Икона Божией Матери «Нерушимая стена» является одним из древнейших изображений Пресвятой Богородицы на Руси. Мозаика, послужившая основой для иконографии образа Божией Матери «Нерушимая Стена», находится над горним местом главного алтаря в своде центральной апсиды собора в честь Софии Премудрости Божией в Киеве.
Названа она так, потому что многие столетия сохраняется неповрежденной — время и события не властны над ней. Она пережила все самые трудные времена для христианства. В продолжении более 800 лет храм не подвергался разрушению. Софийский собор внесен в список Всемирного наследия ЮНЕСКО.
Удивительная сила исходит от иконы Божией Матери. «Нерушимая Стена» — особый эпитет, присваивавшийся, как правило, изображениям Богоматери Оранты; заимствован из акафиста Богоматери: «Радуйся, Царствия нерушимая стено» (икос 12 ).
Иконография: На иконе Пресвятая Дева изображена во весь рост, стоящею на золотом четырехугольном камне на фоне небесной сферы. Воздев пречистыя Свои руки, молится за весь мир Благая Заступница рода христианского. Молитвенно воздетые руки Пресвятой Богородицы являются символом смиренного прошения и готовности действовать по воле Божией.
Икона Божией Матери «Нрушимая Стена» в Софийском соборе производит очень сильное впечатление своими размерами, величественностью и монументальностью, особой духовностью. Вокруг иконы таинственная надпись: «Бог посреде Ея и не подвижится: поможет Ей Бог утро заутра».
Путешественник Муравьев так описывал свое впечатление от образа: «Рост Богородицы исполинский, как и все Ее дела на Руси. Она стоит на золотом камне, в незыблемое основание всех притекающих к Ее защите.
Небесного цвета Ее хитон, червленый пояс, и на нем висит лентион, которым Она отирает столько слез. Лазуревые поручи на воздетых к небу руках.
Золотое покрывало опускается с Ее головы и перевешено в виде омофора на левое плечо, на знамение Ее покрова, ширшего облака, по гласу церковных песней.
Светла звезда горит на челе Богоматери и две звезды на раменах: ибо Она Сама, Матерь незаходимого Света, была для нас зарею незаходимого Солнца».
По киевскому преданию, стольный град не погибнет, пока простирает над ним руки Пресвятая Богородица на чудотворной Ея иконе «Нерушимая Стена». С этой иконой связано еще одно предание, еще более прославившее образ.
Старцу Гавриилу Спасо — Елеазаровского пустыни было видение большого города, в который ему необходимо было попасть. К городу вела широкая дорога, по которой шло много людей, не замечавших нависшего над ней великана.
Великан набрасывал на людей сеть и захватывал всех себе. Рядом же вдоль высокой до неба скалы вилась узкая довольно крутая тропинка, идти по которой решались немногие, но именно там великану не удавалось поймать сетью людей, так как мешала скала.
И вспомнил старец слова из акафиста Пресвятой Богородицы: «Радуйся, Царствия Нерушимая Стено…» и понял, чья сила защищает путников на этой тропинке. Свернул он на этот путь — сеть со свистом пролетела мимо, но ни разу даже не задела, отброшенная стеной, возведенной Богородицей.
Так и дошел старец до прекрасного города, а там… красота, свет, цветы, благоухание, все в благоговении и радости. И добрался он до самого Престола Великого Царя…
Считается, что прообразом иконы Божией Матери «Нерушимая Стена» является Влахернская икона, лик Пресвятой Богородицы на стене Влахернского храма в Константинополе.
В честь иконы в 2001 году был основан женский монастырь в городе Апшеронске. В Московском храме Петра и Павла есть почитаемый список чудотворного образа. Икона Божией Матери «Нерушимая Стена» пребывает также в храме Рождества Богородицы, в часовне кафедрального собора Калининграда.
Молитвенная традиция: Перед иконой молятся об исцелении, о помощи, о защите своих родных и друзей от невзгод и бед, об ограждении от всякого зла и тяжких обстояний, о сохранении града и дома, о защите и заступничестве Пресвятой Богородицы в любом правом деле, о придании сил в борьбе за него.
Само название святого образа говорит о том, что Пресвятая Богородица является Покровительницей, Защитницей и Заступницей. Перед иконой «Нерушимая Стена» молятся о защите жилища и его жителей, о их неприкосновенности, о сохранности жилища во время длительного путешествия.
Икона Божией Матери «Нерушимая Стена» считается главной покровительницей солдат и воинов, защищающих Отечество от врагов, поэтому перед ней молятся о ниспослании помощи перед серьезными сражениями.
Молятся Пресвятой Богородице пред иконой «Нерушимая Стена» о семейном счастии и благополучии, о сохранности семьи, при семейных разногласиях, чтобы умиротворила спорящих и враждующих.
Согласно православной традиции, икона Божией Матери «Нерушимая Стена» размещается обыно напротив входной двери. Считается, что такое размещение святого образа защищает жилище от людей со злыми помыслами. Расположение иконы над входной дверью помогает для защиты от недугов и сглазов. Следует помнить, что важнее всего во всех случаях все-таки вера и молитва.
Празднование: в Неделю Всех святых .
АКАФИСТ ПРЕСВЯТОЙ БОГОРОДИЦЕ В ЧЕСТЬ ИКОНЫ ЕЯ «НЕРУШИМАЯ СТЕНА»
Тропарь, глас 4
Яко нерушимую стену и всемощный покров стяжахом Тя, раби Твои, Владычице Богородице, мрак грехов и скорбей отгоняющую. Темже вопием Ти: мир мирови даруй и душам нашим свет и спасение.
Кондак, глас 8
Взбранной Воеводе победительная, яко избавльшеся от злых, благодарственная восписуем Ти раби Твои, Богородице; но яко имущая державу непобедимую, от всяких нас бед свободи, да зовем Ти: радуйся, Невесто Неневестная.
Кондак 1
Избранней от всех родов Божией Матери и Царице, пред пречистым Ея образом, «Нерушимая Стена» именуемым, благодарственное хвалебное пение приносим Ти, Благодатная. Ты же, яко имущая силу непостижимую и любовь несказанную, от всех нас бед и скорбей сохрани, да зовем Ти: Радуйся, Богородице, Стено Нерушимая, Заступнице наша и утешение.
Икос 1
Ангел предстатель послан бысть от Бога к Тебе, Пречистая, благовестити Тебе радость всемирную, яко зачнеши от Духа Свята во утробе Твоей Бога Слова, Спасителя мира. Мы же, ведуще исполнение сего благовещения, веруем, яко Господь Тебе, Преблагословенная, яви Стеною Нерушимою и ограждением нас от всякаго греха, бед и напастей. Сего ради ублажаем Тя, Богородице, и радостно вопием:
Радуйся, яко Господь с Тобою и Тобою с нами.
Радуйся, яко в Кане Галилейстей Предстательницею к Сыну Твоему о людех явилася еси.
Радуйся, яко омофором Твоим, ширшим облака, верных покрываеши.
Радуйся, яко лентием Твоим слезы страждущих отираеши.
Радуйся, яко руце Твои во ограждение нас от всякия скверны воздеваеши.
Радуйся, яко по глаголу Твоему ныне и присно ублажаешися.
Радуйся, Богородице, Стено Нерушимая, Заступнице наша и утешение.
Кондак 2
Провидяще пророцы умными очесы своими благодатное явление Твое, Рождество во плоти от Тебе Сына Божия провозвестиша, да вси сбытие пророческих вещаний познавше, благоговейно взывают к Богу: Аллилуиа.
Икос 2
Разум благопросвещен имеющи, Иаков, Моисей, Давид и вся пророцы в словесех, видениих и сониих чудное Рождество Твое и тайну Приснодевства Твоего изобразиша. Мы же, всю силу пророческих вещаний разумети не могуще, из глубины верующих сердец наших с любовию воспеваем Ти:
Радуйся, лествице высокая, землю с Небом соединившая.
Радуйся, Бога, на земле явльшагося, во чреве Твоем понесшая и яко неопалимая купина нетленною пребывшая.
Радуйся, светоносный облаче, из негоже всех Владыка, яко дождь на руно, на землю сниде.
Радуйся, живоносный источниче, алчбу и жажду вечныя правды в людех возгревающая.
Радуйся, Христа — Манну жизни, во чрево Свое вместившая и души наша Хлебом безсмертия насыщающая.
Радуйся, чудный жезле, цветами добродетелей верных украшающая.
Радуйся, Богородице, Стено Нерушимая, Заступнице наша и утешение.
Кондак 3
Сила Вышняго осени Тя, Пречистая, соделавши Тя Матерью Господа, и по Рождестве Твоем обильно пребывает в Тебе, Богомати. Радующеся таковому Божию благоволению, к Тебе бывшему, вси, восхваляюще Спасителя мира, вопием Ему радостно: Аллилуиа.
Икос 3
Имущи благодать Божию преизобильно в Себе, Ты, Пренепорочная, все житие Твое благим попечениям о Сыне Твоем и Господе отдала еси, вся глаголы Его соблюдающи в сердце Твоем. Мы же, грешнии, скорбное житие Твое на земли воспоминающе, ублажаем Тя похвалы таковыми:
Радуйся, Владыку вселенныя во убозем вертепе родившая.
Радуйся, во Египет от беззаконнаго Ирода с Сыном Твоим бежавшая.
Радуйся, Отрока Сына Своего с великою скорбию во Иерусалиме во дни Пасхи искавшая.
Радуйся, ненависть и зависть от врагов Его скорбным сердцем созерцавшая.
Радуйся, страдания и смерть на Кресте Сына Твоего видевшая и материнским сердцем Ему сраспинающаяся.
Радуйся, во Иоанне Богослове сына Себе по глаголу Иисуса обретшая.
Радуйся, Богородице, Стено Нерушимая, Заступнице наша и утешение.
Кондак 4
Бурею нашествия иноплеменников егда многократно бысть страна наша Русская испытуема, тогда отцы наши взываху о помощи ко Пресвятей Деве Богородице. Та же, яко Стена Нерушимая и крепкое забрало, предстательством Своим у Престола Сына Своего и Бога, силу и крепость на враги людем русским дарова, и сии вся полчища вражеския от пределов русских изгнаша. Сего ради, восхваляюще Богоматерь, радостно воспеваем Господу: Аллилуиа.
Икос 4
Слышит и знает мир весь, яко Пресвятая Богородица мужество в сердцах русских людей возжигает, и силу на подвиги и защиту отечества, боримаго от иноплеменников, подает, и помощь Свою благодатную посылает всему воинству русскому. Исповедующе таковую веру нашу и чудесное заступление Царицы Небесныя во дни бранных нашествий на землю нашу, тако воспеваем Благодатней:
Радуйся, народу русскому на враги поможение.
Радуйся, земли нашей благодатное охранение.
Радуйся, вождей и воинства нашего тайное вразумление и умудрение.
Радуйся, ненавистников рода человеческаго посрамление.
Радуйся, пламень вражды разжигающих грозная Наказательнице.
Радуйся, всех пекущихся о мире всего мира необоримая Помощнице.
Радуйся, Богородице, Стено Нерушимая, Заступнице наша и утешение.
Кондак 5
Боготечная звезда явилася еси, Присноблаженная, всем блуждающим во тьме страстей и пороков, Твоим бо вразумлением множество тяжких грешников от беззаконных дел отвращаются и к Богу с покаянием прибегают, вопиюще Ему: Аллилуиа.
Икос 5
Видящи Премилосердая Владычица многия христианы, во власть греха и скверны сатаною исхищенныя, по неизреченней любви к роду человеческому на помощь им предваряет, от пути погибельнаго отвращает и на путь спасения наставляет. Темже радующеся дивному милосердию Царицы Небесныя, вси вернии глаголют сице:
Радуйся, путь спасения всем нам показующая.
Радуйся, от гордости и гнева сердца наша очищающая.
Радуйся, чревоугодником и пияницам строгое вразумление.
Радуйся, ленивым и безвольным крепкое побуждение.
Радуйся, живущих блудно к покаянию приводящая.
Радуйся, грешников, к Тебе с верою прибегающих, скорое исправление.
Радуйся, Богородице, Стено Нерушимая, Заступнице наша и утешение.
Кондак 6
Проповедницы быша чудес, от Твоих икон явленных, благочестивии отцы наши, Тобою, Богородице, спасеннии и от бед и напастей избавленнии. Темже благодаряще Бога, таковую Благую Заступницу роду человеческому даровавшаго, немолчными усты воспеваем Ему: Аллилуиа.
Икос 6
Возсия свет неизреченный Твоея благости, Благословенная, всем скорбящим, плачущим, и всем нам, во искушении сущим: наша бо слезныя молитвы слышащи, подаеши нам, Богородице, чудесное от бед избавление. Обаче не имеюще словес достойных восхваляти Тя за милости Твоя ко всем, грешными усты восклицаем Ти во умилении тако:
Радуйся, скорби и слезы наша в радость претворяющая.
Радуйся, изнемогающим во искушениях Милосердная Помощнице.
Радуйся, домы наша от огня и иных разрушений спасающая.
Радуйся, от татей и злых людей верныя ограждающая.
Радуйся, клеветы и козни врагов наших разрушающая.
Радуйся, страх смерти и внезапныя кончины в душах наших побеждающая.
Радуйся, Богородице, Стено Нерушимая, Заступнице наша и утешение.
Кондак 7
Хотя Всемилостивый Господь явити Свою Божественную любовь к нам, недостойным, дарова нам Твою, Богомати, икону, «Стена Нерушимая» именуемую, да видящи чудеса, от святыя иконы Твоея бывшая, вси людие с верою и надеждою умиленно взывают Источнику чудес Господу: Аллилуиа.
Икос 7
Новое свидетельство присущия всегда Тебе, Пречистая, благодати и чудесныя силы показа нам Создатель, егда дивный образ Твой, на алтарней стене древняго Софийскаго собора во граде Киеве изображенный, девять веков неврежден сохрани, полчища бо поганых врагов веры Православныя не дерзнуша повредити образ сей благодатный, силою Твоею охраняемый. Воистину и нам, грешным и скорбным, Стеною Нерушимою явися святая икона сия, подвизающи возглашати Тебе:
Радуйся, в хитон, сияющий светом небесным облеченная.
Радуйся, воздеянием рук Твоих пречистых непрестанную молитву о всем мире являющая.
Радуйся, яко честнаго образа Твоего и долгота веков не повреди.
Радуйся, яко образ сей и по нашествии силы вражия во всей своей лепоте пребывает.
Радуйся, яко образом сим сердца молящихся благоговейно умиляются.
Радуйся, яко благодатная сила, сему образу Твоему присущая, бесы устрашает.
Радуйся, Богородице, Стено Нерушимая, Заступнице наша и утешение.
Кондак 8
Странно есть неверующим слышати, яко Ты, Богомати, о младенцех особое попечение имаши. Мы же, воспоминающе слова Господа нашего, рекшаго: «Оставите детей приходити ко Мне, таковых бо есть Царствие Божие», с твердою верою исповедуем, яко Ты, Пресвятая Дево, любовию Своею охраняеши младенцев и их матерей, и вопием Сыну Твоему: Аллилуиа.
Икос 8
Всем сердцем Твоим, Царице мира, всякое Божие создание любящи, о всех к Сыну Твоему молитвы возносиши, яко Мати по плоти Сына Божия, нетесно вмещающи в душе Твоей скорби и труды матерей. Сего ради, яко Матери Богомладенца Иисуса, воспеваем Ти:
Радуйся, верная Помощнице и прибежище матерей детородящих.
Радуйся, покрове и крепосте младенцев.
Радуйся, материнския скорби утоляющая.
Радуйся, всяк возраст младенческий сохраняющая.
Радуйся, благочестивых матерей в воспитании детей Благая Наставнице.
Радуйся, младенцев безпомощных в болезни Целительнице.
Радуйся, Богородице, Стено Нерушимая, Заступнице наша и утешение.
Кондак 9
Всякое естество Ангельское и человеческое воспевает приснодевственную чистоту Твою, Пренепорочная, сего ради почитаем Тя, яко неусыпную Попечительницу непорочности дев, чистоты вдовиц, целомудрия юношей; и всяк возраст людей вверяем Тебе, да сохраниши их в святости, воспевающих Сыну Твоему: Аллилуиа.
Икос 9
Вития суемудреннии не могут в сердце своем вместити истину Твоего, Богородице, Приснодевства. Мы же, верующе в силу непостижимыя тайны, с благоговением восхваляем Тя сице:
Радуйся, яко красныя и светлыя доброты Твоея возжела Жених, краснейший паче всех сынов человеческих.
Радуйся, яко сей Жених девство и рождество в Тебе сочета.
Радуйся, премудрая Наставнице непорочнаго девства.
Радуйся, вдовиц благочестивых в безбрачии соблюдающая.
Радуйся, чистых дев и вдовиц работати во славу Христа на благо ближних наставляющая.
Радуйся, иноком и инокиням на пути целомудрия споспешствующая.
Радуйся, Богородице, Стено Нерушимая, Заступнице наша и утешение.
Кондак 10
Спасти хотящи люди Своя от падений греховных, Ты, Владычице, неусыпно святость честнаго брака охраняеши и пребывающим во браце указуеши хранити заповеди Господни: дети своя в Бозе назидати и к делом милосердия приучати. Благодаряще Бога, даровавшаго нам таковую мудрую Наставницу, от всего сердца поем Ему: Аллилуиа.
Икос 10
Стена еси и Хранительница христианских семейств благочестивых, Пресвятая Дево, наставляющи брачную жизнь яко иго благое приимати и верность друг ко другу до кончины хранити. Сего ради и мы, радующеся Твоему попечению о добрем христианстем супружестве, тако с умилением Тебе глаголем:
Радуйся, честный брак благословляющая.
Радуйся, по учению Христа и апостолов жити супругов наставляющая.
Радуйся, живущим в супружестве любовь и единомыслие в сердца влагающая.
Радуйся, семейныя узы охраняющая.
Радуйся, домашния Церкве благая Попечительнице.
Радуйся, нарушителей супружеския верности грозная Обличительнице.
Радуйся, Богородице, Стено Нерушимая, Заступнице наша и утешение.
Кондак 11
Пение всеумиленное приносит Ти, Преблагословенная, весь род христианский, всесильную Молитвенницу за весь мир Тя ведяще. Ты же, Богородице, и юных молитвы приемлеши, и моления немощных старцев и стариц не презираеши, юных на добрыя дела ко спасению наставляеши, старцем же о скором их преселении в жизнь вечную напоминаеши. Сего ради, моляще Господа о даровании всем нам памяти смертныя, взываем Ему: Аллилуиа.
Икос 11
Светилом светозарным нам, во тьме греховной жизнии блуждающим, учение Христа Спасителя о жизни будущаго века является. Ты же, Всемилостивая, в сердцах наших благодатное желание от грехов покаянием очиститися и добрыми делами жизнь свою украсити возгреваеши. Радующеся Твоему о нас попечению, о еже получити нам вечное спасение, со слезами умиления взываем Ти:
Радуйся, изрядную любовь к старцем немощным являющая.
Радуйся, верным людем, хотящим житие свое во благочестии скончати, Всеблагая Помощнице.
Радуйся, престарелых родителей, чадами своими оставленных, под кров Свой честный приемлющая.
Радуйся, таковых жестоких чад, небрегущих о родителех своих, грозная Наказательнице.
Радуйся, о страшнем Втором Христовом пришествии всем нам напоминающая.
Радуйся, о душах преставльшихся верных рабов Божиих Молитвеннице теплая.
Радуйся, Богородице, Стено Нерушимая, Заступнице наша и утешение.
Кондак 12
Благодать Божественная явно пребывает в Твоей чудотворней иконе, достойно и праведно во утешение наше «Стеною Нерушимою» именуемою. Пред сею иконою радости и печали своя изливающе, молим Тя, Мати Господа нашего Иисуса Христа: не остави нас Своим заступлением, да благодарно о Тебе взываем Господу: Аллилуиа.
Икос 12
Поюще Твое всесильное предстательство за мир весь, воспоминающе чудеса, явленная Тобою чрез святую икону Твою «Стена Нерушимая», молим Тя, Заступнице усердная: буди стране нашей непрестанная Помощница, умоли Сына Твоего, вся моления Твоя исполняющаго, мир мирови даровати, да вси благодарно восхваляют Тя сице:
Радуйся, явлением Сына Своего и Его Воскресением обрадованная.
Радуйся, во Успении Твоем душу Твою радостно в руце Его предавшая.
Радуйся, пастырей добрых на их крестнем пути укрепляющая.
Радуйся, проводящих иноческую жизнь незримое поможение.
Радуйся, (храм сей и) молящихся (в нем) благодатию Своею охраняющая.
Радуйся, отечеству нашему неизменный Покрове и Стено Нерушимая.
Радуйся, Богородице, Стено Нерушимая, Заступнице наша и утешение.
Кондак 13
О Всепетая Мати Господа нашего Иисуса Христа, приими ныне сие малое моление, огради нас от грехов и всякия скверны, избави от находящих на нас бед и нужд, сохрани от уныния и отчаяния, клеветы человеческия, болезней нестерпимых, да молитвами Твоими ставше на путь спасения вечнаго, благодарно воспоем Сыну Твоему: Аллилуиа.
(Этот кондак читается трижды, затем икос 1 и кондак 1)
Молитва
О Благодатная Владычице наша Богородице Приснодево, приими от нас сие благодарственное хвалебное пение и вознеси ко Творцу и Зиждителю нашему теплыя молитвы Твоя о нас недостойных, да простит Он, Милосердый, нам вся грехи наша, помыслы лукавыя и нечистыя, дела скверныя. О Госпоже Пресвятая, умилосердися на ны и низпосли дар по коегожде потребе: болящия исцели, скорбящия утеши, заблуждшия вразуми, охрани младенцы, воспитай и научи юныя, ободри и настави мужи и жены, поддержи и согрей старыя, буди нам и зде, и в жизни вечней Стена Нерушимая, избави от всяких бед и напастей и от вечнаго мучения, да всегда воспевающе Твою материнскую любовь, восхваляем всем сердцем Сына Твоего, со Отцем Его и Святым Духом, во веки веков. Аминь.
