Ватопедская икона Божией Матери Отрада или Утешение, «Парамифия» находится на Афоне в Ватопедском монастыре, построенном в царствование Константина Великого (305-337 гг), в храме Благовещения Пресвятой Богородицы, в приделе ее имени, в стенной нише у правого клироса.
Именно здесь совершалось пострижение вновь поступающих в число братии обители. Каждый день перед иконой служится по особой рукописи молебен Пресвятой Богородице, раз в неделю совершается Божественная литургия.
По преданию, в 395 году на пути из Рима в Константинополь во время шторма упал в море с корабля царевич Аркадий, сын Феодосия Великого. Сильнейший шторм настиг корабль подле острова Имвро, что находится неподалеку от Святой горы Афон. Огромные волны кидали корабль словно щепку и несли к скалистым берегам.
Когда в очередной раз корабль сильно накренился, царевича смыло за борт. Смерть царевича в бушующей морской пучине казалась неминуемой. Корабль с большим трудом пристал к берегу у горы Афон, где находится монастырь. Все были в глубоком горе, полагая, что царевич погиб.
Поиски охваченных ужасом от случившегося слуг и спутников царевича, пытавшихся найти хотя бы тело погибшего царевича, были долгими и безуспешными. Уставшие и безутешные, убитые горем, они возвращались на корабль.
Вдруг, случайно подойдя к одному из прибрежных кустов, увидели там… спокойно спавшего царевича. Проснувшись, Аркадий поведал о своем чудесном избавлении от погибели заступничеством Пресвятой Богородицы, к Которой успел воззвать в последнюю секунду жизни. Поэтому монастырь с той поры называется Ватопед, то есть куст отрока по- гречески.
Император Феодосий в память об избавлении своего сына от погибели распорядился расширить монастырь. На берегу, где был найден спасенный царевич, был воздвигнут храм. Примечательно, что алтарь храма располагается на том самом месте, где лежал спящий Аркадий. На освящение храма приезжал сам царевич Аркадий с Константинопольским патриархом Нектарием.
Ватопедская икона Божией Матери Отрада или Утешение, написанная в знак чудесного заступничества Пресвятой Девы и прозванная так по названию монастыря, размещена в приделе, посвященном Ее имени, и почитается как чудотворная. Лицо Богоматери на сей иконе выражает сострадательную любовь, взор Ее дышит кротостью и милосердием, лик же Предвечного Младенца строг.
Чудотворения: Существует еще одно сказание о заступничестве Божией Матери. В 807 году шайка разбойников подступила к афонской горе с намерением поутру ограбить монастырь, один из самых богатых по тем временам, и перебить иноков. Только что закончилась утренняя служба, и монахи разошлись по своим кельям для кратковременного отдыха.
В храме остался только игумен монастыря, склонившийся в глубокой молитве перед образом Пресвятой Богородицы. Хранительница святой горы Афон с иконы обратила Свое лицо к стоявшему на молитве игумену монастыря и предупредила его об опасности.
Нападение это было попущено Господом за грехи братии. Игумен предпринял меры предосторожности, и монастырь был спасен. Предупрежденные о беде монахи сумели отразить нападение. Но икона обновилась, запечатлев момент заступления Богоматери за род человеческий, в лице монахов обители.
Богомладенец на иконе как бы закрывает уста Богородицы. Символическое значение этого жеста заключается в том, что только Бог может быть вершителем человеческих судеб, а Божия Матерь молитвенной заступницей за грешный род людской перед Его Ликом.
В память этого чудесного события перед чудотворной иконой горит неугасимая лампада, и с тех пор Ватопедская икона Божией Матери называется также «Отрада» или «Утешение» или «Отрада и Утешение».
Существует много списков чудотворной иконы, очень полюбившейся православному народу. И Ватопедская икона Божией Матери Отрада или Утешение продолжает изливать благодать и чудотворения и в наши дни. 3 февраля 1997 года, в день празднования иконе «Отрада или Утешение», заплакал список образа в Киккском монастыре на Кипре.
А дело было так. Послушник обители Стиллианос молился ночью перед святым образом. Бдруг он увидел, как из очей Пресвятой Богородицы и правого ока Спасителя потекли слезы. Изумленный увиденным, послушник потерял на время дар речи. А на следующий день весь Кипр покрылся снегом, впервые за 40 лет.
Глава Кипрской Православной Церкви архиепископ Хризостом с прихожанами совершил крестный ход вокруг Киккоса, святой обители на вершине горы Троодос, где пребывает чтимая икона Божией Матери «Умиление» (Киккская). (Православный мир. 1997 год, №2)
Ватопедская икона Божией Матери Отрада или Утешение очень почитается и в России. Во многих городах имеются списки этого образа, некоторые и сами прославились чудотворениями. Так чтимый список с иконы, выполненный на горе Афон, находился в Петербурге в Троицком соборе Александро-Невской Лавры.
Также имелся чудотворный список в Спасо-Иаковлевском Димитриевом монастыре близ Ростова Великого. Это была келейная икона святителя Димитрия Ростовского, Ватопедская икона Божией Матери Отрада или Утешение, утерянная в годы советской власти.
В августе 1997 года Димитриевский монастырь посетил Святейший Патриарх Московский и Всея Руси Алексий II в сопровождении митрополита Крутицкого и Коломенского Ювеналия с торжественной миссией. Ватопедская икона Божией Матери Отрада или Утешение (один из чудотворных ее списков) возвращалась в монастырь.
В честь этого знаменательного события в обители был установлено празднование «Возвращение чудотворной келейной святителя Димитрия Ватопедской иконы Божией Матери» — 25 августа.
Молитвенная традиция: Перед иконой молятся об избавлении от скорби и печали, в надежде получить утешение, а также об избавлении от недугов телесных. Возносят молитвы о прощении грехов, об отвращении праведного гнева Божия, об утешении после кончины родных и близких.
Празднование: 21 января / 3 февраля
Акафист Пресвятой Богородице в честь иконы Ее «Отрада или Утешение»
Тропарь, глас 4
Яко покров благодатный и спасительный стяжахом честную Твою икону, Богородице; на сию убо со умилением взирающе, Тебе вопием: Владычице, низпосли отраду и утешение, на Тя упование возлагаем, грешнии и смиреннии, на Твое предстательство надеемся, недостойнии, ускори нас избавити от бед и скорбей и умоли Сына Твоего, Христа Бога нашего, помиловати и спасти души наша.
Кондак, глас 8
Взбранной Воеводе победительная, яко избавльшеся от злых, благодарственная восписуем Ти раби Твои, Богородице, но яко имущая державу непобедимую от всяких нас бед свободи, да зовем Ти: радуйся, Невесто Неневестная.
Кондак 1
Взбранной Воеводе победительная, яко избавльшеся от злых, благодарственная восписуем Ти раби Твои, Богородице, но яко имущая державу непобедимую от всяких нас бед и скорбей свободи, да зовем Ти: Радуйся, Радосте наша, отраду и утешение верным дарующая.
Икос 1
Ангел множество и вся Небесныя воинства славят Тебе, Матерь всех Богородицу, яко источаеши радости и утешения сердцам человеков в скорби обретающихся. Темже и мы печальми обремененнии, надежду спасения в Тебе улучивше, умиленно взываем:
Радуйся, матернее к нам грешным благоволение.
Радуйся, прибегающих к Тебе крепкое заступление.
Радуйся, Божественныя благости Подательнице.
Радуйся, христианскаго рода Заступнице.
Радуйся, яко Тебе вся колена земная Материю Божиею исповедуют.
Радуйся, яко Твоими молитвами скорби наша утишаются.
Радуйся, яко Твоим ходатайством прошения благая наша исполняются.
Радуйся, благодать и милость иконами Твоими нам являющая.
Радуйся, мир от потопа греховнаго спасающая.
Радуйся, яко молящиися Тебе от всякаго зла сохраняются.
Радуйся, яко Твоя честныя иконы чудесами прославляются.
Радуйся, Радосте наша, отраду и утешение верным дарующая.
Кондак 2
Видя чудес множество от честных икон Твоих изливающихся и разумеюще, яко Ты еси молящихся Благая Помощница, обидимых Заступница, ненадеющихся надежда, скорбных Отрада и Утешение, болящих исцеление, труждающихся помощь, благодарственно вопием о Тебе Богу: Аллилуиа.
Икос 2
Разум подаждь нам, Всеусердная Предстательнице наша, в находящих на нас лютых скорбех к Тебе прибегати, утешения ищущи. Ты же, яко Благая, не остави нас во всякой требуемой нам помощи, да таковую получивше, взываем Тебе радостно:
Радуйся, обуреваемых тихое пристанище.
Радуйся, сумнящихся известное утверждение.
Радуйся, скорая Помощнице в скорбех и напастех.
Радуйся, теплая Заступнице во всяких обстояниях.
Радуйся, печали наша Твоим утешением умаляющая.
Радуйся, скорбями грехи наша очищающая.
Радуйся, в страданиях наших утешение нам подающая.
Радуйся, от внезапныя смерти, без покаяния, молящихся Тебе избавляющая.
Радуйся, от враг видимых и невидимых нас охраняющая.
Радуйся, от нападения злых человек спасающая.
Радуйся, во всяких нуждах прибегающим к Тебе помогающая.
Радуйся, Радосте наша, отраду и утешение верным дарующая.
Кондак 3
Силою свыше укрепи нас, Благая Владычице, к Твоему заступлению с верою притекающих и Твоего посещения и промышления сподоби, мрак уныния и скорбей, облежащих нас отгоняя, да спасаеми Тобою вопием Богу: Аллилуиа.
Икос 3
Имущи богатство милосердия неизреченное, всем просящим руку помощи простираеши, недуги врачуя, скорби утоляя, страсти угашая. Не презри нас, Благая Владычице, в печалех и скорбех наших к Тебе притекающих и вопиющих:
Радуйся, единая всех Мати, милосердие нам являющая.
Радуйся, милости Своея сокровищницу всем открывающая.
Радуйся, родителей скорбящих о чадех своих заблуждших печаль утоляющая.
Радуйся, вдовствующих подкрепляющая.
Радуйся, сиротствующих добре устрояющая.
Радуйся, всех скорбящих утешение.
Радуйся, отчаявающихся едина Надеждо.
Радуйся, изнемогающих от уныния Заступнице и подкрепление.
Радуйся, болящих телом и душею благонадежное посещение.
Радуйся, различными недугами одержимых премудрое уврачевание.
Радуйся, яко Тобою по мере веры подается совершенное исцеление немощствующим.
Радуйся, Радосте наша, отраду и утешение верным дарующая.
Кондак 4
Буря многих бед и напастей обдержит нас и волнения их в мире терпим; Ты же, яко Милостивая Мати Спаса нашего Господа, воздвигни руце к Сыну Твоему, да призрит на лютыя скорби сердец наших и исхитит нас из пучины отчаяния, вопиющих Ему: Аллилуиа.
Икос 4
Слышащи, Пресвятая Дево и Мати, яко являла и являеши многую милость роду христианскому: не остави нас во дни скорби и напасти и избавление от сих даруй, молим Тя, сохрани и заступи всех нас от всякия беды и печали, да в мире воспеваем Ти сице:
Радуйся, Заступнице наша, Твоим всемощным заступлением от всякия нужды нас избавляющая.
Радуйся, усердное моление ко Господу о нас приносящая.
Радуйся, Своим предстательством праведный гнев Божий утоляющая.
Радуйся, на милость Его к нам приклоняющая.
Радуйся, Твоею помощию уповающих на Тя не оставляющая.
Радуйся, добре подвизающихся укрепляющая.
Радуйся, на благое и душеполезное нас наставляющая.
Радуйся, души обремененныя заботами житейскими к попечению духовному направляющая.
Радуйся, всех верных благое мздовоздаяние.
Радуйся, в нерадении о душе своей живущих на путь спасения наставляющая.
Радуйся, в пленении и во узах сущих подкрепление и возвращение.
Радуйся, Радосте наша, отраду и утешение верным дарующая.
Кондак 5
Богосветлыя чины ангельския славят Тебе, яко Матерь всех и Богородицу. Мы же Тебе, Заступнице нашей, покланяющеся, умиленное благоговение приносим и, уповающи на Твою милость, смиренно молим Тя: милостива пребуди к нам, Владычице, и избави нас от бед и скорбей, да всегда прославляем Твое милосердие, зовуще Богу: Аллилуиа.
Икос 5
Видеша Силы Небесныя, яко Твоею молитвою гнев Божий утоляется, прославляют и величают Твое милосердие. Мы же, грешнии, на земли зряще Тебе, на иконе изображенную Пречистую Богоматерь, умиленно взываем:
Радуйся, Мати рода христианскаго, милосердие нам являющая.
Радуйся, у Престола Сына Твоего непрестанно за ны молящаяся.
Радуйся, любовию Своею грехи наша покрывающая.
Радуйся, Твоею милостию нас заступающая.
Радуйся, источник отрады и утешения всем источающая.
Радуйся, от междоусобия и распри нас охраняющая.
Радуйся, вражду и ненависть миром и любовию утоляющая.
Радуйся, скорбь и смущение сердец наших умиляющая.
Радуйся, гневливостию одержимых вразумляющая.
Радуйся, в мире со всеми живущих Отрада и Утешение.
Радуйся, суетная прелести мира сего презирати нас научающая.
Радуйся, Радосте наша, отраду и утешение верным дарующая.
Кондак 6
Проповедуют милости и чудеса Твоя, Богомати, вси концы вселенныя, ибо честным Своим покровом сохраняеши весь род христианский. Темже вопием Ти: избави Твоими молитвами всех нас от бед и напастей, да воспоим вси Богу: Аллилуиа.
Икос 6
Возсия благодать светозарная от пречудных икон Твоих, Богомати, пред нимиже припадающе, молим Тя: отжени облак нашедших на нас искушений, да вопием Ти:
Радуйся, честныя иконы Твоя чудесы прославляющая.
Радуйся, молящимся пред сими иконами с верою прошения исполняющая.
Радуйся, в бедах сущих заступающая.
Радуйся, уповающим на Тя спасение подающая.
Радуйся, Предстательнице пред Богом, за всех нас молящаяся.
Радуйся, Заступнице рода христианскаго, от Бога нам дарованная.
Радуйся, храмов наших первейшее украшение.
Радуйся, домов христианских благословение.
Радуйся, православных людей покров и заступление.
Радуйся, всего мира очищение.
Радуйся, вся благополезная просящим у Тебе подающая.
Радуйся, Радосте наша, отраду и утешение верным дарующая.
Кондак 7
Хотящи явити милосердия Своего бездну, повелела еси, Пречистая, игумену обители Ватопедския врат обители их не отверзати, да избегнут Твоим ходатайством, по суду Божию, предстоящаго нападения вражескаго, и тако избавльшеся милостию Твоею беды и напасти, вси иноцы воспеша Богу: Аллилуиа.
Икос 7
Дивное чудо явилаеси, Богомати, яко не токмо иноком спасение от святыя иконы Своея изрекла еси, но и зрак лика Твоего пречистаго, сущий на иконе, изменила еси. Сего ради, видевше чудо сие велие и преславное, вси людие возопиша Ти:
Радуйся, святыя иконы Твоя на земли во спасение всем явити благоизволившая.
Радуйся, иконами Твоими милосердное нам заступление являющая.
Радуйся, чрез святыя изображения Твоя чудеса и ныне источающая.
Радуйся, ими наша скорби и печали утоляющая.
Радуйся, яко на икону Твою взирающе, Тебе Самей покланяемся.
Радуйся, яко Твоим милостивым заступлением мы, грешнии, спасаемся.
Радуйся, Твоими святыми иконами град наш освятившая.
Радуйся, теми сердца верующих возвеселившая.
Радуйся, грады и веси русския Своими чудотворными иконами от разорения спасшая.
Радуйся, страну нашу от порабощения многажды избавлявшая.
Радуйся, утешением и радостию молящихся пред Твоею честною иконою возвеселяющая.
Радуйся, Радосте наша, отраду и утешение верным дарующая.
Кондак 8
Странники и пришельцы есмы на земли, по глаголу апостолову: беды от врагов, скорби от ближних, печали от лжебратии и сродник терпяще, в лишениях многих. Ты же, Владычице, яко Милостивая Утешительнице, настави нас к тихому пристанищу и моли Сына Твоего утешение и радость нам даровати, да всегда вопием Ему: Аллилуиа.
Икос 8
Все житие наше на земли болезненно и печали бывает причастно: слава не стоит, богатство мимотечет, друзи и искреннии смертию отъемлются, немощствует тело, изнемогает и дух наш. К Тебе убо прибегаем, о Богомати, пред пречистою иконою Твоею припадающе: исполни радости и утешения скорбная сердца наша, да вопием Ти:
Радуйся, всех к Тебе прибегающих милостию Своею покрывающая.
Радуйся, Милостивая, нас милующая.
Радуйся, Домостроительнице, житие наше добре устрояющая.
Радуйся, отрадою и утешением печали наша утоляющая.
Радуйся, с Сыном Твоим и Богом вечно царствующая.
Радуйся, Ему о нас моления всегда приносящая.
Радуйся, жестокость сердца нашего умягчающая.
Радуйся, отчаявшихся надеждою возвеселяющая.
Радуйся, Твоим заступлением враждующия на нас отводящая.
Радуйся, от козней духа злобы нас спасающая.
Радуйся, противу диавола силу и мужество подающая.
Радуйся, Радосте наша, отраду и утешение верным дарующая.
Кондак 9
Всякое естество ангельское видяще Тя, о Богомати, у Престола Сына Твоего предстоящую и за вся христианы молящуюся, восхваляет Тя: яко сильным Своим предстательством грешных заступаеши, прибегающих к Тебе от бед избавляеши, печали наша отрадою утоляеши и молишися о всех, с верою зовущих: Аллилуиа.
Икос 9
Витийство человеческое не возможет по достоянию восхвалити Тя, Пресвятая Богородице, и воспети неисчетныя чудеса Твоя, имиже нас просвещаеши. Мы же Твоя благодеяния ведуще, душею радующеся,Тебе глаголем:
Радуйся, от напастей Твоим предстательством нас защищающая.
Радуйся, от всяких бед Своим ходатайством нас изымающая.
Радуйся, от належащаго праведнаго прещения Божия Твоим заступлением нас свобождающая.
Радуйся, от нашествия вражия нас спасающая.
Радуйся, от домашния вражды и брани единокровных миром ограждающая.
Радуйся, от смертоносныя язвы прибегающих к Тебе с несумненною верою исцеляющая.
Радуйся, правосудие Божие умилостивляющая.
Радуйся, страны нашея православныя Защитнице.
Радуйся, всех христиан Благая Заступнице.
Радуйся, всех труждающихся помощь и укрепление.
Радуйся, теплая за всех нас Предстательнице.
Радуйся, Радосте наша, отраду и утешение верным дарующая.
Кондак 10
Спасти хотя род человеческий от вечныя муки и прелести вражия, Человеколюбец Господь Тебе, Матерь Свою, дарова земным во отраду и утешение: да будеши обидимым Заступница, отчаявающимся надежда, скорбящим радование, печальным утешение и всех в нуждах и напастех к Тебе прибегающих да спасеши, вопиющих верно: Аллилуиа.
Икос 10
Стена еси и заступление всем с верою и любовию притекающим к Тебе, Пречистая Владычице, темже молим Тя: заступи, покрый и огради всех сирых и безпомощных от искушений, озлоблений и бед, с любовию взывающих:
Радуйся, Мати Божия, любовию материнскою нас возлюбившая.
Радуйся, яко Твоя молитва много может Владыку умилостивляющи.
Радуйся, Милосердная, двери милосердия Божия нам отверзающая.
Радуйся, к делам милосердия нас возбуждающая.
Радуйся, святыя заповеди исполняти нас научающая.
Радуйся, любити своего ближняго нас наставляющая.
Радуйся, грешники к покаянию призывающая.
Радуйся, находящий на нас облак печалей и скорбей развевающая.
Радуйся, пламень страстей наших угашающая.
Радуйся, мрак искушений изгоняющая.
Радуйся, Твоим к Богу прошением вся полезная нам подающая.
Радуйся, Радосте наша, отраду и утешение верным дарующая.
Кондак 11
Пение всеумиленное приносим Ти раби Твои, Богородице, яко Всесильней Заступнице рода христианскаго: к Тебе бо в напастех и скорбех прибегаем и пред Тобою в бедах наших слезы проливаем, поюще Богу: Аллилуиа.
Икос 11
Светозарно сияют иконы Твои святыя, проявленныя на освящение наше и утешение. Мы же, с любовию чтуще их, с верою припадаем пред ними и вопием Ти:
Радуйся, Мати Бога Истиннаго, благочестивыя души просвещающая.
Радуйся, Утешительнице наша, обремененныя сердца умиряющая.
Радуйся, всем призывающим Тя руку помощи простирающая.
Радуйся, Материю Божиею Тя именующим и почитающим непрестанно помогающая.
Радуйся, уповающим на Тя и в вере живущим непостыдный конец живота подающая.
Радуйся, во внезапных бедах, на нас находящих, подкрепляющая.
Радуйся, от насилия и от внезапныя смерти охраняющая.
Радуйся, от татей ограждающая.
Радуйся, в сердцах наших зависть и небратолюбие искореняющая.
Радуйся, от наветов, клеветы и поношений защищающая.
Радуйся, отступающих от веры и Церкви вразумляющая и на путь правый возвращающая.
Радуйся, Радосте наша, отраду и утешение верным дарующая.
Кондак 12
Благодать Божественную испроси нам у Сына Твоего, Пречистая Богородительнице, простри нам руку помощи, покрый нас кровом крилу Твоею, избави от облежащия беды и напастей, отжени от нас всякаго врага и супостата, умири нашу жизнь, Владычице, и в печалех бедствующим помози, да, спасаеми Тобою, воспеваем Богу: Аллилуиа.
Икос 12
Поюще Твоя милости и чудеса, Богородительнице, хвалим Тя вси, яко твердую Предстательницу нашу, веруем и надеемся, яко испросиши благая временная и вечная всем воспевающим Тя сице:
Радуйся, непостыдное наше Упование в животе и по преставлении нашем.
Радуйся, уповающим на Тя мирен конец живота подающая.
Радуйся, всех верных благословляющая.
Радуйся, маловерных и суеверных вразумляющая.
Радуйся, непочитающих икон Твоих святых наказующая.
Радуйся, покланяющимся иконам Твоим и Тя на помощь призывающим помогающая.
Радуйся, гордостию ума одержимых и от Святыя Церкви отходящих смиряющая.
Радуйся, благами мира сего прельщающихся и попечение сугубое о них имущих светом блага истиннаго озаряющая.
Радуйся, в юности доброму и чистому житию Наставнице.
Радуйся, в старости от сердечнаго окаменения Охранительнице.
Радуйся, Радосте наша, отраду и утешение верным дарующая.
Кондак 13
О Всепетая и Всемилостивая Мати, Пречистая Госпоже Богородице! Услыши глас молящихся рабов Твоих и, приемши сие малое моление наше, избави нас от всяких бед, скорбей и напастей, подаждь нам руку помощи, враги наша разжени, недуги наша исцели, всякую злобу и вражду отжени от нас, в печалех житейских отраду и утешение даруй и будущия изми муки о Тебе вопиющих: Аллилуиа.
(Этот кондак читается трижды, затем икос 1 и кондак 1)
Молитва
Надежда всем концем земли, Пречистая Дево Богородице, Утешение и Отрадо наша! Не гнушайся нас, грешных, на Твою бо милость уповаем. Угаси пламень греховный и покаянием ороси изсохшия сердца наша. Очисти ум наш от греховных помышлений. Приими моления от души и сердца с воздыханием Тебе приносимыя. Буди Ходатаицею о нас к Сыну Твоему и Богу и отврати гнев Его от нас матерними молитвами. Укрепи в нас веру Православную, вложи в нас дух страха Божия, дух смирения, терпения и любви. Душевныя и телесныя язвы исцели, утиши бурю злых нападений вражиих. Отыми бремя грехов наших и не остави нас до конца погибнути. Подаждь нам милость Твою и святое благословение Свое и всегда пребывай с нами, подавая приходящим к Тебе отраду и утешение, помощь и заступление, да славим и величаем Тя вси до последняго нашего воздыхания. Аминь.
Как защиту благодатную и спасительную обрели мы почитаемую Твою икону, Богородица, и на нее со смирением взирая, к Тебе взываем: Владычица, ниспошли нам отраду и утешение, ибо на Тебя возлагаем надежду, грешные и смиренные. На Твою помощь надеемся недостойные. Поспеши нас избавить от бед и скорбей и умоли Сына Твоего, Христа Бога нашего, помиловать и спасти души наши .