений в его избранности и великом предназначении. Чудеса эти совершались при жизни старца, совершаются и после его ухода в жизнь вечную, по молитвам ему.
Никогда не иссякал поток к святому преподобному Амвросию Оптинскому страждущих и ищущих спасения. Даже в безбожные годы революционного лихолетья, когда власти всячески старались уничтожить память о нем, сравняв с лицом земли часовню и могилку старца, люди шли, угадывая это место.
Преподобный Амвросий Оптинский, в миру Александр Михайлович Гренков, родился 21 или 23 ноября (6 декабря) 1812 года в селе Большая Липовица Тамбовской губернии в благочестивой семье.
Дед его был священником, отец пономарем. Преподобный Амвросий Оптинский был в семье восьмым ребенком, назван он был в святом Крещении Александром в честь святого благоверного князя Александра Невского.
В 1825 году Саша был определен на полуказенное содержание в Тамбовское духовное училище, которое блестяще закончил первым из 148 учеников. В 1830 году, как лучший ученик, Александр был направлен в Тамбовскую духовную семинарию.
В 1835 году, незадолго до окончания семинарии, он опасно заболел. Это было начало той бесконечной череды болезней, которые мучали преподобного Амвросия Оптинского всю жизнь. Тогда же он дал обет постричься в монахи.
Семинарию он закончил в 1836 году, был некоторое время домашним учителем, преподавателем греческого языка (преподобный Амвросий Оптинский знал пять языков) Липецкого духовного училища.
Затем последовала вторичная болезнь, и Александр уехал в 1839 году в Троице-Сергиеву Лавру, где известный затворник Иларион (Фокин) посоветовал ему ехать в Оптину пустынь, где он очень нужен.
С Оптиной пустынью связана вся дальнейшая жизнь преподобного Амвросия Оптинского. Здесь он стал учеником преподобных старцев Льва и Макария, в Оптиной он принял монашеский постриг в 1840 году и схиму в 1848 году.
Амвросием он был пострижен в монашество в память святителя Амвросия Медиоланского. В 1845 году во время поездки в Калугу для рукоположения в иеромонахи преподобный Амвросий Оптинский схватил сильную простуду.
После этого он никогда уже не смог поправиться, с трудом передвигался, его мучила испарина. Но, несмотря на свои болезни и немощи, он принимал сотни людей, оставаясь всегда неунывающим, доброжелательным, любвеобильным, готовым помочь каждому советом, утешением, исцелением.
Преподобный Амвросий Оптинский мог как бы в шутку ударить человека, и боль проходила. Сам же он переносил такие страдания, что неоднократно бывал при смерти, но благодатию Божией вновь и вновь возвращался к жизни, так как очень был нужен людям.
Так в 1848 году преподобный Амвросий Оптинский был пострижен в схиму, так как состояние его здоровья было угрожающим, но, к удивлению всех, он поправился. В 1869 году он был опять близок к смерти, была привезена чудотворная Калужская икона Божией Матери.
Перед иконой был отслужен молебен, совершено соборование, келейное бдение, и преподобный Амвросий Оптинский чудесным образом вернулся к жизни. Большое влияние на его духовное возрастание оказали великие старцы Лев и Макарий.
Когда старец Макарий начал издательское дело, его бессменным помощником стал преподобный Амвросий Оптинский, знавший пять языков и бывший глубоко образованным человеком. В 1887 году преподобного Амвросия посетил великий князь Константин Константинович Романов.
У него бывал Л. Н. Толстой, философ и публицист К. Н. Леонтьев, М. Ф. Достоевский, иеромонах Климент, ученый, магистр греческой словесности, и другие известные самые образованные люди того времени.
Преподобный Амвросий Оптинский стал прототипом старца Зосимы из романа М. Ф. Достоевского «Братья Карамазовы». Многие люди оставили свои воспоминания о встречах, беседах со старцем, его советах, помощи и чудесах.
Преподобный Амвросий Оптинский благословил свое духовное чадо схимонахиню Софию на создание в селе Шамордино женской общины, которая позднее в 1884 году преобразовалась в Казанскую Шамординскую женскую пустынь.
В устройстве Шамординской обители преподобный Амвросий Оптинский принимал активное участие, он окормлял сестер, наставлял, установил строй монастыря, порядки. Здесь преподобный окончил свой земной путь.
Приехав в Шамордино в июне 1890 года, преподобный Амвросий Оптинский по причине нездоровья не смог вернуться в Оптину, и 23 октября 1891 года, три раза вздохнув и с трудом перекрестившись, старец скончался.
Гроб с телом преподобного Амвросия Оптинского под моросившим осенним дождем был перенесен в Оптину. Ни одна из свечей, окружавших гроб, не потухла, несмотря на непогоду.
28 октября тело старца было предано земле, в день празднования его любимой иконы «Спорительница хлебов«, перед которой он часто возносил свои горячие молитвы. Похоронен был преподобный Амвросий Оптинский рядом со своим учителем старцем Макарием.
На мраморном надгробии старца были выгравированы слова апостола Павла: «Бых немощным, яко немощен, да немощныя приобрящу. Всем бых вся, да всяко некия спасу» (1 Кор. 9, 22). Сила Божия в немощи совершается.
Во времена тяжких потрясений Оптина пустынь была закрыта. Часовня на могилке старца полностью уничтожена, место сравняли, но память людскую стереть было невозможно, и люди продолжали приезжать на это святое место, находя его по наитию.
В ноябре 1987 года Оптина пустынь была возвращена Церкви. В июне 1988 года преподобный Амвросий Оптинский первым из оптинских старцев Поместным Собором Русской Православной Церкви был причислен к лику святых.
В годовщину возрождения обители во Введенском соборе после службы начали мироточить Казанская икона Божией Матери, икона преподобного Амвросия Оптинского, совершились и другие чудеса по милости Божией.
Святые мощи старца были обретены 10 июля 1998 года. Они почивают в настоящее время во Введенском соборе Оптиной пустыни, в северном приделе, который освящен в память преподобного Амвросия Оптинского.
У мощей старца Амвросия постоянно происходят чудеса, люди, по молитвам старцу, исцеляются от многих болезней, порой даже не излечимых.
Память: 27 июня / 10 июля (обретение мощей), 10 / 23 октября (блаженная кончина), 11 / 24 октября (собор оптинских святых).
АКАФИСТ ПРЕПОДОБНОМУ АМВРОСИЮ ОПТИНСКОМУ
с официального сайта Оптиной пустыни.
Кондак 1
Избранный угодниче Божий и чудотворче, великий старче Амвросие, Оптинская похвало и Всея Руси дивный наставниче, прославляюще твое в подвизех изрядное житие, приносим ти многохвальное пение, ты же, яко имея дерзновение ко Господу, молися о всех нас, чадех твоих, со умилением зовущих: Радуйся, преподобне Амвросие, богомудрый учителю веры и благочестия.
Икос 1
Ангельскому житию подражая, отвергл еси вся красная и скоропреходящая тленнаго мира сего и стопы своя направил еси к духовному учителю и прозорливцу старцу Илариону, да наставит Тя на путь истиннаго жительства и благословит на подвиги спасения. Он же, провидев грядущее твое богоугодное житие, посла Тя в обитель Оптину, и тамо ты обрел еси себе доброе пристанище. Сие уведевши таковое Божие изволение о тебе, глаголем сицевая: Радуйся, Богом избранная отрасле благочестия родителей; радуйся, измлада лет твоих Господа возлюбивый. Радуйся, к книжней мудрости усердие от юности имевый; радуйся, святых Отцев духоносное учение познавый. Радуйся, скорогибнущих благ мира сего отвержение; радуйся, нетленных сокровищ неослабное желание. Радуйся, Божия произволения о спасении души твоея искавый; радуйся, благословение на путь монашеский получивый. Радуйся, преподобне Амвросие, богомудрый учителю веры и благочестия.
Кондак 2
Видя сердца твоего благое намерение, Христос предначерта узкий и тернистый путь твоего спасения, и егда был еси внезапу на смертном одре болезни, даде Господу обещание: аще исцелит Тя, всего себе предати подвигом иночества. Востав же по милости Божией с одра болезни, абие прославил еси всещедраго Бога, врача душ и телес, зовя: Аллилуиа.
Икос 2
Разум Божественных писаний стяжав, в страсе Божием помышлял еси, како Господь устроит грядущий путь твоего спасения и како вступити на стезю многотруднаго и скорбнаго монашеского жительства. Мы же, дивящеся твоему благому намерению, воспеваем ти: Радуйся, на Бога Промыслителя всю надежду возложивый; радуйся, токмо Его благоизволения взыскавый. Радуйся, всякое испытание во спасение души понести готовый; радуйся, совести своея велению последовый. Радуйся, увеселения мирская возненавидевый; радуйся, богатства земная невозлюбивый. Радуйся, Богу единому поработати всего себе подвигнувый; радуйся, тому точию угодити восхотевый. Радуйся, преподобне Амвросие, богомудрый учителю веры и благочестия.
Кондак 3
Силою любве утверждаяся в вере, поревновал еси Евангельское житие стяжати по образу преподобных Отцев Церкве древния. Егда же даде ти Господь разумение сего благоугождения, воспел еси со умилением: Аллилуиа.
Икос 3
Имея крепкую веру во благое промышление Божие о спасении человека, притекл еси к честному образу Пресвятыя Богородицы Тамбовския, еже бысть тебе благословение родительское, и смиренно молил еси Владычицу, да управит путь твой. Мы же, видяще твое неотступное упование на милость Царицы Небесныя, поем ти: Радуйся, Божия Матере верное и возлюбленное чадо; радуйся, Ея священнаго покрова силы тайное постижение. Радуйся, благословения родительскаго чрез Ея Образ добронравный хранителю; радуйся, Заступницы усердныя благоговейный почитателю. Радуйся, многочастне в нощи молитвы к Ней слезно возносивый; радуйся, Небесныя помощи от Нея непостыдно восприемый. Радуйся, тако утешение в сердце своем обретый сладостное; радуйся, яко умиление приял еси благотишное. Радуйся, преподобне Амвросие, богомудрый учителю веры и благочестия.
Кондак 4
Бурею помышлений движимый пришел еси в обитель Преподобнаго Сергия Радонежскаго, да укрепит твое сердце на подвиги предстоящаго иноческаго поприща всея России Чудотворец и Учитель монашескаго делания, преизливающий от раки своих честных мощей токи благодатныя помощи. Умилився же тамо сердцем, взывал еси с радостию: Аллилуиа.
Икос 4
Слыша велие житие и благочестие богомудрых Отцев и старцев Оптины пустыни, тайно оставил еси мир и вся, яже в нем, и пришел еси необинуяся во обитель сию во смирении души, во еже спастися и угодити Богу. Мы же, видяще вящую ревность души твоея, приносим Ти хвалебную песнь: Радуйся, тленныя блага мира сего нивочтоже вменивый; радуйся, сладость Церковную познавый. Радуйся, во обитель Святую вселивыйся; радуйся, всего себе Богу отдавый. Радуйся, заповеди Божия неленостно исполнивый; радуйся, плоды Христова учения сладце вкусивый. Радуйся, подвигов святых Отцев ревнителю; радуйся, чистоты душевныя неусыпный хранителю. Радуйся, преподобне Амвросие, богомудрый учителю веры и благочестия.
Кондак 5
Богозданная пустынь прия тя, яко во объятия Отча, в нюже кротко вселился еси и тамо первее понесл еси труды послушания в келии великаго старца богопросвещеннаго Льва, имже наставлен был еси к духовному деланию. Уведев же сладость отречения воли своея, возопил еси: Аллилуиа.
Икос 5
Видяще твое иноческое преуспеяние, облекоша тя Отцы пустыни в ризы схимы великия и сподоби тя подвигоначальник Христос благодати Ангельскаго чина приобщитися, сего ради вопием ти: Радуйся, всем сердцем Бога возлюбивый; радуйся, всею душею Ему послуживый. Радуйся, веру чрез многия труды непреложно утвердивый; радуйся, надеждою на помощь свыше себе вооруживый. Радуйся, любве Евангельския сокровище; радуйся, даров Духа Святаго вместилище. Радуйся, подвигов монашеских воине доблественный; радуйся, равноангельскаго жития подражателю предивный. Радуйся, преподобне Амвросие, богомудрый учителю веры и благочестия.
Кондак 6
Проповедник православныя веры и истиннаго жития во Христе Иисусе явился еси, противныя Евангелию и Церкви учения отрицая и многая от пути заблуждения обратил еси ко Христу Жизнодавцу, поя благодарственно: Аллилуиа.
Икос 6
Возсиял еси яко свеща многосветлая в земли Российстей, просвещая всякаго человека, приходящаго к тебе, светом истины, людие же, обремененнии грехми и скорбьми многими, обретоша в тебе богоразумнаго наставника благочестия и добраго отца всем немоществующим, страждущим и уничиженным, воспевающе таковая: Радуйся, светильниче православныя страны Российския; радуйся, зерцало Божественныя любве. Радуйся, столпе веры апостольския; радуйся, каменю надежды жизни вечныя. Радуйся, наставниче во всяких обстояниях Боговдохновенный; радуйся, проповедниче покаяния рачительный. Радуйся, врачу недугов телесных; радуйся, целителю болезней душевных. Радуйся, преподобне Амвросие, богомудрый учителю веры и благочестия.
Кондак 7
Хотя последовати Самому Христу, подражал еси Ему всеусердно, взем иго Его на себе и научився от Него кротости и смирению, обрел еси покой души своей, зовущей присно: Аллилуиа.
Икос 7
Новая и дивная звезда святости явися на небе церковнем, егда возшел еси по лествице духовней к совершенству ангелоподобному, простерл еси лучи любве своея по лицу всея земли русския и привлекл еси к себе знатная и худородная, мудрая века сего и немудрая, вопиющая к тебе сицевая: Радуйся, граде, верху горы стояй; радуйся, светило, мрак неведения прогоняющее. Радуйся, вся немощная врачуяй; радуйся, от бед и прельщений вражеских избавляяй. Радуйся, печальных утешителю; радуйся, жаждущих духовный напоителю. Радуйся, хитрословеснаго мудрования века сего обличителю; радуйся, многих заблудших на путь истины направителю. Радуйся, преподобне Амвросие, богомудрый учителю веры и благочестия.
Кондак 8
Странником и пришельцем в земном мире предстал еси, взыскующим града небеснаго, и понесл еси тяготы и немощи ищущаго у тебе помощи ближняго, и тако исполнил еси Закон Христов, поя с благодарением: Аллилуиа.
Икос 8
Весь огнем Божественныя любве исполненный, крест многотрудный болезней телесных пронесл еси чрез все твое иноческое житие, в терпении стяжав душу твою, по слову Евангелия Христова, и всех нас научил еси безропотному крестоношению, зовущих ти: Радуйся, вождю ищущих спасения; радуйся, образе истиннаго послушания. Радуйся, сам тяжкие недуги до конца претерпевый; радуйся, приходящия к тебе в болезнех и печалех терпению научивый. Радуйся, паствы твоея изрядный душепопечителю; радуйся, алчущих жизни вечныя питателю. Радуйся, обидимых покровителю; радуйся, непокорных воли Божией вразумителю. Радуйся, преподобне Амвросие, богомудрый учителю веры и благочестия.
Кондак 9
Все естество человеческое в болезнех и телесных немощех испытал еси, плоть распяв со страстьми и похотьми, и молитвою неустанною отгонял еси напасти и искушения лукавых духов и тем вся научал еси противостати кознем диавольским, взывая с верою: Аллилуиа.
Икос 9
Витийства суемудрых, неведавших силы веры православныя, отметал еси словом Божиим и чистым житием твоим, и воистину возсиял еси, яко светозарный столп благочестия и хранитель святоотеческаго предания, усердно прелагая древняя писания отцев в письмена удобовразумительныя. Мы же, дивящеся трудом твоим, воспеваем сице: Радуйся, веры правыя адаманте; радуйся, жития по вере крепосте. Радуйся, духа благочестия насадителю; радуйся, добродетелей христианских сеятелю. Радуйся, подвигов старчества преуспеяние; радуйся, множества иноков духовное просвещение. Радуйся, приведый тех ко спасению; радуйся, обративый многия грешныя к покаянию. Радуйся, преподобне Амвросие, богомудрый учителю веры и благочестия.
Кондак 10
Спастися взыскующим Царства Небеснаго вспомоществуя, верный путеводитель явился еси, мирския и духовныя управляя: на конец же лет своих многая труды положил еси, обитель Шамординскую убогим устрояя, да сестры тоя обретут душевный покой и спасение, воспевающе песнь хвалебную: Аллилуиа.
Икос 10
Стена и прибежище был еси чадом твоим, молитвами неусыпными от демонских наваждений охраняя; на невидимую брань с духи злобы вдохновлял еси их, гордость и славолюбие смирением упраздняя. Темже радующеся зовем Ти: Радуйся, стрелы вражия угасивый; радуйся, демонския полки победивый. Радуйся, пленных от духов злобы свободивый; радуйся, из темницы страстей многая души изведый. Радуйся, любовию и молитвами заблудшия к Богу обративый; радуйся, сирот и вдовиц добрый попечителю. Радуйся, водительства иноков и инокинь богоносный зиждителю; радуйся, смиренномудрия и кротости доброгласный проповедниче. Радуйся, преподобне Амвросие, богомудрый учителю веры и благочестия.
Кондак 11
Пение умиленное приносим Ти, скорому помощнику в нуждах и печалех всем, к тебе с верою и любовию притекающим, до конца дней своих был еси чадолюбивый отец страждущих и обремененных, чающих утешения души. Темже неложно прославляется тобою Бог, дивный во святых Своих, зовущих непрестанно: Аллилуиа.
Икос 11
Светильника добродетелей видеша в тебе вси концы страны нашея, отче наш Амвросие, яко в терпении и смирении земное странствие скончал еси и исполнил еси вся, яже заповеда нам Христос во святем учении, и преселился еси от земли на небо, внидя в радость Господа своего, яко верный раб Христов. Темже радующеся воспеваем Ти таковая: Радуйся, слуго усердный, сотворивый волю Господина своего; радуйся, воине Христов, суету житейскую оставивый. Радуйся, Богу единому послуживый; радуйся, вся заповеди Божия исполнивый. Радуйся, обители Небесныя удостоивыйся; радуйся, горния славы приобщивыйся. Радуйся, наследниче жизни вечныя; радуйся, угодниче Божий прехвальный. Радуйся, преподобне Амвросие, богомудрый учителю веры и благочестия.
Кондак 12
Благодати Божия сокровище некрадомое унаследовал еси и тихое, безмятежное пристанище на Небесех обрел еси. Действием же промысла Божия во дни торжествуемаго тысящелетия Крещения Руси прославлен и к лику Святых причислен был еси. Ныне ублажающе память твою святую, поем вси: Аллилуиа.
Икос 12
Поюще твое всероссийское прославление и обретение честных мощей твоих, возносим ти, яко благоухание кадильное, смиренныя наша молитвы: не забуди чад твоих, почитающих имя твое святое и взывающих к тебе в благодарении: Радуйся, Амвросие, Божественнаго безсмертия тезоименитый; радуйся, Церкве православныя честная похвало. Радуйся, лика Святых угодников причастниче; радуйся, сонма преподобных Отцев сотаинниче. Радуйся, пред престолом Бога Всевышняго наш твердый предстателю; радуйся, пред судом Божиим наш теплый ходатаю. Радуйся, нас, странствующих в юдоли плачевней, путеводителю; радуйся, о всей земли Российстей неусыпный молитвенниче. Радуйся, преподобне Амвросие, богомудрый учителю веры и благочестия.
Кондак 13
О дивный угодниче Христов и Чудотворче, преподобне старче наш Амвросие, приими ныне малое моление недостойных чад твоих, не остави нас в скорбех и болезнех, прииди и простри руку помощи, настави нас на путь покаяния и спасения, во еже избавитися муки вечныя, да тобою присно славим Бога вопиюще: Аллилуиа.
(Этот кондак читается трижды, а затем икос 1 и кондак 1)
Молитвы преподобному Амвросию старцу Оптинскому
О великий старче и угодниче Божий, преподобне отче наш Амвросие, Оптинская похвало и всея Руси учителю благочестия! Славим твое во Христе смиренное житие, имже Бог превознесе имя твое еще на земли тебе суща, наипаче же увенча тя небесною честию по отшествии твоем в чертог славы вечныя. Приими ныне моление нас, недостойных чад твоих, чтущих тя и призывающих имя твое святое. Избави нас твоим предстательством пред престолом Божиим от всех скорбных обстояний, душевных и телесных недугов, злых напастей, тлетворных и лукавых искушений. Низпосли отечеству нашему от Великодаровитаго Бога мир, тишину и благоденствие. Буди непреложный покровитель Святыя обители сия, в нейже в преуспеянии сам подвизался еси и угодил еси всеми в Троице славимому Богу нашему. Ему же подобает всякая слава, честь и поклонение, Отцу, и Сыну, и Святому Духу ныне и присно и во веки веков. Аминь.
О преподобне и богоносне отче наш Амвросие! Ты поработати Господеви желая, зде вселился еси, и неленостно во трудех, бдениех, молитвех и постех подвизался еси, и был еси наставник монашествующим, всем же людем учителю ревностный. Ныне убо, по отшествии твоем от земных, Небесному Царю предстоя, моли благость Его, еже ущедрити место селения твоего, святую обитель сию, идеже духом любве твоея неотступно пребываеши, и всем людем твоим, с верою к раце мощей твоих припадающим, во благая прошения их исполнити. Испроси у милостиваго Господа нашего, да низпослет нам обилие небесных и земных благ, паче же яже на пользу душ наших да дарует нам, и скончати житие сие привременное в покаянии да сподобит, в день же судный деснаго предстояния и наслаждения во Царствии Своем да удостоит во веки веков. Аминь.
О всечестный старче преславныя и дивныя Оптины пустыни, преподобне и богоносне отче наш Амвросие, Церкве нашея доброе украшение и благодатный светильниче, небесным светом всех озаряяй, красный и духовный плод России и всея подсолнечныя, души верных обильно услаждаяй и увеселяяй! Ныне с верою и трепетом припадаем пред цельбоносною ракою святых мощей твоих, ихже на утешение и помощь страждущим милостивно даровал еси, смиренно молим Тя сердцем и усты, отче святый, яко всероссийскаго наставника и учителя благочестия, пастыря и врача душевных и телесных недугов наших: воззри на чад твоих зело согрешающих в словесех и делех и посети нас многою и святою своею любовию, еюже славно преуспел еси еще во дни земныя, а наипаче по праведней твоей кончине, наставляя в правилех святых и богопросвещенных отцев, вразумляя нас в заповедех Христовых, в нихже добре поревновал еси до последняго часа твоея многотрудныя иноческия жизни; испроси нам, немощствующим душею и бедствующим в скорбех, благоприятное и спасительное время на покаяние, истинное исправление и обновление нашего жития, в немже мы, грешнии, осуетихомся умом и сердцем, предахом себе непотребным и лютым страстем, пороком и беззаконием, имже несть числа; приими убо, соблюди и покрый нас кровом твоея многия милости, низпосли нам благословение от Господа, да понесем благое иго Христово в долготерпении до конца дней наших, чающе будущаго живота и Царствия, идеже несть печаль ни воздыхание, но жизнь и радость безконечная, изобильно проистекаемая от Единаго, Всесвятаго и Блаженнаго Источника безсмертия в Троице поклоняемаго Бога Отца, и Сына, и Святаго Духа, ныне и присно и во веки веков. Аминь.
Тропарь, глас 5
Яко к целебному источнику, притекаем к тебе Амвросие, отче наш, ты бо на путь спасения нас верно наставляеши, молитвами от бед и напастей охраняеши, в телесных и душевных скорбех утешаеши, паче же смирению, терпению и любви научаеши, моли Человеколюбца Христа и Заступницу усердную спастися душам нашим.
Кондак, глас 2
Завет Пастыреначальника исполнив, старчества благодать наследовал еси, болезнуя сердцем о всех с верою притекающих к тебе, темже и мы, чада твоя, с любовию вопием Ти: отче святый Амвросие, моли Христа Бога спастися душам нашим.
