Преподобный Александр Свирский — православный святой, прославленный Русской Православной Церковью в лике преподобных, был единственным в истории русских святых удостоен Божественного снисхождения Святой Троицы. За всю историю существования христианства только два человека сподобились видеть Господа в образе Троицы: ветхозаветный праотец Авраам и монах преподобный Александр Свирский.
Преподобный Александр Свирский почитался всегда защитником русских царей и молитвенником о их престолонаследии. Его мощи, тщательно изучаемые целым сонмом специалистов через 300 лет, признаны были нетленными, что подтвердили все возможные экспертизы, проводимые более полугода. При проведении экспертизы мощи обильно источали миро. Даже кожа лица сохранила гладкость и эластичность.
Житие: Преподобный Александр Свирский родился 15 июня 1448 года в день памяти святого пророка Амоса и был назван в его честь. Родители его, Стефан и Васса, были крестьянами приладоского села Мандеры, что на берегу Ояти, притока Свири. Был он долгожданным, поздним, вымоленным ребенком в бесплодном до этого браке.
С детских лет Амос отличался от своих сверстников. Был он скромен, тих, молчалив, избегал шумных игр, смеха, сквернословия, любил уединение, в котором с ранних лет предавался молитве. Учеба давалась ему с трудом, но он очень любил читать Священное Писание.
В 19 лет, узнав, что родители собираются его женить, преподобный Александр Свирский тайно ушел на Валаам. Семь лет прожил Амос в монастыре послушником в посте и молитве. Дни он проводил в трудах, ночи — в молитвенном бдении. Не раз, обнаженный по пояс, облепленный комарами, он молился в лесу до наступления зари.
В 1474 году Амос принял постриг с именем Александр. Узнав от странников о месте пребывания сына, ушли в монастырь и его родители. После их смерти по благословению игумена преподобный Александр Свирский устроил себе келью на уединенном острове, который впоследствии получил название Святой. Там он продолжил свои духовные подвиги в пещере.
На Святом острове теперь находится Александро-Свирский скит Спасо-Преображенского Валаамского монастыря. Паломники могут посмотреть здесь пещеру святого и вырытую им самим собственную могилу. В 1485 году преподобный Александр Свирский, по благословению игумена, ушел на Святое озеро, расположенное неподалеку от Олонца и реки Свирь.
Со временем здесь образовалась обитель, известная как Александро-Свирский монастырь. Монастырь прежде назывался Троицким, так как построен он был после явления преподобному Живоначальной Троицы в виде Трех Мужей, облаченных в светлые, белые одежды, осиянных Небесной славой.
Преподобный Александр Свирский получил повеление построить церковь и основать обитель, а когда он спросил, во имя кого должна быть церковь, Господь ответил: «Возлюбленный, как видишь Говорящего с тобою в Трех Лицах, так и созижди церковь во имя Отца и Сына и Святого Духа, Единосущной Троицы». Позже Ангел Божий указал ему место для церкви.
В том же году была построена деревянная, а в 1526 году каменная церковь Живоначальной Троицы. По настоянию братии преподобный Александр Свирский получил священнический сан и был поставлен Новгородским архиепископом Серапионом игуменом новосозданной обители.
Приняв игуменство, преподобный Александр Свирский сделался еще смиреннее — ходил в рубище, спал на голом полу, трудился вместе со всеми. Когда однажды закончились дрова и эконом попросил игумена послать кого-нибудь из иноков, кто празден, за дровами, преподобный ответил: «Я празден» — и отправился рубить дрова.
В конце жизни преподобный Александр Свирский задумал построить храм Покрова Пресвятой Богородицы. Однажды вечером он был удостоен видения Пресвятой Богородицы, сидящей на алтарном месте, как на престоле, в окружении множества Ангельских чинов, предстоящих Ей, в сиянии неземного света, распространившегося над всем монастырем.
Преподобный Александр Свирский преставился 85 лет 30 августа 1533 года. Перед своей кончиной он указал не хоронить его в обители, но в пустыньке у церкви Преображения Господня. В 1641 году при перестройке церкви Преображения были обретены нетленные его мощи.
Известно до пятнадцати учеников преподобного, прославленных Русской Православной Церковью. В 1545 году его ученик Иродион по указанию Новгородского архиепископа Феодосия составил житие преподобного Александра Свирского. Общероссийское почитание святого началось вскоре после его смерти в 1547 году, в правление Ивана Грозного, по инициативе лично знавшего его митрополита Макария.
Макарьевский собор 1547 года установил общецерковное почитание святого, была составлена церковная служба. В революционное лихолетье во время антирелигиозной кампании «предметы культа», под которыми имелись в виду чудотворные иконы, мощи святых, подвергались если не уничтожению, то сокрытию.
Так произошло и с мощами преподобного Александра Свирского, которые были изъяты из монатыря. Вскрыв раку с мощами преподобного в 1918 году, чекисты, прибывшие под командованием латышского стрелка Августа Вагнера для уничтожения тела святого, остолбенели: сохранность останков Божиего угодника была просто фантастической.
К счастью или по промыслу Божиему, мощи преподобного попали в ведомство академика В. Н. Тонкова, который не был «воинствующим безбожником» и сумел сделать так, что о мощах забыли, сохранив тем самым эту святыню для грядущих поколений. Находясь в запасниках анатомического музея при Военно-медицинской академии имени С. И. Кирова, мощи святого источали необыкновенное благоухание.
Мощи преподобного были возвращены Православной Церкви 30 июля 1998 года и по благословению митрополита Санкт-Петербургского и Ладожского Владимира открыты для поклонения православному народу. Ныне они пребывают в Свято-Троицком Александра Свирского мужском монастыре, который находится в 260 километрах от Санкт-Петербурга, почти на границе с Карелией на берегу Рощинского озера, в удивительном по красоте месте.
АКАФИСТ
святому преподобному Александру, игумену Свирскому
Утвержден для общецерковного использования.
Кондак 1
Избранный угодниче Христов и чудотворче, преподобный отче Александре, возсиявый мирови, яко звезда богосветлая, жития твоего добротою и множеством чудотворений, восхваляем тя любовию в песнех духовных: ты же, яко имеяй дерзновение ко Господу, молитвами твоими от всяких нас бед свободи, да зовем ти:
Радуйся, преподобне Александре, Свирский чудотворче.
Икос 1
Ангельский нрав имел еси, отче преподобне, и яко безплотный, непорочно житие совершил еси на земли, дивный образ совершенства духовнаго нам оставив, да подражаем добродетелем твоим и зовем ти сице:
Радуйся, благочестивых родителей плод богодарованный; радуйся, неплодие рождших тя разрешивый.
Радуйся, сетование их на радость преложивый; радуйся, от пелен Богом избранный.
Радуйся, от утробы матерния на службу Ему предуставленный; радуйся, от юности Его Единаго всем сердцем возлюбивый.
Радуйся, вся красная мира сего нивочтоже вменивый; радуйся, постом и бдением молитвенным плоть твою удручивый.
Радуйся, непорочный сосуде Божия благодати; радуйся, жилище Духа Святаго, украшенное чистотою.
Радуйся, мужу желаний духовных; радуйся, главо, освященная десницею Всевышняго.
Радуйся, преподобне Александре, Свирский чудотворче.
Кондак 2
Видя Господь душу твою, яко ниву благовозделанную к плодоносию духовному, от юности к исканию единаго на потребу направи твой помысл, преподобне, темже любве ради Христовы, родителей твоих и дом отеческий оставил еси, всякаго пристрастия суетнаго свободився, притекл еси в пустынную обитель Валаамскую на подвиги иноческия, зовый спасающему тя Богу: Аллилуиа.
Икос 2
Разумом богопросвещенным постигл еси суету мира сего и непостоянство, в немже радость сменяется скорбию, благополучие наветуется нечаянными бедами. Темже вечных нетленных благ возжелел еси, отче преподобне, и сия взыскати потщался еси отречением мирских благ и вольною нищетою, подвигая нас звати тебе:
Радуйся, пустыннаго безмолвия любителю; радуйся, смирения и нестяжания рачителю.
Радуйся, истиннаго самоотвержения совершенный образе; радуйся, иноческаго равноангельскаго жития всеизрядное явление.
Радуйся, правило веры и благочестия; радуйся, зерцало терпеливаго послушания.
Радуйся, безмолвие иноческое возлюбивый; радуйся, слезы духовныя стяжавый.
Радуйся, плачем временным блаженство вечное снискавый; радуйся, молитвами непрестанными прилоги вражия сокрушивый.
Радуйся, бдением и труды плоть твою духови покоривый; радуйся, постом и воздержанием страсти укротивый.
Радуйся, преподобне Александре, Свирский чудотворче.
Кондак 3
Силою Всевышняго осененный и укрепляемый, в иночестем пострижении власов главы твоея все плотское мудрование отложил еси, преподобне, и яко воин благоискусный, схиму иноческую в броню спасения стяжав и непобедимым оружием Креста Христова вооружився, крепко ратовал еси противу врага невидимаго диавола, смирением глубоким побеждая его вознесенную гордыню и выну вопия ко Господу: Аллилуиа.
Икос 3
Имея слез источник изобильный, угодниче Божий, и умиления велию благодать, хлеб твой слезами орошал еси и питие плачем растворял, от преизбытка желания божественнаго и любве ко Господу. Темже и мы ублажаем тя звании сими:
Радуйся, крепости и мужества тезоименитый подвижниче; радуйся, ангелоподобный человече.
Радуйся, Царя Небеснаго воине добропобедный; радуйся, Валаамския обители плоде добрый.
Радуйся, пустынножителю благоприятный; радуйся, молитвенниче неусыпающий.
Радуйся, постниче изрядный; радуйся, безмолвниче дивный.
Радуйся, подвигом древних богоносных отцев последователю; радуйся, их терпению и трудом подражателю.
Радуйся, благовременно могилу себе ископавый; радуйся, о смертнем часе непрестанно помышлявый.
Радуйся, преподобне Александре, Свирский чудотворче.
Кондак 4
Буря искушений и устремлений диавольских не возможе поколебати храмины твоея душевныя, преподобне отче, основана бо бе на твердем камени веры во Христа и хранима трезвением и молитвами непрестанными, имиже выну противоборствовал еси врагу спасения человеческаго и непреткновенно восходил еси по стезем добродетелей к совершенству духовному в меру возраста Христова, воспевая Богу: Аллилуиа.
Икос 4
Слышав похваляема себе от человек, убоялся еси превозношения суетнаго, отче богомудре, и яко истинный смирения образ, умыслил еси убежати в пустыню неизведанную, на реку Свирь, на место, свыше тебе указанное в видении чудном, да тамо невозбранно Единому Богу поработаеши, идеже мы сретаем тя благохвалении сими:
Радуйся, смирившагося до рабия зрака Христа Господа благий последователю; радуйся, святых Его заповедей усердный исполнителю.
Радуйся, девственниче душею и телом; радуйся, трудолюбче нелицемерный.
Радуйся, презревый славу человеческую суетную; радуйся, сокрушивый сети тщеславия и гордыни.
Радуйся, поправый высокоумия душевредную прелесть; радуйся, усвоивый себе святое смирение Христово.
Радуйся, исполнивый вся обеты иночества; радуйся, украсивыйся дарами благодати Божия.
Радуйся, по благодати приемый власть на духи нечистыя; радуйся, нивочтоже вменивый тех устрашения и привидения.
Радуйся, преподобне Александре, Свирский чудотворче.
Кондак 5
Светозарная луча озари в нощней темноте место пустынное, на немже вселитися пришел еси, преподобне, знаменуя собою светлость души твоея и пламенеющее любовию ко Господу сердце твое, идеже благоприятно бысть Творцу твое произволение работати Ему в преподобии и святости и пети Ему тамо хвалебную песнь: Аллилуиа.
Икос 5
Видевше ангельстии чинове равноангельское житие твое, отче богоблаженне, смирения твоего глубину, молитвы неотступность, воздержания твердость и велию ревность духа твоего о чистоте, удивишася и прославиша человеколюбца Бога, укрепляющаго немощное естество человеческое. Мы же ублажаем тя и зовем:
Радуйся, светильниче пустынный, просветивый страну карельскую сиянием твоих добродетелей; радуйся, монашествующих дивное украшение.
Радуйся, крине благоуханный пустыннаго прозябения; радуйся, древо благоплодное небеснаго насаждения.
Радуйся, возлюбивый благолепие дому Божия; радуйся, в самем себе храм Триипостасному Божеству уготовивый.
Радуйся, преподобием и правдою одеянный; радуйся, союзом добродетелей удобренный.
Радуйся, помазание приемый от Святаго Духа; радуйся, освященный сосуде благодати Божия.
Радуйся, рабе Христов благий и верный; радуйся, слуго Господень истинный.
Радуйся, преподобне Александре, Свирский чудотворче.
Кондак 6
Проповедник подвигов твоих в пустыни Свирстей явился ловец зверей дивиих, иже, гнав еленя в дубраве непроходимей, смотрением Божиим обрете храмину твою, преподобне отче: видев же тя во плоти ангела, знамение благодатнаго озарения на лице своем носяща, страха и радости исполнися и припад к честным твоим стопам, во умилении сердца возопи Зиждителю Богу: Аллилуиа.
Икос 6
Возсиял еси в пустыни Свирстей, богосветлое светило, и на спасения стезю наставил еси многи души человеческия: яви бо тя Христос наставника и учителя иноком пустыннолюбивым, иже стекахуся к тебе, яко овцы к пастырю, могущу упасти их на пажити живоносней. Темже, яко сотворившаго и научившаго, чествуем тя сими похвальными словесы:
Радуйся, источниче богодухновенных учений; радуйся, хранилище изобильнаго умиления.
Радуйся, одушевленныя скрижали закона Господня; радуйся, немолчный пропопедниче Евангелия Христова.
Радуйся, заповеди Господни исполнивый и оным научивый учеников твоих; радуйся, ленивых подвигнувый к исправлению твоими христоподражательными нравы.
Радуйся, немощных укрепивый данною ти от Господа благодатию; радуйся, скорбящих утешивый сладостию твоих словес.
Радуйся, грешных к покаянию направивый; радуйся, юныя уцеломудривый.
Радуйся, сострадания исполненный; радуйся, в милости богатый.
Радуйся, преподобне Александре, Свирский чудотворче.
Кондак 7
Хотя Человеколюбец Господь прославити место подвигов твоих, отче, посла ангела Своего благовестити тебе, яко будет на месте том обитель иноком во спасение, и в ней храм во имя Святыя Троицы. Ты же, явлением безплотнаго просвещен, с радостным трепетом внимал еси благовестию небесному, зовый в смирении духа Владыце ангелов и человеков: Аллилуиа.
Икос 7
Новое знамение благоволения Божия даровася тебе, преподобне, егда безмолвствующу ти в избранней пустыни, в нощи свет велий облиста тя, и три мужа в одеждах светлых предсташа пред тобою, мир тебе дарующе и повелевающе, да устроиши тамо обитель иноческую и в ней храм во имя Святыя Троицы. Дивяся убо сему пречудному в триех ангельских лицех Троическому явлению, зовем ти:
Радуйся, таинниче Пресвятыя и Единосущныя Троицы; радуйся, самовидче неизреченнаго Божия явления.
Радуйся, собеседниче светоносных ангельских сил; радуйся, созерцателю лучезарнаго Божественнаго видения.
Радуйся, причастниче огнезрачнаго трисолнечнаго сияния; радуйся, поклонниче Триипостаснаго Божества.
Радуйся, в смертнем телеси безсмертия зарею просвещенный; радуйся, на земли небеснаго посещения удостоенный.
Радуйся, смирением высокая стяжавый; радуйся, нищетою богатую милость Господню улучивый.
Радуйся, сеявый слезами радость присносущную; радуйся, приемый исполнение обетований непреложных.
Радуйся, преподобне Александре, Свирский чудотворче.
Кондак 8
Страннолепно явися ти на воздусе ангел Господень в мантии и куколи иночестем, указуяй место, на немже храм во имя Живоначальныя Троицы имел еси создати в пустыни Свирстей, преподобне отче, егоже Божиим поспешением совершив и освятив, со ученики твоими немолчныя хвалы возсылал еси в нем Господеви, зовый: Аллилуиа.
Икос 8
Всего себе предав воле Господней, учениками твоими умоленный, священства благодать восприяти не уклонился еси, отче, аще и тужаше дух твой, ужасаяся высоты сея, но послушание явил еси духовным чадом твоим, подвизая их согласно звати тебе:
Радуйся, безкровныя жертвы достойный совершителю; радуйся, олтаря Господня благоговейный служителю.
Радуйся, преподобныя руце твои со многим дерзновением ко Господу воздеявый; радуйся, молитвы теплейшия от сердца чиста к престолу Вседержителя возносивый.
Радуйся, образ благочестия бывый твоим учеником; радуйся, мастию священства умащенная главо.
Радуйся, вождю благоискусный воинов духовных; радуйся, отче благомудрый общежития иноческаго.
Радуйся, свеще, в молитве к Богу возжженная; радуйся, звездо, ко спасению путь верный показующая.
Радуйся, маслино, елей милости Божия источившая; радуйся, чаше, жаждущих учения спасительнаго напоившая.
Радуйся, преподобне Александре, Свирский чудотворче.
Кондак 9
Вси иноцы обители твоея в радостный трепет приидоша, егда устремление потока воднаго, на святую обитель твою движущееся, молитвою твоею укротил еси и призыванием всесильнаго имене Иисус Христова бурному потоку тещи безвредно устроил еси на благую потребу иночествующих; еже видевше духовная чада твоя, всеумиленно возгласиша купно с тобою Богу: Аллилуиа.
Икос 9
Витийство человеческое не довлеет изрещи обилие радости духовныя, еюже преисполнился еси, отче богоносне, егда во время молитвы твоея нощныя явися ти Пресвятая Богородица с ликом чинов ангельских и обетовании непреложными душу твою возвесели, яко присная заступница обители твоея будет, снабдевающи и покрывающи ю по вся дни. Темже и мы сия радостныя тебе приносим глаголы:
Радуйся, благоволением Богоматере осененный; радуйся, посещением Царицы Небесе и земли утешенный.
Радуйся, слышавый милостивыя от уст Ея глаголы; радуйся, приемый обетование крепкаго Ея обители заступления.
Радуйся, любимиче Ея преискренний; радуйся, избранниче Сына Ея и Бога.
Радуйся, даром чудотворения облагодатствованный; радуйся, будущая, яко настоящая, провидевый.
Радуйся, рыбарем ловитву чудесно умноживый; радуйся, неплодным родителем чадородие даровавый.
Радуйся, болящия здравы возставивый; радуйся, тайная согрешения человеческая обличивый.
Радуйся, преподобне Александре, Свирский чудотворче.
Кондак 10
Спасти хотя души ученик твоих, отечески назидал еси их, богомудре, оваго словом, оваго примером жития твоего, с кротостию обличая, с любовию увещавая их преуспевати в благочестии и чистоте: наипаче же пред кончиною твоею вся ко спасению душевному благопотребная заповедал еси им и научил еси их в молитвах бодрствовати и немолчно пети Богу: Аллилуиа.
Икос 10
Стена заступления быша молитвы твоя, чудотворче святый, всем с верою к тебе притекающим во всякой скорби, ибо чистоты ради твоея сердечныя сила духовная от Бога тебе даровася, болящих исцеляти, бедствующим помогати, будущая прорицати, яко славити ближним и дальним величия Божия, в тебе явленная, и звати тебе сице:
Радуйся, врачу немздоприемный недугов человеческих; радуйся, не токмо телесных, но и душевных болезней изрядный целителю.
Радуйся, слепым прозрение даровавый; радуйся, сляченных и увечных здравы сотворивый.
Радуйся, бесных от диавольскаго удручения свободивый; радуйся, изступленным ум здравый возвративый.
Радуйся, покрытых струпами уврачевавый; радуйся, печальных утешивый.
Радуйся, бедствующим на помощь ускоривый; радуйся, плененным и в темнице седящим ослабу и свободу явлением твоим даровавый.
Радуйся, преподобне Александре, Свирский чудотворче.
Кондак 11
Пение всеумиленное принесл еси Пресвятей Троице во время кончины твоея, преподобне, и в молитве, сущей на устех твоих, предал еси святую душу твою в руце Живаго Бога, Егоже от юности возлюбил еси и Емуже до старости маститыя работал еси нелицемерно, темже со упованием благим радостно прешел еси к обителем небесным, со ангельскими лики пети Триипостасному Богу: Аллилуиа.
Икос 11
Мирную кончину твою видевше твои ученицы, великий угодниче Божий, скорбь разлучения с тобою утешением благодатным раствориша, в уповании всесильнаго предстательства твоего горе у Престола Божия, идеже слышиши с любовию тебе зовущих:
Радуйся, венец безсмертныя жизни приемый от руки Вседержителя; радуйся, ликовствуяй в чертозе Небеснаго Домовладыки.
Радуйся, откровенным лицем созерцаяй славу Трисияннаго Божества; радуйся, со старцы белоризными покланяяйся Творцу.
Радуйся, наследниче всесветлаго Царствия Христова; радуйся, гражданине Иерусалима Горняго.
Радуйся, небеснаго Сиона жителю; радуйся, нерукотворенных скиний райских обитателю.
Радуйся, по трудех временныя жизни покой вечный получивый; радуйся, блаженство, от века праведным уготованное, праведно восприявый.
Радуйся, лучами невечерняго света свыше осиянный; радуйся, долу величием чудес блистаяй.
Радуйся, преподобне Александре, Свирский чудотворче.
Кондак 12
Благодати причастна явися священная рака, содержащая многоцелебныя мощи твоя, чудотворче святый, ихже по летех мнозех яви Господь в недрах земных нетленными, исцеления неоскудно источающия и всяк недуг врачующия силою Бога, дивнаго во святых Своих, дивно прославльшаго тя на небеси и на земли, Емуже воспеваем: Аллилуиа.
Икос 12
Поюще радостную песнь хвалы и благодарения Человеколюбцу Богу, прославльшему тя в стране Российстей чудотворца дивнаго и милостиваго, молим тя, преподобне отче наш: буди ходатай к Нему и молитвенник присный о нас, зовущих ти:
Радуйся, заступниче рода христианскаго; радуйся, сокровищнице даров многоразличных.
Радуйся, покрове, Богом зданный; радуйся, от Бога благодать исцелений восприявый.
Радуйся, цвете нетления, облагоухавый Святую Церковь; радуйся, заре безсмертия, от гроба преславно воссиявшая.
Радуйся, щедрот и милования струе неизсякаемая; радуйся, благоутробия источниче неоскудеваемый.
Радуйся, любве и сострадания явление многочудесное; радуйся, телес наших богодарованное врачевание.
Радуйся, о душах наших благоприятное предстательство.
Радуйся, преподобне Александре, Свирский чудотворче.
Кондак 13
О великий и преславный чудотворче, преподобне отче наш Александре. Милостивно приими сие малое моление наше, и молитвами твоими сохрани нас от недугов душевных и телесных в жизни сей и от грядущих мучений вечных избави, и сподоби нас вкупе с тобою во Царствии Небеснем выну пети Богу: Аллилуиа.
Этот кондак читается трижды, затем 1-й икос: «Ангельский нрав…» и 1-й кондак: «Избранный угодниче Христов…».
Молитва
О священная главо, Ангеле земный и человече Небесный, преподобне и Богоносне отче наш Александре, изрядный угодниче Пресвятыя и Единосущныя Троицы, являяй многия милости живущим во святей обители твоей и всем с верою и любовию притекающим к тебе! Испроси нам вся благопотребная к житию сему временному и нужная к вечному спасению нашему. Пособствуй и предстательством твоим, угодниче Божий, на враги видимыя и невидимыя, да в мире глубоце пребудет Святая Православная Церковь Христова и благостроении зиждется, во всяком благочестии нерушимо. Буди всем нам, чудотворче святый, помощник скорый во всякой скорби и обстоянии. Наипаче же в час кончины нашея явися нам заступник благосердый, да не предани будем на мытарствех воздушных власти злобнаго миродержца, но да сподобимся непреткновеннаго восхода в Царствие Небесное. Ей, отче, молитвенниче наш присный! Не посрами упования нашего, не презри смиренная моления наша и предстательствуй за нас пред Престолом Живоначальныя Троицы, да сподобимся вкупе с тобою и со всеми святыми мы, недостойнии, в селениях райских славити величие, благодать и милость Единаго в Троице Бога, Отца, и Сына, и Святаго Духа, во веки веков. Аминь.
Молитва преподобнаго Александра Свирскаго Господу Богу и Пресвятей Богородице.
Боже, очисти мя, грешнаго, и помилуй мя, и прости ми, Господи Боже, Спасе Милостивый! Даждь ми, Господи, христианский конец с Пречистым Телом и с Честною Кровию, со слезами и покаянием. Избави, Господи, муки вечныя, огня негасимаго, и червия неусыпающаго, и смолы кипящия. Господи, Ты создал мя еси, Господи, Ты помилуй. Господи, Твое есмь создание.
Пречистая Госпоже Милостивая, Царице Небесная, помолися Господу Богу и Спасу нашему Иисусу Христу, Сыну Твоему, за мене, грешнаго раба Твоего (имя рек). Даждь ми, Госпоже, христианский конец с Пречистым Телом и с Честною Кровию и со слезами и покаянием. Избави, Госпоже, муки вечныя, огня неугасимаго, и червия неусыпающаго, и смолы кипящия. Пречистая Госпоже, Милостивая Царице Небесная, Ты еси Молебница ко Господу Богу и Спасу нашему Иисусу Христу за мене, грешнаго и окаяннаго раба Твоего (имя рек), Ты еси Помощница, Ты Заступница от всякаго зла и супостата, не забуди, Пречистая Госпоже, нищаго Твоего до конца.
Посем:
Заступнице Усердная, Благоутробная Господа Мати, к Тебе прибегаю аз, окаянный и паче всех человек грешнейший. Вонми гласу моления моего и вопль мой и стенание услыши. Яко беззакония моя превзыдоша главу мою и аз, якоже корабль в пучине, погружаюся в море грехов моих. Но Ты, Всеблагая и Милосердая Владычице, не презри мене, отчаяннаго и во гресех погибающаго. Помилуй мя, кающагося в злых делех моих, и обрати на путь правый заблуждшую окаянную душу мою. На Тебе, Владычице моя Богородице, возлагаю все упование мое. Ты, Мати Божия, сохрани и соблюди мя под кровом Твоим ныне, и присно, и во веки веков. Аминь.
Таже молитва по вся дни.
Душе, душе моя, почто жалуешися на Господа? Яко леность твоя вечней муце ходатай есть. Аще бы ведала дар Божий, плакала бы ся горящими слезами, стенающи со воздыханием, скорбящи о всяком гресе, о малем и о велицем. Возопий ко Своему Владыце, да не предварит тебе ярость одержащаго всесильною рукою праведною. Аз же, грешный и ленивый и льстивый язык имеяй, како помолюся Владыце моему, да избавит мя Господь от Страшнаго Суда? Всегда бо трепещу помыслом в сердцы моем о Страшнем Суде, да избавит мя от муки вечныя, и червия неусыпающаго, и тьмы кромешныя, и от грозы несогреемыя. Помилуй мя, грешнаго раба Твоего (имя рек), яко Павла апостола, егоже любляше паче всех, и от нас, убогих, не отврати лица Твоего во он День Страшный, егоже трепещет душа моя и составы тела моего ужасаются. Господи, избави мя страшнаго часа, да не отпаду от милости Твоей. Но молю святыя Ангелы и Архангелы, и пророки, и мученики, и вся святыя, да молят Бога за мою душу. Вашего ради моления да возвратит Владыка требы Своя от мене, грешнаго. И ты, Пречистая Госпоже Дево, имущи дерзновение к Сыну о рабех Твоих, не забуди трудов раба Твоего (имя рек). Владыко Спасе, от убогия души Тебе молюся, избави мя от печали грехов моих и введи в радость безконечнаго жития, идеже прославляется всесвятое Имя Твое, Отца и Сына и Святаго Духа, всегда, ныне, и присно, и во веки веков. Аминь.
