Муромская икона Божией Матери получила свое название благодаря князю Константину Муромскому, который перенес святую икону из Киева в Муром в начале XII века. В Киев икона была привезена из Византии. Сначала святой образ хранился в церкви при княжеской резиденции.
Затем князь, просветитель этого края, возвел храм в честь Благовещения Пресвятой Богородицы, куда и поместил икону, которая вскоре стала повсеместно известна как Муромская икона Божией Матери.
Прославленная многими чудесами и знамениями Муромская икона Божией Матери благоговейно почитается жителями Мурома и Рязани.
История образа: Чудотворная помощь от нее, на которую уповал князь, имела большое значение для проповеди христианства среди местного населения, в котором сохранялись языческие традиции. Князь Константин долго пытался убедить язычников принять христианскую веру, но они яростно сопротивлялись и даже составили заговор с целью убить князя.
Узнав об этом, благоверный князь с сыном Феодором и княгиней Ириной, запершись в храме, долго молился Богу, а затем вышел к народу со святою иконою Муромской. Приверженцы языческой старины, незадолго до этого пребывавшие в ярости и озлоблении, пораженные чудесным сиянием, исходившем от иконы, вдруг непонятным и чудным образом переменились.
Они присмирели и попросили крещения. «И тако крестишася вся люди града Мурома во Имя Отца и Сына и Святаго Духа радующеся и славяще Бога», повествует летопись. Благодать, исходившая от лика Пресвятой Богородицы, тронула сердца язычников.
Иконография: По иконографии Муромская икона Божией Матери напоминает Одигитрию. Пресвятая Богородица склонила голову влево к Сыну, которого держит на левой руке, а Он касается правой рукой лика Богоматери, в левой опущенной вниз руке — свиток с надписью «Аз есмь свет всему миру» .
Десница Младенца Христа, сложенная в благословляющем жесте, изображена на фоне подбородка Богоматери, что создает впечатление, что Он, играя, касается лика Богоматери (икона «Взыграние«). Существующие ныне списки Муромской иконы относят к иконографисекому типу Елеуса (Умиление).
Чудотворения: В XIII веке чудотворная Муромская икона Божией Матери, спасшая князя Константина Муромского от гибели и обратившая язычников в христианство, явила новое чудо по спасению верных, прибегающих с верою и молитвою к Матери Божией.
В те времена епископом в Муроме был святой Василий. Народ, ослепленный клеветами, заподозрил его в порочной жизни и вознамерился убить его. Святитель попросил отсрочить его смерть до утра. Всю ночь молился он в храме святых князей — страстотерпцев Бориса и Глеба.
Утром, совершив литургию, он пошел в храм Благовещения и отслужил молебен перед Муромской иконой Божией Матери. Затем, взяв чудотворную икону , пошел с ней на реку Оку, снял с себя мантию, распростер ее по воде и встал на мантию вместе с иконой.
Сильный ветер понес его против течения. Вскоре он доплыл до места, называемого Старая Рязань. Здесь жили князья Феодор и Константин. Князья, духовенство и народ вышли с крестным ходом навстречу дивному пловцу.
С тех пор упразднилась епископская кафедра в Муроме и учредилась в Рязани. Здесь же осталась чудотворная Муромская икона Божией Матери, которую называют Муромской — Рязанскою, а также «Молением святого Василия».
Через три года святитель Василий избрал для жительства новую Рязань, которая находилась на месте, более защищенном от монголов. Здесь он утвердил в 1291 году свою кафедру, сюда же перенес и Муромскую икону. Подлинник иконы, к сожалению, не сохранился.
Муромская икона Божией Матери чаще всего присутствует в иконографии святителя Василия. Он изображается, как правило, с чудотворным образом в руках. При этом Муромская икона Божией Матери часто называется «Моление святителя Василия».
Чтимые списки: С Муромской иконы писалось много списков, которые находятся в настоящее время в различных храмах и музейных собраниях. Один из чтимых списков сохранялся в соборе Рождества Пресвятой Богородицы в Муроме до его разрушения в XX веке.
Празднование сей иконе установлено в 1810 году указом Святого Синода, по желанию жителей Мурома в день памяти святителя Василия 12 / 25 апреля.
Молитвенная традиция: Перед иконой молятся о даровании благочестия, милосердия, кротости, чистоты и правды, о сохранении града и страны христианской, об избавлении от иноплеменных, о помощи в учении и даровании духа разума к обучению наукам.
АКАФИСТ ПРЕСВЯТОЙ БОГОРОДИЦЕ ПЕРЕД МУРОМСКОЙ ИКОНОЙ ЕЯ
Кондак 1
Избранной от всех родов Царице и Владычице мира, милостию своею страну сию озаряющей, похвальное пение приносим Ти, Богородице, Ты же, яко имущая дерзновение к Сыну Твоему и Богу, от всяких нас бед свободи, да зовем Ти: Радуйся, Пречудная Владычице, земли Муромския и Рязанския милостивая Заступнице.
Икос 1
Архангела глас усты недостойными приносим Ти, чистая, яко благоизволила еси даровати сию чудотворную икону Твою князю Святославу, да преподаст ю в благословение сыну своему Константину; таково от лет древних пребысть благословение Твое и милость Твоя на стране нашей и икона Твоя бысть нам выну в знамение Твоего Покрова неотступнаго и в присное нам утешение и радование. Благодаряще убо Тя, с веселием зовем Тебе: Радуйся, от ангелов воспеваемая и от всего мира славимая; Радуйся, херувим честнейшая и серафим без сравнения славнейшая; Радуйся, небесных сил превысшая и ангельския силы превосходящая; Радуйся, в честней иконе Твоей от всех родов покланяемая; Радуйся, присноблаженная, граду Мурому похвало; Радуйся, преблагословенная, Рязани украшение. Радуйся, пречудная Владычице, земли Муромския и Рязанския милостивая Заступнице.
Кондак 2
Видя о себе Божие смотрение, да просветит жители града Мурома, благоверный князь Константин, со священники и вои, в страну Муромскую отыде, взем честный образ Твой, Владычице, и всю надежду на Тя и Бога возложив, Ему же и пояше: Аллилуиа.
Икос 2
Разумети неотступный покров Твой и всесильную помощь Твою даровала еси, Пречистая, благоверному князю, того ради, аще и яростию сретоша его непокоривии иноплеменницы и сына его убиша, обаче никакоже смутися, ниже от намерения своего отступи, но в град Муром вниде и на княжении своем утвердися, благодарне воспевая Тебе: Радуйся, пришествием святыя иконы Твоея град Муром озарившая; Радуйся, милостивым ликом Твоим сердца неверных умягчившая; Радуйся, верным людем Твоим всесильную помощь Твою во брани явившая; Радуйся, иноплеменники, во ожесточении сущия, вразумити изволившая; Радуйся, противныя советы их сокрушившая; Радуйся, к свету веры Христовой тыя наставившая. Радуйся, Пречудная Владычице, земли Муромския и Рязанския милостивая Заступнице.
Кондак 3
Силою Вышняго утвердися благоверный князь Константин во граде Муроме, и неизреченное милосердие и заступление Твое, Всемилостивая, поминая, абие воздвиже церковь Тебе в честь Благовещения Твоего, идеже и икону святую твою благолепне постави, со умилением вопия Богу: Аллилуиа.
Икос 3
Имея Тя Богоизбранную помощницу во апостольстем подвизе своем, благоверный Константин никакоже устрашися, егда невернии идолослужителие со оружием и воплем великим приидоша к нему, умертвити его помышляюще, но чудную икону Твою на руки взем, един к ним изыде. Темже приснодевственный лик Твой зряще, вострепеташа нечестивии и падоша ниц, аки мертви, вернии же людие Твои, сему преславному знамению дивляшеся, воспевают Ти сице: Радуйся, вернаго раба Твоего от нечестивых оградившая; Радуйся, бесовскую лесть тем обличившая; Радуйся, радость небеси и земли тогда явившая; Радуйся, людей безбожных и заблудших дивное вразумление; Радуйся, стаду Твоему покрове и присное утешение; Радуйся, пристанище наше тихое и всегда готовое заступление. Радуйся, Пречудная Владычице, земли Муромския и Рязанския милостивая Заступнице.
Кондак 4
Бурю злобы и ярости безумныя утишила еси, Всеблагая, и в разум истины привела еси тогда нечестивыя, видевше бо святую икону Твою, аки солнце сияющую, лице же князя, аки ангельское, смиришася зело и, со страхом приступающе к нему, крещения просяху, да Богу единому научатся пети: Аллилуиа.
Икос 4
Слышав сицевыя глаголы и моления прежде темных, ныне же света Христова взыскующих людей, благоверный князь умилися и, со всем освященным собором образу Твоему представ, возде руце свои на небо и рече: о, Всепетая Госпоже Богородице, благодарим Тя, яко избавила еси нас от нахождения рати сих иноплеменников и прежде злыя враги внезапу вожделенныя нам братия и други сотворила еси; темже и по сих во время всякия скорби нашея и обстояний не забуди нас, теплая Заступнице, да со умилением присно вопием Тебе: Радуйся, свече, свет невечерний возсиявшая и неверныя ко Христу приведшая; Радуйся, сердца их во мгновение к восприятию истины приуготовившая; Радуйся, восстание иноплеменник и их противление дивно смирившая; Радуйся, злое намерение их во благое преложившая; Радуйся, погибающих скорое взыскание; Радуйся, всем хотящим спастися дивная помощнице. Радуйся, Пречудная Владычице, земли Муромския и Рязанския милостивая Заступнице.
Кондак 5
Бога истиннаго познавше и заповедем Его научившеся, люди муромстии единомысленне ко святей купели устремишася и с веселием крещахуся, баню возрождения восприемлюще, Отцу же и Сыну и Святому Духу вопиюще: Аллилуиа.
Икос 5
Видевше лучу пресветлую, новопросвещенныя людие абие по крещении с высоты осенившую, и гром с небесе внезапу возгремевший слышаще, устрашися и вкупе возрадовася благоверный князь Константин и вси приснии с ним; разумеша бо, яко близ еси их и новопросвещенныя люди Твоя покрываеши. Темже со страхом и радостию вопияху Тебе: Радуйся, доме, его же созда Себе Премудрость Божия; Радуйся, жезле Иессеов, от негоже прозябе цвет Христов; Радуйся, Невесто неневестная, от Духа Свята заченшая Сына Эммануила; Радуйся, клеще таинственная, угль Божества во чреве приемшая. Радуйся, престоле превознесенный, на немже плотию возседе Сын Божий; Радуйся, врата затворенная, имиже пройде един Христос. Радуйся, Пречудная Владычице, земли Муромския и Рязанския милостивая Заступнице.
Кондак 6
Проповедует вся страна Российская чудеса, от святыя иконы Твоея бываемая, и прославляет Тя, яко благую Одигитрию, истинный путь к Царствию Небесному всем верным указующую; сего ради и мы со умилением припадаем к Тебе, Владычице, и богатыя Твоя милости исповедающе, Сыну Твоему и Богу из глубины души воспеваем: Аллилуиа.
Икос 6
Возсия во граде Муроме свет веры православныя твоим благоволением, Пречистая, и милостию Сына Твоего и Бога и истиное благочестие оттоле зде утвердися. Сего ради и в благодарную память чудесе Твоего новый храм благолепнейший сей из камене тогда воздвигоша Тебе, в немже даже и до ныне сходящеся вернии людие твои не престают звати Тебе: Радуйся, во храме Божии воспитанная и Сама храм святый Тому бывшая; Радуйся, благодатию Его предочищенная и нам во спасение предызбранная; Радуйся, всеми добродетельми преукрашенная; Радуйся, яко палата пресветлая, Владыце уготованная; Радуйся, Невесто миру Создателя, земному здателю на хранение врученная; Радуйся, горних сил похвало и земнородных всех славо; Радуйся, Пречудная Владычице, земли Муромския и Рязанския милостивая Заступнице.
Кондак 7
Хотяще от вечныя пагубы избавити люди муромския, древле светом веры просветила еси, Всенепорочная, благопоспеши убо, Владычице, Твоею небесною помощию и нам в просвещение ума и сердца нашего и даждь нам до конца жития нашего бодренно наше спасение соделати, да не когда уснем в смерть, но да сподобимся в горнем Царствии вечно с тобою воспевати Богу: Аллилуиа.
Икос 7
Новое знамение Твоего о граде Муроме благаго промышления явила еси, Владычице, егда во дни святителя Василия злыя козни диавольския яве посрамила еси и прельщенных людей сердца покаянием умилила еси. Темже неповинное изгнание и срамоту хулений от паствы своея Христа ради сладце претерпевая, святитель Божий правды своея от Тебе ожидаше и Пречистому Твоему образу усердно покланяяся, вопияше: Радуйся, изгнанные правды ради милосердная Заступнице; Радуйся, поносимых за Христа пристанище благоутишное; Радуйся, ризою Твоею от всякого зла нас покрывающая; Радуйся, прельстившихся врача советом скорое вразумление; Радуйся, правды Божия дивное явление; Радуйся, козней диавольских конечное посрамление. Радуйся, Пречудная Владычице, земли Муромския и Рязанския милостивая Заступнице.
Кондак 8
Странное мыслем человеческим совершися промышлением Твоим, Пречистая, егда святитель Василий от града Мурома исхождаше, чудотворную бо икону Твою на руку держа, на мантию свою, аки на корабль, возступи и по волнам речным устремися, во умилении сердца поя Богу: Аллилуиа.
Икос 8
Весь град Муром во ужасе потрясеся, необычное плавание своего изгоняемаго пастыря виде; тако бо обличеся ложь оклеветающих его, того же праведное житие. Темже люди муромстии, временно прельщение свое окаявающе, Твое же дивное промышление славяще, воспеваху Тебе: Радуйся, Преблагословенная Мати Творца Твоего и Господа; Радуйся, смирением возвышенная и на смиренныя призирающая; Радуйся, верныя рабы Твоя николиже оставляющая; Радуйся, и во изгнании с теми сущая; Радуйся, по скорби тем утешение подающая; Радуйся, радость миру вечную рождшая. Радуйся, Пречудная Владычице, земли Муромския и Рязанския милостивая Заступнице.
Кондак 9
Вся козни вражия посрамлены тобою, Пречистая, видя и о вразумлении прельщенных людей своих тепле моляся, святитель Василий от очию их скрыся и к новому месту селения своего и подвигов плывяше, поя Богу: Аллилуиа.
Икос 9
Ветий многовещаннии языцы не возмогут изъяснити новаго чудесе Твоего, имже угодника Твоего удивила еси, Владычице, необычным путем от града Мурома во Рязань преселивши. Мы же, святую икону Твою обстояще и дивное промышление Твое воспевающе, не престанем таковаго чудесе память творити и со умилением присно взывати Тебе: Радуйся, град Рязань пришествием иконы Твоея возвеселившая; Радуйся, милостивым предстательством Твоим и Муром не оставившая; Радуйся, Образом Твоим струи водныя освятившая; Радуйся, дивным отшествием святителя люди Муромския вразумившая; Радуйся, к сокрушению о гресех и к покаянию тех обратившая; Радуйся, из глубины греховныя и нас воздвизающая. Радуйся, Пречудная Владычице, земли Муромския и Рязанския милостивая Заступнице.
Кондак 10
Спасение наше устрояя, не престал еси, Блаже, дивными знаменьми и чудесы прославляти Всесвятую Матерь Твою Пренепорочную, юже приими ныне за ны молящуюся и богатыя милости Твоя нам низпосли, с любовию вопиющим Тебе: Аллилуиа.
Икос 10
Стена необоримая и пристанище небурное Ты еси, Богородице Пречистая, всем притекающим к Тебе, темже огради и нас и покрый от всех враг видимых и невидимых, да с верою покланяющеся пречестней и Цельбоносней иконе Твоей, радостно вопием Тебе: Радуйся, сохраняти и спасати всех призывающих Тя обещавшая; Радуйся, к Сыну Твоему и Богу молитвы верных приносящая; Радуйся, и Сама непрестанно у престола Его молящаяся о нас; Радуйся, Благодать Твою иконам Твоим даровавшая; Радуйся, всю вселенную лучами тоя озаряющая; Радуйся, рода христианскаго похвало и непостыдное упование. Радуйся, Пречудная Владычице, земли Муромския и Рязанския милостивая Заступнице.
Кондак 11
Пение всякое побеждается и недоумеет язык благохвалити Тя по достоянию, Пренепорочная Владычице, множества ради чудес, яже от святых икон Твоих присно источаеши. Обаче дерзаем и мы, грешнии и смиреннии, свой глас принести Тебе, Всемилостивая Мати, наше усердие приими, Сыну бо Твоему поем: Аллилуиа.
Икос 11
Светозарная свеща, во граде Муроме возсиявшая и град Рязань просвещающая, явися предивная икона Твоя, Владычице; всем бо притекающим к ней струи исцелений изливает и чудес зарями люди Твоя веселит, вся подвизающе звати Тебе: Радуйся, Божественный свет неизреченно родившая; Радуйся, тьму смертную Рождеством Твоим просветившая; Радуйся, страны нашея неусыпная Покровительнице; Радуйся, людей православных верная Хранительнице; Радуйся, радости небесныя всем нам Ходатаице; Радуйся, при исходе нашем от телесе благая Споручнице. Радуйся, Премудная Владычице, земли Муромския и Рязанския милостивая Заступнице.
Кондак 12
Благодать спасительную Тобою улучивше, не престаем милости Твоя проповедати, Богоблаженная; скорбящим бо утешение, недужным исцеление, от духов нечистых стужаемым освобождение присно подаеши и всем всяку язву врачуеши, да благодарным сердцем Богу вопием: Аллилуиа.
Икос 12
Поюще Твоя многая и преславная роду человеческому благодеяния, немолчными песньми воспеваем Тя, Предивная Царице небеси и земли; Тя во едину нашу надежду и помощь полагаем и тобою, недостойнии, к Сыну Твоему и Богу дерзновение имамы. Темже услыши нас, Владычице, и обычную благодать Твою нам низпосли, с любовию вопиющим Тебе: Радуйся, милостей Сына Твоего и Бога нас сподобляющая; Радуйся, десную часть молитвами твоими нам грешным управляющая; Радуйся, стадо Твое в жизнь земную нетрудно преводящая; Радуйся, и грешником кающимся спасение подающая; Радуйся, Церкве Православныя нерушимая стено; Радуйся, рода христианскаго удобрение. Радуйся, Пречудная Владычице, земли Муромския и Рязанския милостивая Заступнице.
Кондак 13
О, всепетая Мати, Всемилостивая Госпоже, Присноблаженная Царице, приими от нас, недостойных, малое сие моление, пред пречистым твоим образом со слезами приносимое, и якоже древле прельщенныя вразумила еси и кающияся помиловала еси, тако и ныне тьму греховную в сердцах наших просвети, бурю страстей умири, вся раздоры и нестроения утоли и от бед избави всех, поющих Богу: Аллилуиа.
(Этот кондак читается трижды, затем икос 1 и кондак 1)
Молитва Пресвятой Богородице пред Муромской иконой Ея
О, Пресвятая Дево, Мати Господа вышних Сил, небеси и земли Царице, града и страны нашея всемощная Заступнице! Услыши нас, молящихся Тебе, и испроси у Бога Сына Твоего пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся воздержание, нам же всем низпосли дух разума и Благочестия, дух милосердия и кротости, дух чистоты и правды. Ей, Госпоже Пречистая! Умилосердися на немощныя люди Твоя: разсеянныя собери, заблудшия на путь правый настави, недугующия уврачуй, старость поддержи, юныя уцеломудри, младенцы воспитай и призри на всех нас призрением милостиваго Твоего заступления. Милостива нам буди зде и на Страшнем Суде Сына Твоего. Ты бо еси, Госпоже, слава небесных и упование земных, ты по Бозе наша надежда и Заступница всех притекающих к Тебе с верою. Тебе убо молимся и Тебе, яко всемогущей Помощнице, сами себе и друг друга и всю жизнь нашу предаем, ныне и присно и во веки веков. Аминь.
Тропарь Пресвятой Богородице пред иконой Ея «Муромская»
глас 4
Днесь све́тло красу́ется град Му́ром,/ я́ко зарю́ со́лнечную, восприе́мши, Влады́чице,/ чудотво́рную Твою́ ико́ну,/ к не́йже ны́не мы притека́юще и моля́щеся, Тебе́ взыва́ем си́це:/ о Пречу́дная Влады́чице Богоро́дице,/ моли́ся из Тебе́ воплоще́нному Христу́ Бо́гу на́шему,/ да изба́вит град сей и вся гра́ды и страны́ христиа́нския/ невреди́мы от всех наве́т вра́жиих// и спасе́т ду́ши на́ша, я́ко Милосе́рд.
Перевод: Сегодня светло радуется город Муром, как сияние солнечное, приняв, Владычица, чудотворную Твою икону, к ней же сейчас мы прибегая и молясь, взываем к Тебе так: «О Пречудная Владычица Богородица, молись воплощенному из Тебя Христу Богу нашему, чтобы Он избавил город этот и все города и страны христианские, сохранил их невредимыми ото всех вражеских коварств и спас души наши, поскольку Он милосерден».
