Благоверный князь Ярослав Мудрый, правивший Киевской Русью без малого сорок лет (1016-1054 годы) и сумевший укрепить ее авторитет на мировой арене, при котором Киевская Русь достигла наивысшего расцвета, был сыном святого равноапостольного великого князя Владимира и полоцкой княжны Рогнеды.
Родился благоверный князь Ярослав Мудрый, во святом крещении Георгий, один из самых почитаемых русских князей, между 978 и 986 годами, разные источники указывают разные годы. Совсем юным отец посадил Ярослава на княжение в Ростов, когда делил земли между сыновьями. За годы своего княжения благоверный князь сделал очень много.
После завоевания его дружиной местечка Медвежий Угол, он основал там город Ярославль. Будучи глубоко верующим, он построил много храмов, вел добродетельную жизнь, стремился к мирному решению вопросов, был противником междоусобиц и прославился государственной мудростью, за что и получил у народа прозвище «Мудрый».
После смерти старшего сына Вышеслава князь Владимир перевел Ярослава на княжение в Новгород. Новгородцам он пришелся по душе. При всем своем миролюбии он имел независимый и твердый характер. Вскоре князь Владимир умер, и началась между его сыновьми жестокая междоусобная борьба за великокняжеский Киевский престол.
Святополк, старший сын Владимира, которого отец обошел, когда сажал Ярослава на княжение в Новгород, затаив обиду, начал энергично расчищать пути к Киевскому престолу. Он вероломно убил своих братьев Бориса и Глеба и ценою их крови стал великим князем Киевским, войдя в русскую историю под прозванием «Окаянный».
Благоверный князь Ярослав Мудрый, узнав о намерении Святополка устранить также и его, с новгородцами и варягами выступил в поход против Святополка и победил его. Тот бежал к своему тестю Болеславу Храброму в Польшу. Ярослав Мудрый сел на Киевский престол, но продержался в этот раз недолго.
Святополк при поддержке Болеслава двинулся на Киев. Им удалось захватить Киев в 1018 году, но Болеслав хотел сам закрепиться в Киеве. Поляки начали бесчинствовать в Киеве. Возмущенные горожане выбили их из города. Благоверный князь Ярослав Мудрый опять собрал войско при поддержке новгородцев и пошел на Киев.
Святополк был наголову разбит, бежал снова в Польшу, но по дороге умер. Благоверный князь Ярослав Мудрый окончательно стал великим князем Киевским в 1019 году. В том же году он женился на Ингигерде, дочери шведского короля Олафа Шетконунга, святой благоверной княгине Ирине.
Княгиня стала матерью большой и крепкой семьи. У нее было семеро сыновей и пятеро дочерей, которых родители воспитывали в христианском благочестии. Все они получили хорошее образование, включая знание иностранных языков, и являли пример нравственности.
Перед своей блаженной кончиной, прожив около 76 лет, благоверный князь Ярослав Мудрый составил завещание сыновьям: «Любите друг друга. Если будете жить в любви друг с другом, то Бог будет среди вас и покорит вам врагов ваших, и вы будете жить мирно. А если будете ненавидеть друг друга и сссориться, то погибнете и сами и погубите землю отцов своих и дедов, которую достали они трудом великим.»
В 1036 году, находясь в Новгороде, с которым у него закрепились добрые отношения, благоверный князь Ярослав Мудрый узнал о набеге печенегов на Киев. Собрав новгородскую дружину, он в спешном порядке отправился к Киеву. После жестокой и продолжительной сечи ему удалось их одолеть.
В память об этом событии благоверный князь Ярослав Мудрый заложил величественный каменный собор в честь святой Софии — Премудрости Божией. Такой же храм был построен и в Новгороде. В царствование великого князя Ярослава были открыты мощи святых страстотерпцев Бориса и Глеба и началось их почитание, ознаменовавшееся многими чудотворениями.
В Вышгороде была построена церковь во имя страстотерпцев Бориса и Глеба. Начали также праздновать память святого равноапостольного князя Владимира. Благоверный князь Ярослав Мудрый вошел в русскую историю как князь, укрепивший русскую христианскую культуру и упрочивший христианскую веру.
За долгие годы своего правления благоверный князь Ярослав Мудрый снискал себе славу крупнейшего государственного деятеля и полководца, сплотил разрозненные племена в единую Русь, основал многие города. При этом помогали ему и дипломатия, и хитрость, и использование ошибок противника.
Он закреплял свои победы династическими браками своих дочерей. Но воевать ему все-таки приходилось, хотя во всех удобных случаях он старался не обострять конфликты, а всеми возможными способами сгладить их. В 1043 году русские рати под предводительством сына Ярослава Владимира ходили на Византию.
Этот поход не закончился победой, но в качестве замирения другой сын Ярослава Всеволод стал мужем византийской принцессы. В этом браке родился Владимир Мономах. При благоверном князе Ярославе Мудром был написан первый свод законов государства российского, названного «Русской Правдой».
Почитание благоверного князя началось сразу после его преставления 20 февраля 1054 года, как местночтимого подвижника благочестия. В 2004 году Священный Синод Украинской Православной Церкви благословил внести его в святцы УПЦ.
Молитвенная традиция: Благоверный князь Ярослав Мудрый считается покровителем государственных мужей, юристов, судей, прокуроров, научных работников, библиотекарей, учителей и студентов.
Память: 20 февраля / 4 марта.
АКАФИСТ БЛАГОВЕРНОМУ КНЯЗЮ ЯРОСЛАВУ МУДРОМУ
Не утвержден для общецерковного использования.
Тропарь, глас 4
Яко благочестиваго корене пречестная отрасль был еси, благоверне княже Ярославе, добре во благочестии пожив, веру непорочну соблюл еси и, храм пречуден Премудрости Божия в стольном граде Киеве устроив, ныне на Небесех предстоиши Престолу Святыя Троицы, молися низпослати нам велию и богатую милость.
Кондак, глас 4
Измлада явился еси, богомудре Ярославе, Божественный сосуд избран Богови, во благочестии жительствовавши, многия святыя церкви устроил еси; темже похваляем тя, княже наш, яко народу твоему ты еси удобрение, Киеву слава и земли нашея утверждение.
Кондак 1
Избранный от Предвечнаго Царя Небеснаго и Церкви Зиждителя, данный стране нашей ходатаю изрядный и заступниче пречудный, святый княже Ярославе, приими похвальная пения любовию чтущих святую память твою и моли Христа Бога сохранитися неврежденным нам от враг видимых и невидимых, да со умилением вопием ти: Радyйся, святый благовеpный великий княже Ярославе.
Икос 1
Ангельское житие возлюбив от юности и ко исканию единаго на потребу направив помыслы твоя, княже Ярославе, дивный образ был еси добродетелей христианских и совершенства духовнаго; темже и возвеличен был еси на земли пред братиею твоею и на Небеси прославлен еси от Господа. Мы же, благодаряще Творца и Спаса нашего, славословим тя, яко великаго избранника Божия, со умилением зовуще:
Радуйся, земли Русския княже богоизбранный.
Радуйся, пречестная отрасль равноапостольнаго князя Владимира.
Радуйся, благовеpия пpедков наследниче.
Радуйся, мудрости Соломоновы подражателю.
Радyйся, всем житием своим Богy послyживый.
Радуйся, всех концев земли Русския покpовителю.
Радуйся, заповедей Хpистовых веpный исполнителю.
Радyйся, дивный хранителю, от Бога всем нам дарованный.
Радуйся, святый благоверный великий княже Ярославе.
Кондак 2
Видевше, еще отрок сый, прехвальне Ярославе, отца твоего от злых дел к благим деяниям изшедшаго и Светом Христовым озареннаго, купно с братиями твоими святое Крещение восприял еси и сердцем твоим богопросвещенным благодарственно воспел еси Господеви: Аллилуиа.
Икос 2
Разум твой, угодниче Христов, духовным ведением Милосердный Господь озари, яко ты, житие богоугодное возлюбив и благочестивым родителем твоим внимающе, в страсе Божии, молитве и добродетелех возрастал еси. Сего ради, Господь, видя верность твою в малом, над многими тя постави, мы же с любовию взываем ти сице:
Радуйся, в истинах христианских измлада наставленный.
Радуйся, от юности Господа всем сердцем возлюбивый.
Радуйся, во испытаниих многих Богом дивно хранимый.
Радуйся, подвиги мужества, яко добрый воин, во брани явивый.
Радуйся, водительству Духа Святаго издетска прилежавый.
Радуйся, добродетелем преславных предков твоих подражавый.
Радуйся, благодатныя дары Всесвятаго Утешителя Духа стяжавый.
Радуйся, и нас даром мудрости обогащающий.
Радyйся, святый благовеpный великий княже Ярославе.
Кондак 3
Силою Вышняго укрепляемый, блаженне Ярославе, в кротости и в смирении души твоея возрастал еси, уготовляя себе на служение княжеское, и о помощи небесней молился еси, взывая Богу: Аллилуиа.
Икос 3
Имея страх Божий в сердце твоем, благоверный княже Ярославе, послушание явил еси отцу твоему Владимиру и, по воли его, от великаго Киева в пределы земли Ростовския княжити прешел еси, идеже жителей в вере в Бога истиннаго утвердил еси и храм великаго пророка Илии тамо воздвигл еси, сим показуя велию любовь твою ко Господу и святым Его, и подвизая нас хвалебно взывати к тебе:
Радуйся, лампадо веры православныя неугасимая.
Радуйся, к ближним своим любы преизобильная.
Радуйся, неутешных в скорбех утешение.
Радуйся, блаженный храмоздателю.
Радуйся, благолепия церковнаго любителю.
Радуйся, зло творящих вразумление.
Радуйся, Правды Христовы ревнителю.
Радуйся, Отечества Небеснаго любителю.
Радyйся, святый благовеpный великий княже Ярославе.
Кондак 4
Буря вражды братоубийственныя сотрясе землю Русскую, егда Святополк Окаянный, властолюбием ослепленный, повеле убити братий твоих возлюбленных Бориса и Глеба; ты же, блаженне Ярославле, скорбя о смерти их, на Господа упование и надежду возложил еси и Его силою правду на Руси утвердил еси, воспевая выну: Аллилуиа.
Икос 4
Слышавше о премногих скорбех, претерпенных тобою, святый благоверный княже Ярославе, от Святополка Окаяннаго, величаем выну укрепившаго тя Господа, сохраньшаго тя, егда понужден быв пределы Киевския покинути и преселитися в пределы Новгородския, из нихже с вои своими паки в землю отеческую пришедши, правду Божию утвердил еси. Мы же, вере и мужеству твоему подражая, взываем сице:
Радуйся, пресельник в земли твоей бывый.
Радуйся, горняго града выну усердно взыскавый.
Радуйся, мудрый странниче, на путь спасения стопы твоя направивый.
Радуйся, Божий избранниче, скорби многия претерпевый.
Радуйся, кротко и мирно в Великий Новград княжити возвративыйся.
Радуйся, богоугодно и праведно тамо княживый.
Радуйся, иго Христово всем сердцем возлюбивый.
Радуйся, всем сердцем его приявый.
Радyйся, святый благовеpный великий княже Ярославе.
Кондак 5
Боготечною звездою воссиял еси делы твоими богоугодными, княже Ярославе, и ныне предстоиши Престолу Вседержителя; сего ради молим тя: купно со святыми сродники твоими сотвори молитву Царю царствующих, да, вашего ради соборнаго предстательства, пробавит милосердие Свое народам словенским, и утвердит ны в вере православней, вопиющих Ему ныне: Аллилуиа.
Икос 5
Видевше житие твое праведное, славляху тя людие, своего правителя милостиваго, благоверне Ярославе; ты же похвалы человеческия ни во чтоже вменяя, гордынею неуязвлен пребыл еси, показуя всем образ истиннаго смирения, емуже поучаяся, с любовию вопием ти таковая:
Радуйся, исполнителю правды евангельския.
Радуйся, образе нищеты духовныя.
Радуйся, добродетелей пребогатое сокровище.
Радуйся, благочестивых великая славо.
Радуйся, вдов и сирот питателю.
Радуйся, скорбных сердец утешителю.
Радуйся, яко послужил еси Господеви всяким благоyгождением.
Радуйся, яко за нас ходатайствуеши пред Ним своим заступлением.
Радyйся, святый благовеpный великий княже Ярославе.
Кондак 6
Проповедником добродетелей христианских явился еси, преблаженне княже Ярославе: ты бо, ревнуя о благочестии не словом токмо, но всем житием своим, церкви возводил и украшал еси, людем был еси милостивый заступник и попечитель. Сего ради и мы, грешнии, надеющиися на твое милосердное о нас попечение, усердно прибегаем к твоему заступлению, взывающе благодарно Богу: Аллилуиа.
Икос 6
Возсиял еси в стране нашей светом добрых дел твоих, святый Ярославе, и на свещнице Церкве Православныя поставлен был еси, да светиши Отечеству твоему земному и приводиши к Солнцу Правды люди твоя, со упованием таковыя похвалы тебе возносящия:
Радуйся, верный Христов последователю.
Радуйся, Отечествия Небеснаго усердный взыскателю.
Радуйся, руце твои на рало Господне возложивый.
Радуйся, вспять лица твоего николиже обративый.
Радуйся, Евангелия Царствия Божия проповедниче благогласный.
Радуйся, богомудрыми твоими словесы многи в разуме просвещаяй.
Радуйся, любящим и чтущим тя ходатаю вечнаго спасения.
Радуйся, вразумителю грешных ко исправлению.
Радyйся, святый благовеpный великий княже Ярославе.
Кондак 7
Хотяй прославити Божественнаго Искупителя нашего и Его Пречистую Матерь, повелел еси, всемудре Ярославе, воздвигнути в стольном граде Киеве Врата Златыя, ихже венчал еси храмом Благовещения Пресвятыя Богородицы, да всякий пребывающий во граде сем, под благодатным покровом Царицы Небесе и земли пребывает и радости духовныя о сем да исполняется, непрестанно воспевая: Аллилуиа.
Икос 7
Новый Иустиниан великий воистину явился еси, богомудре княже Ярославе, яко храм великий и преславный в честь Святыя Софии – Ипостасныя Премудрости Божия создал еси и законам справедливым и судам милосердным основание в державе твоей положил еси, благочестие христианское и научение книжное насаждая. Сего ради молим тя: настави всех нас, чтущих святую память твою, быти наследниками дел благих твоих и добродетелем твоим богоугодным последовати, воспевающих ти похвалы сия:
Радуйся, душеполезных знаний преизобильное излияние.
Радуйся, душевреднаго мрака светлое озарение.
Радуйся, неверных смыслов милостивое просвещение.
Радуйся, неправо мудрствующих внезапное низвержение.
Радуйся, верных незыблемое уверение.
Радуйся, отъемлющий духовное помрачение.
Радуйся, миром и любовию души наши наполняющий.
Радуйся, наветов вpажиих мyдpый pазоpителю.
Радyйся, святый благовеpный великий княже Ярославе.
Кондак 8
Странника и пришельца себе на земли быти помышляя, блаженне Ярославе, не ведал еси покоя в трудех твоих, люди твоя во благочестии утверждая и державу твою миром ограждая; сего ради ныне в лике святых благоверных князей пребываеши, веселяся купно с ними и поя Богу: Аллилуиа.
Икос 8
Всею душею Господеви послуживши и всем житием своим Ему благоугодив, прославился еси благочестием, великий княже, и, ко блаженному успению достигши, в мире дух свой Богу предал еси. Мы же, поминающе праведное житие твое и блаженное упокоение, вопием ти:
Радуйся, храмы Божиими грады многия украсивый.
Радуйся, величию земли нашея тем послуживый.
Радуйся, во всем житии твоем вере Христовой поревновавый.
Радуйся, крепость державы твоея тем созидавый.
Радуйся, в народоправлении велию мудрость проявивый.
Радуйся, о благе народа своего усердно пекийся.
Радуйся, общаго мира в пределех страны твоея устроителю.
Радуйся, людем твоим помощниче богодарованный.
Радyйся, святый благовеpный великий княже Ярославе.
Кондак 9
Весь еси в вышних, богоблаженне княже Ярославе, во обителех райских водворяяся, обаче и нас, тебе тепле почитающих, не оставляеши, наставляя к разуму Божественному и деланию усердному заповедей Христовых. и всякия благополезныя прошения наша исполняеши, подвизая нас Отцу Небесному благодарственно воспевати: Аллилуиа.
Икос 9
Ветия многовещанныя и риторы искусныя не возмогут по достоянию воспети подвиги твоя, недоумеют бо изрещи достойныя тебе похвалы, княже праведный. Мы же, во всех трудех и подвизех благодать Божию в тебе видяще и на предстательство твое уповая, взываем ти сице:
Радуйся, лучу светозарнаго солнца Христа, земли нашей сияющий.
Радуйся, в молитвах о нас ко Господу неумолкающий.
Радуйся, за Отечество твое пред Господем милостивый печальниче.
Радуйся, христоподражательнаго жития на земли наставниче.
Радуйся, столпе правоверия Божия непоколебимый.
Радуйся, истины поборниче непреодолимый.
Радуйся, утешение скорбящих и крепкая оградо обидимым.
Радуйся, защищение твердое и отрадо всем ненавидимым.
Радyйся, святый благовеpный великий княже Ярославе.
Кондак 10
Спасительная наставления сыновом и народу твоему оставил еси, богомудрый княже, глаголя: «Любите друг друга; аще будете жити в любви между собою, то Бог пребудет с вами и покорит вам враги ваша». Сия убо поминаюше, просим тя: моли тобою чудодействующаго Бога, да и мы возможем в любви со всеми пребывати и спасения вечнаго достигнути ходатайством твоим, во веки благодарственно воспевающе: Аллилуиа.
Икос 10
Царя Небеснаго верный раб и изрядный угодник был еси, благоверный великий княже Ярославе; сего ради благоразумия крилами украшаем, легко прелетел еси вся сети вражия. Мы же, дивящеся высоте твоего добродетельнаго жительства, с любовию и усердием сице тебе поем:
Радуйся, великий угодниче Божий, жизнь земную свято и праведно скончавый.
Радуйся, пришедый от скорбей многих в покой вечный.
Радуйся, увенчанный от Христа венцем нетленныя славы.
Радуйся, и по смерти заступлением твоим нас не оставляяй.
Радуйся, заповеди Господни творити нас научаяй.
Радуйся, окамененныя сердца во источницы милования обращаяй.
Радуйся, отступивших от правыя веры на путь спасения возвращаяй.
Радуйся, блуждающих по морю жития сего мудре окормляяй.
Радyйся, святый благовеpный великий княже Ярославе.
Кондак 11
Пение молебное приими от нас, святый благоверный княже Ярославе, и молитву твою вознеси чтущих святую память твою ко Престолу Вседержителя, да, радующеся о твоем прославлении на Небеси и на земли и о твоем всегдашнем предстательстве, благодарственно вопием святых Святейшему Отцу Небесному: Аллилуиа.
Икос 11
Светозарное светило, лучами христианских добродетелей сияющее, явился еси, Небо церковное украшая, богомудре Ярославе, и всем блуждающим во тьме неверия, сомнения, маловерия и нечестия луч надежды на спасение подаваяй и к Солнцу Правды Христу Иисусу путеводяй, да во свете заповедей Его со всеми верными шествуя, радостно тебе воспоют:
Радуйся, душевными твоими очима выну Господа созерцавый.
Радуйся, пред Оным, яко сын пред Отцем, яко ученик пред Учителем, шествовавый.
Радуйся, во вся дни живота твоего Его искавый и в Нем намерение полагавый.
Радуйся, блистанием добродетелей на земли светло сиявый.
Радуйся, от Господа на Небеси венец нетленный приявый.
Радуйся, яко тобою различных искушений избегаем.
Радуйся, яко предстательством твоим благодатную помощь обретаем.
Радуйся, яко тебе призывающия скоро предваряеши.
Радуйся, яко любящих тя от различных бед и напастей изымаеши.
Радyйся, святый благовеpный великий княже Ярославе.
Кондак 12
Благодатию Божиею в непрестанном творении заповедей Христовых обогативыйся, по отшествии же твоем от земных наипаче к трисолнечному Престолу Пресвятыя Троицы приближися, но и от народа твоего духом любве твоея не отступивый; сего ради молим тя: пролей теплую твою молитву ко Господу, да сохранит Церковь Свою Святую неврежденну от ересей и расколов и вся чада ея да помилует и спасет, вопиющия Ему: Аллилуиа.
Икос 12
Поюще добpодетели и чyдеса твоя, благоверный княже, купно же велия твоя труды и подвиги, во благоустроение державы нашея тобою подъятыя, усердно благодарим и восхваляем тя, с любовию зовуще:
Радуйся, великий княже Ярославе, Престолу Царя Небеснаго предстояй.
Радуйся, хвалу немолчную Пресвятей Троице возносяй.
Радуйся, жизнь вечную в Царствии Небеснем получивый.
Радуйся, яко дивный образ любве Отца Небеснаго в себе явивый.
Радуйся, безпомощным скорый помощниче.
Радуйся, о спасении грешных теплый молитвенниче.
Радуйся, яко молитвам твоим Господь благоутробно внемлет.
Радyйся, yгодников Божиих сонаследниче.
Радyйся, святый благовеpный великий княже Ярославе.
Кондак 13
О преславный угодниче Христов, великий княже Ярославе, вонми гласу моления нашего и ходатайством твоим испроси нам от Господа в жизни сей в вере и добродетелех утверждение, от ересей и расколов сохранение, от скорбей и напастей избавление, прегрешений наших прощение и в час смертный твердое спасения упование, да сподобимся Царствие Небесное наследовати и вечно воспевати Богу: Аллилуиа.
(Этот кондак читается трижды, затем икос 1 и кондак 1)
Молитва
О святый благоверный, великий княже Ярославе, всех с любовию чтущих тя благодатный заступниче и покровителю! Вознеси сие малое моление недостойных раб твоих Владыце Христу, да утвердит во Святей Своей Церкви живый дух православныя веры, любовь, благочестие, в добрых делех преуспеяние; да дарует пастырям ревность попечения о спасении людей, яко неверущия просветити, заблуждшия наставити и отпадшия обратити; изряднее же, да вся чада Церкви Православныя чисты сохранит от мирских искушений, суемудрия, суеверий и наваждений вражиих. Ей, угодниче Божий, не презри нас, молящихся тебе, но помози нам скорым предстательством твоим, да всяких бед, напастей и скорбей в сей жизни временней избежавше, кончину непостыдну обретем и, тако благоугодно на земли поживше, жизни райския на Небеси сподобимся, идеже вкупе с тобою прославим человеколюбие и щедроты в Троице славимаго Бога, Отца и Сына и Святаго Духа, во веки веков. Аминь.
