Преподобный Антоний Великий — святой подвижник раннего периода христианства, проведший более 70 лет в пустыне, почитается основателем отшельнического монашества. За свои подвиги святой стал прозываться Великим.
Преподобный Антоний Великий родился в Египте около 250 года. Родители его были благородного происхождения и состоятельными. Они воспитали сына в христианской вере. В возрасте 18 лет Антоний лишился родителей и остался с младшей сестрой сиротами.
С этого времени его не покидала мысль посвятить себя Богу. Размышляя об апостолах, читая Евангелие, преподобный Антоний Великий был поражен словами Иисуса Христа: «Если хочешь быть совершенным, пойди, продай имение твое и раздай нищим; и будешь иметь сокровище на небесах, и приходи и следуй за Мною» (Мф. 19, 21).
Его только останавливала необходимость заботиться о сестре, это беспокоило его. И вот однажды, прийдя в храм, святой Антоний услышал слова, как-будто сказанные именно для него: «не заботьтесь о завтрашнем дне, ибо завтрашний сам будет заботиться о своем: довольно для каждого дня своей заботы» (Мф. 6, 34)
Преподобный Антоний Великий продал свою часть наследства, раздал деньги неимущим, поручил заботу о сестре христианским девственницам, а сам покинул город, чтобы жить уединенно и служить только Господу. Но к пустынножительству он пришел не сразу, а шел постепенно.
Сначала он жил близ города при одном старце, уже тогда прославившись своими подвигами. Затем ушел жить еще дальше в уединенную пещеру. Один из друзей время от времени приносил ему пищу. Преподобный удалился вскоре совсем из обитаемых мест за реку Нил.
Преподобный Антоний Великий взял с собой хлеба на шесть месяцев и поселился в развалинах воинского укрепления. Он вынес огромное количество искушений и борьбы, страдал от голода и жажды, холода и зноя, терпел прельщения и ужасы от демонов.
Проведя таким образом 20 лет в уединения, он значительно окреп духом. Каким-то образом его местопребывание стало известно, и в пустыню потянулись желающие спасаться рядом с таким святым отшельником. Долго стучали они в его дверь, пока преподобный открыл ее.
Вид его поразил пришедших. Небесный мир царствовал в его душе и отражался на лице. Следов изнурения совсем было не видно. Преподобный Антоний Великий предстал перед ними спокойным, приветливым, сдержанным. Старец стал отцом и наставником для всех жаждущих спасения.
Но вскоре оживление, которое здесь образовалось, стало тяготить преподобного, он жаждал уединения для общения с Богом, и он уходит во внутреннюю пустыню, лежавшую близ берегов Красного моря. Он ушел вслед за проходившими мимо сарацинами.
Преподобный Антоний Великий нашел через три дня пути дикую высокую гору с родником и несколькими пальмами в долине. На этой горе святой и поселился. Обработал небольшое поле, иногда посещал братию. Провел преподобный в пустыне около семидесяти лет, как стал его мучить помысел, что он самый старший здесь.
Господь открыл святому Антонию, что есть здесь отшельник, гораздо ранее его поселившийся в пустыне. Преподобный отправился искать этого неизвестного миру подвижника. Волчица, бежавшая к ручью, указала ему путь к пещере отшельника.
Тот не сразу впустил преподобного Антония. Это был святой Павел Фивейский, проведший в пустыне 90 лет. Он ничего не знал о внешнем мире, о положении рода человеческого. Преподобный Антоний Великий поведал ему новости. Пока старцы беседовали прилетел ворон и положил перед ними хлеб.
Святой Павел воскликнул: «Щедр и милостив Господь! Вот уже сколько лет я получаю от Него каждый день полхлеба, а сегодня Он послал целый хлеб. Ради твоего пришествия». Старец сообщил Антонию, что скоро отойдет ко Господу и просил принести ему мантию епископа Афанасия, чтобы прикрыть его останки.
Преподобный Антоний Великий поспешил исполнить просьбу и отправился в путь. Но вернувшись с мантией, нашел его безмолвно и недвижимо стоящим на коленях, словно погруженным в молитву. Святой Антоний встал рядом.
Уже после нескольких часов молитвы, он понял, что старец отошел давно в мир иной. Много веков спустя точно также отошел ко Господу преподобный Серафим Саровский, во время молитвы перед своей любимой иконой Божией Матери «Умиление«. Такую святую кончину Господь дарует за особые подвиги.
Преподобный Антоний омыл почившего старца и обернул его в мантию. Тут явились два льва и лапами вырыли могилу, куда Антоний опустил тело покойного с благоговением и молитвой. Преподобный Антоний Великий скончался в глубокой старости в 356 году, в возразте 106 лет.
Преподобный Антоний Великий основал отшельническое монашество. Несколько отшельников, под руководством одного наставника (аввы) жили поблизости друг от друга в отдельных хижинах или пещерах (скитах).
Но еще при жизни Антония Великого появился другой вид иночества, основателем которого почитается преподобный Пахомий Великий, — общежительное монашество. Подвижники собирались в одну общину (будущие монастыри), совместно трудились, молились, трапезничали, подчинялись одним правилам. Называлось это киновия (монастырь).
Память: 17 / 30 января.
АКАФИСТ ПРЕПОДОБНОМУ АНТОНИЮ ВЕЛИКОМУ
Не утвержден для общецерковного использования.
Кондак 1
Избранный чудотворче и предивный угодниче Христов, преподобне отче Антоние, любовию восхваляюще богоугодное житие твое, благодарения песнь о тебе Богу приносим. Ты же, яко имеяй велие дерзновение ко Господу, от всяких нас бед свободи, да с радостию зовем ти: Радуйся, преподобне отче Антоние, пустыннаго жития начальниче.
Икос 1
Ангельское житие от юности возлюбивши, в заповедех Божиих ходити вожделел еси, преподобне отче, и сердцем пламенея ко Господу сил, ум на Божественная возвел еси, временная и земная во уметы вменяя. Темже, промышлению Божию о тебе дивящеся, с верою зовем ти:
Радуйся, благочестивых родителей сыне достойный.
Радуйся, во благочестии ими воспитанный.
Радуйся, от юности за Христом последовавый.
Радуйся, суету земную ни во чтоже вменивый.
Радуйся, вертограда Христова делателю усердный.
Радуйся, пустыножителей наставниче великий.
Радуйся, спасения всем желавый.
Радуйся, путь истиннаго монашества показавый.
Радуйся, светильниче, огнем Божественным возжженный.
Радуйся, каменю веры во Христа несокрушенный.
Радуйся, благодатию Духа Святаго осиянный.
Радуйся, даром чудотворений облагодатствованный.
Радуйся, преподобне отче Антоние, пустыннаго жития начальниче.
Кондак 2
Видя враг рода человеческаго тебе, богоносне отче, на высоту духовную вознесшагося, восхоте погубити тя, но устыдися усердия и смирения твоего, ты бо непрестанно в посте и молитве подвизался еси, главу невидимаго змия сокрушая, Богу же со умилением поя: Аллилуиа.
Икос 2
Разумевше сердцем и умом, яко вся благая мира сего скоротечни и скоропреходящия суть, в пещере темней затворил еси себе, страсти умерщвляя и единому Господеви работая. Сего ради, похваляя равноангельное житие твое, вопием ти:
Радуйся, упование свое на Бога возложивый.
Радуйся, врага безумие посрамивый.
Радуйся, неустрашимый разрушителю козней диавольских.
Радуйся, чистотою и святынею Ангелом уподобивыйся.
Радуйся, пустыню подвиги твоими освятивый.
Радуйся, многия в Царствие Небесное управивый.
Радуйся, презренную гордость низлагаяй.
Радуйся, смиренномудрию научаяй.
Радуйся, свете, всех богомудрием просвещаяй.
Радуйся, лучезарная звездо, сиянием подвигов твоих всех озаряяй.
Радуйся, во славу Божию поживый.
Радуйся, пастырю добрый и долготерпеливый.
Радуйся, преподобне отче Антоние, пустыннаго жития начальниче.
Кондак 3
Сила Вышняго укрепляше тя, Антоние преблаженне, ты бо в посте, молитве, неустанных трудех и бдениих пребывая и всякия вражия искушения побеждая, воспевал еси благодатию покрывавшему тя Богу: Аллилуиа.
Икос 3
Имея помысл чист и душу непорочну, блаженне отче, уразумел еси мира сего суету и непостоянство, и вечных благ вожделев, благ временных отреклся еси. Темже, ублажающе тя, вопием:
Радуйся, смирения благаго ревнителю.
Радуйся, мудрости духовныя искателю.
Радуйся, на высоту безстрастия возшедый.
Радуйся, всего себе Богу предавый.
Радуйся, Господу твоему незлобием уподобивыйся.
Радуйся, нищетою твоею богат бывый.
Радуйся, пустыни благодатное украшение.
Радуйся, мирови светильниче пресветлый.
Радуйся, бесов страшный прогонителю.
Радуйся, прелести их потребителю.
Радуйся, паче мудрецов мира сего мудрейший.
Радуйся, подвижниче всеусерднейший.
Радуйся, преподобне отче Антоние, пустыннаго жития начальниче.
Кондак 4
Бурю злых напастей утишая, в пустыню вселился еси, Антоние преблаженне, в нейже многоскорбный путь иноческаго жития прошел еси, вся козни вражеския попирая и прельщения его отсекая, укрепляющему тя Христу поя: Аллилуиа.
Икос 4
Слышавше о богоугодном житии твоем, преподобне, прихождаху к тебе от всех концев ищущии правды Божия, ихже ты с любовию приемля, ко спасению руководствовал еси. Мы же, умиленною душею восхваляя тя, вопием сице:
Радуйся, пустынножителей правило и основание.
Радуйся, добрый стада Христова наставниче.
Радуйся, Церкви Христовы украшение.
Радуйся, монашествующих славо.
Радуйся, всего себе в жертву Господеви принесый.
Радуйся, страсти греховныя в себе умертвивый.
Радуйся, Ангелов веселие.
Радуйся, демонов всегубительное попрание.
Радуйся, пустынный жителю.
Радуйся, безмолвия рачителю.
Радуйся, на путь правый наставляяй.
Радуйся, Царствие Небесное возвещаяй.
Радуйся, преподобне отче Антоние, пустыннаго жития начальниче.
Кондак 5
Боготечная звезда чину иноческому явился еси, преподобне отче Антоние, образ быв словом, житием, любовию, верою, чистотою, воспевая Господу: Аллилуиа.
Икос 5
Видя враг рода человеческаго чистое и святое житие твое, отче Антоние, многажды ополчашеся на тя: ты же смирением своим его побеждая, от пути спасительнаго не уклонился еси. Мы же, ведуще сие, поем ти:
Радуйся, вечныя жизни причастниче.
Радуйся, спасения великий наставниче.
Радуйся, житием твоим единому Богу послуживый.
Радуйся, иго Христово восприявый.
Радуйся, коварство лукавых демонов обличаяй.
Радуйся, на путь спасения наставляяй.
Радуйся, чистоты хранителю.
Радуйся, Троическаго света зрителю.
Радуйся, падших востание.
Радуйся, бесовския силы прогнание.
Радуйся, столпе веры утвержденный.
Радуйся, учителю совершенный.
Радуйся, преподобне отче Антоние, пустыннаго жития начальниче.
Кондак 6
Проповеди Евангельския послушав: «Аще хощеши совершен быти, иди, продаждь имение твое, и даждь нищим, и имети имаши сокровище на небеси; и гряди в след Мене», отрешил еси себе, отче Антоние, от богатств земных и, вселився в пустыню, житие постническое пожил еси, подвиги твоими сокровище себе на небеси стяжавая. Вразуми и нас, отче благосердый, к скорогибнущим вещем земным сердцем не прилеплятися, а паче о горних помышляти, вопия Господу сил: Аллилуиа.
Икос 6
Возсиял еси, яко богосветлое светило, в пустыни Египетстей, отче Антоние, озаряя всех лучами добродетелей и чудес твоих. Мы же, поминая подвиги твоя, ублажаем тя, глаголюще:
Радуйся, имже венчаются преподобнии.
Радуйся, имже спасаются человецы.
Радуйся, благодатное болящих посещение.
Радуйся, люте страждущих помощниче.
Радуйся, вражды разрушителю.
Радуйся, врагов истребителю.
Радуйся, верным мир и утверждение.
Радуйся, скорое от бед избавление.
Радуйся, злобы и коварства губителю.
Радуйся, отчаянных посетителю.
Радуйся, православным поборниче.
Радуйся, христианом помощниче.
Радуйся, преподобне отче Антоние, пустыннаго жития начальниче.
Кондак 7
Хотяй достойне подвигом добрым подвизатися, вся временная во уметы вменил еси, и нищ и убог пребывая, в пустыню вселился еси, да с единым Богом беседуеши, непрестанно поя Ему: Аллилуиа.
Икос 7
Новаго воистину наставника монахов яви тя Господь, отче Антоние: мнози бо познавше богоугодное и праведное житие твое, и высокую мудрость духовную уразумевше, послушаху словес твоих, яко словес великаго угодника Божия, емуже достоит пети таковая:
Радуйся, вере Авраама подражавый.
Радуйся, кротостию Давиду уподобивыйся.
Радуйся, ревность Илиину стяжавый.
Радуйся, стезями Крестителя последовавый.
Радуйся, воду в пустыни молитвою источивый.
Радуйся, разслабленныя от одра болезни воздвигнувый.
Радуйся, слепым прозрение даровавый.
Радуйся, многия болящия исцеливый.
Радуйся, наставниче монахов предивный и богомудрый.
Радуйся, Христа Бога служителю усердный.
Радуйся, претихое скорбных утешение.
Радуйся, прелюбимое иноков похваление.
Радуйся, преподобне отче Антоние, пустыннаго жития начальниче.
Кондак 8
Странное и пачеестественное житие преподобнаго Павла видев, блаженне Антоние, дивился еси высоте подвигов и доброделей его. Душу же его, Ангелы окружаему, на небеса восходящую узревши, Богу, дивному во святых Своих, возгласил еси: Аллилуиа.
Икос 8
Радостию велиею возрадовался еси, отче Антоние, видяще восхождение на небо души преподобнаго Аммония, егоже прозорливыма очима зрел еси. Сего ради со многим удивлением взываем ти сице:
Радуйся, очеса своя выну на небо возводивый.
Радуйся, славу небесную паче всего возлюбивый.
Радуйся, непрестанными молитвами сердце свое освятивый.
Радуйся, мысль твою в Бозе утвердивый.
Радуйся, грядущая яко настоящая провидевый.
Радуйся, смирением твоим высокая дарования стяжавый.
Радуйся, стужаемыя от злых духов свободителю.
Радуйся, душевнаго и телеснаго здравия подателю.
Радуйся, в нуждах и бедах преславный заступниче.
Радуйся, в напастех и скорбех скорый защитниче.
Радуйся, яко нас, на земли сущих, не оставляеши.
Радуйся, яко о нас, грешных, мольбы Богу приносиши.
Радуйся, преподобне отче Антоние, пустыннаго жития начальниче.
Кондак 9
Всякое естество ангельское удивися высоте подвигов твоих, преподобне, яко в немощней человечестей плоти сый, по всему уподобился еси Ангелом и, силою Вышняго укрепляемь, во всяких добродетелех довольне изобиловал еси. Сего ради ангельским чинам причтен, поеши Всесильному Богу: Аллилуиа.
Икос 9
Витийство человеческое не довлеет к достойному прославлению жития твоего, отче Антоние: кто бо исповесть вся пощения и бдения, болезни и труды твоя? Кто изочтет слезы и воздыхания твоя яже к Богу? Обаче мы, любовию к тебе подвизаеми, дерзаем воспевати сице:
Радуйся, великий пустынножителю.
Радуйся, совершенства учителю.
Радуйся, истиннаго Бога служителю.
Радуйся, бесов из пустыни прогонителю.
Радуйся, громе, диавола поражаяй.
Радуйся, коварство его изобличаяй.
Радуйся, благодати Божия вместилище.
Радуйся, Духа Святаго обиталище.
Радуйся, постников украшение.
Радуйся преподобных похвало.
Радуйся, монахов основание.
Радуйся, отцев славо.
Радуйся, преподобне отче Антоние, пустыннаго жития начальниче.
Кондак 10
Спастися хотящим верный наставник был еси, преподобне, и ныне нам, грешным, спасения желающим, помози святыми твоими молитвами, да тобою вспомоществуеми, достигнем Царствия Небеснаго, идеже Ангели немолчно поют: Аллилуиа.
Икос 10
Стена крепкая и необоримая был еси своим учеником, сохраняя их от стреляний бесовских, и ныне нам буди стена и покров от всех козней диавольских вопиющих ти таковая:
Радуйся, ангеле земный.
Радуйся, человече небесный.
Радуйся, святыни чистое и честное жилище.
Радуйся, великих добродетелей вместилище.
Радуйся, благочестия ревнителю.
Радуйся, ересей обличителю.
Радуйся, любве Христовы исполнение.
Радуйся, иноков научение.
Радуйся, твердое верных прибежище.
Радуйся, крепкое падающих возведение.
Радуйся, укрепление немощных и разслабленных.
Радуйся, утешение унывающих и безнадежных.
Радуйся, преподобне отче Антоние, пустыннаго жития начальниче.
Кондак 11
Пение умиленное, от любви и усердия в похвалу тебе от нас возносимое, приими, благоутробне отче Антоние, приклонися к нам милостиво и в покаянии преуспети сподоби, да молитвами твоими выну поем Богу: Аллилуиа.
Икос 11
Светоприемный светильник истиннаго Света сущим на земли явился еси, преподобне Антоние, просвещаеши бо сердца верных подвиги твоими и чудесы, наставляя на путь добродетельного и богоугоднаго жития. Темже слышиши от всех таковая:
Радуйся, наставниче премудрый.
Радуйся, вождю благонадежный.
Радуйся, всего себе воле Божией предавый.
Радуйся, Господа Иисуса паче всего возлюбивый.
Радуйся, терпением скорбей многоразличных просиявый.
Радуйся, вольною нищетою вечное богатство стяжавый.
Радуйся, в терпении и злострадании житие твое проводивый.
Радуйся, пустынное озлобление мужески терпевый.
Радуйся, ленивых к подвигом возбудителю.
Радуйся, исправления грешников поручителю.
Радуйся, Ангелов и всех святых собеседниче.
Радуйся, о всем мире усердный молитвенниче.
Радуйся, преподобне отче Антоние, пустыннаго жития начальниче.
Кондак 12
Благодать данную Ти от Бога ведуще, благоговейно лобызаем святолепное изображение лика твоего, угодниче Божий, и молимся: не остави нас твоим молитвенным предстательством ко Христу Богу, Емуже благодарно поем: Аллилуиа.
Икос 12
Поюще твое житие, восхваляем мирную кончину твою, преподобне отче Антоние, и молим ти ся: буди нам во всем ко благу скорый помощник, зовущим ти таковая:
Радуйся, небесный жителю.
Радуйся, Троицы Единосущныя предстоятелю.
Радуйся, Ангелов веселие.
Радуйся, святых собеседниче.
Радуйся, истинный угодниче Божий.
Радуйся, избранный слуго Господень.
Радуйся, теплый ходатаю о всех призывающих имя твое.
Радуйся, наставниче и упование почитающих тя.
Радуйся, благодатию Божиею насыщенный.
Радуйся, от источника Божественнаго напоенный.
Радуйся, потоком слез спасительных орошенный.
Радуйся, одеждою нетления одеянный.
Радуйся, преподобне отче Антоние, пустыннаго жития начальниче.
Кондак 13
О преподобне отче наш Великий Антоние, вечно живый в невечернем дни Царствия Христова, умоли всех Владыку избавитися нам от бед, скорбей и вечнаго мучения, да во веки поем Ему во Царствии Его: Аллилуиа.
(Этот кондак читается трижды, затем икос 1 и кондак 1)
Молитва
О преподобне и богоносне отче наш Антоние! Веруем, яко ты, предстоя престолу Пресвятыя Троицы, велие имаши дерзновение в молитвах ко Всемилостивому Господу Богу, Иже всегда послушает тебе, вернаго раба и угодника Своего. Сего ради со умилением смиренно припадаем к тебе, святче Божий: не премолчи о нас молитися ко Господу Богу, в Троице покланяемому и славимому, да, милостивно призрев на ны, не попустит нам погибнути во гресех наших, но да возставит падших, да подаст исправление злому и окаянному нашему житию, от грядущих грехопадений восхищая, и да простит нам вся, елика согрешихом мыслию, словом и делом, от рождения до сего часа. Ты, подвижниче добродетели, веси немощь и скорбь времен настоящих, моли убо выну Христа Бога, да николиже нас оставляет Его неизреченное милосердие, но да хранит нас от мирских искушений, от диавольских сетей и от плотских похотей, да приимем от Него тобою и вся потребная к жизни временней, освобождение от бед и напастей, и неослабное терпение до конца. Испроси нам в мире и покаянии скончати живот наш и невозбранно прейти от земли на небо, мытарств же, и бесов воздушных, и вечныя муки избавитися, и сподобитися Царства Небеснаго с тобою и со всеми святыми, угодившими Господу Богу и Спасителю нашему Иисусу Христу, Емуже подобает всякая слава, честь поклонение, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.
