Боголюбская икона Матери Божией — одна из древнейших чудотворных икон Богородицы на Руси, первая икона, писанная на Руси (до этого привозились из Византии), святыня Владимиро-Суздальской земли.
История образа: Она написана около 1157 года по указанию благоверного князя Андрея Боголюбского, который, когда переселялся из Вышгорода в Ростов, взял с собою чудотворную икону Божией Матери, известную теперь под именем Владимирской иконы Божией Матери , и писанную, по преданию, евангелистом Лукой.
Путешествие продолжалось благополучно, пока неподалеку от города Владимира вниз по течению реки Клязьмы, в том месте, где ныне находится Боголюбский женский (мужской был закрыт в 1923 году) монастырь Владимирской епархии, лошади, везшие икону, не остановились.
Все предпринятые меры не дали результата, лошади не могли сдвинуться с места. Лошадей поменяли, но и новые стояли, как вкопанные. Был отслужен молебен, по приказанию князя, перед чудотворной иконой Богородицы, но лошади, по прежнему, стояли, не двигаясь вперед.
Князь Андрей удалился в свой шатер и долго молился наедине. К утру он заснул и удостоился чудесного видения. Пресвятая Богородица явилась князю со свитком в правой руке и повелела: икону, взятую князем из Вышгорода, поставить во Владимире; а на том месте, где он в данный момент находится, устроить храм во имя Рождества Пресвятой Богородицы и обитель для иноков.
Благочестивый князь немедленно заложил храм и, призвав лучшего иконописца, приказал ему изобразить Богородицу в том молитвенном виде, в каком Она явилась ему.
Иконография: Иконографический тип Боголюбской иконы Матери Божией — Агиосоритисса ( Заступница ), к этому же типу относится Огневидная икона Божией Матери . Богоматерь изображена в рост, в руке — развернутый свиток с текстом молитвы, обращенной ко Христу, за грешный род человеческий. В верхней части Боголюбской иконы Матери Божией — Деисус. Это первый вариант иконы, строго соответствующий первообразу.
Боголюбская икона Божией Матери относится к типу Деисусных икон, хотя в ней присутствуют элементы композиций Оранты и Одигитрии. Вверху изображены клейма пяти икон, сопутствовавших князю Андрею в его путешествии: Спасителя, Божией Матери (Владимирская икона), святого Иоанна Предтечи, Архангелов Михаила и Гавриила.
На некоторых списках иконы, которые очень быстро распространились по Руси, есть изображение самого коленопреклоненного князя Андрея, погруженного в молитву. Это второй вариант иконы.
И наконец на третьем варианте иконы, именуемом «Моление о народе», кроме Пресвятой Богородицы, представлен целый сонм молящихся перед Ней святых: святителей, благоверных князей и других.
Когда церковь была готова и освящена, князь Андрей внес в нее обе иконы Пресвятой Богородицы — и принесенную из Вышгорода, и вновь написанную, которую назвал Боголюбской иконой Матери Божией (в некоторых трактовках — Боголюбивой ), место же, где Богородица явилась ему, назвал Боголюбским.
С той поры и сам князь Андрей стал именоваться Боголюбским, также был назван и устроенный позднее на этом месте монастырь. Близ новосозданной церкви князь основал город Боголюбов. В память чудесного явления Богородицы в 1157 году князь установил ежегодно совершать празднество 18 июня / 1 июля.
Чудотворения: Особенно прославилась Боголюбская икона Божией Матери чудесами исцелений во время губительных эпидемий чумы и холеры. В 1771 году во время эпидемии чумы, народное моление перед Боголюбской иконой помогло избежать распространения этой страшной болезни. В память об этом событии в 1772 году были установлены ежегодные крестные ходы из Боголюбова во Владимир, в которых участвовало до 18 000 человек.
Во время нашествия татаро-монголов в 1237-1240 годах храм Рождества Пресвятой Богородицы был сожжен татарами, чудом осталась целой и невредимой Боголюбская икона Божией Матери. Во время нашествия Тамерлана в 1395 году Боголюбивая / Боголюбская икона Божией Матери, как и Владимирская икона, были отвезены в Москву для спасения Руси.
Списки чудотворного образа широко разошлись по Руси, многие из них сами прославились чудотворениями. Ей поклонялись князья и русские цари. Благочестивый царь Феодор Алексеевич Романов (1676-1682 годы) пожертвовал к иконе свой золотой крест с дарственной надписью, украшенный драгоценными камнями, его часто изображают на списках иконы. Почитание образа в народе было велико.
В настоящее время Боголюбская икона Матери Божией, первообраз, пребывает во Владимиро-Суздальском музее, в специально оборудованном для нее помещении. Состояние иконы из-за неудачно проведенной реставрации и неправильных условий хранения плачевное. Список иконы находится во вновь открытом Свято — Успенском Княгинином женском монастыре во Владимире, где некоторое время пребывал первообраз.
Молитвенная традиция: Перед Боголюбской иконой Матери Божией молятся об избавлении от эпидемии чумы, холеры, от моровых поветрий, от стихийных бедствий, пожаров, наводнений, засух, голода и нищеты. Путешественники просят у Пресвятой Богородицы пред ее иконой благополучия в пути, а матери просят о здоровьи своих детей.
Празднование: 18 июня / 1 июля.
Боголюбская — Зимаровская икона Божией Матери
Сия икона находится в селе Зимарове Рязанской епархии. Предание говорит, что в бедственное для России время татарского ига, Боголюбская — Зимаровская икона Божией Матери была расколота татарами на две половины и заброшена в кустарник.
Там она сама собой соединилась, но не совсем точно, так, что одна половина оказалась немного выше другой. Икона прославилась чудотворениями: в 1771 году избавлением от язвы, а в 1848 году от холеры.
А К А Ф И С Т Боголюбской иконе Божией Матери
Кондак 1
Взбранной Воеводе, Боголюбивей Царице, превысшей всякаго создания, Деве и Матери Христа Бога, похвальная восписуем Ти раби Твои, Богородице! Ты же, яко Боголюбивая и Всемилостивая Мати, благоизволившая явити пресветлый Свой лик благоверному нашему князю Андрею, от бед и скорбей сохрани ны и храм сей, да зовем Ти:
Радуйся, Боголюбивая Царице Богородице, Надеждо и Прибежище наше.
Икос 1
Ангелов превысшую вся Небесныя Силы величают Тя, Богородицу Царицу, мы же грешнии на земли, чудному Божию о Тебе смотрению дивящеся, всею душею, сердцем и устнами дерзаем глаголати:
Радуйся, Благословенная в женах Дево Благодатная; радуйся, Всевышняго Мати, Духа Святаго пребывание.
Радуйся, Царице Небесе и земли и всех Небесных Сил высшая; радуйся, Ангелы чтимая, от Серафим воспеваемая.
Радуйся, благословляемая на Небеси и славимая на земли; радуйся, воистину Присноблаженная и Пренепорочная.
Радуйся, Боголюбивая Царице Богородице, Надеждо и Прибежище наше.
Кондак 2
Видящи Премилосердная Матерь Божия земное скорбное житие наше, немощи и болезни, благоизволи явити чудо, избрав сосуд благодати и милостей Своих к нам, благочестиваго князя Андрея. Обаче и мы с радостию несказанною припадаем к Тебе, Владычице, и из глубины души благодарим Тя, нашу дивную Заступницу, воспевающе Богу: Аллилуиа.
Икос 2
Разумети хотя чудо, явленное милостию Твоею, Пресвятая Богородице, егда кони, везшии святый образ, сташа, и людие к шествию подвигнути их не возмогоша, благоверный князь Андрей начат со слезами молитися к Тебе, Владычице, да покажеши, Пречистая, волю святую Свою; Ты же в видении благоволила еси открыти преблагий совет Твой. Темже и мы, чудо сие воспоминающе, преклоньше колена, взываем сице:
Радуйся, прославившая место обители Твоея дивным чудодействием и в сем милость преизобильную нам показавшая; радуйся, страну Владимирскую светом Своим озарившая и лучи света на всех нас простирающая.
Радуйся, Всеблагая наша Наставнице, любовию нас привлекающая; радуйся, Охранительнице наша от бед и болезней.
Радуйся, у Господа спасения нашего Ходатаице, Царице наша Небесная; радуйся, за вся благодеяния Твоя благодарению нас научающая.
Радуйся, Боголюбивая Царице Богородице, Надеждо и Прибежище наше.
Кондак 3
Сила Вышняго осеняет всех, с верою и благоговением притекающих к Тебе, Пречистая Госпоже Богородице, и уповающих на Твою милость, понеже всякое благое прошение приемлеши тепле. Благоверный князь моляше Тя, Владычице, явити волю Твою, преисполнився трепета пред таинством Твоего произволения. Такожде и мы к Тебе, Пречистая, прибегаем, умиленно вопиюще: Всемилостивая Покровительнице наша, научи и нас прославляти всечестное и всехвальное имя Твое и достойно воспевати Богу: Аллилуиа.
Икос 3
Имеяй на пути, яко Боготечную звезду, честный образ Твой, Владычице, благоверный князь в прилежней молитве своей пред чудотворною Твоею иконою сподобися яве узрети Тя, Царицу Небесную, теплое ходатайство Твое Богу приносящую о месте явления Твоего и о всем мире. О Божия Мати, Пречистая Богородице! Со умилением припадаем к Тебе и, богатыя Твоея милости ожидающе, умильно вопием Ти:
Радуйся, Радосте наша и крепкая Заступнице; радуйся, Покрове наш и наше Утешение.
Радуйся, Охранительнице наша и наше Упование; радуйся, Отрадо наша и дивное о нас попечение.
Радуйся, Похвало наша, чудесы нас удивляющая; радуйся, Прибежище наше и залог вечнаго спасения.
Радуйся, Боголюбивая Царице Богородице, Надеждо и Прибежище наше.
Кондак 4
Недоумевает ум наш, како достойно есть восхвалити Тя и дивное явление Твое, Пресвятая Владычице: яко солнце лучи испущающи, предстала еси молящемуся князю и тако рекла еси: «Не хощу, да образ Мой несеши в Ростов, но во Владимире постави Его; на сем месте во имя Моего Рождества церковь воздвигни и обиталище иноком состави», и, воздевши Свои Божественнеи руце ко Владычнему образу, скрыся от духовных очес его. Преклоняем и мы колена пред Тобою, Боголюбивая Мати, и Твоя чудная явления и веления разумеюще из глубины души воспеваем Богу: Аллилуиа.
Икос 4
Слыша Господь моления Твоя, Богоизбранная Царице Небесная, обеща выну исполнити, яко Преблагия Матере, прошения Твоя. Ты же, о Владычице, тогда рекла еси ко Господу усты Своими: «Владыко Многомилостиве, Господи, Иисусе Христе, Сыне и Боже Мой, молю Тя, да пребудет Божественная благодать на людех Твоих, и светозарный луч славы Твоея да нисходит всегда на место сие, Мною избранное». Истинно исповедуем, о Пречистая, яко скоро помогаеши с верою к Тебе прибегающим, и, со умилением воспевающе Тебе, зовем сице:
Радуйся, Молитвеннице наша пред Господем и Сыном Твоим; радуйся, Заступнице всего рода человеческаго и Защитнице народа православнаго.
Радуйся, Матернюю любовь Твою всегда нам являющая и вся благая нам дарующая; радуйся, радости нам, благодати же и славы вечная Ходатаице, дивная наша Утешительнице.
Радуйся, бытие обители и ниспослание на ню благодати предвозвестившая; радуйся, в память Твоего явления храм во славу Рождества Твоего устроити указавшая и тамо Церкви Христовой дивное украшение явившая.
Радуйся, Боголюбивая Царице Богородице, Надеждо и Прибежище наше.
Кондак 5
Яко лучезарную звезду, в пределах Владимирских явленную, узре князь Андрей Пресветлый образ Твой, Владычице, и в явлении сем уразумев знамение велия попечения Божия о месте явления Твоего, даде ему имя Боголюбивое. О Царице и Владычице! Освети и нас светом Твоим Небесным, сохраняющи нас под кровом Твоим благим, услыши всеумиленныя молитвы восхваляющих Тя и воспевающих Богу: Аллилуиа.
Икос 5
Видение чудное Богоматере и святыя словеса Ея приемля с радостным трепетом, благоверный князь умиленно со слезами паде на землю и сладостно возблагодари Всевышняго, яко сподобися узрети Тя, Пресвятую Богородицу. Посем ускори церковь заложити, идеже ныне Боголюбивая обитель, именем Твоим красующися, молится за весь мир пред пречистым Твоим образом. Созерцающе в таковом сбытии знамение благодати, дерзаем воспевати сице:
Радуйся, Милостивая, яко устроила еси тихое пристанище ищущим спасения; радуйся, Пресветлая, яко свет подаваеши всем хотящим жити в преподобии и тем показуеши правыя стези к Царствию Небесному.
Радуйся, теплая Ходатаице о живущих в обителех Твоих, милость Свою выну им обещавшая; радуйся, яко в трудех иноческих им всегда помогаеши и к трудолюбию подвизаеши.
Радуйся, яко в келлиях монашеских на молитву вразумляеши и к добродетельному житию ревностно возбуждаеши; радуйся, Хранительнице дивная обителей святых, яко Твоею благодатною силою оныя зиждятся и преспевают в благочестии.
Радуйся, Боголюбивая Царице Богородице, Надеждо и Прибежище наше.
Кондак 6
Проповедует вся земля Российская богатыя милости Твоя, Владычице, и дивное благодатное князя Андрея вразумление. Сему последуя, благоверный князь повеле образ написати тем подобием, якоже ему явися Пречистая, и, обрет святую икону, поклонися, радостно со слезами благодаря Бога и скорую нашу Помощницу, взывая: Аллилуиа.
Икос 6
Возсия благодать неизреченная от цельбоносныя иконы Твоея, Пресвятая и Боголюбивая Мати. Слышим и видим величие чудес, от нея бываемое, со удивлением взираем на сию икону, яко на Пресветлое лице Самой Пречистыя Девы. О Госпоже, Царице и Владычице! Ты выну воздвизаеши руце Твои на моление за нас пред Сыном Твоим, не презри и вопиющих Ти похвальная сия:
Радуйся, во утешение нам даровавшая образ Твой чудотворный; радуйся, новую милость и новую благодать сим в Церкви являющая и тем путь спасения показующая.
Радуйся, Покровительнице наша, от бед нас спасающая и в скорбех быстрое облегчение нам посылающая; радуйся, сострадательнейшая к болезнем нашим, скорую помощь нам подающая.
Радуйся, Боголюбивая Царице Богородице, Надеждо и Прибежище наше.
Кондак 7
Хотя благоверный князь достойно почтити пресвятую волю Твою, Владычице, собра архиереи, священники и людей множество, да ублажат Тя хвалебно собором. О чуднаго торжества! О премудрости судеб Твоих, Владычице! Преславно преносится чудотворная Твоя икона в дивный храм всечестнаго Рождества Твоего. Чудодействием прославляется церковь Твоя, о Госпоже Богородице, и вси предстоящии, радости и умиления исполнении, преклоньше колена, целуют Твой пречистый образ и взывают: О, Мати Боголюбивая, осени всесильною Твоею десницею и нас, воспевающих Богу: Аллилуиа.
Икос 7
Дивна дела Твоя, Владычице! Вси людие, здравии и болящии, богатии и нищии, вси прибегаем к Тебе, сострадательнейшей Матери нашей. Не отрини нас от лица Твоего, буди милостива к нам, недостойным рабом Твоим, во всех путех жизни нашея, защити и помилуй от всея души любовию вопиющих Тебе таковая:
Радуйся, ненадеющихся надеяние и печальных утешение; радуйся, о скорбящих попечение и бедствующим помоще.
Радуйся, алчущих Кормительнице и нищих одеяние; радуйся, убогих Заступнице и болящих исцеление.
Радуйся, старцев Покровительнице и юных Воспитательнице; радуйся, враждующих примирение и обидимых Защитнице.
Радуйся, Боголюбивая Царице Богородице, Надеждо и Прибежище наше.
Кондак 8
Дивное чудо пренесения преславныя иконы Твоея, Владычице, торжественно вси чествуем и на всякое лето в сей светлый праздник благодарне воспоминаем вся неизчетная благодеяния чудес, Тобою, Пречистая, от иконы дивно источаемых; и тя, угодниче Божий Леонтие, в помощь призываем, чтуще с любовию честную память твою, да молитвами твоими сподобимся у Пречистыя обрести благодать, еще же непрестанно воспевати Господу: Аллилуиа.
Икос 8
Все величие чудес Твоих, Пречистая, несть исчислити возможно, егда безбожный царь Батый, разоряя грады и веси и храмы сожигая, со многою ратию приблизися и ко святей обители Твоей, Пречистая, вниде в церковь и, обрет чудотворную икону, дерзостно положи руку на драгая ризы, храм со всем богатством огню предаде, точию един образ Твой, Владычице, цел обретеся и ничимже поврежден бысть. О велие чудо! О, коль дивны знамения благодати являеши нам, Пречистая! Кто не ублажит Тя? Кто не воспоет Твоя славная чудеса? И мы, грешнии, со умилением взирающе на святую икону Твою, толь чудесно от погибельнаго пламене сохраншуюся, со слезами взываем сице:
Радуйся, яко купина, огнем горевшая и неопальна пребывшая; радуйся, яко благодать Тебе дадеся силу огненную угашати.
Радуйся, в годину напастей и испытаний оставльшая нам святую икону Свою во утешение; радуйся, яко благостынею Своею угашаеши в нас огнь нечестия пламенем огня Божественнаго.
Радуйся, прославившая чудесы икону Твою; радуйся, яко молитвою и лобызанием иконы Твоея вси мы приемлем благодатное утешение.
Радуйся, Боголюбивая Царице Богородице, Надеждо и Прибежище наше.
Кондак 9
Все упование возлагаем на Твою благость, Пресвятая Владычице! Милосердию Твоему несть конца, величие же Твое кто исповесть? Предстоящи с мольбою у Престола Всевышняго, коль многое множество чудес являла еси нам, Пречистая, коль дивно спасла еси славный град Москву от грознаго врага Тамерлана, коль чудно объят его великий страх пришествием Твоим в матерь русских градов и понуди абие отступити со всем воинством. Не умолчим никогда, Заступнице наша Преславная, о всех Твоих благодеяниих, да не будет под спудом свет чудес Твоих. И ныне, предстояще пред Пречистым Твоим образом и молящеся умиленною душею и сокрушенным сердцем, взываем Богу: Аллилуиа.
Икос 9
Витии многовещаннии не довлеют по достоянию воспети хвалу и благодарение Пречистей, како царственный град сохрани от татарских полчищ. Егда вся рать вражия отступаше от предел Московских, царь Иоанн со скорбию и слезами отпусти чудотворный образ Твой, Боголюбивая Владычице, в избранную обитель Твою, идеже со умилением и радостию неизреченною сретоша его людие, и от мала до велика, вси, преклоньше колена, ублажаху Тя, Пречистая. И мы, сея радости мысленне причащающеся, Царице Небесней вопием благодарне:
Радуйся, премилосердая Утешительнице наша, святую икону дати нам изволившая; радуйся, от нашествия врагов иноплеменных нас дивно спасшая.
Радуйся, царей наших несокрушимый щите; радуйся, отечества нашего благонадежное утверждение.
Радуйся, воинства крепкая защито, от меча вражия сохраняющая; радуйся, от разорения, плена и лютыя смерти святою десницею Твоею всех уповающих на Тя избавляющая.
Радуйся, Боголюбивая Царице Богородице, Надеждо и Прибежище наше.
Кондак 10
Спасти хотя свою душу, благочестивый царь Феодор, любовию божественною разжигаем, добре подвизася, пребывая в посте и молитве, и, вельми любя Боголюбивую обитель, часто ю посещаше. Единожды же с теплою молитвою пред чудотворною Твоею иконою, Боголюбивая Мати, от усердия своего в дар Тебе принесе носимый на персех своих честный крест, каменьми драгими украшенный. Взирающе на сие дивное украшение иконы Твоея, о Пречистая, радуемся вси духовно о сем, како Тя, Царицу и Владычицу, славят и чтут вси вернии, и молящеся вопием Богу: Аллилуиа.
Икос 10
Стена, ограждающая ны от всяких болезней, бываеши Пресвятая Богородице, егда со умиленною молитвою призываем в помощь нашу Твое Матернее милосердие. Аще бо Ты не бы предстояла, Боголюбивая Мати, молящи о нас, кто бы нас избавил от смертоносных ран и язв всегубительных! Со умилением созерцаем, како на пути благодатнаго шествия Твоего вси болящии чудесно исцеляхуся и струпи на телесех во мгновение ока врачевахуся. Темже и мы, припадающе к цельбоносней иконе Твоей, молим Тя, Владычице: не остави ны милостию Твоею пребогатою, избави ны от всяких болезней, наипаче же от смертоносныя язвы и пагубы. О Пресвятая Богородице! Благоспешно спаси нас и помилуй с верою и любовию вопиющих Ти из глубины души:
Радуйся, страны нашея православныя дивная Покровительнице, многажды от бед и напастей ю избавлявшая; радуйся, страдальцев благодатным утешением венчающая и разслабленным скорое возставление дающая.
Радуйся, слепым прозрение и хромым от недуга их дивное избавление даровавшая; радуйся, пораженных различными недугами и болезньми чудесно исцеляющая.
Радуйся, скорбящих родителей в лишении чад их утешающая благодатною Твоею помощию; радуйся, Целительнице наша в страданиих телесных и благая Утешительнице в печалех наших душевных.
Радуйся, Боголюбивая Царице Богородице, Надеждо и Прибежище наше.
Кондак 11
Пение благодарственное всеумиленно приносит Тебе, Боголюбивая Мати, вся страна Российская за чудное избавление от смертоносныя язвы, толь гибельно ю поразившия. Светлии дни дивных исцелений начертаны на сердцах верующих, и моления теплыя возносятся на всякое лето в память сего радостнаго торжества, егда святая икона Твоя, Владычице, с пении духовными приносится в славный град Владимир. Красуйся и ликуй, благословенный граде! Торжествуйте, правовернии, зряще несомую икону Владычицы, источающую неизчетныя исцеления всем притекающым к ней с верою и любовию! Преклоняем и мы колена пред Тобою, Пресвятая Богородице, величаем Тя и молим: приими милостивно и от нас жертву хвалы и прославления, приносимую Тебе от недостойных раб Твоих, вопиющих Богу: Аллилуиа.
Икос 11
Светозарную икону Твою, Боголюбивая Мати, с благоговением зрим в Божественных храмех Твоих, радующеся. Кто не прибегаше к Тебе, Владычице? Кто не покланяшеся, кто не лобызаше Твоя пречистыя стопы? Кто не умоляше Тя, Заступницу нашу? О Пресвятая Дево, приими веру и усердие наше, направи путь наш на стези истины, умоли Господа и Сына Твоего, да спасет нас, имиже весть судьбами, да не погибнем в нераскаянии о наших грехопадениих, и услыши моления к Тебе взывающих:
Радуйся, Благодатная, всеми добродетельми преукрашенная, Своею благодатию нас не оставляющая; радуйся, Хранительнице наша, в час смертный тьму вражию отгоняющая и по смерти нас упокоевающая.
Радуйся, Милостивая, милость Свою нам являющая в день испытания, воньже открыются дела наша, добрая же и злая; радуйся, Милосердая, заступление нам посылающая и тем в будущем вечныя радости сподобляющая.
Радуйся, Боголюбивая Царице Богородице, Надеждо и Прибежище наше.
Кондак 12
Благодатию Божественною осеняема, святаго Иоанна Предтечу с лики Архангел зрим стоящия окрест Пречистыя Матере Боголюбивыя, вкупе же ублажаем и тя, угодниче Божий. Помози нам, немощным, имети веру непоколебиму, ум чист, силы и произволение освящати души наша постом и молитвою и выну полагати хранение устом нашим, да молитвами Владычицы и твоими сподобимся достойно воспети Богу нашему: Аллилуиа.
Икос 12
Поюще неисчетная знамения и чудеса Твоя, Пресвятая Богородице, умиленно припадаем к пречистому образу Твоему, Боголюбивая Мати, лобызающе его со страхом и трепетом, хвалим Тя яко неисчерпаемый источник благодати, и молим: буди Ходатаица о нас, воздвигни руце к Сыну Твоему, да выну в жизни сей и в будущей милосердие Его неотступно будет от нас, взывающих Тебе:
Радуйся, Присноблаженная, паче земнородных ведущая блаженство пребывати с Богом; радуйся, и нас причастники сего блаженства соделывающая.
Радуйся, Пренепорочная Дево, всецело стяжавшая чистоту, смирение и непорочность; радуйся, дарующая нам благая сия, да будем угодны Тебе и Богу.
Радуйся, Всемилостивая Царице, простирающая на нас, грешных, милость Свою во всякое время живота нашего; радуйся, чадолюбивая Мати, дарующая нам Свое Матернее заступление в час смерти.
Радуйся, Боголюбивая Царице Богородице, Надеждо и Прибежище наше.
Кондак 13
О Мати Боголюбивая, Царице Небесная, Всемощная наша Предстательнице! Малыя сия услышавши смиренныя мольбы наша, призри на ны милостивым Твоим оком; буди нам скорая Заступница в день кончины нашея и в час смертный явися нам Сама, Пречистая, простирающи руку помощи, отгоняющи духов злобы, ищущих поглотити душу нашу при разлучении от тела, и сподоби нас в будущей жизни в веселии и радовании возвеличити и прославити Тя, яко Преблагую Покровительницу нашу, да спасеннии Тобою, в безконечнем веце вопием Богу: Аллилуиа.
Этот кондак читается трижды, затем икос 1-й «Ангелов превысшую…» и кондак 1-й «Взбранной Воеводе…».
Молитва первая
О Пречистая Госпоже Богородице, Мати Боголюбивая, надеждо нашего спасения! Воззри милостивно на предстоящия с верою и любовию и покланяющияся пречистому образу Твоему, приими наше хвалебное пение сие и пролей теплую Твою молитву о нас, грешных, ко Господу, да, презрев вся наша согрешения, спасет и помилует нас. О Предивная Владычице! покажи на нас чудныя милости Твоя: избави нас от всякия скорби, настави на путь всякия добродетели и благостыни, спаси от искушений, бед и болезней, изми от нас оклеветания и ссоры, сохрани от молниеноснаго грома, от запаления огненнаго, от глада, труса, потопа и смертоносныя язвы, подай нам Свою милостивую помощь на пути, в мори и на суше, да не погибнем люте. О Всемилостивая Боголюбивая Мати, с твердым упованием возсылаем к Тебе нашу убогую молитву! Не отрини наших слез и воздыханий, не забуди нас во вся дни живота нашего, но всегда пребывай с нами и Твоим заступлением и ходатайством у Господа подаждь нам отраду, утешение, защиту и помощь, да выну славим и величаем преблагословенное и всепетое имя Твое. Аминь.
Молитва вторая
О Чудная и Высшая всех тварей Царице Богородице, Небеснаго Царя Христа Бога нашего Мати! Услыши нас, грешных и недостойных раб Твоих, в час сей молящихся и припадающих к Тебе с воздыханием и слезами и умильно глаголющих: изведи нас от рова страстей, Владычице; избави нас от всякия скорби и печали; огради от всякия напасти и злых клевет, от неправеднаго и лютаго навета вражия. Можеши бо, о Благодатная Матерь наша, не точию от всякаго зла сохранити люди Твоя, но и всяким благодеянием снабдити и спасти; разве Тебе иныя Предстательницы в бедах и обстояниих и теплыя Ходатаицы о нас, грешных, не имамы к Сыну Твоему, Христу Богу нашему, Егоже умоли, Владычице, да, спасеннии Тобою, славим и в будущем веце Всесвятое Имя Сына Твоего и Бога нашего, купно со Отцем и Святым Духом, ныне и в безконечныя веки. Аминь.
