Корсунская Шпилевская Прозренная икона Богородицы, покровительница Сум, почти полторы сотни лет находилась в Спасо-Преображенском соборе города. В 2009 году она была похищена.
История образа: Шпилевская Прозренная икона Богородицы была написана, согласно преданию, с Корсунской иконы Божией Матери, привезенной святым князем Владимиром в Киев из Корсуни после его крещения. Сохранившиеся сведения об иконе датируются XVIII веком.
В это время Шпилевская Прозренная икона Богородицы находилась в крестьянской семье в селе Романовка Сумского уезда. В этом семействе была слепая от рождения девочка. Несмотря на свое увечье, она принимала посильное участие в домашних делах, и в один из дней ей поручили протирать иконы.
Ребенка удивила одна из икон, попавших ей в руки — Шпилевская Прозренная икона Богородицы — так как в отличие от всех прочих икон, писанных на дереве, эта была выполнена на тонком железном листе. Девочка стала расспрашивать мать о причине такой разницы и сокрушаться о том, что она не может увидеть икону собственными глазами.
И только она это проговорила, как глаза ее раскрылись, и она воскликнула: «Ой, верно вы говорите, сама теперь вижу!» Семья некоторое время никому не рассказывала о совершившемся чуде, но промысел Божий был иной. Девочка увидела вскоре во сне Пресвятую Богородицу, которая ей сказала: «Отнесите мою икону в церковь, что в селе Шпилевка».
Наутро девочка рассказала родителям о своем сне, и они не стали перечить Царице Небесной, тотчас исполнили Ее повеление. Шпилевская Прозренная икона Богородицы, получившая свое название после чудесного исцеления девочки, была благоговейно отнесена ими в церковь села Шпилевка, давшего иконе свое второе название.
Об одном они не упомянули — об исцелении своей дочери от чудотворной иконы. Несколько раз Шпилевская Прозренная икона Богородицы необъяснимым образом исчезала из храма. Ее находили неподалеку в саду под ясенем. Хозяин сада, помещик Кондратьев, священник и староста церкви решили распросить хозяина иконы подробнее.
Тут-то и выяснилось, что икона непростая, а чудотворная. Выбор Пресвятой Богородицы для местонахождения образа был очевиден. На том месте, где находили дважды Шпилевскую Прозренную икону Богородицы, была довольно быстро построена новая церковь Покрова Пресвятой Богородицы, куда и поместили святую икону. К иконе потекли страждующие.
До 1859 года Корсунская Шпилевская Прозренная икона Богородицы находилась в Покровском храме села Шпилевка. В 1859 году Государь император утвердил предложение Святейшего Синода о проведении ежегодного крестного хода со Шпилевской иконой Божией Матери в день явления ее 9 октября в город Сумы.
В Сумском кафедральном Преображенском соборе Шпилевская Прозренная икона Богородицы пребывала до Пасхи. В день прибытия в соборном храме епископом в сослужении всего городского священства совершалось всенощное бдение, а на другой день Божественная литургия.
На третий день Пасхи Шпилевская Прозренная икона Богородицы вновь торжественно переносилась в Покровский храм села Шпилевка. После революции Шпилевкая Прозренная икона Богородицы была изъята из храма и помещена в художественно-краеведческий музей.
Во время случившегося пожара в музее в 30-х годах Шпилевская Прозренная икона Богородицы осталась невредимой на пепелище, святая икона чудом совершенно не пострадала от бушевавшего кругом огня. Это произвело на сотрудников музея такое впечатление, что они решили передать чудотворный образ в храм.
К тому времени Покровский храм села Шпилевка был разрушен. Шпилевская Прозренная икона Богородицы была перенесена в Преображенский кафедральный собор города Сумы, где находилась до 2009 года. В 2009 году Шпилевская Прозренная икона Божией Матери была похищена. Местонахождение ее в настоящее время неизвестно.
Иконография: Как уже говорилось выше Шпилевская Прозренная икона Богородицы является чтимым списком древнейшей иконы Божией Матери — Корсунской. Иконографический тип — Умиление, символ Любви Матери и Божественного Младенца, хотя в глазах Матери видно знание будущих крестных страданий Сына. Она знает — и принимает, знает — и покоряется Божественной воле.
Написана Шпилевская Прозренная икона Богородицы на белом листовом железе. Украшена она была позолотой и драгоценными камнями. Списки иконы были сделаны традиционно на дереве.
Крестный ход с чудотворной иконой был возобновлен в 1995 году. В нем принимают участие тысячи богомольцев, которые съезжаются сюда из ближних и дальних мест.
Молитвенная традиция: Перед иконой молятся об исцелении болезней глаз и в других телесных и душевных немощах.
Память: 8 / 21 апреля, 9 / 21 октября в день празднования Корсунской иконе.
АКАФИСТ ШПИЛЕВСКОЙ ПРОЗРЕННОЙ ИКОНЕ БОЖИЕЙ МАТЕРИ
Не утвержден для общецерковного использования.
Кондак 1
Избранной от Господа Пречистей Госпоже и Богородице/ принесем, вернии, малое сие похвальное пение/ пред пречистым и чудотворным образом Ея Корсунским/. Имже слепоты душевныя избавляемии, верою покланяющеся, умильно глаголем: /»Радуйся, Благодатная, души наша спасающая и любовию к Богу исполняющая».
Икос 1
Ангели Божии, якоже предстояще им крещению князя Владимира, иже во граде Корсуни бысть, со страхом взираху на Пречистый лик Богоматери, егоже святый апостол и евангелист Лука изобрази в воспоминание земныя жизни Ея. Егоже и прият Равноапостольный от рук Архиереев греческих, яко благословение Царицы Небесныя всей земле Русской, со трепетом вопия Пренепорочней таковая: Радуйся, Дево, небесная земным соединившая, Радуйся, Мати, горняя дольним преклоньшая, Радуйся, Помазание Христово роду человеческому, Радуйся, Иордане Истинный, в раю Божием текущий, Радуйся, Венче Богосветлый Троицы Единосущныя,Радуйся, Уста Апостольская, имиже вселенная просветися, Радуйся, Начало Предвечнаго Совета Божия,Радуйся, Пределе таинственных обетований, Радуйся Благодатная, души наша спасающая и любовию к Богу исполняющая.
Кондак 2
Звезда Вифлеемская явися икона Корсунская в земле нашей, еяже свету отцы наша, аки волхвы последующе, обретоша Христа Бога нашего и поклонишася Ему, и вместо злата, ладана и смирны — веру, надежду и любовь в дар Спасу принесоша, вопия Богу: Аллилуиа.
Икос 2
Видеша людие киевстии велия чудеса, яже от иконы Корсунския, тогда же Евангельским благовестием утверждении, отвратиша сердца своя от лести идольския, слышаще же глагол Христов: «Да крестятся вси во имя Отца и Сына и Святаго Духа», возрадовашеся зело о спасении своем, вопия Матери Господа Своего таковая: Радуйся, Звездо, к Богу пресветло водящая, Радуйся, Лучу Веры, во тьме мира светящий, Радуйся, Храме, в немже вернии освящаются, Радуйся, Колеснице, Еюже Единородный Сын сниде, Радуйся, Поточе, в горняя нас устремляющий, Радуйся, Слова Божия Носительнице Чудная, Радуйся, Рождение Чистое чистыя двоицы, Радуйся, Дщере, врачевством матери Своея ставшая, Радуйся, Благодатная, души наша спасающая и любовию к Богу исполняющая.
Кондак 3
Радуется днесь вся земля Словенская, имуще икону Твою, Богородице, щит и утверждение веры Православныя. Сего ради Церкви Божии изображении лика Ея покрываются, небеси подобящеся. Се, и страна Сумская, приемше, яко Богосветлый Венец, икону Корсунскую, вопиет Богу: Аллилуиа.
Икос 3
Веселится духовно земля Сумская о явлении милости Богоматери: явися бо Чудотворный список иконы Корсунския, светлостию Благодати Божией сияюще и исцеление дарующе. Сего ради, не умолчим никогда силы Твоя, Богородице, глаголати, яже нам бысть от Образа сего в земли нашей, да любовию и иныя привлечем вся пети Тебе таковая: Радуйся, Ризо Предивная, в Нюже Христос оболкийся, Радуйся, Лампадо Духовная, в небесех тепле светящая, Радуйся, Купино, огнем Божества неприступно объятая, Радуйся, Горнило, в Немже Спаситель от Духа искован бысть, Радуйся, Порфиро, от Анны сотканная, Радуйся, Розо, в чертозе небеснем цветущая, Радуйся, Маслина, милость миру явившая, Радуйся, яко Тобою Хлеб Жизни для всех испечеся, Радуйся, Благодатная, души наша спасающая и любовию к Богу исполняющая.
Кондак 4
Видяще Владычица иногда отроковицу чистую, иже слепа бе от рождения своего в веси Романовстей, обаче с любовию, аще и невидяще лика Богоматери, лобызающую икону Корсунскую, умилосердися над нею и исцеление очей телесных скоро подаде ей, вопиющей Богу: Аллилуиа.
Икос 4
«Блаженни невидевшие, но верующие», — рече Господь своим учеником и апостолам, Фомино неверие уверяя. Темже блаженна есть и отроковица боголюбивая, внегда воззвати ей, невидяще, с любовию Богоматери: «Слепоту очес моих отстави от мене, Пречистая, да вижу лик Твой Пресветлый, можеши бо сие сотворити, яко Мати Света Присносущнаго и Всемилостивая». Исцеление же прият совершенное, возопи, обрадованная, из глубины сердечныя таковая: Радуйся, мира непрестанная Ходатаице, Радуйся, Покрове, имже девство воистину укрывается, Радуйся, Купеле Христова, в ней же духовно прозреваемся, Радуйся, Источниче, изливший Пресладкаго Иисуса, Радуйся, Одушевленная новая скиние, Радуйся, Врачевательнице от демонов горце уязвленным, Радуйся, Херувиме Огненный, ко Древу Жизни приставленный, Радуйся, Мироварнице Божественныя благости, Радуйся, Благодатная, души наша спасающая и любовию к Богу исполняющая.
Кондак 5
Бурю внутрь помышлений сумнительных испыта отроковица боголюбивая, егда в видении соннем явися ей Пречистая, глаголющая: «Да пребудет икона моя, от неяже прозрели очи твои, в церкви веси Шпилевстей: благодать бо Моя не токмо тебе, обаче и всем людем бысть, во спасение поющих Богу: Аллилуиа».
Икос 5
«Да не станет светильник тай, но да светит всем человекам», — глаголет Господь. Сего ради и икона Корсунская, аще и принесена бысть в церковь Шпилевскую, обаче Божиим промыслом возсия на древе, светом благодати сияюще. Видяще же ю людие, Отца, Иже есть на небесех, славяще, возопиша Богородице таковая: Радуйся, Зерцало Святости, образ Божий являющее, Радуйся, Псалтире, достойно Христа ублажающая, Радуйся, Заре Утренняя, вечер греху предвещающая, Радуйся, Крыло Ветренное, Имже Спас — облак прииде, Радуйся, Дуго, от земли к небесам восходящая, Радуйся, яко Агница, во чреве Анны упасшаяся, Радуйся, Ветве Красная, яже процвела Христа плотию, Радуйся, Чаше Святая Пресвятых Даров Божиих, Радуйся, Благодатная, души наша спасающая и любовию к Богу исполняющая.
Кондак 6
Ковчег устрои древле Ной велением Божиим потопа ради, на немже и спасен бысть сей и весь дом его. Обаче и ныне яви Господь милосердие Свое стране Сумстей иконою Корсунскою: еюже бо от потопа грехов избавляемся, в покаянии вопиюще Богу: Аллилуиа.
Икос 6
На древе возсия икона Богоматери людем Шпилевстим, исцеление верным обильно подающе, обаче и нас, душевно ослепленных, просвети, Пречистая, Светом Сына Твоего и Бога нашего, да зовем Ти таковая: Радуйся, духовных очей Просвещение, Радуйся, воплощения Божия Преславное Сокровение, Радуйся, Земле Неоранная, Христа миру прозябшая, Радуйся, Небо Умное, из Негоже всем верным спасение бысть, Радуйся, Скиптре Пресветлый в руце Царя царствующих, Радуйся, Рабо Смиренная Господа господствующих, Радуйся, Гнездо Голубицы, от Духа Орла приявшее, Радуйся, обновление рождеством Своим всем возвестившая, Радуйся, Благодатная, души наша спасающая и любовию к Богу исполняющая.
Кондак 7
Мудрецы неверующия недоумевают о Тебе, Богородице: «Како может икона Твоя исцеление подавати верным?» Мы же, ведуще по Писанием, яко и тень апостола Петра исцеляше приходящих к нему, почитаем лик Твой, Пречистая, вопиюще Богу: Аллилуиа.
Икос 7
Образ Твой почитаем, Богородительнице Чистая, чести ради, якоже и святый Иоанн, иже из Дамаска града, глаголет: «Честь бо,. иконе воздаваемая, на ея Первообраз восходит». Сего ради лик Твой, Святая, видяще, зрим Тя, якоже яве на небесех Предстоящую, вопия о Тебе таковая: Радуйся, Святый лик Свой изобразити изволившая, Радуйся, яко зряще Тя, вернии радуются, Радуйся, Ключу Веры, имже Двери Райския отверзаются, Радуйся, Дне Покоя Блаженнаго, в немже Единородный почи, Радуйся, яко Илиа от ангел на небеса Вознесенная, Радуйся яко Мати Божия тамо от Бога Венчанная, Радуйся, Точило, имже Вино Безсмертия источися, Радуйся, Воеводо ангельскаго воинства, Радуйся, Благодатная, души наша спасающая и любовию к Богу исполняющая.
Кондак 8
Егда услыша свободитель царь Александр, како прославися в земле Слободской образ Богоматери Корсунския, тогда повеле из града Петрова: Да творят вси людие перенесение ежелетно Честнаго Образа из церкви Шпилевской в Соборный храм града Сумы до третиего дне восстания Сына Божия, от Девы плотию Возсиявшаго, и да поют Ему, яко Победителю Смерти, песнь сугубую о Тебе, Богородице: Аллилуиа.
Икос 8
Ризою светлою от камений драгих одеяся икона Корсунская от людей благочестивых. Обаче, паче сих, благодатию Божиею украшается икона явленная, сего ради вопием Богородице таковая: Радуйся, Благодатию Божиею преукрашенная, Радуйся, яко икона Корсунская нам милости Твоея бысть явление, Радуйся, Ходатаица у Престола Всевышняго, Радуйся, Помощнице в жизни сей временней, Радуйся, Многосветлая Свеча, от Света Мира возжженная, Радуйся, Правило Веры и Благочестие Истинное, Радуйся, Соцарствующая Сыну Своему и Богу нашему, Радуйся, Плененная от Духа Свята Своею волею, Радуйся, Благодатная, души наша спасающая и любовию к Богу исполняющая.
Кондак 9
Паде денница с высоты небесныя, егда завистию объят бе к славе Божией. Обаче внуши людем неверным замыслити на Господа и на Христа Его и Славу Богоматери умалити. Иже взяша икону Ея Корсунскую в пленение тесное и совлекше ризы с нея, на позор мирской выставляше, не ведающе пети Богу: Аллилуиа.
Икос 9
Се, паки оружие пройде сердце Твое, Богородице, егда от Престола Божественнаго, идеже ангельский Собор и Сонм новомученик Тя прославляют велелепно, узрела еси лик Свой во иконе Корсунской от соборища богоборнаго уничижаем, обаче, таковому о нас долготерпению дивящеся, покланяемся иконе Твоей, Непорочная, и вопием Ти таковая: Радуйся, о чадех заблуждших горце Скорбящая, Радуйся, поругание нечестивых кротко Приемшая, Радуйся, смирению Сына Своего сим Поревновавшая, Радуйся, страдания душевныя и слезы Испытавшая, Радуйся, Рабо Молчаливая, пред мучители ликом Своим Предстоявшая, Радуйся, яко оружие сердце Твое тем паки пройде, Радуйся, за грешники Сыну Своему мольбу Приносящая, Радуйся, Любове Всемирная, любовию нас не оставльшая, Радуйся, Благодатная, души наша спасающая и любовию к Богу исполняющая.
Кондак 10
Уязвление лика Пречистыя Матери Своея не терпяще от безбожных видети, пролия Господь гнев Свой на дом позорищный, в нем же икона Корсунская в пленении бысть: огнем попали истуканы мирския и советы лукавых разори. Икона же Корсунская, аки Купина вторая, огнем опаляема, незгараше, неверныя сим устрашающе, верным же сиянием благодати блистающе, вопиющим о сем Богу: Аллилуиа.
Икос 10
Яко светоносный облак благодати явися паки икона Твоя, Владычице, во граде Сумстем, пленению скончавшуся: сия бо неверия мрак отгоняюще, сердца наша к Богу возводит, вопиющим же таковая: Радуйся, христиан православных Верная Защитнице, Радуйся, Разорение Скорое злоумышлений неверных, Радуйся, Мрежо, еюже царствие нам уловляется, Радуйся, Пажите Тучная, на нейже Христос возлеже, Радуйся, Пристане Тихая в море житейских попечений, Радуйся, Безплотное Слово во Плоти Явившая, Радуйся, Безлетнаго Сына в вертепе Родившая, Радуйся, служения идольскаго нас Свободившая, Радуйся, Благодатная, души наша спасающая и любовию к Богу исполняющая.
Кондак 11
Огнь Божества прияла еси Дева, пребыв нетленна. Ныне же тернии души моея попали, Пречистая, огнем Благодати Твоея. Да стану и аз, якоже Моисей, в Земле Святей ногама моима, вопия чистым сердцем песнь Богу: Аллилуиа.
Икос 11
О Торжество Светлое! О празднество новое в стране Сумстей: перенесение в Соборную церковь Спаса Преображения иконы Богоматери Корсунския. Егоже, яко на Фавор Новый, архиереи и священницы, монаси и бельцы прияша, и с пении духовными и хоругви множества обстояху Святый Лик Твой, Пречистая, Божественную службу Безкровныя Жертвы Христовой совершающе, и вопиюще Ти таковая: Радуйся, заповедей Божиих Исполнение, Радуйся, православия истиннаго Истинное Исповедание, Радуйся, надеждо ближайшая воскресения вечнаго, Радуйся, Благословение Божие священству новому, Радуйся, Фаворе мысленный, на немже Христос возсия, Радуйся, яко Плод чрева Твоего благословен еси, Радуйся, Подателя Закона в Себе Приявшая, Радуйся, яко превыше небес возлетевшая, Радуйся, Благодатная, души наша спасающая и любовию к Богу исполняющая.
Кондак 12
Всяк возраст и чин ублажает Тя, Пресвятая Дево: Мати бо Жизни истинныя явилась еси. Ты же, о Царице Небесная, приими моления раб твоих, поклоняющихся честно иконе Твоей Корсунской и любовию вопиющих Богу: Аллилуиа.
Икос 12
О, како достойно воспети Тя, Богородице? Кий дар принести от скудности духовныя: Еже бо прияла еси дар многоценнейший от Бога — Единородное Слово Отчее! Обаче, о Мати Безневестная, Сама подаждь нам с высоты силу воспети Ти паки песнь, вопия таковая: Радуйся, Солнца Праведнаго Первое Сияние, Радуйся, Начаток Истинный Христова делания, Радуйся, Вместилище Пространное Бога Невместимаго, Радуйся, Ложе Непорочное Божественнаго воплощения, Радуйся, Престоле Божий, Емуже предстоит Собор Святых, Радуйся, Эдеме Небесный, от Духа устроенный, Радуйся, Ликование Вечное ангельскаго воинства, Радуйся, Ублажение Присное рода христианского, Радуйся, Благодатная, души наша спасающая и любовию к Богу исполняющая.
Кондак 13
Пресвятая Госпоже и Дево Богородице, Вышняго Господа и Бога нашего Мати! Ты аще и у Престола на небесех предстоиши, обаче глас отроковицы боголюбивыя, пред иконою Твоею Корсунскою моление теплое приносящую, услышала еси. Тако и наше малое моление услыши и скоро просвети светом благодати Твоея, да в радости духовней воспоем Творца всех Бога, вопия ему: Аллилуиа.
[Этот кондак читается трижды, затем икос 1 и кондак 1].
