Игумения Святой Горы Афон — так с давних времен именуют Пресвятую Богородицу. Святое предание связывает появление монашеских обителей на Святой Горе с особым покровительством Божией Матери. Согласно церковному преданию, по Сошествии Святого Духа в день Пятидесятницы Богоматери выпало по жребию проповедовать в Иверской земле (нынешняя Грузия), но, по промыслу Божиему, туда отправился апостол Андрей Первозванный.
Спасаясь от гонений, воздвигнутых иродом в Палестине, Божия Матерь вместе со святым апостолом Иоанном Богословом отправляется на остров Кипр к Лазарю, которого воскресил Иисус Христос. По пути, вследствие бури, они попали на Афонский полуостров, которому предуготовано было Господом стать уделом Пресвятой Богородицы, монашеской республикой, Великой Игуменией которой с той поры и стала Царица Небесная.
На том самом месте, где Божия Матерь высадилась на берег был основан Иверский монастырь. На протяжении многих веков непрерывно и неустанно возносится здесь к небу монашеская молитва. Уезжая с полуострова, Пресвятая Богородица молвила: «Благодать Божия да пребудет на месте сем и на пребывающих здесь с верою и благоговением и соблюдающих заповеди Сына и Бога Моего. Господь благословит изобильными плодами труды подвизающихся здесь, и жизнь небесная уготовится им, и не оскудеет милость Сына Моего от места сего до скончания века. Я же буду Заступница места сего и Ходатаица о нем пред Богом«.
И с этого времени, на Святом острове Афон установилось правило, согласно которому ни одна женщина, кроме Игумении Святой Горы Афон, не может ступать по этой земле. Женщины могут взирать на полуостров только с палубы корабля.
История образа: Сведения об истории образа Игумения Святой горы Афон достаточно противоречивы. считается, что написана икона во второй половине XIX века. Согласно архивам Угличского Алексеевского монастыря, архимандрит Иосиф, настоятель Русского Пантелеймонова монастыря на Афоне, уроженец Углича, передал в дар обители список иконы Игумения Святой горы Афон. Она и послужила в качестве исходного образа при написании иконы «Вратарница Угличская«, прославившейся позднее многими чудотворениями.
Иконография: Иконографический тип — Богоматерь Великая Панагия с добавлением элементов Покрова Пресвятой Богородицы. Выражена идея заступничества и покровительства Божией Матери. Пресвятая Богородица, Игумения Святой горы Афон, изображена одиночно, без Богомладенца в рост в монашеском одеянии с игуменским жезлом в левой руке, стоящей на уменьшенной копии горы Афон или на облаке. За головой Богоматери — лучащееся солнце.
На иконе Игумения Святой горы Афон второго типа, на которой Божия Матерь изображена стоящей на облаке, в архиерейской мантии (атрибут мужского священства) и благословляющей именословным перстосложением, не соблюдены каноны, но тем не менее эти иконы также распространены, как и первого извода.
Икона Игумения Святой горы Афон иногда называется Афонской иконой Божией Матери, но это не совсем корректно, так как Афонских икон, чудесно обретенных и прославленных здесь, великое множество. Обителей на Афоне ныне много, и каждая славится чудотворной иконой Божией Матери, а то и несколькими.
В Великой Лавре Афанасия Афонского особо почитают иконы Божией Матери «Кукузелисса» и «Экономисса«, в Ватопедском монастыре — Ватопедскую икону, называемую «Отрада или Утешение», «Пантанасса» (Всецарица), «Закланная», «Живоприятная», «Ктиторская«, «Елеоточивая», «Простреленная».
Главной святыней Свято-Андреевского скита стала икона Божией Матери «В скорбех и печалех Утешение«. При входе в Иверскую обитель висит Иверская икона Божией Матери, именуемая также Портаитисса или Вратарница. Она знаменита тем, что явилась в обитель по воде и сама избрала место своего нахождения.
Существует предание о словах Пресвятой Богородицы, сказанных после обретения образа преподобному Нилу Мироточивому: «Пока Моя икона в сей обители, благодать и милость Сына Моего к вам не оскудеет. Когда Я уйду из обители, тогда пусть каждый берет свои вещи и уходит, куда знает, не забывая о своих монашеских обетах«. Афонские монахи верят, что в последние времена икона покинет монастырь, после чего и они должны будут разойтись по свету.
Хиландарский монастырь славен иконами Божией Матери «Троеручица«, «Млекопитательница«, «Акафистная«, «Попская», «Вразумившая еклесиарха», «Не сгоревшая во время пожара»; монастырь Диосиниат — иконой «Похвала Богородицы«, сделанной из воска и мастики.
Монастырь Костамонит знаменит находящейся в нем иконой Пресвятой Богородицы «Предвозвестительница», а Зографский монастырь — иконой «Услышательница» и «Зографская Акафистная, Пантократор — иконой «Герондисса» (Старица), которая считается покровительницей пожилых людей.
В Дохиарском монастыре находится чудотворная икона Божией Матери «Скоропослушница«, а в соборном храме Покрова Пресвятой Богородицы Русского Пантелеймонова монастыря — Иерусалимская икона Божией Матери, в Карее в Успенском соборе — икона «Достойно есть«.
Игумения Святой горы Афон — это образ Пресвятой Богородицы, особо почитаемый на Афоне. Монахи на Афоне испрашивают благословение Божией Матери на совершение любых дел.
Молитвенная традиция: Перед иконой Божией Матери Игумения Святой горы Афон молятся о защите и покровительстве во всех сложных жизненных обстоятельствах, о помощи в пути и в болезнях.
АКАФИСТ Божией Матери — Игумении Святой Горы Афон
Тропарь, глас 3
Песни благодарственныя приносим Ти, Мати Божия, яко вся ны, в горе Твоей живущия, от злаго навета вражия присно избавляеши, и вся полезная нам даруеши: наследия же Царствия Небеснаго любящих Тя сподобляеши.
Кондак, глас 5
Кто не радуется, слыша обетования Твоя, Богомати? Кто ими не услаждается? Ты бо рекла еси, Богоневесто: добре зде житие свое скончавшия Сыну и Богу Моему представити имам, прощение согрешений тем испросивши. Темже умильно Тебе вопием: радуйся, надеждо и спасение душ наших.
Величание
Величаем Тя, Богородице Дево, и чтим Тя, яко Верховную Афона Правительницу, и нашу Благую Наставницу и Покровительницу.
Кондак 1
Избранной от всех родов Божией Матери и Царице, приявшей от Сына Своего и Бога в жребий Себе Гору Афонскую и давшей ю в вечное достояние православных иноков, похвальное сие возглашаем пение. Ты же, о Богомати, Заступнице сущи подвижников благочестия, спасай и избавляй от всяких бед, скорбей и напастей, и к Царствию Небесному руководи ны, духовная чада Твоя, умильно Тебе вопиющия: Радуйся, Верховная Афона Правительнице, и наша Наставнице и Покровительнице.
Икос 1
Ангелы святынею и чистотою превзошла еси, Пречистая, от юности ангельски поживши: темже ангелоподобнаго иноческаго чина изрядная Наставница и Покровительница явилася еси, путеводящи к Царствию Небесному рачителей девства и чистоты, от нихже достойно слышиши таковая:
Радуйся, начало и освящение девства.
Радуйся, светлейший образе целомудрия.
Радуйся, праведными родительми Твоими прежде зачатия на службу Богу обетованная.
Радуйся, от неплодных ложесн по благовестию Ангела рожденная.
Радуйся, в трилетнем возрасте в храм Божий введенная.
Радуйся, от руки Ангела небесною пищею воспитанная.
Радуйся, лествицею сочетавшихся в Тебе добродетелей на высоту духовнаго совершенства возшедшая.
Радуйся, образ богоугоднаго жития в молитвах, воздержании и послушании нам явившая.
Радуйся, первая в женах девство Свое Богу обещавшая и сие соблюдшая.
Радуйся, к водительству иночествующих свыше избранная и предуготованная.
Радуйся, в лице Иоанна девственника при Кресте Сына Твоего всех верных в сыновство приявшая.
Радуйся, наипаче чину иноческому, яко житию Твоему последующему, Благая Матерь явльшаяся.
Радуйся, Верховная Афона Правительнице, и наша Наставнице и Покровительнице.
Кондак 2
Светом Божиим, по вознесении на небеса Сына Твоего Христа Бога нашего, паде Тебе, Владычице, жребий Апостольскаго служения в земли Иверстей, извещением же ангельским откровенно Ти бысть, яко оный просветится в последния дни: Ты же потрудитися имаши в земли, юже Ти Бог изволит. Темже, яко Раба Господня, смиренно повинулася еси Того воли, образ нам подающи, да и мы всегда и во всем творим волю Создателя нашего, вопиюще Ему: Аллилуиа.
Икос 2
Разум Божественнаго промышления Своего о жребии Богоматере открывая, не к Кипру, но к Горе Афонстей путь Ея управи Господь, идеже проповедася Его Евангелие, и тако явися земный жребий Ея. Темже молимся: управи, Богомати, и наш путь к Небесному Отечествию, да Тебе, Наставнице нашей, хвалебно вопием:
Радуйся, Своим пришествие Афон освятившая.
Радуйся, веру истинную в нем насадившая.
Радуйся, в жребий Себе Гору сию от Бога приявшая.
Радуйся, милость Сына Твоего до скончания века месту сему обетовавшая.
Радуйся, благодати Его неотступней на месте сем быти предрекшая.
Радуйся, яко предречение сие доныне зрим делы исполняемо.
Радуйся, теплая Ходатаица о живущих в жребии Твоем.
Радуйся, всех врагов их устрашение.
Радуйся, обитающим зде земных благ Подательнице.
Радуйся, вечнаго их спасения Споручнице.
Радуйся, яко вси христоименитии людие жребий Твой почитают.
Радуйся, яко местом святым и раем монашеским той нарицают.
Радуйся, Верховная Афона Правительнице, и наша Наставнице и Покровительнице.
Кондак 3
Сила Вышняго, предстательством Богоматере, осени Святую Гору сию, и показа ю воистинну духовный вертоград, множество преподобных в недрех своих возрастивший, яко грозды зрелы и красны: темже и сотвори сию, яко тихое пристанище всем хотящим во иноческой жизни благоугождати Господеви и пети Ему: Аллилуиа.
Икос 3
Имущи промышление о жребии Своем, рекла еси, Владычице, в видении первому пустынножителю преподобному Петру: несть удобнейшаго места, еже послужити Богу, разве Гора Афонская, юже с любовию приях от Сына Моего и Бога, и имущим подвизатися зде буду Помощница и Заступница. Сего ради благодарственно вопием Ти:
Радуйся, обетование Свое о Горе сей исполнившая.
Радуйся, грады мирския, на ней бывшия, промыслительно упразднившая.
Радуйся, Гору Афонскую во владение иноков отдавшая.
Радуйся, свободу ей даровавшая.
Радуйся, основание Ватопедския обители царем Феодосием положившая.
Радуйся, усердием царицы Пульхерии Есфигменскую обитель создавшая.
Радуйся, царя Никифора на создание Афанасиевы Лавры подвигшая.
Радуйся, Иверскую обитель тщанием царей Иверских и вельможных иноков благолепно устроившая.
Радуйся, Ксиропотамскую обитель усердием царя Болгарскаго Петра воздвигшая.
Радуйся, трудами Саввы и Симеона Сербских, Хиландарскую обитель воздвигшая.
Радуйся, тщанием древних Русских князей обитель страстотерпца Пантелеимона обновившая.
Радуйся, ины многи разноплеменныя цари и вельможи православныя к созиданию обителей Афонских и благотворению онем подвигшая.
Радуйся, Верховная Афона Правительнице, и наша Наставнице и Покровительнице.
Кондак 4
Бурю искушения от иночествующих в жребии Твоем отвращая, невходен сей женам сотворила еси, Владычице, царице Плакидии таинственным гласом о сем возвестивши, егда та внити хотяше в храм обители Ватопедския. Сего ради издревле узаконися невходна быти женам Святая Гора, да подвизающиися зде на ней без соблазнов мирских пребывают, выну поюще Богу: Аллилуиа.
Икос 4
Являющи попечение велие о населении земнаго жребия Своего иночествующими, неповинно изгнанными из Египта, Сирии и Палестины, отцы чудесне зде вселила еси, Владычице, и тако умножися и возрасте сад Твой духовный, от негоже плод мног Богу принесеся – велий Собор преподобных Афонских; к ним же и нас, Богомати, сопричти, вопиющих Ти хвалебно:
Радуйся, в пустынех Египта, Сирии и Палестины, подвижником благочестия возсияти помогшая.
Радуйся, ученики отцев онех в Гору Афонскую чудесне преселившая.
Радуйся, иноком, от градов многих иконоборцы изгнанным, вселение в Горе сей даровавшая.
Радуйся, чин иноческий умножившая и книжное богатство со святыми мощами собравшая.
Радуйся, Гору Афонскую со множеством пустынножительных келлий, яко едину обитель дивну сотворшая.
Радуйся, возградитися зде великим и малым обителем благоволившая.
Радуйся, православнаго подвижничества виды многообразны на Горе сей уставившая.
Радуйся, житие зде обитающих уставы иноческими твердо оградившая.
Радуйся, Петра пустыннолюбиваго светлый образ отшельником показавшая.
Радуйся, Афанасия богомудраго наставника общежитию даровавшая.
Радуйся, Афону иноческому грех ради наших, от неверных срацин опустошену иногда быти попустившая.
Радуйся, паки по сем, во исполнение обетования Своего, множеством иноков оный населившая.
Радуйся, Верховная Афона Правительнице, и наша Наставнице и Покровительнице.
Кондак 5
Светильник светлый показася, Владычице, земный Твой жребий, вселенную всю духовно просвещающий и моленьми иноков согревающий, еже благочестивый Император Алексий Комнин в послании своем ко Отцем Афонским, по внушению Твоему, премудро изобрази: темже вси о Тебе хвалебно вопием Богу: Аллилуиа.
Икос 5
Матернее промышление о насельницех святаго жребия Твоего уверяя, явилася еси, Богомати, преподобному Афанасию, скудостию потребных смущенному, того увещавая не оставляти созидаемыя обители, и обещаяся Сама быти тоя Икономиссою: во уверение же сего повелела еси ему жезлом ударити камень, из негоже абие источник чудесне истече, иже и до ныне источает воду живу и целебну, яко верен свидетель Твоего на месте том явления. Сего ради хвалебно Тебе вопием:
Радуйся, источником сим источник Твоих нам благодеяний показавшая.
Радуйся, двукратным Твоим преподобному Афанасию явлением незримое Твое нас посещение уверившая.
Радуйся, Лавры Афанасиевой Икономиссою неизменно пребывающая.
Радуйся, вся обители иноческия попечением Своим не оставляющая.
Радуйся, в обители Иверстей вино, муку и елей чудесне умножившая.
Радуйся, в обители Костамонитстей сосуд елея и вся хранилища всеми потребами невидимо снабдившая.
Радуйся, в обители Ватопедстей оскудевший сосуд елея до произлития наполнившая.
Радуйся, в Пантократорстей обители умножение елея такожде сотворившая.
Радуйся, в Филофейстей обители экклисиарха некоего, в роптании о скудости потребных вразумившая.
Радуйся, возвестившая тому, яко невозможно есть обители быти попечения Твоего кроме.
Радуйся, в годину трудных обстояний о насущных к житию нашему потребах дивно промышляющая.
Радуйся, о коемждо зде подвизающемся любвеобильное попечение Свое являющая.
Радуйся, Верховная Афона Правительнице, и наша Наставнице и Покровительнице.
Кондак 6
Проповедница милостей и благодеяний Твоих насельником Святыя Горы явися чудотворная Твоя, Богомати, икона, «Скоропослушница» Тобою нареченная, пред неюже трапезаря Нила за небрежение разслаблением наказала еси и паки, покаяния ради, прощение и исцеление тому даровала еси, возвестивши купно с сим волю Твою, да прибегают к Тебе иноцы во всех своих нуждах, обетовавши исполняти благочестивая прошения не токмо иноков, но и всех православных христиан, верно вопиющих Сыну Твоему: Аллилуиа.
Икос 6
Кий язык исповесть величие чудес Твоих, о Владычице, яже сотворила и твориши насельником земнаго жребия Твоего? Светолучную бо икону Твою, чудесно по морю из Никеи пришедшую, обители Иверстей вдала еси и волю Твою открыла еси, яко хощеши быти Вратарницею обители их и Хранительницею всех живущих в Горе сей. Темже хвалебно Тебе воспеваем:
Радуйся, повелевшая преподобному Гавриилу в море снити и прияти святую икону Твою.
Радуйся, сотворившая ему немокренно шествие по водам, яко по суху.
Радуйся, иконе Твоей в малем храме при вратех обители пребывати благоволившая.
Радуйся, приятием звания Вратарницы образ смирения нам показавшая.
Радуйся, в пребывании святыя иконы Твоея знамение благодати и милости Сына Твоего утвердившая.
Радуйся, обещавшаяся быти Хранительницею нашею в настоящем и будущем веце.
Радуйся, ратники амиры агарянскаго с корабли в море потопившая.
Радуйся, таковым чудом обитель Иверскую от разорения спасшая.
Радуйся, икону Твою «Сладкое лобзание», из Царя-града во Афон чудесно по морю представившая и обители Филофейстей вдавшая.
Радуйся, неподвижностию сея иконы во время крестных хождений на брезе морстем люди в пианстве обличившая и вразумившая.
Радуйся, татя, похитившаго с сея иконы златицы, чудесне на море с кораблем удержавшая.
Радуйся, сим знамением поучение к хранению церковнаго достояния нам подавшая.
Радуйся, Верховная Афона Правительнице, и наша Наставнице и Покровительнице.
Кондак 7
Хотящим иногда зломудрым латиняном внезапу на Святую Гору наити и вся иноки во свою ересь обратити, Предвозвестительницею тех нашествия явилася еси, Владычице: от иконы бо Твоея святыя, во обители Зографстей сущия, старцу некоему, в пустынней келлии «Радуйся» Тебе воспевавшему, чудесным гласом сие возвестила еси. Темже мнози преподобнии помощию Твоею лютая мучения, благочестия ради, от злочестивых доблественно претерпеша и венцы победы от Христа восприяша, поюще Ему: Аллилуиа.
Икос 7
Новое знамение попечения Своего о насельницех земнаго жребия Твоего, Владычице, являеши от иконы Твоея «Отрада и Утешение», яко игумену обители Ватопедския чудесным гласом повелела еси не отверзати врат монастырских, но взойти на стены и отгнати разбойники, хотевшия иноков погубити и достояние обители расхитити. Темже смиренно молим Тя, Пречистая: не остави помощию Твоею во всех бедах и обстояниях и нас, вопиющих Ти сице:
Радуйся, с высоты небесныя весь род христианский назирающая.
Радуйся, злыя враги наша в коварстве их запинающая.
Радуйся, кару Божию от глав наших отводящая.
Радуйся, Сына Твоего Христа Бога нашего на милость к нам преклоняющая.
Радуйся, о внезапно находящих на нас вразех во благовремении возвещающая.
Радуйся, от убиения и напрасныя смерти избавляющая.
Радуйся, преподобномучеником Афонским посрамити лесть латинскую и мученическую кончину прияти помогшая.
Радуйся, трусом земным и Ксиропотамския обители падением суемудрых папистов устрашившая и с Афона удалившая.
Радуйся, чистоту Православия в жребии Твоем яко зеницу ока соблюдающая.
Радуйся, ересем и расколом укрепитися зде не попускающая.
Радуйся, жребий Твой треволнением мирским непричастен содевающая.
Радуйся, в годину великих окрест браней в мире и тишине сей сохраняющая.
Радуйся, Верховная Афона Правительнице, и наша Наставнице и Покровительнице.
Кондак 8
Незримое Твое, Владычице, о нас попечение яве показати хотяще, явилася еси в день Благовещения во обители Ватопедстей, идеже преподобный Косма Зографский узре Тя в подобии Госпожи, властительно в храме и трапезе повеления различная всем сказующи. Темже благоговейно сие явление воспоминающе, и впредь не лишити нас матерняго Твоего попечения просяще, поем Богу: Аллилуиа.
Икос 8
Благоволением Рождшагося от Тебе, Игумения и Правительница чину иноческому явилася еси, о Пресвятая Дево: темже жезл игуменский во обители Хиландарстей прияти изволила еси, возвестивши о сем единому от братий, и Троеручную Свою икону чудесне поставивши на игуменстем месте, тем мир водворивши. Темже и мы, послушницы Твои, вручаем себе Твоему водительству и попечению и хвалебно вопием:
Радуйся, первая в мире Инокиня, не по чину внешния жизни, но по духу, от младенческих пелен на службу Богу посвященная.
Радуйся, благоволением Всевышняго девство и рождество чудесне в Себе сочетавшая.
Радуйся, обитель Саввы преподобнаго приятием звания неизменныя Игумении почетшая.
Радуйся, всеми насельники земнаго Твоего жребия яко Верховная Игумения почитаемая.
Радуйся, старцем Парфением Игумениею Лавры Печерския нареченная.
Радуйся, и Серафимом преподобным Игумениею Дивеевския обители наименованная.
Радуйся, благодатным внушением многия из мира в иноческое житие и в земный Свой жребий приводящая.
Радуйся, всем хотящим иночествовати место вселения и образ жития, душевному их устроению приличный, указующая.
Радуйся, от всех племен православных, иночествовати хотящих, в жребий Свой любезно приемлющая.
Радуйся, всем зде живущим на сроднем своем языце службу Богу приносити благоволившая.
Радуйся, отсечением за благочестие руку Иоанна Дамаскина, пред иконою Твоею слезно молившагося, чудесне исцелившая.
Радуйся, благодарственное пение от него приявшая.
Радуйся, Верховная Афона Правительнице, и наша Наставнице и Покровительнице.
Кондак 9
Спасение многих устрояющая, благоволила еси, Владычице, Антония преподобнаго в земный Свой жребий призвати и, обучивши того иноческим подвигом, в новопросвещенное тогда отечество его, землю Русскую, во град Киев послати, идеже он помощию Твоею насади новый духовный вертоград, в немже множество преподобных, с Феодосием дивным, просияша и великому Собору преподобных Афонских сопричтошася, яко духовно от того порожденнии. Не лиши убо, Богомати, и нас части онех отец, да с ними в Небеснем Царствии вечно воспеваем Богу: Аллилуиа.
Икос 9
Любовь велию христианскому роду являющи, чрез Архангела Гавриила возвестила еси чудесную Твою песнь «Достойно есть». Темже молим Тя, Пречистая: сподоби нас, недостойных, и в сем и будущем веце сию радостно взывати:
Радуйся, достойно воспеваемая от Архангел и Ангел.
Радуйся, ублажаемая от всех Небесных Сил.
Радуйся, смиреннаго послушника Афонскаго посещения Архангельскаго удостоившая.
Радуйся, благовестником Твоим песнь небесную нам возвестившая.
Радуйся, яко песнь сия повсюду верными воспевается.
Радуйся, яко ею всяк пол и возраст духовно утешается.
Радуйся, икону Твою, пред неюже воспе Тя Архангел, доныне целу сохраншая.
Радуйся, икону сию и подобия ея во мнозех местех чудесы дивными прославльшая.
Радуйся, память чудесе сего на всякое лето иноком Афонским литиею обновляющая.
Радуйся, любовным в ней великих и малых обителей единением согласию и смирению нас научающая.
Радуйся, житие наше добре и Богоугодне устрояющая.
Радуйся, вся благая и полезная нам дарующая.
Радуйся, Верховная Афона Правительнице, и наша Наставнице и Покровительнице.
Кондак 10
Спасению верных и вразумлению неверных пособствуеши, жребий Твой непоколебим оплот Православия и твердыню иночества соделала еси, Владычице. Темже струю просвещения духовнаго отсюду во вся концы мира источаеши, подвизая вся верныя и не устнами токмо, но и житием добродетельным выну пети Богу: Аллилуиа.
Икос 10
Новое знамение промышления Своего о спасении нашем духовном и окормлении являющи, Владычице, чудесным гласом от иконы Твоея святыя рекла еси к изображенному с Тобою Богомладенцу Иисусу: «Сыне и Боже Мой, научи раба Твоего Косму, како ему спастися». Господь же абие отвеща: «В безмолвии да послужит Ми». Темже смиренно молим Тя, Богомати: умоли Христа Бога, да наставит на путь спасения и нас, взывающих Ти сице:
Радуйся, молитву угодника Твоего Космы скоро услышавшая.
Радуйся, и наша усердная моления не отвергающая.
Радуйся, на стезю спасения и духовнаго преспеяния нас руководящая.
Радуйся, к уединенной жизни вожделевающихся приводящая.
Радуйся, во отшельничестве подвизающимся благодатная Собеседница, духовное веселие в сердца их изливающая.
Радуйся, в жребии Твоем и повсюду благочестно живущая матернею Твоею любовию объемлющая.
Радуйся, Косме Зографскому и иным отцем подвиг пустыннаго безмолвия совершити помогшая.
Радуйся, Григорию Паламе со светоносными мужи явльшаяся и о нуждах его пещися тем повелевшая.
Радуйся, Максима Кавсокаливита явлением Своим облагодатствовавшая.
Радуйся, дар непрестанной молитвы и умиления сердечнаго тому даровавшая.
Радуйся, Симону преподобному в борьбе с искушениями помогшая.
Радуйся, обитель Рождества Христова на камени создати тому повелевшая.
Радуйся, Верховная Афона Правительнице, и наша Наставнице и Покровительнице.
Кондак 11
Пение наше смиренное не довлеет к изъявлению Твоего, Владычице, лику иноческому благоволения, наипаче же к подвизающимся в земном жребии Твоем, идеже (в Лавре Афанасия преподобнаго) видена была еси иноком Матфием, дары Твоя, яко сребренники и златицы подающая, усердных молитв ради предстоящих со страхом во храме и вопиющих Богу: Аллилуиа.
Икос 11
Светом небесным осиянну узре Тя, Владычице, Марк преподобный на холме грани Афона в чудней красоте и Царственней славе, на престоле превознесенном, сонмом Ангел и преподобных Афонских окружаему и боголепно воспеваему, яко Царицу и Госпожу всяческих. Темже, Богомати Пречистая, якоже тогда жребий Твой осенила еси, тако и ныне огради нас от всех искушений, от мира и диавола находящих, да зовем Ти хвалебно:
Радуйся, Архангелов и Ангелов Царице.
Радуйся, горних и дольних Владычице.
Радуйся, преподобнаго Марка чуднаго Своего явления сподобившая.
Радуйся, Назирательницею Афона и стражем неусыпным Себе показавшая.
Радуйся, яко подвизаеши с Собою на защищение наше сонмы безплотных и соборы преподобных.
Радуйся, яко купно с ними предстательствуеши о нас пред Сыном Твоим и Богом.
Радуйся, яко осенением Твоим небесным ограждаеши нас от соблазнов мирских.
Радуйся, яко укрепляеши нас в подвизех поста, целомудрия и молитвы.
Радуйся, яко во уверение будущаго по смерти за подвиги воздаяния, певцы Твоя Григория и Иоанна в соннем дремании златицами вознаградила еси.
Радуйся, яко златицам тем, воистину Тобою данным, силу чудодействия даровала еси.
Радуйся, яко чудесных Твоих знамений, во благо наше содеянных, невозможно исчислити.
Радуйся, яко не толико чувственно и видимо, елико благодатно и незримо помощь Твою нам являеши.
Радуйся, Верховная Афона Правительнице, и наша Наставнице и Покровительнице.
Кондак 12
Благодати Божия, обильно изливающияся насельником земнаго жребия Твоего от чудотворных Твоих, Богомати, икон не лишени суть и Русския зде обители: ова имущая иконы «Иерусалимскую» и «Избавительницу», овы же – «Млекопетательницу» и «В скорбех и печалех Утешение», ихже яко залог Твоего к нам благоволения имуще, прославляем милосердый промысл Твой и о Молдовлахийстей обители, ейже «Самоизобразившийся» Твой образ даровала еси, егоже ради евреяныня некая от смерти избавися и крещение святое восприя, вопиющи Рождшемуся от Тебе Христу Богу: Аллилуиа.
Икос 12
Поюще дивное чудо, яко Твоим, Богомати, промышлением во обители Ватопедстей пред сокрытою в кладязе иконою Твоею и честным Крестом возжженная свеща седмьдесят лет неугасима соблюдеся, прославляем и иныя знамения, во спасение наше и в утоление житейских нужд в Горе Афонстей и всюду Тобою содеянныяе, темже и взываем:
Радуйся, благодатными лучами чудотворных икон Гору сию озаряющая.
Радуйся, подобиями их дары многообразных благодеяний во всем мире источающая.
Радуйся, двадесяти великих обителей Афонских Промыслительнице и Хранительнице.
Радуйся, знамение Твоего попечения в сих проявившая.
Радуйся, скитския и келейныя обители, яко Твоего вертограда насаждения, покровом Твоим сохраняющая.
Радуйся, отшельническая жилища, Тобою любимая, попечением Своим не оставляющая.
Радуйся, в обительских послушаниих и своея воли отсечениих труждающихся присная Помощнице и Утешительнице.
Радуйся, во отшельничестве живущих и своему спасению внемлющих благая Вразумительнице и Наставнице.
Радуйся, экклисиарха некоего, в примраке недовольства лик Твой уязвившаго, разслаблением наказавшая и паки исцеление тому даровавшая.
Радуйся, иерея дерзостнаго, за прикосновение к крови, на иконе Твоей запекшейся, в научение наше смертию наказавшая.
Радуйся, наказания ради и вразумления иноков, Афону пострадати от воев царя Турскаго попустившая.
Радуйся, заступлением Императора всея России жребий Твой от разорения сохранившая и благоденствие ему даровавшая.
Радуйся, Верховная Афона Правительнице, и наша Наставнице и Покровительнице.
Кондак 13
О Всепетая Мати, девство и рождество чудесне в Себе сочетавшая и девственная ликостояния присно веселящая! Приими милостивно сие молебное пение и хваление наше: и якоже кокош собирает под крилу птенцы своя и покрывает их, тако и всех нас от всех бед покрый, Владычице, и собери в Небесный град, да тамо со всеми святыми Троице Святей воспеваем во веки: Аллилуиа.
(Этот кондак читается трижды, затем икос 1 и кондак 1)
Молитва
О Едина Пречистая и Пресвятая Владычице Богородице, палато Духа Святаго, всемогущая Заступнице и Ходатаице рода христианскаго! Не отрини мене недостойнаго, грехми душу и тело осквернившаго, очисти ум мой от помышлений суетных, углебающих в пагубе мира сего прелестнаго. Укроти моя страсти и избави мя от грех моих. Подаждь же бодрость и рассуждение уму моему помраченному, да заповедей Божиих делатель искусен явлюся. Огнем любве Божественныя воспламени оледеневшее сердце мое. Паче же Тя молю, Благая Мати, якоже Максиму Кавсокаливиту, испроси и мне непрестанныя молитвы дарование, да пребудет сия во мне потоком, от зноя страстей и скорбей находящих прохлаждающим и наполняющим, да стяжав мир сердечный помощию Твоею и очистився от скверн греховных покаянием слезным, сподоблюся в будущем веце радости и блаженства причастник быти всех преподобных отец Афонских и всех святых от века Богу благоугодивших. Аминь.
