Апостол Фома, один из 12 апостолов, причем один из самых преданных учеников. Он был родом из галилейского города Панеады, прозывался Близнец. Услышав Божественное учение Христа и увидев чудеса Его, Фома последовал за Господом и был избран в число 12 апостолов (Лк. 6, 15; Мк. 3, 18).
Случай, когда особенно выразилась преданность апостола Фомы, произошел, когда Спаситель вместе с учениками после праздника Обновления покинул Иерусалим, где на Него злоумышляли иудеи, и отправился в Галилею. Здесь Он получил известие о болезни Своего друга Лазаря и решил вернуться.
Ученики отговаривали Христа, но Он был непреклонен, сказав, что ничто не может сократить время Его служения на земле, и открыл им причину — смерть Лазаря. И тогда апостол Фома, не задумываясь, заявил: «Пойдем, и мы умрем с Ним». Он видел твердость Учителя и не хотел разлучаться с Ним в угрожающей опасности.
Это было выражение сильной беззаветной преданности. Горячие слова Фомы подействовали на остальных, и все последовали за своим Учителем. Эта преданность Фомы была плодом искренней любви, сердечной привязанности его к Господу. При всей своей преданности апостол Фома не имел, однако, ясного понимания учения и цели служения Христа.
По самой природе своей апостол Фома более других был склонен держаться очевидного, не мог отрешиться от внешних чувственных представлений. Склонность Фомы к внешнему и очевидному приводила его даже к неверию. Возможно, в связи с этим его называли «неверующий Фома». Это название стало даже именем нарицательным.
Именно тогда Господь сказал: «Я есмь путь и истина и жизнь, никто не приходит к Отцу, как только чрез Меня. Если бы вы знали Меня, то знали бы и Отца Моего. И отныне знаете Его и видели Его». (Ин. 14, 1-7) В этих словах Господа слышен упрек Фоме за его чувственное понимание.
Известный случай неверия Фомы был по Воскресении Господа. Вечером, в самый день Воскресения, Иисус Христос внезапно явился среди учеников Своих, собравшихся вместе. Только апостола Фомы с ними не было. И, когда ученики в величайшей радости рассказывали ему, что видели Учителя, Фома не поверил, сказав: «Если не увижу на руках Его ран от гвоздей, и не вложу перста моего в раны от гвоздей… не поверю».
На восьмой день после Воскресения Господь явился Фоме и показал свои раны. Апостол Фома забыл свое желание осязать своими руками божественные язвы и только мог исповедать: «Господь мой и Бог мой!» Тогда Господь кротко ему заметил: «Ты поверил, потому что увидел Меня; блаженны не видевшие и уверовавшие» (Ин. 20, 19-29)
Святитель Иоанн Златоуст говорит: «Апостол Фома, бывший некогда слабее других апостолов в вере, сделался по благодати Божией мужественнее, ревностнее и неутомимее всех их, так что обошел со своей проповедью почти всю землю, не убоявшись возвещать Слово Божие народам диким».
Согласно Церковному Преданию, апостол Фома основал Христианские Церкви в Месопотамии, Палестине, Парфии, Индии, Эфиопии. За поповедь Евангелия апостол Фома, как и все прочие апостолы, кроме Иоанна Богослова, принял мученическую смерть, пронзенный копьями воинов.
Произошло это после того, как он обратил ко Христу супругу правителя индийского города Мелиопора (Мелипура) и его сына, принявших крещение после проповедей Фомы. Царь заключил святого апостола в темницу, где его долго и жестоко пытали, но апостол выходил живым и невредимым из огненной печи и других не менее ужасных пыток.
Тогда царь повелел вывезти его за город. Там на горе воины вдали от народа и последователей Фомы пронзили святого пятью копьями. Перед этим апостол Фома рукоположил следовавших за ним Азана, царского сына, в диакона, а Сифора, человека благородного происхождения, в — иерея. Они же и погребли тело святого мученика с честью.
Вскоре после этого один христианин тайно перевез честные мощи в Месопотамию, чтобы уберечь их от осквернения. Там они хранились в городе Эдессе. Здесь была постороена во имя апостола Фомы великолепная церковь. В 1144 году мощи святого апостола были перенесены крестоносцами на остров Хиос.
С 1258 года мощи апостола Фомы хранятся в городе Ортона в кафедральном соборе, носящем его имя. Ныне части мощей, разошедшие по миру, имеются на Афоне, в Венгрии и в Индии. Глава святого апостола Фомы находится на острове Патмос в монастыре апостола Иоанна Богослова, который был построен в XI веке святым Христодулом.
С именем апостола Фомы связана Аравийская (Арапетская) икона Божией Матери. Когда апостол Фома просвещал светом веры Христовой страны Индии, наступило честное Успение Пресвятой Богородицы. Апостол Фома, по промыслу Божиему, не успел прибыть в Гефсиманию ко времени погребения пречистого тела Богоматери.
Он очень сокрушался об этом, и святые апостолы решили открыть для Фомы гроб Пресвятой Богородицы, чтобы и он мог увидеть пречистое Ее тело, поклониться ему и утешиться в своей скорби. Но, когда гроб был открыт, там была обнаружена только плащаница, которою Она была обвита.
Так апостолы воочию убедились, что Пречистая Матерь Божия, подобно Божественному Сыну Своему, воскресла в третий день и с телом взята на Небо.
Молитвенная традиция: Апостолу Фоме молятся при беспокоящем душу неверии, как самому прошедшему это искушение.
Память: 6 / 19 октября, Неделя 2-я по Пасхе.
АКАФИСТ СВЯТОМУ АПОСТОЛУ ФОМЕ
Утвержден 25 декабря 2012 года. Журнал №129. Утвержден для общецерковного использования.
Тропарь, глас 2
Ученик Христов быв, Божественнаго собора апостольскаго сопричастник, неверствием бо Христово Воскресение известив и Того пречистую страсть осязанием уверив, Фомо всехвальне, и ныне нам проси мира и велия милости.
Кондак, глас 4
Премудрости благодати исполнен, Христов Апостол и служитель истинный в покаянии вопияше Тебе: Ты мой еси Бог же и Господь.
Кондак 1
Избранный самовидче Слова и свидетелю Его славный, даже до последних земли благовестил еси веру твою: «Егоже раны аз осязах — Сей есть Господь и Бог». Темже и ныне созерцаяй нам незримая, за взыскующия веры молися, да зовем ти: Радуйся, Апостоле Фомо, неверием добрым веру утвердивый.
Икос 1
Ангелом неведомое таинство познал еси, Плоть Бога жива дерзновенною десницею осязая; темже, ужасающеся и дивящеся, зовем ти:
Радуйся, яко дерзновение твое Бог предуведе.
Радуйся, яко на служение Свое тя предустави.
Радуйся, яко неверие твое не осуди.
Радуйся, яко вера твоя утвердися.
Радуйся, яко Христос в лик апостольский тя избра.
Радуйся, яко стопы твоя по словеси Своему направи.
Радуйся, яко уста ко устом тебе бысть Божие вещание.
Радуйся, яко приклонися Господь к любопытнаго перста осязанию.
Радуйся, Апостоле Фомо, неверием добрым веру утвердивый.
Кондак 2
«Словеса ваша о явлении Воскресшаго неудобоприятельна ми являются, — вопияше Фома иным учеником, — аще не вижу на руку Его язвы гвоздинныя, и вложу перста моего в язвы гвоздинныя, и вложу руку мою в ребра Его, не дерзну взывати Сему: Аллилуиа».
Икос 2
Разум недоразумеваемый догматов веры разумети ищуще, вопрошаем в смятении: во двою естеству едино Лице како Церковь мудрствует и воспевает? Обаче неверием твоим, Апостоле, уверяеми в сем, взываем:
Радуйся, яко Христос един хлеб с тобою вкуси.
Радуйся, яко едино солнце над вама возсия.
Радуйся, яко хлебом истины многи насытил еси.
Радуйся, яко Солнце правды возлюбил еси.
Радуйся, яко един источник вы напои.
Радуйся, яко едина смоковница вама сень даде.
Радуйся, яко реки благодати источил еси.
Радуйся, яко не безплодная смоковница показался еси.
Радуйся, Апостоле Фомо, неверием добрым веру утвердивый.
Кондак 3
«Силе Вышняго вся возможна суть, — вопияше Фома, — может бо и умершия воскрешати, обаче како смерти приобщися Сей, Емуже подобает воспевати: Аллилуиа».
Икос 3
Богоприятну Деву прозре младенец, во чреве Елисаветином сый; мы же, очи имуще, не зрим благая дела Господня, обаче слово Христово, Апостолу реченное: «блажени не видевшии и веровавшии», поминаем с надеждою, и тако сему взываем:
Радуйся, спасения возжелавый.
Радуйся, яко пророки чаянная узрел еси.
Радуйся, Адамом утраченная взыскавый.
Радуйся, яко Спасителя обрел еси.
Радуйся, Светом мира просвещенный.
Радуйся, яко Небо отверзеся ти.
Радуйся, Словом Отчим умудренный.
Радуйся, яко тайны Царствия открышася ти.
Радуйся, Апостоле Фомо, неверием добрым веру утвердивый.
Кондак 4
«Бурю внутрь имею помышлений сумнительных, — вопияше Фома, — како бо во гроб положен бысть по водам Ходивый и Лазаря Воскресивый, Емуже аз желаю воспети: Аллилуиа».
Икос 4
Слышаша пастырие Ангелов, поющих Младенца Спаса, и, шедше, поклонишася Ему; мы же, уши имуще, не внемлем глаголу Господню, обаче на твое предстательство, Апостоле, уповаем и зовем ти:
Радуйся, в корабли со Христом ходивый.
Радуйся, по волнам Ходящу поклонивыйся.
Радуйся, мрежею Христовою уловленный.
Радуйся, на ковчег спасения ступивый.
Радуйся, яко воды неверствия не поглотиша тя.
Радуйся, яко буря сомнений тя не потопи.
Радуйся, яко Христос над бездною тя удержа.
Радуйся, яко десницу с язвою ти простре.
Радуйся, Апостоле Фомо, неверием добрым веру утвердивый.
Кондак 5
«Боготечней звезде последоваша волсви, — вопияше Фома, — тако и аз вожделею следовати Тебе, Господи и Боже мой, даждь ми токмо прикоснутися Ти, да и аз воспою: Аллилуиа».
Икос 5
Дары принесоша халдейстии отроцы седящу на руку Девичу Создателю твари; мы же, руце имуще праздны от дел благих, како приступим к Сему, веры просяще, аще не Апостола Фому поминающе и тако ему зовуще:
Радуйся, яко Господин жатвы призва тя.
Радуйся, яко в вертограде Того добре потрудился еси.
Радуйся, яко делатель и нива явился еси.
Радуйся, яко плод сторицею принесл еси.
Радуйся, яко со Владыкою дней утреневал еси.
Радуйся, яко чашу Христову испил еси.
Радуйся, яко и нощь просвещение ти бысть.
Радуйся, яко Господу Славы спрославился еси.
Радуйся, Апостоле Фомо, неверием добрым веру утвердивый.
Кондак 6
«Проповедницы богоноснии бывше волсви, — вопияше Фома, — исповедаша Тя, Христе, яко Спаса всех; аще убо не уверую в Воскресение Твое, не явлюся ли и аз яко Ирод, не ведый пети: Аллилуиа».
Икос 6
Возсиявый во Египте Свет истины, да разсеет, яко дым, вся сомнения наша: веруем бо, Господи, помози неверию нашему; ты же, Апостоле, укрепи свидетельством твоим зовущия ти:
Радуйся, в сладость Христа послушавый.
Радуйся, во славу Его поживый.
Радуйся, с терпением Тому послуживый.
Радуйся, с веселием за Него умерый.
Радуйся, рану Прободеннаго осязавый.
Радуйся, Кровию Христовою искупленный.
Радуйся, копием мучительским прободенный.
Радуйся, кровь за Христа пролиявый.
Радуйся, Апостоле Фомо, неверием добрым веру утвердивый.
Кондак 7
«Хотящу Симеону праведному умрети, — вопияше Фома, — вдался еси яко Младенец тому, но познался еси ему и Бог совершенный; сотвори убо, Господи, и мне тако, да абие воззову Ти: Аллилуиа».
Икос 7
Новое показа Творец снизхождение нам, на безсмертнем Теле смертныя язвы явити изволивый Апостолу Своему, емуже с любовию взываем:
Радуйся, от Премудрости мудрость приемый.
Радуйся, от Любве любви научивыйся.
Радуйся, у Смирения смирению навыкший.
Радуйся, Благом во блазе утвержденный.
Радуйся, Терпением в терпении наставленный.
Радуйся, Кротости в кротости подражавый.
Радуйся, Послушанием к послушанию приведенный.
Радуйся, Сыном Отцу усыновленный.
Радуйся, Апостоле Фомо, неверием добрым веру утвердивый.
Кондак 8
«Странное чудо вижду, — вопияше Фома, — дверем затворенным, яко дух, входит Христос; осязаю обаче раны и язвы Его, и что убо реку, токмо: Господь мой и Бог мой; что убо воспою, токмо: Аллилуиа».
Икос 8
Вси есмы в нижних и вышних никакоже достигаем, обаче веруем, яко обоя соедини в Себе Господь, якоже яви сие Апостолу Своему, от нас воспеваему сице:
Радуйся, с четверодневным Лазарем вечерявый.
Радуйся, уверения во истине ревностно взыскавый.
Радуйся, «Осанна в вышних!» возгласивый.
Радуйся, любовию уверение сие улучивый.
Радуйся, воплощение Слова уведевый.
Радуйся, миром гонимый.
Радуйся, безсловесная плоти поправый.
Радуйся, мир от Христа приемый.
Радуйся, Апостоле Фомо, неверием добрым веру утвердивый.
Кондак 9
«Всякое естество тварное вместити Божественное никакоже возмогает, — вопияше Фома, — Ты Единый оба неслитно и нераздельно в Себе сочетал еси, Тебе пою: Аллилуиа».
Икос 9
Ветии многовещаннии ничесоже приложити дерзают, Апостоле, доброму исповеданию твоему: «Господь мой и Бог мой»; за сие и от нас приими сицевая:
Радуйся, яко нозе ко умовению Христу простерл еси.
Радуйся, яко дома на земли не имел еси.
Радуйся, яко нозе на путь мирен направил еси.
Радуйся, яко обитель в дому Отчи снискал еси.
Радуйся, яко строитель царский нареклся еси.
Радуйся, яко архитектон премудрый обрелся еси.
Радуйся, яко злато нищим раздал еси.
Радуйся, яко чертог Небесный царю воздвигл еси.
Радуйся, Апостоле Фомо, неверием добрым веру утвердивый.
Кондак 10
«Спасти хотя мир, — вопияше Фома, — животворящею Кровию из прободенных ребр, Господи Боже мой, напоил еси вся, яже осязав, Тебе пою: Аллилуиа».
Икос 10
Стены Иерусалима Небеснаго на дванадесяти основаниих утвердишася; якоже едино от сих тя почитаем, Апостоле славне, и тако ти восписуем:
Радуйся, яко язык огнен на тебе почи.
Радуйся, яко слава Христова тя осия.
Радуйся, яко языки многи просветил еси.
Радуйся, яко имя Христово прославил еси.
Радуйся, яко недужных исцелял еси.
Радуйся, яко мертвых возставлял еси.
Радуйся, яко и дуси повиновахуся ти.
Радуйся, яко имя твое написася на Небеси.
Радуйся, Апостоле Фомо, неверием добрым веру утвердивый.
Кондак 11
«Пение всякое побеждается, — вопияше Фома, — тщащееся воспети славу Воскресения Твоего, Господи, обаче сие возвещу до последних земли, да всяк язык Истинному Богу зовет: Аллилуиа».
Икос 11
Светоприемную свещу зрим тя, Апостоле славный, прикосновением к обоженней Плоти возжженную, темже приносим ти сицевая:
Радуйся, бисере ризы церковныя.
Радуйся, вертоградарю Истины.
Радуйся, кореню богословия.
Радуйся, цвете благочестия.
Радуйся, рождие лозы божественныя.
Радуйся, благоухание, приятно Богови.
Радуйся, златице, огнем очищенная.
Радуйся, весно целомудрия.
Радуйся, Апостоле Фомо, неверием добрым веру утвердивый.
Кондак 12
«Благодать и жизнь Пришедый дати всякой плоти, — вопияше Фома иным учеником, — не воздаст ли сия Подавшей Ему плоть? Обаче укажите ми гроб Ея, да со слезами воззову Богови: Аллилуиа».
Икос 12
Поюще Успение Богородицы, Апостоли проводиша тя ко гробу Ея, и, вшед и обрет сей пуст, воздал еси хвалу Господу; темже зовем ти:
Радуйся, Божиею Материю возлюбленный.
Радуйся, ко прощанию Тою призванный.
Радуйся, яко матерь Ю возлюбивый.
Радуйся, Божиим Промыслом удержанный.
Радуйся, на гроб Ея плакати пришедый.
Радуйся, камень от него отваливый.
Радуйся, радость велию людем открывый.
Радуйся, востание Пречистыя возвестивый.
Радуйся, Апостоле Фомо, неверием добрым веру утвердивый.
Кондак 13
О преславный Апостоле Христов Фомо, малое сие приими от нас приношение и умоли за ны Господа Славы, да утвердившеся немощию твоею, обрящем и мы веры плоды благия, Творцу всяческих поюще: Аллилуиа.
(Этот кондак читается трижды, затем икос 1 и кондак 1).
О благознаменитый и славный Апостоле Христов Фомо! Егда на конец веков к человеком пришедый Бог избра тя в ученики Своя и даде ти власть болящия исцеляти, прокаженныя очищати, мертвыя воскрешати, бесы изгоняти, тогда не сих ради, но наипаче любовию прилепился еси ко Христу, желанием вожделев даже до смерти следовати по Нем. Сего ради, аще попущением Божественным и не зрел еси со иными ученики воскресшаго Спаса, аще и отреклся еси веровати сему, дондеже вложиши перст свой в язвы гвоздинныя и вложиши руку свою в ребра Его, обаче исполни Господь прошение сердца твоего и непреложно паки веру твою утверди. Темже молим тя: отверзи нам очи веры, да плотским невидимая явятся нам; подаждь нам надежду на снизхождение Божие, да отчаяние греховное не пожрет ны; открый нам блаженство любве, яже крепка есть, яко смерть, и едина возмогает над тою, да поработавше Христу на земли, воздвигнем и мы себе кровы Небесныя и с тобою и всеми святыми прославим пречестное и великолепое имя Отца и Сына и Святаго Духа. Аминь.
