Святой праведный Иоанн Кронштадский


Святой  праведный  Иоанн  Кронштадский

Святой  праведный  Иоанн  Кронштадский,  Всероссийский  Пастырь  и  чудотворец,  светильник  веры  и  благочестия,  родился  19  октября  1829  года  в  селе  Сура  Архангельской  губернии  в  простой  бедной  семье.

Его  отец  Илья  Михайлович  Сергиев,  сельский  причетник  (дьячок),  и  мать  Феодора,  были  глубоко  верующими  людьми.  С  самого  раннего  детства  они  приучили  сына  к  молитве  и  церковному  благочестию.

Святой  праведный  Иоанн  Кроншдадский  родился  очень  слабым  ребенком,  поэтому,  думая,  что  он  не  долго  проживет,  его  крестили  сразу  после  рождения.  По  святом  Крещении  мальчика  нарекли  Иоанном  в  честь  празднуемого  в  этот  день  великого  болгарского  святого  преподобного  Иоанна  Рыльского.

Но  ребенок  стал  крепнуть  и  расти.  Детство  его  протекало  в  крайней  бедности  и  нужде,  но  в  непрестанной  молитве.  Отрок  Иоанн  не  раз  удостаивался  чудесных  явлений.  Однажды  он  видел  Ангела  в  небесной  славе,  своего  Ангела-Хранителя.

Святой  праведный  Иоанн  Кронштадский  начал  учиться  грамоте  с  шести  лет,  в  десять  он  был  отвезен  отцом  в  Архангельское  приходское  училище.  Однако  учение,  не  смотря  на  его  усердие,  никак  не  давалось  мальчику,  и  он  горячо  молился  по  ночам,  «чтобы  Бог  дал  ему  свет  разума  на  утешение  родителям».

И  Господь  услышал  его  молитву.  Божественная  благодать  осенила  его.  По  его  собственному  выражению,  словно  «завеса  спала  с  его  очей».  С  того  дня  начались  успехи  Иоанна  в  учении,  в  1851  году  он  с  отличием  окончил  семинарский  курс  и  был  послан  на  казенный  счет  в  Петербургскую  Духовную  Академию.

В  том  же  году  умер  его  отец.  Святой  праведный  Иоанн  Кронштадский,  исполнявший  в  Академии  должность  письмоводителя,  все  свои  заработанные  деньги  отсылал  осиротевшим  матери  и  сестре.

С  детства  кроткий  и  тихий,  святой  праведный  Иоанн  Кронштадский  был  сосредоточен  на  внутренней  жизни,  проводил  все  свободное  время  за  чтением  книг,  сторонился  всех  мирских  развлечений.

Когда  Иоанн  Сергиев  закончил  курс  Академии,  ему  предложили  должность  священника  Андреевского  собора  в  Кронштадте.  Именно  этот  храм  видел  святой  накануне  во  сне  после  долгих  мучительных  размышлений,  какую  стезю  ему  избрать.

Сам  Бог  назначил  его  священствовать  в  этой  церкви.  Иоанн  вступил  в  брак  с  дочерью  протоиерея  К. П. Несвицкого  из  Кронштадта,  Елизаветой  Константиновной,  по  договору  с  которой  дал  обет  девства,  его  они  держались  всю  оставшуюся  жизнь.

 

12  декабря  1855  года  Иоанн  Сергиев  был  рукоположен  в  священники.  Здесь  в  Кронштадте,  в  течение  53  лет  и  протекала  вся  последующая  жизнь  отца  Иоанна.  Кронштадт  в  то  время  был  местом  высылки  из  столицы  убийц,  воров  и  прочих  уголовных  преступников.

Перед  отцом  Иоанном  открылось  огромное  поле  для  плодотворной  пастырской  деятельности.  Среди  таких  людей  начал  дивный  подвиг  самоотверженного  пастырского  делания  святой  праведный  Иоанн  Кронштадский.

«Нельзя  смешивать  человека — этот  образ  Божий — со  злом,  которое  в  нем,  потому  что  Божий  образ  в  нем  все-таки  сохраняется,» — учил  святой  праведный  Иоанн  Кронштадский.

Он  ходил  по  землянкам  и  подвалам,  шел  к  живой  бесценной  душе,  к  братьям  и  сестрам,  беседовал,  увещевал,  утешал,  плакал  и  радовался  вместе  с  ними,  ходил  в  лавку  за  продуктами,  за  лекарствами.  Раздавая  все  до  последней  копейки,  он  обрекал  на  крайнюю  нужду  себя  и  жену.

Преподавая  в  1857  году  Закон  Божий  в  Кронштадском  городском  училище,  святой  праведный  Иоанн  Кронштадский  сделал  следующие  умозаключения:  «Ты  преподаешь  детям  закон  Божий!..  Больше  всего  берегись  делать  из  Евангелия  учебную  книгу:  это  грех. 

Это  значит  в  ребенке  обесценивать  для  человека  книгу,  которая  должна  быть  для  него  сокровищем    и  руководством  целой  жизни»;  «При  образовании  чрезвычайно  вредно  развивать  только  рассудок  и  ум,  оставляя  без  внимания  сердце;  на  сердце  больше  всего  нужно  обращать  внимание;

Сердце — жизнь,  но  жизнь,  испорченная  грехом;  нужно  очистить  этот  источник  жизни,  нужно  зажечь  в  ней  чистый  пламень  жизни  так,  чтобы  он  горел  и  не  угасал  и  давал  направление  всем  мыслям,  желаниям  и  стремлениям  человека,  всей  его  жизни.

Общество  растленно  именно  из-за  недостатка  христианского  воспитания».

Стараниями  святого  праведного  Иоанна  Кронштадского  в  1882  году  в  Кронштадте  открылся  Дом  трудолюбия  в  четыре  этажа,  прекрасно  оборудованный,  с  домовой  церковью  во  имя  святого  Александра  Невского.

Здесь  были  устроены  рабочие  мастерские,  вечерние  курсы,  школа  на  300  детей,  детский  сад,  сиротский  приют,  народная  столовая,  библиотека,  бесплатная  лечебница,  воскресная  школа,  ночлежный  дом,  странноприимный  дом  и  многое  другое.

Зная  о  благотворительной  деятельности  Кронштадского  пастыря,  люди  жертвовали  ему  очень  крупные  суммы,  в  том  числе  почтовыми  переводами.  Все  до  копейки  святой  праведный  Иоанн  Кронштадский    отправлял  нуждающимся.

Отец  Иоанн  стремился  как  можно  чаще  совершать  Божественную  литургию  в  Андреевском  соборе,  где  был  штатным  священником,  в  последние  35  лет — ежедневно.  Его  служение  было  вдохновенным,  пламенным.  Это  был  непрерывный  горячий  молитвенный  порыв  к  Богу.

Святой  праведный  Иоанн  Кронштадский

Святой  праведный  Иоанн  Кронштадский  призывал  всех  приступать  к  приобщению  Святых  Христовых  Таин  как  можно  чаще.  На  иконах  Кронштадский  пастырь  изображается  с  причастной  Чашей  в  руках.

Своей  святой  жизнью,  смирением  и  непрестанной  молитвой  святой  праведный  Иоанн  Кронштадский  снискал  дар  исцеления  и  прозорливости.  По  его  молитве  совершалось  множество  дивных  чудес.  Молитвой  и  возложением  рук  батюшка  излечивал  самые  тяжелые  болезни.

Любовь  к  родной  земле,  стоящей  на  грани  великих  потрясений,  которые  святой  Иоанн  провидел,  запечатлена  в  его  молитвенных  воздыханиях.  В  настоящее  время  издаются  отдельные  сборники  молитв  святого  праведного  Иоанна  Кронштадского.

9  декабря  1908  года  отец  Иоанн  отслужил  последнюю  литургию  в  Андреевском  храме.  Ежедневно  к  нему  приходил  священник  и  причащал  его.  Святой  праведный  Иоанн  Кронштадский  находил  великое  утешение  в  соединении  с  Господом.

Угоднику  Божиему  был  открыт  день  его  кончины.  20  декабря  он  последний  раз  причастился.  Мирно  и  безмятежно  великий  пастырь  предал  свой  дух  Богу  вскоре  после  таинства  причащения. 

После  отпевания,  в  котором  приняли  участие  около  60  священников  и  20  диаконов,  гроб  с  телом  почившего  праведника  в  сопровождении  тысяч  людей  был  торжественно  погребен  в  небольшом  подземном  храме-усыпальнице  в  Иоанновском  монастыре  города  Петербурга. 

В  1990  году  отец  Иоанн  был  причислен  к  лику  святых  Поместным  Собором  Русской  Православной  Церкви.  Закрытый  в  1923  году  монастырь,  в  котором  покоилось  тело  Кронштадского  пастыря,  был  восстановлен  в  1989  году,  в  нем  возобновилась  монашеская  жизнь.

Память:  20  декабря  /  2  января,  1  /  14  июня.

 

АКАФИСТ   СВЯТОМУ   ПРАВЕДНОМУ   ИОАННУ   КРОНШТАДСКОМУ

Утвержден  для  общецерковного  использования.

Утвержден  Священным  Синодом  Русской  Православной  Церкви  24  декабря  2008  года  (журнал  № 108)

Конда́к 1.

Избра́нный уго́дниче и пресла́вный чудотво́рче, о́тче пра́ведный Иоа́нне, гра́да Кроншта́дта пресла́вное украше́ние! Ты́, от младе́нства Христу́ после́дуя, сораспя́тися Ему́ возжеле́л еси́ и, жи́знь твою́ в Не́м утверди́в, да́р чуде́с от Бо́га прия́л еси́ и сло́вом живоно́сным все́х напита́л еси́. Мы́ же, недосто́йнии, благода́рне вопие́м ти́: Ра́дуйся, Иоа́нне, земли́ Росси́йския моли́твенниче преди́вный.

И́кос 1.

А́нгела све́тла, еще́ о́трок сы́й, я́ве узре́л еси́, о́тче Иоа́нне, и́же и рече́ ти́, я́ко повеле́нием Госпо́дним приста́влен храни́ти тя́ во все́х путе́х твои́х. Те́мже я́ко избра́нника Бо́жия ве́дуще тя́, взыва́ем си́це:

Ра́дуйся, благода́ти Бо́жия сосу́де избра́нный;

Ра́дуйся, сло́вом Бо́жиим измла́да наста́вленный.

Ра́дуйся, во о́трочестве явле́ния А́нгела Храни́теля сподо́бивыйся;

Ра́дуйся, от ю́ности води́тельству Ду́ха Свята́го преда́выйся.

Ра́дуйся, роди́телей боголюби́вых благоче́стие восприе́мый;

Ра́дуйся, целому́дрием и чистото́ю себе́ огради́вый.

Ра́дуйся, духо́вным наста́вником твои́м все́м се́рдцем внима́вый;

Ра́дуйся, почита́нием роди́телей благоволе́ние Бо́жие стяжа́вый.

Ра́дуйся, Иоа́нне, земли́ Росси́йския моли́твенниче преди́вный.

Конда́к 2.

Прови́дя, богоно́сне о́тче Иоа́нне, я́ко мно́гия беды́ и собла́зны гряду́т на Це́рковь Ру́сскую и ча́да Бо́жия гони́ма бу́дут, увеща́л еси́ лю́ди, глаго́ля: пока́йтеся, сто́йте в ве́ре правосла́вней, крепи́теся и сла́вите Го́спода, взыва́юще Ему́: Аллилу́иа.

И́кос 2.

Ра́зумом Боже́ственным наставля́емь, всеблаже́нне о́тче Иоа́нне, све́том и́стиннаго богопозна́ния все́х, приходя́щих к тебе́, просвеща́л еси́. Мы́ же, писа́ньми твои́ми науча́еми, вопие́м ти́ такова́я:

Ра́дуйся, ева́нгельския И́стины пла́менный служи́телю;

Ра́дуйся, глаго́лов жи́зни ве́чныя немо́лчный возвести́телю.

Ра́дуйся, пра́ведным житие́м твои́м Бо́гу угоди́вый;

Ра́дуйся, Це́рковь Бо́жию писа́нии твои́ми просла́вивый.

Ра́дуйся, Кре́ст Христо́в пред очи́ма твои́ма вы́ну созерца́вый;

Ра́дуйся, сораспя́тися Христу́ вседу́шне возжела́вый.

Ра́дуйся, Бо́га и бли́жних все́м се́рдцем возлюби́вый;

Ра́дуйся, лю́дем, в ско́рбех и печа́лех су́щим, утеше́ние подава́вый.

Ра́дуйся, Иоа́нне, земли́ Росси́йския моли́твенниче преди́вный.

Конда́к 3.

Си́лою Боже́ственныя благода́ти, я́ко свети́льник многосве́тлый Правосла́вныя Це́ркве, во гра́де Кроншта́дте просия́л еси́, пра́ведне Иоа́нне, и лю́ди, во тьме́ грехо́вней седя́щия и собла́зном богобо́рчества смуща́емыя, просвети́в, наставля́л еси́ пе́ти Бо́гу: Аллилу́иа.

И́кос 3.

Име́я любо́вь па́стырскую, пра́ведне о́тче Иоа́нне, поте́кл еси́ к лю́дем, не иму́щим кро́ва и хле́ба насу́щнаго и во отча́янии погиба́ющим, и си́х любо́вию и милосе́рдием Христу́ приобре́л еси́. Мы́ же благода́рне взыва́ем ти́ си́це:

Ра́дуйся, в хра́ме Бо́жии дерзнове́нный о лю́дех моли́твенниче;

Ра́дуйся, си́рым и вдови́цам ми́лостивый помо́щниче.

Ра́дуйся, окамене́нныя се́рдцем к покая́нию побужда́яй;

Ра́дуйся, неве́дущия Бо́га Боже́ственною прему́дростию просвеща́яй.

Ра́дуйся, стро́потных и злонра́вных ти́хое исправле́ние;

Ра́дуйся, лени́вых и малове́рных ре́вностное обличе́ние.

Ра́дуйся, Ца́рствия Бо́жия и пра́вды его́ пропове́дниче неустраши́мый;

Ра́дуйся, проти́ву ко́зней духо́в зло́бы поднебе́сных вои́телю неуста́нный.

Ра́дуйся, Иоа́нне, земли́ Росси́йския моли́твенниче преди́вный.

Конда́к 4.

Бу́рю злоче́стия, воздвиза́ему на Це́рковь на́шу святу́ю, прови́дя, о́тче Иоа́нне, я́ко ве́рный стра́ж до́ма Госпо́дня, поуча́л еси́ ча́да Бо́жия бде́ти, во и́стинней ве́ре пра́во ходи́ти и в за́поведех Госпо́дних непоро́чно пребыва́ти, да спасе́т Госпо́дь лю́ди Своя́, в покая́нии Ему́ зову́щия: Аллилу́иа.

И́кос 4.

Слы́шаще лю́дие Бо́жии, я́ко ты́ еси́, о́тче Иоа́нне, сосу́д избра́нный и благода́тных даро́в преиспо́лненный, не то́кмо от Кроншта́дта, но и от все́х конце́в земли́ к тебе́ притека́ху, я́ко да исцеле́ния и по́мощь улуча́т. С ни́ми же и мы́, я́ко хода́таю пред Бо́гом те́плу, уми́льно зове́м ти́:

Ра́дуйся, се́ятелю пра́вды, а́лчущия жи́зни ве́чныя напита́вый;

Ра́дуйся, обличи́телю непра́вды, ве́рныя от пре́лести грехо́вныя огражда́вый.

Ра́дуйся, заблу́ждшим и неразу́мным пу́ть к Бо́гу указу́яй;

Ра́дуйся, писа́ньми твои́ми ча́да Бо́жия наставля́яй.

Ра́дуйся, скорбя́щих и обремене́нных при́сное упова́ние;

Ра́дуйся, боля́щих и стра́ждущих благода́тное врачева́ние.

Ра́дуйся, сосу́де избра́нный, да́ры Ду́ха Свята́го ди́вно укра́шенный;

Ра́дуйся, свети́льниче всесве́тлый, на све́щнице церко́внем Бо́гом поста́вленный.

Ра́дуйся, Иоа́нне, земли́ Росси́йския моли́твенниче преди́вный.

Конда́к 5.

Я́ко звезда́ многосве́тлая, священноле́пным житие́м твои́м просия́л еси́, па́стырю Христо́в Иоа́нне! Ты́ бо ста́до, Бо́гом вруче́нное тебе́, от волко́в, губя́щих е́, огражда́л еси́, взыва́я: пока́йтеся и жи́ви бу́дете, отыми́те лука́вство от ду́ш ва́ших, да чи́стым се́рдцем Бо́га у́зрите и воспое́те Ему́: Аллилу́ия.

И́кос 5.

Ве́дая мно́жество люде́й, утеше́ния ча́ющих, я́ко апо́стол Христо́в, обходи́л еси́ гра́ды и ве́си Росси́йския, чудотво́рче изя́щне, сея́ сло́во Бо́жие, исцеля́я неду́жныя и малове́рныя исправля́я, бы́в все́м вся́, да вся́ко не́кия спасе́ши. Мы́ же боле́зни и труды́ твоя́ почита́юще, вопие́м ти́ си́це:

Ра́дуйся, я́ко си́лою благода́ти немощны́я укрепля́л еси́;

Ра́дуйся, я́ко моли́твами твои́ми гре́шныя к покая́нию приводи́л еси́.

Ра́дуйся, а́лчущия и жа́ждущия по за́поведи Госпо́дни насыща́вый;

Ра́дуйся, благове́стием Христо́вым лю́ди к пра́вде Бо́жией приводи́вый.

Ра́дуйся, моли́твами твои́ми малове́рныя в ве́ре укрепля́вый;

Ра́дуйся, си́лою Бо́жиею немощны́м здра́вие подава́вый.

Ра́дуйся, зе́млю на́шу благогове́йно с про́поведию обходи́вый;

Ра́дуйся, ми́р се́й, я́ко прему́дрое творе́ние Бо́жие, воспева́вый.

Ра́дуйся, Иоа́нне, земли́ Росси́йския моли́твенниче преди́вный.

Конда́к 6.

Пропове́дницы чу́дных дея́ний твои́х, блаже́нне Иоа́нне, яви́шася мно́зи: бога́тии и ни́щии, ста́рцы и ю́ноши, ты́ бо все́м любо́вь твою́ излива́л еси́ бога́тно. Те́мже не то́кмо правосла́внии, но и инове́рнии си́лою моли́тв твои́х ми́лость Бо́жию обрета́ху, пою́ще Бо́гу: Аллилу́иа.

И́кос 6.

Возсия́л еси́ житие́м твои́м в Це́ркви Правосла́вней па́че сия́ния се́вернаго, блаже́нне Иоа́нне, пу́ть пра́вый лю́дем указу́я. Те́мже моли́ Го́спода Си́л, да любо́вь свята́я утверди́тся в сердца́х на́ших, да ни ско́рбь, ни теснота́, ни сме́рть, ни бла́га ми́ра сего́ возмо́гут разлучи́ти на́с от любве́ Бо́жия, благода́рне тебе́ вопию́щих:

Ра́дуйся, ве́ру Правосла́вную в чистоте́ храни́ти завеща́вый;

Ра́дуйся, те́сным путе́м за́поведей Христо́вых ходи́ти поуча́вый.

Ра́дуйся, в ско́рбех и печа́лех су́щим ра́дость подава́вый;

Ра́дуйся, к и́стинному покая́нию гре́шники призыва́вый.

Ра́дуйся, Бо́жиим смотре́нием гряду́щая на́м возвеща́вый;

Ра́дуйся, от сете́й вра́жиих оте́чество на́ше огражда́вый.

Ра́дуйся, ми́р с Бо́гом свя́то храни́ти запове́давый;

Ра́дуйся, сло́вом и́стины и любо́вию ве́рным лю́дем послужи́вый.

Ра́дуйся, Иоа́нне, земли́ Росси́йския моли́твенниче преди́вный.

Конда́к 7.

Хотя́ Всеблаги́й Госпо́дь спасти́ лю́ди земли́ на́шея и угото́вати я́ к же́ртвенному служе́нию, испо́лни тя́, всеблаже́нне Иоа́нне, ду́ха проро́чества, прему́дрости и ра́зума, я́ко да, сло́вом твои́м наста́влени, во дни́ гряду́щих испыта́ний непоколеби́мо вопию́т Бо́гу: Аллилу́иа.

И́кос 7.

Но́ваго избра́нника Бо́жия, всеблаже́нне Иоа́нне, ве́дуще тя́ боголюби́вии лю́дие, на вся́к де́нь Же́ртву безкро́вную принося́ща и со дерзнове́нием за все́х Христу́ моля́щася, с ве́рою к тебе́ притека́ху и исцеля́хуся. Те́мже и мы́, испо́лненнии твои́х благодея́ний, с любо́вию воспева́ем ти́ сицева́я:

Ра́дуйся, у Престо́ла Бо́жия приле́жный о на́с моли́твенниче;

Ра́дуйся, и́стиннаго покая́ния усе́рдный пропове́дниче.

Ра́дуйся, я́ко неле́ностно рабо́тати Христу́ Бо́гу на́с наставля́еши;

Ра́дуйся, я́ко стоя́ти на боже́ственней стра́жи на́с призыва́еши.

Ра́дуйся, о́браз воздержа́ния и целому́дрия ве́рным яви́вый;

Ра́дуйся, па́ству твою́ от ересе́й и раско́ла му́дре защити́вый.

Ра́дуйся, су́щих во тьме́ неве́дения ре́вностный просвети́телю;

Ра́дуйся, ду́ш челове́ческих от суеты́ жите́йския ди́вный огради́телю.

Ра́дуйся, Иоа́нне, земли́ Росси́йския моли́твенниче преди́вный.

Конда́к 8.

Стра́нное чу́до ви́дим, явле́нное тебе́, преди́вный па́стырю Христо́в Иоа́нне! Тя́ бо и лю́ди ве́рныя Сама́ Пречи́стая Ма́ти Бо́жия я́ко миле́йшая ча́да Отца́ Небе́снаго нарече́. Сего́ ра́ди мы́, си́ми словесы́ утеша́еми, вопие́м Царю́ веко́в: Аллилу́иа.

И́кос 8.

Ве́сь жела́нием Боже́ственным распаля́емь, любве́ Христо́вы преиспо́лнился еси́, па́стырю до́брый! Мы́ же, неради́вии, сокро́вищ ея́ не стяжа́вше, мно́гих скорбе́й и печа́лей досто́йни яви́хомся. Оба́че, ве́дуще тя́ помо́щника неусы́пна, со упова́нием взыва́ем ти́ си́це:

Ра́дуйся, любве́ Христо́вы сосу́де избра́нный;

Ра́дуйся, явле́ния Бо́жия Ма́тере удосто́енный.

Ра́дуйся, Це́ркве Христо́вы неугаса́ющий свети́льниче;

Ра́дуйся, о все́м ми́ре хода́таю и печа́льниче.

Ра́дуйся, ми́ра и пра́вды Бо́жия ревни́телю;

Ра́дуйся, благоче́стия и добронра́вия насади́телю.

Ра́дуйся, Росси́йския Це́ркве похвало́ и украше́ние;

Ра́дуйся, земли́ на́шея благода́тное утвержде́ние.

Ра́дуйся, Иоа́нне, земли́ Росси́йския моли́твенниче преди́вный.

Конда́к 9.

Все́м лю́дем, в неве́дении, ско́рбех и печа́лех су́щим, воздви́же тя́ Госпо́дь па́стыря и чудотво́рца преди́вна, о́тче Иоа́нне, е́же гре́шныя на пу́ть пра́вый наста́вити, неве́рныя к Бо́гу обрати́ти и боля́щия исцели́ти, да согла́сно воспою́т вси́ спаси́тельную пе́снь: Аллилу́иа.

И́кос 9.

Вети́и многовеща́нии безгла́сни бы́ша о благода́ти, да́нней тебе́, Иоа́нне преди́вне, егда́ сло́вом еди́нем лю́ди от греха́ к покая́нию приводи́л еси́, неду́жныя от одра́ боле́зни воздвиза́л еси́, бе́сы изгоня́л еси́. Мы́ же я́ко чудотво́рца и уго́дника Бо́жия прославля́ем тя́ си́це:

Ра́дуйся, страстьми́ одержи́мых ди́вный врачева́телю;

Ра́дуйся, в долгонеду́жии су́щих безме́здный цели́телю.

Ра́дуйся, отпа́дшия к Бо́гу приводи́вый;

Ра́дуйся, безбо́жныя гро́зно облича́вый.

Ра́дуйся, ка́ющихся кро́ткий наказа́телю;

Ра́дуйся, ми́лостыни ще́дрый пода́телю.

Ра́дуйся, христиа́нскаго просвеще́ния и благоче́стия ре́вностный насади́телю;

Ра́дуйся, ю́ных по стезя́м пра́вды му́дрый путеводи́телю.

Ра́дуйся, Иоа́нне, земли́ Росси́йския моли́твенниче преди́вный.

Конда́к 10.

Спасти́ хотя́ лю́ди Росси́йския, ересьми́ и неве́рием соблазня́емыя, о́тче Иоа́нне, ко́зни бесо́вския обличи́л еси́ и правосла́вное испове́дание ве́ры тве́рдо яви́л еси́. Сего́ ра́ди Ца́рствия Небе́снаго дости́гл еси́, иде́же со А́нгелы и ли́ки святы́х непреста́нно о на́с мо́лиши Бо́га и пое́ши Ему́: Аллилу́иа.

И́кос 10.

Стена́ тве́рда яви́лся еси́ лю́дем стра́ждущим, от все́х конце́в земли́ Росси́йския к тебе́ приходя́щим, богоно́сне о́тче Иоа́нне. Те́мже и на́с, бе́дствующих и немощству́ющих душе́ю и те́лом, укрепи́ моли́твами твои́ми, и́миже огражда́еми, прино́сим ти́ похвалы́ сия́:

Ра́дуйся, свети́льниче неугаси́мый, огне́м Ду́ха Свята́го возжже́нный;

Ра́дуйся, кри́не благоуха́яй, росо́ю благода́ти Бо́жия напое́нный.

Ра́дуйся, лозо́ многопло́дная, благода́тными да́ры ве́рных пита́ющая;

Ра́дуйся, со́ле земли́, от грехо́внаго тле́ния на́с сохраня́ющая.

Ра́дуйся, в мо́ри жите́йстем обурева́емым ти́хое приста́нище;

Ра́дуйся, душе́вне и теле́сне изнемога́ющим благо́е вспоможе́ние.

Ра́дуйся, сердцеве́дче прему́дрый, ве́рныя лю́ди от мудрова́ния ми́ра сего́ огражда́яй;

Ра́дуйся, се́ятелю Христо́в, се́янием ева́нгельским се́рдца мно́гих увеселя́яй.

Ра́дуйся, Иоа́нне, земли́ Росси́йския моли́твенниче преди́вный.

Конда́к 11.

Пе́снь достохва́льную прино́сим ти́, о́тче Иоа́нне, все́м житие́м твои́м Бо́га просла́вльшему. И я́коже на земли́ за все́х и за вся́ Влады́ку ми́ра умоля́л еси́, си́це и ны́не на Небеси́ вознеси́ моли́твы твоя́, да во оте́чествии на́шем при́сно воспева́ется Бо́гу побе́дная пе́снь: Аллилу́иа.

И́кос 11.

Светоза́рную свещу́ ве́мы тя́, Бо́гом избра́нне о́тче Иоа́нне, ты́ бо и по отше́ствии от земны́х к Небе́сным у Престо́ла Бо́жия в со́нме святы́х и Си́л а́нгельских о на́с при́сно хода́тайствуеши. Сего́ ра́ди благода́рственно взыва́ем ти́ си́це:

Ра́дуйся, я́ко в по́двизе твое́м И́мя Пресвяты́я Тро́ицы ди́вно просла́вися;

Ра́дуйся, я́ко благоче́стием и ве́рою твое́ю Це́рковь Христо́ва украси́ся.

Ра́дуйся, па́стырей богому́дрый наста́вниче;

Ра́дуйся, и́нокинь до́брый учи́телю.

Ра́дуйся, супру́ги соу́з бра́чный свя́то храни́ти поуча́вый;

Ра́дуйся, ча́да почита́ти роди́тели своя́ увещава́вый.

Ра́дуйся, я́ко сострада́нием твои́м к бли́жним ско́рби и печа́ли утоля́ются;

Ра́дуйся, я́ко моли́твами твои́ми гре́шницы на пу́ть спасе́ния обраща́ются.

Ра́дуйся, Иоа́нне, земли́ Росси́йския моли́твенниче преди́вный.

Конда́к 12.

Благода́тных даро́в Ду́ха Свята́го испо́лни тя́ Госпо́дь, о́тче на́ш Иоа́нне, и́миже ре́вностно послужи́л еси́ наро́ду Бо́жию. Вознеси́ моли́тву к Бо́гу и о на́с, да ве́ры, наде́жды и любве́ дости́гше, прича́стницы жи́зни во Христе́ бу́дем и сподо́бимся воспева́ти благода́рственную пе́снь: Аллилу́иа.

И́кос 12.

Пою́ще твое́ достохва́льное житие́ на земли́ и сла́ву, ю́же стяжа́л еси́ на Небеси́, о́тче Иоа́нне, притека́ем во оби́тель тобо́ю созда́нную и припа́даем к гробни́це твое́й, от нея́же исцеле́ния и по́мощь улуча́юще, возглаша́ем ти́ сицева́я:

Ра́дуйся, пропове́дниче изря́дный, проро́ком и апо́столом до́бре поревнова́вый;

Ра́дуйся, па́стырю земли́ Росси́йския, Бо́гом избра́нный и просла́вленный.

Ра́дуйся, оби́тель преподо́бнаго покрови́теля твоего́ Иоа́нна Ры́льскаго ди́вно устро́ивый;

Ра́дуйся, оби́телию се́ю гра́д свята́го Петра́ сла́вно украси́вый.

Ра́дуйся, в возсозда́нную оби́тель и́нокини собира́яй;

ра́дуйся, я́ко оте́ц чадолюби́вый, при́сное попече́ние о ни́х име́яй.

Ра́дуйся, все́м притека́ющим к тебе́ ско́рое вспоможе́ние подава́яй;

Ра́дуйся, о́браз до́браго па́стыря сло́вом, житие́м и ве́рою на́м яви́вый.

Ра́дуйся, Иоа́нне, земли́ Росси́йския моли́твенниче преди́вный.

Конда́к 13.

О святы́й пра́ведный о́тче Иоа́нне, всеросси́йский свети́льниче и преди́вный чудотво́рче! Приими́ хвале́бное сие́ пе́ние на́ше и умоли́ Христа́ Бо́га Це́рковь Святу́ю в благоче́стии утверди́ти, еди́нство в сою́зе ми́ра и любве́ Христо́вы соблюсти́, да и мы́ воспое́м с тобо́ю Бо́гу: Аллилу́иа.

Этот конда́к чита́ется три́жды, зате́м и́кос 1-й и конда́к 1-й.

И́кос 1.

А́нгела све́тла, еще́ о́трок сы́й, я́ве узре́л еси́, о́тче Иоа́нне, и́же и рече́ ти́, я́ко повеле́нием Госпо́дним приста́влен храни́ти тя́ во все́х путе́х твои́х. Те́мже я́ко избра́нника Бо́жия ве́дуще тя́, взыва́ем си́це:

Ра́дуйся, благода́ти Бо́жия сосу́де избра́нный;

Ра́дуйся, сло́вом Бо́жиим измла́да наста́вленный.

Ра́дуйся, во о́трочестве явле́ния А́нгела Храни́теля сподо́бивыйся;

Ра́дуйся, от ю́ности води́тельству Ду́ха Свята́го преда́выйся.

Ра́дуйся, роди́телей боголюби́вых благоче́стие восприе́мый;

Ра́дуйся, целому́дрием и чистото́ю себе́ огради́вый.

Ра́дуйся, духо́вным наста́вником твои́м все́м се́рдцем внима́вый;

Ра́дуйся, почита́нием роди́телей благоволе́ние Бо́жие стяжа́вый.

Ра́дуйся, Иоа́нне, земли́ Росси́йския моли́твенниче преди́вный.

Конда́к 1.

Избра́нный уго́дниче и пресла́вный чудотво́рче, о́тче пра́ведный Иоа́нне, гра́да Кроншта́дта пресла́вное украше́ние! Ты́, от младе́нства Христу́ после́дуя, сораспя́тися Ему́ возжеле́л еси́ и, жи́знь твою́ в Не́м утверди́в, да́р чуде́с от Бо́га прия́л еси́ и сло́вом живоно́сным все́х напита́л еси́. Мы́ же, недосто́йнии, благода́рне вопие́м ти́: Ра́дуйся, Иоа́нне, земли́ Росси́йския моли́твенниче преди́вный.

Моли́тва.

О вели́кий чудотво́рче и преди́вный уго́дниче Бо́жий, богоно́сне о́тче Иоа́нне! При́зри на на́с и внемли́ благосе́рдно моле́нию на́шему, я́ко вели́ких дарова́ний сподо́би тя́ Госпо́дь, да хода́тай и при́сный моли́твенник за на́с бу́деши. Се́ бо, страстьми́ грехо́вными обурева́еми и зло́бою снеда́еми, за́поведи Бо́жия пренебрего́хом, покая́ния серде́чнаго и сле́з воздыха́ния не принесо́хом, сего́ ра́ди мно́гим ско́рбем и печа́лем досто́йни яви́хомся. Ты́ же, о́тче пра́ведне, ве́лие дерзнове́ние ко Го́споду и сострада́ние к бли́жним свои́м име́я, умоли́ Всеще́драго Влады́ку ми́ра, да проба́вит ми́лость Свою́ на на́с и поте́рпит непра́вдам на́шим, не погуби́т на́с гре́х ра́ди на́ших, но вре́мя на покая́ние ми́лостивно на́м да́рует. О свя́тче Бо́жий, помози́ на́м ве́ру правосла́вную непоро́чно соблюсти́ и за́поведи Бо́жия благоче́стно сохрани́ти, да не облада́ет на́ми вся́кое беззако́ние, ниже́ посрами́тся пра́вда Бо́жия в непра́вдах на́ших, но да сподо́бимся дости́гнути кончи́ны христиа́нския, безболе́зненныя, непосты́дныя, ми́рныя и Та́ин Бо́жиих прича́стныя. Еще́ мо́лим тя́, о́тче пра́ведне, о е́же Це́ркви на́шей Святе́й до сконча́ния ве́ка утвержде́нней бы́ти, Оте́честву же на́шему ми́р и пребыва́ние в пра́вде Бо́жией испроси́ и от все́х зо́л сохрани́, да та́ко наро́ди на́ши, Бо́гом храни́ми, в единомы́слии ве́ры и во вся́ком благоче́стии и чистоте́, в ле́поте духо́внаго бра́тства, трезве́нии и согла́сии свиде́тельствуют: я́ко с на́ми Бо́г! В Не́мже живе́м, и дви́жемся, и есмы́, и пребу́дем во ве́ки. Ами́нь.

И́на моли́тва.

О святы́й пра́ведный о́тче Иоа́нне, всеросси́йский свети́льниче и преди́вный чудотво́рче! Ты́ от младе́нческих ле́т Бо́гом избра́н бы́л еси́ и, ду́хом пламене́я, я́ко и́стинный па́стырь, житие́м, сло́вом, любо́вию, ве́рою, чистото́ю лю́дем послужи́л еси́. Сего́ ра́ди мо́лим тя́, пра́ведный о́тче: моли́ Человеколю́бца Бо́га Це́рковь Святу́ю ми́ром и тишино́ю огради́ти, зе́млю Росси́йскую во благоде́нствии сохрани́ти, па́стыри благода́ти и и́стины преизоби́льно испо́лнити, вла́сти умудри́ти, правосла́вное во́инство укрепи́ти, немощны́я исцели́ти, развраще́нныя испра́вити, ю́ныя воспита́ти, ста́рцы и вдови́цы уте́шити и на́м все́м во Ца́рствии Небе́снем сподо́битися со все́ми святы́ми прославля́ти Отца́ и Сы́на и Свята́го Ду́ха, ны́не и при́сно, и во ве́ки веко́в. Ами́нь.

    

Добавить комментарий

Ваш e-mail не будет опубликован. Обязательные поля помечены *