Апостол и евангелист Марк происходил из колена Левиина. Еврейское имя его Иоанн. Латинское имя Марк он прибавил к своему имени в то время, когда пошел на проповедь в Рим. Жил он в Иерусалиме в доме своих родителей. Им принадлежал и сад Гефсиманский, где у них также был дом.
Апостол и евангелист Марк в своем Евангелии рассказывает о юноше, следовавшем за Христом в Гефсиманском саду после предательства его Иудой, это был сам Марк, выбежавший на шум из своего дома. Он был одним из семидесяти учеников Господа.
Его мать Мария упоминается в Деяниях апостолов как одна из жен, наиболее преданных вере Христовой: в ее доме в Иерусалиме христиане собирались для молитвы. Брат Марии Варнава, дядя евангелиста Марка — один из апостолов. В доме матери после Вознесения Христова апостол и евангелист Марк сблизился с апостолами Петром и Павлом, которые относились к нему как к родному сыну.
Около 44 или 45 годов по Рождестве Христовом иудеи в Иерусалиме разграбили дома христиан, оставив их без средств к существованию. Узнав об этом, христиане Антиохии собрали им деньги для помощи и отправили их со святыми апостолами Варнавой и Павлом, пребывавшими там в то время.
Оттуда в Антиохию они возвратились уже с Марком, и будущий апостол и евангелист Марк принял участие в своем первом апостольском путешествии. Прибыв на Кипр, они обошли его вдоль и поперек, и Марк был свидетелем многих чудес, совершенных Павлом именем Господа Иисуса Христа.
В другой раз Марк присоединился к апостолу Петру — они отправились для проповеди Евангелия в Рим. Там уже было много христиан из иудеев и язычников, и апостол Петр при содействии Марка своею проповедью и чудесами утверждал здесь Церковь Христову.
Римские христиане пожелали иметь у себя и письменное свидетельство устно преподанного им учения. Они стали просить Марка записать для них все святые слова, какие они с Петром говорили им, и оставить им это писание. При содействии Святого Духа апостол и евангелист Марк исполнил это дело, создал Евангелие.
Святой апостол Петр, прочитав рукопись, засвидетельствовал истину в ней изложенного. Это Евангелие принято было всеми христианскими Церквами как писание апостольское, боговдохновенное.
После трудов в Риме апостол и евангелист Марк по повелению апостола Петра отправился для проповеди Евангелия в город Аквилею, на северном берегу Адриатического моря, основал здесь Церковь. Затем апостол Петр направил его в Египет. В Египте помнили, как прибыло сюда Святое Семейство, спасавшееся от Ирода, и как шумно падали языческие идолы в одном из храмов.
В результате проповедей апостола Марка множество людей в Египте уверовало во Христа. Апостол и евангелист Марк основал церковь в Александрии и стал первым ее епископом. Благоустроив здесь церкви и рукоположив к ним иереев и епископов, апостол Марк на некоторое время уехал из Египта, потом снова туда вернулся.
Вскоре в Египет приехал и апостол Петр, где и написал свое первое соборное послание к малоазийским христианам. В последующее время апостол и евангелист Марк снова соединился с апостолом Павлом и стал одним из помощников его. В своем послании к Колоссянам из Рима Павел называет Марка «утешением» своим и «споспешником во Царствие Божие».
Святой апостол и евангелист Марк, первый епископ Александрийской Церкви, был и первым ее мучеником. Он пострадал в праздник святой Пасхи, совпавшей в тот год с языческим праздником в честь Сераписа. Когда апостол совершал богослужение в храме Александрии близ моря, язычники, озлобленные его проповедью, ворвались в церковь и схватили его.
Апостола Марка, обвязанного веревками, протащили по улицам и предместьям города, затем истерзанного бросили в темницу. В полночь святому страдальцу явился ангел Господень и укрепил его на подвиг мученичества, а затем и Сам Господь утешил его Своим явлением.
На следующее утро неистовая толпа народа с яростью извлекла Апостола из темницы и опять безжалостно влачила его по улицам города, от чего святой апостол и евангелист Марк вскоре скончался. Злоба язычников не удовольствовалась смертью святого — они решили сжечь его тело.
Уже разведен был огонь, как внезапный мрак, землетрясение, страшный гром, дождь и град разсеяли пришедшую в смятение толпу язычников, и те в ужасе и страхе разбежались. Христиане смогли с честью предать погребению тело святого апостола. Над мощами святого Марка в IV веке была построена церковь.
В первой половине IX века, когда владычество арабов-магометян и ересь монофизитов ослабили Православие в Египте, мощи святого апостола и евангелиста были перенесены в Венецию, близ которой, в Аквилее, он некоторое время трудился в проповеди Евангелия. Там они и до настоящего времени почивают в великолепном храме, воздвигнутом в его честь.
Память: 25 апреля / 8 мая.
АКАФИСТ СВЯТОМУ АПОСТОЛУ И ЕВАНГЕЛИСТУ МАРКУ
Не утвержден для общецерковного использования.
Тропарь, глас 3
Апостоле святый и Евангелисте Марко, моли Милостиваго Бога, да прегрешений оставление подаст душам нашим.
Кондак, глас 2
С высоты приим благодать Духа, риторская плетения разрушил еси, Апостоле, и, языки вся уловив, Марко всеславне, твоему Владыце привел еси, Божественное проповедав Евангелие.
Кондак 1
Избраннаго Евангелиста и богогласных словес благовестника, всехвальнаго Марка воспоим, вернии, мрежею проповеди своея многия души человеческия во спасение уловившаго и ко Христу, Спасу нашему, приведшаго. Ты же, святый Апостоле, яко имеяй дерзновение ко Господу, молися Ему выну за ны, грешныя, да зовем ти: радуйся, Апостоле и Евангелисте Марко, мира концы учением Христовым просветивый.
Икос 1
Ангелов Творец и Владыка, Христос Бог, спасти хотя мир и светом истины вся просветити, избра тя, Марко всехвальне, на делание спасения человеков. Темже и мы, светом учения твоего озаряеми, сердцем и усты вопием ти таковая:
Радуйся, иго Христово, благое и легкое, на рамо свое восприемый.
Радуйся, воплощшемуся Богу Слову верно послуживый.
Радуйся, Господа Иисуса всем сердцем возлюбивый.
Радуйся, в проповедании истины ревность велию явивый.
Радуйся, немолчный благовестниче Евангельскаго учения.
Радуйся, дивный наставниче ищущих спасения.
Радуйся, Апостоле и Евангелисте Марко, мира концы учением Христовым просветивый.
Кондак 2
Видяще труды Апостолов Петра, Павла и Варнавы, сродника твоего, сим поревновати потщался еси, Марко блаженне; сего ради спутешественник и сподвижник славных учеников Христовых показался еси, купно с ними поя: Аллилуиа.
Икос 2
Разум Небесный тебе свыше дадеся, Марко богомудре, темже изсохшия и оляденевшия души учением Христовым оживил еси, подвизая всех пети тебе сице:
Радуйся, первоверховных Апостолов Петра и Павла славный учениче.
Радуйся, Апостолу Варнаве по плоти сродниче.
Радуйся, яко делатель усердный на ниве Христовой показался еси.
Радуйся, яко плод сторицею Господеви твоему принесл еси.
Радуйся, языки многия ко истине приведый.
Радуйся, имя Христово во вселенней прославивый.
Радуйся, Апостоле и Евангелисте Марко, мира концы учением Христовым просветивый.
Кондак 3
Силою свыше укрепленный, Марко Апостоле, благоразумием твоим всякую вражию прелесть низложил еси, род же человеческий верою Христовою просветил еси; темже молим тя: омраченныя грехми души наша просвети, да чистым сердцем вопием Богу: Аллилуиа.
Икос 3
Имея едино попечение, Марко всеблаженне, еже проповедати всем словеса жизни вечныя, многия страны протекл еси, свет Христов благовествуя и тьму неверия отгоняя. Сего ради зовем ти:
Радуйся, неустанно трудивыйся во благовестии Христове.
Радуйся, напоивший землю струями Божественных вещаний.
Радуйся, земли Египетския светом Христовым озаривый.
Радуйся, Кипр учением Евангельским огласивый.
Радуйся, Антиохию струями Божественных вещаний напоивый.
Радуйся, в Риме Священное Евангелие написавый.
Радуйся, Апостоле и Евангелисте Марко, мира концы учением Христовым просветивый.
Кондак 4
Бури многих бед и скорбей от идолослужителей претерпел еси, святый Апостоле Марко, спасение во Христе благовествуя и многобожия тьму отгоняя. Сего ради чтуще болезни и труды твоя, Богу, тобою нас спасающему, вопием: Аллилуиа.
Икос 4
Слышавше, богомудре Марко, многия люди словеса премудрости, исходящия из уст твоих, познаша тобою Бога истиннаго, крещающеся во имя Отца и Сына и Святаго Духа. Темже хвалебно тебе зовем:
Радуйся, вселенныя светильниче.
Радуйся, богодохновенный веры проповедниче.
Радуйся, идольския лести разорителю.
Радуйся, истиннаго богопочитания насадителю.
Радуйся, ищущим спасения путь ко Христу показавый.
Радуйся, изнемогающих от зноя страстей живоносными струями словес Христовых оросивый.
Радуйся, Апостоле и Евангелисте Марко, мира концы учением Христовым просветивый.
Кондак 5
Боготечная звезда, светлостьми добродетелей сияющая, явился еси, всехвальне Марко, Верховнаго бо Апостола ученик быв, с ним Христа, Сына Божия, проповедал еси, поя: Аллилуиа.
Икос 5
Видевше люди, во тьме идолослужения погибающия, стопы твоя во страну Египетскую направил еси, богопроповедниче святый, да тамо многия светом Христовым просветиши и Царствия Небеснаго наследники соделаеши. Сего ради и мы, словесем благовестия твоего внимающе, ублажаем тя тако:
Радуйся, яко тобою Египет от прелести свободися.
Радуйся, яко Александрия, светом веры Христовы просвещаема, тобою хвалится.
Радуйся, трубо Христова благогласная, ко пристанищу спасения вся приводящая.
Радуйся, светильниче благосветлый, тьму неразумия верою прогоняющий.
Радуйся, искусный ловителю душ человеческих.
Радуйся, сеятелю добраго семене, сторицею плод приносящаго.
Радуйся, Апостоле и Евангелисте Марко, мира концы учением Христовым просветивый.
Кондак 6
Проповедник богоглаголивый явился еси, Апостоле преславне Марко, во Египте и иных странах Евангелие Христово возвещая людем, иже и научишася тобою пети Триипостасному Богу: Аллилуиа.
Икос 6
Возсиял еси, всехвальне Марко, яко светильник светозарный, в странах многих и, яко боготечное светило, обтекл еси восток и запад, возвещая людем спасительную веру Христову. Сего ради вопием ти:
Радуйся, насадителю истиннаго богопочитания.
Радуйся, проповедниче Евангелия правды.
Радуйся, Духа Святаго сосуде вседрагий.
Радуйся, неустрашимый исповедниче Христов.
Радуйся, идолов сокрушителю.
Радуйся, велиих чудес совершителю.
Радуйся, Апостоле и Евангелисте Марко, мира концы учением Христовым просветивый.
Кондак 7
Хотя вся концы вселенныя учением Христовым просветити, много потрудился еси, Апостоле, и, шествуя из града во град, из веси в весь, благовествовал еси Евангелие истины жаждущим спасения, научая пети всех: Аллилуиа.
Икос 7
Дивное попечение о людех страны Египетския явил еси, святый Апостоле, егда проповедию твоею страну сию огласив, Церковь тамо основал еси и чин Божественныя Литургии составил еси. Сего ради просвещеннии тобою людие благодарно воспеваху ти таковая:
Радуйся, учения Христова славный благовестниче.
Радуйся, истинныя любве к Богу наставниче.
Радуйся, языческия тьмы светозарный прогонителю.
Радуйся, слова Божия истинный служителю.
Радуйся, немолчный велений Господних провозвестниче.
Радуйся, богомудрия верный наставниче.
Радуйся, Апостоле и Евангелисте Марко, мира концы учением Христовым просветивый.
Кондак 8
Странствие земное совершая, много потрудился еси со иными Апостолы, блаженне Марко, неведущих просвещая, Церкви устрояя, души и телеса врачуя и научая пети Христу: Аллилуиа.
Икос 8
Весь духом горя о славе Божией и Духом Святым умудренный, написал еси десницею своею Господне Евангелие, Марко богомудре. Темже словесами писаний Твоих просвещаеми, благодарно вопием ти сице:
Радуйся, силу Божию, в немощи человечестей совершаемую, в писании твоем показавый.
Радуйся, истинную веру всем возвестивый.
Радуйся, словеса Евангелия Христова нам оставивый.
Радуйся, ко истинному свету вся ны наставивый.
Радуйся, дивный Христова всемогущества проповедниче.
Радуйся, о всем мире теплый пред Богом ходатаю.
Радуйся, Апостоле и Евангелисте Марко, мира концы учением Христовым просветивый.
Кондак 9
Вся ко Христу приводя, многия души управил еси в Царствие Небесное, егоже и нас сподобити Господа умоли, Марко прехвальне, да купно с тобою и всеми святыми вопием Ему во веки: Аллилуиа.
Икос 9
Витийство человеческое не довлеет достойно восхвалити подвиги и чудеса твоя, святый Апостоле, обаче приими благоутробно сия малыя похвалы, с верою и любовию тебе приносимыя:
Радуйся, от востока до запада хвалимый и славимый.
Радуйся, землю Египетскую кончиною твоею освятивый.
Радуйся, плод трудов твоих, множество святых, от недр ея Христу принесый.
Радуйся, яко пустыни ея множеством подвижников прославишася.
Радуйся, Церкве Христовы украшение.
Радуйся, верных чад ея радосте и утешение.
Радуйся, Апостоле и Евангелисте Марко, мира концы учением Христовым просветивый.
Кондак 10
Спасение людей устрояя, святый Апостоле Марко, блаженныя кончины жития твоего достигл еси: служителие бо идольстии видяще, яко мнози тобою во Христа увероваша и крестишася — ярости исполнишася и влачаше тя по граду, истязующе и биюще тя; ты же во страдании сем душу твою в руце Бога Жива предал еси, поя: Аллилуиа.
Икос 10
Царя Небеснаго, Господа Иисуса, непрестанно проповедал еси, богоглаголиве Марко, к вере истинней всех приводя; сего ради многия скорби и страдания претерпевая, кончину жития твоего мученически скончал еси. Мы же, дивяся укрепляющей тя силе Божией, зовем:
Радуйся, славный Христов Апостоле.
Радуйся, Александрии первомучениче.
Радуйся, о спасении душ человеческих прилежавый.
Радуйся, истину Божию устами своими даже до смерти благовествовавый.
Радуйся, образ жития во Христе всем верным собою явивый.
Радуйся, талант, данный тебе, умноживый и в радость Господа твоего вшедый.
Радуйся, Апостоле и Евангелисте Марко, мира концы учением Христовым просветивый.
Кондак 11
Пение всеумиленное приносим тебе, блаженне Марко, воспоминающе апостольския труды и подвиги твоя. Темже молим тя: от всяких ересей и расколов соблюди нас, молитвенным предстательством твоим ко Господу, да в вере истинней до конца пребудем, вопиюще Богу: Аллилуиа.
Икос 11
Светоподательна светильника, просвещающа души наша светом Христова Евангелия, зрим тя, Апостоле Христов Марко, и, твоими блистании озаряеми, зовем ти таковая:
Радуйся, добрый словеснаго стада Христова пастырю.
Радуйся, Церкве Христовы устроителю.
Радуйся, яко мощи твоя от востока и до запада имя Господне восхвалиша.
Радуйся, яко шествием мощей твоих море освятися.
Радуйся, о всем мире теплый пред Богом ходатаю.
Радуйся, о спасении нашем изрядный попечителю.
Радуйся, Апостоле и Евангелисте Марко, мира концы учением Христовым просветивый.
Кондак 12
Благодать во устнах твоих излияся, Марко Апостоле, и был еси пастырь Христовы Церкве, уча словесныя овцы веровати в Троицу Единосущную, воспевая Ей: Аллилуиа.
Икос 12
Поюще многотрудныя подвиги твоя, всехвальне Апостоле Марко, ублажаем мученическую кончину твою, чтим святую память твою и в похвалу сицевая тебе зовем:
Радуйся, Христова учения славный благовестниче.
Радуйся, языческия тьмы светозарный прогонителю.
Радуйся, Христовой мудрости всех научаяй.
Радуйся, узы греховныя многих человек разрешаяй.
Радуйся, провозвестниче Божественных велений.
Радуйся, источниче неисчерпаемыя благодати исцелений.
Радуйся, Апостоле и Евангелисте Марко, мира концы учением Христовым просветивый.
Кондак 13
О всехвальный благовестниче, Апостоле и Евангелисте Марко! Приими малое сие моление наше, в похвалу тебе приносимое, и умоли Господа нашего Иисуса Христа избавити нас муки вечныя и сподобити радости святых, да поем Ему во веки: Аллилуиа.
(Этот кондак читается трижды, затем икос 1 и кондак 1).
Mолитва
О преславный Апостоле Христов Марко, душу за Христа предавый и кровию твоею пажить Его удобривый! Услыши чад твоих молитвы и воздыхания, сердцем сокрушенным ныне приносимыя. Се бо беззаконьми омрачихомся, и того ради бедами, якоже тучами, обложихомся, елея же добраго жития обнищахом зело, и не возможем противитися волком хищным, иже расхищати наследие Божие дерзостно тщатся. О, сильный! Понеси немощи наша, не отлучайся духом от нас, да не разлучимся в конец от любве Божия, но крепким заступлением твоим нас защити, да помилует Господь всех нас молитв твоих ради, да истребит же рукописание безмерных грехов наших и да сподобит со всеми святыми блаженнаго Царствия и брака Агнца Своего, Емуже честь, и слава, и благодарение, и поклонение во веки веков. Аминь.
