Одна из самых прославленных икон — Тихвинская икона Божией Матери находится в Тихвинском Богородичном Успенском мужском монастыре. Часто икону именуют «палладиумом России» и «царским богомольем». Велика роль иконы как защитницы рубежей Родины, «крепкой помощницы» в ратных делах. Много поколений солдат отправлялись на защиту от врагов и супостатов с этим образом.
История образа: Об этой иконе сложено огромное количество легенд. По одной из них икона написана евангелистом Лукой и послана им в Антиохию некоему Феофилу. Оттуда спустя некоторое время она перенесена была в Константинополь и поставлена в устроенном для нее храме, известном под именем Влахернского и прославленном Влахернской иконой Богородицы, Положением Ризы Пресвятой Богородицы и видением Покрова Божией Матери блаженным Андреем.
За 70 лет до взятия Константинополя турками икона скрылась неизвестно куда и в 1383 году, в царствование на Руси великого князя Димитрия Донского, в первый раз явилась рыбакам, сияющая лучезарным светом, в пределах Новгорода, над водами Ладожского озера , невидимо несомая ангелами.
В другой раз Тихвинская икона Божией Матери явилась также на воздухе в 30 верстах от Ладожского озера на реке Овче. Жители с радостью приняли святую икону и поставили ее в Успенской часовне, но, к великой скорби окрестных жителей, икона неожиданно скрылась оттуда.
После этого Пресвятая Богородица являла Свою икону во многих местах, везде принося великую радость, утешение и исцеление, пока наконец избрала постоянное место пребывания близ города Тихвина. Согласно рукописным «Сказаниям о Тихвинской иконе Богоматери», самое раннее из которых датируется XV веком, Пресвятая Богородица семь раз меняла место, зримо показывая чудотворную силу иконы.
Первая летописная дата, связанная с Тихвином, зафиксирована в 1383 году, тогда был образован Пречистинский погост. После этого Тихвинская икона Божией Матери, «ангелами невидимо носимая», как повествует сказание, несколько раз появлялась перед очевидцами то там, то тут, пока не достигла берега реки Тихвинки.
На месте явления иконы начали срочно готовить сруб для храма в честь Успения Божией Матери. Ночью икона вместе со срубом исчезли. Обнаружили святую икону по другую сторону реки Тихвинки, среди болотистой пустыни. Здесь быстро был устроен храм. Множество раз этот храм сгорал до тла. Чудотворная Тихвинская икона Божией Матери всегда оставалась невредимою.
Усердием великого князя Василия Иоанновича на месте сгоревшего деревянного храма был построен для Тихвинской иконы Божией Матери каменный храм в 1510 году. Через 50 лет старанием великого князя Иоанна Васильевича тут был основан Тихвинский Богородичный Успенский мужской монастырь.
С XVI века Тихвин стал известным центром богомолья. Иоанн XIV, родившейся в царской семье Василия III через два года после молебнов у Тихвинской иконы о чадородии, считал ее своей покровительницей и совершал паломничества к ней в вехоносные времена.
Он молился у Тихвинского образа перед своим венчанием на царство, которое затем официально закрепил Цареградский Патриарх в утвердительной грамоте, положив тем самым начало царского правления на Руси.
В Костромском Ипатьевском монастыре, мать боярина Михаила Федоровича Романова, старица Марфа, благословила его на царство списком Тихвинской иконы Божией Матери, и началась эпоха Романовской династии.
Можно сказать, что история чудотворного Тихвинского образа неразрывно связана с историей России, поэтому-то Тихвинская икона Божией Матери называется «палладиумом России», защитницей и помощницей в «ратных делах», а «царским богомольем» ее величают потому, что русские цари постоянно ездили на молитву Пресвятой Богородице к Ее Тихвинской иконе.
Чудотворения: Пресвятая Богородица неоднократно являла Свою помощь и покровительство Тихвинской обители, защищая монастырь от превосходящих во много раз шведских войск, осаждавших его с 1613 года .
После совершенных в монастыре молебнов перед иконой, хорошо обученное и многочисленное шведское войско терпело поражение от небольшой группы защитников монастыря, защитников «Дома Богоматери», как называли его шведы.
Шведский полководец Делагарди, в страшной злобе на обитель Тихвинскую за многократные поражения и потери войска, грозился уничтожить полностью обитель, а икону изрубить на куски.
Но скорая Помощница и Заступница, явив новое чудо, не допустила и в этот раз врагов до обители. Шведы в панике бежали и оставили наконец все попытки уничтожить монастырь. Мир со шведами был заключен в 1617 году в деревне Столбово в 50 верстах от Тихвина. Ручательством с российской стороны была присяга перед чудотворным образом. Этот Столбовской договор положил начало международного признания законности династии Романовых.
Фельдмаршал Б. П. Шереметьев был спасен от пули образком Тихвинской иконы во время Полтавской битвы. Многие солдаты, рядовые и командиры, брали с собой в бой списки, образки, нательные иконы с этим образом.
В годы Великой Отечественной войны Тихвинская икона Божией Матери была тайно вывезена из оккупированного немцами Тихвина в США настоятелем монастырского храма. Когда было принято решение о возрождении Тихвинской обители, святыню вернули в Россию.
Это произошло в июле 2004 года. 16 июля В. В. Путин посетил Тихвинский монастырь, куда 9 июля, после 60 лет странствий за рубежом, вернулась чудотворная Тихвинская икона Божией Матери, являющаяся одним из символов России.
Почитание Тихвинской иконы Божией Матери в России очень велико. Списки с нее имеются во многих храмах, и многие из них также прославились чудотворениями. Широко известен список Тихвинской иконы в Алексеевском храме Тихвинской иконы Божией Матери.
Согласно московскому преданию, именно с этим чудотворным списком был совершен в Великую Отечественную войну облет Москвы на самолете, и сразу вслед за этим начался разгром фашистских войск под Первопрестольной.
Всех чудотворений, исходящих от Тихвинского образа, прославившегося чудесными спасениями и «ратными» делами при защите рубежей нашей страны, Удела Богородицы, не счесть и не перечислить в короткой статье.
Иконография: Иконографический тип — Одигитрия. Фигуры Богоматери и Богомладенца расположены вполоборота. Пресвятая Богородица, слегка наклонив голову к Сыну, указывает на Него рукой, как на путь спасения.
Предвечный Младенец благословляет правой рукой, в левой, покоящейся на колене, держит свиток. Четкая пропорциональность очертаний и чистота линий свидетельствует о высоком мастерстве неизвестного художника.
Глубокое исследование Тихвинской иконы было проведено Ауне Яаокинен из Финляндии и подробно описано в ее книге, выдержки из которой можно прочитать на сайте Санкт-Петербургской митрополии.
Выражение печали на ликах Матери и Младенца создает ту нежную атмосферу, которая исходит от иконы. Образы их выписаны очень тщательно, особенно руки. Примечательно, что одна рука Божией Матери на иконе выделяется своей теплотой. Это чувствуешь, когда прикасаешься к ней губами.
Тихвинская икона Божией Матери написана темперой на грунте, на доске размером 88,5 х 66 х 2,4 см . Поля и фон покрыты листовым золотом. Икона несколько раз реставрировалась: в 1636 году игуменом Серафимом, в середине XVIII века иконописцем Дураковичем, в ХХ веке реставратором Чириковым.
Молитвенная традиция: Перед иконой молятся о прозрении слепых и исцелении глазных болезней, бесноватых, при болезнях детей, расслаблении суставов, при параличе, падучей болезни, от нашествия иноплеменных. Тихвинская икона Божией Матери является покровительницей младенцев и подростков.
Молитвы родителей перед образом помогают наладить отношения с собственным чадом, помогает оградить детей от плохого влияния со стороны и правильно выбрать друзей. Молятся ей плодоносящие женщины о легких родах, а также те, у кого проблемы с зачатием.
Празднование: 26 июня / 9 июля .
Акафист Пресвятой Богородице в честь иконы Ея «Тихвинской»
Тропарь, глас 4
Днесь, яко солнце пресветлое, возсия нам на воздусе всечестная икона Твоя, Владычице, лучами милости мир просвещающи, юже страна наша, яко некий дар Божественный свыше благоговейне восприемши, прославляет Тя, Богомати, всех Владычицу, и от Тебе рождшагося Христа Бога нашего величает радостно, Емуже молися, о Госпоже Царице Богородице, да сохранит вся грады и страны христианския невредимы от всех навет вражиих и спасет верою покланяющихся Его Божественному и Твоему пречистому образу, Дево Неискусобрачная.
Кондак, глас 8
Притецем, людие, к Деве Богородице Царице, благодаряще Христа Бога, и, к Тоя чудотворней иконе умильно взирающе, припадем и возопием Ей: о Владычице Марие, присетивше страну сию Твоего честнаго образа явлением чудесно, спасай в мире и благовременстве отечество наше и вся христианы, наследники показующи небесныя жизни, Тебе бо верно зовем: радуйся, Дево, мира спасение.
Кондак 1
Взбранной Воеводе, Владычице нашей Богородице, благодарственная пения восписуем о явлении чудныя Ея иконы, к Нейже притекающии присно избавляются от враг видимых и невидимых. Ты же, Госпоже Неба и земли, яко Милосердная Мати, приими ныне малое сие моление наше и неотступну никогдаже сотвори милость Твою от нас и заступление, охраняющи от всех бед и напастей нас, зовущих Ти: Радуйся, Владычице, Милостивая о нас пред Богом Заступнице.
Икос 1
Ангелов лицы ликовствующе служат Тебе, Владычице, и почитающе Тя, на руку Твоею носившую Творца видимыя и невидимыя твари, икону Твою с места на место преносят. Мы же, земнороднии, дивящеся чудному явлению иконы Твоея, Ангелы носимыя, вопием Ти сице:
Радуйся, всех Небесных Сил высшая.
Радуйся, вся Ангельския чины превосходящая.
Радуйся, честнейшая Херувим.
Радуйся, славнейшая без сравнения Серафим.
Радуйся, радование Ангелов.
Радуйся, похваление ликов Небесных.
Радуйся, от Ангелов воспеваемая.
Радуйся, от Серафимов прославляемая.
Радуйся, от Архангел покланяемая.
Радуйся, от воинств Небесных почитаемая.
Радуйся, в иконе Твоей от Ангел чтимая.
Радуйся, в видимем образе Твоем от невидимых сил носимая.
Радуйся, Владычице, Милостивая о нас пред Богом Заступнице.
Кондак 2
Видяще рыбарие над пучиною вод носимую невидимою силою и светом подобно солнцу сияющую Твою, Богомати, икону с Предвечным Младенцем, рыбарей призвавшим на уловление мира в сети спасения, возопиша: Аллилуиа.
Икос 2
Разум недоразуменный дивнаго явления иконы Твоея разумети людие ищуще уведеша, яко чтимая в Цареграде пречестная икона в наследие нам даровася. Темже мы, благодаряще за милость Твою к роду нашему, вопием Ти:
Радуйся, Мати истинныя Жизни.
Радуйся, послушанием Твоим преслушание Евы исцелившая.
Радуйся, затворенный Эдем отверзшая.
Радуйся, миру явившая Сокрушителя главы змиевой.
Радуйся, ковчеже, Умирителя мира носивший.
Радуйся, мир спасшая от потопления греховнаго.
Радуйся, лествице еюже сниде Бог.
Радуйся, земных возводящая на Небо.
Радуйся, море, фараона мысленнаго потопившее.
Радуйся, купино, неопалившаяся всельшимся в Тя огнем Божества.
Радуйся, скрижале Богописанная.
Радуйся, каменю, воду жизни источивший жаждущим.
Радуйся, Владычице, Милостивая о нас пред Богом Заступнице.
Кондак 3
Сила Вышняго осеняше страну Тихвинскую, егда икона Пречистыя Богоматере, многочастне являющися и временным пребыванием освящающи землю, к воздвизанию храмов святых возбуждаше, да славится имя Владычицы во славу Триипостаснаго Бога, Емуже вопием: Аллилуиа.
Икос 3
Имуще благоутробное изволение, да людие страны Тихвинския вожделеют пребывания Твоего с ними, да памятуют выну покров Твой, икону Твою являла еси многочастне, дондеже указала еси богоизбранное место вселения ея. Темже, чудящеся, вопием Ти:
Радуйся, скиние, в нейже вселися Божество телесне.
Радуйся, Святая святых, в нюже единою вниде вечный Архиерей.
Радуйся, кивоте, позлащенный Духом, Законодателя носивший.
Радуйся, светильниче, огнем Божественным возжженный.
Радуйся, стамно, носившая Манну жизни — Христа.
Радуйся, трапезо, Хлеб животный вместившая.
Радуйся, кадильнице, Угль Божества имущая, мир весь облагоухавшая.
Радуйся, жезле, Цвет прозябший — Христа.
Радуйся, столпе, к вечному наследию руководяй.
Радуйся, облаче, от враг видимых и невидимых покрываяй.
Радуйся, земле обетования.
Радуйся, руно, на негоже Христос, яко дождь, сниде с небесе.
Радуйся, Владычице, Милостивая о нас пред Богом Заступнице.
Кондак 4
Бурю смущения и скорби утолити тщащеся, благовернии людие взываша ко Господу: «Яви нам Божественный дар, егоже человеколюбне стране нашей послал еси, не скрый сокровища, имже душевную нищету нашу обогатити надеяхомся, претвори печаль нашу в paдость, отри слезы и рыдания», и, улучивше желаемое, возопиша: Аллилуиа.
Икос 4
Слышав пастырь паствы своея радостное обретение и Матерь Пастыреначальника, упасшуюся в странах Тихвинских, устрояет храм в честь новоявленныя иконы Ея и пресвитеры учреждает, да выну прославляя Богоматерь, вопиют Ей:
Радуйся, Дщи, приклонившая ухо ко гласу Отца Небеснаго.
Радуйся, яко праматернее сетование разрушися рождеством Твоим.
Радуйся, Невесто, Еяже доброты вожделе Царь Небесный.
Радуйся, Царице, одесную Царя представшая.
Радуйся, рясны златыми украшенная и всю славу внутрь имущая.
Радуйся, вводящая многих в чертог Царства Небеснаго.
Радуйся, яблоко, егоже благовоние обоняет весь мир.
Радуйся, крине чистоты, блистанием светящийся.
Радуйся, миро благовонное, всему миру излиянное.
Радуйся, царскую порфиру, плоть Творца всех, из девственных кровей Твоих исткавшая.
Радуйся, живый запечатленный источниче, источивший воду жизни.
Радуйся, мысленный винограде, грозд Божественный возрастивший.
Радуйся, Владычице, Милостивая о нас пред Богом Заступнице.
Кондак 5
Боготечная звезда явися икона Твоя, Богомати, всю страну Тихвинскую обтекающи и сущих во тьме невежествия светом боговедения озаряющи, скорбящих радостию осиявающи, заблуждающих же на путь делания заповедей Сына Твоего и Бога наставляющи, Емуже благодарственне вопием: Аллилуиа.
Икос 5
Видев Георгий на кладе древа седящу Жену, жезл червленный в руках имущу и светом неизреченным сияющу, Ейже, предстоя, беседоваше дивный святитель, позна чрез благоухание благодати Тя, Богородицу, чувственный зрак приимшую и святителя Николая предстояща Тебе, и возопи со трепетом:
Радуйся, доме, егоже созда Себе для вселения Премудрость Божия.
Радуйся, Дево, Еммануила родившая.
Радуйся, жезле Иессеов, от негоже прозябе Цвет — Христос Бог.
Радуйся, Неневестная Невесто, осенением Духа заченшая Сына.
Радуйся, свитче, в немже перстом Отчим написася Слово.
Радуйся, книго девства запечатленная, Иосифу на хранение врученная.
Радуйся, клеще таинственная, Угль Божества во чреве приемшая.
Радуйся, престоле превознесенный, на немже плотию возседе Христос.
Радуйся, облаче легкий, на немже прииде Господь славы.
Радуйся, врата затворенная, имиже един Христос пройде.
Радуйся, горо несекомая, от неяже краеугольный Камень отсечеся — Христос.
Радуйся, огнеросная пеще, неопально приимшая огнь Божества.
Радуйся, Владычице, Милостивая о нас пред Богом Заступнице.
Кондак 6
Проповедник быв видимаго Твоего пребывания в стране Тихвинстей и дивнаго промышления о ней, благочестивый Георгий явление Твое и волю Твою людем возвести, ейже неповинующиися чудесы вразумляются славити Тя, Владычице, и пети Богу: Аллилуиа.
Икос 6
Возсияти свету Богопознания явлением иконы Твоея изволившая, и свет иноческия жизни возжещи благоволила еси, Богомати, на месте явления Твоея иконы, да иноков лицы вопиют Ти непрестанно:
Радуйся, неплоднаго корене благоплодное прозябение.
Радуйся, от младенчества Богу посвященная.
Радуйся, во святем храме воспитавшаяся.
Радуйся, Богу уневестившаяся.
Радуйся, всеми добродетельми преукрашенная.
Радуйся, светоносная палато, Владыце уготованная.
Радуйся, благодатию Божиею предочищенная.
Радуйся, от начала веков во главизну нашего спасения предъизбранная.
Радуйся, Невесто Архитектона небеснаго, земному тектону на хранение врученная.
Радуйся, малый Назарет Своим пребыванием возвеличившая.
Радуйся, Горних Сил похвало.
Радуйся, всех земнородных слава.
Радуйся, Владычице, Милостивая о нас пред Богом Заступнице.
Кондак 7
Хотящим преподобным Мартирию и Кириллу во уединении подвизатися и труды и подвиги иноческими Богу угождати, путь в место вожделеваемаго подвига в столпе огненнем и гласе указала еси. Они же познавше Тя, яко Одигитрию благую, спутешествующую им, возопиша Богу: Аллилуиа.
Икос 7
Новый источник чудес в стране северней явися икона Твоя Тихвинская, Пресвятая Владычице, независтно точащий исцеления всем притекающим с верою: слепии бо прозирают, немии благоглаголиви бывают, глусии слышат, разслабленнии востают, бесноватии от уз демонских свобождаются. Темже славяще Тя, вопием:
Радуйся, яко на Тебе почи благоволение Отчее.
Радуйся, Духом Святым осененная.
Радуйся, яко в Тебе воплотися Сын Божий, Спас миру.
Радуйся, совета неизреченнаго Таиннице.
Радуйся, от Ангела благовестие приимшая.
Радуйся, ангельским еже «Радуйся!» весь мир обрадовавшая.
Радуйся, яко Господь с Тобою.
Радуйся, яко Тобою вси земнороднии Богу приближишася.
Радуйся, Благословенная в женах.
Радуйся, всем женам благословение даровавшая.
Радуйся, Мати до рождества и по рождестве пребывшая Девою.
Радуйся, начаток чести и славы девства.
Радуйся, Владычице, Милостивая о нас пред Богом Заступнице.
Кондак 8
Странно чудо явления образа Твоего, Владычице, и несказанно, удивляет премирная и ужасает земная, вкупе же и просвещает благодатию рождшагося от Тебе Христа Бога нашего. Странно и заступление обители от врагов, хвалившихся разорити достояние Твое. Сего ради вопием Богу: Аллилуиа.
Икос 8
Вся еси в вышних, Владычице, но и нижних не оставляеши, защищающи, аки стеною и забралом, честною иконою Твоею обитель Твою. Рекла бо еси, егда бысть нашествие вражие: «Да возмут людие икону Мою и обыдут по стенам окрест, и узрят милость Божию». Темже, избавлении Тобою от враг возопиша Тебе:
Радуйся, Мати Творца и Господа Своего.
Радуйся, Еяже ради младенец Иоанн взыграся во чреве Елисаветы.
Радуйся, от всех родов ублажаемая.
Радуйся, смирением возвышенная.
Радуйся, небесным радование и земным мир Рождением Твоим даровавшая.
Радуйся, от Ангелов славословие, от пастырей величание, от волхвов поклонение о Рождении Твоем приимшая.
Радуйся, млеком питавшая горняя и дольняя благодатию Своею Питающаго.
Радуйся, пеленами повившая Одевающагося светом, яко ризою.
Радуйся, носившая на руку Твоею Носящаго весь мир дланию.
Радуйся, во храм принесшая Священие храма.
Радуйся, Симеоном благословенная.
Радуйся, Анною пророчицею возвеличенная.
Радуйся, Владычице, Милостивая о нас пред Богом Заступнице.
Кондак 9
Всякаго естества Ангельскаго чистейши сущи, Владычице, обитель, ради пришествия Твоея иконы созданную, от нечистоты греховныя близ погибели бывшую, но покаянием очистившуюся, яко общая Молебница о роде христианстем, избавила еси от врагов, по подобию нечистых животных подкопати ю трудившихся. Темже вопием Богу: Аллилуиа.
Икос 9
Ветия многовещанныя недоумеют воспети по достоянию множество чудес Твоих, Владычице, и тайны Твоего строения спасения человеков: ово бо благостию, ово же посещением наказаний руководиши людей на путь спасения. Зане необориму обитель сохранивши от врагов видимых, огненным очищением благоволила еси очистити от уязвлений врага невидимаго, вразумляя, яко чистота, воздержание и молитвы сердечныя угоднее Тебе паче хвалы единых точию уст. Темже вопием Ти:
Радуйся, Египет освятившая пришествием Твоим.
Радуйся, Галилейскую страну прославившая пребыванием Твоим.
Радуйся, по всему Иерусалиму искавшая Отроча Твое, Егоже возлюби душа Твоя.
Радуйся, в дому Отца Его обретшая Его.
Радуйся, вся глаголы о Сыне Твоем слагавшая в сердце Своем.
Радуйся, в Сыне Твоем прежде всех познавшая Бога.
Радуйся, Сыну Твоему послужившая в земнем житии Его.
Радуйся, страданием Его спострадавшая.
Радуйся, при Кресте Сына Твоего усыновление Иоанна Апостола и всех верующих приимшая.
Радуйся, матерински возлюбившая искупленных кровию Его.
Радуйся, первее всех уразумевшая тайну воскресения Сына Твоего.
Радуйся, премногия радости насладившаяся в вознесении Сына Твоего на Небеса.
Радуйся, Владычице, Милостивая о нас пред Богом Заступнице.
Кондак 10
Спасти хотящи многия люди от обдержащих их скорбей и болезней и веру их утвердити во всесильное заступление Твое, Владычице, во многих градех, обителех, весех православныя страны силу чудотворения даровала еси изображением честныя иконы Твоея, да видяще являемую Тобою милость, вопиют со умилением Богу: Аллилуиа.
Икос 10
Стена и щит была еси, Владычице, православному воинству, под знамением Твоея иконы противу двадесяти язык воинствовавшему, сохраняя его от стрел вражиих. Темже буди стена и покров от всех врагов видимых и невидимых и нам, ко пречестней иконе Твоей с верою и любовию припадающим и вопиющим Тебе:
Радуйся, утешение верным по вознесении Сына Твоего.
Радуйся, Учительнице и Споспешнице Апостолом.
Радуйся, извещением Твоего к Богу отшествия обрадованная.
Радуйся, лик ученический облаком к погребению Ти совокупльшая.
Радуйся, от земли дланьми Сына Твоего восприемлемая.
Радуйся, от всех Ангельских чиноначалий провождаемая.
Радуйся, земное небо, к горнему селению возвышенное.
Радуйся, престоле Господень, от земли вознесенный в Царствие Небесное.
Радуйся, воздух освятившая восхождением Твоим.
Радуйся, чрез Фому уверившая Твое на Небо с плотию преселение.
Радуйся, ученическому лику обещание хранити его исполнившая.
Радуйся, присещением Твоим от Сына Твоего и Бога мир тому подавшая.
Радуйся, Владычице, Милостивая о нас пред Богом Заступнице.
Кондак 11
Пение всякое побеждается, спростретися тщащеся ко множеству чудес, присно бываемых от святыя Твоея и чудотворныя иконы: якоже бо скорая Помощница недуги исцеляеши, от бед избавляеши, от мучения демонов свобождаеши на всяком месте с верою Тя призывающих и вопиющих Богу: Аллилуиа.
Икос 11
Светоприемную свещу зрим святую икону Твою, Богомати, во странах Тихвинских благодатию Твоею возжженную, всю страну просвещающую и многих ко свету привлекающую на спасение душ. Темже вопием Ти:
Радуйся, сохраняти и спасати всех призывающих Тя обещавшая.
Радуйся, прославляющих Тя прославляющая.
Радуйся, к Сыну Твоему и Богу молитвы верных приносящая.
Радуйся, и Сама непрестанно у Престола Сына Твоего и Бога молящаяся о всех.
Радуйся, благодать Твою иконам Твоим честным даровавшая.
Радуйся, всю вселенную лучами Твоея благодати озарившая.
Радуйся, честнейшая Херувим и славнейшая Серафим.
Радуйся, всея твари высшая.
Радуйся, Царице Неба и земли.
Радуйся, яко много может молитва Твоя пред Сыном Твоим.
Paдуйся, всего рода христианскаго скорое заступление.
Радуйся, всех верных твердое упование.
Радуйся, Владычице, Милостивая о нас пред Богом Заступнице.
Кондак 12
Благодати Твоея новое знамение дати восхотев, Петрову граду источник чудес отверзла еси, Богомати, в иконе Твоей, да верующии вразумляются, труждающиися и скорбящии обретают готовое прибежище и заступление и, прославляющи Бога, даровавшаго таковая, вопиют Ему: Аллилуиа.
Икос 12
Поюще чудеса Твоя и милости, роду нашему явленныя, умильно припадаем к пречистому образу Твоему, Владычице, и лобызающе, со страхом и любовию молим Тя: настави нас на путь спасения, да достойни будем выну Твоего милостиваго заступления, буди присно Заступница и Ходатаица о нас, вопиющих Ти:
Радуйся, верных утверждение и защищение.
Радуйся, неверных вразумление и просвещение.
Радуйся, отчаянных надеждо.
Радуйся, грешных спасение.
Радуйся, печальных утешение.
Радуйся, больных исцеление.
Радуйся, вдов и сирот покрове.
Радуйся, обидимых прибежище.
Радуйся, царей укрепление.
Радуйся, святителей удобрение.
Paдуйся, девствующих похвало.
Радуйся, всех благочестивых веселие.
Радуйся, Владычице, Милостивая о нас пред Богом Заступнице.
Кондак 13
О Всепетая Мати, рождшая всех святых Святейшее Слово, буди нам покров и защищение в жизни сей от врагов видимых и невидимых, от бед и скорбей, сохрани от искушений и грехопадений, и в будущей жизни, на Суде Сына Твоего и Бога нашего, буди Заступница и Ходатаица, избавляющи нас от вечнаго осуждения, да, спасеннии Тобою, с лики Ангельскими вопием Богу: Аллилуиа.
(Этот кондак читается трижды, затем икос 1 и кондак 1).
Молитва
О Пресвятая Дево, Мати Господа Вышних Сил, Небесе и земли Царице, града и страны нашея Всемощная Заступнице. Приими хвалебноблагодарственное пение сие от нас, недостойных раб Твоих, и вознеси молитвы наша ко Престолу Бога Сына Твоего, да милостив будет неправдам нашим и пробавит благость Свою чтущим всечестное имя Твое и с верою и любовию покланяющимся чудотворному образу Твоему. Несмы бо достойни от Него помиловани быти, аще не Ты умилостивиши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорой Заступнице нашей: услыши нас, молящихся Тебе, осени нас вседержавным покровом Твоим и испроси у Бога Сына Твоего пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиреномудрие, супругам любовь и согласие, чадам послушание, обидимым терпение, обидящим страх Божий, скорбящим благодушие, радующимся воздержание, всем же нам дух разума и благочестия, дух милосердия и кротости, дух чистоты и правды. Ей, Госпоже Пресвятая, умилосердися на немощныя люди Твоя: разсеянныя собери, заблуждшия на путь правый настави, старость поддержи, юныя уцеломудри, младенцы воспитай, и призри на всех нас призрением милостиваго Твоего заступления, воздвигни нас из глубины греховныя и просвети сердечныя очи наша ко зрению спасения, милостива нам буди зде и тамо, в стране земнаго пришельствия и на Страшнем Суде Сына Твоего; преставльшияся же в вере и покаянии от жития сего отцы и братию нашу в вечней жизни со Ангелы и со всеми святыми жити сотвори. Ты бо еси, Госпоже, слава Небесных и упование земных, Ты по Бозе наша надежда и Заступница всех притекающих к Тебе с верою. К Тебе убо молимся, и Тебе, яко Всемогущей Помощнице, сами себе и друг друга и весь живот наш предаем, ныне и присно и во веки веков. Аминь.
