Святой апостол и евангелист Матфей, написавший первое Евангелие, благую весть о Господе Иисусе Христе, был сборщиком податей (мытарем, которых в те времена все не любили, презирали и считали особыми грешниками).
Родился апостол и евангелист Матфей в Назарете в Израиле. Это один из двенадцати ближайших учеников Иисуса Христа. В настоящее время, по самой распространенной версии, его мощи находятся с Х века в итальянском городе Салерно, в местном кафедральном соборе.
Апостол и евангелист Матфей назывался Левием и был родственником Иакова Алфеева. Он был состоятельным человеком. Проповедуя в Капернауме, Иисус Христос на берегу моря увидел Левия и просто сказал: «Иди за мной».
И Левий, бросив все, последовал за Иисусом Христом, без колебаний и сомнений. Он сразу и всем сердцем принял Его учение, стал одним из самых верных и надежных его учеников. Не отлучаясь от Своего Учителя апостол и евангелист Матфей ходил с Ним в Галилею и Иудею.
Бывший мытарь слушал проповеди Учителя, видел совершаемые Им чудеса, внимал каждому Его слову, учился и постигал Его Учение. Он был среди тех апостолов, которые присутствовали при крестных муках Иисуса Христа, видел страдания любимого Учителя на Кресте, Его Крестную смерть, Воскресение и Вознесение на небо.
Когда фарисеи спросили Иисуса Христа: «Как это Он ест и пьет с мытарями и грешниками?», Господь ответил: «Не здоровые имеют нужду во враче, но больные. Я пришел призвать не праведников, но грешников к покаянию«.
После того, как на Пятидесятницу Святой Дух сошел на апостолов, они разошлись по разным странам проповедовать Слово Божие. Святой апостол и евангелист Матфей проповедовал веру в Иерусалиме и близлежащих селениях.
Через восемь лет после Воскресения Христова, по просьбам христиан Матфей написал первое Евангелие и стал именоваться апостолом и евангелистом. Проповедовал он во многих странах, причем произносил проповеди, как и все апостолы, на которых снизошел Дух Святый, на языках всех этих стран.
Апостол и евангелист Матфей был в Македонии, Сирии, Эфиопии, Парфии, Мидии. Много чудес совершал святой апостол по воле Божией, но более всего всех поражало, что с каждым он говорил на его языке. Многих он обратил в Христову веру.
Попав к жестокому чернокожему племени, он проповедовал, исцелял, чудотворил, устроил в городе Мирмены церковь. Местный правитель Фульфиан разгневался и приказал схватить возмутителя спокойствия.
Несколько раз посланные приходили за Матфеем и несколько раз возвращались ни с чем. Один раз церковь, где находился апостол, погрузилась во тьму, другой раз ослепила их сиянием. Все это привело правителя в ярость, и он обманом завлек Матфея в свой дворец.
Апостол и евангелист Матфей был обвинен в колдовстве и приговорен к сожжению на костре. Когда стали приводить приговор в исполнение, костер затух и никак разжечь его не удавалось. Апостол же остался невредимым.
Стали лить в костер горючую смолу, она стала стрелять в мучителей и вокруг огненными брызгами, грозясь сжечь все вокруг. Испугавшись пожара, правитель повелел затушить костер, а святого стал просить о пощаде.
Фульфиан даже решил, после всего увиденного, освободить святого от дальнейших мук. Однако, апостол и евангелист Матфей, помолившись Богу, тихо скончался по воле Божией. Ему воздали почести и принесли его тело во дворец.
Решив сделать еще одну проверку, правитель приказал поместить тело святого в металлический ковчег, герметически залить оловом и бросить в море. Апостол явился этой же ночью во сне епископу Платону и указал место, где наутро ковчег был обнаружен.
Только после всех этих чудес Фульфиан наконец уверовал во Христа, исповедовал Его Единым истинным Богом и захотел принять крещение. Когда ковчег доставили во дворец, он припал к нему и стал просить прошения у апостола, который в огне не сгорел и в воде не утонул, по воле могучего Бога.
Епископ Платон (бывший спутник апостола Матфея, которого он поставил епископом в новой церкви города Мирмены) крестил Фульфия, посвятив его в основные догматы веры. Во время крещения раздался голос: «Назови его не Фульфианом, а Матфеем».
Так новокрещеный принял имя святого апостола. Он отказался от всех благ, от власти и богатства, стал горячим молитвенником, за что даже был возведен в пресвитеры. После смерти епископа Платона он сменил его на этом посту, успешно проповедуя Слово Божие и обращая в христианскую веру язычников.
Память: 16 / 29 ноября, 30 июня / 13 июля (Собор 12 апостолов).
Тропарь апостолу и евангелисту Матфею, глас 3
Усе́рдно от мы́тницы к зва́вшему Влады́це Христу́,/ я́вльшуся на земли́ челове́ком за бла́гость,/ Тому́ после́довав, апо́стол избра́нный яви́лся еси́/ и благове́стник Ева́нгелия вселе́нней велегла́сен./ Сего́ ра́ди чти́м честну́ю па́мять твою́, Матфе́е Богоглаго́ливе,/ моли́ ми́лостиваго Бо́га,// да грехо́в оставле́ние пода́ст душа́м на́шим.
Перевод: Усердно от сбора пошлин последовав за призвавшим тебя Владыкой Христом, явившимся на земле людям по благости, ты сделался избранным Апостолом Его и громогласным провозвестником Евангелия вселенной. Потому мы почитаем священную память твою, Матфей Богословесный; моли милостивого Бога, да грехов прощение подаст Он душам нашим.
Кондак апостолу и евангелисту Матфею, глас 4
Мыта́рства и́го отве́рг,/ пра́вды и́гу притя́глся еси́,/ и яви́лся еси́ купе́ц всеизря́днейший,/ бога́тство прине́с, ю́же с высоты́ прему́дрость./ Отону́дуже пропове́дал еси́ и́стины сло́во,/ и уны́лых воздви́гл еси́ ду́ши,// написа́в час су́дный.
Перевод: Отбросив мытарства иго, ярму праведности ты подчинился и оказался превосходнейшим купцом, получив богатство – небесную премудрость. Потому и провозгласил ты слово истины и пробудил беспечных души, написав о часе суда.
Молитва апостолу и евангелисту Матфею
О, пресла́вный апо́столе Матфе́е, ду́шу за Христа́ преда́вший и кро́вию твое́ю па́жить Его́ удо́бривший! Услы́ши ча́д твои́х моли́твы и воздыха́ния, се́рдцем сокруше́нным ны́не приноси́мыя. Се́ бо беззако́ньми омрачи́хомся, и того́ ра́ди беда́ми, я́коже ту́чами, обложи́хомся, еле́а же до́браго жития́ обнища́хом зело́, и не возмо́жем проти́витися волко́м хи́щным, и́же расхища́ти насле́дие Бо́жие де́рзостно тща́тся. О, си́льный! Понеси́ не́мощи на́ша, не отлуча́йся ду́хом от на́с, да не разлучи́мся в коне́ц от любве́ Бо́жия, но кре́пким заступле́нием твои́м на́с защити́, да поми́лует Госпо́дь все́х на́с моли́тв твои́х ра́ди, да истреби́т же рукописа́ние безме́рных грехо́в на́ших, и да сподо́бит со все́ми Святы́ми блаже́ннаго Ца́рствия и бра́ка А́гнца Своего́, Ему́же че́сть и сла́ва, и благодаре́ние и поклоне́ние, во ве́ки веко́в. Ами́нь.
Канон святому апостолу и евангелисту Матфею
Творение Феофаново
Пе́снь 1
Ирмо́с: Отве́рзу уста́ моя́, и напо́лнятся Ду́ха, и сло́во отры́гну ца́ри́це Ма́тери, и явлю́ся све́тло торжеству́я, и воспою́ ра́дуяся тоя́ чудеса́.
Припев: Святый Апостоле Матфее, моли Бога о нас.
Бога́тно пода́ждь ми́ все́льшуюся в тя́ бла́года́ть, Матфе́е всесла́вне, и слуго́ Христо́в: да вопию́ све́тло пропове́дая, и воспою́ ра́дуяся твоя́ чудеса́.
Весьма́ оста́вил еси́ земны́х смуще́ние: сло́ва бо, я́ко услы́шав вопло́щшагося гла́с, и бла́года́ти яви́лся еси́ строи́тель, и пропове́датель Богоприя́тен, Богоблаже́нне.
Самови́дец бы́в и слуга́ возсия́вшаго сло́ва, апо́столе, преве́чнаго Отца́, и проте́кл еси́, того́ прише́ствие бла́говеству́я все́м язы́ком.
Богоро́дичен: Сме́рти потребле́ние и тли́ разруше́ние, жи́зни же явле́ние, благовести́л еси́, му́дре: Де́ва бо во утро́бе заче́нши непости́жнаго, и ми́р обнови́.
Пе́снь 3
Ирмо́с: Твоя́ песносло́вцы, Богоро́дице, живы́й и незави́стный исто́чниче, ли́к себе́ совоку́пльшия, духо́вно утверди́, в Бо́же́ственней твое́й сла́ве венце́в сла́вы сподо́би.
Твоя́ апо́столы, сло́ве Бо́жий, свети́льники показа́л еси́ жи́зни, мра́к отгоня́щия безбо́жия, Влады́ко, и Боже́ственною твое́ю сла́вою ми́р ве́сь просвеща́ющия.
Твои́м вооружи́в всеору́жием Матфе́а хра́брейшаго, Спа́се, мучи́телей крепча́йша сего́ соде́ял еси́, Влады́ко, и потреби́теля показа́л еси́ и́дольския ле́сти, человеколю́бче.
Язы́ка твоего́ о́гненнаго веща́ние де́монская пожже́ ка́пища, Матфе́е Богодохнове́нне, паракли́тов орга́не, чрез его́же Христо́с пропове́дается, все́х жи́знь ипоста́сная.
Богоро́дичен: Труба́ Богосло́вная, веща́ющая кре́пко, просвети́ лю́ди, Матфе́а Богому́драго, Тро́ицы сия́ние, па́че ума́ же воплоще́ние сло́ва, из Тебе́, Пречи́стая.
Седа́лен, гла́с 8. Подо́бен: Прему́дрости:
Во вся́ концы́ протече́ му́дрых твои́х глаго́л я́ко вои́стинну веща́ние, всехва́льне Госпо́день Апо́столе, Бо́говиде́ние все́м я́сно пропове́дал еси́, и язы́ков неразу́мие, в ра́зум приве́л еси́. Те́мже и́дольское омраче́ние отгна́в, све́т зна́ния во тме́ су́щим возсия́л еси́, Матфе́е всехва́льне, моли́ Христа́ Бо́га, грехо́в оставле́ние дарова́ти чту́щим любо́вию святу́ю па́мять твою́.
Сла́ва, подо́бен то́йже: Яко свети́льника све́та и ученика́, я́ко самови́дца сло́ва Боже́ственнаго, вси́ хва́лим тя́, Госпо́день апо́столе: и́бо благода́тныя твоя́ мре́жи простира́я, слове́сныя ры́бы уловля́еши повеле́нием. Те́мже и язы́цы уловля́хуся си́лою Ду́ха, наставля́еми ве́рою, неботаи́нниче всехва́льне: моли́ Христа́ Бо́га, грехо́в оставле́ние дарова́ти чту́щим любо́вию святу́ю па́мять твою́.
И ны́не, Богоро́дичен: Яко всенепоро́чная неве́сто творца́, я́ко неискусому́жная Ма́ти Изба́вителя, прия́телище я́ко су́щи уте́шителя, Препе́тая, беззако́нию мя́ су́ща скве́рное оби́телище, и де́моном игра́лище в ра́зуме бы́вша, потщи́ся от те́х злоде́йства мя́ изба́вити: и све́тлое жили́ще доброде́телей соверши́, светоно́сная, нетле́нная: отжени́ о́блак страсте́й, и вы́шняго прича́стия сподо́би, и све́та невече́рняго, моли́твами Твои́ми.
Пе́снь 4
Ирмо́с: Неизсле́дный Бо́жий сове́т, е́же от Де́вы воплоще́ния тебе́ вы́шняго, проро́к Авваку́м усмотря́я, зовя́ше: сла́ва си́ле твое́й, Го́споди.
Ипоста́сному твоему́ сло́ву, Бо́же, науче́н, мирску́ю му́дрость разруши́ богови́дец учени́к, велегла́сно зовя́ тебе́: сла́ва си́ле твое́й, Го́споди.
Ублаже́нному от Христа́, ко́е благохвале́ние принесе́м тебе́, Богоглаго́ливе? Не мо́жет бо челове́к цветя́щия на тебе́ благода́ти сло́вом изрещи́, досточу́дне.
Нескве́рный Тво́й и чи́стый у́м ви́дев высоча́йший, я́коже свещу́ на све́щник высо́кий, су́щим во тме́ светя́щую, все́м, Богоявле́нне, предложи́.
Богоро́дичен: Умерщвле́нное естество́ челове́ческое, бла́гослове́нная, возвы́сила еси́, я́ко высоча́йшаго ро́ждшая кре́пость, па́че естества́, всепе́тая отрокови́це, я́коже Матфе́й научи́.
Пе́снь 5
Ирмо́с: Ужасо́шася вся́ческая о Боже́ственней сла́ве твое́й: ты́ бо, неискусобра́чная Де́во, име́ла еси́ во утро́бе над все́ми Бо́га, и родила́ еси́ безле́тнаго Сы́на, все́м воспева́ющим тя́ ми́р подава́ющая.
Благода́ть прие́м всесвя́та́го Ду́ха, Боже́ственное оби́телище показа́лся еси́: Боже́ственно научи́в Богозна́ния све́ту, вве́рен бы́в догма́ты Христо́вы письме́ны изложи́ти, я́ко самови́дец Богоизбра́нный.
Язы́к тво́й тро́сть паракли́та бы́сть, ско́рое избавле́ние даю́щаго позна́вшим Влады́чество его́, и му́дрых вды́шущаго душа́м ра́зум Небе́сный, о, Матфе́е всече́стне.
Сия́юща чудесы́ и исцеле́ний благода́тьми, тя́ Христо́с посла́ ми́ру, де́монскую попира́юща кре́пость, и ду́ши просвеща́юща ве́рных, все́х пою́щих тя́, ми́ра пропове́дника.
Богоро́дичен: Де́ва родила́ еси́ Сы́на преве́чнаго, в естество́ обле́кшася челове́ческое, я́коже науча́я Богоглаго́ливый рече́, и спа́сшаго сие́ от тли́ коне́чною благосты́нею, и Де́ва пребыла́ еси́.
Пе́снь 6
Ирмо́с: Приидо́х во глубины́ морски́я, и потопи́ла мя́ е́сть бу́ря мно́гих грехо́в: но, я́ко Бо́г, из глубины́ возведи́ живо́т мо́й, многоми́лостиве.
Евангели́ст от мы́тарства, я́ко после́дова тебе́, претвори́ся Богоглаго́ливый, всеси́льною твое́ю, вседе́телю, кре́постию, Матфе́й всеизря́днейший.
Управля́ется твоего́ благове́стия душепита́тельными словесы́ язы́ков мно́жество, возвыша́емо к доброде́телей высо́кому верху́, о, Матфе́е всеблаже́нне.
Матфе́а уловля́ются Богоплете́нными ученика́ мре́жами собо́ры ве́рующих всегда́, к твоему́ позна́нию, бла́годе́телю, наставля́еми.
Богоро́дичен: Де́ву ро́ждшую воспису́я, благовеству́ет Тя́ вся́ческая сотво́ршаго, без се́мене и тли́, Всенепоро́чная, Матфе́й всеизя́щнейший.
Конда́к, гла́с 4. Подо́бен: Вознесы́йся:
Мыта́рства и́го отве́рг, пра́вды и́гу припря́глся еси́, и яви́лся еси́ купе́ц всеизря́днейший, бога́тство прине́с, ю́же с высоты́ прему́дрость. Отону́дуже пропове́дал еси́ и́стины сло́во, и уны́лых воздви́гл еси́ ду́ши, написа́в ча́с су́дный.
Икос:
Вра́жие мучи́тельство ну́дит мя́ несы́тно, и души́ моея́ все́ се́мя восхища́ет, Матфе́е, дру́же Христо́в, но са́м се́мя моли́тв твои́х да́в, уплоди́ к твоему́ служе́нию и покажи́ мя песнопе́вца твоего́ мале́йшаго, и сказа́теля мно́гих твои́х и вели́ких исправле́ний: и ко Христо́ве любви́, ка́ко, вся́ а́бие оста́вив, после́довал еси́ те́пле зва́вшему, пе́рвый бы́в благове́стник в ми́ре, написа́в ча́с су́дный.
Пе́снь 7
Ирмо́с: Не послужи́ша тва́ри Богому́дрии па́че созда́вшаго, но о́гненное преще́ние му́жески попра́вше, ра́довахуся пою́ще: препе́тый Отце́в Госпо́дь и Бо́г, благослове́н еси́.
Бы́л еси́ пе́рваго осия́ния Боже́ственное изображе́ние, я́ко учени́к того́ светлостьми́ распаля́емь, ему́же поя́ глаго́лал еси́: препе́тый отце́в Госпо́дь и Бо́г, бла́гослове́н еси́.
Яко слуга́ сло́ва, всеблаже́нне, в Боже́ственныя оби́тели, иде́же Христо́с обита́ет, ты́ всели́лся еси́, я́коже тебе́ обеща́ Пребоже́ственный отце́в Госпо́дь и Бо́г еди́н все́х.
Неду́зи, Матфе́е, отго́нятся и отбега́ет мно́жество де́монов, су́щими в тебе́ дарова́ньми Боже́ственнаго Ду́ха, в ни́хже пе́л еси́: препе́тый отце́в, Госпо́дь и Бо́г, бла́гослове́н еси́.
Богоро́дичен: Всепе́тую Де́ву написа́л еси́ Боже́ственными твои́ми словесы́, творца́ все́х ро́ждшую, апо́столе, ему́же вси́ пое́м: препе́тый отце́в Госпо́дь и Бо́г, бла́гослове́н еси́.
Пе́снь 8
Ирмо́с: О́троки благочести́выя в пещи́ рожде́ство́ Богоро́дичо спасло́ е́сть, тогда́ у́бо образу́емое, ны́не же де́йствуемое, вселе́нную всю́ воздвиза́ет пе́ти тебе́: Го́спода по́йте дела́, и превозноси́те его́ во вся́ ве́ки.
Манове́ньми, я́же в Тебе́, неосла́бными, Матфе́й свяще́ннейший обожа́емь, положе́нием же бы́в, естество́м е́же бы́л еси́, вселе́нную, Влады́ко, привлече́, пе́ти тебе́: Го́спода по́йте дела́ и превозноси́те во вся́ ве́ки.
Якоже мо́лнию вселе́нней, сло́во Богосло́ва посла́, мра́к у́бо отгоня́ща, язы́ки же просвеща́юща Богосло́вия догма́ты. те́мже и поя́ше: Го́спода по́йте дела́, и превозноси́те его́ во вся́ ве́ки.
Сло́вом чи́стым и умо́м Бо́г с тобо́ю бесе́довал е́сть: ти́ну бо я́ко изсе́кл еси́, тому́ прибли́жился еси́ и премеси́лся еси́, сла́вне. Те́мже и пое́ши: Го́спода по́йте дела́, и превозноси́те его́ во вся́ ве́ки.
Богоро́дичен: На благодея́ние челове́ков Сло́во воплоти́тися изво́ли: две́рь бо де́вства про́йде Госпо́дь, и Богоро́дицу показа́. Те́мже зове́м: Го́спода по́йте дела́, и превозноси́те его́ во вся́ ве́ки.
Пе́снь 9
Ирмо́с: Вся́к земноро́дный да взыгра́ется, Ду́хом просвеща́емь, да торжеству́ет же безпло́тных умо́в естество́, почита́ющее свяще́нное торжество́ Богома́тере, и да вопие́т: ра́дуйся, всебла́же́нная Богоро́дице, чи́стая Присноде́во.
Добро́ты у́мныя прия́л еси́ диади́му Боже́ственную, апо́столе, и ца́рствия же благоле́пнейшим венце́м украси́лся еси́, десни́цею Вседержи́телевою, и све́тишися, му́дре, со а́нгелы престо́лу предстоя́ Влады́ки Христа́, всеблаже́нне.
Дре́ва жи́зни досто́йно получи́л еси́, пропове́дник жива́го Бо́га, благовествова́в жи́знь ми́ру Боже́ственное посеще́ние: са́дом бо зна́ния не растли́л еси́ у́м, пребы́в незы́блен и неколе́блен це́ркве степе́нь, всебла́же́нне.
Неве́сту Христо́ву Боже́ственно украси́л еси́ Ева́нгелием твои́м, я́ко диади́мою, це́рковь, Богоблаже́нне, и ны́не Боже́ственную твою́ па́мять торжеству́ет све́тло, ю́же изба́вити вся́каго обстоя́ния и бе́д лю́тых, моли́ Матфе́е апо́столе.
Богоро́дичен: Не́др не отступи́в безнача́льнаго роди́теля Сло́во Безнача́льное, я́коже благовеству́ет Матфе́й, пиша́, Бо́г воплоти́ся из Тебе́, Чи́стая Всепе́тая, в челове́чь о́браз всеобра́зно ве́сь оде́явся, и того́ прие́м сво́йства.
Свети́лен. Подо́бен: Посети́л ны́ е́сть.
Сказа́ на́м Боже́ственная чудодея́ния, сла́вный Христо́ва Ева́нгелиа списа́тель, Матфе́й Богоприя́тный: его́же, любо́вию чту́ще, благосочета́нно воспои́м.
Сла́ва: Мыта́рства и́го отве́рг разу́мно, Христу́ после́довал еси́, о, Матфе́е Богому́дре! следо́м же того́ чу́дно после́дуя, в прича́стии бы́л еси́ того́ ца́рствия, и сла́вы о́бщник, и таи́нник неизрече́нных.
И ны́не, Богоро́дичен: Всесвя́ты́я ру́ки Твоя́, Богоро́дице Де́во, и́миже зижди́теля носи́ла еси́, поднеси́ в моли́тву о на́с к нему́, я́ко да изба́вит ны́ вся́ких искуше́ний диа́вольских, и получи́ти бу́дущих о́ных бла́г сподо́бит, всепе́тая.
