Воздвижение Честнаго Животворящего Креста Господня — праздник, который относится к числу великих и празднуется 27 сентября. В этот день святой Крест выносится на середину храма для поклонения.
Самый известный символ христианства — Крест Господень, который помогает людям в защите от всякого зла. Молятся ему во всех трудных обстоятельствах, для защиты и спасения.
Долгим и трудным путем смирения вошел в славу Господь наш Иисус Христос.
Но и путь Креста, на коем Его распяли, до обретения его православными христианами, был также долог и тернист. Господь не мог попустить, чтобы такая святыня погибла для человечества.
Кресты в те времена обыкновенно или погребались вместе с телами, висевшими на них, или оставлялись на месте казни для других преступников. По свидетельству предания, вскоре за погребением Христа Спасителя, Крест, освященный кровью Сына Божия, был сокрыт иудеями.
По-видимому, это произошло по Промыслу Божиему, чтобы Святыня не была осквернена кровью какого-нибудь преступника. Иудеи засыпали утес Гроба Господня, воздвигли идолов на Голгофе.
Константин Великий, неоднократно испытавший силу креста, вознамерился найти древо, на коем был распят наш Спаситель. В этом ему помогала 80-летняя мать его святая равноапостольная императрица Елена.
Наконец был найден человек по прозванию Иуда, которому от предков было известно место, где погребено животворящее древо. С большим трудом удалось заставить его открыть тайну. Под капищем Венеры было сокрыто это бесценное сокровище.
При раскопках исходящее из земли благоухание подтвердило, что это верное место. Но обнаружено было 3 креста. Который из них Животворящий ? Благочестивый патриарх, присутствовавший при этом, уповая на волю и промысел Божий, привел всех в дом женщины, лежавшей на смертном одре и после пламенной молитвы возложил по очереди на умирающую три креста. Прикосновение третьего креста подняло женщину с одра болезни.
При выходе из дома этой женщины всему народу во главе с царицею Еленой встретилась погребальная процессия. Исполненный веры, пастырь опять возложил на мертвого три креста один за другим . Только один крест Победителя смерти и ада оживил умершего.
Приложиться к Святыне захотели многие, поэтому патриарх Макарий воздвиг на возвышенном месте Честное древо, чтобы и отдаленному народу оно было видно.
Это торжественное действие дало название празднику, известному в нашей православной Церкви как всемирное Воздвижение Честнаго Животворящего Креста Господня, который совершается в память обретения его.
![Воздвижение Честнаго Животворящего Креста Господня Воздвижение Честнаго Животворящего Креста Господня](https://vozdvigenie.ru/wp-content/uploads/2018/07/Воздвижение-300x225.jpg)
Окончательное установление этого праздника «Воздвижение Честнаго Животворящего Креста Господня» в нынешнем виде относится к 7 веку.
Икона «Воздвижение Честнаго Животворящего Креста Господня» отображает событие его обретения, когда патриарх Иерусалимский Макарий установил (воздвиг) Крест на возвышенном месте, чтобы все присутствовавшие могли его видеть.
Именно это действие ознаменовало начало празднования Воздвижения Животворящего Креста Господня и легло в основу иконографии. В центре композиции всегда изображается священнослужитель в епископском одеянии, держащий как для благословения Крест.
Со временем рядом со священнослужителем на иконах стали изображать царицу Елену, стоящую вполоборота и держащую блюдо с гвоздями, найденными вместе с крестом. Иногда рядом с крестом изображают и Константина Великого, который инициировал поиск Креста Господня.
Иуда, с помощью которого было открыто место погребения Священного древа, уверовал в Распятого, получил при крещении имя Кириак, был впоследствии патриархом Иерусалимским и сподобился мученического венца.
(По материалам книги «Непобедимое оружие»)
Празднование: 14 / 27 сентября.
Молитва Честному Кресту Господнему
Да воскреснет Бог, и расточатся врази Его, и да бежат от лица Его все ненавидящие Его. Яко исчезает дым, да исчезнут; яко тает воск от лица огня, тако да погибнут беси от лица любящих Бога и знаменующихся крестным знамением, и в веселии глаголющих: радуйся, Пречестный и Животворящий Кресте Господень, прогоняяй беси силою на тебе пропятого Господа нашего Иисуса Христа, во ад сшедшего и поправшего силу дьяволю, и даровавшего нам тебе Крест Свой Честный на прогнание всякого супостата. О, Пречестный и Животворящий Кресте Господень! Помогай ми со Святою Госпожою Девою Богородицею и со всеми святыми во веки. Аминь.
АКАФИСТ НА ВОЗДВИЖЕНИЕ ЧЕСТНАГО ЖИВОТВОРЯЩЕГО КРЕСТА ГОСПОДНЯ
Конда́к 1.
Прииди́те, христоимени́тии лю́дие, соста́вим похвалу́ Честно́му Кресту́, на не́м же Христо́с, Ца́рь сла́вы, ру́це распросте́р, возведе́ на́с на пе́рвое блаже́нство, из него́же низпадо́хом пре́лестию зми́евою. Ты́ же, о пресвяты́й Кре́сте, я́ко име́яй прису́щую тебе́ си́лу Распя́таго Христа́, спаса́й и сохраня́й от вся́ких бе́д любо́вно зову́щия ти́:
Ра́дуйся, Честны́й Кре́сте, всера́достное зна́мение на́шего искупле́ния.
И́кос 1.
А́нгелов ли́цы, я́ко Бо́жии служи́телие, Кре́ст обстоя́ще, во́льную стра́сть Христа́ Жизнода́вца прославля́ют. Мы́ же страда́ньми Того́ ве́чныя сме́рти изба́вльшеся, подража́я го́рним си́лам, ра́достно взыва́ем:
Ра́дуйся, Кре́сте, я́ко на тебе́ Христо́с Бо́г на́ш, во́лею ру́це распросте́р, спасе́ние на́ше соде́ла; ра́дуйся, я́ко распросте́ршимся на тебе́ Христо́м преступле́ние Ада́ма и Е́вы, просте́рших ру́це ко дре́ву запреще́нному, упраздни́ся.
Ра́дуйся, я́ко воздви́жену бы́вшу на тебе́, а́ки престу́пну, Законода́вцу, дре́вняя кля́тва, я́же на на́с бы́вшая, потреби́ся; ра́дуйся, я́ко соде́явшимся на тебе́ стра́нным та́инством ро́д челове́ческий от тли́ сме́ртныя свободи́ся.
Ра́дуйся, я́ко Пострада́вшим и Уме́ршим на тебе́ жа́ло сме́рти сокруши́ся; ра́дуйся, того́ ра́ди страда́ния Бо́г с челове́ки примири́ся.
Ра́дуйся, Честны́й Кре́сте, всера́достное зна́мение на́шего искупле́ния.
Конда́к 2.
Ви́дя па́дших челове́ков, Го́споди, Ты́ вочелове́чився, кре́ст и сме́рть во́льно пло́тию претерпе́л еси́ за ро́д на́ш, да от сме́рти ве́чныя изба́виши испове́дающия Тя́, Сы́на Бо́жия и вопию́щия Ти́: Аллилу́ия.
И́кос 2.
Ра́зум челове́ч изнемога́ет в постиже́нии ве́лия та́йны Твоего́, Христе́, воплоще́ния и во́льнаго за ны́ страда́ния: ка́ко Ты́, Бо́г сы́й безстра́стный, стра́сть кре́стную, я́ко челове́к, претерпе́л еси́ и сие́ ору́дие сме́рти Твоея́ соде́лал еси́ исто́чником жи́зни и спасе́ния все́м благоче́стно в Тя́ ве́рующим и хвале́бно воспева́ющим:
Ра́дуйся, Кре́сте, на не́мже соде́яся та́инство, от ве́ка предопределе́нное; ра́дуйся, я́ко на тебе́ соверши́ся на́ше искупле́ние, многообра́зне во о́бразех и се́нех предъявле́нное.
Ра́дуйся, я́ко уме́рый на тебе́ Жизнода́вец, кро́вь и во́ду источи́, и́миже грехи́ на́ша омыва́ются; ра́дуйся, я́ко ка́плями святе́йшей кро́ве Его́ грехо́вныя стру́пы ду́ш на́ших очища́ются.
Ра́дуйся, Кре́сте, я́коже дре́во живо́тное, е́же е́сть посреде́ рая́ Бо́жия, христиа́ном вожделе́нный; ра́дуйся, плода́ми безсме́ртия у́мно на́с пита́ющий и наде́ждою жи́зни ве́чныя малоду́шие на́ше ободря́ющий.
Ра́дуйся, Честны́й Кре́сте, всера́достное зна́мение на́шего искупле́ния.
Конда́к 3.
Кре́ст Тво́й, а́ще и дре́во ви́димо е́сть существо́м, но Боже́ственною оде́яно е́сть си́лою, и чу́вственное ми́ра выявля́емо у́мно на́ше чудотвори́т спасе́ние, подвиза́я пе́ти Тебе́: Аллилу́ия.
И́кос 3.
Иму́ще пред очи́ма на́шима Кре́ст пресвяты́й, святоле́пным поклоне́нием то́й почита́ем распе́ншагося ра́ди на не́м Спа́са Христа́, и лобыза́юще взыва́ем:
Ра́дуйся, Кре́сте, просла́вленный послуша́нием и страда́нием Христо́вым; ра́дуйся, возвели́ченный возвыше́нием на тебе́ Сы́на Бо́жия, И́же ве́сь ми́р от паде́ния Ада́мля воздви́же.
Ра́дуйся, я́ко сбы́вшагося на тебе́ ужа́снаго та́инства земли́ ужасе́ся и вострепета́, а́ки бы хотя́щи поглоти́ти законопресту́пныя; ра́дуйся, я́ко закла́вшуся на тебе́ А́гнцу Бо́жию заве́са хра́ма раздра́ся и же́ртва ветхозаве́тная упраздни́ся.
Ра́дуйся, Кре́сте, я́ко распа́дшуся под тобо́ю ка́мню, каменносерде́чнии ро́ди евре́йстии неве́рием от Бо́га отпадо́ша, благода́ти же свяще́нства и ца́рства лиши́шася; ра́дуйся, я́ко омрачи́вшуся со́лнцу в стра́сти Христо́вой но́щь многобо́жия пре́йде и све́т ве́ры возсия́.
Ра́дуйся, Честны́й Кре́сте, всера́достное зна́мение на́шего искупле́ния.
Конда́к 4.
Бу́рею зло́бы ды́шуще и за́вистию дви́жими, первосвяще́нницы иуде́йстии скры́ша в зе́млю Кре́ст Тво́й, Христе́ Бо́же, да не бу́дет обличе́нием безу́мие и́х; но то́й, я́ко сокро́вище драго́е, из не́др земли́ возсия́, тща́нием благочести́выя цари́цы Еле́ны обрете́нный и на ра́дость всему́ ми́ру явле́нный, с богокра́сною пе́снию: Аллилу́ия.
И́кос 4.
Ви́девше тогда́ христиа́нстии лю́дие честна́го Креста́ обре́тение, прославля́ху распе́ншагося на не́м Христа́ Бо́га, «Го́споди, поми́луй» взыва́юще. Мы́ же ны́не, подража́юще и́м, прославля́ем Кре́ст Его́ святы́й хвале́ньми сицевы́ми:
Ра́дуйся, Кре́сте, в зе́млю сокрове́нный и оскверне́нное греха́ми на́ше естество́ земно́е освяти́вый; ра́дуйся, явле́нием свои́м из не́др земны́х хули́телей воплоще́ния и Божества́ Христо́ва посрами́вый.
Ра́дуйся, я́ко Пострада́вый на тебе́ пло́тию прия́ вся́ку вла́сть на Небеси́ и на земли́, да все́х и вся́ к Бо́гу Отцу́ приведе́т; ра́дуйся, я́ко Уме́рый на тебе́ я́ко челове́к си́лою Божества́ Своего́ сокруши́ закле́пы а́да и изведе́ отту́да души́ пра́ведных.
Ра́дуйся, Кре́сте, я́ко разбо́йник благоразу́мный, Христу́ сраспя́выйся, Того́ испове́давый, тобо́ю, а́ки ле́ствицею, на Небеса́ взы́де; ра́дуйся, я́ко и все́х отсече́нием страсте́й Христу́ сраспина́ющихся возво́диши в Ца́рствие Небе́сное.
Ра́дуйся, Честны́й Кре́сте, всера́достное зна́мение на́шего искупле́ния.
Конда́к 5.
Го́споди, при Моисе́е иногда́ проро́це то́чию о́браз Креста́ Твоего́ явля́ем побежда́ше врази́ Твоя́, ны́не же са́мый Кре́ст Тво́й иму́ще, по́мощи про́сим: укрепи́ Це́рковь Твою́ и да́руй е́й побе́ды на враги́, да расточа́тся вси́ врази́ Твои́, не вопию́щии Ти́: Аллилу́ия.
И́кос 5.
Честна́го Креста́, Христе́, де́йство прообрази́в Моисе́й, победи́ Амали́ка в пусты́не Сина́йстей: егда́ бо простира́ше ру́це, креста́ о́браз творя́, укрепля́хуся лю́дие; ны́не же все́ веще́й сбытие́ в на́с испо́лнися: дне́сь Кре́ст воздвиза́ется, и де́мони бе́гают, дне́сь тва́рь вся́ от тли́ свободи́ся, я́ко вся́ Креста́ ра́ди возсия́ша на́м дарова́ния. Те́мже, ра́дующеся, вопие́м:
Ра́дуйся, Кре́сте, ору́жие Христо́во стра́шное, его́же де́мони трепе́щут; ра́дуйся, я́ко си́лою на тебе́ Распя́таго Христа́ бесо́встии по́лчища дале́че прогоня́ются.
Ра́дуйся, я́ко си́лою де́йствующия в тебе́ Боже́ственныя благода́ти побе́ды на сопроти́вныя христолюби́вым лю́дем да́руются; ра́дуйся, я́ко от тебе́, я́ко высокоро́сленнаго и многоплодови́таго дре́ва Христо́ва на тебе́ страда́ния, плоды́ жи́зни и спасе́ния на́м произраста́ют.
Ра́дуйся, Честны́й Кре́сте, всера́достное зна́мение на́шего искупле́ния.
Конда́к 6.
Пропове́дником си́лы и Божества́ Христо́ва яви́ся иногда́ животворя́щее дре́во Кре́стное, егда́ прикоснове́нием свои́м воскреси́ ме́ртваго и к жи́зни возведе́ его́, е́же ви́девше, мно́зи от иуде́й и язы́к позна́ша ве́лию благоче́стия та́йну: я́ко спасе́ния ра́ди челове́ческаго, Бо́г во пло́ти яви́ся и стра́сть кре́стную претерпе́, да спасе́т вопию́щия Ему́: Аллилу́ия.
И́кос 6.
Я́коже дре́во ра́йское преве́лие, возвы́сися на Голго́фе честны́й Кре́ст Христо́в, отону́дуже во всю́ вселе́нную распростре́ мы́сленныя ве́тви благода́ти и Распе́ншагося на не́м: под его́же се́нию обрета́ют прохла́ду пали́мии зно́ем страсте́й и хотя́щии благоче́стно жи́ти о Христе́ Иису́се. Те́мже и мы́, благода́ти Того́ прича́стницы, ве́село взыва́ем:
Ра́дуйся, святы́й Кре́сте, дре́вом жи́зни, Ада́ма ра́ди в Еде́ме насажде́нным, проображе́нный; ра́дуйся, но́вым Ада́мом, ру́це на тебе́ распросте́ршим, ми́ру явле́нный.
Ра́дуйся, я́ко под се́нь благода́тнаго защище́ния твоего́ вси́ ве́рнии прибега́ют; ра́дуйся, я́ко милосе́рдием Дарова́вшаго на́м тебе́ ка́ющиися гре́шницы огня́ гее́нскаго избега́ют.
Ра́дуйся, Кре́сте, утеше́ние на́ше в ско́рбех и печа́лех; ра́дуйся, живи́тельная отра́до и по́мощь изнемога́ющим в борьбе́ с прило́гами страсте́й, ми́ра и диа́вола.
Ра́дуйся, Честны́й Кре́сте, всера́достное зна́мение на́шего искупле́ния.
Конда́к 7.
Хотя́ яви́ти ро́ду челове́ческому бла́гости и милосе́рдия Своего́ неизсле́димую пучи́ну, Кре́ст Тво́й, Го́споди, да́л еси́ на́м тве́рда блюсти́теля и прогони́теля де́монов. Те́мже вси́ мы́, и́же в Тя́ ве́рующии, прославля́ем вели́чие стра́сти Твоея́, благода́рно пою́ще Тебе́: Аллилу́ия.
И́кос 7.
Ди́вны дела́ яви́л еси́, Го́споди, Кресто́м Твои́м честны́м: распе́ншуся бо Ти́ на то́м пло́тию, вся́ тва́рь измени́ся: со́лнце лучи́ своя́ сокры́, основа́ния земли́ восколеба́хуся, а́д сокруши́ся держа́вою вла́сти Твоея́ и изведе́ ю́зники, я́же от ве́ка содержа́л е́сть. Сего́ ра́ди увяза́ем то́й си́ми пе́сненными цве́ты:
Ра́дуйся, Кре́сте, я́ко пострада́вшему на Тебе́ вся́ тва́рь сострада́ше, я́ко Творцу́ своему́ и Влады́це; ра́дуйся, я́ко си́лу Того́ и Божество́ свиде́тельствоваху со́лнце помраче́нием и земля́ колеба́нием.
Ра́дуйся, я́ко Уме́рый на тебе́ не удержа́н бы́сть в ме́ртвых, но, разруши́в держа́ву сме́рти, в тре́тий де́нь воскре́се; ра́дуйся, я́ко воскре́сшу Тому́ про́поведь ева́нгельская, от ли́ка апо́стольскаго наче́ншаяся, во вся́ концы́ земли́ изы́де.
Ра́дуйся, Кре́сте, я́ко тобо́ю кумирослуже́ние и многобо́жие язы́ческое упраздни́ся; ра́дуйся, я́ко тебе́ ра́ди пра́вая ве́ра во Еди́наго Бо́га, в Тро́ице сла́вимаго, по все́й земли́ утверди́ся.
Ра́дуйся, Честны́й Кре́сте, всера́достное зна́мение на́шего искупле́ния.
Конда́к 8.
Стра́нно Бо́га вочелове́чшася и на Кресте́ ра́спята бы́вша мы́сленно ви́дяще, устрани́мся су́етнаго ми́ра, у́м на Небеса́ прело́жше. Сего́ ра́ди Бо́г на зе́млю сни́де и на Кре́ст взы́де, да те́м, а́ки ле́ствицею, на Небеса́ возведе́т вопию́щия Ему́: Аллилу́ия.
И́кос 8.
Дне́сь Ада́м со Е́вою весели́тся, предлежа́щий ви́дяще Кре́ст, и́мже пораже́н бы́сть супоста́т, и́же дре́вле в раи́ вкуше́нием запреще́ннаго пло́да те́х прельсти́вый и пле́нники себе́ сотвори́вый. Те́мже и мы́, сра́дующеся пра́отцем на́шим о избавле́нии от плене́ния на́шего душе́внаго, благогове́йно воспева́ем:
Ра́дуйся, Кре́сте, я́ко на тебе́ Па́стырь до́брый ду́шу Свою́ положи́ за о́вцы Своя́ и да́же до а́да сни́де, ища́ заблу́дших; ра́дуйся, я́ко То́й не презре́ де́ло руку́ Свое́ю, Ада́ма со Е́вою, но со ине́ми пра́ведники исхити́ я́ из а́да, я́ко из че́люстей зве́ря кре́пкаго, и в ра́й всели́ и́х.
Ра́дуйся, я́ко на тебе́ пригвожде́нному Христу́ пла́менное ору́жие плещи́ даде́ и Херуви́м, Еде́м храня́щий, отступи́ от дре́ва жи́зни; ра́дуйся, я́ко мы́, ны́не Креще́нием возрожде́ннии, во Христе́ но́вые лю́дие, невозбра́нно причаща́емся ра́йския пи́щи.
Ра́дуйся, Кре́сте, же́зле си́лы Христо́вы, от Сио́на по́сланный, и́мже мы́ пасе́мся на па́житех ева́нгельских уче́ний; ра́дуйся, я́ко тобо́ю невреди́ми сохраня́емся от волко́в душегу́бных, я́ко льво́ве рыка́ющих и и́щущих, кого́ поглоти́ти.
Ра́дуйся, Честны́й Кре́сте, всера́достное зна́мение на́шего искупле́ния.
Конда́к 9.
Вся́ких бе́д и ко́зней вра́жиих изба́ви ны́, Кре́сте треблаже́нный, я́ко прие́мый благода́ть и си́лу от пригвожде́ннаго на тебе́ Христа́, Ему́же я́ко Бо́гу и Изба́вителю на́шему благода́рственно и хвале́бно пое́м: Аллилу́ия.
И́кос 9.
Вети́йство вся́кое земноро́дных не довле́ет к прославле́нию Креста́ Твоего́, Го́споди, на не́мже спасе́ние на́ше соде́лал еси́; те́мже, недоумева́юще восхвали́ти то́й по достоя́нию, взыва́ем си́це:
Ра́дуйся, Кре́сте, я́ко вознесе́нный на тебе́ Спа́с ми́ра мно́зи лю́ди в позна́ние Свое́ призва́ и до ны́не призыва́ет; ра́дуйся, я́ко возсия́вый на тебе́, а́ки на све́щнице, Све́т и́стинный вся́ концы́ земли́ све́том богове́дения озаря́ет.
Ра́дуйся, я́ко ны́не Восто́к и За́пад Пострада́вшаго на тебе́ прославля́ют; ра́дуйся, я́ко и тя́, я́ко подно́жие Христо́во, вси́ ве́рнии, вознося́ще, прославля́ют.
Ра́дуйся, я́ко от тебе́, я́ко от неизсяка́емаго исто́чника, христоимени́тии лю́дие оби́лие бла́г ве́чных почерпа́ют.
Ра́дуйся, Честны́й Кре́сте, всера́достное зна́мение на́шего искупле́ния.
Конда́к 10.
Спасти́ся хотя́щим на́м и под се́нь защище́ния твоего́ прибега́ющим, бу́ди помо́щник, пресвяты́й Кре́сте, сохраня́я ны́ от все́х зо́л си́лою на тебе́ Распя́таго Христа́, Ему́же я́ко Бо́гу и Изба́вителю на́шему благода́рственно и хвале́бно пое́м: Аллилу́ия.
И́кос 10.
Стена́ еси́, огражда́ющая на́с от бе́д и напа́стей, Кре́сте всечестны́й, и сто́лп кре́пкий проти́ву лица́ вра́жия, к нему́же неви́димии бори́телие приступи́ти не сме́ют, боя́щеся взира́ти на си́лу Твою́. Сего́ ра́ди с ве́рою огражда́емся святы́м твои́м зна́мением и ве́село воспева́ем:
Ра́дуйся, пречестны́й Кре́сте Христо́в, от нападе́ния духо́в зло́бы на́с защища́яй; ра́дуйся, от разли́чных стре́л и́х невреди́мы ны́ сохраня́яй.
Ра́дуйся, я́ко от зна́мения твоего́, с ве́рою благоче́стно твори́маго, вся́ си́лы а́да, я́ко ды́м от ве́тра, исчеза́ют; ра́дуйся, я́ко тобо́ю вся́ кре́пость и́х, я́ко во́ск от лица́ огня́, истаява́ет.
Ра́дуйся, я́ко святи́и му́ченицы, зна́мением твои́м огражда́шеся и и́мя Христо́во призва́вше, вся́кий, ви́д муче́ний му́жественно претерпе́ша; ра́дуйся, я́ко преподо́бнии отцы́ по́мощию си́лы Божества́, зна́мению твоему́ прису́щия, бесо́вская страхова́ния и страсте́й возста́ния победи́ша.
Ра́дуйся, Честны́й Кре́сте, всера́достное зна́мение на́шего искупле́ния.
Конда́к 11.
Пе́ние всеумиле́нное прино́сим Ти́, всечестны́й Кре́сте, и смире́нно мо́лимся распя́тому на тебе́ Христу́ Бо́гу на́шему, И́же дарова́ на́м тебе́ во отра́ду и утеше́ние в ско́рбех, да стра́стию Свое́ю изба́вит на́с от страсте́й душевре́дных и научи́т благове́рно воспева́ти Ему́: Аллилу́ия.
И́кос 11.
Све́том благода́ти Бо́жией, та́инственне ти́ прису́щия, просвети́ на́ша душе́вная чу́вствия, Кре́сте пресвяты́й, да то́ю озаря́еми и наставля́еми, не по́ткнемся о ка́мень собла́зна, но да возмо́жем путе́м за́поведей Бо́жиих пра́во ше́ствовати во все́й жи́зни на́шей, воспева́юще ти́ си́це:
Ра́дуйся, непрестаю́щих чуде́с Христо́вых ве́стниче и милосе́рдия Его́ к ро́ду челове́ческому пропове́дниче; ра́дуйся. Кре́сте, ро́да челове́ча обновле́ние и Но́ваго Заве́та Христо́ва печа́ть и утвержде́ние.
Ра́дуйся, торжество́ ве́ры христиа́нския и благонаде́жный я́корю упова́ния на́шего; ра́дуйся, святы́х хра́мов Бо́жиих украше́ние и домо́в благочести́вых огражде́ние.
Ра́дуйся, поле́й и вертогра́дов благослове́ние; ра́дуйся все́х стихи́й освяще́ние.
Ра́дуйся, Честны́й Кре́сте, всера́достное зна́мение на́шего искупле́ния.
Конда́к 12.
Благода́ть Твою́ всемо́щную пода́ждь на́м, Го́споди, да после́дуем Тебе́, Влады́це на́шему, взе́мше кре́ст на́ш, не гвоздьми́ пригвожда́ющеся тому́, но труда́ми, воздержа́нием и смире́нием, да та́ко прича́стницы бу́дем страда́ний Твои́х, от ни́хже истека́ют пото́цы Жи́зни Ве́чныя, напая́ющия вся́ правове́рныя, благоче́стно пою́щия Ти́: Аллилу́ия.
И́кос 12.
Пою́ще вели́чие твое́, всечестны́й Кре́сте, восхваля́ем тя́ вси́, я́ко победоно́сный ски́петр Царя́ Небе́снаго, на́шего же спасе́ния всера́достное зна́мение, те́мже и вопие́м:
Ра́дуйся, Кре́сте, правосла́вных христиа́н держа́во и несокруши́мое и́х огражде́ние; ра́дуйся, святи́телей украше́ние и все́х подви́жников ве́ры и благоче́стия си́ла и подкрепле́ние.
Ра́дуйся, Кре́сте, от колыбе́ли и до гро́ба на все́х путе́х жи́зни на́с огражда́яй и по сме́рти на возду́шных мыта́рствах от духо́в зло́бы на́с защища́яй; ра́дуйся, я́ко под зна́мением твои́м почива́ющии, уме́ршии в ве́ре и благоче́стии, в после́дний де́нь воскре́снут в жи́знь ве́чную.
Ра́дуйся, Кре́сте, явле́нием свои́м на Небеси́ предвари́ти имы́й сла́вное Второ́е прише́ствие Христо́во; ра́дуйся, я́ко распе́ншии Христа́ и вси́ неве́рнии у́зрят тя́ тогда́ и го́рце возрыда́ют, лю́бящии же Го́спода, зря́ще тя́, вельми́ возра́дуются.
Ра́дуйся, Честны́й Кре́сте, всера́достное зна́мение на́шего искупле́ния.
Конда́к 13.
О Пречестны́й и Животворя́щий Кре́сте Госпо́день, все́х христиа́н утеше́ние! Тя́ ны́не предлежа́ща ви́дяще, возво́димся мы́слию к распя́тому на тебе́ Христу́, Ему́же и мо́лимся смире́нно, да тебе́ ра́ди поми́лует на́с, гре́шных, и сподо́бит в селе́ниих ра́йских воспева́ти Ему́: Аллилу́ия.
Этот конда́к читается трижды, затем и́кос 1 и конда́к 1.
Моли́тва.
Кре́сте честны́й, храни́тель души́ и те́лу бу́ди ми́: о́бразом свои́м бе́сы низлага́я, враги́ отгоня́я, стра́сти упраздня́я и благогове́ние да́руя ми́, и жи́знь, и си́лу, соде́йствием Свята́го Ду́ха и честны́ми Пречи́стыя Богоро́дицы мольба́ми. Ами́нь.