Симеон Богоприимец

Святой  праведный  Симеон  Богоприимец,  согласно  преданию,  за  270  лет  до  Рождества  Христова  получил  обещание,  что  он  не  умрет,  пока  в  мир  не  придет  обещанный  Мессия — Господь  Бог  Иисус  Христос,  о  котором  пророчествали  ветхозаветные  пророки,  и  о  пришествии  которого  писалось  в  Библии.

Как  свидетельствовал  евангелист  Лука  (Лк.  2,  25),  святой  Симеон  Богоприимец  был  одним  из  избранников  Божиих,  и  Дух  Святой  пребывал  в  нем.  Когда  египетский  царь  Птоломей  II  Филадельф  (285 — 247 год  до  Рождества  Христова)  решил  пополнить  свою  знаменитую  Александрийскую  библиотеку,  он  пригласил  книжников.

Царь  хотел,  чтобы  в  его  библиотеке  присутствовали  книги  Священного  Писания.  Их  нужно  было  перевести  с  еврейского  на  греческий  язык.  Впоследствии  именно  с  этого  греческого  перевода  книг  Ветхого  Завета,  был  сделан  перевод  на  славянский  язык  для  Болгарской,  Сербской  и  Русской  Православных  Церквей.

Среди  72  ученых  мужей,  присланных  Синедрионом  в  Александрию  из  Иерусалима  для  толкования  Священного  Писания,  был  праведный  Симеон  Богоприимец,  как  его  позже  стали  называть.  Симеон  переводил  книгу  пророка  Исаии.  В  подлиннике  у  него  вызвала  сомнения  фраза:  «Се,  Дева  во  чреве  приимет  и  родит  Сына»  (Ис.  7,  14).

Симеон  Богоприимец  решил,  что  слово  «Дева»  в  данном  контексте  выбрано  ошибочно,  вместо  него  следует  поставить  «Жена»  и  хотел  исправить  текст,  но  Ангел  Божий  удержал  его  руку  со  словами:  «Имей  веру  написанным  словам,  ты  сам  убедишься,  что  они  исполнятся,  ибо  не  вкусишь  смерти,  доколе  не  увидишь  Христа  Господа,  который  родится  от  Чистой  и  Непорочной  Девы».

С  той  поры  Симеон  Богоприимец  стал  ждать  пришествия  Мессии.  Святой  старец  долго  ждал  исполнения  этого  пророчества.  Известно,  что  он  прожил  360  лет.  И  вот  однажды  он,  по  промыслу  Божиему,  пришел  в  Иерусалимский  храм,  куда  как  раз  прибыли  Пречистая  Дева  Мария  и  Иосиф  Обручник  с  Младенцем  Христом.

Святое  семейство  пришло  на  сороковой  день  в  храм,  чтобы  исполнить  иудейский  закон,  представить  своего  первенца  мужского  пола  Господу  и  совершить  положенную  жертву.  Симеон  Богоприимец  не  только  увидел  новорожденного  Спасителя  мира,  но  и  принял  его  на  руки,  за  что  и  был  прозван  Богоприимцем.

При  этом  он  в  священном  восторге  произнес  бессмертные  слова,  которые  мы  слышим  каждый  раз  на  вечернем  богослужении:  «Ныне  отпущаеши  раба  Твоего  Владыко,  по  глаголу  Твоему  с  миром.  Яко  видеста  очи  мои  спасение  Твое,  еже  еси  уготовал  пред  лицем  всех  людей.»

Святой  евангелист  Лука  не  говорит,  к  какому  званию  принадлежал  Симеон  Богоприимец,  откуда  он  родом,  ничего  не  сообщается  и  о  его  семье.  Но  в  церковных  песнопениях  он  именуется  священником.  Считается,  что  он  был  священником  иерусалимского  храма.  Праведный  Симеон  благословил  Деву  Марию  и  Иосифа  Обручника.

Затем,  обратившись  к  Пречистой  Деве  Симеон  Богоприимец  сказал  пророческие  слова:  «Се,  лежит  Сей  на  падение  и  восстание  многих  в  Израиле  и  в  предмет  пререканий, — И  Тебе  Самой  оружие  пройдет  душу, — да  откроются  помышления  многих  сердец»  (Лк.  2,  22-25).  Это  пророчество  легло  в  основу  иконографии  икон  Божией  Матери  «Умягчение  злых  сердец»  и  «Семистрельная«.

Все  в  этом  событии  было  символично  и  знаменательно.  Воплощение  Бога  в  человека  признается  реальным.  Симеон  Богоприимец  представлял  как  бы  все  ветхозаветное  человечество,  веками  ожидавшее  пришествия  Спасителя  мира.  При  это  он  стал  также  проповедником  новозаветной  благодати.  И  эта  «встреча»  Симеона  с  Богом,  Сретение,  дала  название  двунадесятому  празднику.

Согласно  житию  святого,  составленного  святителем  Димитрием  Ростовским,  Симеон  Богоприимец  отошел  ко  Господу,  прожив  360  лет,  вскоре  после  Сретения  Господнего.  В  VI  веке  его  святые  мощи  были  перенесены  при  императоре  Юстиниане  в  Константинополь.

Долгое  время  нетленные  мощи  покоились  в  Хорватии,  в  храме  святого  Симеона  в  Задаре.  В  2010  году  мощи  святого  были  переданы  представителям  Иерусалимского  патриархата  для  помещения  в  Катамоне,  иерусалимском  монастыре  в  честь  Симеона  Богоприимца.

Память:  3  /  16  февраля 

АКАФИСТ   СВЯТОМУ   ПРАВЕДНОМУ   СИМЕОНУ   БОГОПРИИМЦУ

Одобрен  решениес  Священного  Синода  от  17  /  19  сентября  №1964

Избранный в благовестника явления Христова в человецех, святый праведный старче Симеоне, похвальная пения приносим ти, Богоприимче. Ты же, яко имеяй дерзновение ко Господу, Егоже во объятиих Твоих носил еси, моли спастися нам, любовию зовущим: Радуйся, Симеоне, старче праведный, Богоприимче преблаженный.

 

Ангел Господень послан бысть извествовати старцу Симеону, яко воистину от Девы родитися имать обетованный Спас миру Христос. Егда бо той, чтущу ему книгу пророка Исаии, достиже места, идеже бе написано: «Се Дева во чреве приимет и родит сына Еммануила», и недоумеваяй о реченных, помышляше в себе, како могут сия быти, тогда явися ему Ангел и возвести, яко не имать видети смерти, дондеже видит рождшагося от Девы Христа Господня. Таковому дивному о нем промышлению Божию чудящеся, воззовем к нему таковая:

Радуйся, старче Божий, старцев благочестивых украшение.

Радуйся, праведниче святый, праведников и святых радование.

Радуйся, с сединами старческими и мудрость истинную стяжавый.

Радуйся, Духом Божиим, яко муж праведен и благочестив свидетельствованный.

Радуйся, во всех оправданиих Господних непорочно и непреткновенно ходивый.

Радуйся, всем житием Твоим Господеви угодивый.

Радуйся, Симеоне, старче праведный, Богоприимче преблаженный.

 

Видя старец, яко умножающимся летом живота, умножаются ему труд и болезнь, зело скорбяшe душею, яко продолжися время пришельствия его на земли. Темже, желание имый разрешитися и ко отцем преити, слезне просяще отпущения себе, зовый Богу: Аллилуиа.

 

Разум недоразуменный возвещенных от Ангела разумети, старец ища, недоумеваше, в себе глаголя: «Что сие есть странное и неудобь сказуемое таинство, яко Дева во чреве зачнет и родит Сына. Еда Дева чиста, яже мужа не знает, родити может, и кто будет Сей, Иже имать родитися без мужа, Сын Девы?» Паче же и паче испытуя писания, уразуме от них велию сию благочестия тайну, яко подобает Богу явитися во плоти, да спасет человека Богом же и человеком. Темже мы, дивному премудрости Божия совету чудящеся, воспоим блаженнаго сотаинника Премудрости, зовуще к нему таковая:

Радуйся, яко святою жизнию сердце твое очистил еси.

Радуйся, яко чистотою сердца пламенную любовь к Богу стяжал еси.

Радуйся, яко любовию к Богу ум твой чист сотворил еси.

Радуйся, яко чистотою ума разум Божественных писаний уяснил еси себе.

Радуйся, яко разумением писаний к вере во Христа приведен был еси.

Радуйся, яко верою и упованием к чаянию утехи Израилевой наставлен был еси.

Радуйся, Симеоне, старче праведный, Богоприимче преблаженный.

 

Сила Духа Божия воздвиже во он день старца приити в церковь, и егда введоста родителя Отроча Иисуса, сотворити има по обычаю законному о Нем, и той, узрев Отроча, абие уразуме Духом, яко Сей есть обетованный Спас миру Христос и, радуяся, возопи Богу: Аллилуиа.

 

Имея ум зряй к Богу и быв в Дусе, прият тогда старец Симеон Младенца Иисуса на руку своею и благослови Бога и рече к Марии, Матери Его: «Се, лежит сей на падение и на востание многим во Израили и в знамение пререкаемо, яко да открыются от многих сердец помышления их». Таковому убо прозрению святаго дивящеся, ублажим Богоприимца пении сими:

Радуйся, Боговедче прозорливый, Христа Господня, во образе Младенца четыредесятодневна явльшася, Духом Божиим абие познавый.

Радуйся, Богопроповедниче святый, Бога, Того во плоти пришедша, во спасение миру велегласно проповедавый.

Радуйся, Боголюбче благочестивый, пришествием чаянныя тобою утехи Израилевой несказанно обрадованный.

Радуйся, Боговидче преблаженный, Бога во плоти явльшася не умныма точию, но и телесныма очима узревый.

Радуйся, Богоприимче праведный, всю тварь Содержащаго дланию старческими твоими дланьми восприявый.

Радуйся, Богоносче истинный, Бога, Егоже небо и земля носити не могут, во объятиях твоих телесне носивый.

Радуйся, Симеоне, старче праведный, Богоприимче преблаженный.

 

Буря внутрь помышлений тревожных вниде в душу святыя Богоотроковицы, егда благословив Ю Симеон, приложи глаголати к Ней: «И Тебе же Самой пройдет душу оружие». Еже слышавше Святая Дева, первее убо смутися о словеси сем, таже, яко раба Господня сущи, предаде Себе в волю Господню, зовущи Ему: Аллилуиа.

 

Слышаще Иосиф и Пречистая Матерь и Дева дивная проречения прозорливаго старца о Отрочате, чудяхуся о глаголанных о Нем. Мати же Его соблюдаше вся глаголы сия, слагающи в сердцы Своем. Темже и мы, пророческим дивнаго старца глаголом чудящеся, воззовем тепле ему таковая:

Радуйся, пророче Божий, пророческаго дара богатно исполненный. Радуйся, древних пророков удобрение и новых провидцев похвало.

Радуйся, яко страж верен, посреде двою Заветов, Ветхаго же и Новаго, на Божественней стражи поставленный.

Радуйся, отсюду мимошедшая и грядущая мира и рода человеческаго единым зрением ока соглядавый.

Радуйся, яко страж верен, неусыпне бдяй и стрегий, пришедшу Домовладыце Христу абие во сретение исшедый.

Радуйся, страсти Христовы еще Младенцу сущу Ему предуведевый и болезнь и тугу сердечную Матери Его предсказавый.

Радуйся, Симеоне, старче праведный, Богоприимче преблаженный.

 

Боготечную звезду, предтечу Божественнаго света зрим тя, Богоприимче преблаженный. Сей бо, Егоже свет языком быти возвестил еси, возсия убо просвещение истины во всех языцех, от нихже и мы, светом Его просвещеннии, благодарне пети навыкохом Богу: Аллилуиа.

 

«Видесте очи мои спасение Твое, Владыко, еже уготовал еси пред лицем всех людей, свет во откровение языком и славу людей Твоих Израиля», — возопил еси, блаженне Симеоне, приемь на руку твоею Младенца Иисуса, Емуже мы ныне, со страхом и любовию покланяющеся, воспеваем ти, яко Богоприимцу и пророку, пения таковая:

Радуйся, всему миру, иудеем же и еллином, спасение во Христе уготованное проповедавый.

Радуйся, людем во тьме и сени смертней седящим, свету возсияти им предвозвестивый.

Радуйся, высокомерие иудеев, мнивших, яко тех точию есть Царствие Божие, уничиживый.

Радуйся, и языком спасение во Христе Иисусе благовестивый.

Радуйся, неверие ожесточенных иудеев предуведевый.

Радуйся, спасение верою во Христа избранных от иудеев же и язык предуказавый.

Радуйся, Симеоне, старче праведный, Богоприимче преблаженный.

 

Проповедник богоносный пришествия Христова всем чающим избавления во Израили был еси, Богоносе Симеоне. Оттоле бо начаша людие Божии веровати, яко приблизися к ним Царствие Божие, веровавше же, пояху Богу: Аллилуиа.

 

Возсия Иерусалиму и всей земли Иудейстей просвещение истины светом благовестия твоего, праведный старче; се бо и праведная Анна пророчица, видящи на руку твоею Младенца Боголепна и та разумев Духом, яко Сей есть пришедый избавити Израиля, приступи в той час и исповедашеся Господеви и глаголаше о Нем всем чающим избавления во Иерусалиме. Приступим убо и мы очищенным сердцем и умныма очима, Богомладенца на руку старчу держима зряще, воспоим сему таковая:

Радуйся, яко первый сретил еси обетованного Царя Израилева, исперва пришедша во град Свой и в дом Отца Своего.

Радуйся, яко славу новаго Храма больши паче славы древняго первый узрел еси.

Радуйся, яко всем чаявшим избавления, чаянную ими утеху Израилеву яве указал еси.

Радуйся, яко возсияти звезде от Иакова и востати человеку от Израиля, якоже прорече Валаам, людем твоим благовестил еси.

Радуйся, яко благовестием твоим сердца уповавших возвеселил еси, малодушныя же и унывающия укрепил и утешил еси.

Радуйся, яко свидетельством твоим о Христе и нас ныне в вере и уповании утверждаеши.

Радуйся, Симеоне, старче праведный, Богоприимче преблаженный.

 

Хотящу Симеону от нынешняго века преставитися прелестнаго, вдался еси яко Младенец тому, Владыко Господи, но познался еси ему и Бог совершенный; темже удивися старец неизреченному Твоему снисхождению, и радуяся, возопи: Аллилуиа.

 

«Дивны дела Твоя, Господи», — вопияше ветхий денми старец, ко Иже от него держимому Спасу мира, — «Аще бо и мнюся держати Тя яко Младенца, обаче не аз держу Тебе, но Ты держиши мя, яко Бог и Создатель всяческих, и, яко Владыка живота и смерти, держиши мя и в животе сем, ветха суща старца. Отпусти убо мя ныне, по глаголу Твоему с миром, яко видесте очи мои спасение Твое». Темже мирное от земных отшествие святаго старца славяще, воззовем к нему таковая:

Радуйся, яко клас зрелый пшеничный на землю, тако тихо старческую главу твою на ложе смерти склонивый.

Радуйся, яко путник дальним странствием утомленный, мирно сном смерти почивый.

Радуйся, многолетнее течение твое добре в вере и благочестии скончавый.

Радуйся, от временнаго сего жития в мире глубоце к вечному покою преставивыйся.

Радуйся, с надеждою скораго избавления от державы смертныя ко отцем твоим преселивыйся.

Радуйся, во уповании жизни вечныя дух твой радостно Господеви предавый.

Радуйся, Симеоне, старче праведный, Богоприимче преблаженный.

 

Странно Бога Превечна, яко Младенца четыредесятодневна, на руку старчу держима зряще, удивимся неизреченному Того нас ради истощанию и ум на небеса вознесше, благодарне воззовем к Нему: Аллилуиа.

 

«Весь еси желание и желаний краю, Сладчайший Иисусе», — взываше праведный Симеон ко Иже во объятиях его носиму Избавителю мира, — «Обаче, узрев Тя ныне Бога Превечна, что восхощу прочее видети на земли? Отпусти убо мя ныне, раба Твоего, Владыко, да шед возвещу пришествие Твое во аде держимым узником, с верою Тебе ожидающим, яко да и аз купно с ними изведен буду во обители Царствия Твоего, идеже вижду славу Твою». Темже, блаженное преставление святаго старца поминаюше, прославим его сердцем и усты возносимыми пении сими:

Радуйся, благий вестниче Христов и во аде от века содержимым узником пришествие Его благовестивый.

Радуйся, надеждею скораго избавления души прародителей и праотцев возвеселивый.

Радуйся, купно с ними Христом Воскресшим, Победителем смерти и ада, из обителей мрака изведенный.

Радуйся, с сонмом избранных Божиих, в рай сладости, во обителех небесных водворенный.

Радуйся, к сонму святых царей, пророков и первосвященников ветхозаветных сопричтенный.

Радуйся, к блаженству святых Небесных Сил безплотных приобщенный.

Радуйся, Симеоне, старче праведный, Богоприимче преблаженный.

 

Всякое колено небесных, и земных, и преисподних поклонится о имени Иисусове, и всяк язык исповесть, яко Господь Иисус Христос в славу Бога Отца. Веселися убо и радуйся, старче праведный, яко Сей есть, Егоже яко Младенца умаленна на руку твоею приял еси, и Емуже ныне, яко Богу, с лики безплотных Сил на небеси зовеши: Аллилуиа.

 

Ветия многовещанныя недоумеют изрещи велию славу твою, святый Богоприимче Симеоне, еюже прослави тя Христос Бог во Царствии славы Его. Предстоя бо близ Престола Святыя Троицы купно с Пречистою Богородицею и Предтечею Иоанном, со дерзновением молишися о всех с верою к тебе притекающих и просящих твоего заступления и помощи. Сего ради, славяще дивное прославление твое на небеси и на земли, вопием тебе таковая:

Радуйся, яко купно со святым Предтечею в неизреченней славе близ предстоиши Престолу Святыя Троицы.

Радуйся, яко Егоже на земли Младенца видел еси, Сего на небеси ныне со всеми святыми зря, радуешися.

Радуйся, яко со Христом, Егоже во объятиих твоих носил еси, ныне на небеси в вечней славе Его царствуеши.

Радуйся, яко с лики Ангелов на небеси, трисвятою песнию Его воспеваеши.

Радуйся, яко велие дерзновение имаши ко Господу, Егоже Младенца на руку твоея приемь, Бога исповедал еси.

Радуйся, яко весь мир христианский великаго предстателя и ходатая тя стяжа.

Радуйся, Симеоне, старче праведный, Богоприимче преблаженный.

 

Спасти хотяй от заточения и уз преподобнаго Петра Афонскаго, яве предста ему Богоприимец в темнице со святителем Христовым Николаем, дивен видением, честен образом, в ветхозаветнаго священства ефод облечен, в руце же жезл златый имеяй. Темже удивися преподобный чудному видению сему, изведен же быв из темницы, радуяся, возопи Богу: Аллилуиа.

 

Царь Превечный, дивнаго отсюду ходатая и крепкаго заступника показа нам тебе, великий угодниче Божий Симеоне. Сам бо святитель Христов Николай, хотяй спасти преподобнаго, настави его прилежно вопити к тебе о заступлении и помощи, многомощен бо еси, глаголаше, у Бога и велие дерзновение имаши к Нему. Якоже убо преподобнаго Петра Афонскаго, представ, спасл еси, свободу и избавление от уз ему даровав, тако и нас, в бедах и обстояниих сущих, не укосни спасати предстательством твоим, да зовем ти:

Радуйся, теплый молитвенниче о всех с верою тебе призывающих.

Радуйся, скорый помощниче всех к твоему заступлению прибегающих.

Радуйся, яко великий во иерарсех святитель Христов Николай многомощнейша ко Христу Богу предстателя тя указа.

Радуйся, яко явлься со святителем Николаем преподобному Петру Афонскому, чудесне того от уз и темницы свободил еси.

Радуйся, яко сим его на стезю иноческаго жития наставил еси.

Радуйся, яко сим и нас в нуждах наших прибегати к твоему заступлению научил еси.

Радуйся, Симеоне, старче праведный, Богоприимче преблаженный.

 

Пение умиленное приносит ти весь мир христианский, святый угодниче Божий Симеоне, великий же Новград славит тя, яко милостиваго избавителя своего от болезни и губительства смертнаго. Егда бо праведный гнев Божий постиже отцы наша и болезнь смертная нападе на ня, благоволи Бог явити люем Своим цельбоносную икону твою, благодать подающую исцелений всем с верою к тебе прибегающим, Богу же зовущим: Аллилуиа.

 

Светозарная свеща бывшим во тьме искушений и бед отцем нашим явися чудотворная икона святаго Богоприимца Симеона, паче чаяния надеждею спасения веселящи сердца их. Хотя бо спасти град от губительства смертнаго, предивно явися святый архиепископу Новгородскому Ионе, и повеле храм обыденный создати во имя его и ту святую икону его поставити, да источает исцеления людем, в покаянии с верою к ней прибегающим. Сего ради праведно слышит от нас святый чудотворец благодарственная пения таковая:

Радуйся, града нашего стено и утверждение.

Радуйся, от смертоносныя язвы и губительных болезней благонадежное ограждение.

Радуйся, от напастей и бед скорое избавление.

Радуйся, от враг видимых и невидимых мощное защищение.

Радуйся, во всех благих крепкое вспоможение.

Радуйся, о гресех наших теплое умилостивление.

Радуйся, Симеоне, старче праведный, Богоприимче преблаженный.

 

Благодать неоскудных исцелений и источник неизсякаемых духовных даров и во грядущая людем оставити восхотев, Человеколюбец Господь дарова нам пречестную икону твою, святый Богоприимче Симеоне, от неяже, аки от Богоносных твоих рук, держащих Подателя всех благ Бога, мы ныне различная дарования приемлем, благодарне зовуще Ему: Аллилуиа.

 

Поюще, славим многомощное предстательство твое и крепкое заступление о нас, грешных, святый Богоприимче Симеоне. Воистину бо стена нерушима и покров державен еси граду и обители, в нейже от лет древних, яко звезда светозарная, возсия нам чудотворная икона твоя, к нейже припадающе и тепле молящеся, тебе со слезами взываем сице:

Радуйся, яко обитель тобою хранима утешается и радуется.

Радуйся, яко хотящия благочестно жити от искушений мира, плоти и диавола покровом твоим ограждаеши.

Радуйся, яко добре труждающимся помощник крепок являешися.

Радуйся, яко скорбящим утешение, болящим исцеление, малодушествующим успокоение молитвами твоими подаеши.

Радуйся, яко всяк в нужде ко святей иконе твоей прибегаяй, скорое утешение и благовременную помощь приемлет.

Радуйся, Богодарованное нам прибежище, надеждо, покров и заступление наше.

Радуйся, Симеоне, старче праведный, Богоприимче преблаженный.

 

О великий угодниче Божий и Богоприимче Симеоне! Приими ныне малое сие, обаче от чистаго сердца приносимое тебе моление наше, и, яко многомощный предстатель ко Христу Богу, испроси нам оставление грехов и мирную кончину живота нашего, и вечныя молитвами твоими избави нас муки, о тебе вопиющих Богу: Аллилуиа.